Genesis 48
48
Ne Jacob Wahshakoiaʼtaté꞉rihste Ne Só꞉se Raonekenhteronʼtsheraʼshón꞉ʼahs
1Shontóhetste kí꞉ken ne Só꞉se wahonwahró꞉ri, “Iaʼníha rononhwáktani.” Sók kiʼ iahshakoiaʼténhawe tehniiáhse shakoioʼokón꞉ʼa, ne ne Manasseh tánon ne Ephraim. 2Nó꞉nen ne Jacob shahonwahró꞉ri, “Eʼtshièn꞉ʼa Só꞉se tahiatkenʼsére,” wahateʼshatstenhseratié꞉nite tánon wahanitskó꞉ten ne raonaktà꞉ke. 3Tánon ne Jacob wahawènhahse ne Só꞉se, “Ne Rawenni꞉io Roʼshatstenhserowá꞉nen wahakatotáhshiáʼse ne Luz nón꞉we ne tsi tionhontsá꞉ien ne Canaan tánon wahatiaʼtaté꞉rihsteʼ, 4tánon wahakènhahse, ‘Ne enkoniónnien ne wé꞉so aesawiraién꞉taʼne tánon nahswatsirowáhnha; enkontiohkó꞉wanahte, tánon entekhé꞉ion kíʼ kén꞉ʼen ionhontsá꞉ien tsi ienhsatwatsí꞉rine ne nahonawenkhón꞉weke tsi nèn꞉we.’ 5Eʼthó katiʼ ne tehniiáhse sheioʼokón꞉ʼa, ne shenakerátston tsi ionhontsá꞉ien ne Egypt ne nohén꞉ton tsi tehsí꞉teron ne Egypt shiahá꞉ke, ó꞉nenh kiʼ í꞉ʼi akhwá꞉tsire ronatón꞉ʼon; ne Ephraim tánon ne Manasseh kwáh kiʼ Í꞉i kheioʼokón꞉ʼahs enkénhake, kwáh kiʼ tsi ní꞉ioht ne Reuben tánon ne Simeon. 6Tókaʼ shé꞉kon ó꞉ia aesanekenhteronʼtsheraièn꞉take, ne kiʼ enhontenà꞉tonhkwe iáh í꞉ʼi tekheioʼokón꞉ʼa; nenhotiientahtsheraièn꞉taʼne Ephraim tánon Manasseh nón꞉we nèntewe. 7Aseʼkénh shaʼtontá꞉ke ne Paddan, ne Rachel, waʼkénheie tsi iohontsá꞉ien ne Canaan ne shaʼtontaiákene, tsi shé꞉kon kwáh kenʼ niió꞉re tkén꞉ne ne Ephrath; tánon tho nón꞉we naʼtiaʼtata tsi nieiothahí꞉non ne Ephrath” (ó꞉nen Bethlehem ísken).
8Ne nó꞉nen ne Israel sahshakó꞉ken ne Só꞉se raonekenhteronʼtsheraʼshón꞉ʼa, wahén꞉ron, “Ónhka neʼ kí꞉kenʼs?” 9Ne Só꞉se wahawènhahse ne roʼníha, “Í꞉i kheioʼokón꞉ʼa, ronnónha ne Rawenni꞉io rakewirá꞉wi ne kenh nón꞉we.” Tánon ne Jacob wahén꞉ron, “Ákta nontasheiaʼténhaf, ahsathón꞉tate, ne naón꞉ton akheiaʼtaté꞉rihste.” 10Ó꞉nen ne Israel iáh teshakahrí꞉io só꞉tsi ó꞉nen thó꞉ion. Sók kiʼ ne Só꞉se raiaʼtákta ne roʼníha niahshakoiaʼténhawe; tánon waʼtehshakonoronhkwánion tánon iaʼthanèntshehste iahshakohnià꞉sa. 11NʼIsrael wahawènhahse ne Só꞉se, “Iáh tewakehrhá꞉rehkwe nakonkónhsaken; tánon kén꞉ʼen ne Rawenni꞉io wahakeríhon nakhé꞉ken ó꞉ni ne sheioʼokón꞉ʼa.” 12Eʼthó꞉ne ne Só꞉se sahshakotskwahrá꞉ko ne roʼníha rakwitshà꞉ke, tánon ne ráonha waʼthatshá꞉kete ohontsà꞉ke iaʼtehaká꞉nere. 13Ne Só꞉se tehnitsá꞉ron iahshakoiaʼténhawe, ne Ephraim shaweientehtáhkwen nonkwá꞉ti ronentshawá꞉kon ne ne shanekwá꞉ti nonkwá꞉ti ne Israel, tánon ne Manasseh shanekwá꞉ti neʼ nonkwá꞉ti ronentshawá꞉kon ne shaweientehtáhkwen nonkwá꞉ti ne Israel, tánon raiaʼtákta niahshakoiaʼténhawe. 14Ók ne Israel iaʼthanèntshehste ne shaweientehtáhkwen tánon thóh waʼthahtsaʼnà꞉ren ne Ephraim ranontsì꞉ne, ne ne kenʼnithoión꞉ha, tánon ne shanekwá꞉ti nahanèntshati Manasseh ranontsì꞉ne waʼthahtsaʼná꞉saren, kwáh kiʼ tehonentshá꞉sere, aseʼkénh Manasseh ne thotierénhton rawennakerá꞉ton. 15Wahoiaʼtaté꞉rihste ne Só꞉se, tánon wahén꞉ron,
“Ne Rawenni꞉io ráonha ne tió꞉konte raotihén꞉ton í꞉re ne ne khehsothokonʼkénhen ne ne Abraham tánon ne Isaac,
Ne Rawenni꞉io ráonha tió꞉konte sihakeʼnikonhrarátieʼs kwáh tsi nikarí꞉wes shikónhnhe tánon shé꞉kon nón꞉wa wenhniserá꞉te,
16Ne raronhiaʼkehró꞉non ráonha ne shatiaʼtákwen tsi nonkwá nakwé꞉kon tsi naiohtónhake ne karihwahetkénhtshera, sheiaʼtaté꞉rihst kí꞉ken ratiksaʼokón꞉ʼa;
tánon ronnonhá꞉ke nón꞉we nakhsèn꞉na iaiotkontáhkwen, ó꞉ni ne raotihsennaʼshón꞉ʼa ne khehsothokonʼkénhen Abraham tánon Isaac;
tánon sheríhon nahontehiá꞉ron ne nahonatiohkowáhnha tsi ionhwentsá꞉te.”
17Nó꞉nen ne Só꞉se sahatkáhtho nétho roʼníha ne shaweientehtáhkwen waʼthohtsaʼnà꞉ren ranontsì꞉ne ne Ephraim, wá꞉rehre nenʼ ne ʼeh iáh kiʼ tetkarihwaié꞉ri; sók kiʼ iahhohtsà꞉na ne roʼníha, ne ne taonsahohtsaʼnahrá꞉ko ne Ephraim ranontsì꞉ne tánon Manasseh ranontsì꞉ne taonsahohtsaʼnà꞉ren. 18Ne Só꞉se wahawènhahse ne roʼníha, “Iáh tho té꞉ioht, rákeni! Aseʼkénh ne kí꞉ken thotierénhton rawennakerá꞉ton, tetshanihsnonhsá꞉ren ne sehseweientehtáhkwen.”
19Ók iáh tehothontá꞉ton ne roʼníha, tánon wahén꞉ron, “Wakaterièn꞉tare; konién꞉ʼa, wakaterièn꞉tare; enhotiohkwaièn꞉take, tánon tsi enhronkweʼtowá꞉nenke, ók kiʼ sá꞉ne ne roʼkén꞉ʼa sénha kiʼ ráonha enhahsennowá꞉nenke tsi ní꞉ioht ne ráonha, tánon tsi nienhathwatsí꞉rine tenhonawèn꞉ro tsi nenhonatióhkwaske.” 20Katíʼ wahshakoiaʼtaté꞉rihste ne wenhniserá꞉tehkwe, ratónnions,
“Ne Israerʼró꞉nons kwáh sewahsèn꞉naʼs énhontste nó꞉nen enhonhtsatate ne kaiaʼtateríhtsheraʼs nónhkaʼk akorihwá꞉ke, kwáh enhonní꞉ron,
‘Ne Rawenni꞉io aiá꞉wenʼs tho nahiateraʼswiióhsten tsi kiʼ ní꞉ioht ne Ephraim tánon ne Manasseh.’”
Sók kiʼ Ephraim ohén꞉ton sahaón꞉ni tsi ní꞉ioht ne Manasseh.
21Eʼthó꞉ne ne Israel wahawènhahse ne Só꞉se, “Ó꞉nen thó꞉ha akíheie, ók kiʼ ensenikwekónhake ne Rawenni꞉io tánon ó꞉ni iensiaiaʼténhawe tsi nón꞉we thóh nonhontsá꞉ien ne shasottsheraʼokonkén꞉ʼen. 22Ó꞉nenh kiʼ énska sénha í꞉si nón꞉we naʼkón꞉ion tsi ní꞉ioht ne sewatateʼkoʼokón꞉ʼahs ne ne tsi ionontakarèn꞉re ne Shechem ne tsi nikhéhkwen ne Amorʼró꞉nons ne nakaʼshareʼkó꞉wa tánon akaʼèn꞉na wakátston.”
Currently Selected:
Genesis 48: MHK
Highlight
Share
Copy
Want to have your highlights saved across all your devices? Sign up or sign in
Matthew, Mark, Luke, and John were translated by Sosé Onasakenrat and published by the Montreal auxiliary of the British and Foreign Bible Society in 1880. The text of these books is in the public domain.
The text of the following books is copyright © Kanien’kehá:ka Aotióhkwa Tehatiwennaténie’s Kahiatonhseratokénhti (Mohawk Bible Translation Team): 2 Corinthians (2001), Jonah (2002), Ruth (2005), Daniel (2005), Esther (2006), and Proverbs (2007).
All other text is copyright © Harvey Satewas Gabriel, 2023.
Genesis 48
48
Ne Jacob Wahshakoiaʼtaté꞉rihste Ne Só꞉se Raonekenhteronʼtsheraʼshón꞉ʼahs
1Shontóhetste kí꞉ken ne Só꞉se wahonwahró꞉ri, “Iaʼníha rononhwáktani.” Sók kiʼ iahshakoiaʼténhawe tehniiáhse shakoioʼokón꞉ʼa, ne ne Manasseh tánon ne Ephraim. 2Nó꞉nen ne Jacob shahonwahró꞉ri, “Eʼtshièn꞉ʼa Só꞉se tahiatkenʼsére,” wahateʼshatstenhseratié꞉nite tánon wahanitskó꞉ten ne raonaktà꞉ke. 3Tánon ne Jacob wahawènhahse ne Só꞉se, “Ne Rawenni꞉io Roʼshatstenhserowá꞉nen wahakatotáhshiáʼse ne Luz nón꞉we ne tsi tionhontsá꞉ien ne Canaan tánon wahatiaʼtaté꞉rihsteʼ, 4tánon wahakènhahse, ‘Ne enkoniónnien ne wé꞉so aesawiraién꞉taʼne tánon nahswatsirowáhnha; enkontiohkó꞉wanahte, tánon entekhé꞉ion kíʼ kén꞉ʼen ionhontsá꞉ien tsi ienhsatwatsí꞉rine ne nahonawenkhón꞉weke tsi nèn꞉we.’ 5Eʼthó katiʼ ne tehniiáhse sheioʼokón꞉ʼa, ne shenakerátston tsi ionhontsá꞉ien ne Egypt ne nohén꞉ton tsi tehsí꞉teron ne Egypt shiahá꞉ke, ó꞉nenh kiʼ í꞉ʼi akhwá꞉tsire ronatón꞉ʼon; ne Ephraim tánon ne Manasseh kwáh kiʼ Í꞉i kheioʼokón꞉ʼahs enkénhake, kwáh kiʼ tsi ní꞉ioht ne Reuben tánon ne Simeon. 6Tókaʼ shé꞉kon ó꞉ia aesanekenhteronʼtsheraièn꞉take, ne kiʼ enhontenà꞉tonhkwe iáh í꞉ʼi tekheioʼokón꞉ʼa; nenhotiientahtsheraièn꞉taʼne Ephraim tánon Manasseh nón꞉we nèntewe. 7Aseʼkénh shaʼtontá꞉ke ne Paddan, ne Rachel, waʼkénheie tsi iohontsá꞉ien ne Canaan ne shaʼtontaiákene, tsi shé꞉kon kwáh kenʼ niió꞉re tkén꞉ne ne Ephrath; tánon tho nón꞉we naʼtiaʼtata tsi nieiothahí꞉non ne Ephrath” (ó꞉nen Bethlehem ísken).
8Ne nó꞉nen ne Israel sahshakó꞉ken ne Só꞉se raonekenhteronʼtsheraʼshón꞉ʼa, wahén꞉ron, “Ónhka neʼ kí꞉kenʼs?” 9Ne Só꞉se wahawènhahse ne roʼníha, “Í꞉i kheioʼokón꞉ʼa, ronnónha ne Rawenni꞉io rakewirá꞉wi ne kenh nón꞉we.” Tánon ne Jacob wahén꞉ron, “Ákta nontasheiaʼténhaf, ahsathón꞉tate, ne naón꞉ton akheiaʼtaté꞉rihste.” 10Ó꞉nen ne Israel iáh teshakahrí꞉io só꞉tsi ó꞉nen thó꞉ion. Sók kiʼ ne Só꞉se raiaʼtákta ne roʼníha niahshakoiaʼténhawe; tánon waʼtehshakonoronhkwánion tánon iaʼthanèntshehste iahshakohnià꞉sa. 11NʼIsrael wahawènhahse ne Só꞉se, “Iáh tewakehrhá꞉rehkwe nakonkónhsaken; tánon kén꞉ʼen ne Rawenni꞉io wahakeríhon nakhé꞉ken ó꞉ni ne sheioʼokón꞉ʼa.” 12Eʼthó꞉ne ne Só꞉se sahshakotskwahrá꞉ko ne roʼníha rakwitshà꞉ke, tánon ne ráonha waʼthatshá꞉kete ohontsà꞉ke iaʼtehaká꞉nere. 13Ne Só꞉se tehnitsá꞉ron iahshakoiaʼténhawe, ne Ephraim shaweientehtáhkwen nonkwá꞉ti ronentshawá꞉kon ne ne shanekwá꞉ti nonkwá꞉ti ne Israel, tánon ne Manasseh shanekwá꞉ti neʼ nonkwá꞉ti ronentshawá꞉kon ne shaweientehtáhkwen nonkwá꞉ti ne Israel, tánon raiaʼtákta niahshakoiaʼténhawe. 14Ók ne Israel iaʼthanèntshehste ne shaweientehtáhkwen tánon thóh waʼthahtsaʼnà꞉ren ne Ephraim ranontsì꞉ne, ne ne kenʼnithoión꞉ha, tánon ne shanekwá꞉ti nahanèntshati Manasseh ranontsì꞉ne waʼthahtsaʼná꞉saren, kwáh kiʼ tehonentshá꞉sere, aseʼkénh Manasseh ne thotierénhton rawennakerá꞉ton. 15Wahoiaʼtaté꞉rihste ne Só꞉se, tánon wahén꞉ron,
“Ne Rawenni꞉io ráonha ne tió꞉konte raotihén꞉ton í꞉re ne ne khehsothokonʼkénhen ne ne Abraham tánon ne Isaac,
Ne Rawenni꞉io ráonha tió꞉konte sihakeʼnikonhrarátieʼs kwáh tsi nikarí꞉wes shikónhnhe tánon shé꞉kon nón꞉wa wenhniserá꞉te,
16Ne raronhiaʼkehró꞉non ráonha ne shatiaʼtákwen tsi nonkwá nakwé꞉kon tsi naiohtónhake ne karihwahetkénhtshera, sheiaʼtaté꞉rihst kí꞉ken ratiksaʼokón꞉ʼa;
tánon ronnonhá꞉ke nón꞉we nakhsèn꞉na iaiotkontáhkwen, ó꞉ni ne raotihsennaʼshón꞉ʼa ne khehsothokonʼkénhen Abraham tánon Isaac;
tánon sheríhon nahontehiá꞉ron ne nahonatiohkowáhnha tsi ionhwentsá꞉te.”
17Nó꞉nen ne Só꞉se sahatkáhtho nétho roʼníha ne shaweientehtáhkwen waʼthohtsaʼnà꞉ren ranontsì꞉ne ne Ephraim, wá꞉rehre nenʼ ne ʼeh iáh kiʼ tetkarihwaié꞉ri; sók kiʼ iahhohtsà꞉na ne roʼníha, ne ne taonsahohtsaʼnahrá꞉ko ne Ephraim ranontsì꞉ne tánon Manasseh ranontsì꞉ne taonsahohtsaʼnà꞉ren. 18Ne Só꞉se wahawènhahse ne roʼníha, “Iáh tho té꞉ioht, rákeni! Aseʼkénh ne kí꞉ken thotierénhton rawennakerá꞉ton, tetshanihsnonhsá꞉ren ne sehseweientehtáhkwen.”
19Ók iáh tehothontá꞉ton ne roʼníha, tánon wahén꞉ron, “Wakaterièn꞉tare; konién꞉ʼa, wakaterièn꞉tare; enhotiohkwaièn꞉take, tánon tsi enhronkweʼtowá꞉nenke, ók kiʼ sá꞉ne ne roʼkén꞉ʼa sénha kiʼ ráonha enhahsennowá꞉nenke tsi ní꞉ioht ne ráonha, tánon tsi nienhathwatsí꞉rine tenhonawèn꞉ro tsi nenhonatióhkwaske.” 20Katíʼ wahshakoiaʼtaté꞉rihste ne wenhniserá꞉tehkwe, ratónnions,
“Ne Israerʼró꞉nons kwáh sewahsèn꞉naʼs énhontste nó꞉nen enhonhtsatate ne kaiaʼtateríhtsheraʼs nónhkaʼk akorihwá꞉ke, kwáh enhonní꞉ron,
‘Ne Rawenni꞉io aiá꞉wenʼs tho nahiateraʼswiióhsten tsi kiʼ ní꞉ioht ne Ephraim tánon ne Manasseh.’”
Sók kiʼ Ephraim ohén꞉ton sahaón꞉ni tsi ní꞉ioht ne Manasseh.
21Eʼthó꞉ne ne Israel wahawènhahse ne Só꞉se, “Ó꞉nen thó꞉ha akíheie, ók kiʼ ensenikwekónhake ne Rawenni꞉io tánon ó꞉ni iensiaiaʼténhawe tsi nón꞉we thóh nonhontsá꞉ien ne shasottsheraʼokonkén꞉ʼen. 22Ó꞉nenh kiʼ énska sénha í꞉si nón꞉we naʼkón꞉ion tsi ní꞉ioht ne sewatateʼkoʼokón꞉ʼahs ne ne tsi ionontakarèn꞉re ne Shechem ne tsi nikhéhkwen ne Amorʼró꞉nons ne nakaʼshareʼkó꞉wa tánon akaʼèn꞉na wakátston.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Matthew, Mark, Luke, and John were translated by Sosé Onasakenrat and published by the Montreal auxiliary of the British and Foreign Bible Society in 1880. The text of these books is in the public domain.
The text of the following books is copyright © Kanien’kehá:ka Aotióhkwa Tehatiwennaténie’s Kahiatonhseratokénhti (Mohawk Bible Translation Team): 2 Corinthians (2001), Jonah (2002), Ruth (2005), Daniel (2005), Esther (2006), and Proverbs (2007).
All other text is copyright © Harvey Satewas Gabriel, 2023.