Leviticus 14
14
Tsi Nentionhtonhnakanón꞉hni Nónen Tiaʼkoiewentháhon Ne Kannhratharihnétshera Ne Ienehónt꞉ke
1Ne Roiá꞉ner tahá꞉wen ne Mahís 2ne tehioterihwasonhterónhnion tsi nikaianerenseró꞉tens tsi nòkwah ne orihwakáhion tionhtonhnakanonhnítha tsi nítsion ne tsi sewahiehwentháhon ne iotennhrát꞉teron kané꞉hont kannhratharihnétshera. Nenthenhwenhniseráte nenhiensaró꞉ri tsi satkwéniens, ratsihenstaʼtsíne nenhieshahiaténhaʼwe, 3ne ratsihénsthatsi ástste nienhiaiaténhaʼwe ne tsi watená꞉thaien tánon enhiatkensénion. Tó꞉ka ne kannhratharihné꞉tshera tiaʼkoiewenhtáhon, 4ne ratsihénsthatsi enhathénnahʼne né꞉ne kwáh ionatkwéniens otsiténha ahonhthakonhwatiʼhiaténhaʼwe, skát꞉ke ne onentakwénhte óiente, onekwénhtara niwasherihiethóten, tánon skahónta Hyssop. 5Ethóhʼne ne ratsihénstatsi enhaténhnaʼne skatsiʼténhsera enhkonwanonhwariákon é꞉neken ne ionawasthakaríhio kátshe né꞉ne ioné꞉kano iohnawerotehónhwe kanékare. 6Ienhahiaténhawe nóhia otsiténha tánon thóh ienhahiáthoʼwe, skát꞉ke ne onenthakwénhte óienhte, ne onekwénhtara aseríhie, tánon ne skahónta Hyssop, nahonekwenhsáke notsiténha konhwanonwariákon. 7Ónenk tsi tsáta nihiorihwáke tenshakotstaró꞉kwahte nonekwénhsa tsi ní꞉tsion ne tsi sewaiewenhtáhon ne kanéhonk kannhratharihné꞉tshera, tánon ethóhʼne enʼtsisewaró꞉ri kwáh kíʼ tsi sewatkwéniens. Tánon iensát꞉kaʼwe ne otsiténha kahenthakéson niaʼhonshakátie 8Ónenk tsi enshesenóhare ne satsherónhniat, akwékon enshathateʼnónhkare, tánon enshá꞉thawen; ethóhʼne káti kwáh tsi shiʼhiorihwakáhion tsi satkwénienskwe. Ethóhʼne enwáton niaʼhonshaʼsenatáraʼne, ók ónenk tsi tsáta nónhta ástste ne tsi shaʼthatósehrothe enshé꞉sehke. 9Né tsathákhaton niwenhniserakéhaton kwáh shé꞉kon enseshathateʼnónhkaron, ensatkonsthónhriaʼke, tsi teshanawásare ó꞉ni, tánon akwékon tsi nonhwéson shanónhwerote ne tiathákes; ónenk tsi ensehsenóhare ne satʼtsherónhnias tánon enshá꞉thawen, tánon ethóhʼne kíʼ kwáh entsisatkweʼniensthónhake.
10Né shatekónhaton niwenhniserakéhaton ónenk tsi tenihiáse enteshehiaténhaʼwe ne teiotinakaronhtónha tenítsinn owíra tánon skaiáta teiotinakaronhtónha ohné꞉tsien owíra ne nénska tehonoserihiákon né꞉ne kwáh iáh othènen tehotitsihiótare, wísk niʼkakonhtseráke othésehra né꞉ne iakeniewátha kénhie tekaiéston, tánon satekatshetíhen ne iakeniewátha kénhie. 11Ne ratsihénstatsi ienhiaiaténhaʼwe skát꞉ke kí꞉ken athatawítseras ne tsi iehionhthawehiathákwa natohserákon tsi nónhwe nihénteron ne Roiá꞉ner. 12Ethóhʼne ne ratsihénstatsi tenhohiáthakwe saiáta ne teiotinakaronhtónʼa owíra rátsinn skát꞉ke ne satekatʼtsetíhen kénhie tánon né ienhát꞉kaʼwe nahonshakakariákʼthonke ne athatawítsera. Ónenk tsi né꞉ne katokénston athatawítshera tsi ienhát꞉kaʼwe rahohénton ne Roiá꞉ner né꞉ne ratsihénsthatsi rahorihwáke. 13Enhononhwariákon ne teiotinakaronhtónʼa owíra ne tsi iotokénti nónhwe tsi nónhwe nikonhwatirhiostakwa ne konhtitshénens nenhkonhwanateskónhten ne karihwanerahák꞉tshera ahorihwáke. Ónenk kíʼ tsi thóh nenháiere tsioríhwa tsi né꞉ne enskakariákʼthonke ahorihwáke, tsi kíʼ ní꞉ioht ne kariwanerahák꞉tshera iewatkáwen ahorihwáke, né꞉ne ratsihénsthatsi rahó꞉wenk tánon kwáh íken tsi iotokénti. 14Ne ratsihénsthatsi ostónha ne teiotinakaronhtónʼa owíra rahonekwénhsa etháke ne tsi iehiakothahónthaʼte ne tsi ieweientheʼthákwen nónhwe nenhanekwenhsàro, tánon ó꞉ni ne iehionhkaráke ne tsi ieweientheʼthákwen, tánon ne hionhiakwirowaʼnénhken ne tsi ieweientheʼthákwen nahonshítate tsi nikáien nahiontatró꞉rih tsi kwáh tiakoiewenhtáhon. 15Ne ratsihénstatsi ostónha ne iakenhiewátha kénhie shanekwáhti ratianá꞉kon enhá꞉weron, 16iaʼtenhanisnónh꞉sohwe ne saweienhtheʼthákwen nahatshánati, tánon tenhatsʼtarókwahthe né꞉ne tsáta nihiorihwáke tsi nónhwe nihénteron ne Roiá꞉ner. 17Ostónha ne kénhie ne ratianákon í꞉kare tánon ostónha ne teiotinakaronhtónha owíra rahonekwénhsa enhá꞉ro ne etháke ne shaʼweienteʼthákwen tsi iehothahonthate tsi nikáien nenshonwarónhkwahse, ne shaʼnekwáhti nahawehionhkaráti, tánon ne rahiakwirowaʼnénhke ne shaʼweientheʼthákwen nahasitháti tsi nikáien ónhkak ahionhtatró꞉ri tsi kwáh tiakokʼkwéniens. 18Ónenk tsi níkon iothaténhron ne kénhie ne ratshanáke sewanonhtsíne enhá꞉ro. Thóh kíʼ ní꞉ioht tsi enhaterihwathéntiaʼthe ne orihwaká꞉hion ne tionhthathonaʼkanonhniaʼthákwah.
19Ethóhʼne ne ratsihénstatsi ienhát꞉kaʼwe ne karihwáneren aorihwáke tsi enhaterihwathénhtiaʼte ne horihwakahionhnéha tionhtonhnakanonhniathákwah. Nenhwatóhetsthe nètho, ónenk tsi enhanonhwariákon ne katshénen né nakonhwateskónhten aorihwáke 20tánon ne ienhát꞉kaʼwe enhkenikwekonhátie nonátsia aorihwáke né ientsienhará꞉kwahke. Thóh kíʼ ní꞉ioht ne ratsihénstatsi tsi enhaterihwathéntiaʼthe ne orihwakahionhnéha tionhtonhnakanonhniathákwah, tánon kwáh kíʼ entsiʼsatkweniensthónhake.
21Tó꞉ka teshathonhnaká꞉rias tánon iáh sénha taskarakwéhni, ónenk tsi enhthetsiaténhaʼwe saiáta ne teiotinakaronhtónʼa rátsinn tsi né enskariákʼthe tsi iensátʼkaʼwe, né꞉ne katokénston athatawítshera rahohénton ne Roiá꞉ner né꞉ne ratsihénstatsi rahorihwáke. Tekakonhtseráke khók othésera enhtéshaʼwe né꞉ne iaʼkeniewátha kénhie teweienhnaʼiéston né꞉ne onátsia aorihwáke tsi ienwatʼkáwenhke tánon satekhatsetíhen ne iakenhiewátha kénhie. 22Tánon onenhk tsi tek atsitenhseráke khés ne tekenihiáse oríhte enhteshehiaténhawe, nénska né꞉ne karihwáneren aorihwáke tánon nóia né nènhne ne watéskonhte aorihwáke. 23Ne shatekonháton niwenhniserakéhaton ne tsi tsishatonhnakanonhníhon ónenk tsi entetshawíthaʼse ne ratsihénstatsi ne tsi iehonthawehiathákwa natohsehrákon. 24Ne ratsihénstatsi ienhohiaténhaʼwe ne teiotinakaronhtónha owíra tánon ne iakeniewátha kénhie né꞉ne katokénston athatawítshera rahohénton ne Roiá꞉ner né꞉ne ratsihénsthatsi rahorihwáke. 25Ónenk tsi enhanonhwariákon ne teiotinakaronhtónha owíra tánon ostónha ienháhaʼwe nonekwénhsa tánon thóh enhá꞉ro tsi iehothahóntaʼte ne saweienthethákwen nahahontáti, tánon ne rahiakwirowanénhke ne saweienhthethákwen nahashitáti. 26Ne ratsihénstatsi ostónha ne kénhie sanekwáhti nahatianáti enhá꞉tha 27tánon ne rasnonhsáke ne saweienthethákwen nahatianáhti tenhastharó꞉kwahthe ostónha né꞉ne tsáta nihiorihwáke rahohénton ne Roiá꞉ner. 28Ónenk tsi kwáh thóh nónhwe ostónha nenhá꞉ro ne kenhié tsi kíʼ nónhwe nihó꞉ronh nonekwénhsa: né꞉ne tsi ieshathahónthate ne seʼsehweienhtethákwen, ne sewehionhkárahke ne sesehnekwáhti, tánon ne sahiakwirowanénhke ne sesehnekwáhti nashashítati. 29Né iothaténhron ne kénhie né꞉ne ratshánakon í꞉wa ónenk tsi senonhtsíne enharósheron thóh kíʼ ní꞉ioht tsi enhaterihwaténtiaʼte norihwakáhion ne tionhnonhnakanonhníhtha. 30Ethòne kíʼ ienhsakótʼkaʼwe snihiatátʼtshons noríhtes 31né꞉ne karihwáneren aorihwáke tánon ne watéskonhtes skátke nonátsias iewatʼkháwen. Thóh kíʼ ní꞉ioht ne ratsihénstatsi tsi enhaterihwaténhtiaʼte ne orihwakáhion tionhtonhnakanonhnitákwah. 32Né kí꞉ken ne kaianerénhsera tsi nihiákon ne iakótsʼtawis kannratharihnétsheras ók iáh kíʼ thaʼiekarahkwéni tsi nihiorenhnáhon ne iahióntkaʼwe tsi nikarihwanónhtons nahonhsahionhtonhnakanónhni.
Ne Hionhthónhris Kanonskónhsons
33Ne Roiá꞉ner tasaká꞉wen ne Mahís tánon ne Aaron 34-35ne tehioterihwasonhterónhnions kaianerénhseras tsi nòkwah ne kanonskónhsons né thekanikónhrahre tsi waʼtewaréni ne iohthónhris. (Thóh nék kí꞉ken enhioʼióten né nó꞉nenh nonhkweshón꞉as Nisraerronónhke ienhonthonhontsórenhne ne Canaan, Né꞉ne Roiá꞉ner teshakowíreʼne nahonawenhkhonhweʼke.) Tó꞉ka ónhka tsi nítsion ensehwatʼtsénhri nètho Roiá꞉ner thoteniéton ne iothónris ne sewanonskónhsons, ethòne kíʼ ónenk tsi ratsihenstatsíʼne niénsehwe tánon iaʼtsisehwaró꞉ri nètho aorihwáke. 36Ne ratsihénstatsi ónenk tsi kwáh enhathénhnaʼne akwékon akahiakénhʼen ne kanónskons nohénton thóh iáre nahatkénsehra ne iothónhris; tó꞉ka iáh akwékon tsi nikáien ne kanónskon tsi enhwatrórike tsi iáh tehiotkwéniens. Ethòne kíʼ ónen kanónskon niénhre. 37Tánon enhakenhenhiónko ne iothónris. Tó꞉ka thènen tehiotʼthóntonhte tó꞉ka ó꞉ni tehiotenekwénhthaʼronhte iorakwahrónhnions thóh ní꞉ioht tsi wène asonhthákons tehioskahóntie, 38éren énsrethe tsi kanonshó꞉the tánon enhaʼnienthároʼke né꞉ne tsáta nónhta nikaríhwes. 39Ne tsathákhaton niwenhniseraʼkéhaton thóh iénsre tánon shé꞉kon enshaʼkenhenhiónko. Tó꞉ka ne iothónris tehioré꞉nion, 40enhathénnahne nètho onénhiake tsi nónhwe nikatsénhron ne iothónris é꞉ren akahawíthonke tánon thóh nónhwe iewátiont tsi nónhwe iehiakotsethákwa nástste nakanáthati ne kanató꞉wanenhke. 41Ethòne enhathénnahne ne kanónskon asonhthakésons ahkakéthenhke tánon ne kanawastháronhne thóh iahóntionke tsi nónhwe iehiakotsethákwa náste nakanatháti ne kanatowanénhke. 42Tánon óia thiʼkanenhiathénions ensewátsʼtonhke tahonsahionatʼthákwen tsi nikáiens néhren kahawíton, tánon áse enskanawastháronhke nasonhthákes.
43Tó꞉ka shé꞉kon entionhthonrístaʼne ne kanónskon né nó꞉nen nonenhiasónhas é꞉ren kahawítons tánon ne tsi kanónhshoʼte kaʼkétens tánon skaʼnawastsʼtháron, 44ne ratsihénstatsi thóh iénsre tánon enhakenhenhiónko. Tó꞉ka tehioré꞉nion, ne tsi kanónhshoʼte iáh kíʼ tehiotkwéniens. 45Ónenk kíʼ tsi enkanonhsaríhshionhke, tánon nonenhiasónhas, noskwenkareʼshónhas, tánon akwékon ne kanawastsʼtháronhne ónenk tsi ienkáhaʼke ástste nakanatháti ne kanatowanénhke tsi nónhwe iehiakotsethákwa. 46Nónhka iahionhtháwehiaʼte tsi nikaríhwes kanientʼtháron kwáh kíʼ tehiakohiathationháke tsi nióre ienhiókaraʼwe. 47Nónhka ahionhtiatiónhniʼte tó꞉ka ó꞉ni tahionskáhon ne thóh kanónskon ónenk tsi entienó꞉hare nakotserónhnias.
48Tó꞉ka, nónen ne ratsihénstatsi théntre nahonhsahakenhénhion, ne iothónhris iáh tetsiothotháshion nónen áse skanawastsʼtháron, enharihówanaʼte ne kanónhshoʼte kwáh kíʼ tsotkwéniens, tsioríhwa ne iothónris tsi kwáh kíʼ é꞉ren kahawíthon. 49Tsi ahonsakanonhʼsakwahthákwenhke, tekenihiáse otsiténha iensakohiátenhwe, toʼkàra níkon onenhthakwénhte óienhte, onekwénhtara niwasehrihietó꞉ten, tánon skahóntha ne Hyssop. 50Skahiátha nótsiténha enhanonhwariákon é꞉neken ne otára kátshe né kané꞉kare ne ioné꞉kano ionawerotehónhwe. 51Ethóhʼne ténhrakwe ne onenhthakwénhte óienhte, ne hyssop óhonte, nonekwénhtara asehríhie, tánon ne iónhnhe otsiténha tánon thóh ienhrónhnionhwe nonekwenhsáke ne ranonhwariákon otsiténha tánon ne ioné꞉kano. Tánon né tehatstharokwahthánion tsi kanónhshote tsáta nihiorihwáke. 52Thóh kíʼ ní꞉ioht tsi enshanonhshakwahtáko né énsratsʼthe notsiténha ahonekwénhsa, ó꞉ni ne ioné꞉kano, né iónnhe notsiténha, nonenhthakwénhte óienhte, ne hyssop óhonte, tánon ne onekwénhtara asehríhie. 53Ethóhʼne enshát꞉kawe notsiténha ne iónhnhe né nástste nakanatháti ne kanatowanénhke né kahentháke nónhwe. Thóh kíʼ ní꞉ioht tsi ensshaʼnonhshakwahtáko, tánon kwáh kíʼ entsiotkweniensthónhake.
54Né kí꞉ken ne kaianerénhseras tsi nókwah ne iakotstáwis kannhratharihné꞉tsheras; 55-56ionhnonwatʼthénions, iakotkarothakwáhronte, hiothónhnions, tánon tsi nòkwah ne iothónhris natseronhniákwahke ó꞉ni ne kanonskónhsons. 57Kí꞉ken kaianerénhseras né tekaiatorétha nónen ne knahó꞉tenk iáh tehiotkwéniens tánon nó꞉nen iotkwéniens íken.
Currently Selected:
Leviticus 14: MHK
Highlight
Share
Copy
Want to have your highlights saved across all your devices? Sign up or sign in
Matthew, Mark, Luke, and John were translated by Sosé Onasakenrat and published by the Montreal auxiliary of the British and Foreign Bible Society in 1880. The text of these books is in the public domain.
The text of the following books is copyright © Kanien’kehá:ka Aotióhkwa Tehatiwennaténie’s Kahiatonhseratokénhti (Mohawk Bible Translation Team): 2 Corinthians (2001), Jonah (2002), Ruth (2005), Daniel (2005), Esther (2006), and Proverbs (2007).
All other text is copyright © Harvey Satewas Gabriel, 2023.
Leviticus 14
14
Tsi Nentionhtonhnakanón꞉hni Nónen Tiaʼkoiewentháhon Ne Kannhratharihnétshera Ne Ienehónt꞉ke
1Ne Roiá꞉ner tahá꞉wen ne Mahís 2ne tehioterihwasonhterónhnion tsi nikaianerenseró꞉tens tsi nòkwah ne orihwakáhion tionhtonhnakanonhnítha tsi nítsion ne tsi sewahiehwentháhon ne iotennhrát꞉teron kané꞉hont kannhratharihnétshera. Nenthenhwenhniseráte nenhiensaró꞉ri tsi satkwéniens, ratsihenstaʼtsíne nenhieshahiaténhaʼwe, 3ne ratsihénsthatsi ástste nienhiaiaténhaʼwe ne tsi watená꞉thaien tánon enhiatkensénion. Tó꞉ka ne kannhratharihné꞉tshera tiaʼkoiewenhtáhon, 4ne ratsihénsthatsi enhathénnahʼne né꞉ne kwáh ionatkwéniens otsiténha ahonhthakonhwatiʼhiaténhaʼwe, skát꞉ke ne onentakwénhte óiente, onekwénhtara niwasherihiethóten, tánon skahónta Hyssop. 5Ethóhʼne ne ratsihénstatsi enhaténhnaʼne skatsiʼténhsera enhkonwanonhwariákon é꞉neken ne ionawasthakaríhio kátshe né꞉ne ioné꞉kano iohnawerotehónhwe kanékare. 6Ienhahiaténhawe nóhia otsiténha tánon thóh ienhahiáthoʼwe, skát꞉ke ne onenthakwénhte óienhte, ne onekwénhtara aseríhie, tánon ne skahónta Hyssop, nahonekwenhsáke notsiténha konhwanonwariákon. 7Ónenk tsi tsáta nihiorihwáke tenshakotstaró꞉kwahte nonekwénhsa tsi ní꞉tsion ne tsi sewaiewenhtáhon ne kanéhonk kannhratharihné꞉tshera, tánon ethóhʼne enʼtsisewaró꞉ri kwáh kíʼ tsi sewatkwéniens. Tánon iensát꞉kaʼwe ne otsiténha kahenthakéson niaʼhonshakátie 8Ónenk tsi enshesenóhare ne satsherónhniat, akwékon enshathateʼnónhkare, tánon enshá꞉thawen; ethóhʼne káti kwáh tsi shiʼhiorihwakáhion tsi satkwénienskwe. Ethóhʼne enwáton niaʼhonshaʼsenatáraʼne, ók ónenk tsi tsáta nónhta ástste ne tsi shaʼthatósehrothe enshé꞉sehke. 9Né tsathákhaton niwenhniserakéhaton kwáh shé꞉kon enseshathateʼnónhkaron, ensatkonsthónhriaʼke, tsi teshanawásare ó꞉ni, tánon akwékon tsi nonhwéson shanónhwerote ne tiathákes; ónenk tsi ensehsenóhare ne satʼtsherónhnias tánon enshá꞉thawen, tánon ethóhʼne kíʼ kwáh entsisatkweʼniensthónhake.
10Né shatekónhaton niwenhniserakéhaton ónenk tsi tenihiáse enteshehiaténhaʼwe ne teiotinakaronhtónha tenítsinn owíra tánon skaiáta teiotinakaronhtónha ohné꞉tsien owíra ne nénska tehonoserihiákon né꞉ne kwáh iáh othènen tehotitsihiótare, wísk niʼkakonhtseráke othésehra né꞉ne iakeniewátha kénhie tekaiéston, tánon satekatshetíhen ne iakeniewátha kénhie. 11Ne ratsihénstatsi ienhiaiaténhaʼwe skát꞉ke kí꞉ken athatawítseras ne tsi iehionhthawehiathákwa natohserákon tsi nónhwe nihénteron ne Roiá꞉ner. 12Ethóhʼne ne ratsihénstatsi tenhohiáthakwe saiáta ne teiotinakaronhtónʼa owíra rátsinn skát꞉ke ne satekatʼtsetíhen kénhie tánon né ienhát꞉kaʼwe nahonshakakariákʼthonke ne athatawítsera. Ónenk tsi né꞉ne katokénston athatawítshera tsi ienhát꞉kaʼwe rahohénton ne Roiá꞉ner né꞉ne ratsihénsthatsi rahorihwáke. 13Enhononhwariákon ne teiotinakaronhtónʼa owíra ne tsi iotokénti nónhwe tsi nónhwe nikonhwatirhiostakwa ne konhtitshénens nenhkonhwanateskónhten ne karihwanerahák꞉tshera ahorihwáke. Ónenk kíʼ tsi thóh nenháiere tsioríhwa tsi né꞉ne enskakariákʼthonke ahorihwáke, tsi kíʼ ní꞉ioht ne kariwanerahák꞉tshera iewatkáwen ahorihwáke, né꞉ne ratsihénsthatsi rahó꞉wenk tánon kwáh íken tsi iotokénti. 14Ne ratsihénsthatsi ostónha ne teiotinakaronhtónʼa owíra rahonekwénhsa etháke ne tsi iehiakothahónthaʼte ne tsi ieweientheʼthákwen nónhwe nenhanekwenhsàro, tánon ó꞉ni ne iehionhkaráke ne tsi ieweientheʼthákwen, tánon ne hionhiakwirowaʼnénhken ne tsi ieweientheʼthákwen nahonshítate tsi nikáien nahiontatró꞉rih tsi kwáh tiakoiewenhtáhon. 15Ne ratsihénstatsi ostónha ne iakenhiewátha kénhie shanekwáhti ratianá꞉kon enhá꞉weron, 16iaʼtenhanisnónh꞉sohwe ne saweienhtheʼthákwen nahatshánati, tánon tenhatsʼtarókwahthe né꞉ne tsáta nihiorihwáke tsi nónhwe nihénteron ne Roiá꞉ner. 17Ostónha ne kénhie ne ratianákon í꞉kare tánon ostónha ne teiotinakaronhtónha owíra rahonekwénhsa enhá꞉ro ne etháke ne shaʼweienteʼthákwen tsi iehothahonthate tsi nikáien nenshonwarónhkwahse, ne shaʼnekwáhti nahawehionhkaráti, tánon ne rahiakwirowaʼnénhke ne shaʼweientheʼthákwen nahasitháti tsi nikáien ónhkak ahionhtatró꞉ri tsi kwáh tiakokʼkwéniens. 18Ónenk tsi níkon iothaténhron ne kénhie ne ratshanáke sewanonhtsíne enhá꞉ro. Thóh kíʼ ní꞉ioht tsi enhaterihwathéntiaʼthe ne orihwaká꞉hion ne tionhthathonaʼkanonhniaʼthákwah.
19Ethóhʼne ne ratsihénstatsi ienhát꞉kaʼwe ne karihwáneren aorihwáke tsi enhaterihwathénhtiaʼte ne horihwakahionhnéha tionhtonhnakanonhniathákwah. Nenhwatóhetsthe nètho, ónenk tsi enhanonhwariákon ne katshénen né nakonhwateskónhten aorihwáke 20tánon ne ienhát꞉kaʼwe enhkenikwekonhátie nonátsia aorihwáke né ientsienhará꞉kwahke. Thóh kíʼ ní꞉ioht ne ratsihénstatsi tsi enhaterihwathéntiaʼthe ne orihwakahionhnéha tionhtonhnakanonhniathákwah, tánon kwáh kíʼ entsiʼsatkweniensthónhake.
21Tó꞉ka teshathonhnaká꞉rias tánon iáh sénha taskarakwéhni, ónenk tsi enhthetsiaténhaʼwe saiáta ne teiotinakaronhtónʼa rátsinn tsi né enskariákʼthe tsi iensátʼkaʼwe, né꞉ne katokénston athatawítshera rahohénton ne Roiá꞉ner né꞉ne ratsihénstatsi rahorihwáke. Tekakonhtseráke khók othésera enhtéshaʼwe né꞉ne iaʼkeniewátha kénhie teweienhnaʼiéston né꞉ne onátsia aorihwáke tsi ienwatʼkáwenhke tánon satekhatsetíhen ne iakenhiewátha kénhie. 22Tánon onenhk tsi tek atsitenhseráke khés ne tekenihiáse oríhte enhteshehiaténhawe, nénska né꞉ne karihwáneren aorihwáke tánon nóia né nènhne ne watéskonhte aorihwáke. 23Ne shatekonháton niwenhniserakéhaton ne tsi tsishatonhnakanonhníhon ónenk tsi entetshawíthaʼse ne ratsihénstatsi ne tsi iehonthawehiathákwa natohsehrákon. 24Ne ratsihénstatsi ienhohiaténhaʼwe ne teiotinakaronhtónha owíra tánon ne iakeniewátha kénhie né꞉ne katokénston athatawítshera rahohénton ne Roiá꞉ner né꞉ne ratsihénsthatsi rahorihwáke. 25Ónenk tsi enhanonhwariákon ne teiotinakaronhtónha owíra tánon ostónha ienháhaʼwe nonekwénhsa tánon thóh enhá꞉ro tsi iehothahóntaʼte ne saweienthethákwen nahahontáti, tánon ne rahiakwirowanénhke ne saweienhthethákwen nahashitáti. 26Ne ratsihénstatsi ostónha ne kénhie sanekwáhti nahatianáti enhá꞉tha 27tánon ne rasnonhsáke ne saweienthethákwen nahatianáhti tenhastharó꞉kwahthe ostónha né꞉ne tsáta nihiorihwáke rahohénton ne Roiá꞉ner. 28Ónenk tsi kwáh thóh nónhwe ostónha nenhá꞉ro ne kenhié tsi kíʼ nónhwe nihó꞉ronh nonekwénhsa: né꞉ne tsi ieshathahónthate ne seʼsehweienhtethákwen, ne sewehionhkárahke ne sesehnekwáhti, tánon ne sahiakwirowanénhke ne sesehnekwáhti nashashítati. 29Né iothaténhron ne kénhie né꞉ne ratshánakon í꞉wa ónenk tsi senonhtsíne enharósheron thóh kíʼ ní꞉ioht tsi enhaterihwaténtiaʼte norihwakáhion ne tionhnonhnakanonhníhtha. 30Ethòne kíʼ ienhsakótʼkaʼwe snihiatátʼtshons noríhtes 31né꞉ne karihwáneren aorihwáke tánon ne watéskonhtes skátke nonátsias iewatʼkháwen. Thóh kíʼ ní꞉ioht ne ratsihénstatsi tsi enhaterihwaténhtiaʼte ne orihwakáhion tionhtonhnakanonhnitákwah. 32Né kí꞉ken ne kaianerénhsera tsi nihiákon ne iakótsʼtawis kannratharihnétsheras ók iáh kíʼ thaʼiekarahkwéni tsi nihiorenhnáhon ne iahióntkaʼwe tsi nikarihwanónhtons nahonhsahionhtonhnakanónhni.
Ne Hionhthónhris Kanonskónhsons
33Ne Roiá꞉ner tasaká꞉wen ne Mahís tánon ne Aaron 34-35ne tehioterihwasonhterónhnions kaianerénhseras tsi nòkwah ne kanonskónhsons né thekanikónhrahre tsi waʼtewaréni ne iohthónhris. (Thóh nék kí꞉ken enhioʼióten né nó꞉nenh nonhkweshón꞉as Nisraerronónhke ienhonthonhontsórenhne ne Canaan, Né꞉ne Roiá꞉ner teshakowíreʼne nahonawenhkhonhweʼke.) Tó꞉ka ónhka tsi nítsion ensehwatʼtsénhri nètho Roiá꞉ner thoteniéton ne iothónris ne sewanonskónhsons, ethòne kíʼ ónenk tsi ratsihenstatsíʼne niénsehwe tánon iaʼtsisehwaró꞉ri nètho aorihwáke. 36Ne ratsihénstatsi ónenk tsi kwáh enhathénhnaʼne akwékon akahiakénhʼen ne kanónskons nohénton thóh iáre nahatkénsehra ne iothónhris; tó꞉ka iáh akwékon tsi nikáien ne kanónskon tsi enhwatrórike tsi iáh tehiotkwéniens. Ethòne kíʼ ónen kanónskon niénhre. 37Tánon enhakenhenhiónko ne iothónris. Tó꞉ka thènen tehiotʼthóntonhte tó꞉ka ó꞉ni tehiotenekwénhthaʼronhte iorakwahrónhnions thóh ní꞉ioht tsi wène asonhthákons tehioskahóntie, 38éren énsrethe tsi kanonshó꞉the tánon enhaʼnienthároʼke né꞉ne tsáta nónhta nikaríhwes. 39Ne tsathákhaton niwenhniseraʼkéhaton thóh iénsre tánon shé꞉kon enshaʼkenhenhiónko. Tó꞉ka ne iothónris tehioré꞉nion, 40enhathénnahne nètho onénhiake tsi nónhwe nikatsénhron ne iothónris é꞉ren akahawíthonke tánon thóh nónhwe iewátiont tsi nónhwe iehiakotsethákwa nástste nakanáthati ne kanató꞉wanenhke. 41Ethòne enhathénnahne ne kanónskon asonhthakésons ahkakéthenhke tánon ne kanawastháronhne thóh iahóntionke tsi nónhwe iehiakotsethákwa náste nakanatháti ne kanatowanénhke. 42Tánon óia thiʼkanenhiathénions ensewátsʼtonhke tahonsahionatʼthákwen tsi nikáiens néhren kahawíton, tánon áse enskanawastháronhke nasonhthákes.
43Tó꞉ka shé꞉kon entionhthonrístaʼne ne kanónskon né nó꞉nen nonenhiasónhas é꞉ren kahawítons tánon ne tsi kanónhshoʼte kaʼkétens tánon skaʼnawastsʼtháron, 44ne ratsihénstatsi thóh iénsre tánon enhakenhenhiónko. Tó꞉ka tehioré꞉nion, ne tsi kanónhshoʼte iáh kíʼ tehiotkwéniens. 45Ónenk kíʼ tsi enkanonhsaríhshionhke, tánon nonenhiasónhas, noskwenkareʼshónhas, tánon akwékon ne kanawastsʼtháronhne ónenk tsi ienkáhaʼke ástste nakanatháti ne kanatowanénhke tsi nónhwe iehiakotsethákwa. 46Nónhka iahionhtháwehiaʼte tsi nikaríhwes kanientʼtháron kwáh kíʼ tehiakohiathationháke tsi nióre ienhiókaraʼwe. 47Nónhka ahionhtiatiónhniʼte tó꞉ka ó꞉ni tahionskáhon ne thóh kanónskon ónenk tsi entienó꞉hare nakotserónhnias.
48Tó꞉ka, nónen ne ratsihénstatsi théntre nahonhsahakenhénhion, ne iothónhris iáh tetsiothotháshion nónen áse skanawastsʼtháron, enharihówanaʼte ne kanónhshoʼte kwáh kíʼ tsotkwéniens, tsioríhwa ne iothónris tsi kwáh kíʼ é꞉ren kahawíthon. 49Tsi ahonsakanonhʼsakwahthákwenhke, tekenihiáse otsiténha iensakohiátenhwe, toʼkàra níkon onenhthakwénhte óienhte, onekwénhtara niwasehrihietó꞉ten, tánon skahóntha ne Hyssop. 50Skahiátha nótsiténha enhanonhwariákon é꞉neken ne otára kátshe né kané꞉kare ne ioné꞉kano ionawerotehónhwe. 51Ethóhʼne ténhrakwe ne onenhthakwénhte óienhte, ne hyssop óhonte, nonekwénhtara asehríhie, tánon ne iónhnhe otsiténha tánon thóh ienhrónhnionhwe nonekwenhsáke ne ranonhwariákon otsiténha tánon ne ioné꞉kano. Tánon né tehatstharokwahthánion tsi kanónhshote tsáta nihiorihwáke. 52Thóh kíʼ ní꞉ioht tsi enshanonhshakwahtáko né énsratsʼthe notsiténha ahonekwénhsa, ó꞉ni ne ioné꞉kano, né iónnhe notsiténha, nonenhthakwénhte óienhte, ne hyssop óhonte, tánon ne onekwénhtara asehríhie. 53Ethóhʼne enshát꞉kawe notsiténha ne iónhnhe né nástste nakanatháti ne kanatowanénhke né kahentháke nónhwe. Thóh kíʼ ní꞉ioht tsi ensshaʼnonhshakwahtáko, tánon kwáh kíʼ entsiotkweniensthónhake.
54Né kí꞉ken ne kaianerénhseras tsi nókwah ne iakotstáwis kannhratharihné꞉tsheras; 55-56ionhnonwatʼthénions, iakotkarothakwáhronte, hiothónhnions, tánon tsi nòkwah ne iothónhris natseronhniákwahke ó꞉ni ne kanonskónhsons. 57Kí꞉ken kaianerénhseras né tekaiatorétha nónen ne knahó꞉tenk iáh tehiotkwéniens tánon nó꞉nen iotkwéniens íken.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Matthew, Mark, Luke, and John were translated by Sosé Onasakenrat and published by the Montreal auxiliary of the British and Foreign Bible Society in 1880. The text of these books is in the public domain.
The text of the following books is copyright © Kanien’kehá:ka Aotióhkwa Tehatiwennaténie’s Kahiatonhseratokénhti (Mohawk Bible Translation Team): 2 Corinthians (2001), Jonah (2002), Ruth (2005), Daniel (2005), Esther (2006), and Proverbs (2007).
All other text is copyright © Harvey Satewas Gabriel, 2023.