Leviticus 21
21
Ne Raotihiathatokentítsheras Ne Ratiʼtsihénstatsis
1Ne Roiá꞉ner wahorihónten ne Mahís nashakoró꞉ri ne Aaronite ratiʼtsihénstatsis, “Tó꞉sa ónhka ne ratsiʼhénstatsi ne tahathaʼtsiatátionsʼte nahateriwaténhtsiaʼte nashakohiatháta ne ronhthátenonhkwe, 2nék tó꞉ka kén ronisténha, roʼníha, roiénha, shakoiénha, iathatekénha, 3khés ne iáh tehioniákon iatenosénha ne rahonónhskon kénhteron. 4Iáh tehiówenk ne tahathatsiathátionsʼte nenhiaiéheie tsi nikáien ne kaniátshera nitsawénon tsi iaʼthátenonhkwe iotónhon.
5“Iáh ónhka ne ratsiʼhénstatsi nahathatenónhkare ne ranonhtsíne khés nahatkonsthónriaʼke khés nahatátrene ne rahiatháke narénesʼte tsi rotsiónhnion. 6Ónenk tsi enhohiathatokenhtíhake tánon iáh tehiówenk nahatsenhnátsaʼte. Ne Ká꞉khwa rakthátis, tánon káti ónenk tsi enhohiatatokenhtíke. 7Ne ratsihénstatsi iáh thahónton nahotíniaʼke ne iónhkwe né꞉ne iorihwahiathatónhon nakahiathótenhne tó꞉ka ó꞉ni ne iakónhkwe ónenh ienakwaientéri iakotenathónkwen tó꞉ka ó꞉ni ne tehiotetʼkháshion; né tsi rohiathatokénti íken. 8Nonhkweshón꞉as ónenk tsi thóh ní꞉ioht tsi enhonwananonhthónhnionʼse ne ratitsihénstatsis tsi rotihiathatokénti íken, tsioríhwa tsi rahónha rakʼthátis ne ká꞉khwa. Í꞉i ne Watiá꞉ner; Watiathatokénti tánon Í꞉i kheʼhionhniénhnis naʼkonhkwetaʼshón꞉as nahononhkwetathokenhtíke. 9Tó꞉ka ne ratsihénstatsi shakoiénha waheriwahiatháton wahónton, wahonwatéhaʼte kíʼ ne ronhwaníha; ónenk kíʼ tsi enhionthatsatátʼtsahaʼte tsi enhiaiéheʼie.
10“Ne Ratsihenstowánen ne rohiathatokenhtíston tsi kénhie tewá꞉weron ne ranonhtsíne tánon tsi rohiathatokenhtíhon né kíʼ enhatʼtserónhniaʼte ne ratitsihénsthatsis rahonatʼtserónhnias, né káti aoríhwa iáh kíʼ thahónton nahaniskwahráko né iáh thaʼhotkorothíhen khés naharátion ne rahotserónhnia né naréneste tsi ahotsiónhnionʼke. 11-12Akonháke nónhwe nihonwathonhnará꞉ni tánon káti iáh thahónton ne tahathatsiathátsionsʼte khés ne thaʼhéntsionsʼte nakatóhsehra tsi éhren árete tánon thóh kanónskon iahatháwehiaʼte tsi nónhwe tewenhehionhtháien, iekaníhare né rahónha roʼníha tó꞉ka ó꞉ni ronisténha akénhake. 13Ónenk tsi né꞉ne iáh teienakwaientéri enhathateniákʼten, 14iáh ne ioteréhons tó꞉ka ó꞉ni ne tehiotetkháshion tó꞉ka ó꞉ni ne iónkwe ne iorihwahiathatónhon íken. Ónenk tsi né꞉ne iáh tekanakwaientéri enhathateniákʼten né꞉ne rahónha rahotarákon nónhwe nikaiátare. 15Asèken, ne sakohiohokónhas, ahiowenhkénʼen ahotiʼhiathatokenhtíken, kwáh kíʼ tenhotihiathátsionhke. Í꞉i ne Watiá꞉ner tánon Í꞉i ákte nihiteron nahatsihenstowanénhake.”
16Ne Roiá꞉ner wahorihónten ne Mahís 17nahoró꞉ri ne Aaron, “Iáh ónhka tsi nienhsatwatsiríhne né iáh tieiehiathaiéri thahónton nahiotátʼtshe ne ká꞉khwa. Né kí꞉ken tsi nénhwe thóh nenhiotónhake. 18Iáh ónhka ne rónhkwe ne iáh tiehahiataiéri thahónton ne thènen ahiatátʼtshe: iáh ónhka ne teieronhwékon, iáh tieiehiataiéri, shontekʼthí꞉iot tsi iakónhnhe; 19iáh ónhka ne hiontshanák꞉sen, khés ne hionhshí꞉takʼsen; 20iáh ónhka ne tehiakonowihiákon khés ne niʼienenhiésa; iáh ónhka ne iekharáksen tó꞉ka ó꞉ni ne akoné꞉honkne ahiakohráhraʼke; tánon iáh ónka ne rónhkwe ne ronhwakwahthákwen. 21Iáh ónhka ne Aaron tsi nienhatwatsiríne né iáh tiehatiʼhiathaiéri thaʼhónton nahionktátʼtie ne ká꞉khwa. 22Nètho rónhkwe nonhtiérenk énraʼke ne ká꞉khwa né hionkthátire, tetsáron né꞉ne iotokénti ká꞉khwa tánon ne kwáh iotokénti ká꞉khwa iewatʼkáwen, 23ók ne tsioríhwa tsi iáh tiehahiataiéri, iáh kíʼ tehiówenk nát꞉tha árete tsi ioniatharénhton ne iotokénti khés ne tsi ietsienhará꞉kwah. Iáh tehiówenk ne tahéntsionste kí꞉ken orihwatokéntis, tsioríhwa tsi Í꞉i ne Watiá꞉ner tánon Í꞉i kónhnis nahiothitokenhtíke.”
24Kí꞉ken, éhtho, káti ní꞉ioht ne Mahís tsi wahoró꞉ri ne Aaron, ó꞉ni sakohiohokónhas ne Aaron, tánon onhkwetaʼkwékon ne Israerronónhke.
Currently Selected:
Leviticus 21: MHK
Highlight
Share
Copy
Want to have your highlights saved across all your devices? Sign up or sign in
Matthew, Mark, Luke, and John were translated by Sosé Onasakenrat and published by the Montreal auxiliary of the British and Foreign Bible Society in 1880. The text of these books is in the public domain.
The text of the following books is copyright © Kanien’kehá:ka Aotióhkwa Tehatiwennaténie’s Kahiatonhseratokénhti (Mohawk Bible Translation Team): 2 Corinthians (2001), Jonah (2002), Ruth (2005), Daniel (2005), Esther (2006), and Proverbs (2007).
All other text is copyright © Harvey Satewas Gabriel, 2023.
Leviticus 21
21
Ne Raotihiathatokentítsheras Ne Ratiʼtsihénstatsis
1Ne Roiá꞉ner wahorihónten ne Mahís nashakoró꞉ri ne Aaronite ratiʼtsihénstatsis, “Tó꞉sa ónhka ne ratsiʼhénstatsi ne tahathaʼtsiatátionsʼte nahateriwaténhtsiaʼte nashakohiatháta ne ronhthátenonhkwe, 2nék tó꞉ka kén ronisténha, roʼníha, roiénha, shakoiénha, iathatekénha, 3khés ne iáh tehioniákon iatenosénha ne rahonónhskon kénhteron. 4Iáh tehiówenk ne tahathatsiathátionsʼte nenhiaiéheie tsi nikáien ne kaniátshera nitsawénon tsi iaʼthátenonhkwe iotónhon.
5“Iáh ónhka ne ratsiʼhénstatsi nahathatenónhkare ne ranonhtsíne khés nahatkonsthónriaʼke khés nahatátrene ne rahiatháke narénesʼte tsi rotsiónhnion. 6Ónenk tsi enhohiathatokenhtíhake tánon iáh tehiówenk nahatsenhnátsaʼte. Ne Ká꞉khwa rakthátis, tánon káti ónenk tsi enhohiatatokenhtíke. 7Ne ratsihénstatsi iáh thahónton nahotíniaʼke ne iónhkwe né꞉ne iorihwahiathatónhon nakahiathótenhne tó꞉ka ó꞉ni ne iakónhkwe ónenh ienakwaientéri iakotenathónkwen tó꞉ka ó꞉ni ne tehiotetʼkháshion; né tsi rohiathatokénti íken. 8Nonhkweshón꞉as ónenk tsi thóh ní꞉ioht tsi enhonwananonhthónhnionʼse ne ratitsihénstatsis tsi rotihiathatokénti íken, tsioríhwa tsi rahónha rakʼthátis ne ká꞉khwa. Í꞉i ne Watiá꞉ner; Watiathatokénti tánon Í꞉i kheʼhionhniénhnis naʼkonhkwetaʼshón꞉as nahononhkwetathokenhtíke. 9Tó꞉ka ne ratsihénstatsi shakoiénha waheriwahiatháton wahónton, wahonwatéhaʼte kíʼ ne ronhwaníha; ónenk kíʼ tsi enhionthatsatátʼtsahaʼte tsi enhiaiéheʼie.
10“Ne Ratsihenstowánen ne rohiathatokenhtíston tsi kénhie tewá꞉weron ne ranonhtsíne tánon tsi rohiathatokenhtíhon né kíʼ enhatʼtserónhniaʼte ne ratitsihénsthatsis rahonatʼtserónhnias, né káti aoríhwa iáh kíʼ thahónton nahaniskwahráko né iáh thaʼhotkorothíhen khés naharátion ne rahotserónhnia né naréneste tsi ahotsiónhnionʼke. 11-12Akonháke nónhwe nihonwathonhnará꞉ni tánon káti iáh thahónton ne tahathatsiathátsionsʼte khés ne thaʼhéntsionsʼte nakatóhsehra tsi éhren árete tánon thóh kanónskon iahatháwehiaʼte tsi nónhwe tewenhehionhtháien, iekaníhare né rahónha roʼníha tó꞉ka ó꞉ni ronisténha akénhake. 13Ónenk tsi né꞉ne iáh teienakwaientéri enhathateniákʼten, 14iáh ne ioteréhons tó꞉ka ó꞉ni ne tehiotetkháshion tó꞉ka ó꞉ni ne iónkwe ne iorihwahiathatónhon íken. Ónenk tsi né꞉ne iáh tekanakwaientéri enhathateniákʼten né꞉ne rahónha rahotarákon nónhwe nikaiátare. 15Asèken, ne sakohiohokónhas, ahiowenhkénʼen ahotiʼhiathatokenhtíken, kwáh kíʼ tenhotihiathátsionhke. Í꞉i ne Watiá꞉ner tánon Í꞉i ákte nihiteron nahatsihenstowanénhake.”
16Ne Roiá꞉ner wahorihónten ne Mahís 17nahoró꞉ri ne Aaron, “Iáh ónhka tsi nienhsatwatsiríhne né iáh tieiehiathaiéri thahónton nahiotátʼtshe ne ká꞉khwa. Né kí꞉ken tsi nénhwe thóh nenhiotónhake. 18Iáh ónhka ne rónhkwe ne iáh tiehahiataiéri thahónton ne thènen ahiatátʼtshe: iáh ónhka ne teieronhwékon, iáh tieiehiataiéri, shontekʼthí꞉iot tsi iakónhnhe; 19iáh ónhka ne hiontshanák꞉sen, khés ne hionhshí꞉takʼsen; 20iáh ónhka ne tehiakonowihiákon khés ne niʼienenhiésa; iáh ónhka ne iekharáksen tó꞉ka ó꞉ni ne akoné꞉honkne ahiakohráhraʼke; tánon iáh ónka ne rónhkwe ne ronhwakwahthákwen. 21Iáh ónhka ne Aaron tsi nienhatwatsiríne né iáh tiehatiʼhiathaiéri thaʼhónton nahionktátʼtie ne ká꞉khwa. 22Nètho rónhkwe nonhtiérenk énraʼke ne ká꞉khwa né hionkthátire, tetsáron né꞉ne iotokénti ká꞉khwa tánon ne kwáh iotokénti ká꞉khwa iewatʼkáwen, 23ók ne tsioríhwa tsi iáh tiehahiataiéri, iáh kíʼ tehiówenk nát꞉tha árete tsi ioniatharénhton ne iotokénti khés ne tsi ietsienhará꞉kwah. Iáh tehiówenk ne tahéntsionste kí꞉ken orihwatokéntis, tsioríhwa tsi Í꞉i ne Watiá꞉ner tánon Í꞉i kónhnis nahiothitokenhtíke.”
24Kí꞉ken, éhtho, káti ní꞉ioht ne Mahís tsi wahoró꞉ri ne Aaron, ó꞉ni sakohiohokónhas ne Aaron, tánon onhkwetaʼkwékon ne Israerronónhke.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Matthew, Mark, Luke, and John were translated by Sosé Onasakenrat and published by the Montreal auxiliary of the British and Foreign Bible Society in 1880. The text of these books is in the public domain.
The text of the following books is copyright © Kanien’kehá:ka Aotióhkwa Tehatiwennaténie’s Kahiatonhseratokénhti (Mohawk Bible Translation Team): 2 Corinthians (2001), Jonah (2002), Ruth (2005), Daniel (2005), Esther (2006), and Proverbs (2007).
All other text is copyright © Harvey Satewas Gabriel, 2023.