Leviticus 9
9
Ne Aaron Tánon Ne Sakohiohokónhas Tahontháshawen Wahothiʼhióten Ne Raotiʼioténsera
1Tsi óia sahiórenhne ónenh sihioteweienhnentáhon tsi nikaianerenseró꞉ten nahionthaterihwaníratʼtse, Ne Mahís iashakónonhke ne Aaron tánon ne sakohiohokónhas ó꞉ni ne ronaterihóntons ne Israerʼró꞉nonhke. 2Wahawénhase ne Aaron, “Iatsiaténhaf ne tsionónskwahron rátsinn tánon ne teiotinakaronhtónʼa rátsinn né꞉ne kwáh iahothènen tehothiʼtsihióthare tánon thá꞉tion ne Roiá꞉ner, ne tsionónskwahron rátsinn né꞉ne kariwanerenhákʼtshera aorihwáke tánon ne teiotinakarontónʼa né nenʼné꞉e nahonwateskónhten aorihwáke. 3Ethóhʼne sheʼróhri nonhkweshón꞉as Nisraerʼró꞉nonhke kaiatákeras rátsinn iehonwahiaténhaf né꞉ne karihwanerahák꞉tshera aorihwáke, né꞉ne énska tehahoserihiákon, tánon énska tehahosehrihiákon teiotinakaronhtónʼa né꞉ne kwáh iáh othènen tehotsihióthare né nahonwanaʼteskónhten, 4tánon tehonakares rátsinn tánon teiotinakaronhtónʼa rátsinn né nènhne ne skaríhwah íken tsi iahontkáwenhke. Né꞉ne Roiá꞉ner ahonwateskóntʼthaʼse skátke noná꞉tsias aorihwáke né꞉ne teweienaʼiéston. Ónenk kíʼ tsi thóh nenhatí꞉iere tsioríhwa ne Roiá꞉ner tsi ónhwa wenhniseráte enshakothotháshiaʼse.”
5Kwáh oriwakwékon ohénton tsi watóhsehroʼthe niahatíhaʼwe tsi kíʼ nihorihwíson ne Mahís, tánon kwáh kanakeraserakwékon thóh nónhwe nahontsataróroʼke nahonwasénhnaien ne Roiá꞉ner. 6Ne Mahís wahénron, “Ne Roiá꞉ner kwáh tsi sewarihwishehén꞉ni akwékon kí꞉ken thóh naisewáiere, né káti nahónton ne rahohiathanerakwáhtshera nahisewatoʼtháshiaʼse.” 7Ethóhʼne ónen Aaron nónhwa sahawénhaʼse, “Wáhs tsi ietsienharákwahke niáhaʼse tánon né saterihwaténtʼtsiat ne karihwáneren aoriwáke asatʼtsiaháthaʼkwe tánon ne watéskonhte aorihwáke né nènhne éhren ahonsakaháwiʼte ne sarihwanerahákʼtsheras ó꞉ni nonhkweshón꞉as akorihwanerahák꞉tsheras. Saterihwaténtʼtsiat kí꞉ken nikarihó꞉tens né nahéren ahonsakaháwiʼte nonhkweshón꞉as akorihwanerahák꞉tsheras, kwáh kíʼ tsi nihorihwíson ne Roiá꞉ner.”
8Ne Aaron thóh kíʼ niaháre ákta ne tsi ietsienharáhkwahke tánon teró꞉owíra wahononhwarhiákon né꞉ne rahónʼa rahorihwanerahák꞉tshera aorihwáke. 9Sakohiohokónʼa tahonwanekwenhsahawíten, tánon thóh iaʼthanisnónhsoʼwe, tánon ostónha thóh tsi iosónhtons ne tsi tekahiosakérons ne ietsienharákwahke wahanekwenhsaró꞉sehron, tánon ne wahotenekwenhsatháteʼre tsikʼkárate ne ietsienharákwa iahanekwenhsáweron. 10Tánon thóh ne tsi ietsienharákwahke wahatʼtsahathánion ne iorèsens, ostséseris, tánon ne kwáh tewentwenhsí꞉io, kwáh kíʼ tsi nihoríhonte ne Roiá꞉ner ne Mahís. 11Ók nowárons ó꞉ni ne kanèhonk ástsʼte tsi nónhwe nihonatená꞉thaien wahát꞉tsahaʼte.
12Wahononhwarhiákon ne katʼtshénen né꞉ne kwáh rahónʼa enhoteskónten. Sakohiohokónhas tahonwahawíten nonekwénhsa, tánon thóh iahotiésehrons akwékon ne kaiéri níkons ne skatísons nokwáhtis ne ietsienharáhkwahke. 13Tahónhion nonónhtsi tánon noiá꞉sons nahoténsons ne katshénen tsi rónhnheʼkwe, tánon ietsienharákwahke wahatʼtsahathánion. 14Ethóhʼne wahanoharénion ne rahiathakónsons ne katshénen tsi nihioteriwatséren tánon wahát꞉tsahaʼte ne ietsienharákwahke é꞉neken taharónhnion ne tsi wateskónthaʼkwe.
15Ehʼthóhʼne ónen, ne wahaterihwatsʼtérisʼte nonhkweshón꞉as tsiakoiesthánions. Iahohiaténhaʼwe ne kahiatákeras tsi tkaiéston né꞉ne nonhkweshón꞉a akorihwanerahák꞉tsheras aorihwáke, wahononhwarhiákon, tánon iahát꞉kaʼwe, tsi kíʼ nihoiéren tsi iehotkáwen ne rahónʼa rahorihwanerahák꞉tshera aorihwáke. 16Iahohiaténhaʼwe ó꞉ni ne katshénen ne nahoteskónhten aorihwáke tánon taháiesʼthe tahioianénhaʼwe tsi kíʼ nikaianerenseró꞉tens. 17Iahát꞉kaʼwe ne onátsia aorihwáke tánon wahatsanó꞉tsienʼthe nothèsera tánon wahát꞉tsahaʼte tsi ietsienharákwahke. (Né kí꞉ken nisiʼnónhwe nihiówenhte ne niaʼtewenhniseráke tsi hionteskónhtʼtha.) 18Wahononhwarhiákon ne teró ó꞉ni ne tehiotinakaronhtónhʼa rátsinn né ꞉ne skaríhwa akorihwáke íken nonhkweshón꞉a. Sakohiohokónhas tahonwanekwenhsenhawíten, tánon thóh iahotsésehron ne kaiéri níkons ne skatísons nokwahtísons ne ietsienharáhkwahke. 19Ne Aaron ne teró rahoresénhtsheras raierónhthake ne teiotinakaronhtónʼa waharónhnion 20é꞉neken ne ronhnenhskweʼnákes ne katʼtshénens tánon iahahá꞉sehron akwékon tsi ietsienharáhkwahke. Thóh ietsienharákwahke wahatʼtsahathánion ne iorèsenhs 21tánon iahatkawásehron noskwènas ó꞉ni nonàkens osínas né꞉ne katokénstons athatawítsheras né꞉ne Roiá꞉ner rahorihwáke tsi thonwanáwi ne ratiʼtsihénsthatsis, tsi kíʼ nihorihwíson ne Mahís.
22Ne nónen ne Aaron akwékon waharihwaiériʼte ne watéskontes wahanentʼtsakétsko rahotihénton nonhkweshón꞉as tánon washakohiathaʼtéristhe, tánon ethòne thontaháts꞉nenhte ne ietsienharákwahke. 23Ne Mahís tánon ne Aaron atohsehrákon niaháne tsi nónhwe nihénteron ne Roiá꞉ner, tánon nónen shaʼthontanihiákenhne, washakotiʼhiathatérisʼthe nonhkweshón꞉as, tánon ne rahohiathanerakwáhtsheras ne Roiá꞉ner kanenhrakwékon tsi wahakothoʼtháshiaʼse. 24Thonthaiaʼwénhstsi ne Roiá꞉ner ótsire tahathénieʼte, tánon onhthónhte ne watéskonte tánon ne iorèsenhs nahoténsons ne ietsienharákwahke. Nó꞉nen nonhkweshón꞉a sahontkátho, ratikwékon watotihénreʼthe tánon wathontʼtsákeʼte tsiahatiʼkonhsaiénthaʼne nonhontsáke.
Currently Selected:
Leviticus 9: MHK
Highlight
Share
Copy
Want to have your highlights saved across all your devices? Sign up or sign in
Matthew, Mark, Luke, and John were translated by Sosé Onasakenrat and published by the Montreal auxiliary of the British and Foreign Bible Society in 1880. The text of these books is in the public domain.
The text of the following books is copyright © Kanien’kehá:ka Aotióhkwa Tehatiwennaténie’s Kahiatonhseratokénhti (Mohawk Bible Translation Team): 2 Corinthians (2001), Jonah (2002), Ruth (2005), Daniel (2005), Esther (2006), and Proverbs (2007).
All other text is copyright © Harvey Satewas Gabriel, 2023.
Leviticus 9
9
Ne Aaron Tánon Ne Sakohiohokónhas Tahontháshawen Wahothiʼhióten Ne Raotiʼioténsera
1Tsi óia sahiórenhne ónenh sihioteweienhnentáhon tsi nikaianerenseró꞉ten nahionthaterihwaníratʼtse, Ne Mahís iashakónonhke ne Aaron tánon ne sakohiohokónhas ó꞉ni ne ronaterihóntons ne Israerʼró꞉nonhke. 2Wahawénhase ne Aaron, “Iatsiaténhaf ne tsionónskwahron rátsinn tánon ne teiotinakaronhtónʼa rátsinn né꞉ne kwáh iahothènen tehothiʼtsihióthare tánon thá꞉tion ne Roiá꞉ner, ne tsionónskwahron rátsinn né꞉ne kariwanerenhákʼtshera aorihwáke tánon ne teiotinakarontónʼa né nenʼné꞉e nahonwateskónhten aorihwáke. 3Ethóhʼne sheʼróhri nonhkweshón꞉as Nisraerʼró꞉nonhke kaiatákeras rátsinn iehonwahiaténhaf né꞉ne karihwanerahák꞉tshera aorihwáke, né꞉ne énska tehahoserihiákon, tánon énska tehahosehrihiákon teiotinakaronhtónʼa né꞉ne kwáh iáh othènen tehotsihióthare né nahonwanaʼteskónhten, 4tánon tehonakares rátsinn tánon teiotinakaronhtónʼa rátsinn né nènhne ne skaríhwah íken tsi iahontkáwenhke. Né꞉ne Roiá꞉ner ahonwateskóntʼthaʼse skátke noná꞉tsias aorihwáke né꞉ne teweienaʼiéston. Ónenk kíʼ tsi thóh nenhatí꞉iere tsioríhwa ne Roiá꞉ner tsi ónhwa wenhniseráte enshakothotháshiaʼse.”
5Kwáh oriwakwékon ohénton tsi watóhsehroʼthe niahatíhaʼwe tsi kíʼ nihorihwíson ne Mahís, tánon kwáh kanakeraserakwékon thóh nónhwe nahontsataróroʼke nahonwasénhnaien ne Roiá꞉ner. 6Ne Mahís wahénron, “Ne Roiá꞉ner kwáh tsi sewarihwishehén꞉ni akwékon kí꞉ken thóh naisewáiere, né káti nahónton ne rahohiathanerakwáhtshera nahisewatoʼtháshiaʼse.” 7Ethóhʼne ónen Aaron nónhwa sahawénhaʼse, “Wáhs tsi ietsienharákwahke niáhaʼse tánon né saterihwaténtʼtsiat ne karihwáneren aoriwáke asatʼtsiaháthaʼkwe tánon ne watéskonhte aorihwáke né nènhne éhren ahonsakaháwiʼte ne sarihwanerahákʼtsheras ó꞉ni nonhkweshón꞉as akorihwanerahák꞉tsheras. Saterihwaténtʼtsiat kí꞉ken nikarihó꞉tens né nahéren ahonsakaháwiʼte nonhkweshón꞉as akorihwanerahák꞉tsheras, kwáh kíʼ tsi nihorihwíson ne Roiá꞉ner.”
8Ne Aaron thóh kíʼ niaháre ákta ne tsi ietsienharáhkwahke tánon teró꞉owíra wahononhwarhiákon né꞉ne rahónʼa rahorihwanerahák꞉tshera aorihwáke. 9Sakohiohokónʼa tahonwanekwenhsahawíten, tánon thóh iaʼthanisnónhsoʼwe, tánon ostónha thóh tsi iosónhtons ne tsi tekahiosakérons ne ietsienharákwahke wahanekwenhsaró꞉sehron, tánon ne wahotenekwenhsatháteʼre tsikʼkárate ne ietsienharákwa iahanekwenhsáweron. 10Tánon thóh ne tsi ietsienharákwahke wahatʼtsahathánion ne iorèsens, ostséseris, tánon ne kwáh tewentwenhsí꞉io, kwáh kíʼ tsi nihoríhonte ne Roiá꞉ner ne Mahís. 11Ók nowárons ó꞉ni ne kanèhonk ástsʼte tsi nónhwe nihonatená꞉thaien wahát꞉tsahaʼte.
12Wahononhwarhiákon ne katʼtshénen né꞉ne kwáh rahónʼa enhoteskónten. Sakohiohokónhas tahonwahawíten nonekwénhsa, tánon thóh iahotiésehrons akwékon ne kaiéri níkons ne skatísons nokwáhtis ne ietsienharáhkwahke. 13Tahónhion nonónhtsi tánon noiá꞉sons nahoténsons ne katshénen tsi rónhnheʼkwe, tánon ietsienharákwahke wahatʼtsahathánion. 14Ethóhʼne wahanoharénion ne rahiathakónsons ne katshénen tsi nihioteriwatséren tánon wahát꞉tsahaʼte ne ietsienharákwahke é꞉neken taharónhnion ne tsi wateskónthaʼkwe.
15Ehʼthóhʼne ónen, ne wahaterihwatsʼtérisʼte nonhkweshón꞉as tsiakoiesthánions. Iahohiaténhaʼwe ne kahiatákeras tsi tkaiéston né꞉ne nonhkweshón꞉a akorihwanerahák꞉tsheras aorihwáke, wahononhwarhiákon, tánon iahát꞉kaʼwe, tsi kíʼ nihoiéren tsi iehotkáwen ne rahónʼa rahorihwanerahák꞉tshera aorihwáke. 16Iahohiaténhaʼwe ó꞉ni ne katshénen ne nahoteskónhten aorihwáke tánon taháiesʼthe tahioianénhaʼwe tsi kíʼ nikaianerenseró꞉tens. 17Iahát꞉kaʼwe ne onátsia aorihwáke tánon wahatsanó꞉tsienʼthe nothèsera tánon wahát꞉tsahaʼte tsi ietsienharákwahke. (Né kí꞉ken nisiʼnónhwe nihiówenhte ne niaʼtewenhniseráke tsi hionteskónhtʼtha.) 18Wahononhwarhiákon ne teró ó꞉ni ne tehiotinakaronhtónhʼa rátsinn né ꞉ne skaríhwa akorihwáke íken nonhkweshón꞉a. Sakohiohokónhas tahonwanekwenhsenhawíten, tánon thóh iahotsésehron ne kaiéri níkons ne skatísons nokwahtísons ne ietsienharáhkwahke. 19Ne Aaron ne teró rahoresénhtsheras raierónhthake ne teiotinakaronhtónʼa waharónhnion 20é꞉neken ne ronhnenhskweʼnákes ne katʼtshénens tánon iahahá꞉sehron akwékon tsi ietsienharáhkwahke. Thóh ietsienharákwahke wahatʼtsahathánion ne iorèsenhs 21tánon iahatkawásehron noskwènas ó꞉ni nonàkens osínas né꞉ne katokénstons athatawítsheras né꞉ne Roiá꞉ner rahorihwáke tsi thonwanáwi ne ratiʼtsihénsthatsis, tsi kíʼ nihorihwíson ne Mahís.
22Ne nónen ne Aaron akwékon waharihwaiériʼte ne watéskontes wahanentʼtsakétsko rahotihénton nonhkweshón꞉as tánon washakohiathaʼtéristhe, tánon ethòne thontaháts꞉nenhte ne ietsienharákwahke. 23Ne Mahís tánon ne Aaron atohsehrákon niaháne tsi nónhwe nihénteron ne Roiá꞉ner, tánon nónen shaʼthontanihiákenhne, washakotiʼhiathatérisʼthe nonhkweshón꞉as, tánon ne rahohiathanerakwáhtsheras ne Roiá꞉ner kanenhrakwékon tsi wahakothoʼtháshiaʼse. 24Thonthaiaʼwénhstsi ne Roiá꞉ner ótsire tahathénieʼte, tánon onhthónhte ne watéskonte tánon ne iorèsenhs nahoténsons ne ietsienharákwahke. Nó꞉nen nonhkweshón꞉a sahontkátho, ratikwékon watotihénreʼthe tánon wathontʼtsákeʼte tsiahatiʼkonhsaiénthaʼne nonhontsáke.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Matthew, Mark, Luke, and John were translated by Sosé Onasakenrat and published by the Montreal auxiliary of the British and Foreign Bible Society in 1880. The text of these books is in the public domain.
The text of the following books is copyright © Kanien’kehá:ka Aotióhkwa Tehatiwennaténie’s Kahiatonhseratokénhti (Mohawk Bible Translation Team): 2 Corinthians (2001), Jonah (2002), Ruth (2005), Daniel (2005), Esther (2006), and Proverbs (2007).
All other text is copyright © Harvey Satewas Gabriel, 2023.