Lik Ejiptơ 16
16
Mana mơ sềm rgut
1Tòm ngai jơt pram kơnhai bàr, tơnơ̆ mơ tŭ neh lik bơh Ejiptơ, jơh dô mpồl jơnum cau Israel lik lòt bơh di Elim tus hơ ƀlàng ngềt ngơt Sin, ơm digùl Elim mơ Sinai. 2Tòm ƀlàng ngềt ngơt jơh dô mpồl jơnum yoam tòmdră mơ Môise mơ Arôn. 3Cau Israel đơs mơ bol khai lah: “Digơlan niam rlau la bol hi neh chơt bơh tê Yàng Jehôwa tòm Ejiptơ. Tềng hơ̆ bol hi nggui rềp di ală glah poac mơ sa jơh ală phan sa mơ bol hi kòñ sa, mơya bàr nă ồng neh cèng bol hi lik lòt mơ mut tòm ƀlàng ngềt ngơt do nàng lòi jơh dô mpồl jơnum do chơt jơgloh.” 4#Jang 6:31.Gen Yàng Jehôwa đơs mơ Môise lah: “Añ rơp bơh hơđang trồ đùh mìu piang lă bol mê in. Làng bol rơp lik kòp ngai dòñ tơl sa dô ngai hơ̆. Lơh behơ̆ nàng Añ lòng sền làng bol rơp lơh jat jơnau bơto sồr Añ jê hala ò. 5Tòm ngai prau, làng bol pal rcang pơnah bol khai dòñ geh, hơ̆ la bàr dơ̆ oă rlau mơ òs bol khai dòñ tòm ală ngai ndai.”
6Behơ̆ Môise mơ Arôn đơs mơ cau Israel lah: “Mho ngai do bol mê rơp git hơ̆ la Yàng Jehôwa neh cèng bol mê lik klàs bơh di Ejiptơ, 7mơ tòm àng drim bol mê rơp gŏ bơta gơklŏ Yàng Jehôwa dê, tài bơh Kơnràñ neh kơno jơnau bol mê yoam Kơnràñ rau. Bol hi la ñcau mơ bol mê yoam tòmdră mơ bol hi taih?” 8Môise kung đơs lah: “Bol mê rơp git hơ̆ la Yàng Jehôwa tòm tŭ Kơnràñ ai poac bol mê in sa tòm trồ mho, mơ jơh ală piang lă bol mê kòñ gơs tòm àng drim, bơh Kơnràñ neh kơno bol mê yoam tòmdră mơ Kơnràñ rau. Bol hi la ñcau taih? Bol mê ò di yoam tòmdră mơ bol hi ò, mơya la yoam tòmdră mơ Yàng Jehôwa.”
9Gen Môise sồr Arôn lah: “Đơs tĕ mơ jơh dô mpồl jơnum Israel lah: ‘Bol mê tus tĕ di đap Yàng Jehôwa, bơh Kơnràñ neh kơno jơnau yoam tòmdră bol mê dê rau.’” 10Tòm tŭ Arôn ơm đơs mơ jơh dô mpồl jơnum Israel dê, bol khai wèt mat sền đah ƀlàng ngềt ngơt, mơ gơs bơta gơklŏ Yàng Jehôwa dê tơlik tòm mhwal. 11Yàng Jehôwa đơs mơ Môise lah: 12“Añ neh kơno jơnau yoam cau Israel dê. Đơs tĕ mơ bol khai lah: ‘Di trồ mho bol mê rơp sa poac, mơ tòm àng drim bol mê rơp sa hòm piang lă. Gen bol mê rơp git lah Añ la Jehôwa Yàng Tom Trồ bol mê dê.’”
13Tòm mho ngai hơ̆ gơs sềm rgut rơp hơđang ƀlàng sàl ơm bol khai dê; mơ tòm àng drim gơs dô tap dà mơryuh gùt dar ƀlàng sàl ơm. 14Tòm tŭ dà mơryuh roh rau, gen gơs kung be bơkào dà piar hơđang ù tòm ƀlàng ngềt ngơt. 15#I Kô 10:3.Tòm tŭ cau Israel gŏ gen lùp bal mơ gơp lah: “Phan hơ̆ la ñchi taih?” Bơh bol khai ò git phan hơ̆ la ñchi. Gen Môise đơs mơ bol khai lah: “Hơ̆ la piang lă mơ Yàng Jehôwa ai bol mê in lơh gơs phan sa.
16Do la jơnau Yàng Jehôwa neh sồr: ‘Kòp nă cau rgơi dòñ kàr lơi jat bơta pal càng khai dê. Dòñ dô ôme#16:16 pơgap bàr lit. kòp nă cau in gơs mat tòm sàl.’”
17Cau Israel lơh jat jơnau neh sồr; cau ƀà dòñ oă cau ƀà dòñ dô êt, 18#II Kô 8:15.Mơ tòm tŭ bol khai was mơ ôme; gen cau lơi dòñ oă kung ò tơngkah, cau lơi dòñ dô êt kung ò siơ̆u; kòp nă dòñ tơl jat be khai pal càng. 19Gen Môise đơs mơ bol khai lah: “Bañ gơs cau lơi lòi wơl dô êt lơi jơl tus àng drim.” 20Bulah behơ̆, gơs cau ƀà ò ơn tồr di jơnau Môise, bol khai prap lòi wơl dô pơnah phan sa hơ̆ jơl àng drim, gen gơlik tu tòm dơlam, mơ gơlik ƀô iơh. Behơ̆ Môise gơhào nùs di bol khai. 21Kòp àng drim kòp nă dòñ tơl jat be khai pal càng; tòm tŭ mattơngai duh gen phan sa hơ̆ gơlề jơh.
22Tus di ngai prau, bol khai dòñ bàr dơ̆ oă rlau, hơ̆ la kòp nă bàr ôme. Ală cau kwang lam bồ mpồl jơnum dê tus yal wơl Môise in git bơta hơ̆. 23#Lik 20:8-11.Môise đơs mơ bol khai lah: “Do la jơnau Yàng Jehôwa neh sồr: ‘Ngai hìng rơp la ngai rlô, la ngai Saƀat sàng goh Yàng Jehôwa in, behơ̆ buh tĕ phan lơi bol mê kòñ buh, mơ gơm tĕ phan lơi bol mê kòñ gơm. Prap wơl phan gam tơngkah, lòi tĕ tus àng drim.’” 24Behơ̆ bol khai prap phan hơ̆ tus àng drim jat be jơnau Môise neh sồr mơ phan hơ̆ ò gơlik gơs ƀô iơh hala gơlik tu dô êt lơi.
25Môise đơs lah: “Ngai do sa tĕ phan hơ̆, tài bơh ngai do la ngai Saƀat Yàng Jehôwa in. Ngai do bol mê jòi ò bàn phan hơ̆ tòm ƀlàng. 26Bol mê dòñ tòm prau ngai, mơya tus di ngai poh la ngai Saƀat, rơp ò gơs dô êt lơi.”
27Bulah behơ̆, bàr pe nă tòm làng bol lik lòt tòm ngai poh nàng dòñ phan sa hơ̆, mơya jòi ò gŏ chi lơi. 28Gen Yàng Jehôwa đơs mơ Môise lah: “Bol mê ò bài prap gàr ală bơta sồr lam mơ ală bơta bơto sồr Añ jê jơl tus di tŭ lơi taih? 29Kah kơlôi tĕ lah Yàng Jehôwa neh ai bol mê in ngai Saƀat; tài behơ̆ tàng tòm ngai prau Kơnràñ ai bol mê in piang lă tơl bàr ngai. Tòm ngai poh kòp nă pal ơm tòm tiah khai dê, bañ gơs cau lơi lik bơdìh hìu.” 30Behơ̆ làng bol ơm rlô tòm ngai poh.
31 #
Khà 11:7-8. Làng bol Israel sơnđan piang lă do la mana.#16:31 mana: Jơnau do sap đơs tòm toh be jơnau Hebrơ gơs gơtha la: “Ñchi phan hơ̆?” (Sền sèng 15). Gơ bò be gar biap ƀô, mơ sa gơlơh be ƀañ kơmbuh phe mơ dà lơwe.
32Môise đơs lah: “Do la jơnau Yàng Jehôwa neh sồr: ‘Ai tĕ dô ôme mana mơ prap lòi wơl ală rài tơnơ̆ in, tồ bol khai rgơi gŏ piang lă mơ Añ neh ai bol mê in nàng sa tòm ƀlàng ngềt ngơt tòm tŭ Añ tă cèng bol mê lik bơh lơgar Ejiptơ.’” 33#Heb 9:4.Behơ̆ Môise đơs mơ Arôn lah: “Ai tĕ dô nơm gri mơ ơn tòm hơ̆ dô ôme mana. Lồc behơ̆ ơn gơ di đap Yàng Jehôwa nàng prap lòi wơl tus di ală rài tơnơ̆.” 34Jat be jơnau Yàng Jehôwa neh sồr Môise. Behơ̆ Arôn ơn gri piang lă di đap đài Bơta Cơng Tàng tồ geh prap lòi wơl. 35#Jôs 5:12.Cau Israel sa mana tòm poan jơt nam, jơl tus di tŭ bol khai mut tòm lơgar bol khai ơm; bol khai sa mana jơl tus di tŭ bol khai tus di nhàr lơgar Kanaan.
36Mơ tai, dô ôme la dô pơnah jơt epha dê.#16:36 epha: la phan was kơr phan kră, ndròm mơ 20 lit.
Currently Selected:
Lik Ejiptơ 16: KPM2018
Highlight
Share
Copy
Want to have your highlights saved across all your devices? Sign up or sign in
© 2018 United Bible Societies. All rights reserved.
Lik Ejiptơ 16
16
Mana mơ sềm rgut
1Tòm ngai jơt pram kơnhai bàr, tơnơ̆ mơ tŭ neh lik bơh Ejiptơ, jơh dô mpồl jơnum cau Israel lik lòt bơh di Elim tus hơ ƀlàng ngềt ngơt Sin, ơm digùl Elim mơ Sinai. 2Tòm ƀlàng ngềt ngơt jơh dô mpồl jơnum yoam tòmdră mơ Môise mơ Arôn. 3Cau Israel đơs mơ bol khai lah: “Digơlan niam rlau la bol hi neh chơt bơh tê Yàng Jehôwa tòm Ejiptơ. Tềng hơ̆ bol hi nggui rềp di ală glah poac mơ sa jơh ală phan sa mơ bol hi kòñ sa, mơya bàr nă ồng neh cèng bol hi lik lòt mơ mut tòm ƀlàng ngềt ngơt do nàng lòi jơh dô mpồl jơnum do chơt jơgloh.” 4#Jang 6:31.Gen Yàng Jehôwa đơs mơ Môise lah: “Añ rơp bơh hơđang trồ đùh mìu piang lă bol mê in. Làng bol rơp lik kòp ngai dòñ tơl sa dô ngai hơ̆. Lơh behơ̆ nàng Añ lòng sền làng bol rơp lơh jat jơnau bơto sồr Añ jê hala ò. 5Tòm ngai prau, làng bol pal rcang pơnah bol khai dòñ geh, hơ̆ la bàr dơ̆ oă rlau mơ òs bol khai dòñ tòm ală ngai ndai.”
6Behơ̆ Môise mơ Arôn đơs mơ cau Israel lah: “Mho ngai do bol mê rơp git hơ̆ la Yàng Jehôwa neh cèng bol mê lik klàs bơh di Ejiptơ, 7mơ tòm àng drim bol mê rơp gŏ bơta gơklŏ Yàng Jehôwa dê, tài bơh Kơnràñ neh kơno jơnau bol mê yoam Kơnràñ rau. Bol hi la ñcau mơ bol mê yoam tòmdră mơ bol hi taih?” 8Môise kung đơs lah: “Bol mê rơp git hơ̆ la Yàng Jehôwa tòm tŭ Kơnràñ ai poac bol mê in sa tòm trồ mho, mơ jơh ală piang lă bol mê kòñ gơs tòm àng drim, bơh Kơnràñ neh kơno bol mê yoam tòmdră mơ Kơnràñ rau. Bol hi la ñcau taih? Bol mê ò di yoam tòmdră mơ bol hi ò, mơya la yoam tòmdră mơ Yàng Jehôwa.”
9Gen Môise sồr Arôn lah: “Đơs tĕ mơ jơh dô mpồl jơnum Israel lah: ‘Bol mê tus tĕ di đap Yàng Jehôwa, bơh Kơnràñ neh kơno jơnau yoam tòmdră bol mê dê rau.’” 10Tòm tŭ Arôn ơm đơs mơ jơh dô mpồl jơnum Israel dê, bol khai wèt mat sền đah ƀlàng ngềt ngơt, mơ gơs bơta gơklŏ Yàng Jehôwa dê tơlik tòm mhwal. 11Yàng Jehôwa đơs mơ Môise lah: 12“Añ neh kơno jơnau yoam cau Israel dê. Đơs tĕ mơ bol khai lah: ‘Di trồ mho bol mê rơp sa poac, mơ tòm àng drim bol mê rơp sa hòm piang lă. Gen bol mê rơp git lah Añ la Jehôwa Yàng Tom Trồ bol mê dê.’”
13Tòm mho ngai hơ̆ gơs sềm rgut rơp hơđang ƀlàng sàl ơm bol khai dê; mơ tòm àng drim gơs dô tap dà mơryuh gùt dar ƀlàng sàl ơm. 14Tòm tŭ dà mơryuh roh rau, gen gơs kung be bơkào dà piar hơđang ù tòm ƀlàng ngềt ngơt. 15#I Kô 10:3.Tòm tŭ cau Israel gŏ gen lùp bal mơ gơp lah: “Phan hơ̆ la ñchi taih?” Bơh bol khai ò git phan hơ̆ la ñchi. Gen Môise đơs mơ bol khai lah: “Hơ̆ la piang lă mơ Yàng Jehôwa ai bol mê in lơh gơs phan sa.
16Do la jơnau Yàng Jehôwa neh sồr: ‘Kòp nă cau rgơi dòñ kàr lơi jat bơta pal càng khai dê. Dòñ dô ôme#16:16 pơgap bàr lit. kòp nă cau in gơs mat tòm sàl.’”
17Cau Israel lơh jat jơnau neh sồr; cau ƀà dòñ oă cau ƀà dòñ dô êt, 18#II Kô 8:15.Mơ tòm tŭ bol khai was mơ ôme; gen cau lơi dòñ oă kung ò tơngkah, cau lơi dòñ dô êt kung ò siơ̆u; kòp nă dòñ tơl jat be khai pal càng. 19Gen Môise đơs mơ bol khai lah: “Bañ gơs cau lơi lòi wơl dô êt lơi jơl tus àng drim.” 20Bulah behơ̆, gơs cau ƀà ò ơn tồr di jơnau Môise, bol khai prap lòi wơl dô pơnah phan sa hơ̆ jơl àng drim, gen gơlik tu tòm dơlam, mơ gơlik ƀô iơh. Behơ̆ Môise gơhào nùs di bol khai. 21Kòp àng drim kòp nă dòñ tơl jat be khai pal càng; tòm tŭ mattơngai duh gen phan sa hơ̆ gơlề jơh.
22Tus di ngai prau, bol khai dòñ bàr dơ̆ oă rlau, hơ̆ la kòp nă bàr ôme. Ală cau kwang lam bồ mpồl jơnum dê tus yal wơl Môise in git bơta hơ̆. 23#Lik 20:8-11.Môise đơs mơ bol khai lah: “Do la jơnau Yàng Jehôwa neh sồr: ‘Ngai hìng rơp la ngai rlô, la ngai Saƀat sàng goh Yàng Jehôwa in, behơ̆ buh tĕ phan lơi bol mê kòñ buh, mơ gơm tĕ phan lơi bol mê kòñ gơm. Prap wơl phan gam tơngkah, lòi tĕ tus àng drim.’” 24Behơ̆ bol khai prap phan hơ̆ tus àng drim jat be jơnau Môise neh sồr mơ phan hơ̆ ò gơlik gơs ƀô iơh hala gơlik tu dô êt lơi.
25Môise đơs lah: “Ngai do sa tĕ phan hơ̆, tài bơh ngai do la ngai Saƀat Yàng Jehôwa in. Ngai do bol mê jòi ò bàn phan hơ̆ tòm ƀlàng. 26Bol mê dòñ tòm prau ngai, mơya tus di ngai poh la ngai Saƀat, rơp ò gơs dô êt lơi.”
27Bulah behơ̆, bàr pe nă tòm làng bol lik lòt tòm ngai poh nàng dòñ phan sa hơ̆, mơya jòi ò gŏ chi lơi. 28Gen Yàng Jehôwa đơs mơ Môise lah: “Bol mê ò bài prap gàr ală bơta sồr lam mơ ală bơta bơto sồr Añ jê jơl tus di tŭ lơi taih? 29Kah kơlôi tĕ lah Yàng Jehôwa neh ai bol mê in ngai Saƀat; tài behơ̆ tàng tòm ngai prau Kơnràñ ai bol mê in piang lă tơl bàr ngai. Tòm ngai poh kòp nă pal ơm tòm tiah khai dê, bañ gơs cau lơi lik bơdìh hìu.” 30Behơ̆ làng bol ơm rlô tòm ngai poh.
31 #
Khà 11:7-8. Làng bol Israel sơnđan piang lă do la mana.#16:31 mana: Jơnau do sap đơs tòm toh be jơnau Hebrơ gơs gơtha la: “Ñchi phan hơ̆?” (Sền sèng 15). Gơ bò be gar biap ƀô, mơ sa gơlơh be ƀañ kơmbuh phe mơ dà lơwe.
32Môise đơs lah: “Do la jơnau Yàng Jehôwa neh sồr: ‘Ai tĕ dô ôme mana mơ prap lòi wơl ală rài tơnơ̆ in, tồ bol khai rgơi gŏ piang lă mơ Añ neh ai bol mê in nàng sa tòm ƀlàng ngềt ngơt tòm tŭ Añ tă cèng bol mê lik bơh lơgar Ejiptơ.’” 33#Heb 9:4.Behơ̆ Môise đơs mơ Arôn lah: “Ai tĕ dô nơm gri mơ ơn tòm hơ̆ dô ôme mana. Lồc behơ̆ ơn gơ di đap Yàng Jehôwa nàng prap lòi wơl tus di ală rài tơnơ̆.” 34Jat be jơnau Yàng Jehôwa neh sồr Môise. Behơ̆ Arôn ơn gri piang lă di đap đài Bơta Cơng Tàng tồ geh prap lòi wơl. 35#Jôs 5:12.Cau Israel sa mana tòm poan jơt nam, jơl tus di tŭ bol khai mut tòm lơgar bol khai ơm; bol khai sa mana jơl tus di tŭ bol khai tus di nhàr lơgar Kanaan.
36Mơ tai, dô ôme la dô pơnah jơt epha dê.#16:36 epha: la phan was kơr phan kră, ndròm mơ 20 lit.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018 United Bible Societies. All rights reserved.