Lik Ejiptơ 19
19
Di mơnơm Sinai
1Tòm kơnhai pe tơnơ̆ mơ tŭ neh lik bơh di lơgar Ejiptơ, tòm ală ngai hơ̆ bol khai neh tus tòm ƀlàng ngềt ngơt Sinai. 2Bol khai sơntòm lòt gùng bơh Rephidim, bol khai tus hơ ƀlàng ngềt ngơt Sinai, mơ bơtào sàl tòm ƀlàng ngềt ngơt; Israel sơntơp sàl tềng hơ̆, di đap mơnơm.
3Gen Môise guh tus hơ Yàng Tom Trồ, Yàng Jehôwa bơh di mơnơm hòi khai mơ đơs lah: “Do la bơta mê pal đơs mơ hìu Jakôp mơ la bơta mê pal yal làng bol Israel in: 4‘Să tòm bol mê neh gŏ ală bơta Añ neh lơh di Ejiptơ, mbe Añ neh pơdiang bol mê hơđang pơnđar klàng bung, mơ cèng bol mê tus hơ Añ. 5#Yalw 4:20; 7:6; 14:2; 26:18; Tit 2:14.#I Pier 2:9.Gen tàng, tŭ do dilah bol mê dòn bơr Añ wil tơl mơ prap gàr bơta ho bal Añ jê, gen digùl ală làng bol, bol mê rơp la phan jơtài Añ jê. Bulah jơh dunnia gơrê bal mơ Añ, 6#Yalt 1:6; 5:10.mơya bol mê rơp gơlik gơs Añ in dô nơm lơgar cau gơnoar ơn phan duh khoai mơ dô nơm làng bol sàng goh.’ Hơ̆ la ală jơnau mê pal đơs mơ cau Israel.”
7Behơ̆, Môise rê wơl mơ hòi tơrgòm ală cau kwang kra làng bol dê mơ yal wơl bol khai in jơh ală jơnau Yàng Jehôwa neh sồr khai yal. 8Jơh làng bol ho dô jơnau bal lah: “Bol hi rơp lơh jơh ală bơta Yàng Jehôwa neh đơs.” Behơ̆, Môise yal wơl jơnau ho làng bol dê mơ Yàng Jehôwa. 9Yàng Jehôwa đơs mơ Môise lah: “Añ rơp ơm tòm dô puk mhwal lơut ngan mơ tus hơ mê, nàng làng bol rơp kơno Añ đơs mơ mê, mơ dòn kơnòm di mê sùm.” Gen Môise yal wơl Yàng Jehôwa in ală jơnau làng bol neh đơs.
10Yàng Jehôwa đơs mơ Môise lah: “Lòt tĕ tus hơ làng bol mơ lơh bol khai in sàng goh ngai do mơ ngai hìng. Sồr bol khai pìh ồi ào bol khai dê, 11mơ pal rcang sir tòm ngai pe, tài bơh tòm ngai hơ̆ Yàng Jehôwa rơp mù hơđang mơnơm Sinai di đap mat jơh làng bol. 12#Heb 12:18-20.Lơh nhàr làng bol in gùt dar mơnơm, mơ đơs mơ bol khai lah: ‘Pal kơrhia tĕ, bañ hào hơđang mơnơm, hala ƀư di jơng mơnơm. Cau lơi ƀư di mơnơm gen rơp kong tơnchơt. 13Di ngan la cau hơ̆ pal kong cơm lŭ hala pañ mơ kam; bañ gơs cau lơi ƀư tê hơđang khai. Bulah kòn mơnus hala phan poan jơng kung ò lòi kis.’ Mìng tŭ lơi kơno cau uh ngke belàt dam ntas jòng sồng bol khai rgơi guh hơđang mơnơm.” 14Gen Môise mù bơh mơnơm mơ tus hơ làng bol, khai lơh làng bol in gơs sàng goh, mơ bol khai neh pìh ồi ào bol khai dê. 15Mơ khai đơs mơ làng bol lah: “Rcang tĕ să tòm bol mê dê ngai dơ̆ pe in; bañ tìp să mơ cau ùr.”
16 #
Yalt 4:5. #
Yalw 4:11-12. Tòm àng drim ngai pe, gơs ntơr kơnàs mơ puhlèp bal mơ dô puk mhwal lơut hơđang mơnơm, mơ gơs kơlwòk ntas dờng. Jơh làng bol ơm tòm sàl rơm să rngòt. 17Gen Môise lam làng bol lik bơh di sàl ơm nàng tìp mat mơ Yàng Tom Trồ, mơ làng bol ơm di jơng mơnơm. 18Ñhŭ jơm gòm mơnơm Sinai tài bơh Yàng Jehôwa ơm tòm ồs mơ mù hơđang hơ̆. Ñhŭ gơguh bơh hơ̆ kung be ñhŭ bơh di dô nơm bơnhă ồs dờng, jơh dô nơm mơnơm gơlơnggơr pràn ngan. 19Ntas kơlwòk sơlo dờng rlau tai. Gen Môise đơs, mơ sap đơs Yàng Tom Trồ dê ho wơl tòm ntơr kơnàs. 20Yàng Jehôwa mù hơđang bồ mơnơm Sinai, mơ hòi Môise guh hơđang bồ mơnơm, gen Môise guh.
21Gen Yàng Jehôwa đơs mơ khai lah: “Mù tĕ mơ bơto tơnggit làng bol in nàng bol khai ò pơnđơl să tus rềp nàng sền Yàng Jehôwa mơ oă cau tòm bol khai pal chơt roh. 22Tus di ală cau gơnoar ơn phan duh khoai kung pal lơh să tòm bol khai in gơs sàng goh tòm tŭ tus rềp mơ Yàng Jehôwa, ò behơ̆ gen Yàng Jehôwa kung rơp tòmdră mơ bol khai.” 23Môise đơs mơ Yàng Jehôwa lah: “Làng bol ò geh gơnoar guh hơđang mơnơm Sinai, tài bơh Kơnràñ neh yal tơnggit bol hi in lah: ‘Lơh tĕ nhàr gùt dar mơnơm, mơ ơn is tiah hơ̆ sàng goh.’” 24Yàng Jehôwa ho lah: “Mù tĕ mơ cèng Arôn guh bal mơ mê; mơya ală cau gơnoar ơn phan duh khoai bal mơ làng bol bañ pơnđơl să tus rềp nàng guh tus hơ Yàng Jehôwa, rngòt Kơnràñ rơp tòmdră mơ bol khai.” 25Behơ̆, Môise mù tus hơ làng bol mơ yal bol khai in.
Currently Selected:
Lik Ejiptơ 19: KPM2018
Highlight
Share
Copy
Want to have your highlights saved across all your devices? Sign up or sign in
© 2018 United Bible Societies. All rights reserved.
Lik Ejiptơ 19
19
Di mơnơm Sinai
1Tòm kơnhai pe tơnơ̆ mơ tŭ neh lik bơh di lơgar Ejiptơ, tòm ală ngai hơ̆ bol khai neh tus tòm ƀlàng ngềt ngơt Sinai. 2Bol khai sơntòm lòt gùng bơh Rephidim, bol khai tus hơ ƀlàng ngềt ngơt Sinai, mơ bơtào sàl tòm ƀlàng ngềt ngơt; Israel sơntơp sàl tềng hơ̆, di đap mơnơm.
3Gen Môise guh tus hơ Yàng Tom Trồ, Yàng Jehôwa bơh di mơnơm hòi khai mơ đơs lah: “Do la bơta mê pal đơs mơ hìu Jakôp mơ la bơta mê pal yal làng bol Israel in: 4‘Să tòm bol mê neh gŏ ală bơta Añ neh lơh di Ejiptơ, mbe Añ neh pơdiang bol mê hơđang pơnđar klàng bung, mơ cèng bol mê tus hơ Añ. 5#Yalw 4:20; 7:6; 14:2; 26:18; Tit 2:14.#I Pier 2:9.Gen tàng, tŭ do dilah bol mê dòn bơr Añ wil tơl mơ prap gàr bơta ho bal Añ jê, gen digùl ală làng bol, bol mê rơp la phan jơtài Añ jê. Bulah jơh dunnia gơrê bal mơ Añ, 6#Yalt 1:6; 5:10.mơya bol mê rơp gơlik gơs Añ in dô nơm lơgar cau gơnoar ơn phan duh khoai mơ dô nơm làng bol sàng goh.’ Hơ̆ la ală jơnau mê pal đơs mơ cau Israel.”
7Behơ̆, Môise rê wơl mơ hòi tơrgòm ală cau kwang kra làng bol dê mơ yal wơl bol khai in jơh ală jơnau Yàng Jehôwa neh sồr khai yal. 8Jơh làng bol ho dô jơnau bal lah: “Bol hi rơp lơh jơh ală bơta Yàng Jehôwa neh đơs.” Behơ̆, Môise yal wơl jơnau ho làng bol dê mơ Yàng Jehôwa. 9Yàng Jehôwa đơs mơ Môise lah: “Añ rơp ơm tòm dô puk mhwal lơut ngan mơ tus hơ mê, nàng làng bol rơp kơno Añ đơs mơ mê, mơ dòn kơnòm di mê sùm.” Gen Môise yal wơl Yàng Jehôwa in ală jơnau làng bol neh đơs.
10Yàng Jehôwa đơs mơ Môise lah: “Lòt tĕ tus hơ làng bol mơ lơh bol khai in sàng goh ngai do mơ ngai hìng. Sồr bol khai pìh ồi ào bol khai dê, 11mơ pal rcang sir tòm ngai pe, tài bơh tòm ngai hơ̆ Yàng Jehôwa rơp mù hơđang mơnơm Sinai di đap mat jơh làng bol. 12#Heb 12:18-20.Lơh nhàr làng bol in gùt dar mơnơm, mơ đơs mơ bol khai lah: ‘Pal kơrhia tĕ, bañ hào hơđang mơnơm, hala ƀư di jơng mơnơm. Cau lơi ƀư di mơnơm gen rơp kong tơnchơt. 13Di ngan la cau hơ̆ pal kong cơm lŭ hala pañ mơ kam; bañ gơs cau lơi ƀư tê hơđang khai. Bulah kòn mơnus hala phan poan jơng kung ò lòi kis.’ Mìng tŭ lơi kơno cau uh ngke belàt dam ntas jòng sồng bol khai rgơi guh hơđang mơnơm.” 14Gen Môise mù bơh mơnơm mơ tus hơ làng bol, khai lơh làng bol in gơs sàng goh, mơ bol khai neh pìh ồi ào bol khai dê. 15Mơ khai đơs mơ làng bol lah: “Rcang tĕ să tòm bol mê dê ngai dơ̆ pe in; bañ tìp să mơ cau ùr.”
16 #
Yalt 4:5. #
Yalw 4:11-12. Tòm àng drim ngai pe, gơs ntơr kơnàs mơ puhlèp bal mơ dô puk mhwal lơut hơđang mơnơm, mơ gơs kơlwòk ntas dờng. Jơh làng bol ơm tòm sàl rơm să rngòt. 17Gen Môise lam làng bol lik bơh di sàl ơm nàng tìp mat mơ Yàng Tom Trồ, mơ làng bol ơm di jơng mơnơm. 18Ñhŭ jơm gòm mơnơm Sinai tài bơh Yàng Jehôwa ơm tòm ồs mơ mù hơđang hơ̆. Ñhŭ gơguh bơh hơ̆ kung be ñhŭ bơh di dô nơm bơnhă ồs dờng, jơh dô nơm mơnơm gơlơnggơr pràn ngan. 19Ntas kơlwòk sơlo dờng rlau tai. Gen Môise đơs, mơ sap đơs Yàng Tom Trồ dê ho wơl tòm ntơr kơnàs. 20Yàng Jehôwa mù hơđang bồ mơnơm Sinai, mơ hòi Môise guh hơđang bồ mơnơm, gen Môise guh.
21Gen Yàng Jehôwa đơs mơ khai lah: “Mù tĕ mơ bơto tơnggit làng bol in nàng bol khai ò pơnđơl să tus rềp nàng sền Yàng Jehôwa mơ oă cau tòm bol khai pal chơt roh. 22Tus di ală cau gơnoar ơn phan duh khoai kung pal lơh să tòm bol khai in gơs sàng goh tòm tŭ tus rềp mơ Yàng Jehôwa, ò behơ̆ gen Yàng Jehôwa kung rơp tòmdră mơ bol khai.” 23Môise đơs mơ Yàng Jehôwa lah: “Làng bol ò geh gơnoar guh hơđang mơnơm Sinai, tài bơh Kơnràñ neh yal tơnggit bol hi in lah: ‘Lơh tĕ nhàr gùt dar mơnơm, mơ ơn is tiah hơ̆ sàng goh.’” 24Yàng Jehôwa ho lah: “Mù tĕ mơ cèng Arôn guh bal mơ mê; mơya ală cau gơnoar ơn phan duh khoai bal mơ làng bol bañ pơnđơl să tus rềp nàng guh tus hơ Yàng Jehôwa, rngòt Kơnràñ rơp tòmdră mơ bol khai.” 25Behơ̆, Môise mù tus hơ làng bol mơ yal bol khai in.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018 United Bible Societies. All rights reserved.