Lik Ejiptơ 22
22
Sền gàr phan mơna cau dê
1Dilah cau lơi kơñau dô nơm kơnrồ dam hala dô nơm belàt, lồc behơ̆ tơnchơt gơ hala tac gơ, gen khai pal tơm wơl pram nơm kơnrồ dam ala dô nơm, mơ poan nơm belàt ala dô nơm. 2Dilah dô nă cau ntung kơñau gơkòl kup tòm tŭ mut kơñau tòm hìu cau mơ kong pòng chơt gen cau pòng chơt ò gơkòl kup glài lơh gơhòr mhàm cau; 3mơya dilah bơta hơ̆ gơlik gơs tòm tŭ mattơngai neh lik rau, gen khai kong kup glài lơh gơhòr mhàm cau. Ngan la cau ntung kơñau pal tơm wơl; mơya dilah khai ò gơs phan lơi nàng tơm, gen khai pal kong tac gơs dĭ nàng tơm glài ntung kơñau khai dê. 4Dilah phan poan jơng neh kơñau gam kis tòm ală phan mơna khai gơs, ò git la kơnrồ, alàng hala belàt, gen khai pal tơm wơl bàr dơ̆ rlau.
5Dilah cau lơi ai phan poan jơng khai dê sa ñhơt tòm dô nơm ƀlàng hala tòm dô nơm suơn ño, mơ lòi bol gơ lòt lềng làng mut sa tòm dô nơm ƀlàng cau ndai dê,#22:5 Rct: Dilah cau lơi chu sre hala suơn ño mơ ò sền gàr ồs, lòi ồs sa sre cau ndai dê. gen khai pal ai plai đo niam rlau jơh tòm ƀlàng hala tòm suơn ño khai dê mơ tơm wơl. 6Dilah gơs ồs sa mơ gơ sa rì tus di ală rlau lò tian gơs gơ sa tơn kòi gar hala kòi òhềt toès hala kòi neh cap rau, gen cau neh sing ồs hơ̆ pal tơm wơl jơh ală phan neh ồs sa.
7Dilah cau lơi jào priă hala màh cau gơp ƀòn khai in prap gàr, mơ gơs cau ntung kơñau bơh tòm hìu cau gơp ƀòn hơ̆, dilah cau ntung kơñau gơkòl kup, gen khai pal tơm bàr dơ̆ rlau. 8Mơya dilah cau ntung kơñau ò gơkòl kup gen cau tòm hìu pal ntào di đap ală cau kwang cahrña,#22:8 hala di đap Yàng Tom Trồ. nàng lơh nền lah khai neh ơn tê hơđang ală phan mơna cau gơp ƀòn khai dê hala ò.
9Tòm ală bơta tòm pơndang gơrềng bơh phan mơna, bơh dô nơm kơnrồ dam, dô nơm alàng, dô nơm belàt, ồi ào, hala dô nơm phan lơi ndai neh roh mơ gơs cau đơs lah: “Do la phan añ jê,” gen jơh bàr đah pal cèng bơta hơ̆ tus hơ kwang cahrña. Cau lơi mơ cau kwang cahrña đơs lah gơs glài gen cau hơ̆ pal tơm cau gơp ƀòn khai in bàr dơ̆ rlau.
10Dilah cau lơi jào dô nơm alàng, dô nơm kơnrồ dam, dô nơm belàt, hala dô nơm phan poan jơng lơi ndai cau gơp ƀòn he sền gàr, mơ phan hơ̆ chơt, sồt rmàñ hala gơkòl kup cèng roh thit tòm tŭ ò gơs cau lơi sền gàr, 11gen digùl bol khai rgơi pơnring bơh bơta srat să di đap Yàng Jehôwa lah cau sền gàr phan poan jơng ò gŏ ơn tê hơđang phan mơna cau ndai dê. Cau tòm phan poan jơng pal dòp jơnau srat să hơ̆, mơ ò càng gơs bơta tơm wơl. 12Mơya dilah phan poan jơng gơkòl kup kơñau bơh di cau gơp ƀòn, gen khai pal tơm wơl cau tòm in. 13Dilah phan poan jơng gơkòl phan brê crè poac, khai pal cèng pơnah gam wơl nàng gơs cơng tàng, mơ khai rơp ò pal tơm wơl phan gơkòl crè hơ̆.
14Dilah cau lơi jồm bơh di cau gơp ƀòn he dô nơm phan poan jơng mơ gơkòl sồt rmàñ hala chơt tòm tŭ ò gơs mat cau tòm, gen cau hơ̆ pal tơm wơl. 15Mơya dilah gơs mat cau tòm bal mơ phan poan jơng, gen cau jồm gơ rơp ò càng tơm wơl. Dilah phan poan jơng neh ai ơpah, gen khà priă ơpah ala khà priă tơm wơl.
Broă tòm gơwèt hơ cau gơp ƀòn
16 #
Yalw 22:28-29. Dilah cau lơi pơndòm ơniai dô nă cau ơruh dềt òhềt ho bau mơ bic mơ khai, gen cau hơ̆ pal dap khà priă tòmbau, mơ pal bau mơ khai. 17Dilah bèp cau ơruh dềt hơ̆ lơh nền ò ai kòn ùr khai dê tòmbau mơ cau klau hơ̆, gen cau klau hơ̆ kung pal dap khà priă tòm toh khà priă tòmbau cau ơruh dềt hơ̆ in.
18 #
Yalw 18:10-11. Bañ lòi kis cau ùr gơs gru bơjơu.
19 #
Leb 18:23; 20:15-16; Yalw 27:21. Cau lơi bic mơ dô nơm phan poan jơng gen cau hơ̆ rơp kong tơnchơt.
20 #
Yalw 17:2-7. Cau lơi ơn phan duh khoai yàng lơi ndai rlau mơ Yàng Jehôwa gen cau hơ̆ rơp kong tơnroh.
21 #
Lik 23:9; Leb 19:33-34; Yalw 24:17-18; 27:19. Bañ gơwèt ò niam hala rồn bơklơn dô nă cau làng bơdìh, bơh bol mê neh la cau làng bơdìh tòm Ejiptơ.
22Bañ bơklơn dô nă cau ùr bơnrau hala dô nă cau kòn đòi nàng lơh gơlik cồng nha he in. 23Dilah bol mê lơh behơ̆, mơ bol khai hòi driau tus hơ Añ, gen ngan Añ rơp iat jơnau hòi driau bol khai dê. 24Bơta gơjrañ Añ jê rơp gơhào khuh, mơ Añ rơp ai đào tơnchơt bol mê, gen bau ùr bol mê dê rơp gơlik cau ùr bơnrau, mơ kòn bol mê rơp gơlik kòn đòi.
25 #
Leb 25:35-38; Yalw 15:7-11; 23:19-20. Dilah bol mê ai dô nă cau siơ̆u siar tòm làng bol Añ jê ơm digùl bol mê càn jền, gen bañ lơh kung be cau ai càn priă, bañ sa jền cồng bơh di khai.#22:25 hala bañ sa jền cồng oă ir. 26#Yalw 24:10-13.Dilah bol mê ai ào jrùh cau gơp ƀòn dê lơh gơs phan ai bồ, gen ai wơl tĕ khai in lài mơ tŭ mattơngai ñơp, 27tài bơh ào jrùh khai dê la phan khai gơs mìng dô nơm nàng ngui jơm să khai dê. Ñchi phan khai rơp gơs nàng tơ̆ tòm tŭ bic mang taih? Tòm tŭ khai hòi driau tus mơ Añ gen Añ rơp iat jơnau khai, bơh Añ gơs nùs nđàc sơngit. 28#Broă 23:5.Bañ đơs tràl sơrbil di Yàng Tom Trồ#22:28 Rct: di ală cau kwang cahrña. hala srat rma cau kwang at bồ làng bol mê dê.
29Bañ òbat ơn Añ in ală phan ơn bơh di ală đam jàr bol mê dê hala bơh di ală thùng tơrnòm bol mê dê. Bol mê pal ơn Añ in kòn klau tơnhoa tòm ală kòn klau bol mê dê 30Kung lơh behơ̆ gơwèt mơ kơnrồ mơ belàt bol mê dê. Lòi bol gơ ơm mơ mè bol gơ dê tòm poh ngai, mơya ơn tĕ gơ Añ in tòm ngai phàm.
31 #
Leb 17:15. Bol mê rơp la làng bol sàng goh Añ jê. Behơ̆, bañ sa poac phan poan jơng lơi neh gơkòl crè bơh phan brê; sơrbì tĕ so in sa.
Currently Selected:
Lik Ejiptơ 22: KPM2018
Highlight
Share
Copy
Want to have your highlights saved across all your devices? Sign up or sign in
© 2018 United Bible Societies. All rights reserved.
Lik Ejiptơ 22
22
Sền gàr phan mơna cau dê
1Dilah cau lơi kơñau dô nơm kơnrồ dam hala dô nơm belàt, lồc behơ̆ tơnchơt gơ hala tac gơ, gen khai pal tơm wơl pram nơm kơnrồ dam ala dô nơm, mơ poan nơm belàt ala dô nơm. 2Dilah dô nă cau ntung kơñau gơkòl kup tòm tŭ mut kơñau tòm hìu cau mơ kong pòng chơt gen cau pòng chơt ò gơkòl kup glài lơh gơhòr mhàm cau; 3mơya dilah bơta hơ̆ gơlik gơs tòm tŭ mattơngai neh lik rau, gen khai kong kup glài lơh gơhòr mhàm cau. Ngan la cau ntung kơñau pal tơm wơl; mơya dilah khai ò gơs phan lơi nàng tơm, gen khai pal kong tac gơs dĭ nàng tơm glài ntung kơñau khai dê. 4Dilah phan poan jơng neh kơñau gam kis tòm ală phan mơna khai gơs, ò git la kơnrồ, alàng hala belàt, gen khai pal tơm wơl bàr dơ̆ rlau.
5Dilah cau lơi ai phan poan jơng khai dê sa ñhơt tòm dô nơm ƀlàng hala tòm dô nơm suơn ño, mơ lòi bol gơ lòt lềng làng mut sa tòm dô nơm ƀlàng cau ndai dê,#22:5 Rct: Dilah cau lơi chu sre hala suơn ño mơ ò sền gàr ồs, lòi ồs sa sre cau ndai dê. gen khai pal ai plai đo niam rlau jơh tòm ƀlàng hala tòm suơn ño khai dê mơ tơm wơl. 6Dilah gơs ồs sa mơ gơ sa rì tus di ală rlau lò tian gơs gơ sa tơn kòi gar hala kòi òhềt toès hala kòi neh cap rau, gen cau neh sing ồs hơ̆ pal tơm wơl jơh ală phan neh ồs sa.
7Dilah cau lơi jào priă hala màh cau gơp ƀòn khai in prap gàr, mơ gơs cau ntung kơñau bơh tòm hìu cau gơp ƀòn hơ̆, dilah cau ntung kơñau gơkòl kup, gen khai pal tơm bàr dơ̆ rlau. 8Mơya dilah cau ntung kơñau ò gơkòl kup gen cau tòm hìu pal ntào di đap ală cau kwang cahrña,#22:8 hala di đap Yàng Tom Trồ. nàng lơh nền lah khai neh ơn tê hơđang ală phan mơna cau gơp ƀòn khai dê hala ò.
9Tòm ală bơta tòm pơndang gơrềng bơh phan mơna, bơh dô nơm kơnrồ dam, dô nơm alàng, dô nơm belàt, ồi ào, hala dô nơm phan lơi ndai neh roh mơ gơs cau đơs lah: “Do la phan añ jê,” gen jơh bàr đah pal cèng bơta hơ̆ tus hơ kwang cahrña. Cau lơi mơ cau kwang cahrña đơs lah gơs glài gen cau hơ̆ pal tơm cau gơp ƀòn khai in bàr dơ̆ rlau.
10Dilah cau lơi jào dô nơm alàng, dô nơm kơnrồ dam, dô nơm belàt, hala dô nơm phan poan jơng lơi ndai cau gơp ƀòn he sền gàr, mơ phan hơ̆ chơt, sồt rmàñ hala gơkòl kup cèng roh thit tòm tŭ ò gơs cau lơi sền gàr, 11gen digùl bol khai rgơi pơnring bơh bơta srat să di đap Yàng Jehôwa lah cau sền gàr phan poan jơng ò gŏ ơn tê hơđang phan mơna cau ndai dê. Cau tòm phan poan jơng pal dòp jơnau srat să hơ̆, mơ ò càng gơs bơta tơm wơl. 12Mơya dilah phan poan jơng gơkòl kup kơñau bơh di cau gơp ƀòn, gen khai pal tơm wơl cau tòm in. 13Dilah phan poan jơng gơkòl phan brê crè poac, khai pal cèng pơnah gam wơl nàng gơs cơng tàng, mơ khai rơp ò pal tơm wơl phan gơkòl crè hơ̆.
14Dilah cau lơi jồm bơh di cau gơp ƀòn he dô nơm phan poan jơng mơ gơkòl sồt rmàñ hala chơt tòm tŭ ò gơs mat cau tòm, gen cau hơ̆ pal tơm wơl. 15Mơya dilah gơs mat cau tòm bal mơ phan poan jơng, gen cau jồm gơ rơp ò càng tơm wơl. Dilah phan poan jơng neh ai ơpah, gen khà priă ơpah ala khà priă tơm wơl.
Broă tòm gơwèt hơ cau gơp ƀòn
16 #
Yalw 22:28-29. Dilah cau lơi pơndòm ơniai dô nă cau ơruh dềt òhềt ho bau mơ bic mơ khai, gen cau hơ̆ pal dap khà priă tòmbau, mơ pal bau mơ khai. 17Dilah bèp cau ơruh dềt hơ̆ lơh nền ò ai kòn ùr khai dê tòmbau mơ cau klau hơ̆, gen cau klau hơ̆ kung pal dap khà priă tòm toh khà priă tòmbau cau ơruh dềt hơ̆ in.
18 #
Yalw 18:10-11. Bañ lòi kis cau ùr gơs gru bơjơu.
19 #
Leb 18:23; 20:15-16; Yalw 27:21. Cau lơi bic mơ dô nơm phan poan jơng gen cau hơ̆ rơp kong tơnchơt.
20 #
Yalw 17:2-7. Cau lơi ơn phan duh khoai yàng lơi ndai rlau mơ Yàng Jehôwa gen cau hơ̆ rơp kong tơnroh.
21 #
Lik 23:9; Leb 19:33-34; Yalw 24:17-18; 27:19. Bañ gơwèt ò niam hala rồn bơklơn dô nă cau làng bơdìh, bơh bol mê neh la cau làng bơdìh tòm Ejiptơ.
22Bañ bơklơn dô nă cau ùr bơnrau hala dô nă cau kòn đòi nàng lơh gơlik cồng nha he in. 23Dilah bol mê lơh behơ̆, mơ bol khai hòi driau tus hơ Añ, gen ngan Añ rơp iat jơnau hòi driau bol khai dê. 24Bơta gơjrañ Añ jê rơp gơhào khuh, mơ Añ rơp ai đào tơnchơt bol mê, gen bau ùr bol mê dê rơp gơlik cau ùr bơnrau, mơ kòn bol mê rơp gơlik kòn đòi.
25 #
Leb 25:35-38; Yalw 15:7-11; 23:19-20. Dilah bol mê ai dô nă cau siơ̆u siar tòm làng bol Añ jê ơm digùl bol mê càn jền, gen bañ lơh kung be cau ai càn priă, bañ sa jền cồng bơh di khai.#22:25 hala bañ sa jền cồng oă ir. 26#Yalw 24:10-13.Dilah bol mê ai ào jrùh cau gơp ƀòn dê lơh gơs phan ai bồ, gen ai wơl tĕ khai in lài mơ tŭ mattơngai ñơp, 27tài bơh ào jrùh khai dê la phan khai gơs mìng dô nơm nàng ngui jơm să khai dê. Ñchi phan khai rơp gơs nàng tơ̆ tòm tŭ bic mang taih? Tòm tŭ khai hòi driau tus mơ Añ gen Añ rơp iat jơnau khai, bơh Añ gơs nùs nđàc sơngit. 28#Broă 23:5.Bañ đơs tràl sơrbil di Yàng Tom Trồ#22:28 Rct: di ală cau kwang cahrña. hala srat rma cau kwang at bồ làng bol mê dê.
29Bañ òbat ơn Añ in ală phan ơn bơh di ală đam jàr bol mê dê hala bơh di ală thùng tơrnòm bol mê dê. Bol mê pal ơn Añ in kòn klau tơnhoa tòm ală kòn klau bol mê dê 30Kung lơh behơ̆ gơwèt mơ kơnrồ mơ belàt bol mê dê. Lòi bol gơ ơm mơ mè bol gơ dê tòm poh ngai, mơya ơn tĕ gơ Añ in tòm ngai phàm.
31 #
Leb 17:15. Bol mê rơp la làng bol sàng goh Añ jê. Behơ̆, bañ sa poac phan poan jơng lơi neh gơkòl crè bơh phan brê; sơrbì tĕ so in sa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018 United Bible Societies. All rights reserved.