Lik Ejiptơ 26
26
Hìu Ing Duh Khoai
(Lik Ejiptơ 36:8-38)
1Lơh tĕ Hìu Ing Duh Khoai mơ jơt blah bài kơrnìng mơ che dơmài lơbơn tàñ mơ che brài dà tơlir trồ, dà gur mơ dà pơrhê, gơs jing bơka ală rùp ceruƀim hàng mơnĕ. 2Jơh ală blah kơrnìng pal jòng mơ ơnàng ndròm bal, jòng jơt bàr met, ơnàng bàr met. 3Tòmkơt tĕ bal pram blah kơrnìng lơh gơs dô blah, mơ kung tòmkơt bal behơ̆ mơ pram blah ne. 4Bơrkoat ală dơwàng mơ che brài dà tơlir trồ jat rò gah blah kơrnìng neh kơt dô bă bal lơh gơs dô blah, mơ kung lơh behơ̆ di blah kơrnìng ne neh kơt dô bă bal. 5Bơrkoat pram jơt dơwàng mơ che brài di dô blah kơrnìng mơ pram jơt di blah kơrnìng dơ̆ bàr ne; ală dơwàng mơ che brài đah kơrnìng do pal ơm tòm toh di đap ală dơwàng mơ che brài tòm kơrnìng đah ne. 6Lồc behơ̆ lơh tĕ pram jơt nơm kơlnĕ mơ màh, mơ ngui gơtơrbŏ bàr blah kơrnìng dô bă bal nàng Hìu Ing Duh Khoai gơlik gơs dô nơm lơm.
7Lơh tĕ ală bài kơrnìng mơ sơnò be nàng gơs sàl tìm hơđang Hìu Ing Duh Khoai, jơh ală la jơt dùl blah. 8Jơh jơt dùl blah jòng ròt mơ ơnàng ndròm bal, jòng ròt jơt pe met, ơnàng bàr met. 9Kơt tĕ pram blah kơrnìng dô bă bal, mơ prau blah ne dô bă bal. Dap wơl tĕ blah kơrnìng dơ̆ prau hơđang blah kơrnìng dơ̆ pram di đap Hìu Ing Duh Khoai. 10Bơrkoat tĕ pram jơt nơm dơwàng mơ che brài rò gah tiang blah kơrnìng neh kơt bal, mơ kung lơh behơ̆ di tiang blah kơrnìng neh kơt bal ne. 11Gen lơh tĕ pram jơt nơm gai kơlnĕ mơ kòng, mơ kơlnĕ bol gơtòm ală dơwàng nàng tơrbŏ sàl kơrnìng gơlik gơs dùl. 12Ai đah gam tơngkah, hơ̆ la nggùl blah gen rơp lòi yồng đah ngkòi Hìu Ing Duh Khoai. 13Sàl kơrnìng rơp gơs dô tal jòng rlau mơ kòp đah Hìu Ing Duh Khoai, lòi tĕ pơnah jòng rlau hơ̆ gơyồng hơđang bàr đah Hìu Ing Duh Khoai nàng tìm gơ.
14Lơh tĕ dô blah kơrnìng mơ gơltau be dam ñòm pơrhê nàng jơm hơđang sàl kơrnìng, mơ jơm hơđang hơ̆ dô blah kơrnìng mơ gơltau ka sur.
15Bơtào tĕ ală pang mpàn sitim nàng lơh gơs dơrñang Hìu Ing Duh Khoai. 16Kòp pang mpàn jòng jơt tal, ơnàng dô tal mơ nggùl, 17gơs dô yô sề bàr nơm gơ lòt ring bal. Lơh tĕ jơh ală pang mpàn Hìu Ing Duh Khoai dê ndròm bal behơ̆.
18Lơh tĕ đah đơm Hìu Ing Duh Khoai bàr jơt pang mpàn behơ̆; 19mơ lơh tĕ poan jơt nơm trồm sề mơ priă ơm hơđơm bol gơ; kòp pang bàr nơm trồm sề hơđơm, dô nơm trồm hơđơm dô nơm sề. 20Di đah ne la đah đang Hìu Ing Duh Khoai, lơh tĕ bàr jơt pang mpàn, 21mơ poan jơt nơm trồm sề mơ priă, bàr nơm hơđơm kòp pang. 22Lơh tĕ prau pang mpàn di đah lồi dut, hơ̆ la đah mattơngai mut Hìu Ing Duh Khoai dê, 23mơ lơh tĕ bàr pang mpàn di ală mum đah lồi dut. 24Di di ală mum hơ̆, bàr pang mpàn pal gơ kap bal bơh hơđơm tus hơđang kơnòm di dô dơwàng kòng; bàr nơm mum rơp gơs behơ̆. 25Behơ̆ gen gơs phàm pang mpàn mơ jơt prau nơm trồm sề mơ priă; bàr nơm hơđơm kòp pang mpàn. 26Mơ kung pal lơh dra mơ chi sitim: pram nơm ală pang mpàn in di dô đah, 27pram nơm ală dra di đah ne in, mơ pram nơm ală dra in đah mattơngai mut, di gah lồi dut Hìu Ing Duh Khoai dê. 28Dra digùl rơp gơ lòt song bơh di bồ do tus hơ bồ ne, digùl ală pang mpàn. 29Ƀềp tĕ ală pang mpàn mơ màh, mơ lơh ală dơwàng mơ màh nàng tơmut ală dra. 30Bơtào tĕ Hìu Ing Duh Khoai tòm toh jat be sơnoa rnoas neh sơnio mê in hơđang mơnơm.
31Tàñ tĕ dô blah kơrnìng mơ che brài dà tơlir trồ, dà gur mơ dà pơrhê, bal mơ bài che dơmài lơbơn, gơs rùp ceruƀim bơh cau chài rgơi jing bơka tòm hơ̆. 32Ngui tĕ ală dơwàng mơ màh nàng yồng gơ di poan nơm dra mơ chi sitim ƀềp màh, bơtào hơđang poan nơm trồm sề mơ priă. 33#Heb 6:19; 9:3-5.Yồng tĕ bài kơrnìng bơh di ală kơlnĕ mơ màh, mơ ơn đài bơta Cơng Tàng đah ngkòi bài kơrnìng. Bài kơrnìng rơp cah is Tiah Sàng Goh mơ Tiah Sàng Goh Ngan. 34Ơn tĕ bơnap tơwài glài hơđang đài Bơta Cơng Tàng dê di Tiah Sàng Goh Ngan. 35Ơn tĕ cơnòng đah bơdìh bài kơrnìng đah đang Hìu Ing Duh Khoai dê mơ ơn tĕ jơng đèng đah đơm di đap gơ.
36Di mpồng mut tòm sàl gen tàñ tĕ dô blah bài kơrnìng mơ che brài dà tơlir trồ, dà gur mơ dà pơrhê, bal mơ che brài dơmài lơbơn tàñ hàng mơnĕ, la broă cau jak jing bơka dê. 37Lơh tĕ bài kơrnìng hơ̆ in ală kơlnĕ mơ màh mơ pram nơm jrong mơ chi sitim ƀềp màh, mơ tŏ tĕ gơ in pram nơm trồm sề mơ kòng.
Currently Selected:
Lik Ejiptơ 26: KPM2018
Highlight
Share
Copy
Want to have your highlights saved across all your devices? Sign up or sign in
© 2018 United Bible Societies. All rights reserved.
Lik Ejiptơ 26
26
Hìu Ing Duh Khoai
(Lik Ejiptơ 36:8-38)
1Lơh tĕ Hìu Ing Duh Khoai mơ jơt blah bài kơrnìng mơ che dơmài lơbơn tàñ mơ che brài dà tơlir trồ, dà gur mơ dà pơrhê, gơs jing bơka ală rùp ceruƀim hàng mơnĕ. 2Jơh ală blah kơrnìng pal jòng mơ ơnàng ndròm bal, jòng jơt bàr met, ơnàng bàr met. 3Tòmkơt tĕ bal pram blah kơrnìng lơh gơs dô blah, mơ kung tòmkơt bal behơ̆ mơ pram blah ne. 4Bơrkoat ală dơwàng mơ che brài dà tơlir trồ jat rò gah blah kơrnìng neh kơt dô bă bal lơh gơs dô blah, mơ kung lơh behơ̆ di blah kơrnìng ne neh kơt dô bă bal. 5Bơrkoat pram jơt dơwàng mơ che brài di dô blah kơrnìng mơ pram jơt di blah kơrnìng dơ̆ bàr ne; ală dơwàng mơ che brài đah kơrnìng do pal ơm tòm toh di đap ală dơwàng mơ che brài tòm kơrnìng đah ne. 6Lồc behơ̆ lơh tĕ pram jơt nơm kơlnĕ mơ màh, mơ ngui gơtơrbŏ bàr blah kơrnìng dô bă bal nàng Hìu Ing Duh Khoai gơlik gơs dô nơm lơm.
7Lơh tĕ ală bài kơrnìng mơ sơnò be nàng gơs sàl tìm hơđang Hìu Ing Duh Khoai, jơh ală la jơt dùl blah. 8Jơh jơt dùl blah jòng ròt mơ ơnàng ndròm bal, jòng ròt jơt pe met, ơnàng bàr met. 9Kơt tĕ pram blah kơrnìng dô bă bal, mơ prau blah ne dô bă bal. Dap wơl tĕ blah kơrnìng dơ̆ prau hơđang blah kơrnìng dơ̆ pram di đap Hìu Ing Duh Khoai. 10Bơrkoat tĕ pram jơt nơm dơwàng mơ che brài rò gah tiang blah kơrnìng neh kơt bal, mơ kung lơh behơ̆ di tiang blah kơrnìng neh kơt bal ne. 11Gen lơh tĕ pram jơt nơm gai kơlnĕ mơ kòng, mơ kơlnĕ bol gơtòm ală dơwàng nàng tơrbŏ sàl kơrnìng gơlik gơs dùl. 12Ai đah gam tơngkah, hơ̆ la nggùl blah gen rơp lòi yồng đah ngkòi Hìu Ing Duh Khoai. 13Sàl kơrnìng rơp gơs dô tal jòng rlau mơ kòp đah Hìu Ing Duh Khoai, lòi tĕ pơnah jòng rlau hơ̆ gơyồng hơđang bàr đah Hìu Ing Duh Khoai nàng tìm gơ.
14Lơh tĕ dô blah kơrnìng mơ gơltau be dam ñòm pơrhê nàng jơm hơđang sàl kơrnìng, mơ jơm hơđang hơ̆ dô blah kơrnìng mơ gơltau ka sur.
15Bơtào tĕ ală pang mpàn sitim nàng lơh gơs dơrñang Hìu Ing Duh Khoai. 16Kòp pang mpàn jòng jơt tal, ơnàng dô tal mơ nggùl, 17gơs dô yô sề bàr nơm gơ lòt ring bal. Lơh tĕ jơh ală pang mpàn Hìu Ing Duh Khoai dê ndròm bal behơ̆.
18Lơh tĕ đah đơm Hìu Ing Duh Khoai bàr jơt pang mpàn behơ̆; 19mơ lơh tĕ poan jơt nơm trồm sề mơ priă ơm hơđơm bol gơ; kòp pang bàr nơm trồm sề hơđơm, dô nơm trồm hơđơm dô nơm sề. 20Di đah ne la đah đang Hìu Ing Duh Khoai, lơh tĕ bàr jơt pang mpàn, 21mơ poan jơt nơm trồm sề mơ priă, bàr nơm hơđơm kòp pang. 22Lơh tĕ prau pang mpàn di đah lồi dut, hơ̆ la đah mattơngai mut Hìu Ing Duh Khoai dê, 23mơ lơh tĕ bàr pang mpàn di ală mum đah lồi dut. 24Di di ală mum hơ̆, bàr pang mpàn pal gơ kap bal bơh hơđơm tus hơđang kơnòm di dô dơwàng kòng; bàr nơm mum rơp gơs behơ̆. 25Behơ̆ gen gơs phàm pang mpàn mơ jơt prau nơm trồm sề mơ priă; bàr nơm hơđơm kòp pang mpàn. 26Mơ kung pal lơh dra mơ chi sitim: pram nơm ală pang mpàn in di dô đah, 27pram nơm ală dra di đah ne in, mơ pram nơm ală dra in đah mattơngai mut, di gah lồi dut Hìu Ing Duh Khoai dê. 28Dra digùl rơp gơ lòt song bơh di bồ do tus hơ bồ ne, digùl ală pang mpàn. 29Ƀềp tĕ ală pang mpàn mơ màh, mơ lơh ală dơwàng mơ màh nàng tơmut ală dra. 30Bơtào tĕ Hìu Ing Duh Khoai tòm toh jat be sơnoa rnoas neh sơnio mê in hơđang mơnơm.
31Tàñ tĕ dô blah kơrnìng mơ che brài dà tơlir trồ, dà gur mơ dà pơrhê, bal mơ bài che dơmài lơbơn, gơs rùp ceruƀim bơh cau chài rgơi jing bơka tòm hơ̆. 32Ngui tĕ ală dơwàng mơ màh nàng yồng gơ di poan nơm dra mơ chi sitim ƀềp màh, bơtào hơđang poan nơm trồm sề mơ priă. 33#Heb 6:19; 9:3-5.Yồng tĕ bài kơrnìng bơh di ală kơlnĕ mơ màh, mơ ơn đài bơta Cơng Tàng đah ngkòi bài kơrnìng. Bài kơrnìng rơp cah is Tiah Sàng Goh mơ Tiah Sàng Goh Ngan. 34Ơn tĕ bơnap tơwài glài hơđang đài Bơta Cơng Tàng dê di Tiah Sàng Goh Ngan. 35Ơn tĕ cơnòng đah bơdìh bài kơrnìng đah đang Hìu Ing Duh Khoai dê mơ ơn tĕ jơng đèng đah đơm di đap gơ.
36Di mpồng mut tòm sàl gen tàñ tĕ dô blah bài kơrnìng mơ che brài dà tơlir trồ, dà gur mơ dà pơrhê, bal mơ che brài dơmài lơbơn tàñ hàng mơnĕ, la broă cau jak jing bơka dê. 37Lơh tĕ bài kơrnìng hơ̆ in ală kơlnĕ mơ màh mơ pram nơm jrong mơ chi sitim ƀềp màh, mơ tŏ tĕ gơ in pram nơm trồm sề mơ kòng.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018 United Bible Societies. All rights reserved.