Sơnròp Gơlik Gơs 31
31
Jakôp rê wơl hơ lơgar Kanaan
1Jakôp kơno jơnau ală kòn Laban đơs lah: “Jakôp neh ai jơh ală phan mơna bèp he dê, mơ kơnòm di phan bèp he gen gơs pas sơm ngan.” 2Jakôp sền gŏ mat Laban, git khai ò gơròm bal mơ he be lài òr.
3Yàng Jehôwa đơs mơ Jakôp lah: “Rê tĕ hơ lơgar bèp mê mơ jơi bơtiàn mê, mơ Añ rơp ơm bal mơ mê.” 4Gen Jakôp sồr cau hòi Racel mơ Lea lòt tus tòm ƀlàng gơs mpồl phan poan jơng khai dê. 5Khai đơs mơ bol hơ̆ lah: “Añ gŏ mat bèp bàr nă bol ai ò di be lài òr tai, mơya Yàng Tom Trồ bèp añ jê neh ơm bal mơ añ. 6Bol ai git lah añ neh jơh pràn lơh broă bèp bol ai in, 7ai bèp bol ai neh pơrlồm mơ gơl jền tơngai añ jơt dơ̆, mơya Yàng Tom Trồ ò ai khai in lơh iơh di añ dô êt lơi. 8Tòm tŭ khai sồr lah: ‘Ală belàt gơs làng la jền tơngai mê in,’ gen jơh ală belàt deh kòn gơs làng, ai dilah khai sồr lah: ‘Ală belàt gơs sơnràng la jền tơngai mê in,’ gen jơh ală belàt deh kòn gơs sơnràng. 9Behơ̆ Yàng Tom Trồ neh ai ală phan poan jơng bèp bol ai dê añ in. 10Tòm tŭ ală mpồl belàt tòmjă, añ tơnggòr sền gŏ dô bơta mpau, ală belàt dam jă ală belàt me, gơ gơs sơnràng, gơs rtep rtèl, mơ gơs làng. 11Cau gơnrơh Yàng Tom Trồ đơs mơ añ tòm mpau lah: ‘Ơ Jakôp!’ Añ ho: ‘Gơs añ do.’ 12Cau gơnrơh đơs lah: ‘Tơnggòr tĕ mơ sền, jơh ală belàt dam jă ală belàt me gơ gơs sơnràng, gơs rtep rtèl mơ gơs làng, tài bơh Añ neh gŏ mbe gơlơh Laban gơwèt mơ mê sơl. 13#Sơnròp 28:18-22.Añ la Yàng Tom Trồ Betel dê, di tiah mê neh bong mơñà di bồ jrong, mơ neh ho dô bơta ho bal mơ Añ. Tŭ do, ñă tĕ lik bơh lơgar do mơ rê hơ lơgar jơi bơtiàn mê dê.’”
14Racel mơ Lea đơs mơ khai lah: “Bol hi gam dô pơnah lơi hala phan mơna lơi tòm hìu bèp dê sơl? 15Khai ò di sền bol hi be cau bơdìh sơl ơ? Bơh khai neh tac bol hi mơ neh sa jơh jền priă hơ̆ rau. 16Jơh ală phan mơ Yàng Tom Trồ neh ai bơh di tê bèp hi hơ̆ la phan bol hi mơ kòn bol hi dê. Behơ̆, tŭ do, lơh jat tĕ kòp jơnau Yàng Tom Trồ neh sồr.”
17Gen Jakôp ñă, tơnhào ală bau mơ kòn di ngkòi làkđa, 18lam jơh ală phan poan jơng mơ ală phan mơna khai dê, hơ̆ la ală phan poan jơng khai neh geh tòm Padan Aram, nàng rê wơl hơ Isak, bèp khai tòm lơgar Kanaan. 19Tòm tŭ Laban neh lòt siat sơnò ală belàt khai dê, gen Racel kơñau rùp duh khoai bơh tòm hìu bèp khai. 20Jakôp pơrlồm Laban, cau Aram, bơh Jakôp đơs mơ Laban khai rơp dô. 21Behơ̆, khai ñă dô, cèng jơh ală phan khai dê tiă hiòng mơ lòt song hơ mơnơm Galaat.
Laban ting jat Jakôp
22Tus di ngai pe, cau yal mơ Laban lah: “Jakôp neh dô rau.” 23Gen khai lam ală oh mi khai ting jat Jakôp tòm poh ngai lòt gùng, mơ jòi bàn tòm mơnơm Galaat. 24Mơya, tòm bơta mpau tòm trồ mang, Yàng Tom Trồ tus mơ Laban cau Aram mơ đơs lah: “Mê kơrhia tĕ, să tòm mê bañ đơs ñchi bơta lơi niam hala iơh mơ Jakôp.” 25Laban jòi bàn Jakôp. Mơ Jakôp lơh sàl hơđang mơnơm; Laban mơ ală oh mi khai kung lơh sàl hơđang mơnơm Galaat sơl.
26Laban đơs mơ Jakôp lah: “Ñchi mê neh lơh behơ̆ taih? Mê neh pơrlồm añ mơ lam ală kòn ùr añ jê kung be cau alah bơh bơta tòmlơh. 27Mbe mê dô òm, pơrlồm mơ ò ai añ in git lài taih? Digơlan añ jun mê ò git tai lòt tòm bơta chò hòp, jơnau đơs chò, ntas kơñi mơ ntas sơnggơr. 28Ñchi bơh tài mê bơrngơl behơ̆ taih? Ò ai añ in cum kòn klau mơ kòn ùr añ. 29Añ gơs gơnoar tòm tê añ mơ lơh iơh di mê, mơya Yàng Tom Trồ bèp mê dê neh đơs mơ añ tòm mang ti lah: ‘Mê kơrhia hàñ tĕ, să tòm mê bañ đơs jơnau lơi niam hala iơh mơ Jakôp.’ 30Tŭ do, bơh nùs mê kòñ ngan rê hìu bèp mê gen tàng mê lòt, mơ tài bơh ñchi mê neh kơñau ală yàng añ jê taih?”
31Jakôp ho lah: “Tài bơh añ rngòt kồñ kup wơl bàr nă kòn ùr kồñ dê. 32Mơya di cau lơi kồñ jòi gŏ ală yàng kồñ dê gen cau hơ̆ rơp kong chơt! Di đap ală oh mi hi kồñ sền sơwì tĕ ală phan hi dê mơ ai tĕ ală phan lơi kồñ dê.” Jakôp ò git Racel neh kơñau ală rùp duh khoai hơ̆. 33Behơ̆, Laban mut tòm sàl Jakôp dê, sàl Lea dê, sàl bàr nă dĭ ùr, mơ khai jòi gơ ò gŏ. Gen khai lik bơh sàl Lea dê mut tòm sàl Racel. 34Racel neh ai ală rùp duh khoai hơ̆ mơ pồn tòm tiah ừn làkđa mơ nggui hơđang. Laban jòi nền tòm sàl mơ ò gŏ gơ. 35Gen Racel đơs mơ bèp lah: “Bơh añ gơlơh să jat òs cau ùr dê, gen ntào ò diơng, dan bèp bañ gơjrañ di añ.” Khai jòi mơ ò gŏ ală rùp duh khoai.
36Gen Jakôp gơhào nùs mơ lah pơrhơng Laban mơ đơs lah: “Añ gơs ñchi bơta glài taih? Tồi glài añ la ñchi mơ kồñ kòñ ting jat behơ̆ taih? 37Kồñ neh jòi nền tòm ală phan añ, mơ neh gŏ ñchi phan lơi bal mơ hìu nhă kồñ dê sơl? Cèng tĕ phan hơ̆ di đap oh mi añ mơ oh mi kồñ nàng bol khai cahrña digùl bàr nă bol he. 38Do, añ neh ơm bal mơ kồñ tòm bàr jơt nam, belàt mơ be me kồñ dê ò gơs gơyò rlơs, mơ añ ò gơs tŭ lơi sa poac belàt dam tòm mpồl kồñ dê. 39Phan poan jơng lơi mơ phan tòm brê neh lơh sồt añ ò cèng kồñ in, tài bơh să tòm añ kong tơm gơ; kồñ kư̆ lùp di añ ală phan cau kơñau tòm trồ ngai mơ tòm trồ mang. 40Tòm trồ ngai añ kong duh, tòm trồ mang añ kong noat mrềt, añ bic ò lơhă. 41Behơ̆ tòm bàr jơt nam mơ añ neh ơm tòm hìu nhă kồñ dê, tòm jơt poan nam añ neh lơh broă nàng geh bàr nă kòn ùr kồñ dê, mơ prau nam tồ geh mpồl phan poan jơng kồñ dê, mơya kồñ tòmgơl jơt dơ̆ jền tơngai añ jê. 42Dilah Yàng Tom Trồ bèp añ jê, Yàng Tom Trồ Abraham dê, la Bơtau Isak duh rngòt, ò ơm bal mơ añ, gen ngan tŭ do kồñ neh bơtrơh añ lik tê gòi. Yàng Tom Trồ neh sền gŏ bơta bòl glar añ jê mơ broă tòm tê añ, gen mang ti Kơnràñ neh cahrña rau.”
43Laban đơs mơ Jakôp lah: “Ală cau ùr do la kòn añ, ală kơnòm do la sau añ, ală mpồl phan poan jơng hơ̆ la ală mpồl añ jê, mơ ală phan lơi mê gŏ hơ̆ la phan añ jê. Ngai do ñchi añ kòñ lơh mơ ală kòn ùr hala ală kòn bol khai neh deh taih? 44Behơ̆ tŭ do, bol he tòmho bal lă nàng lơh cơng digùl mê mơ añ.”
Jakôp mơ Laban tòmho bal
45Jakôp ai dô nơm lŭ, bơtào lơh jrong; 46mơ Jakôp đơs mơ oh mi khai lah: “Tơrgòm tĕ lŭ,” gen bol khai tơrgòm lŭ mơ lơh dô nơm bơrtul, gen nggui hơđang mơ sào. 47Laban tơmoh sơnđan gơ la Jegar Sahadutha, mơ Jakôp tơmoh sơnđan la Galet.#31:47 Jegar Sahadutha (jơnau Aram) halaGalet (jơnau Hebrơ) kung gơs gơtha la “gơnru lŭ lơh cơng”. 48Laban đơs lah: “Ngai do bơrtul lŭ do lơh cơng digùl añ mơ mê.” Gen bol khai sơnđan gơ la Galet. 49Mơ kung ai sơnđan gơ la Mispa,#31:49 Mispa: Sơnđan do gơs sap đơs tòm toh jơnau Hebrơ gơs gơtha la “Theng Kơp Gàr”. bơh Laban đơs tai lah: “Tŭ bol he ơm is, dan Yàng Jehôwa sền gàr añ mơ mê. 50Dilah mê lơh iơh di ală kòn ùr añ mơ mê jòi bau ndai, gen kơrhia tĕ, ò di la cau òs cahrña he ò, mơya hơ̆ la Yàng Tom Trồ lơh cơng digùl añ mơ mê.” 51Laban đơs mơ Jakôp lah: “Do bơrtul lŭ, do jrong añ neh bơtào digùl añ mơ mê. 52Bơrtul lŭ do mơ jrong do lơh cơng lah añ ò lòt sơrlèt bơh tềng do mơ tus hơ mê, mơ mê kung ò lòt sơrlèt bơh tềng do mơ lòt tus hơ añ tòm tŭ bol he kòñ lơh iơh bal. 53Dan Yàng Tom Trồ Abraham dê, Yàng Tom Trồ Nakôr dê, Yàng Tom Trồ bèp bol hơ̆ dê cahrña he in!” Jakôp ai sơnđan Bơtau Isak bèp khai duh rngòt mơ tòmho bal. 54Gen Jakôp ơn dô nơm phan duh khoai hơđang mơnơm mơ jà ală oh mi khai sa piang lă. Behơ̆ bol khai sa piang lă mơ mang hơ̆ ơm hơđang mơnơm.
55Laban guh bơh drim, cum ală sau mơ ală kòn ùr khai, mơ ai lơngai bol khai in gen rê wơl hơ hìu khai.
Currently Selected:
Sơnròp Gơlik Gơs 31: KPM2018
Highlight
Share
Copy
Want to have your highlights saved across all your devices? Sign up or sign in
© 2018 United Bible Societies. All rights reserved.
Sơnròp Gơlik Gơs 31
31
Jakôp rê wơl hơ lơgar Kanaan
1Jakôp kơno jơnau ală kòn Laban đơs lah: “Jakôp neh ai jơh ală phan mơna bèp he dê, mơ kơnòm di phan bèp he gen gơs pas sơm ngan.” 2Jakôp sền gŏ mat Laban, git khai ò gơròm bal mơ he be lài òr.
3Yàng Jehôwa đơs mơ Jakôp lah: “Rê tĕ hơ lơgar bèp mê mơ jơi bơtiàn mê, mơ Añ rơp ơm bal mơ mê.” 4Gen Jakôp sồr cau hòi Racel mơ Lea lòt tus tòm ƀlàng gơs mpồl phan poan jơng khai dê. 5Khai đơs mơ bol hơ̆ lah: “Añ gŏ mat bèp bàr nă bol ai ò di be lài òr tai, mơya Yàng Tom Trồ bèp añ jê neh ơm bal mơ añ. 6Bol ai git lah añ neh jơh pràn lơh broă bèp bol ai in, 7ai bèp bol ai neh pơrlồm mơ gơl jền tơngai añ jơt dơ̆, mơya Yàng Tom Trồ ò ai khai in lơh iơh di añ dô êt lơi. 8Tòm tŭ khai sồr lah: ‘Ală belàt gơs làng la jền tơngai mê in,’ gen jơh ală belàt deh kòn gơs làng, ai dilah khai sồr lah: ‘Ală belàt gơs sơnràng la jền tơngai mê in,’ gen jơh ală belàt deh kòn gơs sơnràng. 9Behơ̆ Yàng Tom Trồ neh ai ală phan poan jơng bèp bol ai dê añ in. 10Tòm tŭ ală mpồl belàt tòmjă, añ tơnggòr sền gŏ dô bơta mpau, ală belàt dam jă ală belàt me, gơ gơs sơnràng, gơs rtep rtèl, mơ gơs làng. 11Cau gơnrơh Yàng Tom Trồ đơs mơ añ tòm mpau lah: ‘Ơ Jakôp!’ Añ ho: ‘Gơs añ do.’ 12Cau gơnrơh đơs lah: ‘Tơnggòr tĕ mơ sền, jơh ală belàt dam jă ală belàt me gơ gơs sơnràng, gơs rtep rtèl mơ gơs làng, tài bơh Añ neh gŏ mbe gơlơh Laban gơwèt mơ mê sơl. 13#Sơnròp 28:18-22.Añ la Yàng Tom Trồ Betel dê, di tiah mê neh bong mơñà di bồ jrong, mơ neh ho dô bơta ho bal mơ Añ. Tŭ do, ñă tĕ lik bơh lơgar do mơ rê hơ lơgar jơi bơtiàn mê dê.’”
14Racel mơ Lea đơs mơ khai lah: “Bol hi gam dô pơnah lơi hala phan mơna lơi tòm hìu bèp dê sơl? 15Khai ò di sền bol hi be cau bơdìh sơl ơ? Bơh khai neh tac bol hi mơ neh sa jơh jền priă hơ̆ rau. 16Jơh ală phan mơ Yàng Tom Trồ neh ai bơh di tê bèp hi hơ̆ la phan bol hi mơ kòn bol hi dê. Behơ̆, tŭ do, lơh jat tĕ kòp jơnau Yàng Tom Trồ neh sồr.”
17Gen Jakôp ñă, tơnhào ală bau mơ kòn di ngkòi làkđa, 18lam jơh ală phan poan jơng mơ ală phan mơna khai dê, hơ̆ la ală phan poan jơng khai neh geh tòm Padan Aram, nàng rê wơl hơ Isak, bèp khai tòm lơgar Kanaan. 19Tòm tŭ Laban neh lòt siat sơnò ală belàt khai dê, gen Racel kơñau rùp duh khoai bơh tòm hìu bèp khai. 20Jakôp pơrlồm Laban, cau Aram, bơh Jakôp đơs mơ Laban khai rơp dô. 21Behơ̆, khai ñă dô, cèng jơh ală phan khai dê tiă hiòng mơ lòt song hơ mơnơm Galaat.
Laban ting jat Jakôp
22Tus di ngai pe, cau yal mơ Laban lah: “Jakôp neh dô rau.” 23Gen khai lam ală oh mi khai ting jat Jakôp tòm poh ngai lòt gùng, mơ jòi bàn tòm mơnơm Galaat. 24Mơya, tòm bơta mpau tòm trồ mang, Yàng Tom Trồ tus mơ Laban cau Aram mơ đơs lah: “Mê kơrhia tĕ, să tòm mê bañ đơs ñchi bơta lơi niam hala iơh mơ Jakôp.” 25Laban jòi bàn Jakôp. Mơ Jakôp lơh sàl hơđang mơnơm; Laban mơ ală oh mi khai kung lơh sàl hơđang mơnơm Galaat sơl.
26Laban đơs mơ Jakôp lah: “Ñchi mê neh lơh behơ̆ taih? Mê neh pơrlồm añ mơ lam ală kòn ùr añ jê kung be cau alah bơh bơta tòmlơh. 27Mbe mê dô òm, pơrlồm mơ ò ai añ in git lài taih? Digơlan añ jun mê ò git tai lòt tòm bơta chò hòp, jơnau đơs chò, ntas kơñi mơ ntas sơnggơr. 28Ñchi bơh tài mê bơrngơl behơ̆ taih? Ò ai añ in cum kòn klau mơ kòn ùr añ. 29Añ gơs gơnoar tòm tê añ mơ lơh iơh di mê, mơya Yàng Tom Trồ bèp mê dê neh đơs mơ añ tòm mang ti lah: ‘Mê kơrhia hàñ tĕ, să tòm mê bañ đơs jơnau lơi niam hala iơh mơ Jakôp.’ 30Tŭ do, bơh nùs mê kòñ ngan rê hìu bèp mê gen tàng mê lòt, mơ tài bơh ñchi mê neh kơñau ală yàng añ jê taih?”
31Jakôp ho lah: “Tài bơh añ rngòt kồñ kup wơl bàr nă kòn ùr kồñ dê. 32Mơya di cau lơi kồñ jòi gŏ ală yàng kồñ dê gen cau hơ̆ rơp kong chơt! Di đap ală oh mi hi kồñ sền sơwì tĕ ală phan hi dê mơ ai tĕ ală phan lơi kồñ dê.” Jakôp ò git Racel neh kơñau ală rùp duh khoai hơ̆. 33Behơ̆, Laban mut tòm sàl Jakôp dê, sàl Lea dê, sàl bàr nă dĭ ùr, mơ khai jòi gơ ò gŏ. Gen khai lik bơh sàl Lea dê mut tòm sàl Racel. 34Racel neh ai ală rùp duh khoai hơ̆ mơ pồn tòm tiah ừn làkđa mơ nggui hơđang. Laban jòi nền tòm sàl mơ ò gŏ gơ. 35Gen Racel đơs mơ bèp lah: “Bơh añ gơlơh să jat òs cau ùr dê, gen ntào ò diơng, dan bèp bañ gơjrañ di añ.” Khai jòi mơ ò gŏ ală rùp duh khoai.
36Gen Jakôp gơhào nùs mơ lah pơrhơng Laban mơ đơs lah: “Añ gơs ñchi bơta glài taih? Tồi glài añ la ñchi mơ kồñ kòñ ting jat behơ̆ taih? 37Kồñ neh jòi nền tòm ală phan añ, mơ neh gŏ ñchi phan lơi bal mơ hìu nhă kồñ dê sơl? Cèng tĕ phan hơ̆ di đap oh mi añ mơ oh mi kồñ nàng bol khai cahrña digùl bàr nă bol he. 38Do, añ neh ơm bal mơ kồñ tòm bàr jơt nam, belàt mơ be me kồñ dê ò gơs gơyò rlơs, mơ añ ò gơs tŭ lơi sa poac belàt dam tòm mpồl kồñ dê. 39Phan poan jơng lơi mơ phan tòm brê neh lơh sồt añ ò cèng kồñ in, tài bơh să tòm añ kong tơm gơ; kồñ kư̆ lùp di añ ală phan cau kơñau tòm trồ ngai mơ tòm trồ mang. 40Tòm trồ ngai añ kong duh, tòm trồ mang añ kong noat mrềt, añ bic ò lơhă. 41Behơ̆ tòm bàr jơt nam mơ añ neh ơm tòm hìu nhă kồñ dê, tòm jơt poan nam añ neh lơh broă nàng geh bàr nă kòn ùr kồñ dê, mơ prau nam tồ geh mpồl phan poan jơng kồñ dê, mơya kồñ tòmgơl jơt dơ̆ jền tơngai añ jê. 42Dilah Yàng Tom Trồ bèp añ jê, Yàng Tom Trồ Abraham dê, la Bơtau Isak duh rngòt, ò ơm bal mơ añ, gen ngan tŭ do kồñ neh bơtrơh añ lik tê gòi. Yàng Tom Trồ neh sền gŏ bơta bòl glar añ jê mơ broă tòm tê añ, gen mang ti Kơnràñ neh cahrña rau.”
43Laban đơs mơ Jakôp lah: “Ală cau ùr do la kòn añ, ală kơnòm do la sau añ, ală mpồl phan poan jơng hơ̆ la ală mpồl añ jê, mơ ală phan lơi mê gŏ hơ̆ la phan añ jê. Ngai do ñchi añ kòñ lơh mơ ală kòn ùr hala ală kòn bol khai neh deh taih? 44Behơ̆ tŭ do, bol he tòmho bal lă nàng lơh cơng digùl mê mơ añ.”
Jakôp mơ Laban tòmho bal
45Jakôp ai dô nơm lŭ, bơtào lơh jrong; 46mơ Jakôp đơs mơ oh mi khai lah: “Tơrgòm tĕ lŭ,” gen bol khai tơrgòm lŭ mơ lơh dô nơm bơrtul, gen nggui hơđang mơ sào. 47Laban tơmoh sơnđan gơ la Jegar Sahadutha, mơ Jakôp tơmoh sơnđan la Galet.#31:47 Jegar Sahadutha (jơnau Aram) halaGalet (jơnau Hebrơ) kung gơs gơtha la “gơnru lŭ lơh cơng”. 48Laban đơs lah: “Ngai do bơrtul lŭ do lơh cơng digùl añ mơ mê.” Gen bol khai sơnđan gơ la Galet. 49Mơ kung ai sơnđan gơ la Mispa,#31:49 Mispa: Sơnđan do gơs sap đơs tòm toh jơnau Hebrơ gơs gơtha la “Theng Kơp Gàr”. bơh Laban đơs tai lah: “Tŭ bol he ơm is, dan Yàng Jehôwa sền gàr añ mơ mê. 50Dilah mê lơh iơh di ală kòn ùr añ mơ mê jòi bau ndai, gen kơrhia tĕ, ò di la cau òs cahrña he ò, mơya hơ̆ la Yàng Tom Trồ lơh cơng digùl añ mơ mê.” 51Laban đơs mơ Jakôp lah: “Do bơrtul lŭ, do jrong añ neh bơtào digùl añ mơ mê. 52Bơrtul lŭ do mơ jrong do lơh cơng lah añ ò lòt sơrlèt bơh tềng do mơ tus hơ mê, mơ mê kung ò lòt sơrlèt bơh tềng do mơ lòt tus hơ añ tòm tŭ bol he kòñ lơh iơh bal. 53Dan Yàng Tom Trồ Abraham dê, Yàng Tom Trồ Nakôr dê, Yàng Tom Trồ bèp bol hơ̆ dê cahrña he in!” Jakôp ai sơnđan Bơtau Isak bèp khai duh rngòt mơ tòmho bal. 54Gen Jakôp ơn dô nơm phan duh khoai hơđang mơnơm mơ jà ală oh mi khai sa piang lă. Behơ̆ bol khai sa piang lă mơ mang hơ̆ ơm hơđang mơnơm.
55Laban guh bơh drim, cum ală sau mơ ală kòn ùr khai, mơ ai lơngai bol khai in gen rê wơl hơ hìu khai.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018 United Bible Societies. All rights reserved.