Lebi 16
16
Ngai pơjum ơn phan tơwài glài
1Yàng Jehôwa đơs mơ Môise tơnơ̆ mơ bơta chơt bàr nă kòn klau Arôn dê tòm tŭ bol khai tus rềp mơ Yàng Jehôwa. 2#Heb 6:19.Yàng Jehôwa đơs mơ Môise lah: “Đơs tĕ mơ Arôn bi mê dê, bulah la tŭ lơi bañ tus rềp tòm Tiah Sàng Goh Ngan đah dơlam bài kơrnìng di đap bơnap bơta nđàc ơn hơđang Đài Bơta Ho Bal, dilah ò lơh jat gen khai rơp chơt, tài bơh Añ tơlik mat tòm mhwal hơđang bơnap bơta nđàc.
3 #
Heb 9:7. Do la bơta mơ Arôn pal lơh jat tồ geh mut tòm Tiah Sàng Goh Ngan: khai pal cèng dô nơm kơnrồ dam gam dềt lơh gơs phan ơn tơwài glài mơ dô nơm belàt dam lơh gơs phan ơn chu pơrguc. 4Khai pal soh ào jrùh mơ brài che dơmài neh ơn is sàng goh, soh srồmpha liah đah dơlam mơ che dơmài; khai pal kơt che but mơ brài che dơmài gùt dar wĕ khai mơ kơt bồ mơ bài che dơmài. Hơ̆ la ală ồi ào ơn is sàng goh; behơ̆ khai pal um să khai mơ dà lài mơ tŭ khai soh ală ồi ào hơ̆. 5Khai pal ai bàr nơm be dam bơh di mpồl jơnum Israel dê nàng lơh gơs phan ơn tơwài glài mơ dô nơm belàt dam nàng lơh gơs phan ơn chu pơrguc. 6Arôn pal ơn kơnrồ dam lơh gơs phan ơn tơwài glài nàng tơwài glài să tòm khai mơ hìu nhă khai in. 7Lồc behơ̆ khai pal ai bàr nơm be dam mơ cèng bol gơ tus di đap Yàng Jehôwa di tiah mpồng mut Sàl Tòm Mat dê. 8Arôn rơp tă khà sac rwah digùl bàr nơm be, dô khà gơrê mơ Yàng Jehôwa, dô khà ne gơrê mơ Ajajel.#16:8, 20 Tòm jơnau Hebrơ la Ajajel, gơtha tòm jơnau Hebrơ òhềt loh làng, digơlan hơ̆ la sơnđan cà ơm tòm ƀlàng ngềt ngơt. 9Arôn pal ai be neh tă khà gơrê hơ Yàng Jehôwa mơ ơn gơlơh gơs phan ơn tơwài glài. 10Mơya be neh tă khà lơh gơs be àñ glài rơp geh cèng tus gam kis di đap Yàng Jehôwa nàng lơh gơs bơta tơwài glài bơh tơngklàs gơtòm ƀlàng ngềt ngơt lơh gơs be àñ glài.
11Arôn rơp cèng kơnrồ dam lơh gơs phan ơn tơwài glài să tòm khai in nàng lơh gơs bơta tơwài glài să tòm mơ hìu nhă khai in, mơ khai pal hàl tơnchơt kơnrồ dam hơ̆ nàng lơh gơs phan ơn tơwài glài să tòm khai in. 12Khai pal ai dô nơm gri ơn kơlhô gơs bềng rnga ồs hơng bơh di cơnòng duh khoai di đap Yàng Jehôwa mơ bàr sơmbat bềng kơlhô ƀô bơlhu neh tơnlề rhền mơ cèng ală phan hơ̆ tus hơ đah dơlam bài kơrnìng. 13Khai pal ơn kơlhô hơđang ồs di đap Yàng Jehôwa mơ ñhŭ kơlhô rơp jơm gòm bơnap bơta tơwài glài hơđang Đài Bơta Ho Bal tồ khai in klàs chơt. 14Khai pal ai dô êt mhàm kơnrồ dam dê mơ ngui ràs tê rsìh dô êt mhàm hơ̆ tòm poh dơ̆ di đap bơnap bơta tơwài glài. 15#Heb 9:12.Lồc behơ̆, khai pal hàl tơnchơt be dam lòi ơn lơh gơs phan ơn tơwài glài làng bol in mơ cèng mhàm gơ dê tus đah dơlam bài kơrnìng mơ lơh kung be khai neh lơh mơ mhàm kơnrồ dam: Khai pal rsìh gơ hơđang bơnap bơta nđàc mơ di đap bơnap hơ̆ tai.
16Lơh behơ̆ gen khai rơp lơh gơs bơta tơwài glài Tiah Sàng Goh Ngan in tài bơh bơta ò goh mơ bơta tòmdră cau Israel dê tòm ală bơta tồi glài bol khai neh lơh gơs. Khai kung pal lơh tòm toh behơ̆ mơ Sàl Tòm Mat in gam ơm bal mơ bol khai digùl ală bơta ò goh. 17Bañ gơs cau lơi ơm tòm Sàl Tòm Mat bơh di tŭ Arôn mut nàng lơh gơs bơta tơwài glài tòm Tiah Sàng Goh Ngan jơl tus di tŭ khai lik tơnơ̆ mơ tŭ khai neh lơh sir bơta tơwài glài să tòm khai in, hìu nhă khai in mơ jơh dô mpồl jơnum Israel in.
18Gen khai rơp lik lòt tus hơ cơnòng duh khoai neh ơn di đap Yàng Jehôwa mơ lơh bơta tơwài glài gơ in. Khai pal ai dô êt mhàm kơnrồ dam dê mơ dô êt mhàm be dê mơ ơn gơ di jơh ală ngke cơnòng duh khoai dê. 19Khai rơp ai ràs tê khai dê mơ rsìh dô êt mhàm hơđang gơtòm poh dơ̆ nàng lơh gơ in gơs goh mơ ơn is gơ in sàng goh bơh di bơta ò goh cau Israel dê.
20Tòm tŭ Arôn neh sir lơh bơta tơwài glài Tiah Sàng Goh Ngan, Sàl Tòm Mat mơ cơnòng duh khoai in rau gen khai cèng tus dô nơm be gam kis. 21Khai pal ơn bàr đah tê hơđang bồ be gam kis hơ̆ mơ yal tơlik hơđang gơ jơh ală bơta iơh bơsak mơ tòmdră cau Israel dê, hơ̆ la jơh ală bơta tồi glài bol khai dê, mơ ơn ală bơta tồi glài hơ̆ hơđang bồ be. Khai rơp sồr dô nă cau klau neh geh pồ bơtào lam behơ̆ tus hơ ƀlàng bràs. 22Be rơp àñ hơđang să tòm gơ jơh ală bơta tồi glài tus hơ dô bă tiah ngềt ngơt; mơ cau hơ̆ rơp hồ toh gơtòm ƀlàng bràs.
23 #
Ejek 44:19. Lồc behơ̆ Arôn pal mut tòm Sàl Tòm Mat mơ hồ ală ồi ào mơ bài che dơmài mơ khai neh soh lài mơ tŭ mut tòm Tiah Sàng Goh Ngan, mơ khai pal lòi gơtòm hơ̆. 24Khai pal um dà să tòm khai tòm dô bă tiah sàng goh mơ soh ală ồi ào òs soh khai dê. Gen khai pal lik bơh hơ̆ mơ ơn phan ơn chu pơrguc să tòm khai in mơ phan ơn chu pơrguc làng bol in, nàng lơh bơta tơwài glài să tòm khai in mơ làng bol in. 25Khai kung rơp chu dơngi phan ơn tơwài glài dê hơđang cơnòng duh khoai.
26Cau klau hồ toh be lơh gơs be àñ glài pal pìh ală ồi ào khai dê mơ um dà să tòm khai, tơnơ̆ mơ hơ̆ gen khai rgơi mut tòm sàl ơm.
27 #
Heb 13:11. Kơnrồ dam mơ be lơh gơs phan ơn tơwài glài, mhàm bol gơ neh cèng tòm Tiah Sàng Goh Ngan nàng lơh bơta tơwài glài, mhàm hơ̆ pal cèng hơ bơdìh sàl ơm; gơltau bol gơ poac mơ è gơ pal chu jơh. 28Cau klau chu ală phan hơ̆ pal pìh ală ồi ào khai dê mơ um dà să tòm khai, tơnơ̆ mơ hơ̆ khai rgơi mut tòm sàl ơm.
29 #
Leb 23:26-32; Khà 29:7-11. Do la dô bơta sồr lam gam sùm sùm bol mê in: Tòm ngai jơt kơnhai poh bol mê pal ơt sa#16:29 hala pơndang sang să tòm he. mơ bañ lơh dô nơm broă lơi, bulah la cau deh tòm lơgar hala cau làng bơdìh ơm digùl bol mê, 30tài bơh tòm ngai hơ̆ bơta tơwài glài rơp lơh gơs bol mê in nàng lơh bol mê in geh goh. Behơ̆ tàng, di đap Yàng Jehôwa, bol mê rơp geh goh bơh jơh ală bơta tồi glài bol mê dê. 31Hơ̆ la dô ngai poh ơm rlô, mơ bol mê pal ơt sa; hơ̆ la dô bơta sồr lam gam sùm sùm. 32Cau gơnoar ơn phan duh khoai la cau neh geh bong mơñà mơ pồ bơtào nàng pơrdòn gơnoar broă bèp khai dê lơh gơs cau gơnoar dờng ơn phan duh khoai, cau hơ̆ pal lơh bơta tơwài glài. Khai pal soh ală ồi ào ơn is sàng goh. 33Mơ lơh bơta tơwài glài Tiah Sàng Goh Ngan in, Sàl Tòm Mat in, mơ cơnòng duh khoai, mơ ală cau gơnoar ơn phan duh khoai in mơ jơh làng bol tòm mpồl jơnum. 34Do rơp la dô bơta sồr lam gam sùm sùm bol mê in: Bơta tơwài glài pal lơh gơs kòp nam dô dơ̆ bơh jơh ală bơta tồi glài cau Israel dê.”
Mơ bơta hơ̆ neh lơh gơs jat be jơnau Yàng Jehôwa neh sồr Môise.
Currently Selected:
Lebi 16: KPM2018
Highlight
Share
Copy
Want to have your highlights saved across all your devices? Sign up or sign in
© 2018 United Bible Societies. All rights reserved.
Lebi 16
16
Ngai pơjum ơn phan tơwài glài
1Yàng Jehôwa đơs mơ Môise tơnơ̆ mơ bơta chơt bàr nă kòn klau Arôn dê tòm tŭ bol khai tus rềp mơ Yàng Jehôwa. 2#Heb 6:19.Yàng Jehôwa đơs mơ Môise lah: “Đơs tĕ mơ Arôn bi mê dê, bulah la tŭ lơi bañ tus rềp tòm Tiah Sàng Goh Ngan đah dơlam bài kơrnìng di đap bơnap bơta nđàc ơn hơđang Đài Bơta Ho Bal, dilah ò lơh jat gen khai rơp chơt, tài bơh Añ tơlik mat tòm mhwal hơđang bơnap bơta nđàc.
3 #
Heb 9:7. Do la bơta mơ Arôn pal lơh jat tồ geh mut tòm Tiah Sàng Goh Ngan: khai pal cèng dô nơm kơnrồ dam gam dềt lơh gơs phan ơn tơwài glài mơ dô nơm belàt dam lơh gơs phan ơn chu pơrguc. 4Khai pal soh ào jrùh mơ brài che dơmài neh ơn is sàng goh, soh srồmpha liah đah dơlam mơ che dơmài; khai pal kơt che but mơ brài che dơmài gùt dar wĕ khai mơ kơt bồ mơ bài che dơmài. Hơ̆ la ală ồi ào ơn is sàng goh; behơ̆ khai pal um să khai mơ dà lài mơ tŭ khai soh ală ồi ào hơ̆. 5Khai pal ai bàr nơm be dam bơh di mpồl jơnum Israel dê nàng lơh gơs phan ơn tơwài glài mơ dô nơm belàt dam nàng lơh gơs phan ơn chu pơrguc. 6Arôn pal ơn kơnrồ dam lơh gơs phan ơn tơwài glài nàng tơwài glài să tòm khai mơ hìu nhă khai in. 7Lồc behơ̆ khai pal ai bàr nơm be dam mơ cèng bol gơ tus di đap Yàng Jehôwa di tiah mpồng mut Sàl Tòm Mat dê. 8Arôn rơp tă khà sac rwah digùl bàr nơm be, dô khà gơrê mơ Yàng Jehôwa, dô khà ne gơrê mơ Ajajel.#16:8, 20 Tòm jơnau Hebrơ la Ajajel, gơtha tòm jơnau Hebrơ òhềt loh làng, digơlan hơ̆ la sơnđan cà ơm tòm ƀlàng ngềt ngơt. 9Arôn pal ai be neh tă khà gơrê hơ Yàng Jehôwa mơ ơn gơlơh gơs phan ơn tơwài glài. 10Mơya be neh tă khà lơh gơs be àñ glài rơp geh cèng tus gam kis di đap Yàng Jehôwa nàng lơh gơs bơta tơwài glài bơh tơngklàs gơtòm ƀlàng ngềt ngơt lơh gơs be àñ glài.
11Arôn rơp cèng kơnrồ dam lơh gơs phan ơn tơwài glài să tòm khai in nàng lơh gơs bơta tơwài glài să tòm mơ hìu nhă khai in, mơ khai pal hàl tơnchơt kơnrồ dam hơ̆ nàng lơh gơs phan ơn tơwài glài să tòm khai in. 12Khai pal ai dô nơm gri ơn kơlhô gơs bềng rnga ồs hơng bơh di cơnòng duh khoai di đap Yàng Jehôwa mơ bàr sơmbat bềng kơlhô ƀô bơlhu neh tơnlề rhền mơ cèng ală phan hơ̆ tus hơ đah dơlam bài kơrnìng. 13Khai pal ơn kơlhô hơđang ồs di đap Yàng Jehôwa mơ ñhŭ kơlhô rơp jơm gòm bơnap bơta tơwài glài hơđang Đài Bơta Ho Bal tồ khai in klàs chơt. 14Khai pal ai dô êt mhàm kơnrồ dam dê mơ ngui ràs tê rsìh dô êt mhàm hơ̆ tòm poh dơ̆ di đap bơnap bơta tơwài glài. 15#Heb 9:12.Lồc behơ̆, khai pal hàl tơnchơt be dam lòi ơn lơh gơs phan ơn tơwài glài làng bol in mơ cèng mhàm gơ dê tus đah dơlam bài kơrnìng mơ lơh kung be khai neh lơh mơ mhàm kơnrồ dam: Khai pal rsìh gơ hơđang bơnap bơta nđàc mơ di đap bơnap hơ̆ tai.
16Lơh behơ̆ gen khai rơp lơh gơs bơta tơwài glài Tiah Sàng Goh Ngan in tài bơh bơta ò goh mơ bơta tòmdră cau Israel dê tòm ală bơta tồi glài bol khai neh lơh gơs. Khai kung pal lơh tòm toh behơ̆ mơ Sàl Tòm Mat in gam ơm bal mơ bol khai digùl ală bơta ò goh. 17Bañ gơs cau lơi ơm tòm Sàl Tòm Mat bơh di tŭ Arôn mut nàng lơh gơs bơta tơwài glài tòm Tiah Sàng Goh Ngan jơl tus di tŭ khai lik tơnơ̆ mơ tŭ khai neh lơh sir bơta tơwài glài să tòm khai in, hìu nhă khai in mơ jơh dô mpồl jơnum Israel in.
18Gen khai rơp lik lòt tus hơ cơnòng duh khoai neh ơn di đap Yàng Jehôwa mơ lơh bơta tơwài glài gơ in. Khai pal ai dô êt mhàm kơnrồ dam dê mơ dô êt mhàm be dê mơ ơn gơ di jơh ală ngke cơnòng duh khoai dê. 19Khai rơp ai ràs tê khai dê mơ rsìh dô êt mhàm hơđang gơtòm poh dơ̆ nàng lơh gơ in gơs goh mơ ơn is gơ in sàng goh bơh di bơta ò goh cau Israel dê.
20Tòm tŭ Arôn neh sir lơh bơta tơwài glài Tiah Sàng Goh Ngan, Sàl Tòm Mat mơ cơnòng duh khoai in rau gen khai cèng tus dô nơm be gam kis. 21Khai pal ơn bàr đah tê hơđang bồ be gam kis hơ̆ mơ yal tơlik hơđang gơ jơh ală bơta iơh bơsak mơ tòmdră cau Israel dê, hơ̆ la jơh ală bơta tồi glài bol khai dê, mơ ơn ală bơta tồi glài hơ̆ hơđang bồ be. Khai rơp sồr dô nă cau klau neh geh pồ bơtào lam behơ̆ tus hơ ƀlàng bràs. 22Be rơp àñ hơđang să tòm gơ jơh ală bơta tồi glài tus hơ dô bă tiah ngềt ngơt; mơ cau hơ̆ rơp hồ toh gơtòm ƀlàng bràs.
23 #
Ejek 44:19. Lồc behơ̆ Arôn pal mut tòm Sàl Tòm Mat mơ hồ ală ồi ào mơ bài che dơmài mơ khai neh soh lài mơ tŭ mut tòm Tiah Sàng Goh Ngan, mơ khai pal lòi gơtòm hơ̆. 24Khai pal um dà să tòm khai tòm dô bă tiah sàng goh mơ soh ală ồi ào òs soh khai dê. Gen khai pal lik bơh hơ̆ mơ ơn phan ơn chu pơrguc să tòm khai in mơ phan ơn chu pơrguc làng bol in, nàng lơh bơta tơwài glài să tòm khai in mơ làng bol in. 25Khai kung rơp chu dơngi phan ơn tơwài glài dê hơđang cơnòng duh khoai.
26Cau klau hồ toh be lơh gơs be àñ glài pal pìh ală ồi ào khai dê mơ um dà să tòm khai, tơnơ̆ mơ hơ̆ gen khai rgơi mut tòm sàl ơm.
27 #
Heb 13:11. Kơnrồ dam mơ be lơh gơs phan ơn tơwài glài, mhàm bol gơ neh cèng tòm Tiah Sàng Goh Ngan nàng lơh bơta tơwài glài, mhàm hơ̆ pal cèng hơ bơdìh sàl ơm; gơltau bol gơ poac mơ è gơ pal chu jơh. 28Cau klau chu ală phan hơ̆ pal pìh ală ồi ào khai dê mơ um dà să tòm khai, tơnơ̆ mơ hơ̆ khai rgơi mut tòm sàl ơm.
29 #
Leb 23:26-32; Khà 29:7-11. Do la dô bơta sồr lam gam sùm sùm bol mê in: Tòm ngai jơt kơnhai poh bol mê pal ơt sa#16:29 hala pơndang sang să tòm he. mơ bañ lơh dô nơm broă lơi, bulah la cau deh tòm lơgar hala cau làng bơdìh ơm digùl bol mê, 30tài bơh tòm ngai hơ̆ bơta tơwài glài rơp lơh gơs bol mê in nàng lơh bol mê in geh goh. Behơ̆ tàng, di đap Yàng Jehôwa, bol mê rơp geh goh bơh jơh ală bơta tồi glài bol mê dê. 31Hơ̆ la dô ngai poh ơm rlô, mơ bol mê pal ơt sa; hơ̆ la dô bơta sồr lam gam sùm sùm. 32Cau gơnoar ơn phan duh khoai la cau neh geh bong mơñà mơ pồ bơtào nàng pơrdòn gơnoar broă bèp khai dê lơh gơs cau gơnoar dờng ơn phan duh khoai, cau hơ̆ pal lơh bơta tơwài glài. Khai pal soh ală ồi ào ơn is sàng goh. 33Mơ lơh bơta tơwài glài Tiah Sàng Goh Ngan in, Sàl Tòm Mat in, mơ cơnòng duh khoai, mơ ală cau gơnoar ơn phan duh khoai in mơ jơh làng bol tòm mpồl jơnum. 34Do rơp la dô bơta sồr lam gam sùm sùm bol mê in: Bơta tơwài glài pal lơh gơs kòp nam dô dơ̆ bơh jơh ală bơta tồi glài cau Israel dê.”
Mơ bơta hơ̆ neh lơh gơs jat be jơnau Yàng Jehôwa neh sồr Môise.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018 United Bible Societies. All rights reserved.