Luka 22
22
Bơta bòl glar, bơta chơt mơ kis wơl Yàng Jesu Krist dê
(22:1 – 24:53)
Ală cau gơnoar lam bồ ơn phan duh khoai jòi kai lơh iơh di Yàng Jesu
(Mathiơ 26:1-5; Mak 14:1,2; Jang 11:45-53)
1 #
Lik 12:1-27. Bơta pơjum sa piang lă ò gơs kañ, hơ̆ la bơta pơjum sa Lòt Gan, mòr tus. 2Ală cau gơnoar lam bồ ơn phan duh khoai bal mơ ală cau bơto bơta boh lam jòi bơta nàng tơnchơt Yàng Jesu, bơh bol khai rngòt di làng bol.
Cau pơrlơ̆ dră di Yàng Jesu
(Mathiơ 26:14-16; Mak 14:10,11)
3Tŭ hơ̆, cà Satan neh mut tòm nùs Juda sơnđan la Iskariôt, la dô nă tòm jơt bàr nă cau bơtê. 4Khai lòt bơyai mơ ală cau gơnoar lam bồ ơn phan duh khoai mơ ală cau kwang ling sền gàr hìu duh khoai mbe kòñ lơh nàng bơtào Kơnràñ bol khai in. 5Bol hơ̆ chò hòp, ho ai jền priă khai in. 6Neh dô nùs bal rau, gen khai jòi tŭ lơmpah nàng bơtào Kơnràñ bol khai in tòm tŭ ò gơs làng bol.
Yàng Jesu bơtào gơs bơta Sa Kah Yàng
(Mathiơ 26:17-25; Mak 14:12-21; Jang 13:21-30)
7Tus di ngai pơjum sa piang lă ò gơs kañ, la ngai pal tơnchơt belàt kòn bơta pơjum sa Lòt Gan dê, 8Yàng Jesu sồr Pier mơ Jang lah: “Lòt tĕ rcang yò sa bơta pơjum sa Lòt Gan bol he in.” 9Bol khai đơs lah: “Ntềng đah Kơnràñ kòñ bol he rcang yò sa taih?” 10Kơnràñ ho lah: “Dơ̆ bol mê mut tòm ƀòn dờng, rơp tìp dô nă cau klau đoa dô nơm yang dà; jat tĕ khai tòm hìu lơi khai mut, 11mơ đơs mơ cau tòm hìu hơ̆ lah: ‘Cau Bơto đơs mơ mê lah: Ntềng đah ơdŭ nac la tiah Añ rơp sa bơta pơjum sa Lòt gan bal mơ ală cau bơtê Añ jê taih?’ 12Cau tòm rơp sơnio bol mê in dô nơm ơdŭ dờng tap hơđang, neh rcang rơndap sir; rcang yò sa tĕ tềng hơ̆.” 13Bol khai lòt, tìp ală bơta tòm toh be jơnau Kơnràñ neh đơs, mơ bol khai rcang yò sa bơta pơjum sa Lòt Gan.
14Tus di jơ sa, Kơnràñ nggui di cơnòng, ală cau gơnoar bơto dờng nggui bal mơ Kơnràñ. 15Kơnràñ đơs mơ bol khai lah: “Añ neh kòñ ngan sa bơta pơjum sa Lòt Gan do bal mơ bol mê lài mơ tŭ Añ kong jê sồt. 16Bơh Añ đơs mơ bol mê, Añ rơp ò sa bơta pơjum sa do tai jơl tus di tŭ ngai hơ̆ gơlik wil tơl tòm lơgar Yàng Tom Trồ.” 17Chòp Kơnràñ ai mơngàn, ưnngài gen đơs lah: “Ai tĕ mơngàn do tòmpà bal mơ gơp. 18Bơh Añ đơs mơ bol mê, bơh do jơl hìng nau, Añ ò hùc dà plai ño do tai jơl tus di tŭ lơgar Yàng Tom Trồ tus rau.” 19Chòp Kơnràñ ai piang lă, ưnngài, gen dơrkă, tong bol khai in mơ đơs lah: “Do la să jan Añ, bơh bol mê mơ ai phi. Lơh tĕ bơta do nàng kah wơl Añ.” 20#Jer 31:31-34.Kung behơ̆ sơl, tơnơ̆ mơ tŭ sa mho, Kơnràñ ai mơngàn mơ đơs lah: “Mơngàn do la bơta ho bal pa tòm mhàm Añ, hơ̆ la mhàm tài bơh bol mê mơ hòr lik. 21#Đơs Crih 41:9.Mơya ne, cau pơrlơ̆ dră di Añ ơm di cơnòng bal mơ Añ. 22Kòn Mơnus rơp chơt be Yàng Tom Trồ neh lơh nền, mơya bòl glar cau do in la cau pơrlơ̆ dră di Kơnràñ.” 23Ală cau bơtê lùp bal mơ gơp ñcau rơp lơh bơta hơ̆.
Bơta tòm pơndang kòñ dờng rlau ală cau bơtê dê
(Mathiơ 18:1; Mak 9:34; Luka 9:46)
24 #
Mat 18:1; Mak 9:34; Luk 9:46. Gơs bơta tòm pơndang bal digùl ală cau bơtê lòng sền ñcau tòm bol khai la dờng rlau jơh. 25#Mat 20:25-27; Mak 10:42-44.Mơya Kơnràñ đơs mơ bol khai lah: “Ală cau bơtau làng bol bơdìh dê ai gơnoar nàng at bồ, ală cau kwang bàng geh sơnđan la cau bơyô làng bol dê. 26#Mat 23:11; Mak 9:35.Ai đah mơ bol mê, ò di behơ̆ ò; mơya cau lơi dờng rlau tòm bol mê pal gơlik gơs be cau dềt rlau jơh, mơ cau lơi lam bồ pal gơlik gơs be cau duh broă. 27#Jang 13:12-15.Bơh cau nggui di cơnòng mơ cau duh broă, ñcau la dờng rlau taih? Ò di la cau nggui di cơnòng ò ơ? Mơya Añ ơm digùl bol mê be cau duh broă. 28Bol mê la cau kư̆ ơm bal mơ Añ tòm bơta gơlòng bòl glar Añ jê. 29Gen tàng Añ ai bơta song ring bol mê in, kung be Bèp neh ai Añ in sơl, 30#Mat 19:28.bol mê geh ñô sa di cơnòng Añ jê tòm lơgar Añ; bol mê kung rơp nggui hơđang sơbàn mơ cahrña jơt bàr jơi bơtiàn làng bol Israel.”
Yàng yal lài Pier in
(Mathiơ 26:31-35; Mak 14:27-31; Jang 13:36-38)
31Yàng đơs lah: “Ơ Simôn, Simôn, do cà Satan kòñ nggum ngkhiang bol mê be kòi mi. 32Mơya Añ neh hòi dan mê in, tồ bơta dòn mê dê ò gơhuc. Behơ̆ tus di tŭ mê rê wơl hơ Añ, gen lơh tĕ oh mi mê in kơ̆ nùs.” 33Chòp Pier đơs lah: “Ơ Yàng, añ neh rcang sir nàng kong jàm kong chơt bal mơ Yàng.” 34Kơnràñ đơs lah: “Ơ Pier, Añ đơs mơ mê, ngai do tŭ iar òhềt nrau, gen mê rơp pơndang pe dơ̆ lah ò git Añ.”
35 #
Mat 10:9-10; Mak 6:8-9; Luk 9:3; 10:4. Chòp Kơnràñ đơs mơ bol khai lah: “Dơ̆ Añ neh sồr bol mê lòt ò cèng kơldung priă, kơldung phan, hala gơltau jă, bol mê siơ̆u phan lơi sơl?” Bol khai ho lah: “Ò siơ̆u.” 36Kơnràñ đơs lah: “Mơya tŭ do cau lơi gơs kơldung priă gen ai tĕ, cau lơi gơs kơldung phan kung behơ̆ sơl; cau lơi ò gơs đào pal tac ào bơdìh nàng rwat. 37#Esai 53:12.Bơh Añ đơs mơ bol mê, jơnau Sră Goh neh cih lah: ‘Cau kòp Kơnràñ tòm sèng cau glài,’ pal gơlik di ngan di Añ. Bơh ală bơta neh cih bơh Añ pal gơlik gơs di ngan.” 38Bol khai đơs lah: “Ơ Yàng, gơs bàr nơm đào do.” Kơnràñ đơs lah: “Neh tơl rau!”
Yàng Jesu hòi dan tòm suơn Getsemane
(Mathiơ 26:36-46; Mak 14:32-42)
39Tŭ hơ̆ Kơnràñ lik lòt, guh hơđang mơnơm Ôlibe jat be òs; ală cau bơtê kung lòt jat Kơnràñ. 40Dơ̆ neh tus tềng hơ̆ rau, Kơnràñ đơs mơ bol khai lah: “Hòi dan tĕ, tồ bol mê in ò gơtơmut tòm bơta ơniai.” 41Gen Kơnràñ lòt bơh bol khai pơgap dô bồng sơrbì lŭ, cùn gơltang hòi dan lah: 42“Ơ Bèp, dilah Bèp kòñ, dan tă mơngàn do bơh di Añ! Bulah behơ̆, ò di jat nùs kòñ Añ, mơya jat nùs kòñ Bèp dê.” [ 43Gơs dô nă cau gơnrơh bơh trồ tơlik mat mơ bơtơl pràn Kơnràñ in. 44Tòm bơta jê sồt bòl glar ngan Kơnràñ hòi dan sơlo rac ròc, kơlhề#22:44 Cil: pơhal. gơlik gơs be ntòc mhàm dờng rung di tiah.]#22:44 Gơs dô êt sră cih tê yau ò gơs sèng 43, 44. 45Neh sir hòi dan, Kơnràñ ñă ntào, lòt tus hơ ală cau bơtê, gŏ bol khai lơhă bic bơh moat jrùng, 46gen đơs lah: “Ñchi bơh tài bol mê lơhă bic taih? Guh tĕ hòi dan, tồ bol mê ò gơtơmut tòm bơta ơniai.”
Yàng Jesu kong cau kup
(Mathiơ 26:47-56; Mak 14:43-50; Jang 18:3-11)
47Tòm tŭ Kơnràñ gam đơs, ne, dô mpồl cau lòt tus, bơh Juda, la dô nă cau tòm jơt bàr nă cau bơtê, lòt lài tus rềp di Yàng Jesu nàng cum Kơnràñ. 48Yàng Jesu lùp khai lah: “Ơ Juda, mê ngui bơta cum nàng pơrlơ̆ dră di Kòn Mơnus ơ?” 49Ală cau bơtê ơm bal mơ Kơnràñ gŏ bơta neh gơlik gơs, gen đơs lah: “Ơ Yàng, bol he pal ngui đào nàng tòmlơh sơl?” 50Mơ gơs dô nă cau tòm mpồl bol khai pòng cau dĭ cau gơnoar dờng lam bồ ơn phan duh khoai dê, sreh tac tồr đah ma khai dê. 51Mơya Yàng Jesu đơs lah: “Neh gơs behơ̆, gen kong tĕ.” Gen Kơnràñ ƀư tồr khai mơ sơmbòi khai in. 52Chòp Kơnràñ đơs mơ ală cau gơnoar lam bồ ơn phan duh khoai, ală cau kwang ling sền gàr hìu duh khoai mơ ală cau kwang kra neh lòt tus nàng kup Kơnràñ lah: “Bol mê at đào mơ gai tus kup Añ be kup cau phà kơñau ơ? 53#Luk 19:47; 21:37.Kòp ngai Añ ơm mơ bol mê tòm hìu duh khoai, mơ bol mê ò ai tê nàng kup Añ. Mơya do la jơ bol mê dê mơ gơnoar bơta klam jơngo dê.”
Yàng Jesu ơm di đap ală cau gơnoar lam bồ ơn phan duh khoai. – Pier pơndang sang Yàng
(Mathiơ 26:57,58, 69-75; Mak 14:53,54, 66-72; Jang 18:12-18, 25-27)
54Bol khai kup Kơnràñ, lam tus hơ hìu cau gơnoar dờng lam bồ ơn phan duh khoai. Pier lòt jat Kơnràñ ngài ngài. 55Bol khai sing ồs digùl ƀlàng mơ nggui bal; Pier kung nggui bal mơ bol khai sơl. 56Dô nă cau dĭ ùr ne gŏ Pier nggui di gah, gen sền đal di khai mơ đơs lah: “Cau do kung ơm bal mơ cau hơ̆ sơl.” 57Mơya Pier pơndang lah: “Ơ cau ùr gen, añ ò git cau hơ̆.” 58Dô êt tơnơ̆ gơs cau ndai gŏ Pier, gen đơs lah: “Mê kung bal mơ mpồl hơ̆.” Pier đơs lah: “Ơ cau gen, ò di behơ̆ ò.” 59Pơgap dô jơ tơnơ̆ gen gơs cau ndai đơs nền lah: “Ngan, cau do kung ơm bal mơ cau hơ̆, bơh khai la cau Galile.” 60Mơya Pier đơs lah: “Ơ cau gen, añ ò git ñchi mê đơs.” Tòm tŭ Pier gam đơs gen iar nrau mo. 61Yàng wơlke sền Pier. Pier kah wơl jơnau đơs Yàng dê, mbe Kơnràñ neh đơs mơ khai lah: “Ngai do lài mơ tŭ iar òhềt nrau, gen mê rơp pơndang pe dơ̆ lah mê ò git Añ.” 62Gen khai lik lòt, ñìm rac ròc pơt wòl.
63Ală cau sền gàr Yàng Jesu dơñŏ tơnhial, pù lơh Kơnràñ, 64Pùt dơp mat Yàng, gen lùp lah: “Đơs hwơr tĕ! Ñcau neh pù lơh mê taih?” 65Bol hơ̆ ai oă jơnau ndai nàng dơñŏ tơnhial di Kơnràñ.
Yàng Jesu ơm di đap Mpồl Kwang Tơrña
(Mathiơ 26:59-66; Mak 14:55-64; Jang 18:19-24)
66Rìng àng, ală cau kwang kra tòm làng bol, ală cau gơnoar lam bồ ơn phan duh khoai mơ ală cau bơto bơta boh lam pơjum bal, cèng Yàng Jesu mut tòm Mpồl Kwang Tơrña bol khai dê, 67Bol khai lùp lah: “Dilah mê la Bơtau Krist, yal tĕ bol hi in.” Kơnràñ ho lah: “Dilah Añ yal, gen ngan ală ồng ò dòn; 68Mơ dilah Añ lùp, gen ală ồng ò ho. 69Mơya bơh do jơl hìng nau Kòn mơnus rơp nggui đah ma gơnap gơnoar Yàng Tom Trồ dê.” 70Tơl nă cau lùp lah: “Behơ̆ mê la Kòn Yàng Tom Trồ ơ?” Kơnràñ ho lah: “Să tòm ală ồng neh đơs behơ̆.” 71Gen bol khai đơs lah: “Bol he pal gơs cơng tàng lơi tai ơ? Bol he ò càng cơng tàng lơi tai ò, bơh bol he neh kơno bơh di bơr khai rau.”
Currently Selected:
Luka 22: KPM2018
Highlight
Share
Copy
Want to have your highlights saved across all your devices? Sign up or sign in
© 2018 United Bible Societies. All rights reserved.
Luka 22
22
Bơta bòl glar, bơta chơt mơ kis wơl Yàng Jesu Krist dê
(22:1 – 24:53)
Ală cau gơnoar lam bồ ơn phan duh khoai jòi kai lơh iơh di Yàng Jesu
(Mathiơ 26:1-5; Mak 14:1,2; Jang 11:45-53)
1 #
Lik 12:1-27. Bơta pơjum sa piang lă ò gơs kañ, hơ̆ la bơta pơjum sa Lòt Gan, mòr tus. 2Ală cau gơnoar lam bồ ơn phan duh khoai bal mơ ală cau bơto bơta boh lam jòi bơta nàng tơnchơt Yàng Jesu, bơh bol khai rngòt di làng bol.
Cau pơrlơ̆ dră di Yàng Jesu
(Mathiơ 26:14-16; Mak 14:10,11)
3Tŭ hơ̆, cà Satan neh mut tòm nùs Juda sơnđan la Iskariôt, la dô nă tòm jơt bàr nă cau bơtê. 4Khai lòt bơyai mơ ală cau gơnoar lam bồ ơn phan duh khoai mơ ală cau kwang ling sền gàr hìu duh khoai mbe kòñ lơh nàng bơtào Kơnràñ bol khai in. 5Bol hơ̆ chò hòp, ho ai jền priă khai in. 6Neh dô nùs bal rau, gen khai jòi tŭ lơmpah nàng bơtào Kơnràñ bol khai in tòm tŭ ò gơs làng bol.
Yàng Jesu bơtào gơs bơta Sa Kah Yàng
(Mathiơ 26:17-25; Mak 14:12-21; Jang 13:21-30)
7Tus di ngai pơjum sa piang lă ò gơs kañ, la ngai pal tơnchơt belàt kòn bơta pơjum sa Lòt Gan dê, 8Yàng Jesu sồr Pier mơ Jang lah: “Lòt tĕ rcang yò sa bơta pơjum sa Lòt Gan bol he in.” 9Bol khai đơs lah: “Ntềng đah Kơnràñ kòñ bol he rcang yò sa taih?” 10Kơnràñ ho lah: “Dơ̆ bol mê mut tòm ƀòn dờng, rơp tìp dô nă cau klau đoa dô nơm yang dà; jat tĕ khai tòm hìu lơi khai mut, 11mơ đơs mơ cau tòm hìu hơ̆ lah: ‘Cau Bơto đơs mơ mê lah: Ntềng đah ơdŭ nac la tiah Añ rơp sa bơta pơjum sa Lòt gan bal mơ ală cau bơtê Añ jê taih?’ 12Cau tòm rơp sơnio bol mê in dô nơm ơdŭ dờng tap hơđang, neh rcang rơndap sir; rcang yò sa tĕ tềng hơ̆.” 13Bol khai lòt, tìp ală bơta tòm toh be jơnau Kơnràñ neh đơs, mơ bol khai rcang yò sa bơta pơjum sa Lòt Gan.
14Tus di jơ sa, Kơnràñ nggui di cơnòng, ală cau gơnoar bơto dờng nggui bal mơ Kơnràñ. 15Kơnràñ đơs mơ bol khai lah: “Añ neh kòñ ngan sa bơta pơjum sa Lòt Gan do bal mơ bol mê lài mơ tŭ Añ kong jê sồt. 16Bơh Añ đơs mơ bol mê, Añ rơp ò sa bơta pơjum sa do tai jơl tus di tŭ ngai hơ̆ gơlik wil tơl tòm lơgar Yàng Tom Trồ.” 17Chòp Kơnràñ ai mơngàn, ưnngài gen đơs lah: “Ai tĕ mơngàn do tòmpà bal mơ gơp. 18Bơh Añ đơs mơ bol mê, bơh do jơl hìng nau, Añ ò hùc dà plai ño do tai jơl tus di tŭ lơgar Yàng Tom Trồ tus rau.” 19Chòp Kơnràñ ai piang lă, ưnngài, gen dơrkă, tong bol khai in mơ đơs lah: “Do la să jan Añ, bơh bol mê mơ ai phi. Lơh tĕ bơta do nàng kah wơl Añ.” 20#Jer 31:31-34.Kung behơ̆ sơl, tơnơ̆ mơ tŭ sa mho, Kơnràñ ai mơngàn mơ đơs lah: “Mơngàn do la bơta ho bal pa tòm mhàm Añ, hơ̆ la mhàm tài bơh bol mê mơ hòr lik. 21#Đơs Crih 41:9.Mơya ne, cau pơrlơ̆ dră di Añ ơm di cơnòng bal mơ Añ. 22Kòn Mơnus rơp chơt be Yàng Tom Trồ neh lơh nền, mơya bòl glar cau do in la cau pơrlơ̆ dră di Kơnràñ.” 23Ală cau bơtê lùp bal mơ gơp ñcau rơp lơh bơta hơ̆.
Bơta tòm pơndang kòñ dờng rlau ală cau bơtê dê
(Mathiơ 18:1; Mak 9:34; Luka 9:46)
24 #
Mat 18:1; Mak 9:34; Luk 9:46. Gơs bơta tòm pơndang bal digùl ală cau bơtê lòng sền ñcau tòm bol khai la dờng rlau jơh. 25#Mat 20:25-27; Mak 10:42-44.Mơya Kơnràñ đơs mơ bol khai lah: “Ală cau bơtau làng bol bơdìh dê ai gơnoar nàng at bồ, ală cau kwang bàng geh sơnđan la cau bơyô làng bol dê. 26#Mat 23:11; Mak 9:35.Ai đah mơ bol mê, ò di behơ̆ ò; mơya cau lơi dờng rlau tòm bol mê pal gơlik gơs be cau dềt rlau jơh, mơ cau lơi lam bồ pal gơlik gơs be cau duh broă. 27#Jang 13:12-15.Bơh cau nggui di cơnòng mơ cau duh broă, ñcau la dờng rlau taih? Ò di la cau nggui di cơnòng ò ơ? Mơya Añ ơm digùl bol mê be cau duh broă. 28Bol mê la cau kư̆ ơm bal mơ Añ tòm bơta gơlòng bòl glar Añ jê. 29Gen tàng Añ ai bơta song ring bol mê in, kung be Bèp neh ai Añ in sơl, 30#Mat 19:28.bol mê geh ñô sa di cơnòng Añ jê tòm lơgar Añ; bol mê kung rơp nggui hơđang sơbàn mơ cahrña jơt bàr jơi bơtiàn làng bol Israel.”
Yàng yal lài Pier in
(Mathiơ 26:31-35; Mak 14:27-31; Jang 13:36-38)
31Yàng đơs lah: “Ơ Simôn, Simôn, do cà Satan kòñ nggum ngkhiang bol mê be kòi mi. 32Mơya Añ neh hòi dan mê in, tồ bơta dòn mê dê ò gơhuc. Behơ̆ tus di tŭ mê rê wơl hơ Añ, gen lơh tĕ oh mi mê in kơ̆ nùs.” 33Chòp Pier đơs lah: “Ơ Yàng, añ neh rcang sir nàng kong jàm kong chơt bal mơ Yàng.” 34Kơnràñ đơs lah: “Ơ Pier, Añ đơs mơ mê, ngai do tŭ iar òhềt nrau, gen mê rơp pơndang pe dơ̆ lah ò git Añ.”
35 #
Mat 10:9-10; Mak 6:8-9; Luk 9:3; 10:4. Chòp Kơnràñ đơs mơ bol khai lah: “Dơ̆ Añ neh sồr bol mê lòt ò cèng kơldung priă, kơldung phan, hala gơltau jă, bol mê siơ̆u phan lơi sơl?” Bol khai ho lah: “Ò siơ̆u.” 36Kơnràñ đơs lah: “Mơya tŭ do cau lơi gơs kơldung priă gen ai tĕ, cau lơi gơs kơldung phan kung behơ̆ sơl; cau lơi ò gơs đào pal tac ào bơdìh nàng rwat. 37#Esai 53:12.Bơh Añ đơs mơ bol mê, jơnau Sră Goh neh cih lah: ‘Cau kòp Kơnràñ tòm sèng cau glài,’ pal gơlik di ngan di Añ. Bơh ală bơta neh cih bơh Añ pal gơlik gơs di ngan.” 38Bol khai đơs lah: “Ơ Yàng, gơs bàr nơm đào do.” Kơnràñ đơs lah: “Neh tơl rau!”
Yàng Jesu hòi dan tòm suơn Getsemane
(Mathiơ 26:36-46; Mak 14:32-42)
39Tŭ hơ̆ Kơnràñ lik lòt, guh hơđang mơnơm Ôlibe jat be òs; ală cau bơtê kung lòt jat Kơnràñ. 40Dơ̆ neh tus tềng hơ̆ rau, Kơnràñ đơs mơ bol khai lah: “Hòi dan tĕ, tồ bol mê in ò gơtơmut tòm bơta ơniai.” 41Gen Kơnràñ lòt bơh bol khai pơgap dô bồng sơrbì lŭ, cùn gơltang hòi dan lah: 42“Ơ Bèp, dilah Bèp kòñ, dan tă mơngàn do bơh di Añ! Bulah behơ̆, ò di jat nùs kòñ Añ, mơya jat nùs kòñ Bèp dê.” [ 43Gơs dô nă cau gơnrơh bơh trồ tơlik mat mơ bơtơl pràn Kơnràñ in. 44Tòm bơta jê sồt bòl glar ngan Kơnràñ hòi dan sơlo rac ròc, kơlhề#22:44 Cil: pơhal. gơlik gơs be ntòc mhàm dờng rung di tiah.]#22:44 Gơs dô êt sră cih tê yau ò gơs sèng 43, 44. 45Neh sir hòi dan, Kơnràñ ñă ntào, lòt tus hơ ală cau bơtê, gŏ bol khai lơhă bic bơh moat jrùng, 46gen đơs lah: “Ñchi bơh tài bol mê lơhă bic taih? Guh tĕ hòi dan, tồ bol mê ò gơtơmut tòm bơta ơniai.”
Yàng Jesu kong cau kup
(Mathiơ 26:47-56; Mak 14:43-50; Jang 18:3-11)
47Tòm tŭ Kơnràñ gam đơs, ne, dô mpồl cau lòt tus, bơh Juda, la dô nă cau tòm jơt bàr nă cau bơtê, lòt lài tus rềp di Yàng Jesu nàng cum Kơnràñ. 48Yàng Jesu lùp khai lah: “Ơ Juda, mê ngui bơta cum nàng pơrlơ̆ dră di Kòn Mơnus ơ?” 49Ală cau bơtê ơm bal mơ Kơnràñ gŏ bơta neh gơlik gơs, gen đơs lah: “Ơ Yàng, bol he pal ngui đào nàng tòmlơh sơl?” 50Mơ gơs dô nă cau tòm mpồl bol khai pòng cau dĭ cau gơnoar dờng lam bồ ơn phan duh khoai dê, sreh tac tồr đah ma khai dê. 51Mơya Yàng Jesu đơs lah: “Neh gơs behơ̆, gen kong tĕ.” Gen Kơnràñ ƀư tồr khai mơ sơmbòi khai in. 52Chòp Kơnràñ đơs mơ ală cau gơnoar lam bồ ơn phan duh khoai, ală cau kwang ling sền gàr hìu duh khoai mơ ală cau kwang kra neh lòt tus nàng kup Kơnràñ lah: “Bol mê at đào mơ gai tus kup Añ be kup cau phà kơñau ơ? 53#Luk 19:47; 21:37.Kòp ngai Añ ơm mơ bol mê tòm hìu duh khoai, mơ bol mê ò ai tê nàng kup Añ. Mơya do la jơ bol mê dê mơ gơnoar bơta klam jơngo dê.”
Yàng Jesu ơm di đap ală cau gơnoar lam bồ ơn phan duh khoai. – Pier pơndang sang Yàng
(Mathiơ 26:57,58, 69-75; Mak 14:53,54, 66-72; Jang 18:12-18, 25-27)
54Bol khai kup Kơnràñ, lam tus hơ hìu cau gơnoar dờng lam bồ ơn phan duh khoai. Pier lòt jat Kơnràñ ngài ngài. 55Bol khai sing ồs digùl ƀlàng mơ nggui bal; Pier kung nggui bal mơ bol khai sơl. 56Dô nă cau dĭ ùr ne gŏ Pier nggui di gah, gen sền đal di khai mơ đơs lah: “Cau do kung ơm bal mơ cau hơ̆ sơl.” 57Mơya Pier pơndang lah: “Ơ cau ùr gen, añ ò git cau hơ̆.” 58Dô êt tơnơ̆ gơs cau ndai gŏ Pier, gen đơs lah: “Mê kung bal mơ mpồl hơ̆.” Pier đơs lah: “Ơ cau gen, ò di behơ̆ ò.” 59Pơgap dô jơ tơnơ̆ gen gơs cau ndai đơs nền lah: “Ngan, cau do kung ơm bal mơ cau hơ̆, bơh khai la cau Galile.” 60Mơya Pier đơs lah: “Ơ cau gen, añ ò git ñchi mê đơs.” Tòm tŭ Pier gam đơs gen iar nrau mo. 61Yàng wơlke sền Pier. Pier kah wơl jơnau đơs Yàng dê, mbe Kơnràñ neh đơs mơ khai lah: “Ngai do lài mơ tŭ iar òhềt nrau, gen mê rơp pơndang pe dơ̆ lah mê ò git Añ.” 62Gen khai lik lòt, ñìm rac ròc pơt wòl.
63Ală cau sền gàr Yàng Jesu dơñŏ tơnhial, pù lơh Kơnràñ, 64Pùt dơp mat Yàng, gen lùp lah: “Đơs hwơr tĕ! Ñcau neh pù lơh mê taih?” 65Bol hơ̆ ai oă jơnau ndai nàng dơñŏ tơnhial di Kơnràñ.
Yàng Jesu ơm di đap Mpồl Kwang Tơrña
(Mathiơ 26:59-66; Mak 14:55-64; Jang 18:19-24)
66Rìng àng, ală cau kwang kra tòm làng bol, ală cau gơnoar lam bồ ơn phan duh khoai mơ ală cau bơto bơta boh lam pơjum bal, cèng Yàng Jesu mut tòm Mpồl Kwang Tơrña bol khai dê, 67Bol khai lùp lah: “Dilah mê la Bơtau Krist, yal tĕ bol hi in.” Kơnràñ ho lah: “Dilah Añ yal, gen ngan ală ồng ò dòn; 68Mơ dilah Añ lùp, gen ală ồng ò ho. 69Mơya bơh do jơl hìng nau Kòn mơnus rơp nggui đah ma gơnap gơnoar Yàng Tom Trồ dê.” 70Tơl nă cau lùp lah: “Behơ̆ mê la Kòn Yàng Tom Trồ ơ?” Kơnràñ ho lah: “Să tòm ală ồng neh đơs behơ̆.” 71Gen bol khai đơs lah: “Bol he pal gơs cơng tàng lơi tai ơ? Bol he ò càng cơng tàng lơi tai ò, bơh bol he neh kơno bơh di bơr khai rau.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018 United Bible Societies. All rights reserved.