Juan 10
10
Sumaj michejmanta rijch'anachina
1Jesús nillarqataj: Kayta sut'ita niykichej: Pichus oveja kanchaman mana punkunta yaykuspa, perqanta wasaykoj, chay runaqa suwa. 2Pichus oveja kanchaman punkunta yaykojrí, chaymá michejqa. 3Oveja kanchata qhawajqa chay michej yaykunanpaj punkuta kicharin. Ovejakunataj michejpa kunkanta rejsinku, paytaj sapa ujta sutinkumanta wajyaspa, kanchamanta orqhon. 4Chaymantataj michejqa tukuy ovejankunata orqhospa, paykunaj ñawpaqenta rin, ovejankunataj kunkanta rejsispa, qhepanta rinku. 5Mana rejsisqatarí mana qhatinkuchu, manachayqa paymanta ayqenku, wajpa kunkanta mana rejsisqankurayku, nispa.
6Chay rijch'anachinata willaspa, Jesús paykunaman yachachiyta munarqa. Paykunatajrí imatachus niyta munashasqanta mana entiendeyta aterqankuchu.
Sumaj michejqa Jesusmin
7Chayrayku Jesús uj kutitawan chay runakunata nerqa: Sut'ita niykichej: Noqaqa oveja kanchaman yaykuna punku jina kani. 8Pikunachus noqamanta ñawpajta jamorqanku, chaykunaqa suwa karqanku, ovejakunataj paykunata mana uyarerqankuchu. 9Noqarí punku jina kani.#Jn 14.6. Noqanejta yaykojqa qhespichisqa kanqa, mana pej ima nisqantaj yaykuyta, llojsiyta atenqa, chantá sumaj mikhunata tarenqa. 10Suwaqa ovejakunata suwanallanpaj jamun, wañuchinanpaj, tukuchinanpaj ima. Noqarí ovejakuna kawsanankupaj jamuni, chay qosqay kawsaytaj may sumaj kawsay kanqa.
11Noqa sumaj michej jina kani.#10.11 Michej: Ñawpa Testamentopi Tata Dios michej jina karqa. Jinallataj uj suyuta kamachejpis michej jina qhawasqallataj karqa. Sal 23.1; Is 40.11; Jer 23.1-6; Ez 34.11-31; 37.24. Mosoj Testamentopirí nin Jesús michej kasqanta. Mt 9.36; 18.12-14; Mc 6.34; Lc 15.4-7; Heb 13.20; 1 P 2.25; 5.4; Ap 7.17. Mosoj Testamentopi nillantaj iglesiata pusarejkuna michejkunallataj kasqankuta. Jn 21.15. Sumaj michejqa ovejankunarayku wañunatapis mana manchachikunchu. 12Chaywanpis qolqeraykulla michejqa phiña animal jamushasqanta rikuspa, ovejakunata saqerparispa ayqerikapun, ovejakuna mana paypatachu kasqanrayku. Phiña animaltaj ovejakunata jap'iraspa, ch'eqerachin. 13Chay runa ayqerikapun, imajtinchus paypajqa qolqe aswan, manataj ovejakunachu.
14Noqarí sumaj michej jina kani. Ovejaykunata rejsini, paykunataj noqata rejsiwanku. 15Imaynatachus Tata Diosniy rejsiwan, ajinallatataj noqapis payta rejsini.#Mt 11.27; Lc 10.22. Chantá ovejaykunata qhespichinayrayku noqa wañusaj. 16Waj ovejaykunapis tiyapullawantaj, mana kay tropamanta kajkuna.#Jn 11.52; 17.20; Ef 2.11-22; 1 P 2.25. Noqataj chay ovejakunatapis pusamunallaytaj tiyan. Paykunata wajyajtiy, uyariwanqanku, chantá tukuy ovejaykuna uj tropalla kanqanku, uj k'ata michejniyojtaj.
17Chayraykumin Tata Diosqa munakuwan, imaraykuchus ovejaykunarayku wañunaypaj noqa kikiy munaspa jaywaykukusaj. Chantá wañusqamanta watej kawsarimullasajtaj. 18Mana pipis mana munajta wañuchiwanmanchu. Aswanpis noqa munasqayrayku wañusaj. Noqaqa wañuchisqa kanaypaj jaywaykukuyta atini, atillanitaj watejmanta kawsarimuytapis. Ajinata ruwanayta Tatay kamachiwarqa, nispa.
19Chantá chay judiokuna Jesuspa nisqanta uyarisqankurayku ujtawan paykunapura churanakuspa t'aqanakorqanku. 20Paykunamanta wakin nerqanku: Kay runaqa supayniyoj, manataj paypichu kashan. Imapajñataj kasuta ruwankichejri? nispa. 21Wakinkunarí nerqanku: Supayniyoj runaqa mana kay jinata parlanmanchu. Chantá Supayqa ñawsakunaj ñawinta kichariyta atinmanchu? nispa.
Jesús Diospa Churin kasqanta sut'inchan
22Chaypacha chiri tiempoña karqa. Jerusalenpitaj Templo Diosman jaywasqa kasqanmanta yuyarikuna raymita ruwasharqanku. 23Chaypacha Jesús Temploj pationpi Salomonpa corredornin nisqapi purisharqa. 24Jinapi runakuna payta muyuykuspa, nerqanku: Mayk'ajkamataj iskayrayachiwasqaykuri? Sichus Diospa kachamusqan Cristo kanki chayqa, sut'ita willawayku ari, nispa.
25Jesustaj kuticherqa: Willarqaykichejña, qankunataj nisqayta llullapaj jap'inkichej. Tataypa sutinpi t'ukuna imakunata ruwasqaypis sut'inta yachayta qosunkichej pichus noqa kasqayta. 26Qankunatajrí nisqayta mana jap'ikuyta munankichejchu, imaraykuchus mana oveja tropaymantachu kankichej. 27Noqaqa ovejaykunata rejsini, paykunataj parlasqayta rejsinku, kasuwaspataj, qhepayta jamunku. 28Noqaqa paykunaman wiñay kawsayta qoni, manataj jayk'ajpis chinkanqankuchu. Makiymantataj paykunata mana pipis qhechuwayta atenqachu. 29Chay ovejakunata qowaj Tatayqa tukuymanta astawan atiyniyoj. Chayrayku paypa makinmanta mana pipis paykunata qhechuyta atinmanchu. 30Noqawan, Tata Dioswanqa ujlla kayku, nispa.
31Chantá judiokunaj kurajninkukuna Jesusta ch'anqaykunankupaj ujtawan rumita oqharikorqanku. 32Chayta rikusparí, Jesús paykunata nerqa: Noqaqa Tataypa qowasqan atiywan sumaj ruwaykunata ruwarqani qankuna rikunaykichejpaj. Chaykunata ruwasqaymanta mayqenmantataj rumiwan ch'anqaykuyta munashawankichejri? nispa.
33Judiokunataj kuticherqanku: Mana qan allin kajta ruwasqaykimantachu ch'anqaykusqayku, manachayqa Diospa contranta parlasqaykimanta.#Mt 26.65; Mc 14.64; Lc 22.70-71; Lv 24.15-16. Qanqa runalla kashaspa, Dios kasqaykita ninki, nispa.
34Chantá Jesús kuticherqa: Kamachisqa qhelqaykichejpi nin: Noqa nini dioskuna kasqaykichejta,#Sal 82.6. nispa. 35Diospa Qhelqachisqanqa cheqanta nin, icharí? Diosqa chay runakunata dioskuna, nispa suticharqa, pikunachus chaypacha Diospa parlasqanta uyarisqanku, chaykunata. 36Sichus Tata Dios ajllawaspa#Jn 17.19; Heb 5.5. noqata kay pachaman kachamuwarqa chayqa, imaraykutaj qankuna ninkichej, noqa Diospa Churin kani, nispa, Diospa contranta rimasqaytari?
37Sichus Tataypa ruwasqanta noqa mana ruwashanichu chayqa, ama noqapi atinikuychejchu. 38Sichus Tataypa ruwananta ruwani chayrí, amapis noqapi atinikuychejchu. Aswanpis t'ukuna ruwasqallayta cheqapuni kasqanta creeychej. Ajinamanta sut'ita yachankichej Tata Dioswan, chantá noqawan ima ujlla kasqaykuta, nispa.#Jn 14.10-11; 17.21; 1 Jn 3.24; 4.15.
39Jesús chayta nisqanrayku, chay runakuna ujtawan Jesusta jap'iytapuni munarqanku. Paytajrí qayllankumanta chinkarerqa.
40Chaymantataj Jesús uj kutitawan Jordán mayu chimpaman rerqa, maypichus ñawpajta Juan bautizasqa, chaynejman. Chaypitaj qhepakorqa. 41Chantá ashkha runakuna payman rispa, ujkuna ujkuna ninakorqanku: Cheqapuni Bautizaj Juanqa mana runaj mana jayk'aj rikusqan ima t'ukunatapis ruwarqachu. Chaywanpis Jesusmanta tukuy nisqanqa cheqapuni kasqa, nispa. 42Chaypitaj ashkha runakuna Jesuspi atinikorqanku.
Currently Selected:
Juan 10: DQDC
Highlight
Share
Copy
Want to have your highlights saved across all your devices? Sign up or sign in
Revisión Biblia Quechua Boliviano © Sociedad Bíblica Boliviana, 2017.
Juan 10
10
Sumaj michejmanta rijch'anachina
1Jesús nillarqataj: Kayta sut'ita niykichej: Pichus oveja kanchaman mana punkunta yaykuspa, perqanta wasaykoj, chay runaqa suwa. 2Pichus oveja kanchaman punkunta yaykojrí, chaymá michejqa. 3Oveja kanchata qhawajqa chay michej yaykunanpaj punkuta kicharin. Ovejakunataj michejpa kunkanta rejsinku, paytaj sapa ujta sutinkumanta wajyaspa, kanchamanta orqhon. 4Chaymantataj michejqa tukuy ovejankunata orqhospa, paykunaj ñawpaqenta rin, ovejankunataj kunkanta rejsispa, qhepanta rinku. 5Mana rejsisqatarí mana qhatinkuchu, manachayqa paymanta ayqenku, wajpa kunkanta mana rejsisqankurayku, nispa.
6Chay rijch'anachinata willaspa, Jesús paykunaman yachachiyta munarqa. Paykunatajrí imatachus niyta munashasqanta mana entiendeyta aterqankuchu.
Sumaj michejqa Jesusmin
7Chayrayku Jesús uj kutitawan chay runakunata nerqa: Sut'ita niykichej: Noqaqa oveja kanchaman yaykuna punku jina kani. 8Pikunachus noqamanta ñawpajta jamorqanku, chaykunaqa suwa karqanku, ovejakunataj paykunata mana uyarerqankuchu. 9Noqarí punku jina kani.#Jn 14.6. Noqanejta yaykojqa qhespichisqa kanqa, mana pej ima nisqantaj yaykuyta, llojsiyta atenqa, chantá sumaj mikhunata tarenqa. 10Suwaqa ovejakunata suwanallanpaj jamun, wañuchinanpaj, tukuchinanpaj ima. Noqarí ovejakuna kawsanankupaj jamuni, chay qosqay kawsaytaj may sumaj kawsay kanqa.
11Noqa sumaj michej jina kani.#10.11 Michej: Ñawpa Testamentopi Tata Dios michej jina karqa. Jinallataj uj suyuta kamachejpis michej jina qhawasqallataj karqa. Sal 23.1; Is 40.11; Jer 23.1-6; Ez 34.11-31; 37.24. Mosoj Testamentopirí nin Jesús michej kasqanta. Mt 9.36; 18.12-14; Mc 6.34; Lc 15.4-7; Heb 13.20; 1 P 2.25; 5.4; Ap 7.17. Mosoj Testamentopi nillantaj iglesiata pusarejkuna michejkunallataj kasqankuta. Jn 21.15. Sumaj michejqa ovejankunarayku wañunatapis mana manchachikunchu. 12Chaywanpis qolqeraykulla michejqa phiña animal jamushasqanta rikuspa, ovejakunata saqerparispa ayqerikapun, ovejakuna mana paypatachu kasqanrayku. Phiña animaltaj ovejakunata jap'iraspa, ch'eqerachin. 13Chay runa ayqerikapun, imajtinchus paypajqa qolqe aswan, manataj ovejakunachu.
14Noqarí sumaj michej jina kani. Ovejaykunata rejsini, paykunataj noqata rejsiwanku. 15Imaynatachus Tata Diosniy rejsiwan, ajinallatataj noqapis payta rejsini.#Mt 11.27; Lc 10.22. Chantá ovejaykunata qhespichinayrayku noqa wañusaj. 16Waj ovejaykunapis tiyapullawantaj, mana kay tropamanta kajkuna.#Jn 11.52; 17.20; Ef 2.11-22; 1 P 2.25. Noqataj chay ovejakunatapis pusamunallaytaj tiyan. Paykunata wajyajtiy, uyariwanqanku, chantá tukuy ovejaykuna uj tropalla kanqanku, uj k'ata michejniyojtaj.
17Chayraykumin Tata Diosqa munakuwan, imaraykuchus ovejaykunarayku wañunaypaj noqa kikiy munaspa jaywaykukusaj. Chantá wañusqamanta watej kawsarimullasajtaj. 18Mana pipis mana munajta wañuchiwanmanchu. Aswanpis noqa munasqayrayku wañusaj. Noqaqa wañuchisqa kanaypaj jaywaykukuyta atini, atillanitaj watejmanta kawsarimuytapis. Ajinata ruwanayta Tatay kamachiwarqa, nispa.
19Chantá chay judiokuna Jesuspa nisqanta uyarisqankurayku ujtawan paykunapura churanakuspa t'aqanakorqanku. 20Paykunamanta wakin nerqanku: Kay runaqa supayniyoj, manataj paypichu kashan. Imapajñataj kasuta ruwankichejri? nispa. 21Wakinkunarí nerqanku: Supayniyoj runaqa mana kay jinata parlanmanchu. Chantá Supayqa ñawsakunaj ñawinta kichariyta atinmanchu? nispa.
Jesús Diospa Churin kasqanta sut'inchan
22Chaypacha chiri tiempoña karqa. Jerusalenpitaj Templo Diosman jaywasqa kasqanmanta yuyarikuna raymita ruwasharqanku. 23Chaypacha Jesús Temploj pationpi Salomonpa corredornin nisqapi purisharqa. 24Jinapi runakuna payta muyuykuspa, nerqanku: Mayk'ajkamataj iskayrayachiwasqaykuri? Sichus Diospa kachamusqan Cristo kanki chayqa, sut'ita willawayku ari, nispa.
25Jesustaj kuticherqa: Willarqaykichejña, qankunataj nisqayta llullapaj jap'inkichej. Tataypa sutinpi t'ukuna imakunata ruwasqaypis sut'inta yachayta qosunkichej pichus noqa kasqayta. 26Qankunatajrí nisqayta mana jap'ikuyta munankichejchu, imaraykuchus mana oveja tropaymantachu kankichej. 27Noqaqa ovejaykunata rejsini, paykunataj parlasqayta rejsinku, kasuwaspataj, qhepayta jamunku. 28Noqaqa paykunaman wiñay kawsayta qoni, manataj jayk'ajpis chinkanqankuchu. Makiymantataj paykunata mana pipis qhechuwayta atenqachu. 29Chay ovejakunata qowaj Tatayqa tukuymanta astawan atiyniyoj. Chayrayku paypa makinmanta mana pipis paykunata qhechuyta atinmanchu. 30Noqawan, Tata Dioswanqa ujlla kayku, nispa.
31Chantá judiokunaj kurajninkukuna Jesusta ch'anqaykunankupaj ujtawan rumita oqharikorqanku. 32Chayta rikusparí, Jesús paykunata nerqa: Noqaqa Tataypa qowasqan atiywan sumaj ruwaykunata ruwarqani qankuna rikunaykichejpaj. Chaykunata ruwasqaymanta mayqenmantataj rumiwan ch'anqaykuyta munashawankichejri? nispa.
33Judiokunataj kuticherqanku: Mana qan allin kajta ruwasqaykimantachu ch'anqaykusqayku, manachayqa Diospa contranta parlasqaykimanta.#Mt 26.65; Mc 14.64; Lc 22.70-71; Lv 24.15-16. Qanqa runalla kashaspa, Dios kasqaykita ninki, nispa.
34Chantá Jesús kuticherqa: Kamachisqa qhelqaykichejpi nin: Noqa nini dioskuna kasqaykichejta,#Sal 82.6. nispa. 35Diospa Qhelqachisqanqa cheqanta nin, icharí? Diosqa chay runakunata dioskuna, nispa suticharqa, pikunachus chaypacha Diospa parlasqanta uyarisqanku, chaykunata. 36Sichus Tata Dios ajllawaspa#Jn 17.19; Heb 5.5. noqata kay pachaman kachamuwarqa chayqa, imaraykutaj qankuna ninkichej, noqa Diospa Churin kani, nispa, Diospa contranta rimasqaytari?
37Sichus Tataypa ruwasqanta noqa mana ruwashanichu chayqa, ama noqapi atinikuychejchu. 38Sichus Tataypa ruwananta ruwani chayrí, amapis noqapi atinikuychejchu. Aswanpis t'ukuna ruwasqallayta cheqapuni kasqanta creeychej. Ajinamanta sut'ita yachankichej Tata Dioswan, chantá noqawan ima ujlla kasqaykuta, nispa.#Jn 14.10-11; 17.21; 1 Jn 3.24; 4.15.
39Jesús chayta nisqanrayku, chay runakuna ujtawan Jesusta jap'iytapuni munarqanku. Paytajrí qayllankumanta chinkarerqa.
40Chaymantataj Jesús uj kutitawan Jordán mayu chimpaman rerqa, maypichus ñawpajta Juan bautizasqa, chaynejman. Chaypitaj qhepakorqa. 41Chantá ashkha runakuna payman rispa, ujkuna ujkuna ninakorqanku: Cheqapuni Bautizaj Juanqa mana runaj mana jayk'aj rikusqan ima t'ukunatapis ruwarqachu. Chaywanpis Jesusmanta tukuy nisqanqa cheqapuni kasqa, nispa. 42Chaypitaj ashkha runakuna Jesuspi atinikorqanku.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Revisión Biblia Quechua Boliviano © Sociedad Bíblica Boliviana, 2017.