Juan 14
14
Jesusqa Tata Diosman pusaj ñan
1Chaymanta Jesús yachachisqankunata nerqa: Ama phutikuychejchu. Qankunaqa Diospi atinikuychej, noqapipis atinikullaychejtaj. 2Maypichus Tatay tiyakun, chaypeqa tukuypaj wasi tiyan. Manachus jina kanman chayqa, sut'inta niykichejman karqa. Ajinaqa qankunapaj uj cheqata wakichimoj rishani. 3Rispaqa, noqa qankunapaj uj cheqata wakichimusaj. Chantá qankunata pusaj kutimusaj, maypichus noqa kashani, chaypi noqawan khuska kanaykichejpaj. 4Qankunataj, maymanchus rishani, chayman pusaj ñanta rejsinkichejña, nispa.
5Tomastajrí Jesusta nerqa: Tukuyta Kamachej, mana yachaykuchu maymanchus rishasqaykita. Imaynatataj chayman pusaj ñanta rejsisqaykuri? nispa.
6Chantá Jesús kuticherqa: Noqa ñan kani, cheqa kajtaj, kawsaytaj. Mana pipis Tata Diosman chayayta atinchu, mana noqanejta rispaqa. 7Noqatachus rejsiwankichej chayqa, Tataytapis rejsillankichejtaj. Kunanmantapacha payta rejsinkichej, imajtinchus payta rikushankichej, nispa.
8Chantá Felipe payta nerqa: Tukuyta Kamachej, Tata Diosta rikuchiwayku, chaywantaj sonqo junt'asqa kasqayku, nispa. 9Jesustajrí payman kuticherqa: Felipe, chhika unaytaña qankunawan kashajtiy, manarajpunichu rejsiwanki? Pichus noqata rikuwajqa Tataytapis rikullantaj. Jinaqa, imaraykutaj nishanki: Tata Diosta rikuchiwayku, nispari? 10Felipe, Tatayqa noqawan ujchasqa kawsan, noqataj payman ujchasqa kawsani. Imatachus willaykichej, chaytaqa mana noqallamantachu parlani. Aswanpis noqawan ujchasqa kawsaj Tata Diosmin imatachus ruwananta noqanejta ruwan. 11Creewaychej noqaqa Tata Dioswan ujlla kasqayta, Tata Diostaj noqawan ujlla kasqanta. Manachayrí, ruwasqayta rikuspalla, noqapi atinikuychej.
12Kayta sut'ita niykichej: Pichus noqapi atinikojqa, paypis noqaj ruwasqayta ruwallanqataj. Chaypis astawanraj ruwanqa, imaraykuchus noqaqa Tata Dioswan kanaypaj rishani. 13Chantá sutiypi imatachus Tata Diosmanta mañakusqaykichejta noqa ruwasaj, Tata Dios Churinnejta jatunchasqa kananpaj. 14Imallatapis noqaj sutiypi mañakunkichej, noqataj chayta ruwasaj, nispa.
Santo Espirituta kachamunanta Jesús nin
15Jesús yachachisqankunata nillarqataj: Munakuwankichejchus chayqa, kamachisqaykunata kasuychej. 16Noqataj Tata Diosmanta mañasaj waj Sonqochajta kachamunanta, paytaj wiñaypaj qankunawan kanqa. 17Santo Espiritoqa imachus cheqa kajta yachachisonqachej. Diosman mana kutirikojkuna mana payta Yanapajninkuta jina jap'iyta atinkuchu, imaraykuchus payta mana rikunkuchu nitaj rejsinkuchu. Qankunatajrí payta rejsinkichejña, imaraykuchus qankunawan kashan, qankunapitaj tiyakonqapuni.
18Mana sapaykichejta saqesqaykichejchu, manachayqa qankunawan kanaypaj kutirimusaj. 19Uj chhikamantawan Diosman mana kutirikojkunaqa manaña rikuwanqankuchu. Qankunarí rikuwankichej. Noqa kawsasqayraykutaj qankunapis kawsallankichejtaj. 20Chay p'unchay chayamojtin yachankichej noqaqa Tatayman ujchasqa kasqayta. Ajinata qankunapis noqaman ujchasqa kankichej, imaynatachus noqapis qankunaman ujchasqa kasaj, ajinata. 21Pichus kamachisqayta jap'ikun, kasuntaj, chaymin cheqatapuni munakuwajqa. Noqata munakuwajtataj Tatay munakonqa. Noqapis payta munakullasajtaj, imaynachus kasqaytataj payman rejsichikusaj, nispa.
22Chantá Judas, mana Iscariote kajchu, Jesusta taporqa: Tukuyta Kamachej, imaraykutaj noqallaykuman rejsichikunki, manataj Diosman mana kutirikojkunamanri? nispa.
23Jesustaj kuticherqa: Noqata munakuwajqa nisqayta kasonqa, Tataytaj payta munakonqa. Chantá payman jamusqayku, paywantaj tiyakusqayku. 24Mana munakuwajrí nisqayta mana kasunchu. Uyarerqankichej, chay parlasqayqa mana noqajllatachu, astawanqa kachamuwaj Tataypata.
25Qankunawan kashaspa, kay jinamanta nishaykichej. 26Chaywanpis sonqochaj Santo Espíritu, pitachus sutiypi Tata Dios kachamonqa, chaymin tukuy imata yachachisonqachej, yuyarichisonqachejtaj tukuy imatachus qankunaman nisqayta.
27Noqaqa sonqo tiyasqa kayta qoykichej. Noqaj qosqay sonqo tiyasqa kaytaj mana runakunaj qosqan jinachu. Chayrayku ama imamantapis phutikuychejchu, nitaj manchachikuychejchu. 28Kay nisqayta uyarerqankichejña: Rishani chaypis, qankunaman kutimullasajtaj, nispa. Sichus munakuwankichejman chayqa, Tata Diosman rishasqaymanta kusikuwajchej, imaraykuchus payqa noqamanta kuraj. 29Chaywanpis kunan manaraj junt'akushajtin, chay tukuyta willashaykichej. Ajinamanta junt'akojtin, chay nisqay ajinapuni kasqanta yachankichej.
30Manaña qankunawan anchata parlasajchu, imaraykuchus kay pachata kamachej jamushanña. Chaywanpis payqa atipanawanpaj mana atiyniyojchu. 31Ajina kanan tiyan, runakuna yachanankupaj noqa Tata Diosta munakusqayta. Yachallanqankutaj paypa kamachiwasqanta ruwasqayta, nispa. Chayta niytawantaj, Jesús nerqa: Sayariychej, jaku ripuna, nispa.
Currently Selected:
Juan 14: DQDC
Highlight
Share
Copy
Want to have your highlights saved across all your devices? Sign up or sign in
Revisión Biblia Quechua Boliviano © Sociedad Bíblica Boliviana, 2017.
Juan 14
14
Jesusqa Tata Diosman pusaj ñan
1Chaymanta Jesús yachachisqankunata nerqa: Ama phutikuychejchu. Qankunaqa Diospi atinikuychej, noqapipis atinikullaychejtaj. 2Maypichus Tatay tiyakun, chaypeqa tukuypaj wasi tiyan. Manachus jina kanman chayqa, sut'inta niykichejman karqa. Ajinaqa qankunapaj uj cheqata wakichimoj rishani. 3Rispaqa, noqa qankunapaj uj cheqata wakichimusaj. Chantá qankunata pusaj kutimusaj, maypichus noqa kashani, chaypi noqawan khuska kanaykichejpaj. 4Qankunataj, maymanchus rishani, chayman pusaj ñanta rejsinkichejña, nispa.
5Tomastajrí Jesusta nerqa: Tukuyta Kamachej, mana yachaykuchu maymanchus rishasqaykita. Imaynatataj chayman pusaj ñanta rejsisqaykuri? nispa.
6Chantá Jesús kuticherqa: Noqa ñan kani, cheqa kajtaj, kawsaytaj. Mana pipis Tata Diosman chayayta atinchu, mana noqanejta rispaqa. 7Noqatachus rejsiwankichej chayqa, Tataytapis rejsillankichejtaj. Kunanmantapacha payta rejsinkichej, imajtinchus payta rikushankichej, nispa.
8Chantá Felipe payta nerqa: Tukuyta Kamachej, Tata Diosta rikuchiwayku, chaywantaj sonqo junt'asqa kasqayku, nispa. 9Jesustajrí payman kuticherqa: Felipe, chhika unaytaña qankunawan kashajtiy, manarajpunichu rejsiwanki? Pichus noqata rikuwajqa Tataytapis rikullantaj. Jinaqa, imaraykutaj nishanki: Tata Diosta rikuchiwayku, nispari? 10Felipe, Tatayqa noqawan ujchasqa kawsan, noqataj payman ujchasqa kawsani. Imatachus willaykichej, chaytaqa mana noqallamantachu parlani. Aswanpis noqawan ujchasqa kawsaj Tata Diosmin imatachus ruwananta noqanejta ruwan. 11Creewaychej noqaqa Tata Dioswan ujlla kasqayta, Tata Diostaj noqawan ujlla kasqanta. Manachayrí, ruwasqayta rikuspalla, noqapi atinikuychej.
12Kayta sut'ita niykichej: Pichus noqapi atinikojqa, paypis noqaj ruwasqayta ruwallanqataj. Chaypis astawanraj ruwanqa, imaraykuchus noqaqa Tata Dioswan kanaypaj rishani. 13Chantá sutiypi imatachus Tata Diosmanta mañakusqaykichejta noqa ruwasaj, Tata Dios Churinnejta jatunchasqa kananpaj. 14Imallatapis noqaj sutiypi mañakunkichej, noqataj chayta ruwasaj, nispa.
Santo Espirituta kachamunanta Jesús nin
15Jesús yachachisqankunata nillarqataj: Munakuwankichejchus chayqa, kamachisqaykunata kasuychej. 16Noqataj Tata Diosmanta mañasaj waj Sonqochajta kachamunanta, paytaj wiñaypaj qankunawan kanqa. 17Santo Espiritoqa imachus cheqa kajta yachachisonqachej. Diosman mana kutirikojkuna mana payta Yanapajninkuta jina jap'iyta atinkuchu, imaraykuchus payta mana rikunkuchu nitaj rejsinkuchu. Qankunatajrí payta rejsinkichejña, imaraykuchus qankunawan kashan, qankunapitaj tiyakonqapuni.
18Mana sapaykichejta saqesqaykichejchu, manachayqa qankunawan kanaypaj kutirimusaj. 19Uj chhikamantawan Diosman mana kutirikojkunaqa manaña rikuwanqankuchu. Qankunarí rikuwankichej. Noqa kawsasqayraykutaj qankunapis kawsallankichejtaj. 20Chay p'unchay chayamojtin yachankichej noqaqa Tatayman ujchasqa kasqayta. Ajinata qankunapis noqaman ujchasqa kankichej, imaynatachus noqapis qankunaman ujchasqa kasaj, ajinata. 21Pichus kamachisqayta jap'ikun, kasuntaj, chaymin cheqatapuni munakuwajqa. Noqata munakuwajtataj Tatay munakonqa. Noqapis payta munakullasajtaj, imaynachus kasqaytataj payman rejsichikusaj, nispa.
22Chantá Judas, mana Iscariote kajchu, Jesusta taporqa: Tukuyta Kamachej, imaraykutaj noqallaykuman rejsichikunki, manataj Diosman mana kutirikojkunamanri? nispa.
23Jesustaj kuticherqa: Noqata munakuwajqa nisqayta kasonqa, Tataytaj payta munakonqa. Chantá payman jamusqayku, paywantaj tiyakusqayku. 24Mana munakuwajrí nisqayta mana kasunchu. Uyarerqankichej, chay parlasqayqa mana noqajllatachu, astawanqa kachamuwaj Tataypata.
25Qankunawan kashaspa, kay jinamanta nishaykichej. 26Chaywanpis sonqochaj Santo Espíritu, pitachus sutiypi Tata Dios kachamonqa, chaymin tukuy imata yachachisonqachej, yuyarichisonqachejtaj tukuy imatachus qankunaman nisqayta.
27Noqaqa sonqo tiyasqa kayta qoykichej. Noqaj qosqay sonqo tiyasqa kaytaj mana runakunaj qosqan jinachu. Chayrayku ama imamantapis phutikuychejchu, nitaj manchachikuychejchu. 28Kay nisqayta uyarerqankichejña: Rishani chaypis, qankunaman kutimullasajtaj, nispa. Sichus munakuwankichejman chayqa, Tata Diosman rishasqaymanta kusikuwajchej, imaraykuchus payqa noqamanta kuraj. 29Chaywanpis kunan manaraj junt'akushajtin, chay tukuyta willashaykichej. Ajinamanta junt'akojtin, chay nisqay ajinapuni kasqanta yachankichej.
30Manaña qankunawan anchata parlasajchu, imaraykuchus kay pachata kamachej jamushanña. Chaywanpis payqa atipanawanpaj mana atiyniyojchu. 31Ajina kanan tiyan, runakuna yachanankupaj noqa Tata Diosta munakusqayta. Yachallanqankutaj paypa kamachiwasqanta ruwasqayta, nispa. Chayta niytawantaj, Jesús nerqa: Sayariychej, jaku ripuna, nispa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Revisión Biblia Quechua Boliviano © Sociedad Bíblica Boliviana, 2017.