Lucas 23
23
Jesusta Pilatoman pusanku
(Mt 27.1-2,11-14; Mc 15.1-5; Jn 18.28-38)
1Chantá juntamanta tukuy kajkuna Jesusta Pilatoman pusarqanku. 2Chaypitaj Jesusta ch'ataykuyta qallarerqanku: Kay runataqa runakunata ch'ajwachishajta taripayku, imaraykuchus nin kuraj kamachej Cesarman impuestota mana paganata. Nillantaj pay Diospa kachamusqan Cristo kasqanta, jinallataj kuraj kamachej jina kamachinanta, nispa.
3Chantá Pilatoqa Jesusta taporqa: Qanchu judiokunaj kuraj kamachejninku kanki? nispa. Jesustaj kuticherqa: Arí, qan ninki, nispa.
4Jinapi Pilatoqa kuraj sacerdotekunaman, runakunaman ima nerqa: Mana ni ima mana allin ruwasqanta paypi tarinichu, payta juchachanaypaj jinaqa, nispa. 5Paykunatajrí nishallarqankupuni: Payqa yachachisqanwan runakunata ch'ajwachishan, Galileamanta qallarispa Judeakama, nispa.
Jesusqa Herodespa ñawpaqenpi
6Pilato chayta uyarispa, taporqa: Kay runa Galileamantachu? nispa. 7Galileamanta Jesús kasqanta yachaspataj, Pilato kuraj kamachej Herodespaman payta pusacherqa, imaraykuchus Herodes chaypacha Jerusalenpi kasharqa.
8Herodesqa Jesusta rikuspa, mayta kusikorqa, imaraykuchus unayña payta rejsiyta munarqa, paymanta parlajta uyarisqanrayku. Herodes munallarqataj Jesusta ima t'ukuna imallatapis ruwajta rikuyta. 9Chayrayku Herodes Jesusta tukuy imamanta taporqa, paytajrí mana imatapis kuticherqachu. 10Chaypi kashallarqankutaj kuraj sacerdotekuna, Diospa kamachisqanmanta yachachejkuna ima, paykunataj Jesusta ch'ataykushallarqankupuni.
11Chantá Herodeswan, soldadonkunawan ima Jesusta k'umuykachachiyta qallarerqanku, alqochakuyta munaspataj, kuraj kamachejta jina sumaj p'achawan p'achallicherqanku. Chaymantataj Herodes watej Pilatoman Jesusta pusacherqa. 12Chay p'unchaypitaj Pilatowan Herodeswanqa phiñanasqa kasqankumanta allinyakaporqanku.
Jesusta wañunanpaj juchachanku
(Mt 27.15-26; Mc 15.6-15; Jn 18.38—19.16)
13Chaypacha Pilatoqa kuraj sacerdotekunata, kamachejkunata, tukuy runata ima tantacherqa. 14Paykunatataj nerqa: Kay runata pusamuwarqankichej runa ch'ajwachejta jina. Jinapis ñawpaqeykichejpi tapusqayman jinaqa tarini imamantachus ch'ataykusqaykichejmanta mana juchayoj kasqanta. 15Nillataj Herodespis juchayoj kasqanta tarinchu, chayraykutaj payta kutichimullantaj. Kayta yachaychej: Kay runaqa mana imatapis ruwanchu wañuchisqa kananpaj jinaqa. 16Chayrayku payta jasut'ichisaj, chaymantataj kacharipusaj, nispa.
17Sapa Pascua raymipi Pilato uj presota kachariyta yachajpuni. 18Chayta yachaspa, tukuyninku ujllata qhapariyta qallarerqanku: Jesús wañuchisqa kachun, Barrabastataj kacharipuy, nispa. 19Barrabasta presochasqanku, runakunata tantaykuspa romano kamachejpa contranta oqharikusqanmanta, runata wañuchisqanmanta ima. 20Chaywanpis Pilatoqa ujtawan parlarqa, Jesusta kacharipuytapuni munaspa. 21Runakunatajrí kutin kutinta qhaparerqanku: Cruzman chakatasqa kachun, nispa.
22Kinsa kutikama Pilatoqa nerqa: Chantá, imatapunitaj ruwarqari? Mana imatapis ruwanchu wañuchisqa kananpaj jinaqa. Chayrayku Jesusta jasut'ichisaj, chaymantataj kacharipusaj, nispa.
23Chay runakunarí qhaparillarqankupuni, Jesús cruzman chakatasqa kananpaj. Chantá chay jinatapuni qhaparisqankuwan imatachus munasqankuta tarerqanku. 24Chayrayku Pilato kamacherqa paykunaj mañasqankuman jina ruwasqa kananta. 25Jinallataj mañasqankuman jina Barrabasta kachariporqa, pichus carcelpi karqa kamachejpa contranta oqharikusqanmanta, runata wañuchisqanmanta ima, chayta. Jesustatajrí soldadokunaman jaywaykorqa runakunaj munasqankuta ruwanankupaj.
Jesusta cruzman chakatanku
(Mt 27.32-44; Mc 15.21-32; Jn 19.17-27)
26Chay soldadokuna Jesusta cruzman chakatanankupaj pusashaspa, Cirenemanta Simón sutiyoj runawan tinkukorqanku, campomanta jamushajtin. Jinapitaj paywan cruzta lijrachispa, Jesuspa qhepanta apacherqanku.
27Chaypacha ashkha runakuna Jesuspa qhepanta risharqanku, chaykuna ukhupitaj warmikuna Jesusrayku mayta waqasharqanku, qhaparisharqanku ima. 28Jinapi Jesús chay warmikunata qhawarispa, nerqa: Jerusalenmanta warmikuna, ama noqamanta waqaychejchu, manachayqa qankunamanta waqaychej, wawaykichejkunamantawan. 29Chayta niykichej, imaraykuchus jamoj p'unchaykunapi nenqanku: Kusikuyniyojmin kanku mana wawayoj kayta atej warmikuna. Jinallataj kusikuyniyoj kanku, pikunachus mana wawata paqarichikunkuchu, nitaj wawata ñuñuchinkuchu, chaykuna, nispa. 30Chaypachallataj runakuna orqokunata nenqanku: Pataykuman urmaykamuwayku, nispa. Lomakunatataj nenqanku: P'ampaykuwayku,#Is 2.19,20; Os 10.8. nispa. 31Sichus q'omer sach'awan kay jinata ruwanku chayqa, imatapunitaj ruwankuman ch'aki sach'awanri? nispa.
32Chay soldadokunaqa iskay suwakunatawan pusallarqankutaj paykunapis Jesús jina cruzman chakatasqa kanankupaj. 33T'ojlu moqo nisqa cheqaman chayaytawantaj, Jesustaraj cruzman chakatarqanku. Chaymantataj chay iskay suwakunatapis cruzman chakatallarqankutaj, ujninta Jesuspa pañanman, ujnintataj lloq'enman. 34Chaymanta qhepamantaj Jesús nerqa: Tatáy, juchankuta pampachay, imaraykuchus mana yachankuchu imatachus ruwasqankuta, nispa.
Chaykamataj soldadokuna suerteta choqaspa, Jesuspa p'achanta rak'inakorqanku. 35Chaypi kajkunaqa Jesusta qhawasharqanku, judío kurajkunataj asikuspa, ninakorqanku: Pay wajkunata qhespicherqa. Kunantajrí pay kikin qhespichikuchun, sichus cheqamanta Diospa ajllasqan Cristo kanman chayqa, nispa.
36Chaypi kaj soldadokunapis Jesusmanta alqochakullarqankutaj, qayllaykuspataj, k'allku vinota jaywarqanku. 37Nerqankutaj: Sichus qan judiokunaj kuraj kamachejninku kanki chayqa, qan kikiykita qhespichikuy, nispa.
38Jesuspa cruzninpi, uman patanejpi kay jina qhelqasqa karqa: Kayqa Judiokunaj Kuraj Kamachejninku, nispa.
39Jinallapi Jesuswan cruzman chakatasqallataj karqanku chaykunamanta ujnin kaj suwaqa Jesusta turiyaspa, nerqa: Qanchus Cristo kanki chayqa, qan kikiykita qhespichikuy. Noqaykutapis qhespichillawaykutaj, nispa.
40Ujnin kajrí chay rimajta k'amerqa: Qanpis pay jina wañunaykipaj juchachasqa kashaspa, manachu Diosta manchachikunki? 41Noqanchejqa juchanchejrayku kaypi kashanchej, imaraykuchus millay ruwasqanchejmanta ñak'arishanchej. Payrí mana ima sajratapis ruwarqachu, nispa.
42Chantá chay suwaqa Jesusta nerqa: Noqamanta yuyarikuway, maypachachus kamachiyta qallarinki chaypacha, nispa. 43Jesustaj kuticherqa: Kayta sut'itapuni niyki: Kunanpacha may kusiy cheqapi noqawan khuska kanki, nispa.
Jesús wañun
(Mt 27.45-56; Mc 15.33-41; Jn 19.28-30)
44Chawpi p'unchay jinaña karqa. Chantá tukuy chay cheqaqa laqhayaykorqa kinsa kaj phanikama. 45Intitaj laqhayaykorqa. Chaypachallataj Templopi jatun velo ujllata iskayman llik'irparikorqa. 46Jinapi Jesusqa sinch'ita qhaparerqa: Tatáy, makiykiman kawsayniyta jap'ichikamuyki,#Sal 31.5. nispa. Chayta nispataj, Jesús wañuporqa.
47Chantá soldadokunaj capitanninku chayta rikuspa, Diosta jatuncharqa: Kay runaqa cheqan runapuni karqa, nispa.
48Chaypi kaj tukuy runakuna chayta rikusqankumanta qhasqonkuta takakuspa, riraporqanku. 49Chaywanpis, pikunachus Jesusta tukuy rejsejkuna, Galileamanta paywan khuska jamoj warmikuna ima karullamanta chay tukuyta qhawasharqanku.
Jesusta p'ampanku
(Mt 27.57-61; Mc 15.42-47; Jn 19.38-42)
50Chaypitaj José sutiyoj uj runa karqa, Judeapi Arimatea llajtamanta. Pay k'acha runa karqa, cheqantaj, jinataj judiokunaj Jatun Juntankumanta ujnin. 51Kay Joseqa mayta suyasharqa Dios kamachiyta qallarinanta. Paytaj mana khuskachakorqachu kurajkuna imatachus Jesusmanta yuyasqankuwan, nitaj ruwasqankuwanpis. 52Chantá José Pilatoman rispa, Jesuspa ayanta p'ampananpaj mañarqa. 53Jinapi cruzmanta ayata urayk'uchimuspa, sabanawan mayt'uykorqa, jinaytawantaj chhankapi ruwasqa aya p'ampanaman churaykorqa, maypichus manaraj pitapis p'ampasqankuchu, chayman. 54Chaypacha Pascua raymipaj wakichina p'unchay karqa, samarina p'unchaytaj qallarisharqaña.
55Galileamanta Jesuswan jamoj warmikunapis rillarqankutaj, maypichus Jesús p'ampasqa karqa, chay cheqata rikoj, ajinamanta yachanankupaj maymanchus Jesuspa ayanta churasqankuta. 56Chantá wasinkuman kutirispa, chay warmikuna sumaj q'apashaj jawinakunata wakicherqanku. Jinaytawantaj, kamachisqaman jina samarikorqanku, samarina p'unchay kasqanrayku.
Currently Selected:
Lucas 23: DQDC
Highlight
Share
Copy
Want to have your highlights saved across all your devices? Sign up or sign in
Revisión Biblia Quechua Boliviano © Sociedad Bíblica Boliviana, 2017.
Lucas 23
23
Jesusta Pilatoman pusanku
(Mt 27.1-2,11-14; Mc 15.1-5; Jn 18.28-38)
1Chantá juntamanta tukuy kajkuna Jesusta Pilatoman pusarqanku. 2Chaypitaj Jesusta ch'ataykuyta qallarerqanku: Kay runataqa runakunata ch'ajwachishajta taripayku, imaraykuchus nin kuraj kamachej Cesarman impuestota mana paganata. Nillantaj pay Diospa kachamusqan Cristo kasqanta, jinallataj kuraj kamachej jina kamachinanta, nispa.
3Chantá Pilatoqa Jesusta taporqa: Qanchu judiokunaj kuraj kamachejninku kanki? nispa. Jesustaj kuticherqa: Arí, qan ninki, nispa.
4Jinapi Pilatoqa kuraj sacerdotekunaman, runakunaman ima nerqa: Mana ni ima mana allin ruwasqanta paypi tarinichu, payta juchachanaypaj jinaqa, nispa. 5Paykunatajrí nishallarqankupuni: Payqa yachachisqanwan runakunata ch'ajwachishan, Galileamanta qallarispa Judeakama, nispa.
Jesusqa Herodespa ñawpaqenpi
6Pilato chayta uyarispa, taporqa: Kay runa Galileamantachu? nispa. 7Galileamanta Jesús kasqanta yachaspataj, Pilato kuraj kamachej Herodespaman payta pusacherqa, imaraykuchus Herodes chaypacha Jerusalenpi kasharqa.
8Herodesqa Jesusta rikuspa, mayta kusikorqa, imaraykuchus unayña payta rejsiyta munarqa, paymanta parlajta uyarisqanrayku. Herodes munallarqataj Jesusta ima t'ukuna imallatapis ruwajta rikuyta. 9Chayrayku Herodes Jesusta tukuy imamanta taporqa, paytajrí mana imatapis kuticherqachu. 10Chaypi kashallarqankutaj kuraj sacerdotekuna, Diospa kamachisqanmanta yachachejkuna ima, paykunataj Jesusta ch'ataykushallarqankupuni.
11Chantá Herodeswan, soldadonkunawan ima Jesusta k'umuykachachiyta qallarerqanku, alqochakuyta munaspataj, kuraj kamachejta jina sumaj p'achawan p'achallicherqanku. Chaymantataj Herodes watej Pilatoman Jesusta pusacherqa. 12Chay p'unchaypitaj Pilatowan Herodeswanqa phiñanasqa kasqankumanta allinyakaporqanku.
Jesusta wañunanpaj juchachanku
(Mt 27.15-26; Mc 15.6-15; Jn 18.38—19.16)
13Chaypacha Pilatoqa kuraj sacerdotekunata, kamachejkunata, tukuy runata ima tantacherqa. 14Paykunatataj nerqa: Kay runata pusamuwarqankichej runa ch'ajwachejta jina. Jinapis ñawpaqeykichejpi tapusqayman jinaqa tarini imamantachus ch'ataykusqaykichejmanta mana juchayoj kasqanta. 15Nillataj Herodespis juchayoj kasqanta tarinchu, chayraykutaj payta kutichimullantaj. Kayta yachaychej: Kay runaqa mana imatapis ruwanchu wañuchisqa kananpaj jinaqa. 16Chayrayku payta jasut'ichisaj, chaymantataj kacharipusaj, nispa.
17Sapa Pascua raymipi Pilato uj presota kachariyta yachajpuni. 18Chayta yachaspa, tukuyninku ujllata qhapariyta qallarerqanku: Jesús wañuchisqa kachun, Barrabastataj kacharipuy, nispa. 19Barrabasta presochasqanku, runakunata tantaykuspa romano kamachejpa contranta oqharikusqanmanta, runata wañuchisqanmanta ima. 20Chaywanpis Pilatoqa ujtawan parlarqa, Jesusta kacharipuytapuni munaspa. 21Runakunatajrí kutin kutinta qhaparerqanku: Cruzman chakatasqa kachun, nispa.
22Kinsa kutikama Pilatoqa nerqa: Chantá, imatapunitaj ruwarqari? Mana imatapis ruwanchu wañuchisqa kananpaj jinaqa. Chayrayku Jesusta jasut'ichisaj, chaymantataj kacharipusaj, nispa.
23Chay runakunarí qhaparillarqankupuni, Jesús cruzman chakatasqa kananpaj. Chantá chay jinatapuni qhaparisqankuwan imatachus munasqankuta tarerqanku. 24Chayrayku Pilato kamacherqa paykunaj mañasqankuman jina ruwasqa kananta. 25Jinallataj mañasqankuman jina Barrabasta kachariporqa, pichus carcelpi karqa kamachejpa contranta oqharikusqanmanta, runata wañuchisqanmanta ima, chayta. Jesustatajrí soldadokunaman jaywaykorqa runakunaj munasqankuta ruwanankupaj.
Jesusta cruzman chakatanku
(Mt 27.32-44; Mc 15.21-32; Jn 19.17-27)
26Chay soldadokuna Jesusta cruzman chakatanankupaj pusashaspa, Cirenemanta Simón sutiyoj runawan tinkukorqanku, campomanta jamushajtin. Jinapitaj paywan cruzta lijrachispa, Jesuspa qhepanta apacherqanku.
27Chaypacha ashkha runakuna Jesuspa qhepanta risharqanku, chaykuna ukhupitaj warmikuna Jesusrayku mayta waqasharqanku, qhaparisharqanku ima. 28Jinapi Jesús chay warmikunata qhawarispa, nerqa: Jerusalenmanta warmikuna, ama noqamanta waqaychejchu, manachayqa qankunamanta waqaychej, wawaykichejkunamantawan. 29Chayta niykichej, imaraykuchus jamoj p'unchaykunapi nenqanku: Kusikuyniyojmin kanku mana wawayoj kayta atej warmikuna. Jinallataj kusikuyniyoj kanku, pikunachus mana wawata paqarichikunkuchu, nitaj wawata ñuñuchinkuchu, chaykuna, nispa. 30Chaypachallataj runakuna orqokunata nenqanku: Pataykuman urmaykamuwayku, nispa. Lomakunatataj nenqanku: P'ampaykuwayku,#Is 2.19,20; Os 10.8. nispa. 31Sichus q'omer sach'awan kay jinata ruwanku chayqa, imatapunitaj ruwankuman ch'aki sach'awanri? nispa.
32Chay soldadokunaqa iskay suwakunatawan pusallarqankutaj paykunapis Jesús jina cruzman chakatasqa kanankupaj. 33T'ojlu moqo nisqa cheqaman chayaytawantaj, Jesustaraj cruzman chakatarqanku. Chaymantataj chay iskay suwakunatapis cruzman chakatallarqankutaj, ujninta Jesuspa pañanman, ujnintataj lloq'enman. 34Chaymanta qhepamantaj Jesús nerqa: Tatáy, juchankuta pampachay, imaraykuchus mana yachankuchu imatachus ruwasqankuta, nispa.
Chaykamataj soldadokuna suerteta choqaspa, Jesuspa p'achanta rak'inakorqanku. 35Chaypi kajkunaqa Jesusta qhawasharqanku, judío kurajkunataj asikuspa, ninakorqanku: Pay wajkunata qhespicherqa. Kunantajrí pay kikin qhespichikuchun, sichus cheqamanta Diospa ajllasqan Cristo kanman chayqa, nispa.
36Chaypi kaj soldadokunapis Jesusmanta alqochakullarqankutaj, qayllaykuspataj, k'allku vinota jaywarqanku. 37Nerqankutaj: Sichus qan judiokunaj kuraj kamachejninku kanki chayqa, qan kikiykita qhespichikuy, nispa.
38Jesuspa cruzninpi, uman patanejpi kay jina qhelqasqa karqa: Kayqa Judiokunaj Kuraj Kamachejninku, nispa.
39Jinallapi Jesuswan cruzman chakatasqallataj karqanku chaykunamanta ujnin kaj suwaqa Jesusta turiyaspa, nerqa: Qanchus Cristo kanki chayqa, qan kikiykita qhespichikuy. Noqaykutapis qhespichillawaykutaj, nispa.
40Ujnin kajrí chay rimajta k'amerqa: Qanpis pay jina wañunaykipaj juchachasqa kashaspa, manachu Diosta manchachikunki? 41Noqanchejqa juchanchejrayku kaypi kashanchej, imaraykuchus millay ruwasqanchejmanta ñak'arishanchej. Payrí mana ima sajratapis ruwarqachu, nispa.
42Chantá chay suwaqa Jesusta nerqa: Noqamanta yuyarikuway, maypachachus kamachiyta qallarinki chaypacha, nispa. 43Jesustaj kuticherqa: Kayta sut'itapuni niyki: Kunanpacha may kusiy cheqapi noqawan khuska kanki, nispa.
Jesús wañun
(Mt 27.45-56; Mc 15.33-41; Jn 19.28-30)
44Chawpi p'unchay jinaña karqa. Chantá tukuy chay cheqaqa laqhayaykorqa kinsa kaj phanikama. 45Intitaj laqhayaykorqa. Chaypachallataj Templopi jatun velo ujllata iskayman llik'irparikorqa. 46Jinapi Jesusqa sinch'ita qhaparerqa: Tatáy, makiykiman kawsayniyta jap'ichikamuyki,#Sal 31.5. nispa. Chayta nispataj, Jesús wañuporqa.
47Chantá soldadokunaj capitanninku chayta rikuspa, Diosta jatuncharqa: Kay runaqa cheqan runapuni karqa, nispa.
48Chaypi kaj tukuy runakuna chayta rikusqankumanta qhasqonkuta takakuspa, riraporqanku. 49Chaywanpis, pikunachus Jesusta tukuy rejsejkuna, Galileamanta paywan khuska jamoj warmikuna ima karullamanta chay tukuyta qhawasharqanku.
Jesusta p'ampanku
(Mt 27.57-61; Mc 15.42-47; Jn 19.38-42)
50Chaypitaj José sutiyoj uj runa karqa, Judeapi Arimatea llajtamanta. Pay k'acha runa karqa, cheqantaj, jinataj judiokunaj Jatun Juntankumanta ujnin. 51Kay Joseqa mayta suyasharqa Dios kamachiyta qallarinanta. Paytaj mana khuskachakorqachu kurajkuna imatachus Jesusmanta yuyasqankuwan, nitaj ruwasqankuwanpis. 52Chantá José Pilatoman rispa, Jesuspa ayanta p'ampananpaj mañarqa. 53Jinapi cruzmanta ayata urayk'uchimuspa, sabanawan mayt'uykorqa, jinaytawantaj chhankapi ruwasqa aya p'ampanaman churaykorqa, maypichus manaraj pitapis p'ampasqankuchu, chayman. 54Chaypacha Pascua raymipaj wakichina p'unchay karqa, samarina p'unchaytaj qallarisharqaña.
55Galileamanta Jesuswan jamoj warmikunapis rillarqankutaj, maypichus Jesús p'ampasqa karqa, chay cheqata rikoj, ajinamanta yachanankupaj maymanchus Jesuspa ayanta churasqankuta. 56Chantá wasinkuman kutirispa, chay warmikuna sumaj q'apashaj jawinakunata wakicherqanku. Jinaytawantaj, kamachisqaman jina samarikorqanku, samarina p'unchay kasqanrayku.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Revisión Biblia Quechua Boliviano © Sociedad Bíblica Boliviana, 2017.