Lucas 3
3
Bautizaj Juanpa willasqan
(Mt 3.1-12; Mc 1.1-8; Jn 1.19-28)
1Chunka phishqayoj watataña kuraj kamachej Tiberio Roma jatun suyuta kamachishajtin, Poncio Pilato Judeapi kamachisharqa, Herodestaj Galileapi. Wawqen Felipetaj Itureapi, Traconitepiwan kamachisharqa, Lisaniastaj Abiliniapi kamachisharqa. 2Jinataj Anaswan, Caifaswan kuraj kaj sacerdotekuna karqanku. Chaypachataj Diosqa Zacariaspa churin Juanman parlarqa, ch'inpi kashajtin. 3Chantá Juan tukuy Jordán mayu muyuynintinpi purispa, runaman willararqa bautizachikunankuta, ajinamanta yachayta qospa Diosman kutirikusqankumanta juchanku pampachasqa kananpaj. 4Kayqa Diosmanta sut'inchaj Isaiaspa p'anqanpi qhelqasqaman jina junt'akorqa:
Ch'innejpi uj runaj qhaparisqan uyarikun:
Tata Diospaj ñanta pichaychej,
purinantataj cheqanyachiychej.#Is 40.3.
5Tukuy wayq'o junt'achisqa kanqa,
jinataj tukuy orqokuna, moqokuna ima pampachakonqa.
Wist'u ñankunaqa cheqanchasqa kanqa,
moqo moqolla ñankunapis pampachasqa.#Is 40.4.
6Chantá tukuy runaqa Diospa kachamusqan qhespichejta rikonqanku, nispa.#Is 40.5.
7Bautizachikoj rejkunaman Juan nerqa: Katarikunaj miraynin. Pitaj nisorqachej Diospa jamoj k'araj phiñakuyninmanta ayqenaykichejtari?#3.7 Bautizaj Juan kayta nerqa, imaraykuchus pay yacharqa chay bautizachikoj rejkuna mana cheqan sonqoyoj kasqankuta. 8Allinta puriychej ari, ajinamanta juchaykichejmanta Diosman kutirikusqaykichejta sut'ita rikuchinaykichejpaj. Amataj qankunapuralla ninakuychejchu: Mana ima llakiypis noqaykupaj kanqachu, imaraykuchus Abrahampa miraynin kayku, nispa. Noqarí niykichej: Dios kay rumikunatapis Abrahampa wawankunaman tukuchiyta atinman. 9Jachaqa ñapis wakisqaña kashan sach'akunata saphinmanta k'utunanpaj. Chayrayku, mana allinta poqoj tukuy sach'aqa urmachisqa kanqa, ninamantaj enqhaykusqa, nispa.
10Chay runakunataj taporqanku: Chantá imatataj ruwasqaykuri? nispa. 11Juantaj kuticherqa: Pichus iskay p'achayoj kajqa ujninta mana p'achayojman qopuchun. Mikhunayoj kajpis kikillantataj ruwachun mana mikhunayoj kajwan, nispa.
12Roma suyupaj impuestota cobrajkunapis#3.12 Impuestota cobrajkuna: Paykunataqa Romapi kuraj kamachej churarqa, judiokunamanta impuestota pagachinankupaj. Paykunata llajta masinku manchayta chejnerqanku, Roma suyupaj qolqeta tantasqankurayku. Lc 7.29. bautizachikoj jamuspa, Juanta taporqanku: Yachachej, noqaykoqa imatataj ruwanayku tiyan? nispa. 13Paytaj kuticherqa: Kamachisqaman jina maychus kajllata impuestota pagachiychej,#Lc 19.2,8. amataj astawanqa, nispa.
14Chantá wakin soldadokunapis tapullarqankutaj: Noqaykurí imatataj ruwasqaykuri? nispa. Juantaj kuticherqa: Ama pimantapis ni imanta qhechuychejchu, nitaj pitapis qhasimanta tumpaychejchu. Jinataj pagoykichejwan sonqo junt'asqa kaychej, nispa.
15Chaypacha tukuy runakuna imata jina suyasharqanku Diospa kachamusqan Cristo chayamunanta. Chayrayku Juanmanta tapukusharqanku: Manachu pay Cristo kanman? nispa. 16Juantajrí tukuyman kuticherqa: Noqaqa yakuwan bautizaykichej. Qhepaytatajrí waj jamushan, paytaj Santo Espirituwan, chantá ninawan ima bautizasonqachej. Payqa noqamanta aswan atiyniyoj, noqataj mana paypa wata runan kanaypaj jinallapischu kani. 17Jorcapis makinpiña kashan, erapi trigota wayrachinanpaj. Chantá trigota pirwaman jallch'anqa, pajatatajrí mana thasnukoj ninawan kanaykonqa, nispa.
18Ajinata Juan chay jina ashkha yuyaychaykunawan sumaj willayta runakunaman willarqa. 19Chantá Juanqa kuraj kamachej Herodestapis k'amillarqataj, imaraykuchus Herodesqa wawqen Felipej warmin Herodiasta qhechuspa, paywan warmichakorqa. Paytaj waj millay imakunatapis ruwallarqataj. 20Chantá Herodesqa Juanta carcelman wisq'acherqa, chayta ruwaspataj, tukuy millay ruwasqanman astawan yapaykorqa.
Jesús bautizachikun
(Mt 3.13-17; Mc 1.9-11)
21Herodes manaraj Juanta carcelman wisk'achishajtin, Juanqa runakunata bautizasharqa. Jinapis Jesús Juanwan bautizachikullarqataj. Chantá Jesús Dioswan parlarikushajtin, janajqa kicharikorqa. 22Jinapitaj Santo Espíritu urpi jina paypa patanman urayk'amorqa, janaj pachamantataj Dios nimorqa: Qanmin munasqa Churiy kanki, qanwantaj sonqo junt'asqa kani, nispa.
Jesuspa ñawpa tatankunaj sutinku
(Mt 1.1-17)
23Jesusqa Diosmanta sumaj willayta willarayta qallarishaspa, kinsa chunka watayoj jina karqa. Runakunataj yuyarqanku Jesusqa Elíj churin Josejpa churin kasqanta. 24Paytaj Matatpa churin karqa, Levijpa churin, Melquijpa churin, Janaijpa churin, Josejpa churin, 25Matatiaspa churin, Amospa churin, Nahumpa churin, Eslijpa churin, Nagaypata churin, 26Matpa churin, Matatiaspa churin, Semeipata churin, Josejpa churin, Yodajpa churin, 27Joanajpa churin, Resaj churin, Zorobabelpa churin, Salatielpa churin, Nerijpa churin, 28Melquijpa churin, Adijpa churin, Cosanpa churin, Elmodampa churin, Erpa churin, 29Josuejpa churin, Eliezerpa churin, Jorinpa churin, Matatpa churin, Levijpa churin, 30Simeonpa churin, Judajpa churin, Josejpa churin, Jonanpa churin, Eliaquinpa churin, 31Meleajpa churin, Mainanpa churin, Matatajpa churin, Natanpa churin, Davidpa churin, 32Yesejpa churin, Obedpa churin, Boozpa churin, Salmonpa churin, Nasonpa churin, 33Aminadabpa churin, Arampa churin, Arnijpa churin, Esronpa churin, Farespa churin, Judajpa churin, 34Jacobpa churin, Isaacpa churin, Abrahampa churin, Terajpa churin, Najorpa churin, 35Serugpa churin, Ragaujpa churin, Pelegpa churin, Eberpa churin, Salaj churin, 36Cainanpa churin, Arfaxadpa churin, Sempa churin, Noejpa churin, Lamecpa churin, 37Matusalenpa churin, Enocpa churin, Yaredpa churin, Malalelpa churin, Cainanpa churin, 38Enospa churin, Setpa churin, Adanpa churin ima, paytaj Diospa churin karqa.
Currently Selected:
Lucas 3: DQDC
Highlight
Share
Copy
Want to have your highlights saved across all your devices? Sign up or sign in
Revisión Biblia Quechua Boliviano © Sociedad Bíblica Boliviana, 2017.
Lucas 3
3
Bautizaj Juanpa willasqan
(Mt 3.1-12; Mc 1.1-8; Jn 1.19-28)
1Chunka phishqayoj watataña kuraj kamachej Tiberio Roma jatun suyuta kamachishajtin, Poncio Pilato Judeapi kamachisharqa, Herodestaj Galileapi. Wawqen Felipetaj Itureapi, Traconitepiwan kamachisharqa, Lisaniastaj Abiliniapi kamachisharqa. 2Jinataj Anaswan, Caifaswan kuraj kaj sacerdotekuna karqanku. Chaypachataj Diosqa Zacariaspa churin Juanman parlarqa, ch'inpi kashajtin. 3Chantá Juan tukuy Jordán mayu muyuynintinpi purispa, runaman willararqa bautizachikunankuta, ajinamanta yachayta qospa Diosman kutirikusqankumanta juchanku pampachasqa kananpaj. 4Kayqa Diosmanta sut'inchaj Isaiaspa p'anqanpi qhelqasqaman jina junt'akorqa:
Ch'innejpi uj runaj qhaparisqan uyarikun:
Tata Diospaj ñanta pichaychej,
purinantataj cheqanyachiychej.#Is 40.3.
5Tukuy wayq'o junt'achisqa kanqa,
jinataj tukuy orqokuna, moqokuna ima pampachakonqa.
Wist'u ñankunaqa cheqanchasqa kanqa,
moqo moqolla ñankunapis pampachasqa.#Is 40.4.
6Chantá tukuy runaqa Diospa kachamusqan qhespichejta rikonqanku, nispa.#Is 40.5.
7Bautizachikoj rejkunaman Juan nerqa: Katarikunaj miraynin. Pitaj nisorqachej Diospa jamoj k'araj phiñakuyninmanta ayqenaykichejtari?#3.7 Bautizaj Juan kayta nerqa, imaraykuchus pay yacharqa chay bautizachikoj rejkuna mana cheqan sonqoyoj kasqankuta. 8Allinta puriychej ari, ajinamanta juchaykichejmanta Diosman kutirikusqaykichejta sut'ita rikuchinaykichejpaj. Amataj qankunapuralla ninakuychejchu: Mana ima llakiypis noqaykupaj kanqachu, imaraykuchus Abrahampa miraynin kayku, nispa. Noqarí niykichej: Dios kay rumikunatapis Abrahampa wawankunaman tukuchiyta atinman. 9Jachaqa ñapis wakisqaña kashan sach'akunata saphinmanta k'utunanpaj. Chayrayku, mana allinta poqoj tukuy sach'aqa urmachisqa kanqa, ninamantaj enqhaykusqa, nispa.
10Chay runakunataj taporqanku: Chantá imatataj ruwasqaykuri? nispa. 11Juantaj kuticherqa: Pichus iskay p'achayoj kajqa ujninta mana p'achayojman qopuchun. Mikhunayoj kajpis kikillantataj ruwachun mana mikhunayoj kajwan, nispa.
12Roma suyupaj impuestota cobrajkunapis#3.12 Impuestota cobrajkuna: Paykunataqa Romapi kuraj kamachej churarqa, judiokunamanta impuestota pagachinankupaj. Paykunata llajta masinku manchayta chejnerqanku, Roma suyupaj qolqeta tantasqankurayku. Lc 7.29. bautizachikoj jamuspa, Juanta taporqanku: Yachachej, noqaykoqa imatataj ruwanayku tiyan? nispa. 13Paytaj kuticherqa: Kamachisqaman jina maychus kajllata impuestota pagachiychej,#Lc 19.2,8. amataj astawanqa, nispa.
14Chantá wakin soldadokunapis tapullarqankutaj: Noqaykurí imatataj ruwasqaykuri? nispa. Juantaj kuticherqa: Ama pimantapis ni imanta qhechuychejchu, nitaj pitapis qhasimanta tumpaychejchu. Jinataj pagoykichejwan sonqo junt'asqa kaychej, nispa.
15Chaypacha tukuy runakuna imata jina suyasharqanku Diospa kachamusqan Cristo chayamunanta. Chayrayku Juanmanta tapukusharqanku: Manachu pay Cristo kanman? nispa. 16Juantajrí tukuyman kuticherqa: Noqaqa yakuwan bautizaykichej. Qhepaytatajrí waj jamushan, paytaj Santo Espirituwan, chantá ninawan ima bautizasonqachej. Payqa noqamanta aswan atiyniyoj, noqataj mana paypa wata runan kanaypaj jinallapischu kani. 17Jorcapis makinpiña kashan, erapi trigota wayrachinanpaj. Chantá trigota pirwaman jallch'anqa, pajatatajrí mana thasnukoj ninawan kanaykonqa, nispa.
18Ajinata Juan chay jina ashkha yuyaychaykunawan sumaj willayta runakunaman willarqa. 19Chantá Juanqa kuraj kamachej Herodestapis k'amillarqataj, imaraykuchus Herodesqa wawqen Felipej warmin Herodiasta qhechuspa, paywan warmichakorqa. Paytaj waj millay imakunatapis ruwallarqataj. 20Chantá Herodesqa Juanta carcelman wisq'acherqa, chayta ruwaspataj, tukuy millay ruwasqanman astawan yapaykorqa.
Jesús bautizachikun
(Mt 3.13-17; Mc 1.9-11)
21Herodes manaraj Juanta carcelman wisk'achishajtin, Juanqa runakunata bautizasharqa. Jinapis Jesús Juanwan bautizachikullarqataj. Chantá Jesús Dioswan parlarikushajtin, janajqa kicharikorqa. 22Jinapitaj Santo Espíritu urpi jina paypa patanman urayk'amorqa, janaj pachamantataj Dios nimorqa: Qanmin munasqa Churiy kanki, qanwantaj sonqo junt'asqa kani, nispa.
Jesuspa ñawpa tatankunaj sutinku
(Mt 1.1-17)
23Jesusqa Diosmanta sumaj willayta willarayta qallarishaspa, kinsa chunka watayoj jina karqa. Runakunataj yuyarqanku Jesusqa Elíj churin Josejpa churin kasqanta. 24Paytaj Matatpa churin karqa, Levijpa churin, Melquijpa churin, Janaijpa churin, Josejpa churin, 25Matatiaspa churin, Amospa churin, Nahumpa churin, Eslijpa churin, Nagaypata churin, 26Matpa churin, Matatiaspa churin, Semeipata churin, Josejpa churin, Yodajpa churin, 27Joanajpa churin, Resaj churin, Zorobabelpa churin, Salatielpa churin, Nerijpa churin, 28Melquijpa churin, Adijpa churin, Cosanpa churin, Elmodampa churin, Erpa churin, 29Josuejpa churin, Eliezerpa churin, Jorinpa churin, Matatpa churin, Levijpa churin, 30Simeonpa churin, Judajpa churin, Josejpa churin, Jonanpa churin, Eliaquinpa churin, 31Meleajpa churin, Mainanpa churin, Matatajpa churin, Natanpa churin, Davidpa churin, 32Yesejpa churin, Obedpa churin, Boozpa churin, Salmonpa churin, Nasonpa churin, 33Aminadabpa churin, Arampa churin, Arnijpa churin, Esronpa churin, Farespa churin, Judajpa churin, 34Jacobpa churin, Isaacpa churin, Abrahampa churin, Terajpa churin, Najorpa churin, 35Serugpa churin, Ragaujpa churin, Pelegpa churin, Eberpa churin, Salaj churin, 36Cainanpa churin, Arfaxadpa churin, Sempa churin, Noejpa churin, Lamecpa churin, 37Matusalenpa churin, Enocpa churin, Yaredpa churin, Malalelpa churin, Cainanpa churin, 38Enospa churin, Setpa churin, Adanpa churin ima, paytaj Diospa churin karqa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Revisión Biblia Quechua Boliviano © Sociedad Bíblica Boliviana, 2017.