Génesis 39
39
Tata Diosqa Joseta yanapan
1Ismaelitakunaqa Joseta Egiptoman aparqanku. Chaypitaj Egipto llajtayoj Potifar payta rantikorqa. Potifarqa Egipto suyuta kuraj kamachejpata yanapajnin karqa, payta qhawaj soldadokunaj capitanninku. 2Jinapi Tata Diosqa Josewan kasharqa. Chayrayku José Egipto llajtayoj patronninpapi kashajtin, tukuy imapi allin rerqa. 3Patronnintaj repararqa Tata Diosqa Josewan kashasqanta, chayraykutaj Joseta tukuy ima ruwasqanpi allin rishasqanta. 4Chayrayku Joseqa patronninwan maytapuni munachikorqa. Chantá Potifarqa Joseta tukuy kapuyninmanta, wasinpi kajkunamantawan mayordomo kananpaj churarqa. 5Chaymantapacha Tata Dios Joserayku Potifarta samincharqa. Wasinpi tukuy ima kajpi, jinataj chajranpipis Tata Dios yanaparqa. 6Tukuy tiyapusqanta Josejpa makinman saqespa, Potifarqa manaña imamantapis llakikorqañachu, manachayqa mikhunallanmantaña.
José allin rijch'ayniyoj, alajitu runa karqa. 7Chay qhepamantaj Potifarpa warmenqa Joseta munapayaspa, uj kuti nerqa: Jamuy, noqawan puñunaykita munani, nispa.
8Joserí manapuni munarqachu, nerqataj: Patronneyqa niwan noqa tukuy imanmanta cuentayoj kanayta. Noqa kaypi kashajteyqa, mana imamantapis llakikunanchu tiyan. 9Kay wasipi mana pipis noqamanta aswan atiyniyoj kanchu, patronniytaj tukuy imata makiyman saqewan. Qanllata mana saqewanchu, imajtinchus qanqa warmin kanki. Ajinaqa, imaynatataj chay jina millayta ruwaspa, Diospa contranpi juchalliymanri? nispa.
10Chaywanpis chay warmeqa sapa p'unchay Joseta qhatiykacharqa, paywan puñuykunanta munaspa, payllawan kananta munaspa ima. Josetajrí mana uyariyllatapis munajchu. 11Uj kuti José Potifarpa wasiman yaykorqa, imachus ruwananta ruwaj. Mana pipis chaypi kashasqanta rikuspataj, 12Potifarpa warmenqa Joseta patanchakunan p'achamanta jap'iykuspa, nerqa: Puñuna, nispa. Josetajrí chay p'achanta warmej makinpi saqerparispa, wasimanta jawaman ayqerikaporqa.
13Chantá chay warmeqa José ayqespa makinpi patanchana p'achata saqerparisqanta rikuspa, 14wasinpi kaj kamachinkunata wajyaspa, nerqa: Rikunkichejchu, qosayqa kay hebreo runata pusamun noqanchejmanta alqochakunawanchejpaj. Wasipi kashajtiy, noqawan puñuykuyta munaspa yaykuykamorqa, noqatajrí jatunmanta qhaparikorqani. 15Paytaj sinch'ita qhaparikusqayta uyarispa, p'achanta makiypi saqerparerqa, chaymantataj jawaman ima jina ayqerikaporqa, nispa.
16Chantá chay warmeqa Josejpa p'achanta qosan chayamunankama jallch'arqa. 17Qosan chayamojtintaj, kikillantataj willarqa: Chay wata runa hebreota pusamusqaykeqa alqochakuwayta munaspa, cuartoyman yaykuykamorqa. 18Noqatajrí jatunmanta tukuy kallpaywan qhaparejtiy, payqa p'achanta saqerparispa, ima jina jawaman ayqerikaporqa. 19Ajinata kamachiykeqa noqata ruwawan, nispa.
Potifarqa warmin imatachus willasqanta uyarispa, Josepaj maytapuni phiñakorqa. 20Chantá Joseta jap'ichiytawan, wisq'aykucherqa, maypichus kuraj kamachejpa presochasqankuna kasharqanku, chayman.
21José carcelpi kashajtinpis, Tata Dios paywanpuni karqa, khuyakuspataj, tukuy imapi payta yanaparqa. Chayrayku Joseqa carcelta qhawaj kamachejwanñataj munachikorqa. 22Chayrayku carcelpi kamachejqa Joseta churarqa carcelpi presokunata qhawananpaj. Ajinapi payqa carcelpi tukuy imachus ruwanamanta yachaj karqa. 23Chayrayku carcelmanta cuentayoj runaqa José imatachus ruwashasqanta mana qhawajchu, imaraykuchus Tata Dios Josewan kasqanrayku tukuy ima ruwasqanpi allin rerqa.
Currently Selected:
Génesis 39: DQPC
Highlight
Share
Copy
Want to have your highlights saved across all your devices? Sign up or sign in
Revisión Biblia Quechua Boliviano © Sociedad Bíblica Boliviana, 2017.
Génesis 39
39
Tata Diosqa Joseta yanapan
1Ismaelitakunaqa Joseta Egiptoman aparqanku. Chaypitaj Egipto llajtayoj Potifar payta rantikorqa. Potifarqa Egipto suyuta kuraj kamachejpata yanapajnin karqa, payta qhawaj soldadokunaj capitanninku. 2Jinapi Tata Diosqa Josewan kasharqa. Chayrayku José Egipto llajtayoj patronninpapi kashajtin, tukuy imapi allin rerqa. 3Patronnintaj repararqa Tata Diosqa Josewan kashasqanta, chayraykutaj Joseta tukuy ima ruwasqanpi allin rishasqanta. 4Chayrayku Joseqa patronninwan maytapuni munachikorqa. Chantá Potifarqa Joseta tukuy kapuyninmanta, wasinpi kajkunamantawan mayordomo kananpaj churarqa. 5Chaymantapacha Tata Dios Joserayku Potifarta samincharqa. Wasinpi tukuy ima kajpi, jinataj chajranpipis Tata Dios yanaparqa. 6Tukuy tiyapusqanta Josejpa makinman saqespa, Potifarqa manaña imamantapis llakikorqañachu, manachayqa mikhunallanmantaña.
José allin rijch'ayniyoj, alajitu runa karqa. 7Chay qhepamantaj Potifarpa warmenqa Joseta munapayaspa, uj kuti nerqa: Jamuy, noqawan puñunaykita munani, nispa.
8Joserí manapuni munarqachu, nerqataj: Patronneyqa niwan noqa tukuy imanmanta cuentayoj kanayta. Noqa kaypi kashajteyqa, mana imamantapis llakikunanchu tiyan. 9Kay wasipi mana pipis noqamanta aswan atiyniyoj kanchu, patronniytaj tukuy imata makiyman saqewan. Qanllata mana saqewanchu, imajtinchus qanqa warmin kanki. Ajinaqa, imaynatataj chay jina millayta ruwaspa, Diospa contranpi juchalliymanri? nispa.
10Chaywanpis chay warmeqa sapa p'unchay Joseta qhatiykacharqa, paywan puñuykunanta munaspa, payllawan kananta munaspa ima. Josetajrí mana uyariyllatapis munajchu. 11Uj kuti José Potifarpa wasiman yaykorqa, imachus ruwananta ruwaj. Mana pipis chaypi kashasqanta rikuspataj, 12Potifarpa warmenqa Joseta patanchakunan p'achamanta jap'iykuspa, nerqa: Puñuna, nispa. Josetajrí chay p'achanta warmej makinpi saqerparispa, wasimanta jawaman ayqerikaporqa.
13Chantá chay warmeqa José ayqespa makinpi patanchana p'achata saqerparisqanta rikuspa, 14wasinpi kaj kamachinkunata wajyaspa, nerqa: Rikunkichejchu, qosayqa kay hebreo runata pusamun noqanchejmanta alqochakunawanchejpaj. Wasipi kashajtiy, noqawan puñuykuyta munaspa yaykuykamorqa, noqatajrí jatunmanta qhaparikorqani. 15Paytaj sinch'ita qhaparikusqayta uyarispa, p'achanta makiypi saqerparerqa, chaymantataj jawaman ima jina ayqerikaporqa, nispa.
16Chantá chay warmeqa Josejpa p'achanta qosan chayamunankama jallch'arqa. 17Qosan chayamojtintaj, kikillantataj willarqa: Chay wata runa hebreota pusamusqaykeqa alqochakuwayta munaspa, cuartoyman yaykuykamorqa. 18Noqatajrí jatunmanta tukuy kallpaywan qhaparejtiy, payqa p'achanta saqerparispa, ima jina jawaman ayqerikaporqa. 19Ajinata kamachiykeqa noqata ruwawan, nispa.
Potifarqa warmin imatachus willasqanta uyarispa, Josepaj maytapuni phiñakorqa. 20Chantá Joseta jap'ichiytawan, wisq'aykucherqa, maypichus kuraj kamachejpa presochasqankuna kasharqanku, chayman.
21José carcelpi kashajtinpis, Tata Dios paywanpuni karqa, khuyakuspataj, tukuy imapi payta yanaparqa. Chayrayku Joseqa carcelta qhawaj kamachejwanñataj munachikorqa. 22Chayrayku carcelpi kamachejqa Joseta churarqa carcelpi presokunata qhawananpaj. Ajinapi payqa carcelpi tukuy imachus ruwanamanta yachaj karqa. 23Chayrayku carcelmanta cuentayoj runaqa José imatachus ruwashasqanta mana qhawajchu, imaraykuchus Tata Dios Josewan kasqanrayku tukuy ima ruwasqanpi allin rerqa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Revisión Biblia Quechua Boliviano © Sociedad Bíblica Boliviana, 2017.