Génesis 41
41
Joseqa faraonpa mosqokusqanta sut'inchan
1Iskay watanman jina, faraón mosqokorqa. Mosqoyninpitaj payqa Nilo mayu kantupi kashasqa. 2Jinallaman qanchis sumachaj wira wakakunata rikusqa, mayumanta llojsimuspa, mayu kantupi q'achuta mikhushajta. 3Chaykunaj qhepantataj mayumanta qanchis millay rajchi wakakuna llojsimullasqankutaj. Chantá mayu kantupi wira wakakunaj ñawpaqenkupi sayasqanku. 4Chantá millay rajchi wakakunaqa wira wakakunata mikhukapusqanku. Ajinata mosqokushaspa, faraonqa rijch'arerqa.
5Chantá ujtawan puñukapuspa, mosqokullarqataj. Chaypacha rikusqa sumaj poqosqa qanchis trigo umata uj yurallamanta llojsishajta. 6Chaykunaj qhepantataj llojsimullasqankutaj ch'aki wayraj ch'akichisqan, qanchis ch'usu trigo umakuna. 7Chay ch'usu trigo umakunataj qanchis sumachaj trigo umakunata mikhuykusqanku. Chantá faraón rijch'arispa, mosqokusqallanta reparakorqa.
8Q'ayantin paqarin faraón manchay phutisqa kasharqa. Chayrayku Egiptomanta tukuy watojkunata chantá tukuy yachayniyojkunata ima wajyacherqa. Chaywanpis faraón mosqokusqanta willajtin, ni pipis sut'inchayta aterqankuchu.
9Chantá vinota jaywajkunaj kuraj kamachejninku faraonta nerqa: Kunan noqa mana allinta ruwasqayta yuyarikuni. 10Maypachachus t'anta ruwajkunaj kamachejpa contranta, noqaj contraytawan qan phiñakorqanki chaypacha, qhawaj soldadokunaj capitanpa wasinpi carcelman wisq'achiwarqayku. 11Chantá uj ch'isilla paypis, noqapis mosqokorqayku, sapa ujpa mosqokusqaykutaj noqaykupaj imachus kananmanta niyta munasqa. 12Chayllapitaj uj hebreo waynuchu kasharqa. Payqa capitanpa kamachin karqa. Mosqokusqaykuta payman willarikorqayku, paytaj sut'inchawarqayku noqaykuwan imachus kananmanta. 13Chantá sut'inchawasqaykuman jina kikin karqa. Noqaqa ruwanayman kutiykuchisqa karqani, chay ujtaj sipisqa karqa, nispa.
14Jinapi faraón Joseta wajyachejtin, usqhayllata payta carcelmanta orqhomorqanku. Josetaj chujchanta k'utuchikuspa, chantá waj p'achatawan churakuspa, faraonpa ñawpaqenman rerqa. 15Faraontaj Joseta nerqa: Noqa mosqokorqani, nitaj pipis sut'inchayta atiwanchu. Chaywanpis uyarini pipis mosqokusqankuta willasojtinku, qanpis sut'inchasqaykita, nispa.
16Josetaj faraonta nerqa: Chayqa mana noqamantachu, Dioslla atin allinniykipaj sut'inchasuyta, nispa.
17Chantá Joseman faraón nerqa: Mosqoyniypi Nilo mayu patapi sayashasqani. 18Chantá jinallaman mayumanta qanchis sumachaj wira wakakuna llojsimuspa, mayu kantupi q'achuta mikhushasqanku. 19Chaykunaj qhepankutataj qanchis millay rajchi wakakuna llojsimullasqankutaj. Chay jina rajchi wakakunata tukuy Egiptopi mana jayk'ajpis rikorqanichu. 20Chantá chay qanchis millay rajchi wakakunaqa qanchis sumaj wira wakakunata mikhukapusqanku. 21Wira wawakunata mikhukapushajtinkupis, mikhukapusqankuta mana pipis reparasqachu, imaraykuchus ñawpata jina rajchillapuni kashasqanku. Noqataj jinallapi rijch'arerqani.
22Chantá puñukapuspa, ujtawan mosqokullarqanitaj. Qanchis sumaj trigo uma uj yurallamanta llojsisqanta rikorqani. 23Jinallataj, ch'aki wayraj ch'akichisqan qanchis ch'usu trigo umata rikullarqanitaj. 24Chantá qanchis ch'usu trigo umaqa sumachaj trigo umata mikhuykusqanku. Mosqokuspa imatachus rikusqayta yachajkunaman willarqani, nitaj pipis imatachus niyta munasqanta sut'inchayta atiwankuchu, nispa.
25Chantá José faraonta nerqa: Iskaynin mosqokusqaykeqa ujlla kanku. Ajinamanta Diosmin imatachus ruwayta yuyashasqanta yachayta qoshasunki. 26Qanchis wira wakakunaqa qanchis watawan ninakun, kikillantataj niyta munan qanchis sumaj trigo umakunapis. Chay iskaynin mosqoykuna ujllata niyta munan. 27Wira wakakunaj qhepanta qanchis millay rajchi wakakuna llojsimojkunaqa qanchis watawan ninakullantaj, jinallataj ch'aki wayraj ch'akichisqan chay qanchis ch'usu trigo umapis. Chay niyta munan qanchis watata yarqhay kananta.
28Imachus kajllata qanman willashayki: Dios imatachus ruwananta qanman yachachishasunki. 29Tukuy Egipto suyupi qanchis watata chajra sumajta poqonqa. 30Chantá chay qhepata qanchis watatataj mana mikhuna kanqachu. Chaypacha ñawpajta ashkha mikhuna kasqanta ni pipis yuyarikonqachu. Ajinata yarqhayqa tukuy Egipto suyupi tiyakojkunata ñak'arichenqa. 31Yarqhayqa anchapuni kanqa, chayraykutaj ñawpajta ashkha mikhuna kasqanmanta mana pipis yuyarenqachu. 32Qan iskay kutita kikillantapuni mosqokusqaykeqa niyta munan Dios imatachus nisqanta ruwanantapuni. Arí, imatachus nisqanta usqhayllata ruwanqa.
33Chayrayku kuraj kamachejníy, chay yarqhay watakuna jamusqanrayku allin kanman allin yuyayniyoj, yachayniyoj runata mask'anayki, chantá Egipto suyuta kamachinanpaj churanayki. 34Jinataj kaytawan ruwawaj: Kamachejkunata churallawajtaj, paykuna tukuy Egiptopi qanchis watata chajra sumajta poqosqanmanta phishqaman t'aqaspa, ujta tantanankupaj. 35Jamoj sumaj watakunapi trigota tantachunku. Chantá qanpa rikunaykita llajtakunapi pirwachunku, yarqhay watapi tukuy runapaj mikhuna kananpaj. 36Pirwasqanku trigo tukuy Egipto suyupaj kanqa, qanchis wata yarqhaypi runakuna ama yarqhaywan wañunankupaj, nispa.
José Egipto suyupi kamachin
37Ajinaqa faraonman, jinallataj yanapajkunamanpis Josejpa yuyaychasqan allin rijch'arqa. 38Chantá faraón nerqa: Joseta jina Diospa espiritunwan kaj runataqa mana maypipis tarisunmanchu, nispa.
39Chantá faraonqa Joseta nerqa: Mana pipis qan jina sumaj yuyayniyoj, yachayniyoj runaqa kanchu. Kay tukuy imachus kananmanta Diosllamin qanman yachachisunki. 40Chayrayku qanmin kamachinay wasipi imachus ruwanata kamachiy ari, tukuytaj qanpa kamachisqaykita kasusonqanku. Noqalla qanmanta aswan kuraj kasaj, imaraykuchus noqaqa kuraj kamachej kani.
41Noqaqa qanta tukuy Egipto suyuta kamachinaykipaj churayki, nispa. 42Jinata niytawantaj, faraonqa selloyoj anillonta makinmanta orqhokuytawan, Josejpa makinman churaykorqa. Chaymantataj sumaj linomanta ruwasqa p'achata churanankuta kamacherqa. Jinaspataj, Josejpa kunkanman qorimanta ruwasqa walqatapis churaykucherqa. 43Chaymantataj faraonqa Joseta iskay kaj carretanman wicharicherqa. Chantá faraón kamachinkunata kamacherqa Joséj ñawpaqenta qhaparispa, rinankuta: Qonqorikuychej, nispa. Ajinata Joseqa Egipto suyuta kamachinanpaj churasqa karqa. 44Faraontaj Joseta nerqa: Noqa faraón kani. Chaywanpis kay tukuynin Egipto suyupeqa kamachejtillayki runakuna imatapis ruwanqanku.
45Chantá faraón Joseta “Safenat Paneaj”, nispa suticharqa. Chaymantataj payta On llajtamanta sacerdote Potiferaj ususin Asenatwan casaracherqa. Chay qhepatataj José tukuy Egipto suyuta muyurimorqa. 46Maypachachus Joseta Egiptopi kuraj kamachejman pusarqanku chaypacha, pay kinsa chunka watayoj karqa. Chantá Joseqa faraonpa ñawpaqenmanta llojsispa, tukuy Egipto suyuta purimuyta qallarerqa.
47Jinataj chay qanchis sumaj watapi chajraqa manchay sumajta poqorqa. 48Chay sumaj watapi tukuy Egipto suyupi chajra poqojta José waqaychacherqa. Sapa llajtapi muyuyninpi poqojta pirwacherqa. 49Joseqa mama qocha kantupi jina t'iyu chhikatapuni trigota oqharerqa. Chay chhika trigota manaña tupuspachu jap'ej, jinallataña pirwachej, ashkha kasqanrayku.
50Manaraj chay yarqhay wata chayamushajtin, Josejta Asenat warminpi iskayña churinkuna karqanku. Asenatqa On llajtapi sacerdote Potiferaj ususin karqa. 51José kuraj kaj wawanta “Manasés” sutiwan suticharqa, imaraykuchus nerqa: Dios tukuy llakiyniyta, aylluytawan qonqachiwan, nispa. 52Sullk'a kajtataj “Efraín” sutiwan suticharqa, imaraykuchus nerqa: Diosqa llakiywan ñak'arisqay llajtapi wawa rejsinayta munan, nispa.
53Ajinata qanchis sumaj wata kanan Egiptopi junt'akorqa. 54Josejpa nisqanman jinataj, qanchis yarqhay wata qallarerqa. Tukuy waj suyukunapipis yarqhay kallarqataj. Chaywanpis Egiptollapi mana yarqhay karqachu, imajtinchus mikhuna kallarqa. 55Egiptopi mikhuymanta pisiyta qallarerqanku chaypacha, llajtayojkuna mikhunata mañakoj faraonman rerqanku. Faraontaj nerqa: Rispa, Josemanta mañakamuychej, ruwaychejtaj paypa nisqanta, nispa.
56Tukuy suyupi manaña mikhuna kajtin, Joseqa trigo pirwakunata kicharerqa, Egipto llajtayojkunaman trigota vendenanpaj, imaraykuchus mikhunamanta pisichikuy astawan astawan kasharqa. 57Tukuy waj suyukunamantapis Egiptoman Josemanta trigota rantikoj jamullarqankutaj, imaraykuchus ni mayqen suyupi mikhuna karqañachu.
Currently Selected:
Génesis 41: DQPC
Highlight
Share
Copy
Want to have your highlights saved across all your devices? Sign up or sign in
Revisión Biblia Quechua Boliviano © Sociedad Bíblica Boliviana, 2017.
Génesis 41
41
Joseqa faraonpa mosqokusqanta sut'inchan
1Iskay watanman jina, faraón mosqokorqa. Mosqoyninpitaj payqa Nilo mayu kantupi kashasqa. 2Jinallaman qanchis sumachaj wira wakakunata rikusqa, mayumanta llojsimuspa, mayu kantupi q'achuta mikhushajta. 3Chaykunaj qhepantataj mayumanta qanchis millay rajchi wakakuna llojsimullasqankutaj. Chantá mayu kantupi wira wakakunaj ñawpaqenkupi sayasqanku. 4Chantá millay rajchi wakakunaqa wira wakakunata mikhukapusqanku. Ajinata mosqokushaspa, faraonqa rijch'arerqa.
5Chantá ujtawan puñukapuspa, mosqokullarqataj. Chaypacha rikusqa sumaj poqosqa qanchis trigo umata uj yurallamanta llojsishajta. 6Chaykunaj qhepantataj llojsimullasqankutaj ch'aki wayraj ch'akichisqan, qanchis ch'usu trigo umakuna. 7Chay ch'usu trigo umakunataj qanchis sumachaj trigo umakunata mikhuykusqanku. Chantá faraón rijch'arispa, mosqokusqallanta reparakorqa.
8Q'ayantin paqarin faraón manchay phutisqa kasharqa. Chayrayku Egiptomanta tukuy watojkunata chantá tukuy yachayniyojkunata ima wajyacherqa. Chaywanpis faraón mosqokusqanta willajtin, ni pipis sut'inchayta aterqankuchu.
9Chantá vinota jaywajkunaj kuraj kamachejninku faraonta nerqa: Kunan noqa mana allinta ruwasqayta yuyarikuni. 10Maypachachus t'anta ruwajkunaj kamachejpa contranta, noqaj contraytawan qan phiñakorqanki chaypacha, qhawaj soldadokunaj capitanpa wasinpi carcelman wisq'achiwarqayku. 11Chantá uj ch'isilla paypis, noqapis mosqokorqayku, sapa ujpa mosqokusqaykutaj noqaykupaj imachus kananmanta niyta munasqa. 12Chayllapitaj uj hebreo waynuchu kasharqa. Payqa capitanpa kamachin karqa. Mosqokusqaykuta payman willarikorqayku, paytaj sut'inchawarqayku noqaykuwan imachus kananmanta. 13Chantá sut'inchawasqaykuman jina kikin karqa. Noqaqa ruwanayman kutiykuchisqa karqani, chay ujtaj sipisqa karqa, nispa.
14Jinapi faraón Joseta wajyachejtin, usqhayllata payta carcelmanta orqhomorqanku. Josetaj chujchanta k'utuchikuspa, chantá waj p'achatawan churakuspa, faraonpa ñawpaqenman rerqa. 15Faraontaj Joseta nerqa: Noqa mosqokorqani, nitaj pipis sut'inchayta atiwanchu. Chaywanpis uyarini pipis mosqokusqankuta willasojtinku, qanpis sut'inchasqaykita, nispa.
16Josetaj faraonta nerqa: Chayqa mana noqamantachu, Dioslla atin allinniykipaj sut'inchasuyta, nispa.
17Chantá Joseman faraón nerqa: Mosqoyniypi Nilo mayu patapi sayashasqani. 18Chantá jinallaman mayumanta qanchis sumachaj wira wakakuna llojsimuspa, mayu kantupi q'achuta mikhushasqanku. 19Chaykunaj qhepankutataj qanchis millay rajchi wakakuna llojsimullasqankutaj. Chay jina rajchi wakakunata tukuy Egiptopi mana jayk'ajpis rikorqanichu. 20Chantá chay qanchis millay rajchi wakakunaqa qanchis sumaj wira wakakunata mikhukapusqanku. 21Wira wawakunata mikhukapushajtinkupis, mikhukapusqankuta mana pipis reparasqachu, imaraykuchus ñawpata jina rajchillapuni kashasqanku. Noqataj jinallapi rijch'arerqani.
22Chantá puñukapuspa, ujtawan mosqokullarqanitaj. Qanchis sumaj trigo uma uj yurallamanta llojsisqanta rikorqani. 23Jinallataj, ch'aki wayraj ch'akichisqan qanchis ch'usu trigo umata rikullarqanitaj. 24Chantá qanchis ch'usu trigo umaqa sumachaj trigo umata mikhuykusqanku. Mosqokuspa imatachus rikusqayta yachajkunaman willarqani, nitaj pipis imatachus niyta munasqanta sut'inchayta atiwankuchu, nispa.
25Chantá José faraonta nerqa: Iskaynin mosqokusqaykeqa ujlla kanku. Ajinamanta Diosmin imatachus ruwayta yuyashasqanta yachayta qoshasunki. 26Qanchis wira wakakunaqa qanchis watawan ninakun, kikillantataj niyta munan qanchis sumaj trigo umakunapis. Chay iskaynin mosqoykuna ujllata niyta munan. 27Wira wakakunaj qhepanta qanchis millay rajchi wakakuna llojsimojkunaqa qanchis watawan ninakullantaj, jinallataj ch'aki wayraj ch'akichisqan chay qanchis ch'usu trigo umapis. Chay niyta munan qanchis watata yarqhay kananta.
28Imachus kajllata qanman willashayki: Dios imatachus ruwananta qanman yachachishasunki. 29Tukuy Egipto suyupi qanchis watata chajra sumajta poqonqa. 30Chantá chay qhepata qanchis watatataj mana mikhuna kanqachu. Chaypacha ñawpajta ashkha mikhuna kasqanta ni pipis yuyarikonqachu. Ajinata yarqhayqa tukuy Egipto suyupi tiyakojkunata ñak'arichenqa. 31Yarqhayqa anchapuni kanqa, chayraykutaj ñawpajta ashkha mikhuna kasqanmanta mana pipis yuyarenqachu. 32Qan iskay kutita kikillantapuni mosqokusqaykeqa niyta munan Dios imatachus nisqanta ruwanantapuni. Arí, imatachus nisqanta usqhayllata ruwanqa.
33Chayrayku kuraj kamachejníy, chay yarqhay watakuna jamusqanrayku allin kanman allin yuyayniyoj, yachayniyoj runata mask'anayki, chantá Egipto suyuta kamachinanpaj churanayki. 34Jinataj kaytawan ruwawaj: Kamachejkunata churallawajtaj, paykuna tukuy Egiptopi qanchis watata chajra sumajta poqosqanmanta phishqaman t'aqaspa, ujta tantanankupaj. 35Jamoj sumaj watakunapi trigota tantachunku. Chantá qanpa rikunaykita llajtakunapi pirwachunku, yarqhay watapi tukuy runapaj mikhuna kananpaj. 36Pirwasqanku trigo tukuy Egipto suyupaj kanqa, qanchis wata yarqhaypi runakuna ama yarqhaywan wañunankupaj, nispa.
José Egipto suyupi kamachin
37Ajinaqa faraonman, jinallataj yanapajkunamanpis Josejpa yuyaychasqan allin rijch'arqa. 38Chantá faraón nerqa: Joseta jina Diospa espiritunwan kaj runataqa mana maypipis tarisunmanchu, nispa.
39Chantá faraonqa Joseta nerqa: Mana pipis qan jina sumaj yuyayniyoj, yachayniyoj runaqa kanchu. Kay tukuy imachus kananmanta Diosllamin qanman yachachisunki. 40Chayrayku qanmin kamachinay wasipi imachus ruwanata kamachiy ari, tukuytaj qanpa kamachisqaykita kasusonqanku. Noqalla qanmanta aswan kuraj kasaj, imaraykuchus noqaqa kuraj kamachej kani.
41Noqaqa qanta tukuy Egipto suyuta kamachinaykipaj churayki, nispa. 42Jinata niytawantaj, faraonqa selloyoj anillonta makinmanta orqhokuytawan, Josejpa makinman churaykorqa. Chaymantataj sumaj linomanta ruwasqa p'achata churanankuta kamacherqa. Jinaspataj, Josejpa kunkanman qorimanta ruwasqa walqatapis churaykucherqa. 43Chaymantataj faraonqa Joseta iskay kaj carretanman wicharicherqa. Chantá faraón kamachinkunata kamacherqa Joséj ñawpaqenta qhaparispa, rinankuta: Qonqorikuychej, nispa. Ajinata Joseqa Egipto suyuta kamachinanpaj churasqa karqa. 44Faraontaj Joseta nerqa: Noqa faraón kani. Chaywanpis kay tukuynin Egipto suyupeqa kamachejtillayki runakuna imatapis ruwanqanku.
45Chantá faraón Joseta “Safenat Paneaj”, nispa suticharqa. Chaymantataj payta On llajtamanta sacerdote Potiferaj ususin Asenatwan casaracherqa. Chay qhepatataj José tukuy Egipto suyuta muyurimorqa. 46Maypachachus Joseta Egiptopi kuraj kamachejman pusarqanku chaypacha, pay kinsa chunka watayoj karqa. Chantá Joseqa faraonpa ñawpaqenmanta llojsispa, tukuy Egipto suyuta purimuyta qallarerqa.
47Jinataj chay qanchis sumaj watapi chajraqa manchay sumajta poqorqa. 48Chay sumaj watapi tukuy Egipto suyupi chajra poqojta José waqaychacherqa. Sapa llajtapi muyuyninpi poqojta pirwacherqa. 49Joseqa mama qocha kantupi jina t'iyu chhikatapuni trigota oqharerqa. Chay chhika trigota manaña tupuspachu jap'ej, jinallataña pirwachej, ashkha kasqanrayku.
50Manaraj chay yarqhay wata chayamushajtin, Josejta Asenat warminpi iskayña churinkuna karqanku. Asenatqa On llajtapi sacerdote Potiferaj ususin karqa. 51José kuraj kaj wawanta “Manasés” sutiwan suticharqa, imaraykuchus nerqa: Dios tukuy llakiyniyta, aylluytawan qonqachiwan, nispa. 52Sullk'a kajtataj “Efraín” sutiwan suticharqa, imaraykuchus nerqa: Diosqa llakiywan ñak'arisqay llajtapi wawa rejsinayta munan, nispa.
53Ajinata qanchis sumaj wata kanan Egiptopi junt'akorqa. 54Josejpa nisqanman jinataj, qanchis yarqhay wata qallarerqa. Tukuy waj suyukunapipis yarqhay kallarqataj. Chaywanpis Egiptollapi mana yarqhay karqachu, imajtinchus mikhuna kallarqa. 55Egiptopi mikhuymanta pisiyta qallarerqanku chaypacha, llajtayojkuna mikhunata mañakoj faraonman rerqanku. Faraontaj nerqa: Rispa, Josemanta mañakamuychej, ruwaychejtaj paypa nisqanta, nispa.
56Tukuy suyupi manaña mikhuna kajtin, Joseqa trigo pirwakunata kicharerqa, Egipto llajtayojkunaman trigota vendenanpaj, imaraykuchus mikhunamanta pisichikuy astawan astawan kasharqa. 57Tukuy waj suyukunamantapis Egiptoman Josemanta trigota rantikoj jamullarqankutaj, imaraykuchus ni mayqen suyupi mikhuna karqañachu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Revisión Biblia Quechua Boliviano © Sociedad Bíblica Boliviana, 2017.