luka 8
8
to'ofeihni to iesu ci maamespingi
1mohcu ake'i aomane, mo smaingabo ta mahohosa ho mayoyou 'o iesu, psoyom'a 'o fukuin no hpʉhpʉngʉ to hamo; mo to'ofeihni 'o maskʉ ueso ci tesi. 2panto mon'a piyo ci maamespingi, na'nosino 'o ohola poa yov'o ci isi ta'poe'i no h'aokuv'o ho ito tma'congo hocu yov'o; ta taicohe mo no'upu 'o maliya to motala, mosola pitu ci hicu 'o ohola peteoyafa to feangosi; 3i'on'a yoyana ci vcongʉ to khusa cila yaahioa to emoo to honte helote, ho i'o susanna, ac'ʉhʉ to mocmo ci maamespingi. la acʉhʉ titho to iachihe yupasʉ ho aʉt'ʉt'ʉca 'o iesu ho i'o tesisi.
epo'uso no miyapo
(matai 13:1-9; maluko 4:1-9)
4i'o botngonʉ ci cou mo i'vav'ov'o to mahohosa mauhpʉhpʉngʉ ho baito to iesu. nemo seolʉa no yu'eteuyunu 'omo botngonʉ ci cou, isi mi'usni to iesu ho engha 'o epo'usa ta oi'isi:
5<panto cihi cimo miyapo to tutu mo yuyafo ho yapneni 'o tutu. ne isi yapneni, piyo ci tutu mo suaskiti to ceonʉ, ihe p'ecihi to cou, mei'usni to zomʉ ho ana. 6piyo 'omo su'to yuyu'eo, ne micu cmʉfeʉ 'o tutu. moc'o osni somiʉ hocu keolo, mo maica ho o'amo sof'u. 7piyo ci tutu mo su'ayumonʉ to cʉcʉmʉ, mo yu'upu cmʉfeʉ 'o cʉmʉ, isicu ta'poe'i 'o cʉfeʉ. 8'o mocmo to tutu mo su'to mo ʉmnʉ 'o ceoasi, cu cmʉfeʉ, yʉʉlʉlʉ, beahci ho se'conza 'omo apuhngu.>
i'vaha yainca to iesu: <namo yaa koyua, acʉhʉ'so tmalʉ!>
atuhcusi ta epo'usa
(matai 13:10-17; maluko 4:10-12)
9mo uso 'o tesi to iesu ho tuocosi na e'ausna ta epo'usa. 10isi yainca to iesu: <inamo natʉ'ca na mau'to'tohʉngʉ ho moumsʉ'eonʉ no hpʉhpʉngʉ to hamo isicu faeni muu; inacu mocmo ci cou, te boemi ta epo'usa, poa teolʉ ho o'te honga, talʉi ho o'te ta'hongi.>
esansana 'e epo'usa no miyapo
(matai 13:18-23; maluko 4:13-20)
11<na e'ausna ta epo'usa tan'e mo maica: 'o tutu isi pas'usna to e'e to hamo. 12'emo suaskiti ta ceonʉ ci tutu, 'a isieno pas'usna ta cou ho micu tmalʉ ta e'e, cmʉ'ho na 'akuma, i'mi ta 'tohʉngʉhe ho ti'einga na ohsicu talʉi ci e'e. poa o'te meelʉ nomio no tmaa'uzo ho elʉ no to'usni. 13i'omo su'to yuyu'eo ci tutu, isi pas'usna ta cou ho micu tmac'ʉhʉ no e'e la tmakaebʉ ho tiova, at'inghi 'e e'e o'a mo bimsʉ'eonʉ biemisi ta 'tohʉngʉhe; lac'o akameosʉ tmaa'uzo, hoci yupteilʉ no hʉsvʉta cu o'tena biv'ohʉ. 14i'omo su'ayumonʉ to cʉcʉmʉ, isi pas'usna ta cou ho micu tmac'ʉhʉ ta e'e, at'inghi na ma'tipvongʉ no h'oyunsova, eepecvaza no yuyupasʉ ho micic'o kokaekaebʉ, hocu timcoza na ntohsi nsou ta e'e, o'tena meelʉ beahci nomo yʉepʉngi ci beahci. 15i'omo su'to bangnu ci ceoa, isi pas'usna ta cou homo tmalʉ ta e'e, la boemi no mou'ʉmnʉ ho mou'ʉmtʉ ci 'tohʉngʉ ho noyʉcʉ ta e'e, ma'hʉhʉyʉ mooteo. ac'ʉhʉ ho micu beahci.>
nof'uf'u to pangka ci lampu
(maluko 4:21-25)
16<uk'a cite sotiskou ho tofeʉ'si, hocieno yaa ho sof'uf'a no hopo. 'atesi ahtao'te pasopaeva no totnguca lampu, poa teolʉ no tiskova nate yʉmeʉmʉ ci cou. 17acʉcʉhʉ 'ola efʉefʉnga ci hi'hioa la conino epeaska, 'ola afu'a feʉfeʉ'sa ci hi'hioa, te yaeza epopayoa. ho toehunga cohivi.
18<ko'koeno, temu butatalʉi; maica namo panocu, te fii nomo asuhcu man'i; namo uk'a, te tas'upa na isi ta'unano panon'a ci ake'isi ho yaeza ti'einga.>
ino ho i'o nanat'ot'ohaesa to iesu
(matai 12:46-50; maluko 3:31-35)
19'o ino to iesu ho i'o nanat'ot'ohaesasi mo cmʉ'ho tehe aiti 'o iesu, at'inghi maica homo angu botngonʉ 'o cou, o'aihe peelʉi ohcum'a 'o iesu. 20panto mo eʉsvʉtʉ to iesu: <'o inosu ho i'o nanat'ot'ohaesasu mo yac'ʉ ta yafana. matenana baito suu!>
21isi mi'usni to iesu ho yainca: <ina la tmalʉ no e'e to hamo ho peis'ofeihni, ci 'aeno ino'u ho nat'ohaesa'u!>
eususeoma to iesu 'o poepe ho smahu
(matai 8:23-27; maluko 4:35-41)
22moso conci hie, mo smo'apangʉ 'o iesu ho i'o tesi, mi'usni to iesu 'o tesi ho yainca: <teto ohpihi ta ta'esi ta etʉpʉ.> micu e'ohʉ. 23ne mo aot'ou 'o 'apangʉ, mo oengʉtʉ 'o iesu. akameosʉ na'no taso 'o poepe to etʉpʉ, isi sangcʉngci to chumu 'o 'apangʉ, hocu kuici sokoeva. 24ihe poecʉ'va to tesi 'o iesu, yainca: <sensei, sensei, temiacu mon'i mcoi!>
peihsasmome 'o iesu, t'ʉtei 'o taso ci poepe ho i'o smahu, cu tosvo 'o poepe ho i'o smahu, hocu suseomʉ 'o etʉpʉ. 25isi tuocosi to iesu 'o tesi: <mo yonenu na singkoomu?>
ihe smoyoa ho taunona'vʉ, yupa mainca: <ma atuhcu siyas'a na taini? ho isi pashʉi si poepe ho smahu, mo maezo tmalʉ si poepe ho smahu!>
aotothoma to iesu 'o isi cʉnghi to hicu ci cou
(matai 8:28-34; maluko 5:1-20)
26mo ohpihi to etʉpʉ ta ngalilaya ho uhto mia'usnu to kolasin. 27ne micu tmo'poyapo 'o iesu, to ic'o panto cihi ci isi cʉnghi no hicu ci cou mo mingeou ho emo'usnu. 'e cou eni micu noana'o ho o'amo sʉ'eʉsʉ, o'ala yono emoo, la yontohe feongo to heuf'a. 28ne isicu aiti 'o iesu, cu aha'o moozoyʉ, m'ocnguyu to tuhcu to iesu, tmunoi mainca: <oko to sopepea hamo ci iesu, mainci uhtan'e ho 'afeo'fu'a a'o? te'o epici to hamo ho m'ene suu. teav'a pohtutumza a'o!> 29homo mainca 'o e'esi maica ho ohsiso pashʉi to iesu 'e h'aokuv'o ho poa mongoi ta feango ta cou tan'e. isi siho tʉtpʉta to h'aokuv'o, upena ne isi poekotva ho seo'eisi to ekʉka, isic'o peelʉi yʉntʉha 'o ekʉka, noa popeoyʉn'ʉa to hicu.
30isi tuocosi to iesu: <cumas'a na ongkosu?>
isi yut'inga: <'a <<botngonʉ>> a'o>, maica mo botngonʉ ci hicu 'o mosola cʉnghʉ ta feangosi. 31mo mi'usnu to iesu 'o hicu ho m'eya o'te 'ahʉya popeo'ayumona no moumsʉ'eonʉ.
32to cum'usi to hcuyu mo 'oc'ocic'o yaa botngonʉ ci feʉ'ʉ mo eabobonʉ. mo mi'usnu to iesu 'o hicu ho m'eya teomneni yʉmeʉmʉ to botngonʉ ci feʉ'ʉ; isicu teomneni to iesu. 33micu yuyafo to feango to cou 'o hicu, yʉmeʉmʉ to botngonʉ ci feʉ'ʉ; 'o botngonʉ ci feʉ'ʉ cu cono meitoeseo to tʉ'nʉ ho su'to etʉpʉ, engeosʉ hocu tʉcʉcʉhʉ.
34isi aiti to le'aʉt'ʉcʉ feʉ'ʉ 'e a'a'ausna eni, cu toekameosʉ, uhto mahohosa mayoyou ho eʉsvʉsvʉta. 35micu yuyafo 'o cou to ic'o, tehe aiti na a'a'ausnasi. mo uhto isi yoni to iesu, aiti 'o ohsi cʉnghi to hicu, mo yusuhngu to tuhcu to t'ango to iesu, micu sʉ'eʉsʉ ho ma'tʉtʉs'ʉ, cu aha'o ma'sasmoyo. 36i'o moso baito to a'a'ausna ci le'aʉt'ʉcʉ feʉ'ʉ. isi acʉha eʉsvʉsvʉta tamo botngonʉ na nia hiasi poa yov'o ta cou. 37'o cou to mia'usnu to kolasin ihe mi'usni 'o iesu ho poa mongoi to ic'o, maica ihe na'na smoyoa. micu smo'apangʉ 'o iesu ho mongoi. 38i'o ohsi cʉnghi to hicu ci cou mo mi'usnu to iesu ho mainca: <teko'so poa to'ofeihni a'o!>
at'inghi. isi cucufni to iesu ho poa maine'e, yainca: 39<teko maine'e. epeaska na isi hioaneni suu to hamo.>
cu a'ʉmtʉ e'ohʉ. smaingabo to hosa ho psoyom'a na ohsi hioaneni to iesu ci hi'hioa.
oko no mamespingi to ielu ho tma'sʉpcʉ ci mamespingi
(matai 9:18-26; maluko 5:21-43)
40mo yuovei to apihana to etʉpʉ 'o iesu, ihe yungeova to botngonʉ, maica ho ihe toehunga totea 'o iesu hote cmʉ'ho. 41panto cihi cila atuhcu aʉt'ʉcʉ to kaitoo, zou ielu 'o ongkosi. mo maezo esmi, mo m'ocnguyu to tuhcu to t'ango to iesu, m'eya poa uhto emoosi 'o iesu, 42maica ho tec'u mon'i mcoi 'o pecnia ci micu tomaska ueso ci oko nosi mamespingi. ne tesi usa to iesu, ihe skotva'oya tomo botngonʉ 'o iesu. 43panto cihi ci micu tomaska ueso cimo tma'sʉpcʉ ci mamespingi; isicu tocʉcʉhneni no leaotothomʉ na nia yupasʉsi#panto piyo ci tposʉ noana'o uk'a ci <isicu tocʉcʉhneni no leaotothomʉ na nia yupasʉsi>., uk'a cimoc'o meelʉ poa yov'oa. 44mo ohfaf'uhu to iesu, peuasa 'o pengpingna to yʉsʉ no aoskopa to iesu, cu osni tosvo 'o tma'sʉpcʉsi. 45isi tuocosi to iesu: <siya como aaso a'o?>
uk'a cimo ahtu mainca zou a'o. yainca to petelo: <sensei, si aukukuyungusu zou acʉhʉ cou, maihe toehunga skotva'oya suu!>
46at'inghi isi yainca to iesu: <'a panomio aaso a'o, maica os'o ta'hongi mo yaa i'mi ta feango'u ci tonʉ ho yuyafo!> 47isi cohivi to mamespingi ho isi ta'hongi to iesu, micu ma'eopeophi ho pop'up'ungu to tuhcu to iesu, yontomo botngonʉ ho eʉsvʉta to iesu, mo mainci isi peuasa 'o iesu, mo mainenu na hia osni yov'o. 48mi'usni to iesu ho yainca: <oko, isi to'usni ta singkoosu na suu! soanono'sio hocu maine'e.>
49ne isin'a seolʉa no e'e to iesu eni, panto cou cimo i'mi to emoo tola le'aʉt'ʉcʉ kaitoo, eʉsvʉta to ielu: <'amicu kuzo 'o okosu, teav'ana 'ahʉya poa a'ep'epo si sensei.>
50talʉi to iesu cu yainca 'o ielu: <'ote smoyo, lac'o tmaa'uzo! 'ate i'vaho ʉmnʉ.>
51ne micu esmi to emoo to ielu 'o iesu, tapeoha 'o petelo, yohane, yakovu, ho i'o maameoi to oko no mamespingi, o'a isi poa fiho yʉmeʉmʉ 'o mocmo ci cou. 52i'omo yonto ic'o ci cou. mo acʉhʉ tmunoi mongsi ho tngisi 'o oko. yainca to iesu: <'ote mongsi! mioeno ahtu mcoi si oko, 'amoc'o oengʉtʉ.>
53ihe toehunga cocvi, maica ho ihe cohivi ho micu mcoi 'o oko. 54isi e'tʉi to iesu 'o emucu to oko, zozoya yainca: <oko, yʉc'ʉ!> 55micu yuovei 'o hiosi, osnicu yʉc'ʉ. isi eutotaveiya to iesu ho ake'a poa bonʉa. 56mo na'no yamci 'o maameoi to oko no mamespingi, isi bueeutotaveiya to iesu, teav'a eʉsvʉta no mocmo ci cou 'emo yuyafo ci hi'hioa.
Currently Selected:
luka 8: bsnfe
Highlight
Share
Copy
Want to have your highlights saved across all your devices? Sign up or sign in
The Bible Society in Taiwan © 台灣聖經公會版權所有 2014
luka 8
8
to'ofeihni to iesu ci maamespingi
1mohcu ake'i aomane, mo smaingabo ta mahohosa ho mayoyou 'o iesu, psoyom'a 'o fukuin no hpʉhpʉngʉ to hamo; mo to'ofeihni 'o maskʉ ueso ci tesi. 2panto mon'a piyo ci maamespingi, na'nosino 'o ohola poa yov'o ci isi ta'poe'i no h'aokuv'o ho ito tma'congo hocu yov'o; ta taicohe mo no'upu 'o maliya to motala, mosola pitu ci hicu 'o ohola peteoyafa to feangosi; 3i'on'a yoyana ci vcongʉ to khusa cila yaahioa to emoo to honte helote, ho i'o susanna, ac'ʉhʉ to mocmo ci maamespingi. la acʉhʉ titho to iachihe yupasʉ ho aʉt'ʉt'ʉca 'o iesu ho i'o tesisi.
epo'uso no miyapo
(matai 13:1-9; maluko 4:1-9)
4i'o botngonʉ ci cou mo i'vav'ov'o to mahohosa mauhpʉhpʉngʉ ho baito to iesu. nemo seolʉa no yu'eteuyunu 'omo botngonʉ ci cou, isi mi'usni to iesu ho engha 'o epo'usa ta oi'isi:
5<panto cihi cimo miyapo to tutu mo yuyafo ho yapneni 'o tutu. ne isi yapneni, piyo ci tutu mo suaskiti to ceonʉ, ihe p'ecihi to cou, mei'usni to zomʉ ho ana. 6piyo 'omo su'to yuyu'eo, ne micu cmʉfeʉ 'o tutu. moc'o osni somiʉ hocu keolo, mo maica ho o'amo sof'u. 7piyo ci tutu mo su'ayumonʉ to cʉcʉmʉ, mo yu'upu cmʉfeʉ 'o cʉmʉ, isicu ta'poe'i 'o cʉfeʉ. 8'o mocmo to tutu mo su'to mo ʉmnʉ 'o ceoasi, cu cmʉfeʉ, yʉʉlʉlʉ, beahci ho se'conza 'omo apuhngu.>
i'vaha yainca to iesu: <namo yaa koyua, acʉhʉ'so tmalʉ!>
atuhcusi ta epo'usa
(matai 13:10-17; maluko 4:10-12)
9mo uso 'o tesi to iesu ho tuocosi na e'ausna ta epo'usa. 10isi yainca to iesu: <inamo natʉ'ca na mau'to'tohʉngʉ ho moumsʉ'eonʉ no hpʉhpʉngʉ to hamo isicu faeni muu; inacu mocmo ci cou, te boemi ta epo'usa, poa teolʉ ho o'te honga, talʉi ho o'te ta'hongi.>
esansana 'e epo'usa no miyapo
(matai 13:18-23; maluko 4:13-20)
11<na e'ausna ta epo'usa tan'e mo maica: 'o tutu isi pas'usna to e'e to hamo. 12'emo suaskiti ta ceonʉ ci tutu, 'a isieno pas'usna ta cou ho micu tmalʉ ta e'e, cmʉ'ho na 'akuma, i'mi ta 'tohʉngʉhe ho ti'einga na ohsicu talʉi ci e'e. poa o'te meelʉ nomio no tmaa'uzo ho elʉ no to'usni. 13i'omo su'to yuyu'eo ci tutu, isi pas'usna ta cou ho micu tmac'ʉhʉ no e'e la tmakaebʉ ho tiova, at'inghi 'e e'e o'a mo bimsʉ'eonʉ biemisi ta 'tohʉngʉhe; lac'o akameosʉ tmaa'uzo, hoci yupteilʉ no hʉsvʉta cu o'tena biv'ohʉ. 14i'omo su'ayumonʉ to cʉcʉmʉ, isi pas'usna ta cou ho micu tmac'ʉhʉ ta e'e, at'inghi na ma'tipvongʉ no h'oyunsova, eepecvaza no yuyupasʉ ho micic'o kokaekaebʉ, hocu timcoza na ntohsi nsou ta e'e, o'tena meelʉ beahci nomo yʉepʉngi ci beahci. 15i'omo su'to bangnu ci ceoa, isi pas'usna ta cou homo tmalʉ ta e'e, la boemi no mou'ʉmnʉ ho mou'ʉmtʉ ci 'tohʉngʉ ho noyʉcʉ ta e'e, ma'hʉhʉyʉ mooteo. ac'ʉhʉ ho micu beahci.>
nof'uf'u to pangka ci lampu
(maluko 4:21-25)
16<uk'a cite sotiskou ho tofeʉ'si, hocieno yaa ho sof'uf'a no hopo. 'atesi ahtao'te pasopaeva no totnguca lampu, poa teolʉ no tiskova nate yʉmeʉmʉ ci cou. 17acʉcʉhʉ 'ola efʉefʉnga ci hi'hioa la conino epeaska, 'ola afu'a feʉfeʉ'sa ci hi'hioa, te yaeza epopayoa. ho toehunga cohivi.
18<ko'koeno, temu butatalʉi; maica namo panocu, te fii nomo asuhcu man'i; namo uk'a, te tas'upa na isi ta'unano panon'a ci ake'isi ho yaeza ti'einga.>
ino ho i'o nanat'ot'ohaesa to iesu
(matai 12:46-50; maluko 3:31-35)
19'o ino to iesu ho i'o nanat'ot'ohaesasi mo cmʉ'ho tehe aiti 'o iesu, at'inghi maica homo angu botngonʉ 'o cou, o'aihe peelʉi ohcum'a 'o iesu. 20panto mo eʉsvʉtʉ to iesu: <'o inosu ho i'o nanat'ot'ohaesasu mo yac'ʉ ta yafana. matenana baito suu!>
21isi mi'usni to iesu ho yainca: <ina la tmalʉ no e'e to hamo ho peis'ofeihni, ci 'aeno ino'u ho nat'ohaesa'u!>
eususeoma to iesu 'o poepe ho smahu
(matai 8:23-27; maluko 4:35-41)
22moso conci hie, mo smo'apangʉ 'o iesu ho i'o tesi, mi'usni to iesu 'o tesi ho yainca: <teto ohpihi ta ta'esi ta etʉpʉ.> micu e'ohʉ. 23ne mo aot'ou 'o 'apangʉ, mo oengʉtʉ 'o iesu. akameosʉ na'no taso 'o poepe to etʉpʉ, isi sangcʉngci to chumu 'o 'apangʉ, hocu kuici sokoeva. 24ihe poecʉ'va to tesi 'o iesu, yainca: <sensei, sensei, temiacu mon'i mcoi!>
peihsasmome 'o iesu, t'ʉtei 'o taso ci poepe ho i'o smahu, cu tosvo 'o poepe ho i'o smahu, hocu suseomʉ 'o etʉpʉ. 25isi tuocosi to iesu 'o tesi: <mo yonenu na singkoomu?>
ihe smoyoa ho taunona'vʉ, yupa mainca: <ma atuhcu siyas'a na taini? ho isi pashʉi si poepe ho smahu, mo maezo tmalʉ si poepe ho smahu!>
aotothoma to iesu 'o isi cʉnghi to hicu ci cou
(matai 8:28-34; maluko 5:1-20)
26mo ohpihi to etʉpʉ ta ngalilaya ho uhto mia'usnu to kolasin. 27ne micu tmo'poyapo 'o iesu, to ic'o panto cihi ci isi cʉnghi no hicu ci cou mo mingeou ho emo'usnu. 'e cou eni micu noana'o ho o'amo sʉ'eʉsʉ, o'ala yono emoo, la yontohe feongo to heuf'a. 28ne isicu aiti 'o iesu, cu aha'o moozoyʉ, m'ocnguyu to tuhcu to iesu, tmunoi mainca: <oko to sopepea hamo ci iesu, mainci uhtan'e ho 'afeo'fu'a a'o? te'o epici to hamo ho m'ene suu. teav'a pohtutumza a'o!> 29homo mainca 'o e'esi maica ho ohsiso pashʉi to iesu 'e h'aokuv'o ho poa mongoi ta feango ta cou tan'e. isi siho tʉtpʉta to h'aokuv'o, upena ne isi poekotva ho seo'eisi to ekʉka, isic'o peelʉi yʉntʉha 'o ekʉka, noa popeoyʉn'ʉa to hicu.
30isi tuocosi to iesu: <cumas'a na ongkosu?>
isi yut'inga: <'a <<botngonʉ>> a'o>, maica mo botngonʉ ci hicu 'o mosola cʉnghʉ ta feangosi. 31mo mi'usnu to iesu 'o hicu ho m'eya o'te 'ahʉya popeo'ayumona no moumsʉ'eonʉ.
32to cum'usi to hcuyu mo 'oc'ocic'o yaa botngonʉ ci feʉ'ʉ mo eabobonʉ. mo mi'usnu to iesu 'o hicu ho m'eya teomneni yʉmeʉmʉ to botngonʉ ci feʉ'ʉ; isicu teomneni to iesu. 33micu yuyafo to feango to cou 'o hicu, yʉmeʉmʉ to botngonʉ ci feʉ'ʉ; 'o botngonʉ ci feʉ'ʉ cu cono meitoeseo to tʉ'nʉ ho su'to etʉpʉ, engeosʉ hocu tʉcʉcʉhʉ.
34isi aiti to le'aʉt'ʉcʉ feʉ'ʉ 'e a'a'ausna eni, cu toekameosʉ, uhto mahohosa mayoyou ho eʉsvʉsvʉta. 35micu yuyafo 'o cou to ic'o, tehe aiti na a'a'ausnasi. mo uhto isi yoni to iesu, aiti 'o ohsi cʉnghi to hicu, mo yusuhngu to tuhcu to t'ango to iesu, micu sʉ'eʉsʉ ho ma'tʉtʉs'ʉ, cu aha'o ma'sasmoyo. 36i'o moso baito to a'a'ausna ci le'aʉt'ʉcʉ feʉ'ʉ. isi acʉha eʉsvʉsvʉta tamo botngonʉ na nia hiasi poa yov'o ta cou. 37'o cou to mia'usnu to kolasin ihe mi'usni 'o iesu ho poa mongoi to ic'o, maica ihe na'na smoyoa. micu smo'apangʉ 'o iesu ho mongoi. 38i'o ohsi cʉnghi to hicu ci cou mo mi'usnu to iesu ho mainca: <teko'so poa to'ofeihni a'o!>
at'inghi. isi cucufni to iesu ho poa maine'e, yainca: 39<teko maine'e. epeaska na isi hioaneni suu to hamo.>
cu a'ʉmtʉ e'ohʉ. smaingabo to hosa ho psoyom'a na ohsi hioaneni to iesu ci hi'hioa.
oko no mamespingi to ielu ho tma'sʉpcʉ ci mamespingi
(matai 9:18-26; maluko 5:21-43)
40mo yuovei to apihana to etʉpʉ 'o iesu, ihe yungeova to botngonʉ, maica ho ihe toehunga totea 'o iesu hote cmʉ'ho. 41panto cihi cila atuhcu aʉt'ʉcʉ to kaitoo, zou ielu 'o ongkosi. mo maezo esmi, mo m'ocnguyu to tuhcu to t'ango to iesu, m'eya poa uhto emoosi 'o iesu, 42maica ho tec'u mon'i mcoi 'o pecnia ci micu tomaska ueso ci oko nosi mamespingi. ne tesi usa to iesu, ihe skotva'oya tomo botngonʉ 'o iesu. 43panto cihi ci micu tomaska ueso cimo tma'sʉpcʉ ci mamespingi; isicu tocʉcʉhneni no leaotothomʉ na nia yupasʉsi#panto piyo ci tposʉ noana'o uk'a ci <isicu tocʉcʉhneni no leaotothomʉ na nia yupasʉsi>., uk'a cimoc'o meelʉ poa yov'oa. 44mo ohfaf'uhu to iesu, peuasa 'o pengpingna to yʉsʉ no aoskopa to iesu, cu osni tosvo 'o tma'sʉpcʉsi. 45isi tuocosi to iesu: <siya como aaso a'o?>
uk'a cimo ahtu mainca zou a'o. yainca to petelo: <sensei, si aukukuyungusu zou acʉhʉ cou, maihe toehunga skotva'oya suu!>
46at'inghi isi yainca to iesu: <'a panomio aaso a'o, maica os'o ta'hongi mo yaa i'mi ta feango'u ci tonʉ ho yuyafo!> 47isi cohivi to mamespingi ho isi ta'hongi to iesu, micu ma'eopeophi ho pop'up'ungu to tuhcu to iesu, yontomo botngonʉ ho eʉsvʉta to iesu, mo mainci isi peuasa 'o iesu, mo mainenu na hia osni yov'o. 48mi'usni to iesu ho yainca: <oko, isi to'usni ta singkoosu na suu! soanono'sio hocu maine'e.>
49ne isin'a seolʉa no e'e to iesu eni, panto cou cimo i'mi to emoo tola le'aʉt'ʉcʉ kaitoo, eʉsvʉta to ielu: <'amicu kuzo 'o okosu, teav'ana 'ahʉya poa a'ep'epo si sensei.>
50talʉi to iesu cu yainca 'o ielu: <'ote smoyo, lac'o tmaa'uzo! 'ate i'vaho ʉmnʉ.>
51ne micu esmi to emoo to ielu 'o iesu, tapeoha 'o petelo, yohane, yakovu, ho i'o maameoi to oko no mamespingi, o'a isi poa fiho yʉmeʉmʉ 'o mocmo ci cou. 52i'omo yonto ic'o ci cou. mo acʉhʉ tmunoi mongsi ho tngisi 'o oko. yainca to iesu: <'ote mongsi! mioeno ahtu mcoi si oko, 'amoc'o oengʉtʉ.>
53ihe toehunga cocvi, maica ho ihe cohivi ho micu mcoi 'o oko. 54isi e'tʉi to iesu 'o emucu to oko, zozoya yainca: <oko, yʉc'ʉ!> 55micu yuovei 'o hiosi, osnicu yʉc'ʉ. isi eutotaveiya to iesu ho ake'a poa bonʉa. 56mo na'no yamci 'o maameoi to oko no mamespingi, isi bueeutotaveiya to iesu, teav'a eʉsvʉta no mocmo ci cou 'emo yuyafo ci hi'hioa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible Society in Taiwan © 台灣聖經公會版權所有 2014