matai 20
20
epo'usa no soskuskunu no aamcuyu
1<'o hpʉhpʉngʉ ne pepe mo mais'a 'e ehohamva ta oi'isi: pano tauke no aamcuyu mo sʉfeʉngnʉ yuyafo, biebimi no tesi skuna ho poa yaahioa to aamcuyusi. 2isi esvʉta te maitola hia tohno tamo conohie ho huhucmasa fii tomo coni ci peisu no nging, hocu skuna ho poa uhto aamcuyu ho yaahioai. 3micu a'usnu no ma'hi sio 'o huomza hie, mo ivaho uhto 'oyona 'amamhimhino 'o tauke, aiti panto mon'a yac'ʉ to ic'o, ho uk'a hioa, 4isi cu mi'usni ho yainca: <<matemu maezo uhto aamcuyu ho yaahioa, 'ate'oeno fii note ahmʉskʉ ci hnoo no yaahioai.>> 5micu uhne'e ho yaahioa. ataveisi, nemo cohzona ho inemo ma'hituyu no huomza hie no atavei no cohzona, mio i'vaho yuyafo 'o tauke, totiski ho eyoho'ʉ tomo piyo ci leyaahioa. 6cu mon'i ma'hi eimo 'o huomza hie no ataveisi no cohzona, mio ivaho uhto 'oyona 'amamhimhino ho aiti panto moc'on'a yac'ʉ to ic'o, isi tuocosi: <<maincis'a conohie yac'ʉ tan'e ho uk'ahioa?>> ihe yut'inga: 7<<maica uk'a cimo smuhnu a'mi.>> isicu mi'usni to tauke ho yainca: <<matemu maezo yʉmeʉmʉ ta aamcuyu'u ho yaahioa.>>
8<micu yofna, mi'usni to tauke 'omo eahafo: <<acʉha eyoho'a 'omo yaahioa, aangaezeni no tehe hnoo, tohozi tomo uafeihi ho toc'ʉhi to moso muyo.>> 9i'omoso esmi ne micu ma'hi eimo ho yaahioai, mo acʉhʉ mayo tomo coni ci peisu no nging. 10cu auski 'omo atva'esi sʉfeʉngnʉ ci cou ho mayo to hnoo, ihe yainca no koyuhe. 'ates'a ahtuo'te man'ihe nate yaa ci hnoo, at'inghi 'o ihe yaa mioc'o maezo coni ci peisu no nging. 11ne ihecu yaa 'o peisu, cu eubut'u to tauke: 12<<'emo uafeihi yʉmeʉmʉ ci cou moc'o cono ma'hiezuhu 'o hia yaahioai, mimza conohie yontomo cong'ehie ho peisngongoseo, 'o osko faeni ci hnoohe mainci totiski ta osko faeni a'mi!>> 13isi yut'inga to tauke 'omo cihi to taicohe: <<nanghia, o'a os'o epuka suu. o'a oskos'aeno tiova hoci coni ci peisu no nging na teko hnoo no conohie? 14yaa 'e peisusu hocu maine'e! ho os'o fii tomo totiski suu ci hnoo 'omo ataveihe yaahioa, 15o'ate'oeno peelʉi titha 'e iachia'u peisu? nomio ho mi'o mealʉ ta cou, tekocu smo'eubut'u a'o?>> >
16isicu yainca to iesu: <maicac'o, 'omoso uafeihi, tena nomuyo, 'omoso muyo, tena uafeihi.>
i'toteuha eyoca to iesu na tasi hia mcoi
(maluko 10:32-34; luka 18:31-34)
17nemo uhne 'elusalemu 'o iesu, isi ese'vi 'o maskʉ ueso ci tesisi, mo coeconʉ ho auhuca eʉsvʉti: 18<temu cohivi, ho teto emo'usnu ne 'elusalemu maitan'e, te noa phieni 'e okocou ho faeni to saisicoo ho lema'cohio seiso; tehe yʉsvʉta ho opcoza, 19ataveiya faeni to couyafana. tehe keematmohi, eobaka, spica to zuuzika; at'inghi ho tac'u miteuhi, tena smoevovei.>
p'enza to inohe
(maluko 10:35-45)
20'o vcongʉ to sipitai isi hafa 'o yoso ci okosi ho uhto iesu, mi'usnu to iesu ho m'ohkuyu, m'ene tomo coni ci hi'hioa.
21isi tuocosi to iesu: <cuma na tekos'a p'enia?>
isi yut'inga: <teko'so teomneni, ho takocu honte, 'emo yoso ta 'o'oko'u, poa yusuhngu to vhonasu 'emo cihi. yusuhngu to veinasu 'emo cihi.>
22yainca to iesu: <o'a imu cohivi cuma co imu p'enia. 'o te'o ima cimo mayʉmʉ, temueno soevo'ha?>
ihe yainca: <'atemia soevo'ha!>
23isi yainca to iesu: <temueno o'te anana'va ima 'o te'o ima cimo mayʉmʉ, at'inghi uk'a ci tonʉ'u no esvʉta siya nate yusuhngu ta vhona ho veina'u. 'e suoca'ha eni, isi ayocneni no siya to amo'u 'atesieno faeni no siya.>
24ihe talʉi tomo maskʉ ci tesi 'emo maica ci hia m'ene, ihe na'na ta'sʉsʉ'nova 'emo yoso ci nat'ohaesa. 25isi eteuyuna to tuhcusi to iesu 'o tesi, mi'usni ho yainca: <lamu cohivi, 'e cou ta hpʉhpʉngʉ la yaa tʉʉt'ʉcʉ ho aʉt'ʉca, la yaa leeahafo ho esvʉtʉ. 26at'inghi, o'amimus'a maica. ta taicomu siya na te mici taicini, 'aeno siya na te toehunga soskuskunu; 27siya namo mici papoevʉ, 'aeno siya natemu soskuskunu. 28aʉlʉ mais'a 'e okocou, o'amos'a cmʉ'ho ho noa aʉt'ʉt'ʉca ta cou, mate cmʉ'ho ho aʉt'ʉt'ʉcʉ ta cou, a'vinano nomio no to'usni 'e yatatiskova ho ciha 'o iachisi nsou.>
poa yov'o 'omo yoso ci bʉkngʉ
(maluko 10:46-52; luka 18:35-43)
29nemo mongoi to 'eliko, botngonʉ ci cou 'omo to'ofeihni to iesu. 30panto yoso ci bʉkngʉ mo yusuhngu to aaskiti to ceonʉ, talʉi 'o iesu mo sucaefi, micu tmunoi moozoyʉ: <nooe'oca. oko to tavite, coveoza a'mi!>
31ihe toehunga koica, potani homo ptaʉngʉ; at'inghi namamo asuhcu tmunoi moozoyʉ: <nooe'oca, oko to tavite, coveoza a'mi!>
32mo tosvo 'o iesu, isi eyoho'a, tuocosi yainca: <cuma na temu poa hioaneni a'o?>
33ihe yut'inga yainca: <nooe'oca, teko'so poa bohngʉa 'e mcoomia!>
34mo aot'ou 'o ma'cocoveoyi ci 'tohʉngʉ to iesu, peuasa 'o mcoohe; micu osni bohngʉ, cu to'ofeihni to iesu.
Currently Selected:
matai 20: bsnfe
Highlight
Share
Copy
Want to have your highlights saved across all your devices? Sign up or sign in
The Bible Society in Taiwan © 台灣聖經公會版權所有 2014
matai 20
20
epo'usa no soskuskunu no aamcuyu
1<'o hpʉhpʉngʉ ne pepe mo mais'a 'e ehohamva ta oi'isi: pano tauke no aamcuyu mo sʉfeʉngnʉ yuyafo, biebimi no tesi skuna ho poa yaahioa to aamcuyusi. 2isi esvʉta te maitola hia tohno tamo conohie ho huhucmasa fii tomo coni ci peisu no nging, hocu skuna ho poa uhto aamcuyu ho yaahioai. 3micu a'usnu no ma'hi sio 'o huomza hie, mo ivaho uhto 'oyona 'amamhimhino 'o tauke, aiti panto mon'a yac'ʉ to ic'o, ho uk'a hioa, 4isi cu mi'usni ho yainca: <<matemu maezo uhto aamcuyu ho yaahioa, 'ate'oeno fii note ahmʉskʉ ci hnoo no yaahioai.>> 5micu uhne'e ho yaahioa. ataveisi, nemo cohzona ho inemo ma'hituyu no huomza hie no atavei no cohzona, mio i'vaho yuyafo 'o tauke, totiski ho eyoho'ʉ tomo piyo ci leyaahioa. 6cu mon'i ma'hi eimo 'o huomza hie no ataveisi no cohzona, mio ivaho uhto 'oyona 'amamhimhino ho aiti panto moc'on'a yac'ʉ to ic'o, isi tuocosi: <<maincis'a conohie yac'ʉ tan'e ho uk'ahioa?>> ihe yut'inga: 7<<maica uk'a cimo smuhnu a'mi.>> isicu mi'usni to tauke ho yainca: <<matemu maezo yʉmeʉmʉ ta aamcuyu'u ho yaahioa.>>
8<micu yofna, mi'usni to tauke 'omo eahafo: <<acʉha eyoho'a 'omo yaahioa, aangaezeni no tehe hnoo, tohozi tomo uafeihi ho toc'ʉhi to moso muyo.>> 9i'omoso esmi ne micu ma'hi eimo ho yaahioai, mo acʉhʉ mayo tomo coni ci peisu no nging. 10cu auski 'omo atva'esi sʉfeʉngnʉ ci cou ho mayo to hnoo, ihe yainca no koyuhe. 'ates'a ahtuo'te man'ihe nate yaa ci hnoo, at'inghi 'o ihe yaa mioc'o maezo coni ci peisu no nging. 11ne ihecu yaa 'o peisu, cu eubut'u to tauke: 12<<'emo uafeihi yʉmeʉmʉ ci cou moc'o cono ma'hiezuhu 'o hia yaahioai, mimza conohie yontomo cong'ehie ho peisngongoseo, 'o osko faeni ci hnoohe mainci totiski ta osko faeni a'mi!>> 13isi yut'inga to tauke 'omo cihi to taicohe: <<nanghia, o'a os'o epuka suu. o'a oskos'aeno tiova hoci coni ci peisu no nging na teko hnoo no conohie? 14yaa 'e peisusu hocu maine'e! ho os'o fii tomo totiski suu ci hnoo 'omo ataveihe yaahioa, 15o'ate'oeno peelʉi titha 'e iachia'u peisu? nomio ho mi'o mealʉ ta cou, tekocu smo'eubut'u a'o?>> >
16isicu yainca to iesu: <maicac'o, 'omoso uafeihi, tena nomuyo, 'omoso muyo, tena uafeihi.>
i'toteuha eyoca to iesu na tasi hia mcoi
(maluko 10:32-34; luka 18:31-34)
17nemo uhne 'elusalemu 'o iesu, isi ese'vi 'o maskʉ ueso ci tesisi, mo coeconʉ ho auhuca eʉsvʉti: 18<temu cohivi, ho teto emo'usnu ne 'elusalemu maitan'e, te noa phieni 'e okocou ho faeni to saisicoo ho lema'cohio seiso; tehe yʉsvʉta ho opcoza, 19ataveiya faeni to couyafana. tehe keematmohi, eobaka, spica to zuuzika; at'inghi ho tac'u miteuhi, tena smoevovei.>
p'enza to inohe
(maluko 10:35-45)
20'o vcongʉ to sipitai isi hafa 'o yoso ci okosi ho uhto iesu, mi'usnu to iesu ho m'ohkuyu, m'ene tomo coni ci hi'hioa.
21isi tuocosi to iesu: <cuma na tekos'a p'enia?>
isi yut'inga: <teko'so teomneni, ho takocu honte, 'emo yoso ta 'o'oko'u, poa yusuhngu to vhonasu 'emo cihi. yusuhngu to veinasu 'emo cihi.>
22yainca to iesu: <o'a imu cohivi cuma co imu p'enia. 'o te'o ima cimo mayʉmʉ, temueno soevo'ha?>
ihe yainca: <'atemia soevo'ha!>
23isi yainca to iesu: <temueno o'te anana'va ima 'o te'o ima cimo mayʉmʉ, at'inghi uk'a ci tonʉ'u no esvʉta siya nate yusuhngu ta vhona ho veina'u. 'e suoca'ha eni, isi ayocneni no siya to amo'u 'atesieno faeni no siya.>
24ihe talʉi tomo maskʉ ci tesi 'emo maica ci hia m'ene, ihe na'na ta'sʉsʉ'nova 'emo yoso ci nat'ohaesa. 25isi eteuyuna to tuhcusi to iesu 'o tesi, mi'usni ho yainca: <lamu cohivi, 'e cou ta hpʉhpʉngʉ la yaa tʉʉt'ʉcʉ ho aʉt'ʉca, la yaa leeahafo ho esvʉtʉ. 26at'inghi, o'amimus'a maica. ta taicomu siya na te mici taicini, 'aeno siya na te toehunga soskuskunu; 27siya namo mici papoevʉ, 'aeno siya natemu soskuskunu. 28aʉlʉ mais'a 'e okocou, o'amos'a cmʉ'ho ho noa aʉt'ʉt'ʉca ta cou, mate cmʉ'ho ho aʉt'ʉt'ʉcʉ ta cou, a'vinano nomio no to'usni 'e yatatiskova ho ciha 'o iachisi nsou.>
poa yov'o 'omo yoso ci bʉkngʉ
(maluko 10:46-52; luka 18:35-43)
29nemo mongoi to 'eliko, botngonʉ ci cou 'omo to'ofeihni to iesu. 30panto yoso ci bʉkngʉ mo yusuhngu to aaskiti to ceonʉ, talʉi 'o iesu mo sucaefi, micu tmunoi moozoyʉ: <nooe'oca. oko to tavite, coveoza a'mi!>
31ihe toehunga koica, potani homo ptaʉngʉ; at'inghi namamo asuhcu tmunoi moozoyʉ: <nooe'oca, oko to tavite, coveoza a'mi!>
32mo tosvo 'o iesu, isi eyoho'a, tuocosi yainca: <cuma na temu poa hioaneni a'o?>
33ihe yut'inga yainca: <nooe'oca, teko'so poa bohngʉa 'e mcoomia!>
34mo aot'ou 'o ma'cocoveoyi ci 'tohʉngʉ to iesu, peuasa 'o mcoohe; micu osni bohngʉ, cu to'ofeihni to iesu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible Society in Taiwan © 台灣聖經公會版權所有 2014