matai 25
25
epo'usa to maskʉ ci 'o'oko no maamespingi
1<no hiesi ho mio, 'o hpʉhpʉngʉ ne pepe mo mais'a 'ete engha ci ehohamva: panto maskʉ ci 'o'oko no maamespingi mo acʉhʉ mʉpʉtʉ to lampu te akoyu yungeou tote mevcongʉ ci hahocngʉ. 2to 'ayumonahe mo eimo 'omo nongonongo, eimo 'omo mau'to'tohʉngʉ. 3'omo nongonongo mo mahafo to lampu, at'inghi o'amo ayocʉ note timsoa ci hʉsʉ; 4'omo mau'to'tohʉngʉ mo mahafo to lampu, ho e'upu to piyo no pania ci hʉsʉ. 5mo poha'o esmi 'o hahocngʉ, 'o 'o'oko no maamespingi cu acʉhʉ m'out'ut'u, ho m'oosu'u.
6<micu taico feʉngna, panto mo moozoyʉ: <<cu esmi 'o hahocngʉ, temu acʉhʉ emoyafo ho yungeova!>> 7mo acʉhʉ peihsasmome 'omo maskʉ ci 'o'oko no maamespingi, poa tiskova 'o lampuhe. 8ne mio. mo mi'usnu to mo mau'to'tohʉngʉ 'omo nongonongo ho yainca: <<temu'so apaevazneni ta hʉsʉmu. maica tec'u mon'i afsi 'e lampumia.>> 9i'omo mau'to'tohʉngʉ mo yut'ingi ho mainca: <<o'ates'a ʉmnʉ, 'e hʉsʉmia a'ʉmtʉ o'ates'a amso hocin'a apaevazneni muu, 'atemueno iachi uhto momhino ho mhino.>> 10nemo mhia hʉsʉ 'o mo nongonongo ci maamespingi, cu esmi 'o hahocngʉ. i'o moso ae'ayocʉ ci mo eimo ci maamespingi cu fiho to hahocngʉ ho yʉmeʉmʉ, nʉthʉ uhtomo eabobonʉ, cu amʉta 'o phingi.
11<ataveisi micu maezo esmi 'o mocmo ci maamespingi. mo moozoyʉ: <<sensei, sensei, teko'so paavneni ta phingi a'mi!>> 12isi yut'inga to hahocngʉ: <<o'aos'os'a ake'a honga muu.>> >
13yainca to iesu: <ko'koeno, temu la aʉtʉs'ʉ. maica o'atemus'a cohivi ho homna nate cmʉ'ho na hiesi.>
epo'usa to tuyu ci soskuskunu
(luka 19:11-27)
14<'o hpʉhpʉngʉ ne pepe mo maezo mais'a 'e ehohamva: pantomo cihi ci cou te yuyafo ho covnʉ, isi eyoho'a 'o soskuskunusi, toveineni 'o ezoezoyʉsi. 15isi ieni to lahe hia totontone, fii tomo posiyoemohʉ ci peisu no king 'omo cihi, fii tomo posipopsohʉ ci peisu no king 'omo cihi, fii tomo posifou ci peisu no king 'omo cihi, atavei micu e'ohʉ. 16'omo tiyou tomo posiyoemohʉ ci peisu no king, micu osni 'amamhimhino, i'vaho tmaspuhngu tomo posiyoemohʉ. 17totiski, 'omo tiou tomo posipopsohʉ ci peisu no king, totiski ho tmaspuhngu tomo posipopsohʉ. 18at'inghi 'omo tiou tomo posifou ci peisu no king, mo yuyafo ho meifeongo to ceoa, efo'a 'o peisu to tauke.
19<cu noana'o, 'o tauke tomo piyo ci soskuskunu micu yuovei, isi tasvʉta na hiahe titho to peisu. 20mo yʉmeʉmʉ 'omo tiou tomo posiyoemohʉ, hafa 'o isi taspuhnga cimo posiyoemohʉ, mainca: <<tauke, ohsu fii tomo posiyoemohʉ a'o, aiti, mi'o i'vaho tmaspuhngu tamo posiyoemohʉ.>> 21yainca to tauke: <<na'no ʉmnʉ, miko ʉmnʉ ho peelʉi toe'oci ci soskuskunu! miko yonta mo kakutia ci yupasʉ ho peelʉi toe'oci, te'o toveineni suu ho aʉt'ʉca 'emo asuhcu man'i. yʉmeʉmʉ ho tma'upu no 'aveoveoyʉ ta taukesu!>> 22mo yʉmeʉmʉ 'omo tiou tomo posipopsohʉ ci peisu, mainca: <<tauke, ohsu fii tomo posipopsohʉ ci peisu a'o, aiti, mi'o i'vaho tmaspuhngu tamo posipopsohʉ.>> 23yainca to tauke: <<na'no ʉmnʉ, miko ʉmnʉ ho peelʉi toe'oci ci soskuskunu, miko yonta mo kakutia ci yupasʉ ho peelʉi toe'oci, te'o toveineni suu ho aʉt'ʉca 'emo asuhcu man'i. yʉmeʉmʉ ho tma'upu no 'aveoveoyʉ ta taukesu!>> 24tuhcusi tan'e, mo maezo yʉmeʉmʉ 'omoso tiou tomo posifou ci soskuskunu, mainca: <<tauke, os'o cohivi miko mouyʉcʉ ci cou; uk'a ci isi emʉ'i, teko efeuta, o'amo miyapo, teko yaeza a'pʉ'pʉya. 25mi'o ngoheʉngeʉ, moeza efo'a ta ceoa 'e peisusu. aitieno, a'emo yontan'e 'e peisusu.>> 26yainca to taukesi: <<'e miko kuzo ho lue'amamza ci soskuskunu! ho oskoeno cohivi ho te'o efeuta na o'aoho emʉ'i, a'pʉ'pʉyʉ no o'a oho yapi no hiyoyapo. 27'antekoeno maka siya ne ngingkoo 'e peisu'u, totea ho ta'ucu yuovei, peelʉi a'upa hafa na lisi ho tasvoveiya. 28temu yaa si peisusi ho hafa uhtan'e, faeni ta micu yaa posimaskʉ. 29maica, na micu pano, te fii nomo asuhcu man'i, poa atngaso ho yaa ang'osʉa; namo uk'a, te moeza a'upa nan'a ake'isi ho yaeza ti'einga. 30i'ecu mo uk'a a'a'ausna ci soskuskunu, te popeo'usna to mo voecʉvcʉ ne yafana; yone'e ho mongsi, sihsikiki.>> >
sotavei ci yʉsvʉtʉ
31<ho tena honte 'o okocou, nʉthʉ 'o tensi ho cmʉ'ho, te yusuhngu to psoevohngʉ ci suoca'hasi; 32'e yatatiskova ta ceoa te acʉhʉ yu'eteuyunu ta tuhcusi. tesi apaevaza ho poa yusno taucunua, mais'a 'o le'aʉt'ʉcʉ moatʉ'nʉ i'mi to moatʉ'nʉ fuengu ho yupaevaza 'o moam'um'u. 33tesi siya to vhonasi 'o moam'um'u, siya to veinasi 'o moatʉ'nʉ. 34ataveisi, tesi yainca to honte 'omo yonto vhonasi: <<'e isi fii no ʉm'ʉmnʉ to amo ci cou, temu uhtan'e! uhtan'e ho tiou ta ahoi ne ohon'a teyai 'e ceoa ho ayocneni muu ci hpʉhpʉngʉ. 35maica ho la'u sieo, lamu fii to te'o ana, la'u mecu, tamu poa mimoa; ho la'u covnʉ, lamu aʉt'ʉt'ʉca; 36ho la'u yuesih'i, lamu fii to te'o paceofa; ho la'u tma'congo, lamu aʉt'ʉca a'o; ho la'u noekotu, lamu usa ho aiti.>> 37ho mio, 'o moulʉlʉ ci cou te yut'ingi: <<nooe'oca, ne homna na omza aiti hociko sieo ho p'ani suu? mecu, fii no teko ima? 38ne homna na imza aiti ho ciko covnʉ ho aʉt'ʉca suu? aiti ho ciko yuesih'i ho paceofi suu? 39ne homna na imza aiti ho mohsu tma'congo hocieno noekotu ho usa ho petpʉskeni suu?>> 40tesi yut'inga to honte: <<te'o bumemeala eʉsvʉta muu, ho imueno hioaneni tamo to'ofeihni a'o cimo so'okosia ci cou, 'a isieno hioaneni a'o!>>
41<ataveisi, te mi'usnu tamo yonta veinasi 'o honte ho yainca: <<uhne'e! 'e isi patkuzoi to hamo ci cou, temu mongoi a'o! yʉmeʉmʉ to isi ayocneni to 'akuma ho ito soskuskunusi ci 'auesiesi o'te afsi ci puzu! 42maica ho la'u sieo, o'alamu p'ani; mecu o'alamu pema; 43la'u covnʉ, o'alamu aʉt'ʉca; yuesih'i, o'a lamu fii no te'o paceofa; la'u tma'congo hocieno noekotu, o'a lamu aʉt'ʉca a'o.>> 44ho mio, tahe yainca: <<nooe'oca, ne homna na omza aiti ho ciko sieo hocieno mecu, hocieno covnʉ, yuesih'i, tma'congo hocieno noekotu, ho o'te to'usni suu?>> 45te yut'ingi 'o honte: <<te'o bumemeala eʉsvʉta muu, ho o'a imueno hioaneni tamo so'okosia ci cou, 'aeno o'a imu hioaneni a'o.>> 46'emo maica ci cou. te tiou no 'auesiesi ci patvovei, i'ocu 'o coumoʉlʉlʉ, te elʉ no 'auesiesi ci nsou.>
Currently Selected:
matai 25: bsnfe
Highlight
Share
Copy
Want to have your highlights saved across all your devices? Sign up or sign in
The Bible Society in Taiwan © 台灣聖經公會版權所有 2014
matai 25
25
epo'usa to maskʉ ci 'o'oko no maamespingi
1<no hiesi ho mio, 'o hpʉhpʉngʉ ne pepe mo mais'a 'ete engha ci ehohamva: panto maskʉ ci 'o'oko no maamespingi mo acʉhʉ mʉpʉtʉ to lampu te akoyu yungeou tote mevcongʉ ci hahocngʉ. 2to 'ayumonahe mo eimo 'omo nongonongo, eimo 'omo mau'to'tohʉngʉ. 3'omo nongonongo mo mahafo to lampu, at'inghi o'amo ayocʉ note timsoa ci hʉsʉ; 4'omo mau'to'tohʉngʉ mo mahafo to lampu, ho e'upu to piyo no pania ci hʉsʉ. 5mo poha'o esmi 'o hahocngʉ, 'o 'o'oko no maamespingi cu acʉhʉ m'out'ut'u, ho m'oosu'u.
6<micu taico feʉngna, panto mo moozoyʉ: <<cu esmi 'o hahocngʉ, temu acʉhʉ emoyafo ho yungeova!>> 7mo acʉhʉ peihsasmome 'omo maskʉ ci 'o'oko no maamespingi, poa tiskova 'o lampuhe. 8ne mio. mo mi'usnu to mo mau'to'tohʉngʉ 'omo nongonongo ho yainca: <<temu'so apaevazneni ta hʉsʉmu. maica tec'u mon'i afsi 'e lampumia.>> 9i'omo mau'to'tohʉngʉ mo yut'ingi ho mainca: <<o'ates'a ʉmnʉ, 'e hʉsʉmia a'ʉmtʉ o'ates'a amso hocin'a apaevazneni muu, 'atemueno iachi uhto momhino ho mhino.>> 10nemo mhia hʉsʉ 'o mo nongonongo ci maamespingi, cu esmi 'o hahocngʉ. i'o moso ae'ayocʉ ci mo eimo ci maamespingi cu fiho to hahocngʉ ho yʉmeʉmʉ, nʉthʉ uhtomo eabobonʉ, cu amʉta 'o phingi.
11<ataveisi micu maezo esmi 'o mocmo ci maamespingi. mo moozoyʉ: <<sensei, sensei, teko'so paavneni ta phingi a'mi!>> 12isi yut'inga to hahocngʉ: <<o'aos'os'a ake'a honga muu.>> >
13yainca to iesu: <ko'koeno, temu la aʉtʉs'ʉ. maica o'atemus'a cohivi ho homna nate cmʉ'ho na hiesi.>
epo'usa to tuyu ci soskuskunu
(luka 19:11-27)
14<'o hpʉhpʉngʉ ne pepe mo maezo mais'a 'e ehohamva: pantomo cihi ci cou te yuyafo ho covnʉ, isi eyoho'a 'o soskuskunusi, toveineni 'o ezoezoyʉsi. 15isi ieni to lahe hia totontone, fii tomo posiyoemohʉ ci peisu no king 'omo cihi, fii tomo posipopsohʉ ci peisu no king 'omo cihi, fii tomo posifou ci peisu no king 'omo cihi, atavei micu e'ohʉ. 16'omo tiyou tomo posiyoemohʉ ci peisu no king, micu osni 'amamhimhino, i'vaho tmaspuhngu tomo posiyoemohʉ. 17totiski, 'omo tiou tomo posipopsohʉ ci peisu no king, totiski ho tmaspuhngu tomo posipopsohʉ. 18at'inghi 'omo tiou tomo posifou ci peisu no king, mo yuyafo ho meifeongo to ceoa, efo'a 'o peisu to tauke.
19<cu noana'o, 'o tauke tomo piyo ci soskuskunu micu yuovei, isi tasvʉta na hiahe titho to peisu. 20mo yʉmeʉmʉ 'omo tiou tomo posiyoemohʉ, hafa 'o isi taspuhnga cimo posiyoemohʉ, mainca: <<tauke, ohsu fii tomo posiyoemohʉ a'o, aiti, mi'o i'vaho tmaspuhngu tamo posiyoemohʉ.>> 21yainca to tauke: <<na'no ʉmnʉ, miko ʉmnʉ ho peelʉi toe'oci ci soskuskunu! miko yonta mo kakutia ci yupasʉ ho peelʉi toe'oci, te'o toveineni suu ho aʉt'ʉca 'emo asuhcu man'i. yʉmeʉmʉ ho tma'upu no 'aveoveoyʉ ta taukesu!>> 22mo yʉmeʉmʉ 'omo tiou tomo posipopsohʉ ci peisu, mainca: <<tauke, ohsu fii tomo posipopsohʉ ci peisu a'o, aiti, mi'o i'vaho tmaspuhngu tamo posipopsohʉ.>> 23yainca to tauke: <<na'no ʉmnʉ, miko ʉmnʉ ho peelʉi toe'oci ci soskuskunu, miko yonta mo kakutia ci yupasʉ ho peelʉi toe'oci, te'o toveineni suu ho aʉt'ʉca 'emo asuhcu man'i. yʉmeʉmʉ ho tma'upu no 'aveoveoyʉ ta taukesu!>> 24tuhcusi tan'e, mo maezo yʉmeʉmʉ 'omoso tiou tomo posifou ci soskuskunu, mainca: <<tauke, os'o cohivi miko mouyʉcʉ ci cou; uk'a ci isi emʉ'i, teko efeuta, o'amo miyapo, teko yaeza a'pʉ'pʉya. 25mi'o ngoheʉngeʉ, moeza efo'a ta ceoa 'e peisusu. aitieno, a'emo yontan'e 'e peisusu.>> 26yainca to taukesi: <<'e miko kuzo ho lue'amamza ci soskuskunu! ho oskoeno cohivi ho te'o efeuta na o'aoho emʉ'i, a'pʉ'pʉyʉ no o'a oho yapi no hiyoyapo. 27'antekoeno maka siya ne ngingkoo 'e peisu'u, totea ho ta'ucu yuovei, peelʉi a'upa hafa na lisi ho tasvoveiya. 28temu yaa si peisusi ho hafa uhtan'e, faeni ta micu yaa posimaskʉ. 29maica, na micu pano, te fii nomo asuhcu man'i, poa atngaso ho yaa ang'osʉa; namo uk'a, te moeza a'upa nan'a ake'isi ho yaeza ti'einga. 30i'ecu mo uk'a a'a'ausna ci soskuskunu, te popeo'usna to mo voecʉvcʉ ne yafana; yone'e ho mongsi, sihsikiki.>> >
sotavei ci yʉsvʉtʉ
31<ho tena honte 'o okocou, nʉthʉ 'o tensi ho cmʉ'ho, te yusuhngu to psoevohngʉ ci suoca'hasi; 32'e yatatiskova ta ceoa te acʉhʉ yu'eteuyunu ta tuhcusi. tesi apaevaza ho poa yusno taucunua, mais'a 'o le'aʉt'ʉcʉ moatʉ'nʉ i'mi to moatʉ'nʉ fuengu ho yupaevaza 'o moam'um'u. 33tesi siya to vhonasi 'o moam'um'u, siya to veinasi 'o moatʉ'nʉ. 34ataveisi, tesi yainca to honte 'omo yonto vhonasi: <<'e isi fii no ʉm'ʉmnʉ to amo ci cou, temu uhtan'e! uhtan'e ho tiou ta ahoi ne ohon'a teyai 'e ceoa ho ayocneni muu ci hpʉhpʉngʉ. 35maica ho la'u sieo, lamu fii to te'o ana, la'u mecu, tamu poa mimoa; ho la'u covnʉ, lamu aʉt'ʉt'ʉca; 36ho la'u yuesih'i, lamu fii to te'o paceofa; ho la'u tma'congo, lamu aʉt'ʉca a'o; ho la'u noekotu, lamu usa ho aiti.>> 37ho mio, 'o moulʉlʉ ci cou te yut'ingi: <<nooe'oca, ne homna na omza aiti hociko sieo ho p'ani suu? mecu, fii no teko ima? 38ne homna na imza aiti ho ciko covnʉ ho aʉt'ʉca suu? aiti ho ciko yuesih'i ho paceofi suu? 39ne homna na imza aiti ho mohsu tma'congo hocieno noekotu ho usa ho petpʉskeni suu?>> 40tesi yut'inga to honte: <<te'o bumemeala eʉsvʉta muu, ho imueno hioaneni tamo to'ofeihni a'o cimo so'okosia ci cou, 'a isieno hioaneni a'o!>>
41<ataveisi, te mi'usnu tamo yonta veinasi 'o honte ho yainca: <<uhne'e! 'e isi patkuzoi to hamo ci cou, temu mongoi a'o! yʉmeʉmʉ to isi ayocneni to 'akuma ho ito soskuskunusi ci 'auesiesi o'te afsi ci puzu! 42maica ho la'u sieo, o'alamu p'ani; mecu o'alamu pema; 43la'u covnʉ, o'alamu aʉt'ʉca; yuesih'i, o'a lamu fii no te'o paceofa; la'u tma'congo hocieno noekotu, o'a lamu aʉt'ʉca a'o.>> 44ho mio, tahe yainca: <<nooe'oca, ne homna na omza aiti ho ciko sieo hocieno mecu, hocieno covnʉ, yuesih'i, tma'congo hocieno noekotu, ho o'te to'usni suu?>> 45te yut'ingi 'o honte: <<te'o bumemeala eʉsvʉta muu, ho o'a imueno hioaneni tamo so'okosia ci cou, 'aeno o'a imu hioaneni a'o.>> 46'emo maica ci cou. te tiou no 'auesiesi ci patvovei, i'ocu 'o coumoʉlʉlʉ, te elʉ no 'auesiesi ci nsou.>
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible Society in Taiwan © 台灣聖經公會版權所有 2014