Nimlivolivon 3
3
No keywakwak da do asa ka mapilay a mahakay
1Ipisa do ikatlo na vatvatek do makoyab am nimangay si Pite a kani Yowani do rako a panaralayan, ta ori o vatvatek no toki a ipeyneynozi da. 2Amyan so asa ka tao a mapilay nimakalapo no kalyalikey na. Mangday do araraw o kangay da nya do ngaranan da so Apiya pazezevngen a ngoso no rako a panaralayan a macyami do somdep do rako a panaralayan. 3Macita na sira Pite a kani Yowani a somdep am pacyamyan na sira. 4Pacimatan da kapanci na nya ni Pite so, “Cita pala yamen.” 5So nicittan na sira a komakzeb so kapantan da nya. 6Maniring jya si Pite am, “Yabo jyamen o nizpi. Am itoro ko jimo o yamyan jyaken an. Ko pangozayan o ngaran ni Yeso Kizisto a tao do Nasale a manci nimo a tomanek a kalam mo rana.” 7So nikatkatan na sya ni Pite so wanan na do lima na kasidong na sya meytatanek. So niyan no oyowyat na rana no ai na, 8a kapeytatanek na omalam rana a kapacihza na rana jira a somdep do rako a panaralayan a to nonoto a somaray nya ji Ama ta do to. 9Macita da no aro a tao a makakalam rana a somaray nya ji Ama ta do to am 10kasingkadan da rana a nimacyacyami do ngoso no rako a panaralayan. Am ori o nipeyzokaban da nya.
Ciring na ni Pite do rako a panaralayan
11No keyyan da rana do macinapnap do rako a panaralayan a ngaranan da so Vahay na ni Solomen am macikalay ji Pite a kani Yowani o nimapya rana so ai a tao ang. Aro tao a meypalalayo a mangay amlimot sira malak nya. 12Macita na ni Pite o aro a tao am maniring jira am, “Inyo rana a keylyan ko a Isedi a tao am ikongo nyo kalakan no akman sya vazay ang. Ikongo nyo to nitai jyamen. Nyo ipanci a oyowyat namen am kakdekdeng namen o yaniomiwakwak do tao eya? 13Beken a yamen ori. Ta si Ama ta do to a yada iraralay no ineynapo ta si Apolahan a kani Isa kani Yakebo o niomiwakwak jya. So ikanoyong na mazway ni Yeso. Iya rana am nitoro nyo do aro a panipanirsirngen a karaherahet nyo sya do tangain ni Pilato. Pasawain na ni Pilato am ji nyo mya. 14Apyapyahen nyo pa o kalikod nyo do ji meylimoteng so onowned a tao a kapyapya nyo pa sya manci ni Pilato a mapasaway so asa ka nimanwakwak a tao. 15Am ori o nizakatan nyo si Yeso a yapwan no to meyyonong a ikavyay no pahad. Am kanimapeyvangon na sya ni Ama ta do to. Yamen rana am yongkad na yamen a nimakacita sya. 16Namen nipangozayan o ngaran na ni Yeso. Ori o na nikapya no tao a yanyo macita do nyo tangain ang.
17“Am inyo rana manga keypong am nyo nizakat si Yeso. Am nyo jyatenngi ori a nitovoy na ni Ama ta do to. Tana panipanirsirngen nyo am akman sira so sang a ji makateneng jya. 18No kakwa pa am nipanci na rana ni Ama ta do to do aro a panoyonoywan na so ciring o kapaziman da si Yeso a pakakasi nyo. Am yana nipangononongan sicyaikwaya o akman sang. 19Am ori o ipamlis nyo rana somazap si Ama ta do to. Ta ori o ivonas na so raraten nyo. 20Ta ipanta na inyo so vayo a ikasaray no onowned nyo. Ta yarana nimai si Yeso a Misayya a nitovoy ni Ama ta do to. 21Am to ngyan pa do teyngato si Yeso a mangay no si yavaywen ni Ama ta do to o makakaday amyan do teyrahem eya. Ta oya rana am nipanci ni Ama ta do to no kakwa pa do panoyonoywan na so ciring na. 22Ta nipanci na pa ni Moyse am, ‘Si Ama ta do to a Tao do to nyo am amyan so pamnekan na keylyan ta Isedi a panoyonoywan na so ciring na akman jyaken a nipamnekan na meylimwang nya jinyo. O ipanci na jinyo a ciring na am ahapen nyo an. 23O ji ngamizing so panoyonoywan na so ciring am pasyain na jyaten a balinasen ni Ama ta do to.’ ”#3:23 Sen Ming Ci 18:15,18,19.
24Maniring pa si Pite am, “Tana si Samoar a kano yamapalipalit a panoyonoywan na so ciring ni Ama ta do to am nimamimin da rana nipanci o akman sya vazay sicyaraw eya. 25Yaten o mahap so nipanci da no panoyonoywan na so ciring ni Ama ta do to a kano nipanci na ji Apolahan. Ta maniring am, ‘Mamnek ko do sivosivovoong mo so asa ka tao a tomeneng a mapeypapya so tao do karawan.’#3:25 Tswang Se Ci 22:18; 26:4. 26Am ori o panmanman na jyaten a tao do Yotay a tovoyan na si Yeso a somidong jyaten a ikaro ta do marahet a icicirawat ta.”
Currently Selected:
Nimlivolivon 3: snt
Highlight
Share
Copy
Want to have your highlights saved across all your devices? Sign up or sign in
The Bible Society in Taiwan
Nimlivolivon 3
3
No keywakwak da do asa ka mapilay a mahakay
1Ipisa do ikatlo na vatvatek do makoyab am nimangay si Pite a kani Yowani do rako a panaralayan, ta ori o vatvatek no toki a ipeyneynozi da. 2Amyan so asa ka tao a mapilay nimakalapo no kalyalikey na. Mangday do araraw o kangay da nya do ngaranan da so Apiya pazezevngen a ngoso no rako a panaralayan a macyami do somdep do rako a panaralayan. 3Macita na sira Pite a kani Yowani a somdep am pacyamyan na sira. 4Pacimatan da kapanci na nya ni Pite so, “Cita pala yamen.” 5So nicittan na sira a komakzeb so kapantan da nya. 6Maniring jya si Pite am, “Yabo jyamen o nizpi. Am itoro ko jimo o yamyan jyaken an. Ko pangozayan o ngaran ni Yeso Kizisto a tao do Nasale a manci nimo a tomanek a kalam mo rana.” 7So nikatkatan na sya ni Pite so wanan na do lima na kasidong na sya meytatanek. So niyan no oyowyat na rana no ai na, 8a kapeytatanek na omalam rana a kapacihza na rana jira a somdep do rako a panaralayan a to nonoto a somaray nya ji Ama ta do to. 9Macita da no aro a tao a makakalam rana a somaray nya ji Ama ta do to am 10kasingkadan da rana a nimacyacyami do ngoso no rako a panaralayan. Am ori o nipeyzokaban da nya.
Ciring na ni Pite do rako a panaralayan
11No keyyan da rana do macinapnap do rako a panaralayan a ngaranan da so Vahay na ni Solomen am macikalay ji Pite a kani Yowani o nimapya rana so ai a tao ang. Aro tao a meypalalayo a mangay amlimot sira malak nya. 12Macita na ni Pite o aro a tao am maniring jira am, “Inyo rana a keylyan ko a Isedi a tao am ikongo nyo kalakan no akman sya vazay ang. Ikongo nyo to nitai jyamen. Nyo ipanci a oyowyat namen am kakdekdeng namen o yaniomiwakwak do tao eya? 13Beken a yamen ori. Ta si Ama ta do to a yada iraralay no ineynapo ta si Apolahan a kani Isa kani Yakebo o niomiwakwak jya. So ikanoyong na mazway ni Yeso. Iya rana am nitoro nyo do aro a panipanirsirngen a karaherahet nyo sya do tangain ni Pilato. Pasawain na ni Pilato am ji nyo mya. 14Apyapyahen nyo pa o kalikod nyo do ji meylimoteng so onowned a tao a kapyapya nyo pa sya manci ni Pilato a mapasaway so asa ka nimanwakwak a tao. 15Am ori o nizakatan nyo si Yeso a yapwan no to meyyonong a ikavyay no pahad. Am kanimapeyvangon na sya ni Ama ta do to. Yamen rana am yongkad na yamen a nimakacita sya. 16Namen nipangozayan o ngaran na ni Yeso. Ori o na nikapya no tao a yanyo macita do nyo tangain ang.
17“Am inyo rana manga keypong am nyo nizakat si Yeso. Am nyo jyatenngi ori a nitovoy na ni Ama ta do to. Tana panipanirsirngen nyo am akman sira so sang a ji makateneng jya. 18No kakwa pa am nipanci na rana ni Ama ta do to do aro a panoyonoywan na so ciring o kapaziman da si Yeso a pakakasi nyo. Am yana nipangononongan sicyaikwaya o akman sang. 19Am ori o ipamlis nyo rana somazap si Ama ta do to. Ta ori o ivonas na so raraten nyo. 20Ta ipanta na inyo so vayo a ikasaray no onowned nyo. Ta yarana nimai si Yeso a Misayya a nitovoy ni Ama ta do to. 21Am to ngyan pa do teyngato si Yeso a mangay no si yavaywen ni Ama ta do to o makakaday amyan do teyrahem eya. Ta oya rana am nipanci ni Ama ta do to no kakwa pa do panoyonoywan na so ciring na. 22Ta nipanci na pa ni Moyse am, ‘Si Ama ta do to a Tao do to nyo am amyan so pamnekan na keylyan ta Isedi a panoyonoywan na so ciring na akman jyaken a nipamnekan na meylimwang nya jinyo. O ipanci na jinyo a ciring na am ahapen nyo an. 23O ji ngamizing so panoyonoywan na so ciring am pasyain na jyaten a balinasen ni Ama ta do to.’ ”#3:23 Sen Ming Ci 18:15,18,19.
24Maniring pa si Pite am, “Tana si Samoar a kano yamapalipalit a panoyonoywan na so ciring ni Ama ta do to am nimamimin da rana nipanci o akman sya vazay sicyaraw eya. 25Yaten o mahap so nipanci da no panoyonoywan na so ciring ni Ama ta do to a kano nipanci na ji Apolahan. Ta maniring am, ‘Mamnek ko do sivosivovoong mo so asa ka tao a tomeneng a mapeypapya so tao do karawan.’#3:25 Tswang Se Ci 22:18; 26:4. 26Am ori o panmanman na jyaten a tao do Yotay a tovoyan na si Yeso a somidong jyaten a ikaro ta do marahet a icicirawat ta.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible Society in Taiwan