Locya 15
15
Payyaingen na do nimavozaw a kagling
(Matay 18:12-14)
1O mapeyvazay so deyking a kano aro a meyraraten a tao am mai sira do tangain ni Yeso a omamizing so ciring na. 2Am ori o nipeyyahhahes da no tao a macyagom do Vadisay a kano mangnanao no iwawalam na ni Ama ta do to. Maniring sira am, “Ikongo yana ipacihanghang do aro a meyraraten a tao.” 3Meyratateng am ipanci na jira ni Yeso o payyaingen na sya.
4Maniring jira am, “No si myan jinyo so mapalam so asa poo (100) a kagling a kavozaw no asa am makongo so wanjin ori. Jyabo kaji na tongriyan do asyam so ipakapoo (99) a kagling a kangay na komala so nimavozaw a asa ka kagling na. 5No makala na am jyabo kaji na narayan a somabway nya ioli a. 6No ioli na rana am rarahen na o kagagan na kano kataib na kapanci na rana no, ‘Ko masaray, ta ko rana nimakala o yanimavozaw a kagling ko. Sijya kamo, ta isaray tamo pa.’ 7Ko pa ciring jinyo am no mamlis o asa ka meyraraten a tao am arakorako pa o sarasaray do teyngato a kano asyam so ipakapoo (99) a tanwasiwasi a tao a jyakza no kapamlis da.
Payyaingen na do nimabo so nizpi a tao
8“No si amyan so asa ka mavakes a meynizpi so asa poo a kabo na no asa ngarnan am makongo so wanjin ori. Jyabo kaji na meyzampwan amviyas do vahay na kalan na sya. 9No makala na am rarahen na o kagagan na kano kataib na kapanci na nya jira so, ‘Ko masaray, ta ko nimakala o yanimabo a nizpi ko. Sijya kamo, ta isaray tamo pa.’ 10Ko pa ciring jinyo am o tinsi na ni Ama ta do to am akman so sang a somaray no asa ka mamlis a meyraraten a tao.”
Payyaingen na do nimeysinaoli a nimavozaw a kanakan
11Tongtongan na o ciring na ni Yeso am ipanci na pa o payyaingen na sya. Maniring jira am, “Amyan so asa ka tao a meytaodtod so rarwa ka mahakay. 12Maniring o ananak do ama na am, ‘Mo ama, to mo na norwan jyaken o vonong ko do kangangay ta.’ Meyratateng am vonongen na o kangangay na do rarwa ka anak na. 13Makanateng so araraw am nimimin na no ananak o vonong na nipamalit na so nizpi. Mahap na o nizpi am karwan na rana o vahay da kangay na matarek do asa ka ili. Meyratateng am to nazestes do araraw o peyvwakan na so nizpi na do peyyowyawan na. 14Magid o nizpi na am nimacinao o kapeykakcin do dang. Am ori o nikatey rahet na abo so ipangakaday. 15Am ori o nyangay na macivahay do tao do dang. Meyratateng am tovoin na no pacivahain na mapakapakan so korang, 16kaji na rana nganan so yorahen da do kabo no tao a marilaw nya. 17Mownay am manakenakem. Am ori o nipancyan na no, ‘Yajyavilangi o lamlamsoy ni ama. Yajyagiji o kanekanen da do vahay namen. Am ikongo yako ipacikekcin do jya. 18Apyapya rana o kapeysinaoli ko ji ama kapanci ko nya jya so, Mo ama, ko nyalalasan si Ama ta do do a yako kalalas jimo an. 19Ji mo abneka yaken a anak mo. To mo na abneka yaken a lamlamsoy mo.’ 20Meyratateng am meytatanek rana a meysinaoli do ama na. Marai pa do vahay da am to na cita no ama na karilaw na nya. So nipalalayo na amrapong sya kayapet na sya apwapwen. 21Maniring o anak na am, ‘Mo ama, ko nyalalasan si Ama ta do to a yako kalalas do akman jimoo. So ji mo na abneki jyaken a anak mo an.’ 22Maniring o ama na do lamlamsoy na am, ‘Pangapey kamo so ney yapiya na ayob na, kapasaong nyo jya so tamtamek namen, kapantan nyo nya so tokap na, 23kangay nyo mangap so singasingeh no vinyay namen a pamaringan ta so kanen. 24Ta o anak ko rana ya am yakmey nimawakwak a na kavyay rana. Ta yakmey nimabo a apzapzatan a na kapeytotwaw rana.’ Am ori o nipakapya da nisomaray nya.
25“Omoli rana o rakerakeh a anak na nimapo do hakawan da am mamizing na rana o somaray do vahay da. 26Am ori o nitawagan na do asa ka lamlamsoy da pacicin. 27Maniring o lamlamsoy na am, ‘Na nimacita ni ama mo si wari mo a yapya so kataotao a yanimai rana. Am ori o na nipangapan nya so ney yapiya na do vinyay nyo.’ 28Mamizing na no rakerakeh a anak na am to rana meyoyaoya. Am ori o ji na nisomdepi. Mamizing na ni ama na am ipanci na macilimot jira. 29Maniring do ama na am, ‘To mo na naknakman, ta yako rana jyatenngi o zikzikna ko so vazay ta a yaji mapasobna do ciriciring mo. Am ikongo nakenakem mo jyaken. Yabwata pa o asa ka kagling a mo mina nakem jyaken a ipanaotao ko so kagagan ko. 30Am si wari rana am yana nipeyvwak o kangangay mo do na peyvozawan. Yameysinaoli am yamo ipangap so ney yapiya na vinyay ta.’ 31Maniring o ama na am, ‘Manganako, imo rana am ka macivahay jyaken an. O kangangay ko am miminen mo ori a amoonen an. 32Am si wari mo rana am yakmey nimawakwak a na kavyay an. Yakmey yanimabo a apzapzatan a na kapeytotwaw rana an. Am ori o ji na alasi no kasaray ta nya an.’ ”
Currently Selected:
Locya 15: snt
Highlight
Share
Copy
Want to have your highlights saved across all your devices? Sign up or sign in
The Bible Society in Taiwan
Locya 15
15
Payyaingen na do nimavozaw a kagling
(Matay 18:12-14)
1O mapeyvazay so deyking a kano aro a meyraraten a tao am mai sira do tangain ni Yeso a omamizing so ciring na. 2Am ori o nipeyyahhahes da no tao a macyagom do Vadisay a kano mangnanao no iwawalam na ni Ama ta do to. Maniring sira am, “Ikongo yana ipacihanghang do aro a meyraraten a tao.” 3Meyratateng am ipanci na jira ni Yeso o payyaingen na sya.
4Maniring jira am, “No si myan jinyo so mapalam so asa poo (100) a kagling a kavozaw no asa am makongo so wanjin ori. Jyabo kaji na tongriyan do asyam so ipakapoo (99) a kagling a kangay na komala so nimavozaw a asa ka kagling na. 5No makala na am jyabo kaji na narayan a somabway nya ioli a. 6No ioli na rana am rarahen na o kagagan na kano kataib na kapanci na rana no, ‘Ko masaray, ta ko rana nimakala o yanimavozaw a kagling ko. Sijya kamo, ta isaray tamo pa.’ 7Ko pa ciring jinyo am no mamlis o asa ka meyraraten a tao am arakorako pa o sarasaray do teyngato a kano asyam so ipakapoo (99) a tanwasiwasi a tao a jyakza no kapamlis da.
Payyaingen na do nimabo so nizpi a tao
8“No si amyan so asa ka mavakes a meynizpi so asa poo a kabo na no asa ngarnan am makongo so wanjin ori. Jyabo kaji na meyzampwan amviyas do vahay na kalan na sya. 9No makala na am rarahen na o kagagan na kano kataib na kapanci na nya jira so, ‘Ko masaray, ta ko nimakala o yanimabo a nizpi ko. Sijya kamo, ta isaray tamo pa.’ 10Ko pa ciring jinyo am o tinsi na ni Ama ta do to am akman so sang a somaray no asa ka mamlis a meyraraten a tao.”
Payyaingen na do nimeysinaoli a nimavozaw a kanakan
11Tongtongan na o ciring na ni Yeso am ipanci na pa o payyaingen na sya. Maniring jira am, “Amyan so asa ka tao a meytaodtod so rarwa ka mahakay. 12Maniring o ananak do ama na am, ‘Mo ama, to mo na norwan jyaken o vonong ko do kangangay ta.’ Meyratateng am vonongen na o kangangay na do rarwa ka anak na. 13Makanateng so araraw am nimimin na no ananak o vonong na nipamalit na so nizpi. Mahap na o nizpi am karwan na rana o vahay da kangay na matarek do asa ka ili. Meyratateng am to nazestes do araraw o peyvwakan na so nizpi na do peyyowyawan na. 14Magid o nizpi na am nimacinao o kapeykakcin do dang. Am ori o nikatey rahet na abo so ipangakaday. 15Am ori o nyangay na macivahay do tao do dang. Meyratateng am tovoin na no pacivahain na mapakapakan so korang, 16kaji na rana nganan so yorahen da do kabo no tao a marilaw nya. 17Mownay am manakenakem. Am ori o nipancyan na no, ‘Yajyavilangi o lamlamsoy ni ama. Yajyagiji o kanekanen da do vahay namen. Am ikongo yako ipacikekcin do jya. 18Apyapya rana o kapeysinaoli ko ji ama kapanci ko nya jya so, Mo ama, ko nyalalasan si Ama ta do do a yako kalalas jimo an. 19Ji mo abneka yaken a anak mo. To mo na abneka yaken a lamlamsoy mo.’ 20Meyratateng am meytatanek rana a meysinaoli do ama na. Marai pa do vahay da am to na cita no ama na karilaw na nya. So nipalalayo na amrapong sya kayapet na sya apwapwen. 21Maniring o anak na am, ‘Mo ama, ko nyalalasan si Ama ta do to a yako kalalas do akman jimoo. So ji mo na abneki jyaken a anak mo an.’ 22Maniring o ama na do lamlamsoy na am, ‘Pangapey kamo so ney yapiya na ayob na, kapasaong nyo jya so tamtamek namen, kapantan nyo nya so tokap na, 23kangay nyo mangap so singasingeh no vinyay namen a pamaringan ta so kanen. 24Ta o anak ko rana ya am yakmey nimawakwak a na kavyay rana. Ta yakmey nimabo a apzapzatan a na kapeytotwaw rana.’ Am ori o nipakapya da nisomaray nya.
25“Omoli rana o rakerakeh a anak na nimapo do hakawan da am mamizing na rana o somaray do vahay da. 26Am ori o nitawagan na do asa ka lamlamsoy da pacicin. 27Maniring o lamlamsoy na am, ‘Na nimacita ni ama mo si wari mo a yapya so kataotao a yanimai rana. Am ori o na nipangapan nya so ney yapiya na do vinyay nyo.’ 28Mamizing na no rakerakeh a anak na am to rana meyoyaoya. Am ori o ji na nisomdepi. Mamizing na ni ama na am ipanci na macilimot jira. 29Maniring do ama na am, ‘To mo na naknakman, ta yako rana jyatenngi o zikzikna ko so vazay ta a yaji mapasobna do ciriciring mo. Am ikongo nakenakem mo jyaken. Yabwata pa o asa ka kagling a mo mina nakem jyaken a ipanaotao ko so kagagan ko. 30Am si wari rana am yana nipeyvwak o kangangay mo do na peyvozawan. Yameysinaoli am yamo ipangap so ney yapiya na vinyay ta.’ 31Maniring o ama na am, ‘Manganako, imo rana am ka macivahay jyaken an. O kangangay ko am miminen mo ori a amoonen an. 32Am si wari mo rana am yakmey nimawakwak a na kavyay an. Yakmey yanimabo a apzapzatan a na kapeytotwaw rana an. Am ori o ji na alasi no kasaray ta nya an.’ ”
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible Society in Taiwan