Locya 6
6
Nanao na ni Yeso a omagaz do araraw no ipeywalam no tao
(Matay 12:1-8; Make 2:23-28)
1Ipisa kapeywalam no tao am mangonong sira Yeso a kano macinanao jya do nihakawan a mogi. Am to sira mangoztod so aknatahen da no macinanao ji Yeso. 2Maniring sira o tao a macyagom do Vadisay am, “Adan rana o akman sang a vazay do ipeywalam no tao?” 3Maniring si Yeso am, “Manngwa, ji nyo pa nivilangan o vazay da da Tawey a kano kararay na tao no kakcin da? 4Ta nisomdep si Tawey do raralayan da ni Ama ta do to a kapangap na so nipatanang da myanpaw a kanen a katoro na pa nya do kararay na. So nyakanan da sya. Ta o myanpaw rana ori am ji da mya kanen no tao. O mapatanatanang so nakem da si Ama ta do to o apya koman sya. Am beken a raraten da o mina kakan da sya.” 5Maniring pa jira si Yeso am, “O Nipamnekan na ni Ama ta do to a tao o meymatmatngeh no araraw no ipeywalam no tao.”
Niwakwakan na ni Yeso o meykazakazain so lima tao
(Matay 12:9-14; Make 3:1-6)
6Ipisa kapeywalam no tao am somdep si Yeso do peyneynozyan da mangnanao so tao. Am amyan dang so asa ka tao a meykazakazain so lima do wanan na. 7O mangnanao no iwawalam ni Ama ta do to a kano tao a macyagom do Vadisay am kalahen da o karatan na ni Yeso. “Manngo paro, ala mangiwakwak so meykeyngeyngen do ipeywalam no tao ang. Ta no si myan am ipanci ta do karwan no tao.” 8Ikongo do mahaw na ni Yeso o onowned da, am ori o nipancyan na nya do meykazakazain so lima tao. Maniring am, “Peytatanek rana kangay mo do tangain da no aro a tao.” Am ori o nipeytatanek na rana. 9Maniring jira si Yeso am, “Ko inyo pacicyan am ikongo iwawalam ta do ipeywalam no tao. Ikongo ciriciring da jyaten do ipeywalam no tao. Apyapya o kapanidong so tao do ipeywalam no tao an? No apyapya o kaji mamyayan so tao. Avyain sira? No wakwaken sira.” 10Am ori o nicittan na so aro a tao a kapanci na nya do tao ang so, “Zanet pala o lima mo.” Zaneten na am todapya rana. 11Ori o nikarakorako na pa no kaoyyan da ni Yeso. Am ori o nipeysirisiring da do ahapan da sya.
Mamnek si Yeso so rarwa so ikakarwan (12) a amlivolivon no ciriciring na
(Matay 10:1-4; Make 3:13-19)
12Ipisa mangay meynozi do tokon si Yeso. So mina to na ngyani rana do dang a kasahep. 13Apnezak am lovoten na sira o macinanao jya kapamnek na jira so rarwa so ikakarwan (12) a omlivolivon no ciriciring na. 14Sira rana ori am si Simong a ningaranan na si Pite a kani wari na meyngaran si Antele a kani Yake a kani Yowani a kani Veydipo a kani Patolomaw, 15a kani Matay a kani Tomase a kano anak ni Alevey a meyngaran si Yake a kano ipanci da macyagom do macioya do Loma a meyngaran si Simong, 16a kano anak ni Yake a meyngaran si Yota kano nimanazang ni Yeso a tao do Isecyadi a meyngaran si Yota.
No kapangnanao na a mangiwakwak so meykeyngeyngen a tao ni Yeso
(Matay 4:23-24)
17Omosok rana sira am meytatanek sira do rako a karatayan. So niyan da do dang no aro a macilocilolo jya kano aro a nimapo do Yelosaleng a kano peycyeylilyan na do Yotay a kano masngen do awa a ili a meyngaran so Tayar a kano Siton, 18a mai a omamizing so ipangnanao na, kapangiwakwak na so ingingnen no tao. O nikovotan no kalamsoyan ni Satan am mai sira. Ori o nikapya da rana. 19Ori o naknakman da sya no aro a tao so kapinan da jya. Ta amyan so oyowyat na do kataotao na mangiwakwak so tao. So nikamimin da mapya rana so ingingnen.
Sarasaray a kano alalaw
(Matay 5:1-12)
20Citahen na ni Yeso o macinanao jya am ipanci na jira, “Inyo rana a ipangoyongoyod da tao am rakorako rana o sarasaray nyo, ta inyo o italamozong na ni Ama ta do to an.
21“Inyo rana yamakcin sicyakwaya am manoyong o kasaray nyo, ta mabsoy kamo na.
“Inyo rana yamlavi sicyakwaya am manoyong o kasaray nyo an, ta mangay na pasarain inyo ni Ama ta do to an.
22“No ikaoya da inyo a ji da raralayan a kapanyanig da jinyo do kararalay nyo nyaken a Nipamnekan na ni Ama ta do to a tao am manoyong o kasaray nyo an. 23Ta akman so sang o nakenakem da no ineynapo da no kakwa do panoyonoywan na so ciring ni Ama ta do to. Magaga kamo a somaray so onowned an. Ta amyan so arakorako pa ipasaray na jinyo ni Ama ta do to do teyngato an.
24“Am inyo rana aro so peymeymasaodan sicyakwaya am to kamo makasi no makwa an. Ta yanyo na nimataptap o ileylamnay nyo an.
25“Inyo rana mabsoy sicyakwaya am to kamo makasi no makwa an, ta mangay o kakcin nyo an.
“Inyo rana yasomaray sicyakwaya am to kamo makasi no makwa an, ta mangay o kalavi no onowned nyo an.
26“No azwazwain da inyo no aro a tao am to kamo makasi no makwa an, ta akman sang o nyazwayan da no ineynapo nyo so nimalas so ipangnanao a tao no kakwa an.
Ikarilaw nyo o macioya jinyo a tao
(Matay 5:38-48; 7:12a)
27“Am inyo rana yaomamizing so ciring ko am ko pa pakoyokoin jinyo am ikarilaw nyo o macioya jinyo a tao a kapakapya nyo so nakenakem nyo jira an. 28Ipeynozi nyo o maniriciring jinyo a tao an. So peynozyan nyo no tomamwad jinyo a tao an. 29No myan so tao a somiplang so posngi mo am itoro mo o asa ka posngi mo an. No myan so tao a mehes so ayob mo am itoro mo o katapil na an. 30No myan so amin da jimo am itoro mo an. No myan so mahap so apzapzatan mo am ji mo ngamya jira an. 31No si kakzeben mo o kapya da so nakem jimo no icyatatao mo am akman sang o nakem mo jira an.
32“Ta ikongo angangayan na no karilaw nyo no marilaw ninyo a tao. Kakwakwan no meyraraten a tao a marilaw no marilaw nira tao. 33Ikongo angangayan na no kaveyvow nyo sya ikarilaw so makasidong jinyo a tao. Kakwakwan na no meyraraten a tao a marilaw no makasidong sira tao. 34Ikongo angangayan na no kaveyvow nyo so makanizpi a tao a omvood so nizpi nyo. Kakwakwan da no meyraraten a tao a tomoro no nizpi da vooden no icyatatao da. Ta katenngan da o kapaoli da pa jira. 35So karilawan nyo no macioya jinyo a tao an. Makapya kamo so nakem jira an. O nivood da jinyo am ji nyo naknakma o kapaoli da sya jinyo an. Ta arakorako rana o nakem na jinyo ni Ama ta do to. So ipeyngongyod nyo anak na no tey mazway a Tao do to. Ta ikarilaw na ni Ama ta do to o ji naray no itoro na jira. Ikarilaw na o meyraraten a tao. 36So inaran nyo si Ama nyo do to a tey yapya so nakenakem an.
Ji manraherahet so icyatatao
(Matay 7:1-5)
37“Ji kamo manraherahet so icyatatao nyo an. No si manraherahet kamo so icyatatao nyo am akman kamo sang a raheraheten da. Ji nyo mancyan o karatan no tao, ta ori o icyakman nyo sang a ji da raheraheta no tao. Peykabobwen nyo o raraten da jinyo an. So icyakman nyo so sang a peykabobwen da so raraten no tao an. 38Mazonos kamo do tao an. Ta ori o ikazonos da jinyo no tao. So ikaharahara na pa no itoro na jinyo ni Ama ta do to. Ta o nakenakem nyo so tao am akman sang o nakenakem na jinyo ni Ama ta do to an.”
39So nipancyan na nya jira so pehngehngayan na sya. Maniring am, “Jyabo o kapangalay no mavota tao so mavotaha. Ta jyabo kaji da meynanodan a matazangeb a. 40O macyamizing rana am jyakarakarang a kano mangnanao. Am no gomcin rana ori am ori o ipacingay da do mangnanao so teneteneng.
41“Ikongo nyo pacivalalan do da karatan no kadwan jinyo a yanyo kaji makalavatan so nyo karatan. 42Yanyo kapanci no akma nyoy kakteh do cinai a omlis do marahet a nakenakem da am nyo jiblisi o marahet a nakenakem nyo. Inyo rana mapakapyapya so nakenakem a tao am manmanma o kablis nyo so karatan nyo. Ta ori o ipakacita nyo so karatan no kadwan jinyo an.
43“Ji meyyasi o pipya kayo so marahet an. O marahet a kayo am ji to meyyasi so pipya asyasi no kayo an. 44Ta to macilocilolo do kakayokayo na o asi na. Jyabo kato nyo mamozasan do tazici so potaw a. 45O apya so nakenakem a tao am apya o iwawalam na. O marahet so nakenakem a tao am marahet o iwawalam na. Ta to macilocilolo do onowned no tao o ipanci na ciring an.
Mangozay do Ciriciring na ni Ama ta do to
(Matay 7:24-27)
46“Ikongo nyo pancyan no nyo kanoyong jyaken a Panirsirngen nyo a yanyo ji mangozay do ciring ko jinyo. 47Omamizing so ciring ko kapeyvazay na sya am ipanci ko jinyo o akman sang so nakenakem a tao an. 48Ori rana am akman so mamaring so vahay a tao a mapakarahem so patakadan na so soil na. So ikehni no vahay a paringen na. Tana meyyagaganas am ji na gonagonay o vahay ang, ta mehni o nipakapyan na sya. 49Am omamizing so ciring ko a ji mangozay jya am akman so tao a mamaring so vahay a ji mapangay so soil na. No meyyagaganas am makeykai a balinasen na. So ikabwata no angangayan na rana.”
Currently Selected:
Locya 6: snt
Highlight
Share
Copy
Want to have your highlights saved across all your devices? Sign up or sign in
The Bible Society in Taiwan
Locya 6
6
Nanao na ni Yeso a omagaz do araraw no ipeywalam no tao
(Matay 12:1-8; Make 2:23-28)
1Ipisa kapeywalam no tao am mangonong sira Yeso a kano macinanao jya do nihakawan a mogi. Am to sira mangoztod so aknatahen da no macinanao ji Yeso. 2Maniring sira o tao a macyagom do Vadisay am, “Adan rana o akman sang a vazay do ipeywalam no tao?” 3Maniring si Yeso am, “Manngwa, ji nyo pa nivilangan o vazay da da Tawey a kano kararay na tao no kakcin da? 4Ta nisomdep si Tawey do raralayan da ni Ama ta do to a kapangap na so nipatanang da myanpaw a kanen a katoro na pa nya do kararay na. So nyakanan da sya. Ta o myanpaw rana ori am ji da mya kanen no tao. O mapatanatanang so nakem da si Ama ta do to o apya koman sya. Am beken a raraten da o mina kakan da sya.” 5Maniring pa jira si Yeso am, “O Nipamnekan na ni Ama ta do to a tao o meymatmatngeh no araraw no ipeywalam no tao.”
Niwakwakan na ni Yeso o meykazakazain so lima tao
(Matay 12:9-14; Make 3:1-6)
6Ipisa kapeywalam no tao am somdep si Yeso do peyneynozyan da mangnanao so tao. Am amyan dang so asa ka tao a meykazakazain so lima do wanan na. 7O mangnanao no iwawalam ni Ama ta do to a kano tao a macyagom do Vadisay am kalahen da o karatan na ni Yeso. “Manngo paro, ala mangiwakwak so meykeyngeyngen do ipeywalam no tao ang. Ta no si myan am ipanci ta do karwan no tao.” 8Ikongo do mahaw na ni Yeso o onowned da, am ori o nipancyan na nya do meykazakazain so lima tao. Maniring am, “Peytatanek rana kangay mo do tangain da no aro a tao.” Am ori o nipeytatanek na rana. 9Maniring jira si Yeso am, “Ko inyo pacicyan am ikongo iwawalam ta do ipeywalam no tao. Ikongo ciriciring da jyaten do ipeywalam no tao. Apyapya o kapanidong so tao do ipeywalam no tao an? No apyapya o kaji mamyayan so tao. Avyain sira? No wakwaken sira.” 10Am ori o nicittan na so aro a tao a kapanci na nya do tao ang so, “Zanet pala o lima mo.” Zaneten na am todapya rana. 11Ori o nikarakorako na pa no kaoyyan da ni Yeso. Am ori o nipeysirisiring da do ahapan da sya.
Mamnek si Yeso so rarwa so ikakarwan (12) a amlivolivon no ciriciring na
(Matay 10:1-4; Make 3:13-19)
12Ipisa mangay meynozi do tokon si Yeso. So mina to na ngyani rana do dang a kasahep. 13Apnezak am lovoten na sira o macinanao jya kapamnek na jira so rarwa so ikakarwan (12) a omlivolivon no ciriciring na. 14Sira rana ori am si Simong a ningaranan na si Pite a kani wari na meyngaran si Antele a kani Yake a kani Yowani a kani Veydipo a kani Patolomaw, 15a kani Matay a kani Tomase a kano anak ni Alevey a meyngaran si Yake a kano ipanci da macyagom do macioya do Loma a meyngaran si Simong, 16a kano anak ni Yake a meyngaran si Yota kano nimanazang ni Yeso a tao do Isecyadi a meyngaran si Yota.
No kapangnanao na a mangiwakwak so meykeyngeyngen a tao ni Yeso
(Matay 4:23-24)
17Omosok rana sira am meytatanek sira do rako a karatayan. So niyan da do dang no aro a macilocilolo jya kano aro a nimapo do Yelosaleng a kano peycyeylilyan na do Yotay a kano masngen do awa a ili a meyngaran so Tayar a kano Siton, 18a mai a omamizing so ipangnanao na, kapangiwakwak na so ingingnen no tao. O nikovotan no kalamsoyan ni Satan am mai sira. Ori o nikapya da rana. 19Ori o naknakman da sya no aro a tao so kapinan da jya. Ta amyan so oyowyat na do kataotao na mangiwakwak so tao. So nikamimin da mapya rana so ingingnen.
Sarasaray a kano alalaw
(Matay 5:1-12)
20Citahen na ni Yeso o macinanao jya am ipanci na jira, “Inyo rana a ipangoyongoyod da tao am rakorako rana o sarasaray nyo, ta inyo o italamozong na ni Ama ta do to an.
21“Inyo rana yamakcin sicyakwaya am manoyong o kasaray nyo, ta mabsoy kamo na.
“Inyo rana yamlavi sicyakwaya am manoyong o kasaray nyo an, ta mangay na pasarain inyo ni Ama ta do to an.
22“No ikaoya da inyo a ji da raralayan a kapanyanig da jinyo do kararalay nyo nyaken a Nipamnekan na ni Ama ta do to a tao am manoyong o kasaray nyo an. 23Ta akman so sang o nakenakem da no ineynapo da no kakwa do panoyonoywan na so ciring ni Ama ta do to. Magaga kamo a somaray so onowned an. Ta amyan so arakorako pa ipasaray na jinyo ni Ama ta do to do teyngato an.
24“Am inyo rana aro so peymeymasaodan sicyakwaya am to kamo makasi no makwa an. Ta yanyo na nimataptap o ileylamnay nyo an.
25“Inyo rana mabsoy sicyakwaya am to kamo makasi no makwa an, ta mangay o kakcin nyo an.
“Inyo rana yasomaray sicyakwaya am to kamo makasi no makwa an, ta mangay o kalavi no onowned nyo an.
26“No azwazwain da inyo no aro a tao am to kamo makasi no makwa an, ta akman sang o nyazwayan da no ineynapo nyo so nimalas so ipangnanao a tao no kakwa an.
Ikarilaw nyo o macioya jinyo a tao
(Matay 5:38-48; 7:12a)
27“Am inyo rana yaomamizing so ciring ko am ko pa pakoyokoin jinyo am ikarilaw nyo o macioya jinyo a tao a kapakapya nyo so nakenakem nyo jira an. 28Ipeynozi nyo o maniriciring jinyo a tao an. So peynozyan nyo no tomamwad jinyo a tao an. 29No myan so tao a somiplang so posngi mo am itoro mo o asa ka posngi mo an. No myan so tao a mehes so ayob mo am itoro mo o katapil na an. 30No myan so amin da jimo am itoro mo an. No myan so mahap so apzapzatan mo am ji mo ngamya jira an. 31No si kakzeben mo o kapya da so nakem jimo no icyatatao mo am akman sang o nakem mo jira an.
32“Ta ikongo angangayan na no karilaw nyo no marilaw ninyo a tao. Kakwakwan no meyraraten a tao a marilaw no marilaw nira tao. 33Ikongo angangayan na no kaveyvow nyo sya ikarilaw so makasidong jinyo a tao. Kakwakwan na no meyraraten a tao a marilaw no makasidong sira tao. 34Ikongo angangayan na no kaveyvow nyo so makanizpi a tao a omvood so nizpi nyo. Kakwakwan da no meyraraten a tao a tomoro no nizpi da vooden no icyatatao da. Ta katenngan da o kapaoli da pa jira. 35So karilawan nyo no macioya jinyo a tao an. Makapya kamo so nakem jira an. O nivood da jinyo am ji nyo naknakma o kapaoli da sya jinyo an. Ta arakorako rana o nakem na jinyo ni Ama ta do to. So ipeyngongyod nyo anak na no tey mazway a Tao do to. Ta ikarilaw na ni Ama ta do to o ji naray no itoro na jira. Ikarilaw na o meyraraten a tao. 36So inaran nyo si Ama nyo do to a tey yapya so nakenakem an.
Ji manraherahet so icyatatao
(Matay 7:1-5)
37“Ji kamo manraherahet so icyatatao nyo an. No si manraherahet kamo so icyatatao nyo am akman kamo sang a raheraheten da. Ji nyo mancyan o karatan no tao, ta ori o icyakman nyo sang a ji da raheraheta no tao. Peykabobwen nyo o raraten da jinyo an. So icyakman nyo so sang a peykabobwen da so raraten no tao an. 38Mazonos kamo do tao an. Ta ori o ikazonos da jinyo no tao. So ikaharahara na pa no itoro na jinyo ni Ama ta do to. Ta o nakenakem nyo so tao am akman sang o nakenakem na jinyo ni Ama ta do to an.”
39So nipancyan na nya jira so pehngehngayan na sya. Maniring am, “Jyabo o kapangalay no mavota tao so mavotaha. Ta jyabo kaji da meynanodan a matazangeb a. 40O macyamizing rana am jyakarakarang a kano mangnanao. Am no gomcin rana ori am ori o ipacingay da do mangnanao so teneteneng.
41“Ikongo nyo pacivalalan do da karatan no kadwan jinyo a yanyo kaji makalavatan so nyo karatan. 42Yanyo kapanci no akma nyoy kakteh do cinai a omlis do marahet a nakenakem da am nyo jiblisi o marahet a nakenakem nyo. Inyo rana mapakapyapya so nakenakem a tao am manmanma o kablis nyo so karatan nyo. Ta ori o ipakacita nyo so karatan no kadwan jinyo an.
43“Ji meyyasi o pipya kayo so marahet an. O marahet a kayo am ji to meyyasi so pipya asyasi no kayo an. 44Ta to macilocilolo do kakayokayo na o asi na. Jyabo kato nyo mamozasan do tazici so potaw a. 45O apya so nakenakem a tao am apya o iwawalam na. O marahet so nakenakem a tao am marahet o iwawalam na. Ta to macilocilolo do onowned no tao o ipanci na ciring an.
Mangozay do Ciriciring na ni Ama ta do to
(Matay 7:24-27)
46“Ikongo nyo pancyan no nyo kanoyong jyaken a Panirsirngen nyo a yanyo ji mangozay do ciring ko jinyo. 47Omamizing so ciring ko kapeyvazay na sya am ipanci ko jinyo o akman sang so nakenakem a tao an. 48Ori rana am akman so mamaring so vahay a tao a mapakarahem so patakadan na so soil na. So ikehni no vahay a paringen na. Tana meyyagaganas am ji na gonagonay o vahay ang, ta mehni o nipakapyan na sya. 49Am omamizing so ciring ko a ji mangozay jya am akman so tao a mamaring so vahay a ji mapangay so soil na. No meyyagaganas am makeykai a balinasen na. So ikabwata no angangayan na rana.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible Society in Taiwan