Yowaana 19
19
1Pilato yeemao mani n'ayira Yesu nibamunaala ehoba. 2Haandi abasikaari baluha engata y'amawa, baamufwaasa hu mutwe, haandi baamala baamufwaasa engubo cha papo; 3mani baachaakaanga ohwiicha yaali nibaboola bati, “Otye, omutuki w'Abayudaaya!” Mani nibamupaama enji. 4Pilato haandi yatula erwaanyi, yaaboolera abaandu abo ati, “Bone, mbao ndi ohumutusa erwaanyi mbadiise, mumanye muti haba ese haba siimubonahooho omusaango kwoosi.” 5Mani Yesu naatula erwaanyi, niyefwaalire hu mutwe engata y'amawa neende engubo cha papo. Pilato yababoolera ati, “Bone, omuundu wuno nguno!” 6Abalaamisi bahuluundu neende abahoongo bamubona, mani nibahuumulira mu kono ly'aakulu nibaboola bati, “Mumubaambe, mumuhomere!” Pilato yababoolera ati, “Mumubukule abeene mani mumubaambe, olwohuba ese haba siimubonahooho omusaango kwoosi daawe.” 7Abayudaaya bamukobolamo bati, “Efwe huli neende elako, haandi ohweema hu lako elyo, ahoyere ohufwa, olwohuba yeeholere ohuba Omwaana wa Nasaae.” 8Pilato niyawulira emboosi chino, yemeeda ohutya muno; 9niyeengira haandi mu Puraitorio, yateeba Yesu ati, “Otula yeena?” Nae Yesu haba siyamukobolamo esiindu syoosi daawe. 10Mani Pilato n'amuteeba ati, “Ohayire ohulomaloma naange? Soomanyire oti ndi neende obunyala bw'ohuhulehuula, haandi neende obunyala bw'ohuhubaamba hu musalabba?” 11Yesu yamukobolamo ati, “Ewe haba siwahabeere neende obunyala hu ese, buba nibutahubereswa ohutula aakulu; sakira oyo owuundeetere y'oli ali neende esyonoono sihiramo.” 12Ohutula hu siha sino, Pilato yakoonya amakesi k'ohulehuula Yesu. Nae Abayudaaya bemeeda sa ohwaayuliraanga aakulu nibaboola bati, “Oyo n'omulehuula, haba s'ochia ohuba omwiicha wa Kaisaari. Buli muundu oweehola omutuki, ayiingania Kaisaari.” 13Pilato niyawulira emboosi chino, yatusa Yesu erwaanyi, mani yeehala hu sisaala sy'ohuheengeraho emisaango, abuundu alaangwa ati Olukirangira, nae mu Luibburania bati, Gabbata. 14Bulaanu oludaalo olwo lwali olwohwetekeheraho esidyaalo sya Paasaka. Esaa chali aambi chisaasaba ech'esideete. Pilato yaboolera Abayudaaya ati, “Omutuki weeng'we nguyo!” 15Nabo bemeeda ohwaayulira aakulu nibaboola bati, “Mumumaleo, mumumaleo, mumubaambe hu musalabba!” Pilato yabateeba ati, “Omutuki weeng'we niye yi mba maamba hu musalabba?” Mani Abalaamisi bahuluundu nibamukobolamo bati, “Efwe hubula omutuki wuundi ohutusaho Kaisaari.” 16Mani Pilato n'abadiisa Yesu abaambwe hu musalabba.
Yesu abaambwa hu musalabba
(Mat 27:32-44; Mrk 15:21-32; Luk 23:26-43)
17Mani nibadiira Yesu, nibamutusa erwaanyi, omwene n'akiingire omusalabba kwae, nibamuyira abuundu alaangwa ati ew'ebyaangaanga, mu Luibburania ati, Gologoota. 18Mani nibamubaamba hu musalabba abuundu ao. Haandi nibabaamba neende abeebi baandi babiri hu misalabba, hu buli lwaande. Yesu niye owali akatikaati. 19Pilato yandiika esipaande, mani yaasita hu musalabba. Syali syaandiikirwe siti: “YESU W'E NASAREETI, OMUTUKI W'ABAYUDAAYA.” 20Mani Abayudaaya baangi nibasoma esipaande esyo, olwohuba abuundu yi Yesu yabaambirwa yali aambi neende esiko; haandi syali syaandiikirwe mu Luibburania, mu Lulatini, neende mu Lugiriki. 21Abalaamisi bahuluundu b'Abayudaaya mani nibaboolera Pilato bati, “Otaandiika oti, ‘Omutuki w'Abayudaaya,’ nae oti, ‘Oyo owaboola ati, Niise omutuki w'Abayudaaya.’ ” 22Pilato yakobolamo ati, “Esyo si nyandiikire, syandiikire.”
23Nae abasikaari nibamala ohubaamba Yesu, babukula engubo chae mani nibachikabulamo ebituundu bine, buli musikaari n'anyoola esituundu silala. Haandi babukula ekaanju lyae lyosi. Nae ekaanju lyae lyali nilitasonwa daawe, nae lyali nilyaluhwa-buluhwa ohutulira elalira aakulu ohwoola aasi; 24#Sab 22:18.Bulaanu abasikaari baboolanira abeene-na-beene bati, “Hulehe ohulitaandula, nae hulyubbire eha, hubone linaabe elya wiina.” Sino syabaao ohwooseresa abweene ebyandiiko byoolerefu ebiboola biti,
“Bakabanamo engubo chaange,
nae ekaanju lyaange nibalihubbira eha.”
Sino nisyo si basikaari bahola.
25Aambi neende omusalabba kwa Yesu, yali yemereo ng'ina, neende mboochoong'ene ng'ina, Maria muha Kulopaasi, neende Maria Magidalena. 26Yesu niyabona ng'ina, neende omweeki yi yali niyaheera muno nibeemere aambi ao, yaboolera ng'ina ati, “Maama, bona omwaana wao nguyo!” 27Haandi yaaboolera omweeki oyo ati, “Bona, maao nguyo!” Mani ohutula esiha esyo, omweeki oyo yamuyira engo wae.
Ohufwa hwa Yesu
(Mat 27:45-56; Mrk 15:33-41; Luk 23:44-49)
28 #
Sab 69:21; 22:15. Luunyuma lw'ebyo, Yesu n'amalire ohumanya ati ebyae byoosi byali nibimalire ohuwa, yaboola (ohwooseresa abweene ebyandiiko byoolerefu) ati, “Obuluwo buunuma.” 29Bulaanu, ao yaliwo ebbakuli yichuule efiini yihaliihe; mani nibabukula esyaangu nibasiiniha mu fiini eyo, nibasiboya hu kada mani nibasisudya hu munwa kwae. 30Yesu niyamala ohuhoombaho hu fiini eyo, yaaboola ati, “Luweere”; mani yaaguunamya omutwe yaakwiisa omwooyo.
Yesu afumitwa efumo mu mbafu
31Nga lu lwali oludaalo lw'ohweetekehera, Abayudaaya haba sibadahaanga emilaambo ohudoong'a nikiri hu musalabba hu ludaalo lwa Sabbaato, (olwohuba oludaalo lwa Sabbaato lwali oluhuluundu muno). Sakira Abayudaaya basaba Pilato afukiirire abaandu babaambirwe hu misalabba bafunakwe amakulu, haandi baanulweho. 32Mani abasikaari nibeecha, nibafunaka amakulu k'owaamberi, neende ak'owuundi owabaambwa neende Yesu. 33Nae boola hu Yesu, mani baabona bati, yali amalire ohufwa hale, mani nibatamufunaka amakulu daawe. 34Nae mulala hu basikaari yamufumita efumo mu mbafu, mani abweene-na-bweene ao, nimutulamo amabaanga neende amaachi. 35Oyo owasiboneraho elalira niye owalomaloma bino, haandi amanyire ati sy'aboola syadyeeri, haandi amanyire koti lu alomaloma obwadyeeri; hu mwesi munyale ohufukiirira. 36#Hut 12:46; Hub 9:12; Sab 34:20. Ebyo byaliwo bityo, hu byandiiko byoolerefu binyale ohwoolerera abweene biti, “Libulao kata ekuumba lyae elichia ohufunakwa daawe.” 37#Sak 12:10; Hubwi 1:7. Haandi esyandiiko syoolerefu siindi siboola siti, “Bahatingaale hu oyo yi bafumita.”
Ohusiihwa hwa Yesu
(Mat 27:57-61; Mrk 15:42-47; Luk 23:50-56)
38Ebyo nibyawa, Yosefu wa Arimatea, owali omweeki wa Yesu, nae mu bweekisi, hulw'ohutya Abayudaaya, yasaba Pilato amufukiirire abukule omulaambo kwa Yesu. Mani Pilato naamufukiirira. Yosefu yeechia mani yaatusaao omulaambo kwa Yesu. 39#Yow 3:1,2. Nikodemu, oyo owali niyataangira hale ao ohuchia eyiri Yesu esiro, yesi yachia nae n'ali neende amafuta masaase ka miira neende ebiindu ebiwunya esing'aari siingi eby'obusito buyera ekiloguraamu amahumi kadatu. 40Abasaacha babiri bano babukula omulaambo kwa Yesu, mani baakuboya bulai bweene mu ngubo ch'elaasi alala neende amafuta k'esing'aari ako, koti lu miduunga ky'Abayudaaya ky'ohusiiha kiri. 41Abuundu yi Yesu yabaambirwa hu musalabba, waliwo endalo, mani mu ndalo omwo, mwalimo eng'ani njaaha, eyali niyitaasiihwa hoomo omuundu. 42Koti lu lwali oludaalo lw'ohweetekehera hw'Abayudaaya, haandi eng'ani eyo yali aambi, mani nibasiiha Yesu omwo.
Currently Selected:
Yowaana 19: SAMIA
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019
©Bible Society of Uganda, 2019
Yowaana 19
19
1Pilato yeemao mani n'ayira Yesu nibamunaala ehoba. 2Haandi abasikaari baluha engata y'amawa, baamufwaasa hu mutwe, haandi baamala baamufwaasa engubo cha papo; 3mani baachaakaanga ohwiicha yaali nibaboola bati, “Otye, omutuki w'Abayudaaya!” Mani nibamupaama enji. 4Pilato haandi yatula erwaanyi, yaaboolera abaandu abo ati, “Bone, mbao ndi ohumutusa erwaanyi mbadiise, mumanye muti haba ese haba siimubonahooho omusaango kwoosi.” 5Mani Yesu naatula erwaanyi, niyefwaalire hu mutwe engata y'amawa neende engubo cha papo. Pilato yababoolera ati, “Bone, omuundu wuno nguno!” 6Abalaamisi bahuluundu neende abahoongo bamubona, mani nibahuumulira mu kono ly'aakulu nibaboola bati, “Mumubaambe, mumuhomere!” Pilato yababoolera ati, “Mumubukule abeene mani mumubaambe, olwohuba ese haba siimubonahooho omusaango kwoosi daawe.” 7Abayudaaya bamukobolamo bati, “Efwe huli neende elako, haandi ohweema hu lako elyo, ahoyere ohufwa, olwohuba yeeholere ohuba Omwaana wa Nasaae.” 8Pilato niyawulira emboosi chino, yemeeda ohutya muno; 9niyeengira haandi mu Puraitorio, yateeba Yesu ati, “Otula yeena?” Nae Yesu haba siyamukobolamo esiindu syoosi daawe. 10Mani Pilato n'amuteeba ati, “Ohayire ohulomaloma naange? Soomanyire oti ndi neende obunyala bw'ohuhulehuula, haandi neende obunyala bw'ohuhubaamba hu musalabba?” 11Yesu yamukobolamo ati, “Ewe haba siwahabeere neende obunyala hu ese, buba nibutahubereswa ohutula aakulu; sakira oyo owuundeetere y'oli ali neende esyonoono sihiramo.” 12Ohutula hu siha sino, Pilato yakoonya amakesi k'ohulehuula Yesu. Nae Abayudaaya bemeeda sa ohwaayuliraanga aakulu nibaboola bati, “Oyo n'omulehuula, haba s'ochia ohuba omwiicha wa Kaisaari. Buli muundu oweehola omutuki, ayiingania Kaisaari.” 13Pilato niyawulira emboosi chino, yatusa Yesu erwaanyi, mani yeehala hu sisaala sy'ohuheengeraho emisaango, abuundu alaangwa ati Olukirangira, nae mu Luibburania bati, Gabbata. 14Bulaanu oludaalo olwo lwali olwohwetekeheraho esidyaalo sya Paasaka. Esaa chali aambi chisaasaba ech'esideete. Pilato yaboolera Abayudaaya ati, “Omutuki weeng'we nguyo!” 15Nabo bemeeda ohwaayulira aakulu nibaboola bati, “Mumumaleo, mumumaleo, mumubaambe hu musalabba!” Pilato yabateeba ati, “Omutuki weeng'we niye yi mba maamba hu musalabba?” Mani Abalaamisi bahuluundu nibamukobolamo bati, “Efwe hubula omutuki wuundi ohutusaho Kaisaari.” 16Mani Pilato n'abadiisa Yesu abaambwe hu musalabba.
Yesu abaambwa hu musalabba
(Mat 27:32-44; Mrk 15:21-32; Luk 23:26-43)
17Mani nibadiira Yesu, nibamutusa erwaanyi, omwene n'akiingire omusalabba kwae, nibamuyira abuundu alaangwa ati ew'ebyaangaanga, mu Luibburania ati, Gologoota. 18Mani nibamubaamba hu musalabba abuundu ao. Haandi nibabaamba neende abeebi baandi babiri hu misalabba, hu buli lwaande. Yesu niye owali akatikaati. 19Pilato yandiika esipaande, mani yaasita hu musalabba. Syali syaandiikirwe siti: “YESU W'E NASAREETI, OMUTUKI W'ABAYUDAAYA.” 20Mani Abayudaaya baangi nibasoma esipaande esyo, olwohuba abuundu yi Yesu yabaambirwa yali aambi neende esiko; haandi syali syaandiikirwe mu Luibburania, mu Lulatini, neende mu Lugiriki. 21Abalaamisi bahuluundu b'Abayudaaya mani nibaboolera Pilato bati, “Otaandiika oti, ‘Omutuki w'Abayudaaya,’ nae oti, ‘Oyo owaboola ati, Niise omutuki w'Abayudaaya.’ ” 22Pilato yakobolamo ati, “Esyo si nyandiikire, syandiikire.”
23Nae abasikaari nibamala ohubaamba Yesu, babukula engubo chae mani nibachikabulamo ebituundu bine, buli musikaari n'anyoola esituundu silala. Haandi babukula ekaanju lyae lyosi. Nae ekaanju lyae lyali nilitasonwa daawe, nae lyali nilyaluhwa-buluhwa ohutulira elalira aakulu ohwoola aasi; 24#Sab 22:18.Bulaanu abasikaari baboolanira abeene-na-beene bati, “Hulehe ohulitaandula, nae hulyubbire eha, hubone linaabe elya wiina.” Sino syabaao ohwooseresa abweene ebyandiiko byoolerefu ebiboola biti,
“Bakabanamo engubo chaange,
nae ekaanju lyaange nibalihubbira eha.”
Sino nisyo si basikaari bahola.
25Aambi neende omusalabba kwa Yesu, yali yemereo ng'ina, neende mboochoong'ene ng'ina, Maria muha Kulopaasi, neende Maria Magidalena. 26Yesu niyabona ng'ina, neende omweeki yi yali niyaheera muno nibeemere aambi ao, yaboolera ng'ina ati, “Maama, bona omwaana wao nguyo!” 27Haandi yaaboolera omweeki oyo ati, “Bona, maao nguyo!” Mani ohutula esiha esyo, omweeki oyo yamuyira engo wae.
Ohufwa hwa Yesu
(Mat 27:45-56; Mrk 15:33-41; Luk 23:44-49)
28 #
Sab 69:21; 22:15. Luunyuma lw'ebyo, Yesu n'amalire ohumanya ati ebyae byoosi byali nibimalire ohuwa, yaboola (ohwooseresa abweene ebyandiiko byoolerefu) ati, “Obuluwo buunuma.” 29Bulaanu, ao yaliwo ebbakuli yichuule efiini yihaliihe; mani nibabukula esyaangu nibasiiniha mu fiini eyo, nibasiboya hu kada mani nibasisudya hu munwa kwae. 30Yesu niyamala ohuhoombaho hu fiini eyo, yaaboola ati, “Luweere”; mani yaaguunamya omutwe yaakwiisa omwooyo.
Yesu afumitwa efumo mu mbafu
31Nga lu lwali oludaalo lw'ohweetekehera, Abayudaaya haba sibadahaanga emilaambo ohudoong'a nikiri hu musalabba hu ludaalo lwa Sabbaato, (olwohuba oludaalo lwa Sabbaato lwali oluhuluundu muno). Sakira Abayudaaya basaba Pilato afukiirire abaandu babaambirwe hu misalabba bafunakwe amakulu, haandi baanulweho. 32Mani abasikaari nibeecha, nibafunaka amakulu k'owaamberi, neende ak'owuundi owabaambwa neende Yesu. 33Nae boola hu Yesu, mani baabona bati, yali amalire ohufwa hale, mani nibatamufunaka amakulu daawe. 34Nae mulala hu basikaari yamufumita efumo mu mbafu, mani abweene-na-bweene ao, nimutulamo amabaanga neende amaachi. 35Oyo owasiboneraho elalira niye owalomaloma bino, haandi amanyire ati sy'aboola syadyeeri, haandi amanyire koti lu alomaloma obwadyeeri; hu mwesi munyale ohufukiirira. 36#Hut 12:46; Hub 9:12; Sab 34:20. Ebyo byaliwo bityo, hu byandiiko byoolerefu binyale ohwoolerera abweene biti, “Libulao kata ekuumba lyae elichia ohufunakwa daawe.” 37#Sak 12:10; Hubwi 1:7. Haandi esyandiiko syoolerefu siindi siboola siti, “Bahatingaale hu oyo yi bafumita.”
Ohusiihwa hwa Yesu
(Mat 27:57-61; Mrk 15:42-47; Luk 23:50-56)
38Ebyo nibyawa, Yosefu wa Arimatea, owali omweeki wa Yesu, nae mu bweekisi, hulw'ohutya Abayudaaya, yasaba Pilato amufukiirire abukule omulaambo kwa Yesu. Mani Pilato naamufukiirira. Yosefu yeechia mani yaatusaao omulaambo kwa Yesu. 39#Yow 3:1,2. Nikodemu, oyo owali niyataangira hale ao ohuchia eyiri Yesu esiro, yesi yachia nae n'ali neende amafuta masaase ka miira neende ebiindu ebiwunya esing'aari siingi eby'obusito buyera ekiloguraamu amahumi kadatu. 40Abasaacha babiri bano babukula omulaambo kwa Yesu, mani baakuboya bulai bweene mu ngubo ch'elaasi alala neende amafuta k'esing'aari ako, koti lu miduunga ky'Abayudaaya ky'ohusiiha kiri. 41Abuundu yi Yesu yabaambirwa hu musalabba, waliwo endalo, mani mu ndalo omwo, mwalimo eng'ani njaaha, eyali niyitaasiihwa hoomo omuundu. 42Koti lu lwali oludaalo lw'ohweetekehera hw'Abayudaaya, haandi eng'ani eyo yali aambi, mani nibasiiha Yesu omwo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019
©Bible Society of Uganda, 2019