Milʉ́mlʉ́ 12
12
Jacques, nyɨ́ jʉ́ŋɔɔ; Pétrus nyɨɛ tô ɨ́ mbʉʼ
1Ɨ́ jɔʼ yaá Njwɨ́ɨbʉr Erôd á nze gbâ bʉ́ʉ́ bʉ̂r ó Mbɛ̌r-Nzyɛ̌m ɨ́ mbʉʼ lɨ́ esú ó, nye nkʉ̂ tíble bê. 2Nye á si jʉ̂ Jacques, mɨ́ɔɔ́ mé Yʉánɛs, e pasoŋ. 3Jɔʼ nyé á bee ó, oYúden, bé á si bu kpɛl syɛ́ɛla yaá yɨ́, nye nzě báʼǎ tô dóló, mɛ̂r ntémé Pétrus. (Yé á be ó, ɨ́ jɔʼ nzɔ́ɔ biblêr bi dí abe e levure bí.) 4Jɔ̌ʼ Erôd á si mɛ̂r Pétrus yɨ́, nye nzě gbâ nyé ɨ́ mbʉʼ. Nye nzě pɛ̂h bísɔ́má bísója binâ, dwe byé syɛ́ɛ́ ó, byé dwéelaa nye. Sɔ́má gwár, yé á be ó, bisója binâ. Erôd á jwɨʼ ó, Páska, yé nyɛ́ɛ laa. Bé okǎ lwǐb lɔ̌b mé Pétrus ɨ́ bʉr ɨ́ ponó, oYúden ɨ́ buo buo lɨ́ ebee. 5Nó yaá ó Pétrus á baʼlɔɔ ɨ́ mbʉʼ yɨ́. Bʉr ó Mbɛ̌r-Nzyɛ̌m bɨ́ɛ, bé á be ó lɨ́ esâ sɨ́n lɨ́ ejɨʼla e Nzyɛ̌m lɨ́ esú lé.
Pétrus, nyɨ́ pʉʼa ɨ́ mbʉʼ
6Ɨ́ gúú pum, Pétrus á be ó, ɨ́ jô páʼ bisója bibá. Nye á be ó kɛ́ʼá e mikʉ̂kɔ̌b mimbá. Bʉ́ʉ́ ódwéela bɨ́ɛ, bé á be ó lɨ́ empǒm lé ébé é mbɛ̌r mímbʉʼ. (Náǎ yé ó, Erôd á be lɨ́ edǐ pahlě Pétrus ɨ́ mɛ́n tɨ̂.) 7Pétrus dína ɨ́ jô, kǎ saʼ nɛ́ɛ: éngeles mé Nzyɛ̌m, nyɨ́ pyâl. Njʉl, wé ntɔ̂ʼ pǎn myɛ́n ɨ́ mbɛ̌r mímbʉʼ tʉ́ŋlʉ̌. Éngeles nzě ŋmɛ̂h Pétrus lɨ́ empah e nyʉ̂l, lɨ́ ejɨm nyé ɨ́ jô. Nye e né ó: «Kpáhwá gbɔlwa sí.» Mikʉ̂kɔ̌b, myé ntɔ̂ʼ pʉʼa nyé ɨ́ mebô, kur sí.
8Éngeles nzě lɛ́ɛ e né ó: «Tyeelaa káná gǒ. Go e bwár ósípah bô.»
Pétrus ntɔ̂ʼ sâ nó. Éngeles nzě báʼǎ lɛ́ɛ ó: «Bwáráá kʉ̂r gǒ. Dúʼóó mê.»
9Pétrus ntɔ̂ʼ dû éngeles, nzě pʉʼa ɨ́ mbɛ̌r mímbʉʼ, tô kʉ̌l. Nye á bé agʉ́a ó, sá éngeles á sâ nye yɨ́, yé á be ó tyeetye. Nye á gʉgʉ́a ó, nye á bee ó, lʉ́ʉ́ ésimá. 10Jɔʼ bé á laa ndwéela esôʼ ndu e waá mbá yɨ́, bê nzě pyâl lɨ́ ebé é bínkóho dí etô nkǒ nkana lɨ́. Ebê laá, lé ntɔ̂ʼ diba lé omér. Pyálɔɔ̌ kʉ̌l. Bé osí laǎ nkpǎʼ ngwár nɛ́ɛ: ɨ́ tyé e tyé yaá, éngeles ntɔ̂ʼ dîm Pétrus ɨ́ mîh.
11Jɔ̌ʼ Pétrus á ka gʉ́a sá yé á laa yɨ́, nye ó: «Ɨ́ báánâ, me lɨ́ ebeě mbɨ̂mbɨá ó, yé kʉ́ be ó tyeetye: Dâ Nzyɛ̌m, nyɨ́ lómo éngeles wé, lɨ́ énzě pɛʼ mé ɨ́ mebó mé Erôd. Nyɨ́ pɛʼ mé ɨ́ sá yɨ́yɛ̂h óYúden, bé á bʉbóno ó, bé ósâ mé yɨ́.»
12Jɔʼ nyé á gʉ́a nó yɨ́, nye nzě tô mbɛ̌r mé Maria, nyɔ̌ŋ mé Yʉánɛs, waá dí e lʉ́ʉ́ díe ó, “Marc” nyá. Ɨ́ tɨ̂ʼ ó bʉ̂r ɨ́ buo buo, bé á gwɨ̂hla, lɨ́ ejɨʼla e Nzyɛ̌m yɨ́. 13Pétrus ntɔ̂ʼ kwâʼle lé ébé é kôʼ. Nyʉ́ʉ́ syɛ̂l mesâ mʉmá, díé lé Róda, nzě pyâl lɨ́ ebê laá. Nye ntɔ̂ʼ dweʼe étyél lé. 14Jɔʼ nyé á dweʼe Pétrus etyêl yɨ́, nye ntɔ̂ʼ buú soho. Líʼe ó, nye díbɨɨ ebé é kôʼ, nyě kǎ búla yɨ́ɛ ó e kám, tô mbɛ̌r, tó lɛ́ɛ ó: «Pétrus, nye ó kâʼ kʉ̌l!» 15Bɨ́ɛ ntɔ̂ʼ lɛ́ɛ e né ó: «Go ó gʉ̌!» Nye nzě nyémle twíí ó: «Yé ó kʉ́ bě tyeetye!» Bé ntɔ̂ʼ lɛ́ɛ ó: «Jáŋá yé óbɛ̌m be éngeles wé o!»
16Pétrus nyɨɛ nzě sâ nzyéé lɨ́ ekwâʼle ébê. Jɔʼ bé á ka dib nye lǎ yɨ́, bé ntɔ̂ʼ bee nyê, le ekámɔɔ nyê. 17Nye nzě peble bé mbô. Jɔʼ bɨ́bɛ̂h bé á be, bé mû ɨ́ puuu yɨ́, nye ntɔ̂ʼ lɛ́ɛ̌ mpʉ Dâ Nzyɛ̌m á pɛʼ nye ɨ́ mbʉʼ yɨ́. Nye ó: «Tó lɛ́ɛ gá Jacques, bé e bɨ́ɔɔ́ gá bɨ́ná nó.» Nye nzě mɔa, tô ɨ́ yʉ́ʉ́ gúmo.
18Jɔ̌ʼ mɛ́n wé á lɔ́ma yɨ́, bisója, byé á be ó, ɨ́ sáʼ si sáʼ, agʉ́ǎ gúmó Pétrus á tô bé yɨ́. 19Jɔ̌ʼ Erôd á sáa nye, abee yɨ́, nye ntɔ̂ʼ pahle ódwéela baá, ntɔ̂ʼ dwe nkûl ó, bé tô jʉ̂ bê. Píe tɨ̂, nye nzě duhǒ sí Yʉ́da, tô Kesáre, ɨ́ nko nyé á to di bá yɨ́.
Eswie mé Erôd
20Erôd á si kpaa ebúʼ e bʉr ó Tîr ndu e baá ó Sidɔ̂n. Nó ó bé á nzě gúmó nyé á be yɨ́, bɨ́bɛ̂h léme ngwár. Bê nzě táare ékolǒ Blástos, njwɨ́ɨ mbɛ̌r mé Erôd. Bê nzě tô kwá mé Erôd, lɨ́ edî nyé ó, bé e boo nɔ́ɔ́ báʼa dǐ mbɨ̂mbɨá, ebě, bʉr ó sí yɔ́ɔ́, bé á jaa bubwâm mede ó, njɨ kwá njwɨ́ɨ waá.
21Jɔ̌ʼ móhó nyé á lɛ́ɛ ó, bé ókomlǒ lɔ̌b wɨ́, wé á ka pyâl yɨ́, Erôd nzě bwâr kán jwɨ́ɨ wé. Nye ntɔ̂ʼ di sí ɨ́ diá tîʼ milɔ̌b yé. Nye nzě gɔ́na le elwib le entumo e bʉ̂r bɨ́bɛ̂h. 22Bʉr ntɔ̂ʼ bɨ́nɔɔ métwíí kʉ́. Bé ó: «Ááʼ! Ntʉ mʉ̂r dí elwib nyâ! Yɨ̂ʼ, yé ó gúú mbǐ nzyɛ̌m swîh!» 23Jɔʼ gwár e gwár yaá, éngeles mé Dâ ntɔ̂ʼ ŋmɛ̂h nyê, ebě, nye á bé adwě Nzyɛ̌m kûm nyé. Nó mísóm myé á poʼlo nye, nye ntɔ̂ʼ dwe.
24Lɔ́ɔ́ mé Nzyɛ̌m wɨ́ɛ kʉ́ nzě myaŋlǎ myaŋláa.
25Jɔ̌ʼ Banabâs, bé e Saʉ̂l, bé á sil etô obûʼla ó Yerʉ́zalɛm e mingúlá yɨ́, bê nzě búla, bé e Yʉánɛs, waá dí e lʉ́ʉ́ díe ó, “Marc” nyá.
Currently Selected:
Milʉ́mlʉ́ 12: ozm
Highlight
Share
Copy
Want to have your highlights saved across all your devices? Sign up or sign in
Milʉ́mlʉ́ 12
12
Jacques, nyɨ́ jʉ́ŋɔɔ; Pétrus nyɨɛ tô ɨ́ mbʉʼ
1Ɨ́ jɔʼ yaá Njwɨ́ɨbʉr Erôd á nze gbâ bʉ́ʉ́ bʉ̂r ó Mbɛ̌r-Nzyɛ̌m ɨ́ mbʉʼ lɨ́ esú ó, nye nkʉ̂ tíble bê. 2Nye á si jʉ̂ Jacques, mɨ́ɔɔ́ mé Yʉánɛs, e pasoŋ. 3Jɔʼ nyé á bee ó, oYúden, bé á si bu kpɛl syɛ́ɛla yaá yɨ́, nye nzě báʼǎ tô dóló, mɛ̂r ntémé Pétrus. (Yé á be ó, ɨ́ jɔʼ nzɔ́ɔ biblêr bi dí abe e levure bí.) 4Jɔ̌ʼ Erôd á si mɛ̂r Pétrus yɨ́, nye nzě gbâ nyé ɨ́ mbʉʼ. Nye nzě pɛ̂h bísɔ́má bísója binâ, dwe byé syɛ́ɛ́ ó, byé dwéelaa nye. Sɔ́má gwár, yé á be ó, bisója binâ. Erôd á jwɨʼ ó, Páska, yé nyɛ́ɛ laa. Bé okǎ lwǐb lɔ̌b mé Pétrus ɨ́ bʉr ɨ́ ponó, oYúden ɨ́ buo buo lɨ́ ebee. 5Nó yaá ó Pétrus á baʼlɔɔ ɨ́ mbʉʼ yɨ́. Bʉr ó Mbɛ̌r-Nzyɛ̌m bɨ́ɛ, bé á be ó lɨ́ esâ sɨ́n lɨ́ ejɨʼla e Nzyɛ̌m lɨ́ esú lé.
Pétrus, nyɨ́ pʉʼa ɨ́ mbʉʼ
6Ɨ́ gúú pum, Pétrus á be ó, ɨ́ jô páʼ bisója bibá. Nye á be ó kɛ́ʼá e mikʉ̂kɔ̌b mimbá. Bʉ́ʉ́ ódwéela bɨ́ɛ, bé á be ó lɨ́ empǒm lé ébé é mbɛ̌r mímbʉʼ. (Náǎ yé ó, Erôd á be lɨ́ edǐ pahlě Pétrus ɨ́ mɛ́n tɨ̂.) 7Pétrus dína ɨ́ jô, kǎ saʼ nɛ́ɛ: éngeles mé Nzyɛ̌m, nyɨ́ pyâl. Njʉl, wé ntɔ̂ʼ pǎn myɛ́n ɨ́ mbɛ̌r mímbʉʼ tʉ́ŋlʉ̌. Éngeles nzě ŋmɛ̂h Pétrus lɨ́ empah e nyʉ̂l, lɨ́ ejɨm nyé ɨ́ jô. Nye e né ó: «Kpáhwá gbɔlwa sí.» Mikʉ̂kɔ̌b, myé ntɔ̂ʼ pʉʼa nyé ɨ́ mebô, kur sí.
8Éngeles nzě lɛ́ɛ e né ó: «Tyeelaa káná gǒ. Go e bwár ósípah bô.»
Pétrus ntɔ̂ʼ sâ nó. Éngeles nzě báʼǎ lɛ́ɛ ó: «Bwáráá kʉ̂r gǒ. Dúʼóó mê.»
9Pétrus ntɔ̂ʼ dû éngeles, nzě pʉʼa ɨ́ mbɛ̌r mímbʉʼ, tô kʉ̌l. Nye á bé agʉ́a ó, sá éngeles á sâ nye yɨ́, yé á be ó tyeetye. Nye á gʉgʉ́a ó, nye á bee ó, lʉ́ʉ́ ésimá. 10Jɔʼ bé á laa ndwéela esôʼ ndu e waá mbá yɨ́, bê nzě pyâl lɨ́ ebé é bínkóho dí etô nkǒ nkana lɨ́. Ebê laá, lé ntɔ̂ʼ diba lé omér. Pyálɔɔ̌ kʉ̌l. Bé osí laǎ nkpǎʼ ngwár nɛ́ɛ: ɨ́ tyé e tyé yaá, éngeles ntɔ̂ʼ dîm Pétrus ɨ́ mîh.
11Jɔ̌ʼ Pétrus á ka gʉ́a sá yé á laa yɨ́, nye ó: «Ɨ́ báánâ, me lɨ́ ebeě mbɨ̂mbɨá ó, yé kʉ́ be ó tyeetye: Dâ Nzyɛ̌m, nyɨ́ lómo éngeles wé, lɨ́ énzě pɛʼ mé ɨ́ mebó mé Erôd. Nyɨ́ pɛʼ mé ɨ́ sá yɨ́yɛ̂h óYúden, bé á bʉbóno ó, bé ósâ mé yɨ́.»
12Jɔʼ nyé á gʉ́a nó yɨ́, nye nzě tô mbɛ̌r mé Maria, nyɔ̌ŋ mé Yʉánɛs, waá dí e lʉ́ʉ́ díe ó, “Marc” nyá. Ɨ́ tɨ̂ʼ ó bʉ̂r ɨ́ buo buo, bé á gwɨ̂hla, lɨ́ ejɨʼla e Nzyɛ̌m yɨ́. 13Pétrus ntɔ̂ʼ kwâʼle lé ébé é kôʼ. Nyʉ́ʉ́ syɛ̂l mesâ mʉmá, díé lé Róda, nzě pyâl lɨ́ ebê laá. Nye ntɔ̂ʼ dweʼe étyél lé. 14Jɔʼ nyé á dweʼe Pétrus etyêl yɨ́, nye ntɔ̂ʼ buú soho. Líʼe ó, nye díbɨɨ ebé é kôʼ, nyě kǎ búla yɨ́ɛ ó e kám, tô mbɛ̌r, tó lɛ́ɛ ó: «Pétrus, nye ó kâʼ kʉ̌l!» 15Bɨ́ɛ ntɔ̂ʼ lɛ́ɛ e né ó: «Go ó gʉ̌!» Nye nzě nyémle twíí ó: «Yé ó kʉ́ bě tyeetye!» Bé ntɔ̂ʼ lɛ́ɛ ó: «Jáŋá yé óbɛ̌m be éngeles wé o!»
16Pétrus nyɨɛ nzě sâ nzyéé lɨ́ ekwâʼle ébê. Jɔʼ bé á ka dib nye lǎ yɨ́, bé ntɔ̂ʼ bee nyê, le ekámɔɔ nyê. 17Nye nzě peble bé mbô. Jɔʼ bɨ́bɛ̂h bé á be, bé mû ɨ́ puuu yɨ́, nye ntɔ̂ʼ lɛ́ɛ̌ mpʉ Dâ Nzyɛ̌m á pɛʼ nye ɨ́ mbʉʼ yɨ́. Nye ó: «Tó lɛ́ɛ gá Jacques, bé e bɨ́ɔɔ́ gá bɨ́ná nó.» Nye nzě mɔa, tô ɨ́ yʉ́ʉ́ gúmo.
18Jɔ̌ʼ mɛ́n wé á lɔ́ma yɨ́, bisója, byé á be ó, ɨ́ sáʼ si sáʼ, agʉ́ǎ gúmó Pétrus á tô bé yɨ́. 19Jɔ̌ʼ Erôd á sáa nye, abee yɨ́, nye ntɔ̂ʼ pahle ódwéela baá, ntɔ̂ʼ dwe nkûl ó, bé tô jʉ̂ bê. Píe tɨ̂, nye nzě duhǒ sí Yʉ́da, tô Kesáre, ɨ́ nko nyé á to di bá yɨ́.
Eswie mé Erôd
20Erôd á si kpaa ebúʼ e bʉr ó Tîr ndu e baá ó Sidɔ̂n. Nó ó bé á nzě gúmó nyé á be yɨ́, bɨ́bɛ̂h léme ngwár. Bê nzě táare ékolǒ Blástos, njwɨ́ɨ mbɛ̌r mé Erôd. Bê nzě tô kwá mé Erôd, lɨ́ edî nyé ó, bé e boo nɔ́ɔ́ báʼa dǐ mbɨ̂mbɨá, ebě, bʉr ó sí yɔ́ɔ́, bé á jaa bubwâm mede ó, njɨ kwá njwɨ́ɨ waá.
21Jɔ̌ʼ móhó nyé á lɛ́ɛ ó, bé ókomlǒ lɔ̌b wɨ́, wé á ka pyâl yɨ́, Erôd nzě bwâr kán jwɨ́ɨ wé. Nye ntɔ̂ʼ di sí ɨ́ diá tîʼ milɔ̌b yé. Nye nzě gɔ́na le elwib le entumo e bʉ̂r bɨ́bɛ̂h. 22Bʉr ntɔ̂ʼ bɨ́nɔɔ métwíí kʉ́. Bé ó: «Ááʼ! Ntʉ mʉ̂r dí elwib nyâ! Yɨ̂ʼ, yé ó gúú mbǐ nzyɛ̌m swîh!» 23Jɔʼ gwár e gwár yaá, éngeles mé Dâ ntɔ̂ʼ ŋmɛ̂h nyê, ebě, nye á bé adwě Nzyɛ̌m kûm nyé. Nó mísóm myé á poʼlo nye, nye ntɔ̂ʼ dwe.
24Lɔ́ɔ́ mé Nzyɛ̌m wɨ́ɛ kʉ́ nzě myaŋlǎ myaŋláa.
25Jɔ̌ʼ Banabâs, bé e Saʉ̂l, bé á sil etô obûʼla ó Yerʉ́zalɛm e mingúlá yɨ́, bê nzě búla, bé e Yʉánɛs, waá dí e lʉ́ʉ́ díe ó, “Marc” nyá.
Currently Selected:
:
Highlight
Share
Copy
Want to have your highlights saved across all your devices? Sign up or sign in