Yʉánɛs 4
4
Yésʉs, bé e mʉmá Samarî
1-3Nó mpʉ̌ Yésʉs á nze jʉ̂ʼra ó, oFarizyɛ̂n, bɨ́ jóʼo ó, nye mû ó lɨ́ edulo ómpʉ́n le edu bʉ̂r, laǎ Yʉánɛs yɨ́, nye ntɔ̂ʼ duho ɨ́ sí Yʉ́da, nzě tô sí Galilê. (Lɨ́ otyeetye, ntʉ̌ Yésʉs mʉr tɨ̂ʼ á dudu bʉr. Ompʉ́n bé ó b'á dudu.) 4Lɨ́ etô, yé á jala ó, nye cɨ́yɨɨ ɨ́ sí Samarî.
5Nye ntɔ̂ʼ tó pyâl bǎʼ e yʉ́ʉ́ nkanǎ sí Samarî bé dí ejébě “Sukâr” yɨ́. Nye á be ó bǎʼ e pemé Yákɔb á dwe mwân wé, Yóseb yɨ́. 6Edɛɛ́ mé Yákɔb, lé á be ó tɨ̂. Yésʉs nzě tó di ɨ́ nkpâh edɛɛ́, nyé osí tyɛʼ ɨ́ tyen. Yé á be ó kúnókúno e témé móhó.
7Nyʉ́ʉ́ mʉ́má Samarî nzě tó daa médíbé. Yésʉs, nye e né ó: «Dwéʼ mé medíbé. Me óde.»
8(Náǎ yé ó, ompʉ́n bé, bé á be ɨ́ tô nkana, lɨ́ etó bwâm méde.) 9Mpʉ mʉ́má waá á jóʼo nye lɨ́ egwâm nyé medíbé yɨ́, nye e né ó: «Nyá? Gua Yúden, go lɨ́ egwâm mé medíbé ɨ́ yé ɛ́? Mɛm silě Samarî!»
(Ebě, oYúden, bé abe e ndwáala e bʉr ó Samarî.) 10Yésʉs ntɔ̂ʼ lɛ́ɛ e né ó: «Yé bé go bé ɨ́ gʉ́a étʉ́m mé Nzyɛ̌m ti e mʉr gwám gó medíbé nyá nó, lɛ́ɛ́, go ô gwám nyé medíbé mé twiʼ, nye ntɔ̂ʼ gwá dwe gó mǎ.»
11Mʉmá Samarî, nye e né ó: «Dâ ɛ̌, gó abe e dɛa. Edɛɛ́ ntémé, lé ɨ́ buú díme sí. Wáǎ mbi gó dí e nkul edaa médíbé mé twiʼ? 12Mpám yɨ́ná Yákɔb ó b'á líʼe bɨ̌h bɨɛ edɛɛ́ lɨ̂. Nye mʉr tɨ̂ʼ á be ó si de médíbé tɨ̂. Bwán bé le otír bé, sí de. Nó ó, gǒ bûʼlá ó, go ó láá Yákɔb ɨ́?»
13Yésʉs, nye e né ó: «Mʉr nyɨnyɛ̂h dí ede médíbé mâʼ nyá, óbáʼǎ jóʼǒ dwéh médíbé. 14Sâ gwár, mʉr nyɨnyɛ̂h óde médíbé mé ódwe nyé má, nye ákǎ jóʼǒ dwéh médíbé, ebě, medíbé mé ódwe nyé má, mé óliŋa énó ɨ́ nyʉ̂l nyé, gúmó twǐʼ njʉ̌m dǐ óduduho yɨ́.»
15Mʉmá, nye e né ó: «Dâ ɛ̌, dwéʼ mé medíbé maá, me nkʉ̂ di, akǎ báʼǎ jóʼǒ dwéh médíbé, nkʉ̂ nze wâʼ lɨ́ enzě daa médíbé.»
16Yésʉs, nye e né ó: «Tóʼ, tó jébe njʉ̂m gǒ. Bɨ̌n a báʼá nze wâ, bɨ̌n óbɛ̂h.» 17Mʉmá, nye e né ó: «Mɛm, mé abe e njʉ̂m.»
Yésʉs, nye e né ó: «Gǒ e nkam ɨ́ jɔʼ gó dí elɛ́ɛ ó, gó abe e njʉ̂m yɨ́, 18ebě, go á bě sí bi ójʉ́m ótɛ̂n. Nó ó, mʉr bɨ́n e nɔ́ɔ́ dí ɨ́ báánâʼ nɨ̌, nyé abe njʉ̂m gǒ. Gǒ lɛ́ɛ́ ó otyeetye.»
19Mʉmá, nye e né ó: «Dâ ɛ̌, go ó kwaha ngwíha milɔ̌b! Mɨ́ bee nó. 20Bimpám bíh, byé á dwidwe Nzyɛ̌m kûm ó wâʼ, lɨ́ ecwɨ́ʼ lɨ̂. Tó kœb ó, bɨ̌n bɨɛ oYúděn lɨ́lɛ́ɛ́ ó, gúmó mʉ̂r jálá le edwě Nzyɛ̌m kûm yɨ́, yé ó njɨ̌ Yerʉ́zalɛm.» 21Yésʉs, nye e né ó: «Búʼláá mê. Jɔʼ múo lɨ́ enze: ɨ́ jɔʼ yaá, bɨ̌n bé ákǎ dwě Nzyɛ̌m Sɔ́ŋ kûm ɨ́ Yerʉ́zalɛm, nkʉ̂ ntémé lɨ́ ecwɨ́ʼ lɨ̂. 22Bɨ̌n bʉr ó Samarî, bɨ̌n bé agʉ́ǎ sá bɨ́n dí edwe kûm nyɨ́n yɨ́. Bɨ̌h oYúden ó dí egʉ́ǎ sá bɨ́h dí edwe kûm yɨ́, ebě, lɔ́ɔ́ twiʼ, wé duho ó lɨ́ oYúden. 23Sâ gwár, jɔʼ mû ó lɨ́ enze. Yé ntémé mû ó sí pyâl. Ɨ́ jɔʼ yaá ó óbûʼla ompâ, bé ógúmlǒ Nzyɛ̌m Sɔ́ŋ le sísǐm le otyeetye yɨ́, ebě, Nzyɛ̌m Sɔ́ŋ, nye lɨ́ esáa bʉ̂r o ngá dwe nyé kûm ɨ́ mbi waá bá. 24Nzyɛ̌m, nye ó Sísǐm. Sɨ́ǎ yaá ó dí ó, bʉr o dwé nyé kûm bá, bé ɨ́ jala le edwe nyé nyǎ, le Sísǐm, le otyeetye yɨ́.» 25Mʉmá, nye e né ó: «Me lɨ́ egʉ́a ó, Mesî ónze.» (Díe laá, lé páʼlɔ́ɔ́ ó, “Krîst: Mʉ̌r Nzyɛ̌m á lœm múló mé jwɨ́ɨ nyá.”) «Jɔʼ nyé ónze yɨ́, nye ógwá kʉ́ lɛ̂ʼle gá mɨná sá yɨ́yɛ̂h.»
26Yésʉs, nye e né ó: «Me ó dí nye, mɛm, mʉr dí elwib e go nyâ.»
27Ɨ́ jɔʼ yaá ó ómpʉ́n mé Yésʉs á nze búla, duhǒ nkana yɨ́. Bê nzě kâm lɨ́ ebee nyé lɨ́ elwib e mʉmá nɨ̌. Abe e mʉr á dî yɨ́ɛ e né ó, “Gǒ sáá yé e né?” Nkʉ̂ ó, “Go lɨ́ elwib e né ɨ́ yé?”
28Mʉmá nzě líʼě dɛa médíbé yé, báʼǎ tô nkana, tó jébe bʉ̂r. Nye ó:
29«Ntaá nzě bee gá mʉr. Nyɨ́ lɛ́ɛ mé sá yɨ́yɛ̂h mé á sâ yɨ́. Nzê nye óbɛ̌m be Mʉ̂r Nzyɛ̌m á lœm múló mé jwɨ́ɨ nyá ɛ́?»
30Bʉr nzě tɨ́lwǎ nkana, tóŋɔɔ̌ nko nyé á be yɨ́.
31Jɔʼ yaá, ompʉ́n bé, bé á be lɨ́ ejɨʼla e Yésʉs ó, nye páa dě pêh dœʼ. 32Yésʉs, nye e bé ó: «Mě e dœʼ bɨ́n dí agʉ́a yɨ́.»
33Ompʉ́n, bé á be ó, bé mû lɨ́ etô le edíila ó: «Nzê nyʉ́ʉ́ mʉ̂r bê sí nze nyé e mede ɛ̌?»
34Yésʉs, nye e bé ó: «Mede mâm, mé ó, me sâʼ gwɨ́má mʉ̂r á ntɨh me nyá, le esîl syɛ́ɛ́ nyé á lɛ́ɛ ó, me ntáa nzě séa yɨ́. 35Bɨ̌n lɨ́lɛ́ɛ́ ó: “Yɨ́ lîʼ óngɔn onâ. Swɨɨ ékpɛm, wé opyâl.” Nó mɛ̌m lɛ́ɛ́ bɨ́n ó: paá dwɛ̂ʼ gá bipemé: mede, mé mû ó bɛ̌m kǎ kpɛmɔɔ. Yé jaá kǎ lîʼ ó, njɨ mede, mé kpɛ́mɔɔ. 36Kpɛma mede, nye lɨ́ ebi myɛ́na mé. Sá nyé dí esyɛŋ yɨ́, yé ódǐ njʉ̌m dǐ e njʉ̌m dǐ. Nó ó, mbel mempeʼ, bé e kpɛma mede, bɨ́bɛ̂h, bé soho ó mbi ngwár e ngwár. 37Ebě, yê tyeetye lɔ́ɔ́ ó: “Nyâʼ, nye lɨ́ ebe; nyʉ́ʉ́, nye lɨ́ ekpɛm méde me tɨ̂.” 38Me á lómo bɨ̌n ó, bɨ̌n séaa ɨ́ pemé, lɨ́ ekpɛm méde ɨ́ pemé bɨ́n á be abe mempeʼ tɨ̂ʼ yɨ́. Bʉ́ʉ́ bʉ̂r bɨ́ɛ ó b'á bɨbe. Bɨ̌n bɨɛ kǎ nzě dirǎ nyɔm e syɛ́ɛ́ yɔ́ɔ́.»
39Bʉr ó Samarî bé á be ɨ́ nkana yaá bá, bé á si dyɛ̂ʼwo e Yésʉs ɨ́ buo buo, ebě, mʉmá nɨ̌ á be ɨ́ boʼlo ó: “Nye bé ó sí lɛ́ɛ mé sá yɨ́yɛ̂h mé á sâ yɨ́.” 40Jɔʼ bé á nze nkǒ Yésʉs á be yɨ́, bê nzě jɨʼla e né ó, bé le onɔ́ɔ́ díʼeě Sukâr. Yésʉs ntɔ̂ʼ jâ tɨ̂ʼ melú mébá. 41Bʉ́ʉ́ bʉ̂r ɨ́ buo buo ntɔ̂ʼ dyɛ̂ʼwo e né ɨ́ lɔ̌b sá nyé mʉr tɨ̂ʼ á lɨlɛ́ɛ bé yɨ́. 42Bʉr baá, bê nzě lɛ́ɛ mʉ́má nɨ̌ ó: «Ɨ́ báánâ, bɨ̌h bé akǎ dyɛ̂ʼwo e né njɨ ɨ́ lɔ̌b lɔ́ɔ́ gô lɛ́ɛ́ bɨ́h wɨ́, ebě, bɨ̌h bʉr o tɨ̂, bɨ̌h bɨ́ jóʼǒ lwǐb yé le ekʉ́ gʉ́a ntémé ó, ɨ́ sí yɨ̂ʼ yɨ́yɛ̂h, nye ó dí bánǎ be Tiʼbʉr.»
Yésʉs lɨ́ etiʼ mwân mé njwɨ́ʼ syɛ̂l mesâ mé Erôd
(Matthieu 8.5-13; Luc 7.1-10)
43Jɔ̌ʼ Yésʉs á bě sí jâ náǎ melú mébá yɨ́, nye nzě mɔa, tô sí Galilê, 44ebě, Yésʉs mʉr tɨ̂ʼ á bě sí boʼlo ó: “Ngwíha milɔ̌b mé Nzyɛ̌m, nyé abe lɨ́ edweŋɔɔ̌ dúu ɨ́ sí yé.” 45Sâ gwár, ɨ́ jɔʼ nyé á pyâl gʉ̂ʼ yɨ́, bʉr ó Galilê, bé á be ɨ́ nʉa nyé mbɨ̂mbɨá, ebě, bé á be ɨ́ beě sá yɨ́yɛ̂h nyé á sâ Yerʉ́zalɛm ɨ́ jɔʼ bé á tô tɨ̂ʼ ɨ́ nzɔɔ yɨ́.
46Píe tɨ̂, Yésʉs nzě tô Kanâ, nkanǎ Galilê, nko nyé á liŋ medíbé menyoʼ yɨ́. Njwɨ́ʼ syɛ̂l mesâ mé Erôd á be ó tɨ̂. Mwân wé lɨ́ ebíle. Nye á be ó ɨ́ Kapernáʉm. 47Jɔʼ nyé á jóʼo ó, Yésʉs, nyɨ́ duhǒ sí Yʉ́da, nye mû ó sí Galilê yɨ́, nye ntɔ̂ʼ tô nko Yésʉs á be yɨ́. Nye á tô ó, tó jɨʼla e Yésʉs, ó bé e né, bé tôʼ Kapernáʉm, ó Yésʉs tíʼɨɨ nye mwân á be, nye mû kúno edwe nyá. 48Yésʉs, nye e né ó: «Bɨ̌n bé óbɨbe ɨ́ jɔʼ yɨ́yɛ̂h ó, alɨ̌ dyɛ̂ʼwo e mé ɨ́ jɔʼ bɨ́n dína apǎ bee lʉ́ʉ́ ésimá, nkʉ̂ byúú bísá bí ékâm yɨ́.»
49Syɛ̂l mesâ waá, nye e né ó: «Dâ ɛ̌, ntáʼ. Mɨná tôʼ mbɛ̌r wâm jɔʼ mwân wǎm dína apǎ dwe yɨ́.»
50Yésʉs, nye e né ó: «Tóʼ mbɛ̌r gô. Mwân gǒ ótiʼe.»
Mʉ̌r nɨ̌ nzě bûʼlǎ lɔ́ɔ́ Yésʉs á lɛ́ɛ nye wɨ́, nzě búla, tô kwár nyé. 51Nye mû téme-nzɨ̌ nɛ́ɛ: nzě bɔma le osyɛ̂l o mésá bé. Bé á be ó lɨ́ edû nyê. Bé e né ó: «Mwân gǒ, nyɨ́ tiʼe!»
52Nye ó: «Nye á tiʼe dɨ́n?»
Bé e né ó: «Nye á tiʼe ó kʉ̌ʼ, lɨ́ ewala egwár, ɨ́ jɔʼ éjwóo, lé á síe yɨ́.»
53Jɔʼ yaá ó nyé á ka nze símsa ó, yé á be ó, ɨ́ jɔ̌ʼ Yésʉs á lɛ́ɛ e né ó: “Mwân gǒ ótiʼe” yɨ́! Bé e mbɛ̌r bʉ̂r wé wɨ́wɛ̂h nzě dyɛ̂ʼwɔɔ e Yésʉs. 54Lɨ́haá, lé á be ó esimá émbá Yésʉs á sâ píe jɔʼ nyé á duhǒ sí Yʉ́da, tó dǐ sí Galilê yɨ́.
Currently Selected:
Yʉánɛs 4: ozm
Highlight
Share
Copy
Want to have your highlights saved across all your devices? Sign up or sign in
Yʉánɛs 4
4
Yésʉs, bé e mʉmá Samarî
1-3Nó mpʉ̌ Yésʉs á nze jʉ̂ʼra ó, oFarizyɛ̂n, bɨ́ jóʼo ó, nye mû ó lɨ́ edulo ómpʉ́n le edu bʉ̂r, laǎ Yʉánɛs yɨ́, nye ntɔ̂ʼ duho ɨ́ sí Yʉ́da, nzě tô sí Galilê. (Lɨ́ otyeetye, ntʉ̌ Yésʉs mʉr tɨ̂ʼ á dudu bʉr. Ompʉ́n bé ó b'á dudu.) 4Lɨ́ etô, yé á jala ó, nye cɨ́yɨɨ ɨ́ sí Samarî.
5Nye ntɔ̂ʼ tó pyâl bǎʼ e yʉ́ʉ́ nkanǎ sí Samarî bé dí ejébě “Sukâr” yɨ́. Nye á be ó bǎʼ e pemé Yákɔb á dwe mwân wé, Yóseb yɨ́. 6Edɛɛ́ mé Yákɔb, lé á be ó tɨ̂. Yésʉs nzě tó di ɨ́ nkpâh edɛɛ́, nyé osí tyɛʼ ɨ́ tyen. Yé á be ó kúnókúno e témé móhó.
7Nyʉ́ʉ́ mʉ́má Samarî nzě tó daa médíbé. Yésʉs, nye e né ó: «Dwéʼ mé medíbé. Me óde.»
8(Náǎ yé ó, ompʉ́n bé, bé á be ɨ́ tô nkana, lɨ́ etó bwâm méde.) 9Mpʉ mʉ́má waá á jóʼo nye lɨ́ egwâm nyé medíbé yɨ́, nye e né ó: «Nyá? Gua Yúden, go lɨ́ egwâm mé medíbé ɨ́ yé ɛ́? Mɛm silě Samarî!»
(Ebě, oYúden, bé abe e ndwáala e bʉr ó Samarî.) 10Yésʉs ntɔ̂ʼ lɛ́ɛ e né ó: «Yé bé go bé ɨ́ gʉ́a étʉ́m mé Nzyɛ̌m ti e mʉr gwám gó medíbé nyá nó, lɛ́ɛ́, go ô gwám nyé medíbé mé twiʼ, nye ntɔ̂ʼ gwá dwe gó mǎ.»
11Mʉmá Samarî, nye e né ó: «Dâ ɛ̌, gó abe e dɛa. Edɛɛ́ ntémé, lé ɨ́ buú díme sí. Wáǎ mbi gó dí e nkul edaa médíbé mé twiʼ? 12Mpám yɨ́ná Yákɔb ó b'á líʼe bɨ̌h bɨɛ edɛɛ́ lɨ̂. Nye mʉr tɨ̂ʼ á be ó si de médíbé tɨ̂. Bwán bé le otír bé, sí de. Nó ó, gǒ bûʼlá ó, go ó láá Yákɔb ɨ́?»
13Yésʉs, nye e né ó: «Mʉr nyɨnyɛ̂h dí ede médíbé mâʼ nyá, óbáʼǎ jóʼǒ dwéh médíbé. 14Sâ gwár, mʉr nyɨnyɛ̂h óde médíbé mé ódwe nyé má, nye ákǎ jóʼǒ dwéh médíbé, ebě, medíbé mé ódwe nyé má, mé óliŋa énó ɨ́ nyʉ̂l nyé, gúmó twǐʼ njʉ̌m dǐ óduduho yɨ́.»
15Mʉmá, nye e né ó: «Dâ ɛ̌, dwéʼ mé medíbé maá, me nkʉ̂ di, akǎ báʼǎ jóʼǒ dwéh médíbé, nkʉ̂ nze wâʼ lɨ́ enzě daa médíbé.»
16Yésʉs, nye e né ó: «Tóʼ, tó jébe njʉ̂m gǒ. Bɨ̌n a báʼá nze wâ, bɨ̌n óbɛ̂h.» 17Mʉmá, nye e né ó: «Mɛm, mé abe e njʉ̂m.»
Yésʉs, nye e né ó: «Gǒ e nkam ɨ́ jɔʼ gó dí elɛ́ɛ ó, gó abe e njʉ̂m yɨ́, 18ebě, go á bě sí bi ójʉ́m ótɛ̂n. Nó ó, mʉr bɨ́n e nɔ́ɔ́ dí ɨ́ báánâʼ nɨ̌, nyé abe njʉ̂m gǒ. Gǒ lɛ́ɛ́ ó otyeetye.»
19Mʉmá, nye e né ó: «Dâ ɛ̌, go ó kwaha ngwíha milɔ̌b! Mɨ́ bee nó. 20Bimpám bíh, byé á dwidwe Nzyɛ̌m kûm ó wâʼ, lɨ́ ecwɨ́ʼ lɨ̂. Tó kœb ó, bɨ̌n bɨɛ oYúděn lɨ́lɛ́ɛ́ ó, gúmó mʉ̂r jálá le edwě Nzyɛ̌m kûm yɨ́, yé ó njɨ̌ Yerʉ́zalɛm.» 21Yésʉs, nye e né ó: «Búʼláá mê. Jɔʼ múo lɨ́ enze: ɨ́ jɔʼ yaá, bɨ̌n bé ákǎ dwě Nzyɛ̌m Sɔ́ŋ kûm ɨ́ Yerʉ́zalɛm, nkʉ̂ ntémé lɨ́ ecwɨ́ʼ lɨ̂. 22Bɨ̌n bʉr ó Samarî, bɨ̌n bé agʉ́ǎ sá bɨ́n dí edwe kûm nyɨ́n yɨ́. Bɨ̌h oYúden ó dí egʉ́ǎ sá bɨ́h dí edwe kûm yɨ́, ebě, lɔ́ɔ́ twiʼ, wé duho ó lɨ́ oYúden. 23Sâ gwár, jɔʼ mû ó lɨ́ enze. Yé ntémé mû ó sí pyâl. Ɨ́ jɔʼ yaá ó óbûʼla ompâ, bé ógúmlǒ Nzyɛ̌m Sɔ́ŋ le sísǐm le otyeetye yɨ́, ebě, Nzyɛ̌m Sɔ́ŋ, nye lɨ́ esáa bʉ̂r o ngá dwe nyé kûm ɨ́ mbi waá bá. 24Nzyɛ̌m, nye ó Sísǐm. Sɨ́ǎ yaá ó dí ó, bʉr o dwé nyé kûm bá, bé ɨ́ jala le edwe nyé nyǎ, le Sísǐm, le otyeetye yɨ́.» 25Mʉmá, nye e né ó: «Me lɨ́ egʉ́a ó, Mesî ónze.» (Díe laá, lé páʼlɔ́ɔ́ ó, “Krîst: Mʉ̌r Nzyɛ̌m á lœm múló mé jwɨ́ɨ nyá.”) «Jɔʼ nyé ónze yɨ́, nye ógwá kʉ́ lɛ̂ʼle gá mɨná sá yɨ́yɛ̂h.»
26Yésʉs, nye e né ó: «Me ó dí nye, mɛm, mʉr dí elwib e go nyâ.»
27Ɨ́ jɔʼ yaá ó ómpʉ́n mé Yésʉs á nze búla, duhǒ nkana yɨ́. Bê nzě kâm lɨ́ ebee nyé lɨ́ elwib e mʉmá nɨ̌. Abe e mʉr á dî yɨ́ɛ e né ó, “Gǒ sáá yé e né?” Nkʉ̂ ó, “Go lɨ́ elwib e né ɨ́ yé?”
28Mʉmá nzě líʼě dɛa médíbé yé, báʼǎ tô nkana, tó jébe bʉ̂r. Nye ó:
29«Ntaá nzě bee gá mʉr. Nyɨ́ lɛ́ɛ mé sá yɨ́yɛ̂h mé á sâ yɨ́. Nzê nye óbɛ̌m be Mʉ̂r Nzyɛ̌m á lœm múló mé jwɨ́ɨ nyá ɛ́?»
30Bʉr nzě tɨ́lwǎ nkana, tóŋɔɔ̌ nko nyé á be yɨ́.
31Jɔʼ yaá, ompʉ́n bé, bé á be lɨ́ ejɨʼla e Yésʉs ó, nye páa dě pêh dœʼ. 32Yésʉs, nye e bé ó: «Mě e dœʼ bɨ́n dí agʉ́a yɨ́.»
33Ompʉ́n, bé á be ó, bé mû lɨ́ etô le edíila ó: «Nzê nyʉ́ʉ́ mʉ̂r bê sí nze nyé e mede ɛ̌?»
34Yésʉs, nye e bé ó: «Mede mâm, mé ó, me sâʼ gwɨ́má mʉ̂r á ntɨh me nyá, le esîl syɛ́ɛ́ nyé á lɛ́ɛ ó, me ntáa nzě séa yɨ́. 35Bɨ̌n lɨ́lɛ́ɛ́ ó: “Yɨ́ lîʼ óngɔn onâ. Swɨɨ ékpɛm, wé opyâl.” Nó mɛ̌m lɛ́ɛ́ bɨ́n ó: paá dwɛ̂ʼ gá bipemé: mede, mé mû ó bɛ̌m kǎ kpɛmɔɔ. Yé jaá kǎ lîʼ ó, njɨ mede, mé kpɛ́mɔɔ. 36Kpɛma mede, nye lɨ́ ebi myɛ́na mé. Sá nyé dí esyɛŋ yɨ́, yé ódǐ njʉ̌m dǐ e njʉ̌m dǐ. Nó ó, mbel mempeʼ, bé e kpɛma mede, bɨ́bɛ̂h, bé soho ó mbi ngwár e ngwár. 37Ebě, yê tyeetye lɔ́ɔ́ ó: “Nyâʼ, nye lɨ́ ebe; nyʉ́ʉ́, nye lɨ́ ekpɛm méde me tɨ̂.” 38Me á lómo bɨ̌n ó, bɨ̌n séaa ɨ́ pemé, lɨ́ ekpɛm méde ɨ́ pemé bɨ́n á be abe mempeʼ tɨ̂ʼ yɨ́. Bʉ́ʉ́ bʉ̂r bɨ́ɛ ó b'á bɨbe. Bɨ̌n bɨɛ kǎ nzě dirǎ nyɔm e syɛ́ɛ́ yɔ́ɔ́.»
39Bʉr ó Samarî bé á be ɨ́ nkana yaá bá, bé á si dyɛ̂ʼwo e Yésʉs ɨ́ buo buo, ebě, mʉmá nɨ̌ á be ɨ́ boʼlo ó: “Nye bé ó sí lɛ́ɛ mé sá yɨ́yɛ̂h mé á sâ yɨ́.” 40Jɔʼ bé á nze nkǒ Yésʉs á be yɨ́, bê nzě jɨʼla e né ó, bé le onɔ́ɔ́ díʼeě Sukâr. Yésʉs ntɔ̂ʼ jâ tɨ̂ʼ melú mébá. 41Bʉ́ʉ́ bʉ̂r ɨ́ buo buo ntɔ̂ʼ dyɛ̂ʼwo e né ɨ́ lɔ̌b sá nyé mʉr tɨ̂ʼ á lɨlɛ́ɛ bé yɨ́. 42Bʉr baá, bê nzě lɛ́ɛ mʉ́má nɨ̌ ó: «Ɨ́ báánâ, bɨ̌h bé akǎ dyɛ̂ʼwo e né njɨ ɨ́ lɔ̌b lɔ́ɔ́ gô lɛ́ɛ́ bɨ́h wɨ́, ebě, bɨ̌h bʉr o tɨ̂, bɨ̌h bɨ́ jóʼǒ lwǐb yé le ekʉ́ gʉ́a ntémé ó, ɨ́ sí yɨ̂ʼ yɨ́yɛ̂h, nye ó dí bánǎ be Tiʼbʉr.»
Yésʉs lɨ́ etiʼ mwân mé njwɨ́ʼ syɛ̂l mesâ mé Erôd
(Matthieu 8.5-13; Luc 7.1-10)
43Jɔ̌ʼ Yésʉs á bě sí jâ náǎ melú mébá yɨ́, nye nzě mɔa, tô sí Galilê, 44ebě, Yésʉs mʉr tɨ̂ʼ á bě sí boʼlo ó: “Ngwíha milɔ̌b mé Nzyɛ̌m, nyé abe lɨ́ edweŋɔɔ̌ dúu ɨ́ sí yé.” 45Sâ gwár, ɨ́ jɔʼ nyé á pyâl gʉ̂ʼ yɨ́, bʉr ó Galilê, bé á be ɨ́ nʉa nyé mbɨ̂mbɨá, ebě, bé á be ɨ́ beě sá yɨ́yɛ̂h nyé á sâ Yerʉ́zalɛm ɨ́ jɔʼ bé á tô tɨ̂ʼ ɨ́ nzɔɔ yɨ́.
46Píe tɨ̂, Yésʉs nzě tô Kanâ, nkanǎ Galilê, nko nyé á liŋ medíbé menyoʼ yɨ́. Njwɨ́ʼ syɛ̂l mesâ mé Erôd á be ó tɨ̂. Mwân wé lɨ́ ebíle. Nye á be ó ɨ́ Kapernáʉm. 47Jɔʼ nyé á jóʼo ó, Yésʉs, nyɨ́ duhǒ sí Yʉ́da, nye mû ó sí Galilê yɨ́, nye ntɔ̂ʼ tô nko Yésʉs á be yɨ́. Nye á tô ó, tó jɨʼla e Yésʉs, ó bé e né, bé tôʼ Kapernáʉm, ó Yésʉs tíʼɨɨ nye mwân á be, nye mû kúno edwe nyá. 48Yésʉs, nye e né ó: «Bɨ̌n bé óbɨbe ɨ́ jɔʼ yɨ́yɛ̂h ó, alɨ̌ dyɛ̂ʼwo e mé ɨ́ jɔʼ bɨ́n dína apǎ bee lʉ́ʉ́ ésimá, nkʉ̂ byúú bísá bí ékâm yɨ́.»
49Syɛ̂l mesâ waá, nye e né ó: «Dâ ɛ̌, ntáʼ. Mɨná tôʼ mbɛ̌r wâm jɔʼ mwân wǎm dína apǎ dwe yɨ́.»
50Yésʉs, nye e né ó: «Tóʼ mbɛ̌r gô. Mwân gǒ ótiʼe.»
Mʉ̌r nɨ̌ nzě bûʼlǎ lɔ́ɔ́ Yésʉs á lɛ́ɛ nye wɨ́, nzě búla, tô kwár nyé. 51Nye mû téme-nzɨ̌ nɛ́ɛ: nzě bɔma le osyɛ̂l o mésá bé. Bé á be ó lɨ́ edû nyê. Bé e né ó: «Mwân gǒ, nyɨ́ tiʼe!»
52Nye ó: «Nye á tiʼe dɨ́n?»
Bé e né ó: «Nye á tiʼe ó kʉ̌ʼ, lɨ́ ewala egwár, ɨ́ jɔʼ éjwóo, lé á síe yɨ́.»
53Jɔʼ yaá ó nyé á ka nze símsa ó, yé á be ó, ɨ́ jɔ̌ʼ Yésʉs á lɛ́ɛ e né ó: “Mwân gǒ ótiʼe” yɨ́! Bé e mbɛ̌r bʉ̂r wé wɨ́wɛ̂h nzě dyɛ̂ʼwɔɔ e Yésʉs. 54Lɨ́haá, lé á be ó esimá émbá Yésʉs á sâ píe jɔʼ nyé á duhǒ sí Yʉ́da, tó dǐ sí Galilê yɨ́.
Currently Selected:
:
Highlight
Share
Copy
Want to have your highlights saved across all your devices? Sign up or sign in