Matthieu 19
19
Ejwɨ́ɨ́ lé ébâ
1Jɔ̌ʼ Yésʉs á sil elwib nó yɨ́, nye nzě duhǒ sí Galilê, nzě tô sí Yʉ́da, ntɔ̂ʼ ntaa, tô ɨ́ pɨ̌n díbé Yɔrdên kɔ́m nkɛ́ɛ́. 2Bé e bʉr, entúúnó-é-nkáá. Nye ntɔ̂ʼ tiʼ mímbêl myé á be ɨ́ sɔ́má yɔ́ɔ́ mí.
3Nó bʉ́ʉ́ óFarizyɛ̂n, bé á nzě súm nyé á be yɨ́, lɨ́ enzě bóblɔɔ nyê. Bé ntɔ̂ʼ dî e né ó: «Nzê metié gá mɨ́ná, mé kam ó, mʉr bírɨɨ mʉmá wé ɨ́ mbi ébébe wɨ́wɛ̂h nyé sá nyé wɨ́ ɛ́?» 4Nye nzě dî e bé ó: «Bɨ̌n bé á bé así láa ó: “Ɨ́ metááré, Kwihbʉr á sâ bé ó: nyâ, mʉrʉ̂m; nyâ, mʉmá” ɛ́?» 5Nye nzě báʼǎ lɛ́ɛ ó: «Sá tɨ̂ʼ ó mʉ́rʉ̂m óbɔ́ʼa e sɔ́ŋ e nyɔ̌ŋ, tó pûhla e mʉmá wé yɨ́. Bɨ́bɛ̂h obá, bé óbe ó, ebɔ̂b e nzyeŋle, pʉ́m le ebo. 6Bé akǎ be óbá, njɨ púnó gwár. Mʉ̌r sá abɛ̂ʼ sá Nzyɛ̌m mʉr tɨ̂ʼ dí ɨ́ pûhla yɨ́.»
7Bé ntɔ̂ʼ báʼǎ dî e né ó: «Á nó, Moyɨ̂z á tyêl etié ó, mʉ̂r sí kpɛl ébwóolo mʉ́má wé nó, nye cɛ́maa mekaná mé éjwɨ́ɨ́ lé ébâ, nye e dwé myɛ́l, nyé obîr nyê ɨ́ yé ɛ́?» 8Nye ó: «Moyɨ̂z á nzoo tyêl etié laá ó, bɨ̌n nkʉ̂ bîr bʉ́bá bɨ́n, ebě, bɨ̌n bé ɨ́ buú lele míléme. Tó kœb ó, ɨ́ metááré, etié laá, lé á bé abe tɨ̂. 9Mě lɛ́ɛ́ bɨ́n ó, mʉ̂r óbwóolo mʉ́má wé, nyɨɛ yɨ́ɛ l'asâ médyɛ̂n, ntɔ̂ʼ bâ waá swîh nó, nyɨ́ sâ médyɛ̂n ó tɨ̂ʼ yɨ́.»
10Nó ó ómpʉ́n bé, bé á nze lɛ́ɛ e né ó: «Twiʼ mʉ́rʉ̂m e mʉmá bé nó nɛ́ɛ: yé l'akʉ́ nzoó jala ó, mʉr bâʼ.» 11Yésʉs nzě lɛ́ɛ e bé ó: «Ntʉ bʉ̂r bɨ́bɛ̂h dí e nkul enʉǎ lɔ́ɔ́ wɨ̂. Bʉr, bé á pa dweŋɔɔ nkul nyaá bá, bé omér ó dí e nkul enʉa wê. 12Ebě, ɨ́ sɔ́má bʉ̂r o dí abâ bá, yé e bʉr o dí mindwe-jǒm, duho ɨ́ mimo mí ónyɔ̌ŋ bɔ́ɔ́ bá. Nó ntémé, yé e baá o dí ecwɨhɔɔ ɨ́ lɔ̌b bʉ̂r oswîh o dí ecwɨh bé bá. Yé ntémé, yé e baá o dí etil bé bʉr o tɨ̂ʼ bʉbá ɨ́ lɔ̌b wɔ́ɔ́, bé bʉr o tɨ̂, ó bé nkʉ̂ nî ɨ́ Mpóʼo mé Dâ Nzyɛ̌m. Waá dí e nkul enʉǎ lɔ́ɔ́ wɨ̂ʼ nyá, nye nʉ́aa wê.»
Yésʉs lɨ́ esʉ bwá ó ntwǒm metyɛʼ me mpóm
13Bʉr ntɔ̂ʼ nze nyé e bwán bɔ́ɔ́, ó nye kɛ́lɨɨ bé mebô le ejɨʼla lɨ́ esú lɔ́ɔ́. Ompʉ́n bé bɨ́ɛ nzě beně sâ yaá, dwe óbyɛ̂l mebě. 14Jɔʼ yaá ó Yésʉs á nze lɛ́ɛ e bé ó: «Bírɨ́ɨ́ gá bwá ó ntwǒm, bé ntâʼ nko mé dí yɨ́. Ayɨ́ so gá bê, ebě, Mpóʼo mé Dâ Nzyɛ̌m, nye tyélá ó, lɨ́ esú é bʉ̂r o dí mpʉ bé bá.» 15Nye ntɔ̂ʼ kɛl bwân baá mebô, nzě laǎ gúmo yaá.
Kúmá sohó
16Nyʉ́ʉ́ mʉ̂r nzě sîhlě nkǒ Yésʉs á be yɨ́, ntɔ̂ʼ dî e né ó: «Lɛ̂ʼla, me sâʼ yáǎ syɛ́ɛla mpâ dí ó, me nkʉ̂ bǐ twǐʼ njʉ̌m dǐ ɛ̌?» 17Yésʉs nzě yala e né ó: «Gǒ dí mé tíá ɨ́ sá dí ɨ́ mbɨa yɨ́ ɨ́ yé? Yé e mʉr ngwár dí ɨ́ mbɨa nyá. Yé bé go lɨ́ ekpɛl énî ɨ́ twǐʼ njʉ̌m dǐ nó, baʼlaa métié.» 18Loʼo yaá nzě dî e né ó: «Maá máa?»
Yésʉs nzě yala e yé ó: «Yê cɛmá ɨ́ Mekaná mé Nzyɛ̌m ó:
“Ajʉ̂ mʉ̂r.
Asâ médyɛ̂n.
Adíbe.
Ayala ɨ́ lɔ̌b mɨ́ɔɔ́ gǒ mʉr lɨ́ onzyɛ́h ónzyɛ́h.
19Dwéʼ sʉ́ŋ e nyʉ̌ŋ dúu.
Go kpɛ́lɨɨ mɨ́ɔɔ́ gǒ mʉr mpʉ gó dí ekpɛl gó mʉr tɨ̂ʼ yɨ́.”»
20Nó ó loʼo yaá á nze yala e né ó: «Mɨ́ baʼle métié ménɨ̌ mɨ́mɛ̂h. Á yé yɨ́ɛ dí ekǎ lîʼ ó, me sâʼ ɛ̌?» 21Yésʉs nzě lɛ́ɛ e né ó: «Yé bé go lɨ́ egwɨ̂m édǐ mbɨ̂mbɨá ɨ́ mipáʼ mímyɛ̂h nó, pǎ nyɛɛ́ tó bɛ́ma bísá gó dí e byé bí, dwe báántéʼenteʼe o bʉ̂r mɔnɨ́ tɨ̂. Jɔʼ yaá ó gó ngá bi ókúm le ogbaa ɨ́ jʉ́o kʉ́ kwá mé Nzyɛ̌m yɨ́. Píe tɨ̂, go e nzé dû mê.» 22Jɔ̌ʼ loʼo yaá, yé á jóʼo yalá yaá yɨ́, yé ntɔ̂ʼ búla ɨ́ twíaaa e metyɛʼ me nyʉ̂l, ebě, yé á bě e l'okúm le ogbaa le ombeʼ o nyʉ̂l.
23Yésʉs nzě lɛ́ɛ le ompʉ́n bé ó: «Mě lɛ́ɛ́ bɨ́n lɨ́ otyeetye ó, yé ɨ́ kɔbla e mʉr dí kúmá nyá lɨ́ enî ɨ́ Mpóʼo mé Dâ Nzyɛ̌m. 24Me lɨ́ ebáʼǎ lɛ́ɛ bɨ́n: mpʉ yé dí ɨ́ kɔbla ó, ntœœ láŋaa lɨ́ egʉ́á é ntʉ́á yɨ́, jwɨʼ gwár e gwár yaá ntémé ó dí ɨ́ buú kɔbla ó, kúmá mʉr níʼee ɨ́ Mpóʼo mé Nzyɛ̌m.» 25Ɨ́ lwǐb nɨ̌, ompʉ́n bé ntɔ̂ʼ kâm nyé minum mimběʼ. Bê nzě lɛ́ɛ ó: «Yé bé nó wá, nzé nyɨɛ ngá koʼo lɨ́ enî ɨ́ twǐʼ njʉ̌m dǐ ɛ̌?» 26Yésʉs nzě dwɛ̂ʼ bê, ntɔ̂ʼ lɛ́ɛ e bé ó: «Bʉr, bé ákóʼó nî tɨ̂ʼ ɨ́ nkul nyɔ́ɔ́, bé bʉr o tɨ̂. Sâ gwár, Nzyɛ̌m nyě e nkul esâ bísá bíbyɛ̂h.»
27Pétrus nzě nʉǎ lwǐb. Nye e né ó: «Paá bee: bɨ̌h bɨ́ líʼe bísá bíh bíbyɛ̂h, njɨ lɨ́ edû gô. Á bɨ̌h bɨɛ, bé óbi yé ɛ́?» 28Yésʉs nzě yala e bé ó: «Mě lɛ́ɛ́ bɨ́n lɨ́ otyeetye ó, bɨ̌n, baá o dí edû mé bá, ɨ́ jɔʼ Mwân mé Mʉr ngá di ɨ́ mecwɨ́ɨ́ mé kûm ɨ́ sí dwân yɨ́, bɨ̌n bé ódi ɨ́ mecwɨ́ɨ́ mé ójwɨ́ɨ mɨ́n kám e mebá. Bɨ̌n bé ótíʼe ménzweh mé Ɨ́zraɛ̂l kám e mebá milɔ̌b. 29Yé abe e mʉr dí elíʼě mbɛ̌r wé, bɨ́ɔɔ́ bé, okɛ́l bé, sɔ́ŋ wé, nyɔ̌ŋ wé, bwán bé, nkʉ̂ bipemé byé ebe nyé dí edû mé, dí abáʼǎ bi byé nzɔʼ nter, nʉa ntémé twǐʼ njʉ̌m dǐ, jala e nkɔb líʼe nyé. 30Sâ gwár, bʉr ɨ́ buo buo o dí esôʼ bá, bé ódi épíhe. Baá dí epíhe bá, bé ódi ésôʼ.»
Currently Selected:
Matthieu 19: ozm
Highlight
Share
Copy
Want to have your highlights saved across all your devices? Sign up or sign in
Matthieu 19
19
Ejwɨ́ɨ́ lé ébâ
1Jɔ̌ʼ Yésʉs á sil elwib nó yɨ́, nye nzě duhǒ sí Galilê, nzě tô sí Yʉ́da, ntɔ̂ʼ ntaa, tô ɨ́ pɨ̌n díbé Yɔrdên kɔ́m nkɛ́ɛ́. 2Bé e bʉr, entúúnó-é-nkáá. Nye ntɔ̂ʼ tiʼ mímbêl myé á be ɨ́ sɔ́má yɔ́ɔ́ mí.
3Nó bʉ́ʉ́ óFarizyɛ̂n, bé á nzě súm nyé á be yɨ́, lɨ́ enzě bóblɔɔ nyê. Bé ntɔ̂ʼ dî e né ó: «Nzê metié gá mɨ́ná, mé kam ó, mʉr bírɨɨ mʉmá wé ɨ́ mbi ébébe wɨ́wɛ̂h nyé sá nyé wɨ́ ɛ́?» 4Nye nzě dî e bé ó: «Bɨ̌n bé á bé así láa ó: “Ɨ́ metááré, Kwihbʉr á sâ bé ó: nyâ, mʉrʉ̂m; nyâ, mʉmá” ɛ́?» 5Nye nzě báʼǎ lɛ́ɛ ó: «Sá tɨ̂ʼ ó mʉ́rʉ̂m óbɔ́ʼa e sɔ́ŋ e nyɔ̌ŋ, tó pûhla e mʉmá wé yɨ́. Bɨ́bɛ̂h obá, bé óbe ó, ebɔ̂b e nzyeŋle, pʉ́m le ebo. 6Bé akǎ be óbá, njɨ púnó gwár. Mʉ̌r sá abɛ̂ʼ sá Nzyɛ̌m mʉr tɨ̂ʼ dí ɨ́ pûhla yɨ́.»
7Bé ntɔ̂ʼ báʼǎ dî e né ó: «Á nó, Moyɨ̂z á tyêl etié ó, mʉ̂r sí kpɛl ébwóolo mʉ́má wé nó, nye cɛ́maa mekaná mé éjwɨ́ɨ́ lé ébâ, nye e dwé myɛ́l, nyé obîr nyê ɨ́ yé ɛ́?» 8Nye ó: «Moyɨ̂z á nzoo tyêl etié laá ó, bɨ̌n nkʉ̂ bîr bʉ́bá bɨ́n, ebě, bɨ̌n bé ɨ́ buú lele míléme. Tó kœb ó, ɨ́ metááré, etié laá, lé á bé abe tɨ̂. 9Mě lɛ́ɛ́ bɨ́n ó, mʉ̂r óbwóolo mʉ́má wé, nyɨɛ yɨ́ɛ l'asâ médyɛ̂n, ntɔ̂ʼ bâ waá swîh nó, nyɨ́ sâ médyɛ̂n ó tɨ̂ʼ yɨ́.»
10Nó ó ómpʉ́n bé, bé á nze lɛ́ɛ e né ó: «Twiʼ mʉ́rʉ̂m e mʉmá bé nó nɛ́ɛ: yé l'akʉ́ nzoó jala ó, mʉr bâʼ.» 11Yésʉs nzě lɛ́ɛ e bé ó: «Ntʉ bʉ̂r bɨ́bɛ̂h dí e nkul enʉǎ lɔ́ɔ́ wɨ̂. Bʉr, bé á pa dweŋɔɔ nkul nyaá bá, bé omér ó dí e nkul enʉa wê. 12Ebě, ɨ́ sɔ́má bʉ̂r o dí abâ bá, yé e bʉr o dí mindwe-jǒm, duho ɨ́ mimo mí ónyɔ̌ŋ bɔ́ɔ́ bá. Nó ntémé, yé e baá o dí ecwɨhɔɔ ɨ́ lɔ̌b bʉ̂r oswîh o dí ecwɨh bé bá. Yé ntémé, yé e baá o dí etil bé bʉr o tɨ̂ʼ bʉbá ɨ́ lɔ̌b wɔ́ɔ́, bé bʉr o tɨ̂, ó bé nkʉ̂ nî ɨ́ Mpóʼo mé Dâ Nzyɛ̌m. Waá dí e nkul enʉǎ lɔ́ɔ́ wɨ̂ʼ nyá, nye nʉ́aa wê.»
Yésʉs lɨ́ esʉ bwá ó ntwǒm metyɛʼ me mpóm
13Bʉr ntɔ̂ʼ nze nyé e bwán bɔ́ɔ́, ó nye kɛ́lɨɨ bé mebô le ejɨʼla lɨ́ esú lɔ́ɔ́. Ompʉ́n bé bɨ́ɛ nzě beně sâ yaá, dwe óbyɛ̂l mebě. 14Jɔʼ yaá ó Yésʉs á nze lɛ́ɛ e bé ó: «Bírɨ́ɨ́ gá bwá ó ntwǒm, bé ntâʼ nko mé dí yɨ́. Ayɨ́ so gá bê, ebě, Mpóʼo mé Dâ Nzyɛ̌m, nye tyélá ó, lɨ́ esú é bʉ̂r o dí mpʉ bé bá.» 15Nye ntɔ̂ʼ kɛl bwân baá mebô, nzě laǎ gúmo yaá.
Kúmá sohó
16Nyʉ́ʉ́ mʉ̂r nzě sîhlě nkǒ Yésʉs á be yɨ́, ntɔ̂ʼ dî e né ó: «Lɛ̂ʼla, me sâʼ yáǎ syɛ́ɛla mpâ dí ó, me nkʉ̂ bǐ twǐʼ njʉ̌m dǐ ɛ̌?» 17Yésʉs nzě yala e né ó: «Gǒ dí mé tíá ɨ́ sá dí ɨ́ mbɨa yɨ́ ɨ́ yé? Yé e mʉr ngwár dí ɨ́ mbɨa nyá. Yé bé go lɨ́ ekpɛl énî ɨ́ twǐʼ njʉ̌m dǐ nó, baʼlaa métié.» 18Loʼo yaá nzě dî e né ó: «Maá máa?»
Yésʉs nzě yala e yé ó: «Yê cɛmá ɨ́ Mekaná mé Nzyɛ̌m ó:
“Ajʉ̂ mʉ̂r.
Asâ médyɛ̂n.
Adíbe.
Ayala ɨ́ lɔ̌b mɨ́ɔɔ́ gǒ mʉr lɨ́ onzyɛ́h ónzyɛ́h.
19Dwéʼ sʉ́ŋ e nyʉ̌ŋ dúu.
Go kpɛ́lɨɨ mɨ́ɔɔ́ gǒ mʉr mpʉ gó dí ekpɛl gó mʉr tɨ̂ʼ yɨ́.”»
20Nó ó loʼo yaá á nze yala e né ó: «Mɨ́ baʼle métié ménɨ̌ mɨ́mɛ̂h. Á yé yɨ́ɛ dí ekǎ lîʼ ó, me sâʼ ɛ̌?» 21Yésʉs nzě lɛ́ɛ e né ó: «Yé bé go lɨ́ egwɨ̂m édǐ mbɨ̂mbɨá ɨ́ mipáʼ mímyɛ̂h nó, pǎ nyɛɛ́ tó bɛ́ma bísá gó dí e byé bí, dwe báántéʼenteʼe o bʉ̂r mɔnɨ́ tɨ̂. Jɔʼ yaá ó gó ngá bi ókúm le ogbaa ɨ́ jʉ́o kʉ́ kwá mé Nzyɛ̌m yɨ́. Píe tɨ̂, go e nzé dû mê.» 22Jɔ̌ʼ loʼo yaá, yé á jóʼo yalá yaá yɨ́, yé ntɔ̂ʼ búla ɨ́ twíaaa e metyɛʼ me nyʉ̂l, ebě, yé á bě e l'okúm le ogbaa le ombeʼ o nyʉ̂l.
23Yésʉs nzě lɛ́ɛ le ompʉ́n bé ó: «Mě lɛ́ɛ́ bɨ́n lɨ́ otyeetye ó, yé ɨ́ kɔbla e mʉr dí kúmá nyá lɨ́ enî ɨ́ Mpóʼo mé Dâ Nzyɛ̌m. 24Me lɨ́ ebáʼǎ lɛ́ɛ bɨ́n: mpʉ yé dí ɨ́ kɔbla ó, ntœœ láŋaa lɨ́ egʉ́á é ntʉ́á yɨ́, jwɨʼ gwár e gwár yaá ntémé ó dí ɨ́ buú kɔbla ó, kúmá mʉr níʼee ɨ́ Mpóʼo mé Nzyɛ̌m.» 25Ɨ́ lwǐb nɨ̌, ompʉ́n bé ntɔ̂ʼ kâm nyé minum mimběʼ. Bê nzě lɛ́ɛ ó: «Yé bé nó wá, nzé nyɨɛ ngá koʼo lɨ́ enî ɨ́ twǐʼ njʉ̌m dǐ ɛ̌?» 26Yésʉs nzě dwɛ̂ʼ bê, ntɔ̂ʼ lɛ́ɛ e bé ó: «Bʉr, bé ákóʼó nî tɨ̂ʼ ɨ́ nkul nyɔ́ɔ́, bé bʉr o tɨ̂. Sâ gwár, Nzyɛ̌m nyě e nkul esâ bísá bíbyɛ̂h.»
27Pétrus nzě nʉǎ lwǐb. Nye e né ó: «Paá bee: bɨ̌h bɨ́ líʼe bísá bíh bíbyɛ̂h, njɨ lɨ́ edû gô. Á bɨ̌h bɨɛ, bé óbi yé ɛ́?» 28Yésʉs nzě yala e bé ó: «Mě lɛ́ɛ́ bɨ́n lɨ́ otyeetye ó, bɨ̌n, baá o dí edû mé bá, ɨ́ jɔʼ Mwân mé Mʉr ngá di ɨ́ mecwɨ́ɨ́ mé kûm ɨ́ sí dwân yɨ́, bɨ̌n bé ódi ɨ́ mecwɨ́ɨ́ mé ójwɨ́ɨ mɨ́n kám e mebá. Bɨ̌n bé ótíʼe ménzweh mé Ɨ́zraɛ̂l kám e mebá milɔ̌b. 29Yé abe e mʉr dí elíʼě mbɛ̌r wé, bɨ́ɔɔ́ bé, okɛ́l bé, sɔ́ŋ wé, nyɔ̌ŋ wé, bwán bé, nkʉ̂ bipemé byé ebe nyé dí edû mé, dí abáʼǎ bi byé nzɔʼ nter, nʉa ntémé twǐʼ njʉ̌m dǐ, jala e nkɔb líʼe nyé. 30Sâ gwár, bʉr ɨ́ buo buo o dí esôʼ bá, bé ódi épíhe. Baá dí epíhe bá, bé ódi ésôʼ.»
Currently Selected:
:
Highlight
Share
Copy
Want to have your highlights saved across all your devices? Sign up or sign in