Lʉkas 11
11
Mɨnjwɨʼla mo Da Yesʉs
(Mataos 6.9)
1É lʉʉ dobo, Yesʉs a be ó yʉʉ gumo lé ejwɨʼla e Zyɛm. É jɔʼ nye a sil jwɨʼla ɛ, nuu mpʉn we ntɔʼ lɛɛ e nye ó: «Da, yeʼla bɨh esa mɨnjwɨʼla é mpʉ Yʉanes a yeʼle ompʉn be e.» 2Yesʉs ntɔʼ lɛɛ e be ó: «É jɔʼ bɨn lé ejwɨʼla e Zyɛm ɨ, lɛŋɨ ga ó:
Sɔŋ wih! Lɛʼla bʉr bɨbɛh ó, go ó Zyɛm ndɨ ti ɨ. Jwɨ̀ʼa yo, yé ntaʼ. 3Dweʼ bɨh mode mo jala e bɨh é dobo lɨlɛh ɛ. 4Pɛʼɛ bɨbaa bɨ ebebe bɨh, mpʉ bɨh lé epɛʼ byaa bɨ bʉr o ndɨ esa bɨh ebebe e. Ato e bɨh é mobʉbla tʉŋlʉ#11.4 Myʉʉ mɨnjʉ̌m mɨtila mɨ lwib grɛk myɛɛ, myé e mokan maʼ: «Syɛbɨ bɨh é mobo mo Bɨbla-mʉr.».»
5Nye ó: «ǃƗ mʉr é sama yin si be e mɨɔ nɛʼɛ, nye óbana to jɨm nye teme pum, le elɛɛ e mɨɔ we waa ó: “Mɨɔ wam, paʼ kʉl me bɨbler bɨlɛl. 6Nuu fo wam, nyi pyal me ye, lé eduho é cyen. No ó, me abe e sa me dweʼ nye.” 7ǃƗ mɨɔ we nye to bee e, si ka bɨha e nye é mbɛr tʉŋlʉ ó: “Antɨʼ me. Ebe, lɨ bɛa pɨrɔ. Bɨh e bwan bam mu ó mɨnjaʼa mɨ si. Me abe e nkul eka mʉa si, lé eze dwe go sɔʼɔ” nɛʼɛ, 8me elɛɛ bɨn ó nɛɛ: dam be ó, bé e nɔɔ, bé ó ofo, nye óbana bɨha mbi waa, lé etaare bene lé emʉa si. Sa gwar, nye ófuo ka mʉa si, dwe fo we sa yiyɛh nye be lé ejɨ ó, ebe, nye si gba nyʉl lé ejaʼ.»
Jwɨʼla ga e Zyɛm
(Mataos 7.7)
9«Mɛm, me elɛɛ bɨn ó nɛɛ, jaʼa ga, bɨn nkʉʼ bi. Saŋa ga, bɨn nkʉʼ bee. Kwaʼla ga ebe, lé nkʉʼ dibɔ bɨn, 10ebe, mʉr nyiwɛh lé ejaʼ ɛ, nye óbi. Mʉr lé esaa ɛ, nye óbee. Ebe, lé ódibɔ é l'efu e mʉr lé ekwaʼle e. 11Wáa mʉr é sama yin ndɨ ó, ǃɨ mwan we si jaʼ nye mbuba fu nɛʼɛ, nye ntɔʼ ka bula dwe nye nyʉa kublakubla, liʼe edwe nye mbuba fu nye jaʼ ɛ? 12Zê nye e nkul edwe nye bamlwal é jɔʼ nye jaʼ nye ecɨ e kuo e? 13Bɨn pa taare be bɨbɨbla bɨ bʉr mpʉ bɨn ndɨ nɨ, bɨn yɛɛ bé edwe bwan bɨn mɨmpaŋ bɨsɔʼɔ, a dwɛʼra e Sɔŋ win ndɨ é jobo kʉ ɨ! Nye óntɨh Mbɨambɨa Sisim, duho é jobo kʉ, dwe bʉr o ndɨ ejaʼ ɛ, laa naa.»
Yesʉs bé e Satan
(Mataos 9.32; 12.22; Markus 3.20)
14É lʉʉ dobo, Yesʉs a be ó lé edwih mʉr eleme. Mʉr waa a be ó gʉ́ʼ, syɛɛla eleme, lé a be lé entɨʼ nye e. É jɔʼ lé a duho nye é nyʉl ɨ, mʉr a taare be gʉ́ʼ ɨ, ntɔʼ taare lé elwib. Ntuntuma bʉr yaa, yé ntɔʼ jehe lɔb waa mɨnʉm mɨmbeʼ. 15No ó bʉʉ bʉr, bé a ze lɛɛ ó: «Nye e nkul edwih bʉr moleme monɨ ó, dumo e Njwɨɨ moleme, Belzebul!» 16Bʉʉ, bé a si saa ó, bé lam ó nye é mbi lwib nye óbɨha e be e. Bé e nye ó, nye saʼ be dweʼle nkul a duho boo Zyɛm ɨ.
17No ó, mpʉ Yesʉs a be si gʉa mɨpɛhla bé a be e mye é mɨleme e, nye e be ó: «Jwɨ̀ʼa yiyɛh bʉr o tɨʼ lé elwimla paʼra wɔɔ ɛ, yé efuʼla ó, é siilʉ, aka be e bʉr. Mbɛr bʉr nteme, é jɔʼ bʉr o tɨʼ lé elwimla paʼra wɔɔ ɛ, wé óduma. 18ǃƗ Satan si bɔʼa monkɔm moba nɛʼɛ, jwɨ̀ʼa ye, yé óka johlo nyá ɛ? Me elɛɛ no ó, ebe, bɨn bé elɛɛ ó, me edwih-dwih bʉr moleme ó e nkul lé eduho boo Belzebul ɨ. 19Bɨn bé elɛɛ ó, me edwih-dwih moleme ó, ebe, Belzebul ó ndɨ edwe me nkul waa. A zé nyɛɛ lé edwe ompʉn bɨn wɔɔ nkul edwih me? Ebe no, bé ó ndɨ elɛʼle é kpɛŋlɛm ó, bɨn bé e mobe! 20Yé be ó, me edwih bʉr moleme e nkul dine mo Zyɛm nɛʼɛ, kʉ gʉa ó, Zyɛm mu ó kunokuno le ecyel jwɨ̀ʼa ye é bɨn cyecye.
21«É jɔʼ njɨh mʉr mu é bii ye, nkʉ ɨ modwii me tʉŋlʉ, nye osi kwɨmla mokʉa mo dɔm me e, wé ebaʼle mobi me é puuu, akpɛɛ sɔʼɔ. 22Wé dam bɛla dɔm no, é jɔʼ guu njɨh mʉr lé elaa nye é nkul ɨ, si ntaa nye é nkul dɔm ɨ, wé edɛn nye mokʉa mo dɔm nye a dɨ jyɛʼ taa buʼo ye tɨʼ ɨ, nʉa mobi me, kab bʉr ofih. 23Mʉr nyiwɛh ndɨ abe é nkɔm wam ɨ, nye é nkɔm nkɔm-nkɛɛ. Ebe no, waa ndɨ akœb me lé esyɛŋ ɨ, nye egbah ó gbaha.»
Mpula bɨbla sisim
(Mataos 12.43)
24«É jɔʼ bɨbla sisim mu si duho é nyʉl mʉr ɨ, yé esa ó, to le eyeŋe, to le esaa gumo egbala. To kœb ó, gumo yiyɛh, yé ó, é fwâh-fwâh, abe e modibe. Yé abee gumo egbala. Yé ntɔʼ lɛɛ é we mʉr tɨʼ ó: “Me bula ó, to mbɛr wam, gumo me a duho e.” 25Yé ze bula, to kœb mbɛr waa, wé mu ngwɛmla, bɨsa bibyɛh mɨtɛʼa é bɨcye byɔɔ. 26Yé ntɔʼ ze bâʼle to, to nʉa mɨsisim mɨfih tambɛl, myaa ndɨ é laŋle bebe e. Myé e boo nɔɔ ntɔʼ bula nye ye, ze komlɔ odia wɔɔ é mʉr waa tʉŋlʉ. É jɔʼ nɨ, tiʼ mʉr waa a sia e ye e, bula bebe-bebe beba, laa mbi yaa efoʼ, yé a taare be e.»
Mocyɛʼ mo mpom
27Yesʉs dina lé ekʉ lwib no nɛʼɛ, nuu mʉma ntɔʼ duho é ntuntuma bʉr yaa. Nye e Yesʉs ó: «Mocyɛʼ mo mpom, mé e mʉma a nkɛɛ go é mo, dehle go ebel le e!» 28No ó Yesʉs a bɨha e nye ó: «Mocyɛʼ mo mpom, mé é bul laŋle ó, e baa lé ejoʼo lɔɔ Zyɛm le edu we e.»
Yesʉs lé ebene lé esa bʉr mosima
(Mataos 12.38; 16.1; Markus 8.11)
29É jɔʼ montumo mo bʉr, bé a be lé efwal, laa bim bé a fwal-fwal ɨ, Yesʉs ze lɛɛ e be ó: «A bebe bʉr o mya wiʼ ɛ! Bé ejɨ bee dweʼle nkul wam lé elɛʼle mbi mʉr me ndɨ ɨ. Bé ákwoʼ lɛʼlɔ dweʼle nkul gwar, alaa ó yaa yé a syɛɛlɨ é tiʼ mo Yonas ɨ, 30ebe, jwɨʼ gwar mpʉ bʉr o Niniv, bé a bee dweʼle nkul mo Yonas yé a syɛɛlɨ é tiʼ ye e, jwɨʼ gwar yaa nteme ó bʉr o mya wiʼ bé óbee dweʼle nkul lé esyɛɛlɨ é tiʼ mo Mwan mo Mʉr ɨ. 31É dobo le etiʼ e mɨlɔb, njwɨɨ mʉma a duho nko tie e, nye óbana cyɛb, nwahle bʉrʉm o mya wi, ebe, nye a be ó si duho é l'odumo o si, lé eze joʼo motɨɨ mo ocyoo mo Salomɔŋ. Mbe ga: sa lé elaa Salomɔŋ ɨ, yé ó bana be wâ! 32É dobo le etiʼ e mɨlɔb, bʉrʉm o nkana Niniv, bé ómʉa, nwahle bʉr o mya wi, ebe, bé a be ó si gwɨma mobebe mɔɔ, le edwir mɨleme lé ejoʼo mpaŋla Yonas a cen be e. No ó, paʼ bee ga: cyela mɨtuno lé elaa Yonas ɨ, nye ó bana kʉ be wâ!»
Diʼe ga é myɛn
33«Mʉr, nye abe lé etumo elama é l'efu le egba le é l'efo#11.33 Myʉʉ mɨnjʉ̌m mɨtila mɨ lwib grɛk myɛɛ, myé e mokan maʼ: «nkʉ é kaʼ tʉŋlʉ».. Nye ócyel le ó, é cye elama kʉ é l'efu ó, bʉr bé óni tɨʼ ɨ, diʼe é myɛn. 34Dih lo, lé ó é nyʉl go tʉŋlʉ mpʉ elama. Yé be ó, dih lo, lé ó mbɨmbɨa nɛʼɛ, gʉa ó, nyʉl go nyiwɛh, nye ó é myɛn tʉŋlʉ. ǃLé be, abe mbɨmbɨa nɛʼɛ, lɛɛ ó, nyʉl go nyiwɛh ódi-di go ó njɨ é l'edurʉ! 35Gʉa di ga ncye! Myɛn bɨn ndɨ e we e, wé amu jaa lihba edurʉ! 36Ebe no, ǃɨ nyʉl go nyiwɛh be é myɛn, yʉʉ peh nyʉl yo l'aka liʼ é l'edurʉ nɛʼɛ, lɛɛ ó, go mʉr tɨʼ ntinɨ e ntinɨ mu ó é myɛn tʉŋlʉ. Yé ó mpʉ elama lé epɛn myɛn we e.»
Yesʉs lé ebâm e l'oyeʼle o motie bé e l'oFarizyɛŋ
(Mataos 23.1; Markus 12.38; Lʉkas 20.45)
37É jɔʼ Yesʉs a be lé elwib ɨ, nuu Farizyɛŋ ntɔʼ jebe nye. Nye e nye ó, bé e nɔɔ toʼ, to de mbɛr we. Bé ntɔʼ to, niŋɔ mbɛr, diŋɔ si é teble. 38Farizyɛŋ ntɔʼ jehe Yesʉs nʉm mbeʼ lé ebee ó, nye a bana ze é dina ó, apa jwɨ̀ɨ mobo#11.38 Tina, yé ó, nye a baapubo mobo mpʉ oYʉden lé esa lé edu mpʉ buʼo yɔɔ lé elɛɛ ɛ..
39No ó Da a ze lɛɛ e nye ó: «Bɨn oFarizyɛŋ ba! É jɔʼ bɨn lé ejɨ pub bɨfua e l'okob ɨ, bɨn bé efuʼro bye njɨ é nko paʼ kʉl. To kœb ó, bɨfua byaa, byé ó lwɨŋla e bɨsa ndɨ é bebe e. Bɨn bé é bul kpɛl dɛn bɨsa bɨ bʉr, bɨn nteme e l'ebebe é leme. 40Bɨn bɨsa bɨgʉʼlʉgʉ bi! Zyɛm, waa a cye mʉr nyʉl paʼ kʉl ɨ, ntʉʼ nye nteme a cye nye paʼ tʉŋlʉ? 41Dweʼ ga baanteʼenteʼe sa ndɨ é bɨfua bin tʉŋlʉ ɨ. Bɨn bé óbee ó, bɨfua bin bibyɛh, byé ó mɨfwɨʼra é mih mo Zyɛm.
42«A vwaʼ e bɨn, oFarizyɛŋ, ebe, bɨn dam bi bɨsa ndɨ é twaʼbe e, mpʉ bɨka monumo, bɨka bɨ dʉm ndwe e l'atuŋɔ-mbɛh, bɨn bé ebana dwe Zyɛm nkɔb ewʉm tɨ. To kœb ó, ocɨcyel le kpɛl mo Zyɛm byɛɛ, bɨn bé ebana pyeh bye. Yé ekʉ jala ó, bɨn saʼ bɨsyɛɛla ndɨ e l'ocɨcyel ɨ, le byaa bɨ kpɛl, ajɨha nteme lé edwe nye nkɔb ewʉm é bwa o bɨsa bin byaa.
43«A vwaʼ e bɨn, oFarizyɛŋ! Bɨn bʉr o ndɨ esa ó, é jɔʼ yiyɛh bɨn lé eto é mpah mɨnjwɨʼla ɛ, fuo-fuo njɨ bɨdia bɨ efoʼ. Bɨn bé ekpɛl ó, bʉr taara soho bɨn, le edwaabe bɨn é mobɨm bɨnkana.
44«A vwaʼ e bɨn, ebe, bɨn bé enwɨɨla ó e mofoo ndɨ é barada, aka nyin mobʉm ɨ. Bʉr, bé etibe-tibe mofoo maa ó, bɛɛ l'agʉa#11.44 Bé agʉa ó, bɨ kuna e sa molwaʼbe, yaa ndɨ elœʼ mʉr é mih mo Zyɛm ɨ..» 45No ó nuu yeʼle motie a ze lɛɛ e nye ó: «Yeʼle, é jɔʼ go lé elwib e l'oFarizyɛŋ no e, go esamle nteme bɨh e boo nɔɔ bɨbɛh jɔʼ gwar!» 46Yesʉs, nye e nye ó: «A vwaʼ e bɨn nteme, oyeʼle o motie! Bɨn bé ekaʼ mɨmbeʼ modile, gbaŋɔ bʉr mya é mɨkoo é ziʼrɨ. Bɨn bɛɛ l'agul be lé enkɛɛ mye, dam be e dine gwar.
47«A vwaʼ e bɨn! Bɨn bé enyin kʉl ó, bɨn bé edwaabe ogwiha o mɨlɔb omya, lé ekɔn be mofoo. To kœb ó, bé ó baa bɨmpam bin byé a jʉ ɨ! 48Mpʉ bɨn lé ekɔn mofoo mɔɔ no e, bɨn bé eboʼlo tɨʼ é l'ocyecye ó, osɔŋ bɨn ó ndɨ e mpono mofie mɔɔ. Osɔŋ bɨn o b'a jʉ ogwiha o mɨlɔb; bɨn bɛɛ ka liʼ lé ekɔn mofoo mɔɔ! 49Ebe no ó Zyɛm lé elɛɛ é l'ocyoo we ó: “Me ólomlo be ogwiha o mɨlɔb ndwe e mɨlʉmlʉ myam. Baʼ bʉr, bɨn bé ójʉ jʉʼo. Bʉʉ, bé ótíile.” 50Bɨn bé óto le esa no, sa é sa sa, to pyal é jɔʼ bʉr o mya wi, bé ósia e bɨntɨʼa é buobuo e. Bé ójɛna motié mo ogwiha o mɨlɔb bɨbɛh, duho é l'etɛɛrɨ e si nwaʼ ɛ. 51Bɨn bé ótaa mofie mɔɔ, taare é l'efie mo Abɛl, to pyal é laa mo Zakari#11.51 Dwɛʼa 2 Mɨtɔɔlʉ 24.21., mʉr a jʉŋɔ paʼra taa mɨndwɛa ndwe e Mpah Zyɛm ɨ. Me elɛɛ bɨn cyecye ó nɛɛ: bʉr o mya wi, bé ókʉ taa mofie mɔɔ mɨmɛh!
52«A vwaʼ e bɨn, oyeʼle o motie! Bɨn bɨ la zi lé ecwɨɔ é jɔʼ mʉr lé egwɨm bi ocyoo e. Bɨn bʉr o tɨ, bɨn bé ajyɛl é zi waa. Bɨn bɨ bana kamle bʉr lé ecwɨɨ tɨ, le edu zi ocyoo.»
53É jɔʼ Yesʉs a duho é gumo yaa ɛ, oyeʼle o motie bé e l'oFarizyɛŋ ntɔʼ tie nye, taare lé efehɔ nye, le eduŋɔ nye e mɨlɔb é buobuo. 54Bé a sa no ó, lé elam nye, lé engbaa sa ó, nye lɛŋɨ lʉʉ ekan bé ndɨ bɛm pur nye e la ɛ.
Currently Selected:
Lʉkas 11: ozmBad
Highlight
Share
Copy
Want to have your highlights saved across all your devices? Sign up or sign in
© 2002, Wycliffe Bible Translators, Inc. All rights reserved.
Lʉkas 11
11
Mɨnjwɨʼla mo Da Yesʉs
(Mataos 6.9)
1É lʉʉ dobo, Yesʉs a be ó yʉʉ gumo lé ejwɨʼla e Zyɛm. É jɔʼ nye a sil jwɨʼla ɛ, nuu mpʉn we ntɔʼ lɛɛ e nye ó: «Da, yeʼla bɨh esa mɨnjwɨʼla é mpʉ Yʉanes a yeʼle ompʉn be e.» 2Yesʉs ntɔʼ lɛɛ e be ó: «É jɔʼ bɨn lé ejwɨʼla e Zyɛm ɨ, lɛŋɨ ga ó:
Sɔŋ wih! Lɛʼla bʉr bɨbɛh ó, go ó Zyɛm ndɨ ti ɨ. Jwɨ̀ʼa yo, yé ntaʼ. 3Dweʼ bɨh mode mo jala e bɨh é dobo lɨlɛh ɛ. 4Pɛʼɛ bɨbaa bɨ ebebe bɨh, mpʉ bɨh lé epɛʼ byaa bɨ bʉr o ndɨ esa bɨh ebebe e. Ato e bɨh é mobʉbla tʉŋlʉ#11.4 Myʉʉ mɨnjʉ̌m mɨtila mɨ lwib grɛk myɛɛ, myé e mokan maʼ: «Syɛbɨ bɨh é mobo mo Bɨbla-mʉr.».»
5Nye ó: «ǃƗ mʉr é sama yin si be e mɨɔ nɛʼɛ, nye óbana to jɨm nye teme pum, le elɛɛ e mɨɔ we waa ó: “Mɨɔ wam, paʼ kʉl me bɨbler bɨlɛl. 6Nuu fo wam, nyi pyal me ye, lé eduho é cyen. No ó, me abe e sa me dweʼ nye.” 7ǃƗ mɨɔ we nye to bee e, si ka bɨha e nye é mbɛr tʉŋlʉ ó: “Antɨʼ me. Ebe, lɨ bɛa pɨrɔ. Bɨh e bwan bam mu ó mɨnjaʼa mɨ si. Me abe e nkul eka mʉa si, lé eze dwe go sɔʼɔ” nɛʼɛ, 8me elɛɛ bɨn ó nɛɛ: dam be ó, bé e nɔɔ, bé ó ofo, nye óbana bɨha mbi waa, lé etaare bene lé emʉa si. Sa gwar, nye ófuo ka mʉa si, dwe fo we sa yiyɛh nye be lé ejɨ ó, ebe, nye si gba nyʉl lé ejaʼ.»
Jwɨʼla ga e Zyɛm
(Mataos 7.7)
9«Mɛm, me elɛɛ bɨn ó nɛɛ, jaʼa ga, bɨn nkʉʼ bi. Saŋa ga, bɨn nkʉʼ bee. Kwaʼla ga ebe, lé nkʉʼ dibɔ bɨn, 10ebe, mʉr nyiwɛh lé ejaʼ ɛ, nye óbi. Mʉr lé esaa ɛ, nye óbee. Ebe, lé ódibɔ é l'efu e mʉr lé ekwaʼle e. 11Wáa mʉr é sama yin ndɨ ó, ǃɨ mwan we si jaʼ nye mbuba fu nɛʼɛ, nye ntɔʼ ka bula dwe nye nyʉa kublakubla, liʼe edwe nye mbuba fu nye jaʼ ɛ? 12Zê nye e nkul edwe nye bamlwal é jɔʼ nye jaʼ nye ecɨ e kuo e? 13Bɨn pa taare be bɨbɨbla bɨ bʉr mpʉ bɨn ndɨ nɨ, bɨn yɛɛ bé edwe bwan bɨn mɨmpaŋ bɨsɔʼɔ, a dwɛʼra e Sɔŋ win ndɨ é jobo kʉ ɨ! Nye óntɨh Mbɨambɨa Sisim, duho é jobo kʉ, dwe bʉr o ndɨ ejaʼ ɛ, laa naa.»
Yesʉs bé e Satan
(Mataos 9.32; 12.22; Markus 3.20)
14É lʉʉ dobo, Yesʉs a be ó lé edwih mʉr eleme. Mʉr waa a be ó gʉ́ʼ, syɛɛla eleme, lé a be lé entɨʼ nye e. É jɔʼ lé a duho nye é nyʉl ɨ, mʉr a taare be gʉ́ʼ ɨ, ntɔʼ taare lé elwib. Ntuntuma bʉr yaa, yé ntɔʼ jehe lɔb waa mɨnʉm mɨmbeʼ. 15No ó bʉʉ bʉr, bé a ze lɛɛ ó: «Nye e nkul edwih bʉr moleme monɨ ó, dumo e Njwɨɨ moleme, Belzebul!» 16Bʉʉ, bé a si saa ó, bé lam ó nye é mbi lwib nye óbɨha e be e. Bé e nye ó, nye saʼ be dweʼle nkul a duho boo Zyɛm ɨ.
17No ó, mpʉ Yesʉs a be si gʉa mɨpɛhla bé a be e mye é mɨleme e, nye e be ó: «Jwɨ̀ʼa yiyɛh bʉr o tɨʼ lé elwimla paʼra wɔɔ ɛ, yé efuʼla ó, é siilʉ, aka be e bʉr. Mbɛr bʉr nteme, é jɔʼ bʉr o tɨʼ lé elwimla paʼra wɔɔ ɛ, wé óduma. 18ǃƗ Satan si bɔʼa monkɔm moba nɛʼɛ, jwɨ̀ʼa ye, yé óka johlo nyá ɛ? Me elɛɛ no ó, ebe, bɨn bé elɛɛ ó, me edwih-dwih bʉr moleme ó e nkul lé eduho boo Belzebul ɨ. 19Bɨn bé elɛɛ ó, me edwih-dwih moleme ó, ebe, Belzebul ó ndɨ edwe me nkul waa. A zé nyɛɛ lé edwe ompʉn bɨn wɔɔ nkul edwih me? Ebe no, bé ó ndɨ elɛʼle é kpɛŋlɛm ó, bɨn bé e mobe! 20Yé be ó, me edwih bʉr moleme e nkul dine mo Zyɛm nɛʼɛ, kʉ gʉa ó, Zyɛm mu ó kunokuno le ecyel jwɨ̀ʼa ye é bɨn cyecye.
21«É jɔʼ njɨh mʉr mu é bii ye, nkʉ ɨ modwii me tʉŋlʉ, nye osi kwɨmla mokʉa mo dɔm me e, wé ebaʼle mobi me é puuu, akpɛɛ sɔʼɔ. 22Wé dam bɛla dɔm no, é jɔʼ guu njɨh mʉr lé elaa nye é nkul ɨ, si ntaa nye é nkul dɔm ɨ, wé edɛn nye mokʉa mo dɔm nye a dɨ jyɛʼ taa buʼo ye tɨʼ ɨ, nʉa mobi me, kab bʉr ofih. 23Mʉr nyiwɛh ndɨ abe é nkɔm wam ɨ, nye é nkɔm nkɔm-nkɛɛ. Ebe no, waa ndɨ akœb me lé esyɛŋ ɨ, nye egbah ó gbaha.»
Mpula bɨbla sisim
(Mataos 12.43)
24«É jɔʼ bɨbla sisim mu si duho é nyʉl mʉr ɨ, yé esa ó, to le eyeŋe, to le esaa gumo egbala. To kœb ó, gumo yiyɛh, yé ó, é fwâh-fwâh, abe e modibe. Yé abee gumo egbala. Yé ntɔʼ lɛɛ é we mʉr tɨʼ ó: “Me bula ó, to mbɛr wam, gumo me a duho e.” 25Yé ze bula, to kœb mbɛr waa, wé mu ngwɛmla, bɨsa bibyɛh mɨtɛʼa é bɨcye byɔɔ. 26Yé ntɔʼ ze bâʼle to, to nʉa mɨsisim mɨfih tambɛl, myaa ndɨ é laŋle bebe e. Myé e boo nɔɔ ntɔʼ bula nye ye, ze komlɔ odia wɔɔ é mʉr waa tʉŋlʉ. É jɔʼ nɨ, tiʼ mʉr waa a sia e ye e, bula bebe-bebe beba, laa mbi yaa efoʼ, yé a taare be e.»
Mocyɛʼ mo mpom
27Yesʉs dina lé ekʉ lwib no nɛʼɛ, nuu mʉma ntɔʼ duho é ntuntuma bʉr yaa. Nye e Yesʉs ó: «Mocyɛʼ mo mpom, mé e mʉma a nkɛɛ go é mo, dehle go ebel le e!» 28No ó Yesʉs a bɨha e nye ó: «Mocyɛʼ mo mpom, mé é bul laŋle ó, e baa lé ejoʼo lɔɔ Zyɛm le edu we e.»
Yesʉs lé ebene lé esa bʉr mosima
(Mataos 12.38; 16.1; Markus 8.11)
29É jɔʼ montumo mo bʉr, bé a be lé efwal, laa bim bé a fwal-fwal ɨ, Yesʉs ze lɛɛ e be ó: «A bebe bʉr o mya wiʼ ɛ! Bé ejɨ bee dweʼle nkul wam lé elɛʼle mbi mʉr me ndɨ ɨ. Bé ákwoʼ lɛʼlɔ dweʼle nkul gwar, alaa ó yaa yé a syɛɛlɨ é tiʼ mo Yonas ɨ, 30ebe, jwɨʼ gwar mpʉ bʉr o Niniv, bé a bee dweʼle nkul mo Yonas yé a syɛɛlɨ é tiʼ ye e, jwɨʼ gwar yaa nteme ó bʉr o mya wiʼ bé óbee dweʼle nkul lé esyɛɛlɨ é tiʼ mo Mwan mo Mʉr ɨ. 31É dobo le etiʼ e mɨlɔb, njwɨɨ mʉma a duho nko tie e, nye óbana cyɛb, nwahle bʉrʉm o mya wi, ebe, nye a be ó si duho é l'odumo o si, lé eze joʼo motɨɨ mo ocyoo mo Salomɔŋ. Mbe ga: sa lé elaa Salomɔŋ ɨ, yé ó bana be wâ! 32É dobo le etiʼ e mɨlɔb, bʉrʉm o nkana Niniv, bé ómʉa, nwahle bʉr o mya wi, ebe, bé a be ó si gwɨma mobebe mɔɔ, le edwir mɨleme lé ejoʼo mpaŋla Yonas a cen be e. No ó, paʼ bee ga: cyela mɨtuno lé elaa Yonas ɨ, nye ó bana kʉ be wâ!»
Diʼe ga é myɛn
33«Mʉr, nye abe lé etumo elama é l'efu le egba le é l'efo#11.33 Myʉʉ mɨnjʉ̌m mɨtila mɨ lwib grɛk myɛɛ, myé e mokan maʼ: «nkʉ é kaʼ tʉŋlʉ».. Nye ócyel le ó, é cye elama kʉ é l'efu ó, bʉr bé óni tɨʼ ɨ, diʼe é myɛn. 34Dih lo, lé ó é nyʉl go tʉŋlʉ mpʉ elama. Yé be ó, dih lo, lé ó mbɨmbɨa nɛʼɛ, gʉa ó, nyʉl go nyiwɛh, nye ó é myɛn tʉŋlʉ. ǃLé be, abe mbɨmbɨa nɛʼɛ, lɛɛ ó, nyʉl go nyiwɛh ódi-di go ó njɨ é l'edurʉ! 35Gʉa di ga ncye! Myɛn bɨn ndɨ e we e, wé amu jaa lihba edurʉ! 36Ebe no, ǃɨ nyʉl go nyiwɛh be é myɛn, yʉʉ peh nyʉl yo l'aka liʼ é l'edurʉ nɛʼɛ, lɛɛ ó, go mʉr tɨʼ ntinɨ e ntinɨ mu ó é myɛn tʉŋlʉ. Yé ó mpʉ elama lé epɛn myɛn we e.»
Yesʉs lé ebâm e l'oyeʼle o motie bé e l'oFarizyɛŋ
(Mataos 23.1; Markus 12.38; Lʉkas 20.45)
37É jɔʼ Yesʉs a be lé elwib ɨ, nuu Farizyɛŋ ntɔʼ jebe nye. Nye e nye ó, bé e nɔɔ toʼ, to de mbɛr we. Bé ntɔʼ to, niŋɔ mbɛr, diŋɔ si é teble. 38Farizyɛŋ ntɔʼ jehe Yesʉs nʉm mbeʼ lé ebee ó, nye a bana ze é dina ó, apa jwɨ̀ɨ mobo#11.38 Tina, yé ó, nye a baapubo mobo mpʉ oYʉden lé esa lé edu mpʉ buʼo yɔɔ lé elɛɛ ɛ..
39No ó Da a ze lɛɛ e nye ó: «Bɨn oFarizyɛŋ ba! É jɔʼ bɨn lé ejɨ pub bɨfua e l'okob ɨ, bɨn bé efuʼro bye njɨ é nko paʼ kʉl. To kœb ó, bɨfua byaa, byé ó lwɨŋla e bɨsa ndɨ é bebe e. Bɨn bé é bul kpɛl dɛn bɨsa bɨ bʉr, bɨn nteme e l'ebebe é leme. 40Bɨn bɨsa bɨgʉʼlʉgʉ bi! Zyɛm, waa a cye mʉr nyʉl paʼ kʉl ɨ, ntʉʼ nye nteme a cye nye paʼ tʉŋlʉ? 41Dweʼ ga baanteʼenteʼe sa ndɨ é bɨfua bin tʉŋlʉ ɨ. Bɨn bé óbee ó, bɨfua bin bibyɛh, byé ó mɨfwɨʼra é mih mo Zyɛm.
42«A vwaʼ e bɨn, oFarizyɛŋ, ebe, bɨn dam bi bɨsa ndɨ é twaʼbe e, mpʉ bɨka monumo, bɨka bɨ dʉm ndwe e l'atuŋɔ-mbɛh, bɨn bé ebana dwe Zyɛm nkɔb ewʉm tɨ. To kœb ó, ocɨcyel le kpɛl mo Zyɛm byɛɛ, bɨn bé ebana pyeh bye. Yé ekʉ jala ó, bɨn saʼ bɨsyɛɛla ndɨ e l'ocɨcyel ɨ, le byaa bɨ kpɛl, ajɨha nteme lé edwe nye nkɔb ewʉm é bwa o bɨsa bin byaa.
43«A vwaʼ e bɨn, oFarizyɛŋ! Bɨn bʉr o ndɨ esa ó, é jɔʼ yiyɛh bɨn lé eto é mpah mɨnjwɨʼla ɛ, fuo-fuo njɨ bɨdia bɨ efoʼ. Bɨn bé ekpɛl ó, bʉr taara soho bɨn, le edwaabe bɨn é mobɨm bɨnkana.
44«A vwaʼ e bɨn, ebe, bɨn bé enwɨɨla ó e mofoo ndɨ é barada, aka nyin mobʉm ɨ. Bʉr, bé etibe-tibe mofoo maa ó, bɛɛ l'agʉa#11.44 Bé agʉa ó, bɨ kuna e sa molwaʼbe, yaa ndɨ elœʼ mʉr é mih mo Zyɛm ɨ..» 45No ó nuu yeʼle motie a ze lɛɛ e nye ó: «Yeʼle, é jɔʼ go lé elwib e l'oFarizyɛŋ no e, go esamle nteme bɨh e boo nɔɔ bɨbɛh jɔʼ gwar!» 46Yesʉs, nye e nye ó: «A vwaʼ e bɨn nteme, oyeʼle o motie! Bɨn bé ekaʼ mɨmbeʼ modile, gbaŋɔ bʉr mya é mɨkoo é ziʼrɨ. Bɨn bɛɛ l'agul be lé enkɛɛ mye, dam be e dine gwar.
47«A vwaʼ e bɨn! Bɨn bé enyin kʉl ó, bɨn bé edwaabe ogwiha o mɨlɔb omya, lé ekɔn be mofoo. To kœb ó, bé ó baa bɨmpam bin byé a jʉ ɨ! 48Mpʉ bɨn lé ekɔn mofoo mɔɔ no e, bɨn bé eboʼlo tɨʼ é l'ocyecye ó, osɔŋ bɨn ó ndɨ e mpono mofie mɔɔ. Osɔŋ bɨn o b'a jʉ ogwiha o mɨlɔb; bɨn bɛɛ ka liʼ lé ekɔn mofoo mɔɔ! 49Ebe no ó Zyɛm lé elɛɛ é l'ocyoo we ó: “Me ólomlo be ogwiha o mɨlɔb ndwe e mɨlʉmlʉ myam. Baʼ bʉr, bɨn bé ójʉ jʉʼo. Bʉʉ, bé ótíile.” 50Bɨn bé óto le esa no, sa é sa sa, to pyal é jɔʼ bʉr o mya wi, bé ósia e bɨntɨʼa é buobuo e. Bé ójɛna motié mo ogwiha o mɨlɔb bɨbɛh, duho é l'etɛɛrɨ e si nwaʼ ɛ. 51Bɨn bé ótaa mofie mɔɔ, taare é l'efie mo Abɛl, to pyal é laa mo Zakari#11.51 Dwɛʼa 2 Mɨtɔɔlʉ 24.21., mʉr a jʉŋɔ paʼra taa mɨndwɛa ndwe e Mpah Zyɛm ɨ. Me elɛɛ bɨn cyecye ó nɛɛ: bʉr o mya wi, bé ókʉ taa mofie mɔɔ mɨmɛh!
52«A vwaʼ e bɨn, oyeʼle o motie! Bɨn bɨ la zi lé ecwɨɔ é jɔʼ mʉr lé egwɨm bi ocyoo e. Bɨn bʉr o tɨ, bɨn bé ajyɛl é zi waa. Bɨn bɨ bana kamle bʉr lé ecwɨɨ tɨ, le edu zi ocyoo.»
53É jɔʼ Yesʉs a duho é gumo yaa ɛ, oyeʼle o motie bé e l'oFarizyɛŋ ntɔʼ tie nye, taare lé efehɔ nye, le eduŋɔ nye e mɨlɔb é buobuo. 54Bé a sa no ó, lé elam nye, lé engbaa sa ó, nye lɛŋɨ lʉʉ ekan bé ndɨ bɛm pur nye e la ɛ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2002, Wycliffe Bible Translators, Inc. All rights reserved.