JUAN 20
20
Jesuspa kawsarimpusqan
(Mt 28.1-10; Mr 16.1-8; Lc 24.1-12)
1Semana qallariy p'unchaymi Magdalá llaqtayoq Mariaqa aya p'ampanaman rirqan, tutayaqllaraq kashaqtin, hinaspan aya p'ampana wisq'asqa rumi tanqaqasqata rikurqan. 2Chaymi phawaylla rirqan Simón Pedroman Jesuspa munakusqan hukkaq yachachisqanmanwan, hinaspan paykunata nirqan: —Señor Jesustan aya p'ampanamanta aparqosqaku, manataqmi yachaykuchu maymanchus payta churamusqankutapas, nispa.
3Pedrotaq hukkaq yachachisqapiwan lloqsispa aya p'ampanaman rirqanku. 4Iskayninkun kuskalla phawarqanku, hukkaq yachachisqataq ichaqa Pedromanta aswan usqhaylla phawaspa, ñawpaqta aya p'ampanaman chayarqan. 5Hinaspan k'umuykuspa lino telakunata churarayashaqta rikurqan, ichaqa manan haykurqanchu. 6Qhepanta riq Simón Pedrotaq chayaspa aya p'ampanaman haykurqan, hinaspan rikurqan lino telakunata churarayashaqta. 7Jesuspa uman k'uyusqa pañotataq mana telakunawan kuska churarayashaqtachu rikurqan, aswanpas wakneqpi k'uyurayashaqta. 8Chaymantan ñawpaqta aya p'ampanaman chayaqkaq yachachisqapas haykullarqantaq, rikuspataq creerqan. 9Manaraqmi Diospa Simin Qelqata entienderqankuchu, Jesusqa wañusqanmanta kawsarimpunanpuni kasqanta. 10Chay yachachisqakunataq wasinkuta kutipurqanku.
Magdalá llaqtayoq Mariaman Jesuspa rikuchikusqan
(Mr 16.9-11)
11Mariataq sayasharqan aya p'ampana qayllapi waqaspa. Waqan-waqantaq aya p'ampanata qhawaykuq k'umuykurqan. 12Hinaspan maypichus Jesuspa cuerpon churasqa karqan chaypi yuraq p'achayoq iskay angelkunata tiyashaqta rikurqan, hukninta uma ladopi, huknintataq chaki ladopi. 13Angelkunataq payta nirqanku: —Warmi, ¿imamantan waqashanki? nispa.
Mariataq nirqan: —Señorniyta apasqankumantan waqashani, manan yachanichu maymanchus churamusqankutapas, nispa. 14Chayta nispanmi qhepaman kutirispan Jesusta rikurqan chaypi sayashaqta, ichaqa manan yacharqanchu Jesús kasqanta.
15Jesustaq payta nirqan: —¿Imamantan waqashanki? ¿Pitan maskhashanki? nispa.
Chaymi Mariaqa huertapi llank'aq runapaq yuyaspa nirqan: —Wiraqocháy, qan aparqanki chayqa, willaway maymanchus churamusqaykita, ñoqataq apakampusaq, nispa.
16Hinan Jesusqa payta nirqan: —¡María! nispa.
Chaymi payqa Hebreo simipi nirqan: —¡Raboni! nispa. (Chay simiqa “yachachikuq” ninantan nin).
17Jesustaq payta nirqan: —Amaraq llamiykuwaychu, manaraqmi Yayayman wichanichu. Wawqeykunaman rispa willamuy: Señormi nin: Ñoqan wichashani Yayayman, paymi qankunaqpas Yayaykichis, Diosniyman wichashani, paymi qankunaqpas Diosniykichis, nispa, nispayki. 18Hinan Magdalá llaqtayoq Mariaqa yachachisqakunaman willamurqan Señor Jesusta rikumusqanta, Señorllataq chaykunata payman nisqantawan.
Yachachisqankunaman Jesuspa rikhurisqan
(Mt 28.16-20; Mr 16.14-18; Lc 24.36-49)
19Chay kikin semana qallariy p'unchay ch'isiyashaqtinmi, yachachisqakunaqa wasi punkukunata wisq'aykukuspa kasharqanku Judío umallikunata manchakuspanku, hinan Jesusqa chawpinkupi sayaykuspa paykunata nirqan: —Sonqoykichis “thak” nichun, nispa.
20Chayta nispanmi paykunaman rikuchirqan makinkunata waqtantawan. Yachachisqakunataqmi Señor Jesusta rikuspa q'ochukurqanku. 21Chaymi Jesusqa huktawan paykunata nirqan: —Sonqoykichis “thak” nichun. Imaynan Yaya ñoqata kachamuwarqan, chay hinallataqmi ñoqapas qankunata kachaykichis, nispa.
22Chayta nispanmi paykunaman samaykurqan, hinaspan nirqan: —Santo Espirituta chaskiychis. 23Pikunaqtachus huchankuta pampachankichis chayqa pampachasqañan, pikunaqtachus mana pampachankichischu chayqa manan pampachasqachu, nispa.
Tomaspa iskayrayasqan
24Mellizo nisqa Tomasmi chunka iskayniyoqmanta huknin karqan, paymi mana chaypichu kasharqan Jesús hamushaqtin. 25Chaymi wakin yachachisqakunaqa payta nirqanku: —Señor Jesustan rikuyku, nispa.
Tomastaq paykunata nirqan: —Manachus makinkunapi clavokunaq t'oqosqanta rikusaq, manataqchus dedoytapas clavokunaq haykusqanman winaykusaq chayqa, manan creesaqchu, nispa.
26Pusaq p'unchay qhepatataq huktawan yachachisqankunaqa wasipi kasharqanku, Tomaspas paykunawanmi kasharqan. Punkukuna wisq'asqa kashaqtinmi Jesusqa hamuspa chawpinkupi sayaykuspa nirqan: —Sonqoykichis “thak” nichun, nispa.
27Hinaspan Tomasta nirqan: —Dedoykita kayman winaykuy, makiykunatapas qhawariy, makiykita haywarimuspa waqtanniyman winaykuy, amaña iskayrayaychu, aswanpas iñiy, nispa.
28Chaymi Tomasqa nirqan: —¡Señorníy, Diosníy! nispa.
29Hinan Jesusqa payta nirqan: —Tomás, rikuwaspaykiraqmi qanqa iñinki, kusisamiyoqmi mana rikuspalla ñoqapi iñiqkunaqa, nispa.
Imapaqchus kay Qelqa qelqasqa kasqan
30Jesusqa ruwallarqantaqmi wak askha milagrokunatapas yachachisqankunaq qayllanpi, chaykunaqa kay qelqapiqa manan qelqasqachu kashan. 31Kaykunan ichaqa qelqasqa kashan Jesusqa Diospa Churin Cristo kasqanta iñinaykichispaq, paypi iñispataq kawsayniyoq kanaykichispaq, nispa.
Currently Selected:
JUAN 20: QC88
Highlight
Share
Copy
Want to have your highlights saved across all your devices? Sign up or sign in
Biblia en Quechua de Cuzco © Sociedades Bíblicas Unidas, 1988.
JUAN 20
20
Jesuspa kawsarimpusqan
(Mt 28.1-10; Mr 16.1-8; Lc 24.1-12)
1Semana qallariy p'unchaymi Magdalá llaqtayoq Mariaqa aya p'ampanaman rirqan, tutayaqllaraq kashaqtin, hinaspan aya p'ampana wisq'asqa rumi tanqaqasqata rikurqan. 2Chaymi phawaylla rirqan Simón Pedroman Jesuspa munakusqan hukkaq yachachisqanmanwan, hinaspan paykunata nirqan: —Señor Jesustan aya p'ampanamanta aparqosqaku, manataqmi yachaykuchu maymanchus payta churamusqankutapas, nispa.
3Pedrotaq hukkaq yachachisqapiwan lloqsispa aya p'ampanaman rirqanku. 4Iskayninkun kuskalla phawarqanku, hukkaq yachachisqataq ichaqa Pedromanta aswan usqhaylla phawaspa, ñawpaqta aya p'ampanaman chayarqan. 5Hinaspan k'umuykuspa lino telakunata churarayashaqta rikurqan, ichaqa manan haykurqanchu. 6Qhepanta riq Simón Pedrotaq chayaspa aya p'ampanaman haykurqan, hinaspan rikurqan lino telakunata churarayashaqta. 7Jesuspa uman k'uyusqa pañotataq mana telakunawan kuska churarayashaqtachu rikurqan, aswanpas wakneqpi k'uyurayashaqta. 8Chaymantan ñawpaqta aya p'ampanaman chayaqkaq yachachisqapas haykullarqantaq, rikuspataq creerqan. 9Manaraqmi Diospa Simin Qelqata entienderqankuchu, Jesusqa wañusqanmanta kawsarimpunanpuni kasqanta. 10Chay yachachisqakunataq wasinkuta kutipurqanku.
Magdalá llaqtayoq Mariaman Jesuspa rikuchikusqan
(Mr 16.9-11)
11Mariataq sayasharqan aya p'ampana qayllapi waqaspa. Waqan-waqantaq aya p'ampanata qhawaykuq k'umuykurqan. 12Hinaspan maypichus Jesuspa cuerpon churasqa karqan chaypi yuraq p'achayoq iskay angelkunata tiyashaqta rikurqan, hukninta uma ladopi, huknintataq chaki ladopi. 13Angelkunataq payta nirqanku: —Warmi, ¿imamantan waqashanki? nispa.
Mariataq nirqan: —Señorniyta apasqankumantan waqashani, manan yachanichu maymanchus churamusqankutapas, nispa. 14Chayta nispanmi qhepaman kutirispan Jesusta rikurqan chaypi sayashaqta, ichaqa manan yacharqanchu Jesús kasqanta.
15Jesustaq payta nirqan: —¿Imamantan waqashanki? ¿Pitan maskhashanki? nispa.
Chaymi Mariaqa huertapi llank'aq runapaq yuyaspa nirqan: —Wiraqocháy, qan aparqanki chayqa, willaway maymanchus churamusqaykita, ñoqataq apakampusaq, nispa.
16Hinan Jesusqa payta nirqan: —¡María! nispa.
Chaymi payqa Hebreo simipi nirqan: —¡Raboni! nispa. (Chay simiqa “yachachikuq” ninantan nin).
17Jesustaq payta nirqan: —Amaraq llamiykuwaychu, manaraqmi Yayayman wichanichu. Wawqeykunaman rispa willamuy: Señormi nin: Ñoqan wichashani Yayayman, paymi qankunaqpas Yayaykichis, Diosniyman wichashani, paymi qankunaqpas Diosniykichis, nispa, nispayki. 18Hinan Magdalá llaqtayoq Mariaqa yachachisqakunaman willamurqan Señor Jesusta rikumusqanta, Señorllataq chaykunata payman nisqantawan.
Yachachisqankunaman Jesuspa rikhurisqan
(Mt 28.16-20; Mr 16.14-18; Lc 24.36-49)
19Chay kikin semana qallariy p'unchay ch'isiyashaqtinmi, yachachisqakunaqa wasi punkukunata wisq'aykukuspa kasharqanku Judío umallikunata manchakuspanku, hinan Jesusqa chawpinkupi sayaykuspa paykunata nirqan: —Sonqoykichis “thak” nichun, nispa.
20Chayta nispanmi paykunaman rikuchirqan makinkunata waqtantawan. Yachachisqakunataqmi Señor Jesusta rikuspa q'ochukurqanku. 21Chaymi Jesusqa huktawan paykunata nirqan: —Sonqoykichis “thak” nichun. Imaynan Yaya ñoqata kachamuwarqan, chay hinallataqmi ñoqapas qankunata kachaykichis, nispa.
22Chayta nispanmi paykunaman samaykurqan, hinaspan nirqan: —Santo Espirituta chaskiychis. 23Pikunaqtachus huchankuta pampachankichis chayqa pampachasqañan, pikunaqtachus mana pampachankichischu chayqa manan pampachasqachu, nispa.
Tomaspa iskayrayasqan
24Mellizo nisqa Tomasmi chunka iskayniyoqmanta huknin karqan, paymi mana chaypichu kasharqan Jesús hamushaqtin. 25Chaymi wakin yachachisqakunaqa payta nirqanku: —Señor Jesustan rikuyku, nispa.
Tomastaq paykunata nirqan: —Manachus makinkunapi clavokunaq t'oqosqanta rikusaq, manataqchus dedoytapas clavokunaq haykusqanman winaykusaq chayqa, manan creesaqchu, nispa.
26Pusaq p'unchay qhepatataq huktawan yachachisqankunaqa wasipi kasharqanku, Tomaspas paykunawanmi kasharqan. Punkukuna wisq'asqa kashaqtinmi Jesusqa hamuspa chawpinkupi sayaykuspa nirqan: —Sonqoykichis “thak” nichun, nispa.
27Hinaspan Tomasta nirqan: —Dedoykita kayman winaykuy, makiykunatapas qhawariy, makiykita haywarimuspa waqtanniyman winaykuy, amaña iskayrayaychu, aswanpas iñiy, nispa.
28Chaymi Tomasqa nirqan: —¡Señorníy, Diosníy! nispa.
29Hinan Jesusqa payta nirqan: —Tomás, rikuwaspaykiraqmi qanqa iñinki, kusisamiyoqmi mana rikuspalla ñoqapi iñiqkunaqa, nispa.
Imapaqchus kay Qelqa qelqasqa kasqan
30Jesusqa ruwallarqantaqmi wak askha milagrokunatapas yachachisqankunaq qayllanpi, chaykunaqa kay qelqapiqa manan qelqasqachu kashan. 31Kaykunan ichaqa qelqasqa kashan Jesusqa Diospa Churin Cristo kasqanta iñinaykichispaq, paypi iñispataq kawsayniyoq kanaykichispaq, nispa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia en Quechua de Cuzco © Sociedades Bíblicas Unidas, 1988.