JUAN 5
5
Betesdapi such'u runata qhaliyachisqan
1Chaykuna qhepatan Judío runakunaq fiestan karqan, chaymi Jesusqa Jerusalén llaqtaman kutirqan. 2Jerusalén llaqtapin Oveja Punku nisqa qayllapi huk estanque karqan phisqa portalniyoq, Hebreo rimaypin Betesda nisqa. 3Chay portalkunapin askha onqosqakuna, ñawsakuna, such'ukuna, cuerpon ch'akisqakunapas sirisharqanku, [unuq aytirikunanta suyakuspanku. 4Huk angelmi may kutillanpi estanqueman uraykamuq, hinaspan unuta aytiriq, unu aytirikuqtinña estanqueman pipas ñawpaqta haykuqtaq ima onqoyniyoqña kashaspapas qhaliyaq.]#Griego rimaypi aswan allin qelqakunapin kay simikunaqa mana rikhurinchu. 5Chaypin kasharqan kinsa chunka pusaqniyoq wataña onqosqa runa. 6Jesustaq chayta sirishaqta rikuspa, unayña chay hina kasqanta entiendespa payta nirqan: —¿Munankichu qhaliyayta? nispa.
7Onqosqataq nirqan: —Wiraqocháy, manan piniypas kanchu unu aytirikuqtin hina estanqueman apaykuwananpaq, kikiy rinaykamaqa hukmi llallirqapuwan, nispa.
8Jesustaq payta nirqan: —Sayariy, puñunaykita aparikuspa ripuy, nispa.
9Hinan chay runaqa qhaliyarqanpacha, puñunanta aparikuspataq ripurqan. Chay p'unchayqa samana p'unchaymi karqan. 10Chaymi Judío umallikunaqa chay qhaliyachisqa runata nirqanku: —Kunanqa samana p'unchaymi, kamachikuy simiman hinaqa manan puñunaykita apawaqchu, nispa.
11Hinan paykunata nirqan: —Kikin qhaliyachiwaqniymi nimuwan: Puñunaykita aparikuspa ripuy, nispan, nispa.
12Chaymi paykunaqa tapurqanku: —¿Pin nimurqasunki: Puñunaykita aparikuspa ripuy, nispa? nispanku.
13Qhaliyachisqa runataq mana yacharqanchu pichus kasqanta, askha runa ukhupi Jesuspa chinkarqosqanrayku. 14Chaymantañan Jesusqa payta Dios yupaychana wasipi tarispa nirqan: —¿Qhaliyachisqañan kashanki, ama astawan huchallikuychu, ama imapas aswan mana allin kanasuykipaq, nispa.
15Paytaq rispa Judío umallikunaman willamurqan qhaliyachiqninqa Jesús kasqanta. 16Chay hawan Judío umallikunaqa Jesusta qatiykacharqanku, samana p'unchaypi chaykunata ruwaqtin. 17Jesustaq paykunata nirqan: —Yayayqa llank'ashallanpunin, ñoqapas llank'ashallanitaqmi, nispa.
18Chayraykutaqmi Judío umallikunaqa astawan payta wañuchiytapuni munarqanku, manan samana p'unchaymanta kamachikuy simita p'akisqanraykullachu, aswanmi “Diosqa Taytaymi” nispa Dioswan kuskachakusqanrayku.
Diospa Churinpa atiynin
19Jesusmi paykunata nirqan: —Cheqaqtapunin niykichis, ñoqa Churiqa kikiymanta manan imatapas ruwayta atiymanchu, aswanmi Yayaq ruwasqan rikusqallayta, Yayaq lliw ruwasqallantataqmi ñoqa Churipas ruwani. 20Yayaqa ñoqata munakuwaspanmi lliw imaymana ruwasqanta rikuchiwan, aswan hatun ruwaykunataraqmi ruwanaypaq rikuchiwanqa, chay hinapi qankuna musphanaykichispaq. 21Imaynan Yayaqa wañusqakunata sayarichin, hinaspa kawsachin, chay hinallataqmi ñoqa Churipas pikunatachá kawsachiyta munani chaykunata kawsachini. 22Yayaqa manan pitapas juzganchu, aswanmi lliwta juzgaqpaq ñoqa Churita churawarqan, 23llapa runa yupaychawanankupaq, imaynan Yayata yupaychanku hinata. Pipas ñoqa Churita mana yupaychaspaqa kachamuwaqniy Yayatapas manan yupaychashallantaqchu.
24Cheqaqtapunin niykichis: Pipas simiyta uyariq, hinaspa kachamuwaqniy Yayapi iñiqqa wiñay kawsayniyoqmi, manan huchachasqañachu kanqa, aswanmi wañuymanta kawsayman pasanña. 25Cheqaqtapunin niykichis: Tiempon chayamushan, chayarqamunñan, ñoqa Churinpa kunkayta wañusqakunaq uyarinanku, kasukuqkunataqmi kawsanqaku. 26Imaynan Yayapas runakunaman kawsayta qon, chay hinallataqmi ñoqa Churimanpas atiyta qowarqan runakunaman kawsayta qonaypaq, 27paypa kachamusqan Runa kasqayraykun juzganaypaqpas atiyta qowarqan. 28Ama kay nisqaywanqa musphaychischu, aya p'ampanakunapi lliw kaqkunaq kunkayta uyarinanku tiempon chayamunqa. 29Allinkaqta ruwaqkunaqa kawsanankupaqmi kawsarimpunqaku, mana allinkaqta ruwaqkunataq ichaqa Diospa huchachasqan kanankupaq kawsarimpunqaku, nispa.
Jesuspa testigonkuna
30Ñoqaqa manan ima ruwaytapas kikillaymantaqa atinichu. Yayaypa niwasqanman hinan juzgani, chaymi jusgasqayqa chaninpuni. Manan munayniytachu ruwayta munani, aswanmi kachamuwaqniy Yayaq munayninta. 31Ñoqa kikiymantachus willakuni chayqa, willakusqayqa manan cheqaqpaq hap'isqachu kanman. 32Hukmi ñoqamanta willaqqa, payqa Yayaymi, yachanitaqmi ñoqamanta willasqanqa cheqaq kasqanta.
33Qankunan Juanman tapuqta kacharqankichis, paytaq ñoqamanta cheqaqkaqta willarqan. 34Ñoqaqa manan runaq willakunantaqa necesitanichu, aswanmi Juanmanta rimani qankuna qespichisqa kanaykichispaq. 35Juanmi k'anchashaq lámpara hina karqan, qankunataq pisi tiempollata k'anchayninpi kusikuyta munasharqankichis. 36Ñoqaq ruwasqaymi ichaqa Juanpa willasqanmantapas aswantaraq ñoqamanta willakun. Yayaq qomuwasqan ruwaykunatan hunt'ashani, chay ruwasqaykunan willakun Yayaq kachamuwasqan kasqayta. 37Kachamuwaqniy kikin Yayallataqmi ñoqamanta willakun. Manan hayk'aqpas kunkanta uyarirqankichischu, manataq rikch'aynintapas rikurqankichischu. 38Paymi ñoqata kachamuwarqan, ichaqa siminta manan hap'inkichischu, ñoqapi mana iñisqaykichisrayku. 39Diospa Simin Qelqatan allinta t'aqwishankichis chaypi wiñay kawsay qankunapaq kasqanta yuyaspa, chay Qelqaqa ñoqamantan willakun. 40Chaywanpas manan ñoqaman hamuyta munankichischu wiñay kawsayniyoq kanaykichispaq.
41Runakunaq hatunchawanantaqa manan munanichu. 42Ichaqa ñoqan reqsiykichis qankunaqa Diosta mana munakuq kasqaykichista. 43Yayaypa sutinpin ñoqa hamuni, manataq chaskiwankichischu, wak runataqchus cuentanman hamunman chayqa, chaytaqa chaskiwaqchismi. 44Qankunaqa qankuna puran hatunchanakuyta munankichis, ichaqa manan Diospa hatunchanantachu munankichis, chay hinari, ¿imaynatataq ñoqapi iñiwaqchis?
45Ama yuyaychischu Yayaq qayllanpi ñoqa qankunata huchachanaytaqa, kanmi huchachaqniykichis, chayqa Moisesmi, paypin qankunaqa suyakushankichis. 46Moisesta qankuna creewaqchis chayqa, ñoqatapas creewankichismanmi, payqa ñoqamantan qelqarqan. 47Moisespa qelqasqankunata mana creeshaspaykichisqa, ¿imaynatan simiykunata creewaqchis? nispa.
Currently Selected:
JUAN 5: QC88
Highlight
Share
Copy
Want to have your highlights saved across all your devices? Sign up or sign in
Biblia en Quechua de Cuzco © Sociedades Bíblicas Unidas, 1988.
JUAN 5
5
Betesdapi such'u runata qhaliyachisqan
1Chaykuna qhepatan Judío runakunaq fiestan karqan, chaymi Jesusqa Jerusalén llaqtaman kutirqan. 2Jerusalén llaqtapin Oveja Punku nisqa qayllapi huk estanque karqan phisqa portalniyoq, Hebreo rimaypin Betesda nisqa. 3Chay portalkunapin askha onqosqakuna, ñawsakuna, such'ukuna, cuerpon ch'akisqakunapas sirisharqanku, [unuq aytirikunanta suyakuspanku. 4Huk angelmi may kutillanpi estanqueman uraykamuq, hinaspan unuta aytiriq, unu aytirikuqtinña estanqueman pipas ñawpaqta haykuqtaq ima onqoyniyoqña kashaspapas qhaliyaq.]#Griego rimaypi aswan allin qelqakunapin kay simikunaqa mana rikhurinchu. 5Chaypin kasharqan kinsa chunka pusaqniyoq wataña onqosqa runa. 6Jesustaq chayta sirishaqta rikuspa, unayña chay hina kasqanta entiendespa payta nirqan: —¿Munankichu qhaliyayta? nispa.
7Onqosqataq nirqan: —Wiraqocháy, manan piniypas kanchu unu aytirikuqtin hina estanqueman apaykuwananpaq, kikiy rinaykamaqa hukmi llallirqapuwan, nispa.
8Jesustaq payta nirqan: —Sayariy, puñunaykita aparikuspa ripuy, nispa.
9Hinan chay runaqa qhaliyarqanpacha, puñunanta aparikuspataq ripurqan. Chay p'unchayqa samana p'unchaymi karqan. 10Chaymi Judío umallikunaqa chay qhaliyachisqa runata nirqanku: —Kunanqa samana p'unchaymi, kamachikuy simiman hinaqa manan puñunaykita apawaqchu, nispa.
11Hinan paykunata nirqan: —Kikin qhaliyachiwaqniymi nimuwan: Puñunaykita aparikuspa ripuy, nispan, nispa.
12Chaymi paykunaqa tapurqanku: —¿Pin nimurqasunki: Puñunaykita aparikuspa ripuy, nispa? nispanku.
13Qhaliyachisqa runataq mana yacharqanchu pichus kasqanta, askha runa ukhupi Jesuspa chinkarqosqanrayku. 14Chaymantañan Jesusqa payta Dios yupaychana wasipi tarispa nirqan: —¿Qhaliyachisqañan kashanki, ama astawan huchallikuychu, ama imapas aswan mana allin kanasuykipaq, nispa.
15Paytaq rispa Judío umallikunaman willamurqan qhaliyachiqninqa Jesús kasqanta. 16Chay hawan Judío umallikunaqa Jesusta qatiykacharqanku, samana p'unchaypi chaykunata ruwaqtin. 17Jesustaq paykunata nirqan: —Yayayqa llank'ashallanpunin, ñoqapas llank'ashallanitaqmi, nispa.
18Chayraykutaqmi Judío umallikunaqa astawan payta wañuchiytapuni munarqanku, manan samana p'unchaymanta kamachikuy simita p'akisqanraykullachu, aswanmi “Diosqa Taytaymi” nispa Dioswan kuskachakusqanrayku.
Diospa Churinpa atiynin
19Jesusmi paykunata nirqan: —Cheqaqtapunin niykichis, ñoqa Churiqa kikiymanta manan imatapas ruwayta atiymanchu, aswanmi Yayaq ruwasqan rikusqallayta, Yayaq lliw ruwasqallantataqmi ñoqa Churipas ruwani. 20Yayaqa ñoqata munakuwaspanmi lliw imaymana ruwasqanta rikuchiwan, aswan hatun ruwaykunataraqmi ruwanaypaq rikuchiwanqa, chay hinapi qankuna musphanaykichispaq. 21Imaynan Yayaqa wañusqakunata sayarichin, hinaspa kawsachin, chay hinallataqmi ñoqa Churipas pikunatachá kawsachiyta munani chaykunata kawsachini. 22Yayaqa manan pitapas juzganchu, aswanmi lliwta juzgaqpaq ñoqa Churita churawarqan, 23llapa runa yupaychawanankupaq, imaynan Yayata yupaychanku hinata. Pipas ñoqa Churita mana yupaychaspaqa kachamuwaqniy Yayatapas manan yupaychashallantaqchu.
24Cheqaqtapunin niykichis: Pipas simiyta uyariq, hinaspa kachamuwaqniy Yayapi iñiqqa wiñay kawsayniyoqmi, manan huchachasqañachu kanqa, aswanmi wañuymanta kawsayman pasanña. 25Cheqaqtapunin niykichis: Tiempon chayamushan, chayarqamunñan, ñoqa Churinpa kunkayta wañusqakunaq uyarinanku, kasukuqkunataqmi kawsanqaku. 26Imaynan Yayapas runakunaman kawsayta qon, chay hinallataqmi ñoqa Churimanpas atiyta qowarqan runakunaman kawsayta qonaypaq, 27paypa kachamusqan Runa kasqayraykun juzganaypaqpas atiyta qowarqan. 28Ama kay nisqaywanqa musphaychischu, aya p'ampanakunapi lliw kaqkunaq kunkayta uyarinanku tiempon chayamunqa. 29Allinkaqta ruwaqkunaqa kawsanankupaqmi kawsarimpunqaku, mana allinkaqta ruwaqkunataq ichaqa Diospa huchachasqan kanankupaq kawsarimpunqaku, nispa.
Jesuspa testigonkuna
30Ñoqaqa manan ima ruwaytapas kikillaymantaqa atinichu. Yayaypa niwasqanman hinan juzgani, chaymi jusgasqayqa chaninpuni. Manan munayniytachu ruwayta munani, aswanmi kachamuwaqniy Yayaq munayninta. 31Ñoqa kikiymantachus willakuni chayqa, willakusqayqa manan cheqaqpaq hap'isqachu kanman. 32Hukmi ñoqamanta willaqqa, payqa Yayaymi, yachanitaqmi ñoqamanta willasqanqa cheqaq kasqanta.
33Qankunan Juanman tapuqta kacharqankichis, paytaq ñoqamanta cheqaqkaqta willarqan. 34Ñoqaqa manan runaq willakunantaqa necesitanichu, aswanmi Juanmanta rimani qankuna qespichisqa kanaykichispaq. 35Juanmi k'anchashaq lámpara hina karqan, qankunataq pisi tiempollata k'anchayninpi kusikuyta munasharqankichis. 36Ñoqaq ruwasqaymi ichaqa Juanpa willasqanmantapas aswantaraq ñoqamanta willakun. Yayaq qomuwasqan ruwaykunatan hunt'ashani, chay ruwasqaykunan willakun Yayaq kachamuwasqan kasqayta. 37Kachamuwaqniy kikin Yayallataqmi ñoqamanta willakun. Manan hayk'aqpas kunkanta uyarirqankichischu, manataq rikch'aynintapas rikurqankichischu. 38Paymi ñoqata kachamuwarqan, ichaqa siminta manan hap'inkichischu, ñoqapi mana iñisqaykichisrayku. 39Diospa Simin Qelqatan allinta t'aqwishankichis chaypi wiñay kawsay qankunapaq kasqanta yuyaspa, chay Qelqaqa ñoqamantan willakun. 40Chaywanpas manan ñoqaman hamuyta munankichischu wiñay kawsayniyoq kanaykichispaq.
41Runakunaq hatunchawanantaqa manan munanichu. 42Ichaqa ñoqan reqsiykichis qankunaqa Diosta mana munakuq kasqaykichista. 43Yayaypa sutinpin ñoqa hamuni, manataq chaskiwankichischu, wak runataqchus cuentanman hamunman chayqa, chaytaqa chaskiwaqchismi. 44Qankunaqa qankuna puran hatunchanakuyta munankichis, ichaqa manan Diospa hatunchanantachu munankichis, chay hinari, ¿imaynatataq ñoqapi iñiwaqchis?
45Ama yuyaychischu Yayaq qayllanpi ñoqa qankunata huchachanaytaqa, kanmi huchachaqniykichis, chayqa Moisesmi, paypin qankunaqa suyakushankichis. 46Moisesta qankuna creewaqchis chayqa, ñoqatapas creewankichismanmi, payqa ñoqamantan qelqarqan. 47Moisespa qelqasqankunata mana creeshaspaykichisqa, ¿imaynatan simiykunata creewaqchis? nispa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia en Quechua de Cuzco © Sociedades Bíblicas Unidas, 1988.