LUCAS 19
19
Zaqueomanta
1Jericó llaqtaman haykuspa, chayninta Jesús rishaqtinmi, 2huk qhapaq qhari, Zaqueo sutiyoq, chaypi kasharqan, paymi contribución cobraqkunaq huknin umallin karqan. 3Jesustan rikuytapuni munarqan pichus kasqanta reqsinanpaq. Taksalla kaspataq, Jesusta mana rikuyta atirqanchu askha runakuna kaqtin. 4Chaymi phawaylla ñawpaspa, Jesusta rikunanpaq sicómoro sach'aman wicharqan, chayninta Jesusqa rinan kaqtin.
5Jesustaq chayneqman chayaspa, sach'ata qhawarispa nirqan: —Zaqueo, usqhaylla uraykamuy, kunanmi wasiykipi qorpachakunaypuni, nispa.
6Chaymi Zaqueoqa usqhaylla uraykamuspa kusisqa payta chaskirqan. 7Chayta rikuspataq llapanku rimarqanku: —Huchasapa runaq wasinmanmi qorpachakuq haykun, nispanku.
8Zaqueotaq sayarispa Señor Jesusta nirqan: —Señorníy, kaqniykunaq kuskannintapas wakchakunaman qosaqmi, imapitaqchus pimantapas q'otuspa suwakurqani chayqa, tawatañan kutichipusaq, nispa.
9Chaymi Jesusqa payta nirqan: —Kunan p'unchaymi familiantinta Dios qespichisunki, qanpas Abrahampa miraynin kasqaykirayku. 10Diospa Kachamusqan Runaqa*f** hamurqani chinkasqa runata maskhaspay qespichiqmi, nispa.
Chunkantin bolsa qolqemanta
(Mt 25.14-30)
11Jerusalén llaqta qayllapi Jesús kashaqtinmi uyariqninkunaqa chaykunata uyarispa yuyaykusharqanku Diosqa runakunata kaq rato kamachiyta qallarinanta, chaymi Jesusqa kay rikch'anachiy simita nirqan:
12—Huk allin wiraqochan karu llaqtaman rirqan kamachikuq kananpaq nombramiento chaskiq, kutimuspataq kamachikunanpaq. 13Manaraq rishaspataq chunkantin kamachinkunata waqyaspa askha qolqeta sapankaman qoykarirqan: Kutimunaykama kaywan llank'ashaychis, nispa. 14Chay wiraqochaq llaqta-masinkunataq ichaqa payta cheqnispanku qhepanta willaqkunata kacharqanku: —Chay runaq kamachiqniyku kanantaqa manan munaykuchu, nispa nimunankupaq.
15Chaywanpas payqa chay suyuman kamachikuqpuni kutimuspanmi qolqe qosqan kamachikunata waqyachimurqan, sapankaq qolqe mirachisqanta yachananpaq. 16Chaymi hukkaq hamurqan: —Wiraqocháy, qowasqayki qolqetaqa chunka chhikatawanmi mirarqachimuni, nispa.
17Chaymi payta nirqan: —Allinmi, allin kamachi, pisillapi hunt'aq kasqaykiraykun, chunka llaqtakunata kamachinki, nispa.
18Hukpas hamuspa nirqan: —Wiraqocháy, qowasqayki qolqetaqa phisqa chhikatawanmi mirarqachimuni, nispa.
19Hinan paytapas nillarqantaq: —Qanpas phisqa llaqtakunatan kamachinki, nispa.
20Hukpas hamuspa nillarqantaq: —Wiraqocháy, kayqa qowasqayki qolqeyki, khipunapin waqaycharqani, 21phiña runa kaqtiykin manchakurqayki, mana t'akasqaykimantan hoqarinki, mana tarpusqaykimantan cosechanki, nispa.
22Chaymi payqa nirqan: —Mana allin kamachi, rimasqaykipin taripayki: Phiña runa kaspay, mana t'akasqaymanta hoqariq, mana tarpusqaymantapas cosechaq kasqayta yachashaspaykiqa, 23¿imaraykun qolqeytaqa mana bancomanchu churamurqanki, kutimuspay uñantawan mañakapunaypaq? nispa.
24Hinaspan chaypi kaqkunata nirqan: —Qosqay qolqetaqa qechuychis, hinaspa chunka chhika qolqe mirachiqman qoychis, nispa.
25Paykunataq nirqanku: —Wiraqochayku, payqa chunka chhika qolqeyoqñatáq, nispanku.
26Kamachikuqtaq nirqan: —Pipas kaqniyoqmanqa astawanraqmi qosaq, mana kaqniyoqmantataqmi pisilla kaqnintapas qechusaq. 27Paykunaq kamachiqnin kanayta mana munaq awqaykunatapas kayman apamuychis, hinaspa ñawpaqeypi wañuchiychis, nispa.
Jerusalén llaqtaman haykusqan
(Mt 21.1-11; Mr 11.1-11; Jn 12.12-19)
28Chay rimayta tukuspataq Jerusalén llaqtaman rishaspa ñawparirqan. 29Olivos orqo chakipi kashaq Betfagé llaqtawan Betania llaqtawan tupayman chayaspan, iskay yachachisqankunata nirqan: 30—Haqay chimpa llaqtachaman riychis, chayman haykuspan mana hayk'aq sillakusqa malta asno watasqata tarimunkichis, hinaspan paskaspa chayta aysamunkichis. 31Pipas: ¿Imapaqmi paskashankichis? nisunkichis chayqa, ninkichis: Señorninchismi kayta necesitan, nispa.
32Kachasqakunataq rispa nisqanta hina tarimurqanku. 33Malta asnota paskashaqtinkutaq asnoyoqkunaqa paykunata nirqanku: —¿Imapaqmi asnoykuta paskashankichis? nispa.
34Chaymi paykunaqa nirqanku: —Señorninchismi kayta necesitan, nispanku.
35Hinan Jesusman aysamuspanku, p'achankuwan asnota caronaykuspa Jesusta sillaykachirqanku. 36Pay rishaqtintaq, runakunaqa p'achankuta ñanpi mast'arqanku. 37Jerusalén llaqtaman qayllaykushaspa Olivos orqota uraykushaqtinkun, llapa yachachisqankunaqa tukuy milagrokunata rikusqankumanta q'ochukuspanku qaparispa Diosta yupaycharqanku:
38—¡Yupaychasqa kachun Señor Diospa sutinpi hamuq Reyqa!
¡Hanaq pachapi thak-kay kachun, Diostaq yupaychasqa kachun! nispanku.
39Hinan runakuna ukhupi kaq wakin fariseokunaqa*f** nirqanku: —Yachachikuq, upallachiy yachachisqaykikunata, nispa.
40Jesustaq paykunata nirqan: —Niykichismi, paykunachus upallanman chayqa, rumikunan qaparinman, nispa.
41Jerusalén llaqtaman qayllaykuspa qhawarispataq chay llaqtamanta Jesusqa waqarqan: 42—¡Maytan munayman qanllapas kunan p'unchay imaynatachus sumaqpi kawsanaykimanta yachanaykita! ¡Ichaqa kunanqa manan reparashankichu! 43P'unchaykunan chayamusunki, awqaykikunan muyuriqniykipi perqata sayarichispa muyuykuspasuyki tukuyneqmanta phawaykusunki. 44Hinaspan pampaman thunisunki, hinallataq qan ukhupi tiyaq wawaykikunatapas, manataq huk rumillapas rumi patapi saqesqachu kanqa, qespichinasuykipaq hamuq Diosta mana reqsisqaykirayku, nispa.
Dios yupaychana wasita Jesuspa ch'uyanchasqanmanta
(Mt 21.12-17; Mr 11.15-19; Jn 2.13-22)
45Dios yupaychana wasiman haykuspan Jesusqa lliw chaypi vendeqkunata hawaman qarqospa nirqan: 46—Diospa Simin Qelqan nin: Wasiyqa mañakuna wasin, nispa. Qankunataq ichaqa suwakunaq tiyanan qaqa wasiman hina tukuchipusqankichis, nispan.
47Dios yupaychana wasipitaq sapa p'unchay yachachirqan, sacerdote umallikunan ichaqa kamachikuy simita yachachiqkunawan llaqtapi kurak runakunapiwan Jesusta wañuchiyta munarqanku. 48Ichaqa manan imanaytapas atirqankuchu, llapan runakuna musphaspa payta uyarisqankurayku.
Currently Selected:
LUCAS 19: QC88
Highlight
Share
Copy
Want to have your highlights saved across all your devices? Sign up or sign in
Biblia en Quechua de Cuzco © Sociedades Bíblicas Unidas, 1988.
LUCAS 19
19
Zaqueomanta
1Jericó llaqtaman haykuspa, chayninta Jesús rishaqtinmi, 2huk qhapaq qhari, Zaqueo sutiyoq, chaypi kasharqan, paymi contribución cobraqkunaq huknin umallin karqan. 3Jesustan rikuytapuni munarqan pichus kasqanta reqsinanpaq. Taksalla kaspataq, Jesusta mana rikuyta atirqanchu askha runakuna kaqtin. 4Chaymi phawaylla ñawpaspa, Jesusta rikunanpaq sicómoro sach'aman wicharqan, chayninta Jesusqa rinan kaqtin.
5Jesustaq chayneqman chayaspa, sach'ata qhawarispa nirqan: —Zaqueo, usqhaylla uraykamuy, kunanmi wasiykipi qorpachakunaypuni, nispa.
6Chaymi Zaqueoqa usqhaylla uraykamuspa kusisqa payta chaskirqan. 7Chayta rikuspataq llapanku rimarqanku: —Huchasapa runaq wasinmanmi qorpachakuq haykun, nispanku.
8Zaqueotaq sayarispa Señor Jesusta nirqan: —Señorníy, kaqniykunaq kuskannintapas wakchakunaman qosaqmi, imapitaqchus pimantapas q'otuspa suwakurqani chayqa, tawatañan kutichipusaq, nispa.
9Chaymi Jesusqa payta nirqan: —Kunan p'unchaymi familiantinta Dios qespichisunki, qanpas Abrahampa miraynin kasqaykirayku. 10Diospa Kachamusqan Runaqa*f** hamurqani chinkasqa runata maskhaspay qespichiqmi, nispa.
Chunkantin bolsa qolqemanta
(Mt 25.14-30)
11Jerusalén llaqta qayllapi Jesús kashaqtinmi uyariqninkunaqa chaykunata uyarispa yuyaykusharqanku Diosqa runakunata kaq rato kamachiyta qallarinanta, chaymi Jesusqa kay rikch'anachiy simita nirqan:
12—Huk allin wiraqochan karu llaqtaman rirqan kamachikuq kananpaq nombramiento chaskiq, kutimuspataq kamachikunanpaq. 13Manaraq rishaspataq chunkantin kamachinkunata waqyaspa askha qolqeta sapankaman qoykarirqan: Kutimunaykama kaywan llank'ashaychis, nispa. 14Chay wiraqochaq llaqta-masinkunataq ichaqa payta cheqnispanku qhepanta willaqkunata kacharqanku: —Chay runaq kamachiqniyku kanantaqa manan munaykuchu, nispa nimunankupaq.
15Chaywanpas payqa chay suyuman kamachikuqpuni kutimuspanmi qolqe qosqan kamachikunata waqyachimurqan, sapankaq qolqe mirachisqanta yachananpaq. 16Chaymi hukkaq hamurqan: —Wiraqocháy, qowasqayki qolqetaqa chunka chhikatawanmi mirarqachimuni, nispa.
17Chaymi payta nirqan: —Allinmi, allin kamachi, pisillapi hunt'aq kasqaykiraykun, chunka llaqtakunata kamachinki, nispa.
18Hukpas hamuspa nirqan: —Wiraqocháy, qowasqayki qolqetaqa phisqa chhikatawanmi mirarqachimuni, nispa.
19Hinan paytapas nillarqantaq: —Qanpas phisqa llaqtakunatan kamachinki, nispa.
20Hukpas hamuspa nillarqantaq: —Wiraqocháy, kayqa qowasqayki qolqeyki, khipunapin waqaycharqani, 21phiña runa kaqtiykin manchakurqayki, mana t'akasqaykimantan hoqarinki, mana tarpusqaykimantan cosechanki, nispa.
22Chaymi payqa nirqan: —Mana allin kamachi, rimasqaykipin taripayki: Phiña runa kaspay, mana t'akasqaymanta hoqariq, mana tarpusqaymantapas cosechaq kasqayta yachashaspaykiqa, 23¿imaraykun qolqeytaqa mana bancomanchu churamurqanki, kutimuspay uñantawan mañakapunaypaq? nispa.
24Hinaspan chaypi kaqkunata nirqan: —Qosqay qolqetaqa qechuychis, hinaspa chunka chhika qolqe mirachiqman qoychis, nispa.
25Paykunataq nirqanku: —Wiraqochayku, payqa chunka chhika qolqeyoqñatáq, nispanku.
26Kamachikuqtaq nirqan: —Pipas kaqniyoqmanqa astawanraqmi qosaq, mana kaqniyoqmantataqmi pisilla kaqnintapas qechusaq. 27Paykunaq kamachiqnin kanayta mana munaq awqaykunatapas kayman apamuychis, hinaspa ñawpaqeypi wañuchiychis, nispa.
Jerusalén llaqtaman haykusqan
(Mt 21.1-11; Mr 11.1-11; Jn 12.12-19)
28Chay rimayta tukuspataq Jerusalén llaqtaman rishaspa ñawparirqan. 29Olivos orqo chakipi kashaq Betfagé llaqtawan Betania llaqtawan tupayman chayaspan, iskay yachachisqankunata nirqan: 30—Haqay chimpa llaqtachaman riychis, chayman haykuspan mana hayk'aq sillakusqa malta asno watasqata tarimunkichis, hinaspan paskaspa chayta aysamunkichis. 31Pipas: ¿Imapaqmi paskashankichis? nisunkichis chayqa, ninkichis: Señorninchismi kayta necesitan, nispa.
32Kachasqakunataq rispa nisqanta hina tarimurqanku. 33Malta asnota paskashaqtinkutaq asnoyoqkunaqa paykunata nirqanku: —¿Imapaqmi asnoykuta paskashankichis? nispa.
34Chaymi paykunaqa nirqanku: —Señorninchismi kayta necesitan, nispanku.
35Hinan Jesusman aysamuspanku, p'achankuwan asnota caronaykuspa Jesusta sillaykachirqanku. 36Pay rishaqtintaq, runakunaqa p'achankuta ñanpi mast'arqanku. 37Jerusalén llaqtaman qayllaykushaspa Olivos orqota uraykushaqtinkun, llapa yachachisqankunaqa tukuy milagrokunata rikusqankumanta q'ochukuspanku qaparispa Diosta yupaycharqanku:
38—¡Yupaychasqa kachun Señor Diospa sutinpi hamuq Reyqa!
¡Hanaq pachapi thak-kay kachun, Diostaq yupaychasqa kachun! nispanku.
39Hinan runakuna ukhupi kaq wakin fariseokunaqa*f** nirqanku: —Yachachikuq, upallachiy yachachisqaykikunata, nispa.
40Jesustaq paykunata nirqan: —Niykichismi, paykunachus upallanman chayqa, rumikunan qaparinman, nispa.
41Jerusalén llaqtaman qayllaykuspa qhawarispataq chay llaqtamanta Jesusqa waqarqan: 42—¡Maytan munayman qanllapas kunan p'unchay imaynatachus sumaqpi kawsanaykimanta yachanaykita! ¡Ichaqa kunanqa manan reparashankichu! 43P'unchaykunan chayamusunki, awqaykikunan muyuriqniykipi perqata sayarichispa muyuykuspasuyki tukuyneqmanta phawaykusunki. 44Hinaspan pampaman thunisunki, hinallataq qan ukhupi tiyaq wawaykikunatapas, manataq huk rumillapas rumi patapi saqesqachu kanqa, qespichinasuykipaq hamuq Diosta mana reqsisqaykirayku, nispa.
Dios yupaychana wasita Jesuspa ch'uyanchasqanmanta
(Mt 21.12-17; Mr 11.15-19; Jn 2.13-22)
45Dios yupaychana wasiman haykuspan Jesusqa lliw chaypi vendeqkunata hawaman qarqospa nirqan: 46—Diospa Simin Qelqan nin: Wasiyqa mañakuna wasin, nispa. Qankunataq ichaqa suwakunaq tiyanan qaqa wasiman hina tukuchipusqankichis, nispan.
47Dios yupaychana wasipitaq sapa p'unchay yachachirqan, sacerdote umallikunan ichaqa kamachikuy simita yachachiqkunawan llaqtapi kurak runakunapiwan Jesusta wañuchiyta munarqanku. 48Ichaqa manan imanaytapas atirqankuchu, llapan runakuna musphaspa payta uyarisqankurayku.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia en Quechua de Cuzco © Sociedades Bíblicas Unidas, 1988.