LUCAS 7
7
Oficialpa kamachinta Jesuspa qhaliyachisqan
(Mt 8.5-13; Jn 4.45-54)
1Runakunaman lliwta yachachisqan qhepatataq Jesusqa Capernaum llaqtaman haykurqan. 2Chaypin Roma soldado capitanpa munasqa kamachin onqosharqan, p'iti-p'itisharqanñataq. 3Hinan capitanqa Jesusmanta uyarispa Judío runakunamanta wakin kurak runakunata payman kacharqan kamachinta qhaliyachinanpaq rogakuqta. 4Paykunataq Jesusman asuykuspa tukuy sonqowan rogakuspa nirqanku: —Payqa yanapaykunaykipaq hinan. 5Payqa suyunchista munakunmi, hinaspan Diosmanta yachachina wasita sayarichipuwarqanku, nispa. 6Hinan Jesusqa paykunawan rirqan.
Wasinman chayashaqtinkuñataq capitanqa amigonkunata Jesusman kacharqan kay hinata nimunankupaq: —Señorníy, amaña hamuychu, ¿pitaq ñoqari kani wasiyman haykuykamunaykipaq?
7Manan qanman hamunaypaq hinachu kani. Rimarimullay, hinan kamachiyqa qhaliyarqapunqa. 8Ñoqaqa kamachina runan kani, hinallataq soldadokunata kamachini. Chaymi hukninta “Riy” niqtiy, rin. Hukninta “Hamuy” niqtiypas, hamun. Kamachiypas “Kayta ruway” niqtiy, ruwan, nispa.
9Jesustaq chayta uyarispa chay capitanmanta muspharqan, hinaspan kutirispa qhepan hamuq runakunata nirqan: —Niykichismi, manan Israel runakunapipas kay hina iñiyniyoq runataqa tarirqanichu, nispa.
10Kachamusqakuna capitanpa wasinman kutipuspankutaq onqosqa kamachitaqa qhalitaña tarirqanku.
Naín llaqtapi viudaq churinta Jesuspa kawsarichisqan
11Chaymantataq Jesusqa Naín nisqa llaqtata rirqan yachachisqankunapiwan askha runakunapiwan. 12Hinaspanmi llaqta punkuman qayllaykushaqtin, llaqtamanta askha runakuna viudata hamuysirqanku. Paykunan viudaq sapallan churin wañusqata wantumusharqanku. 13Hinan Señor Jesusqa viudata rikuspa khuyapayaykuspa nirqan: —Ama waqaychu, nispa.
14Asuykuspataq aya wantunata llamiykurqan, wantuqkuna sayaykachiqtintaq nirqan: —¡Wayna, qantan niyki, tiyariy! nispa.
15Chaymi wañuq waynaqa tiyarispa rimarirqan. Jesustaq payta mamanman qopurqan. 16Hinan llapanku mancharikuspa Diosta hatunchaspa nirqanku: —Huk hatun profetan*f** ñoqanchis ukhupi rikhurimun, Diosmi llaqtanta watukamun, nispanku.
17Jesuspa chay ruwasqanmi Judea provinciantinpi lliw muyuriqnintinpiwan uyarikurqan.
Bautizaq Juanpa Jesusta tapuchisqan
(Mt 11.2-19)
18Tukuy chaykunatataq Juanpa yachachisqankunaqa Juanman willamurqanku, chaymi payqa iskay yachachisqankunata waqyaspa, 19Jesusman kacharqan: —Dios-si huk runata kachamunan karqan, ¿chaychu qanqa kanki? Icha, ¿huktataqchu suyakusaqku? nispa tapumunankupaq. 20Hinan yachachisqakunaqa Jesusman qayllaykuspa nirqanku: —Bautizaq Juanmi qan tapuqta kachamuwanku: Dios-si huk runata kachamunan karqan, ¿chaychu qanqa kanki? Icha, ¿huktataqchu suyakusaqku? nispa, nispanku.
21Chay raton qhaliyachirqan askha onqosqakunata, nanayniyoqkunata, millay supaypa ñak'arichisqankunatapas, askha ñawsakunatataq qhawarichirqan. 22Hinaspan Jesusqa paykunata nirqan: —Kutispa Juanman willamuychis rikusqaykichista, uyarisqaykichistawan: Ñawsakunan qhawarin, wist'ukunan puririn, aycha qarapi millay onqoyniyoqkunan alliyan, roqt'ukunan uyarin, wañusqakunan kawsarimpun, wakchakunamantaq Diosmanta allin willakuykuna willakun. 23Kusisamiyoqtaqmi ñoqamanta mana p'enqakuqqa, nispa, nispan.
24Juanpa kachamusqankuna kutipuqtintaq Jesusqa Juanmanta runakunata tapurqan: —¿Ima qhawaqtaq ch'inneqman rirqankichis? ¿Wayraq chhaphchiykachasqan soqos qhawaqchu rirqankichis? 25Icha, ¿ima qhawaqchu rirqankichis? ¿Sumaq p'achawan p'achasqa runa qhawaqchu? Sumaq p'achawan p'achakuqkunapas aycha kusichiyllapi kawsaqkunapas reykunaq wasinpin kashanku riki. 26¿Ima qhawaqpunitaq rirqankichis? ¿Profeta*f** qhawaqchu? Arí, profeta*f** qhawaqmi. Niykichismi payqa profetamantapas*f** aswan kurakmi. 27Paymantan Diospa Simin Qelqaqa nin:
Willaqniytan ñawpaqeykita kachani,
paymi ñanta hamunaykipaq allichanqa, nispa.
28Niykichismi, warmimanta nacemuqkuna ukhupiqa Bautizaq Juanmanta aswan kurak profetaqa*f** manan kanchu. Ichaqa, Diospa kamachikushasqanpiqa aswan huch'uy kaqmi Juanmanta aswan kurak, nispa.
29Hinan llapan runakuna, contribución cobraqkunapas Jesuspa nisqanta uyarispanku yacharqanku Diospa chanin kasqanta. Paykunaqa ñan Juanpa bautizasqanña karqanku. 30Ichaqa fariseokunataq*f** Diospa kamachikuyninta yachachiqkunapiwan kikinkupaq Diospa munayninta wikch'uykukuspanku Juanwan mana bautizachikurqankuchu.
31Jesusqa nillarqantaqmi: —¿Imamantaq rikch'achisaq kay miray runakunata? ¿Imamantaq rikch'akunku? 32Rikch'akunmi plazapi tiyaykuspa waqyanakuq erqekunaman. Paykunan waqyanakunku:
—Qenatan tocapuykiku,
manataq tusunkichischu,
harawitan takipuykiku,
manataq waqankichischu, nispa.
33Bautizaq Juanmi hamurqan, payqa manan t'antata mikhuqchu, manallataq vinotapas ukyaqchu, chaymi nirqankichis: Supaypa hunt'aykusqanmi, nispa. 34Diospa Kachamusqan Runa*f** hamuspay mikhuqtiy ukyaqtiymi niwankichis: Kayqa rakrapun machaqmi, contribución cobraqkunaq huchasapamanta qhawasqakunaq amigonmi, nispa. 35Yachaypa chanin kasqantaqa wawankunallan reqsichin, nispa.
Simonpa wasinpi Jesuspa kasqan
36Huk fariseon*f** Jesusta waqyarqan paywan mikhunanpaq. Hinan fariseoq*f** wasinman haykuspa mikhuq tiyaykurqan. 37Llaqtaq reqsisqan huchasapa warmitaq fariseoq*f** wasinpi mikhunanpaq Jesusqa tiyaykusqanta yachaspa, yuraq rumi p'uyñuchapi q'apaq hawinantin haykurqan. 38Hinaspan Jesuspa chakin qayllapi qonqoriykukurqan, waqaspataq weqenwan chakinta ch'aqchurqan, hinaspan chukchanwan ch'akichirqan, chakintapas much'aykuspataq q'apaq hawinawan hawiykurqan. 39Waqyaqnin fariseotaq*f** chayta rikuspa sonqonpi nirqan: Kayqa profeta*f** kanman chayqa, llamiqnin huchasapa warmi pichus kasqantapas imayna kasqantapas yachanmanmi karqan, nispa.
40Hinaqtinmi Jesusqa payta nirqan: —Simón, hukta nisqayki, nispa.
Paytaq: —Niway, yachachikuq, nirqan.
41Huk qolqe manuqpan iskay manukuqnin karqan, hukninmi phisqa pachak qolqe manu, huknintaq phisqa chunka manu. 42Mana imankupas kutichipunankupaq kaqtintaq, manuqqa iskayninkuta pampachapurqan. Niway, ¿mayqenninkutaq astawanqa payta munakunqa? nispa.
43Hinan Simonqa nirqan: —Yuyaykuni chay askha manuta pampachasqa kaqmi paytaqa munakunqa, nispa.
Jesustaq: —Chanintan ninki, nirqan.
44Chay warmita qhawarispataq Simonta nirqan: —¿Rikushankichu kay warmita? Wasiykimanmi haykumurqani, manataq chakiypaq unuta qowarqankichu, paytaq ichaqa weqenkunawan chakiyta ch'aqchuykuspa, chukchanwanraq ch'akichin. 45Manan much'aykuwarqankichu, paytaq ichaqa haykumusqanmantapacha chakiyta much'ashallan. 46Manan umayta aceitewan hawiykuwarqankichu, paytaq ichaqa q'apaq hawinawan chakiyta hawiykuwan. 47Chayraykun niyki, paypa askha huchankunatan pampachani sinchita munakuwasqanrayku. Pisillata pampachasqaqa pisillatan munakun, nispa.
48Warmitataq nirqan: —Huchaykikunatan pampachayki, nispa.
49Mikhuq-masinkunataq ninakurqanku: —¿Pitaq kayri huchakunatapas pampachaqqa? nispanku.
50Chaymi Jesusqa warmita nirqan: —Diospi iñiyniykin qespichisunki, sumaqllaña ripuy, nispa.
Currently Selected:
LUCAS 7: QC88
Highlight
Share
Copy
Want to have your highlights saved across all your devices? Sign up or sign in
Biblia en Quechua de Cuzco © Sociedades Bíblicas Unidas, 1988.
LUCAS 7
7
Oficialpa kamachinta Jesuspa qhaliyachisqan
(Mt 8.5-13; Jn 4.45-54)
1Runakunaman lliwta yachachisqan qhepatataq Jesusqa Capernaum llaqtaman haykurqan. 2Chaypin Roma soldado capitanpa munasqa kamachin onqosharqan, p'iti-p'itisharqanñataq. 3Hinan capitanqa Jesusmanta uyarispa Judío runakunamanta wakin kurak runakunata payman kacharqan kamachinta qhaliyachinanpaq rogakuqta. 4Paykunataq Jesusman asuykuspa tukuy sonqowan rogakuspa nirqanku: —Payqa yanapaykunaykipaq hinan. 5Payqa suyunchista munakunmi, hinaspan Diosmanta yachachina wasita sayarichipuwarqanku, nispa. 6Hinan Jesusqa paykunawan rirqan.
Wasinman chayashaqtinkuñataq capitanqa amigonkunata Jesusman kacharqan kay hinata nimunankupaq: —Señorníy, amaña hamuychu, ¿pitaq ñoqari kani wasiyman haykuykamunaykipaq?
7Manan qanman hamunaypaq hinachu kani. Rimarimullay, hinan kamachiyqa qhaliyarqapunqa. 8Ñoqaqa kamachina runan kani, hinallataq soldadokunata kamachini. Chaymi hukninta “Riy” niqtiy, rin. Hukninta “Hamuy” niqtiypas, hamun. Kamachiypas “Kayta ruway” niqtiy, ruwan, nispa.
9Jesustaq chayta uyarispa chay capitanmanta muspharqan, hinaspan kutirispa qhepan hamuq runakunata nirqan: —Niykichismi, manan Israel runakunapipas kay hina iñiyniyoq runataqa tarirqanichu, nispa.
10Kachamusqakuna capitanpa wasinman kutipuspankutaq onqosqa kamachitaqa qhalitaña tarirqanku.
Naín llaqtapi viudaq churinta Jesuspa kawsarichisqan
11Chaymantataq Jesusqa Naín nisqa llaqtata rirqan yachachisqankunapiwan askha runakunapiwan. 12Hinaspanmi llaqta punkuman qayllaykushaqtin, llaqtamanta askha runakuna viudata hamuysirqanku. Paykunan viudaq sapallan churin wañusqata wantumusharqanku. 13Hinan Señor Jesusqa viudata rikuspa khuyapayaykuspa nirqan: —Ama waqaychu, nispa.
14Asuykuspataq aya wantunata llamiykurqan, wantuqkuna sayaykachiqtintaq nirqan: —¡Wayna, qantan niyki, tiyariy! nispa.
15Chaymi wañuq waynaqa tiyarispa rimarirqan. Jesustaq payta mamanman qopurqan. 16Hinan llapanku mancharikuspa Diosta hatunchaspa nirqanku: —Huk hatun profetan*f** ñoqanchis ukhupi rikhurimun, Diosmi llaqtanta watukamun, nispanku.
17Jesuspa chay ruwasqanmi Judea provinciantinpi lliw muyuriqnintinpiwan uyarikurqan.
Bautizaq Juanpa Jesusta tapuchisqan
(Mt 11.2-19)
18Tukuy chaykunatataq Juanpa yachachisqankunaqa Juanman willamurqanku, chaymi payqa iskay yachachisqankunata waqyaspa, 19Jesusman kacharqan: —Dios-si huk runata kachamunan karqan, ¿chaychu qanqa kanki? Icha, ¿huktataqchu suyakusaqku? nispa tapumunankupaq. 20Hinan yachachisqakunaqa Jesusman qayllaykuspa nirqanku: —Bautizaq Juanmi qan tapuqta kachamuwanku: Dios-si huk runata kachamunan karqan, ¿chaychu qanqa kanki? Icha, ¿huktataqchu suyakusaqku? nispa, nispanku.
21Chay raton qhaliyachirqan askha onqosqakunata, nanayniyoqkunata, millay supaypa ñak'arichisqankunatapas, askha ñawsakunatataq qhawarichirqan. 22Hinaspan Jesusqa paykunata nirqan: —Kutispa Juanman willamuychis rikusqaykichista, uyarisqaykichistawan: Ñawsakunan qhawarin, wist'ukunan puririn, aycha qarapi millay onqoyniyoqkunan alliyan, roqt'ukunan uyarin, wañusqakunan kawsarimpun, wakchakunamantaq Diosmanta allin willakuykuna willakun. 23Kusisamiyoqtaqmi ñoqamanta mana p'enqakuqqa, nispa, nispan.
24Juanpa kachamusqankuna kutipuqtintaq Jesusqa Juanmanta runakunata tapurqan: —¿Ima qhawaqtaq ch'inneqman rirqankichis? ¿Wayraq chhaphchiykachasqan soqos qhawaqchu rirqankichis? 25Icha, ¿ima qhawaqchu rirqankichis? ¿Sumaq p'achawan p'achasqa runa qhawaqchu? Sumaq p'achawan p'achakuqkunapas aycha kusichiyllapi kawsaqkunapas reykunaq wasinpin kashanku riki. 26¿Ima qhawaqpunitaq rirqankichis? ¿Profeta*f** qhawaqchu? Arí, profeta*f** qhawaqmi. Niykichismi payqa profetamantapas*f** aswan kurakmi. 27Paymantan Diospa Simin Qelqaqa nin:
Willaqniytan ñawpaqeykita kachani,
paymi ñanta hamunaykipaq allichanqa, nispa.
28Niykichismi, warmimanta nacemuqkuna ukhupiqa Bautizaq Juanmanta aswan kurak profetaqa*f** manan kanchu. Ichaqa, Diospa kamachikushasqanpiqa aswan huch'uy kaqmi Juanmanta aswan kurak, nispa.
29Hinan llapan runakuna, contribución cobraqkunapas Jesuspa nisqanta uyarispanku yacharqanku Diospa chanin kasqanta. Paykunaqa ñan Juanpa bautizasqanña karqanku. 30Ichaqa fariseokunataq*f** Diospa kamachikuyninta yachachiqkunapiwan kikinkupaq Diospa munayninta wikch'uykukuspanku Juanwan mana bautizachikurqankuchu.
31Jesusqa nillarqantaqmi: —¿Imamantaq rikch'achisaq kay miray runakunata? ¿Imamantaq rikch'akunku? 32Rikch'akunmi plazapi tiyaykuspa waqyanakuq erqekunaman. Paykunan waqyanakunku:
—Qenatan tocapuykiku,
manataq tusunkichischu,
harawitan takipuykiku,
manataq waqankichischu, nispa.
33Bautizaq Juanmi hamurqan, payqa manan t'antata mikhuqchu, manallataq vinotapas ukyaqchu, chaymi nirqankichis: Supaypa hunt'aykusqanmi, nispa. 34Diospa Kachamusqan Runa*f** hamuspay mikhuqtiy ukyaqtiymi niwankichis: Kayqa rakrapun machaqmi, contribución cobraqkunaq huchasapamanta qhawasqakunaq amigonmi, nispa. 35Yachaypa chanin kasqantaqa wawankunallan reqsichin, nispa.
Simonpa wasinpi Jesuspa kasqan
36Huk fariseon*f** Jesusta waqyarqan paywan mikhunanpaq. Hinan fariseoq*f** wasinman haykuspa mikhuq tiyaykurqan. 37Llaqtaq reqsisqan huchasapa warmitaq fariseoq*f** wasinpi mikhunanpaq Jesusqa tiyaykusqanta yachaspa, yuraq rumi p'uyñuchapi q'apaq hawinantin haykurqan. 38Hinaspan Jesuspa chakin qayllapi qonqoriykukurqan, waqaspataq weqenwan chakinta ch'aqchurqan, hinaspan chukchanwan ch'akichirqan, chakintapas much'aykuspataq q'apaq hawinawan hawiykurqan. 39Waqyaqnin fariseotaq*f** chayta rikuspa sonqonpi nirqan: Kayqa profeta*f** kanman chayqa, llamiqnin huchasapa warmi pichus kasqantapas imayna kasqantapas yachanmanmi karqan, nispa.
40Hinaqtinmi Jesusqa payta nirqan: —Simón, hukta nisqayki, nispa.
Paytaq: —Niway, yachachikuq, nirqan.
41Huk qolqe manuqpan iskay manukuqnin karqan, hukninmi phisqa pachak qolqe manu, huknintaq phisqa chunka manu. 42Mana imankupas kutichipunankupaq kaqtintaq, manuqqa iskayninkuta pampachapurqan. Niway, ¿mayqenninkutaq astawanqa payta munakunqa? nispa.
43Hinan Simonqa nirqan: —Yuyaykuni chay askha manuta pampachasqa kaqmi paytaqa munakunqa, nispa.
Jesustaq: —Chanintan ninki, nirqan.
44Chay warmita qhawarispataq Simonta nirqan: —¿Rikushankichu kay warmita? Wasiykimanmi haykumurqani, manataq chakiypaq unuta qowarqankichu, paytaq ichaqa weqenkunawan chakiyta ch'aqchuykuspa, chukchanwanraq ch'akichin. 45Manan much'aykuwarqankichu, paytaq ichaqa haykumusqanmantapacha chakiyta much'ashallan. 46Manan umayta aceitewan hawiykuwarqankichu, paytaq ichaqa q'apaq hawinawan chakiyta hawiykuwan. 47Chayraykun niyki, paypa askha huchankunatan pampachani sinchita munakuwasqanrayku. Pisillata pampachasqaqa pisillatan munakun, nispa.
48Warmitataq nirqan: —Huchaykikunatan pampachayki, nispa.
49Mikhuq-masinkunataq ninakurqanku: —¿Pitaq kayri huchakunatapas pampachaqqa? nispanku.
50Chaymi Jesusqa warmita nirqan: —Diospi iñiyniykin qespichisunki, sumaqllaña ripuy, nispa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia en Quechua de Cuzco © Sociedades Bíblicas Unidas, 1988.