LUKAS 17
17
Ofendinakiypita i perdonpita
1Jesús nerqan disípulunkunata: —Ishkitsikiykunaqa shamunanmi, ¡allaw taqey pipam shamun! 2Mas allim kunkanman mulinu rumita watarkur lamarman jitarpushqa kanman, key ichikkuna ishkitsinanta.
3”Rikáyey kikikikunapaq, wawqikitsun jutsata ruranman qanpa kontreyki, piñapey; wanakuptenqa, perdoneykiy. 4I qanchis kutitsun kada junaqpa jutsata ruranman qanpa kontreyki, i kutimunman qanman qanchis kuti kada junaq, nirnin: “Wanakúmi”, perdoneykiy.
Kreyikiypa pwedeq keynin
5Apostulkuna niyarqan Señorta: —Yapeykayámey kreyikiyniykuna.
6Tseynam Señor nerqan: —Kreyikiynikikunatsun kayápushunkiman juk ñushta murunowlla, nita pwediyankim sikómuruta: “¡Llutikey, i plantakey lamarchow!” I kásuyashunkimanmi.
Sirweqpa ruranan
7”¿Pitaq qamkunapita, juk sirwikoq yapyan ó mitsin wátankunata, pey chakrapita kutimurnin, tseypitana nin: “Pasamiy, tákiy meysaman.” 8¿Mas alliqa manaku ninman: “Alistami séneyta, mandilnikita watakiy, i sirwimey mikunápaq i upunápaq; i tseypitanam, qam mikunki i upunki?” 9¿Akásu grasyas ninku sirweqta mandashqan ruranqanpita? Noqapitaqa manam. 10Tseynowmi qamkunapis, llapan mandayashonqeykita rurayarniki, niyey: “Mana silweq sirweqkunam kayá, rurayanállatam rurayarqó.”
Jesús kachakátsin chunka leprósukunata
11Jesús Jerusalenta eywarna, pasarqan Samaryapa i Galileyapa. 12I juk tunanman yeykuriptin, yarqayámorqan chunka nunakuna leprawan i karuchow shákuriyarqan 13i qapariyarqan nishpa: —¡Jesús, Mayestru, ankupákiyniki katsun noqakunapaq!
14Pey rikárirna nerqan: —Eywayey, rikátsikuyey saserdotikunaman.
I eywareykarllana limpyakáriyarqan. 15Tseynam peykunapita juknin, kachakashqanta rikeykur, kuterqan, sinchipa boswan Dyosta glorifikarnin, 16patsaman qonquriykur chakinkunaman pukterqan patsaman, grasyasta qornin; keymi karqan Samaritanu. 17Jesús, yaskirna nerqan: —¿Manaku chunka kayarqon limpyashqakuna? I isqonkunaqa ¿Meytaq kayan? 18¿Manaku pí karqon kutimur Dyosta glorifikaq, key forasteyrullaku? 19—I nerqan—: Sharkiy, ewkiy; kreyikiynikim salbashorqonki.
Dyospa reynunqa kananmi
20Farisewkuna tapuyarqan Dyospa reynun imey shamunanta, yaskiyarninnam nerqan: —Dyospa reynunqa manam shamonqa willakiywanraqtsu, 21ni niyanqatsu: “¡Keychownam!” ó “¡Tseychownam!” Kaq key Dyospa reynunqa keykan qamkunachowmi.
22I disípulunkunata nerqan: —Shamonqa tyempum Nunapa Tsurinpa juk junaqninkunata rikeyta munayankiy, i manam rikáyankitsu. 23I niyáshunkim: “¡Keychownam! ó ¡Tseychownam!” Ama eywayeytsu, ni qatiyeypistsu. 24Imanowmi relanpagu chipapar aktsin syelupa juknin kuchunyaq, tseynowmi kanqa Nunapa Tsurin junaqninchow. 25Peru puntataqa wananmi allápa jipanan, i rechasashqa kanan key kastapa.
26”Imanowmi karqan Nowépa junaqninkunachow, tseynowmi kanqa Nunapa Tsurinpa junaqninkunachowpis. 27Mikuyaq, upyayaq, kasakuyaq, i kasatsikuyaq, Nowé arkaman yeykonqan junaqyaq, i dilubyu shamur llapankunata ushakáratserqan.
28”Imanowmi Lotpa junaqninkunachow susederqan, mikuyaq, upyayaq, rantiyaq, rantikuyaq, plantayaq, perqayaq; 29mas tsey junaq Sodomapita Lot yarquriptin, syelupita tamyamorqan nina i asufri, i ushakáratserqan llapankunata. 30Tseynowmi kanqa Nunapa Tsurinpa rikakámunan junaq.
31”Tsey junaq, altuschow keykaq, i wayinchow kapoqninkuna, tsarinanpaq ama urátsuntsu; i chakrachow keykaq, tseynow ama qepaman kutitsuntsu. 32Lotpa warminpita yarpáyey. 33Pipis kaweyninta salbeta prokuraqqa, oqrarenqam; i pipis oqraqqa, salbanqam. 34Niyaqmi tsey ampichow ishkaqmi keykáyanqa juk kámachow; juknin apashqa kanqa, i jukninna jaqirishqa. 35Ishkaq warmikuna aqeykáyanqa juntulla; juk apashqa kanqa, i juknin jaqirishqa. 36Ishkaqmi kayanqa chakrachow; juk apashqa kanqa, i juknin jaqirishqa.
37I yaskirirna niyarqan: —¿Meychowtaq, Señor?
Peynam nerqan: —Meychowmi wanushqa kanqa, tseymanmi jina juntakáyanqa wiskurkuna.
Currently Selected:
LUKAS 17: QUEAN
Highlight
Share
Copy
Want to have your highlights saved across all your devices? Sign up or sign in
Quechua Ancash New Testament © Peruvian Bible Society, 1992.
LUKAS 17
17
Ofendinakiypita i perdonpita
1Jesús nerqan disípulunkunata: —Ishkitsikiykunaqa shamunanmi, ¡allaw taqey pipam shamun! 2Mas allim kunkanman mulinu rumita watarkur lamarman jitarpushqa kanman, key ichikkuna ishkitsinanta.
3”Rikáyey kikikikunapaq, wawqikitsun jutsata ruranman qanpa kontreyki, piñapey; wanakuptenqa, perdoneykiy. 4I qanchis kutitsun kada junaqpa jutsata ruranman qanpa kontreyki, i kutimunman qanman qanchis kuti kada junaq, nirnin: “Wanakúmi”, perdoneykiy.
Kreyikiypa pwedeq keynin
5Apostulkuna niyarqan Señorta: —Yapeykayámey kreyikiyniykuna.
6Tseynam Señor nerqan: —Kreyikiynikikunatsun kayápushunkiman juk ñushta murunowlla, nita pwediyankim sikómuruta: “¡Llutikey, i plantakey lamarchow!” I kásuyashunkimanmi.
Sirweqpa ruranan
7”¿Pitaq qamkunapita, juk sirwikoq yapyan ó mitsin wátankunata, pey chakrapita kutimurnin, tseypitana nin: “Pasamiy, tákiy meysaman.” 8¿Mas alliqa manaku ninman: “Alistami séneyta, mandilnikita watakiy, i sirwimey mikunápaq i upunápaq; i tseypitanam, qam mikunki i upunki?” 9¿Akásu grasyas ninku sirweqta mandashqan ruranqanpita? Noqapitaqa manam. 10Tseynowmi qamkunapis, llapan mandayashonqeykita rurayarniki, niyey: “Mana silweq sirweqkunam kayá, rurayanállatam rurayarqó.”
Jesús kachakátsin chunka leprósukunata
11Jesús Jerusalenta eywarna, pasarqan Samaryapa i Galileyapa. 12I juk tunanman yeykuriptin, yarqayámorqan chunka nunakuna leprawan i karuchow shákuriyarqan 13i qapariyarqan nishpa: —¡Jesús, Mayestru, ankupákiyniki katsun noqakunapaq!
14Pey rikárirna nerqan: —Eywayey, rikátsikuyey saserdotikunaman.
I eywareykarllana limpyakáriyarqan. 15Tseynam peykunapita juknin, kachakashqanta rikeykur, kuterqan, sinchipa boswan Dyosta glorifikarnin, 16patsaman qonquriykur chakinkunaman pukterqan patsaman, grasyasta qornin; keymi karqan Samaritanu. 17Jesús, yaskirna nerqan: —¿Manaku chunka kayarqon limpyashqakuna? I isqonkunaqa ¿Meytaq kayan? 18¿Manaku pí karqon kutimur Dyosta glorifikaq, key forasteyrullaku? 19—I nerqan—: Sharkiy, ewkiy; kreyikiynikim salbashorqonki.
Dyospa reynunqa kananmi
20Farisewkuna tapuyarqan Dyospa reynun imey shamunanta, yaskiyarninnam nerqan: —Dyospa reynunqa manam shamonqa willakiywanraqtsu, 21ni niyanqatsu: “¡Keychownam!” ó “¡Tseychownam!” Kaq key Dyospa reynunqa keykan qamkunachowmi.
22I disípulunkunata nerqan: —Shamonqa tyempum Nunapa Tsurinpa juk junaqninkunata rikeyta munayankiy, i manam rikáyankitsu. 23I niyáshunkim: “¡Keychownam! ó ¡Tseychownam!” Ama eywayeytsu, ni qatiyeypistsu. 24Imanowmi relanpagu chipapar aktsin syelupa juknin kuchunyaq, tseynowmi kanqa Nunapa Tsurin junaqninchow. 25Peru puntataqa wananmi allápa jipanan, i rechasashqa kanan key kastapa.
26”Imanowmi karqan Nowépa junaqninkunachow, tseynowmi kanqa Nunapa Tsurinpa junaqninkunachowpis. 27Mikuyaq, upyayaq, kasakuyaq, i kasatsikuyaq, Nowé arkaman yeykonqan junaqyaq, i dilubyu shamur llapankunata ushakáratserqan.
28”Imanowmi Lotpa junaqninkunachow susederqan, mikuyaq, upyayaq, rantiyaq, rantikuyaq, plantayaq, perqayaq; 29mas tsey junaq Sodomapita Lot yarquriptin, syelupita tamyamorqan nina i asufri, i ushakáratserqan llapankunata. 30Tseynowmi kanqa Nunapa Tsurinpa rikakámunan junaq.
31”Tsey junaq, altuschow keykaq, i wayinchow kapoqninkuna, tsarinanpaq ama urátsuntsu; i chakrachow keykaq, tseynow ama qepaman kutitsuntsu. 32Lotpa warminpita yarpáyey. 33Pipis kaweyninta salbeta prokuraqqa, oqrarenqam; i pipis oqraqqa, salbanqam. 34Niyaqmi tsey ampichow ishkaqmi keykáyanqa juk kámachow; juknin apashqa kanqa, i jukninna jaqirishqa. 35Ishkaq warmikuna aqeykáyanqa juntulla; juk apashqa kanqa, i juknin jaqirishqa. 36Ishkaqmi kayanqa chakrachow; juk apashqa kanqa, i juknin jaqirishqa.
37I yaskirirna niyarqan: —¿Meychowtaq, Señor?
Peynam nerqan: —Meychowmi wanushqa kanqa, tseymanmi jina juntakáyanqa wiskurkuna.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Quechua Ancash New Testament © Peruvian Bible Society, 1992.