Īmbōmbo Sya Batumịgwa 2
2
Mbepo Mwịkemo ịkubīsịla abị̄tikị
1Lelo bo lị̄sịle ilị̄sịku lya Pentekosịtị, po papo abị̄tikị bōsa balinkuja pabujo bumobwene. 2Nakalīnga ịtolo akōgo kalinkufụma kumwanya, kalinkufwana kōbela kwa mmbelo unkulūmba; kalinkwịsula nnyụ̄mba jōsa iji bātūgēlemo. 3Po papo sịlinkubabonekela īndimị isị sịlīti sya mōto, syo sịlinkwịtapulanịa, sịlinkutūgala pali bōsa jumo jumo. 4Bōsa balinkwịsula Mbepo Mwịkemo, balinkwanda ukujobela mụndimị isị̄ngị ịtolo, bo mụmo Mbepo ābapaga ukusịjoba.
5Lelo bālimo Abajụ̄ta aba bātūgalaga mụ Jelụsalemụ, na bāndu aba bantị̄laga Kyala, aba bāfụmịle kukuti kikolo nkị̄su kyosa. 6Lelo bo akōgo aka kapilị̄kị̄gwe, po papo ifịlūndilo fya bāndu fị̄linkubūngāna. Bōsa balinkwalāngana ịtolo, namanga umụ̄ndu gwesa, alinkubapilika abị̄tikị bịkujobela mụnjobelo uju ijake uju ijake. 7Bōsa balinkutēnguka balinkuswịganịka, balinkuti: Kēta bōsa aba bịkujoba papapa bakaja Bagalịlai? 8Syo sịli bulebule apa uswe tụkupilika uju īnjobelo jake, uju ijake iji āpāpị̄gwe najo? 9Twe Bapalịtị na twe Bametị na twe Baelamịtị na twe tujēngịle mụ Mesopatamịja na mụ Jụtaị na mu Kapatokịja na mụ Pontị na mwa Asịja, 10na mụ Fịlịgịja na mụ Pamfịlịja na mw'Egịpịtị na Mfị̄su fya mụ Lịbịja ifị fịpalamēne nikya mụ Kịlene na twe Balōma, 11na twe bahesya na twe tupīndukị̄le Mbujụ̄ta na twe Bakeletị na twe Bāsḷabu. Twesa tụkubapilika tụkwaga bịkusịjobela mụnjobelo syitu īmbōmbo īngulūmba isị ābōmbịle Kyala. 12Bōsa balinkuswịga balinkwalāngana ịtolo, balinkulālūsanịa balinkuti: Kali sịkunāngisya fị̄kị̄ sịsịsị? 13Lolị abāngi sịlinkuja sya seko kumyabo, balinkuti: Bagālile ubwalwa bwa māfị̄lu.
Petelị pa Pentekosịtị
14Lolị Petelị alinkwima nabilōngo na jumo bala, alinkwịnula ilịsyu lyake, alinkubabūla alinkuti: Mwe Bajụ̄ta, na mwesa mwe mụkutūgala mụ Jelụsalemụ, amụpilikisyege ukuti mbabūlege mụsyagenịege sịsịsị. 15Abāndu aba bakagāla bo mụmo mụkwinogonela namanga ulu lilino kabalilo ka butatu, lubūnju ịtolo. 16Lolị isị syo isị āsijobaga unkụ̄ngụlụka Joelị apa ạ̄tigi:
17Bo ịkujoba bunobuno Kyala ịkuti:
Mmasịku ga kūsụlo,
nịsakubōnelaga Mbepo gwangu abāndu bōsa,
po abānīnụ abalumyana na balīndwana bịsakukụ̄ngụ̄lụ̄kaga,
abalumyana bīnụ abatụbwa bịsakufịbonaga ifịsetuka;
bope nabanyāmbala bīnụ abakāngale bịsakugogwaga īnjosị.
18Ena, bope nababōmbị bāngu abanyāmbala na bakị̄kulu nịsakubōnelaga
Mbepo gwangu mmasịku gāgo, bēndege nukukụ̄ngụlụka.
19Nịsakupelaga ifị̄ka kumwanya kumpālānga, nifị̄swigu pāsi pakị̄su,
lịsakuja ịlopa numōto nilyosị ilịsịto.
20Ilị̄suba lịsakwịnaga ukuja ngị̄sị,
umwesị gwịsakukesēlaga ukufwana ịlopa,
bo likāli ukwịsa ilị̄sịku lya NTWA ilịkulūmba ilịsịsya.
21Po gwesa uju ịsakujijobaga īngamụ ja NTWA, ịsakupokịgwaga.
22Mwe bany'Ịsịlaelị, amụgapilikisyege amasyu aga:
Jesụ gwa mụ Nasaletị, umụ̄ndu uju amaka gāke ga bwa Kyala
gakị̄ngulilị̄gwe pabwelụ kumyinụ ukwendelamụ̄ mbōmbo syake isya maka, nifị̄swigu nifị̄ka, ifị Kyala āpelelaga mmyake jūjo nkāti mmyinụ, bo apa mụsịmēnye na jujumwe. 23Umụ̄ndu uju Kyala ālinsonsị̄sye bo mụno ālinogonị̄le nukumanya nganị liịjolo, jo mwalịnkomị̄le pakikohekano nukunngoga namaboko ga bāndu abị̄langomēlesyo. 24Lolị umwene Kyala ālinsyusị̄sye ukufụma kubafwe ālimpokịle mụngubilo sya bufwe; namanga ubufwe bukabagị̄le napanāndi ukunkola ukuja mpịnyịgwa. 25Buno Ndabitị alinkunjoba alinkuti:
Ndinkummbona UNTWA nkyenị mmyangu bwịla,
namanga āli kukiboko kyangu ikị̄līlo,
ukuti nangajūnganịkaga.
26Fyobēne īndụmbụla jangu jilinkwịkyela,
nululimị lwangu lulinkulụlụtila,
kangi ummbili gwangu gukujaga ndusūbilo,
27namanga umōjo gwangu utịkugulekaga mbusyuka,
kangi utịkwịtika ukuti ummbōmbị gwako
umwịkemo alubonege ulōnāngiko.
28Unāngisye injila sya kubūkila kubūmị,
ukujako kwako pamopēne nanịne kwịsakunyị̄susyaga ulusekelo.
29Mwe banyāmbala mwe bāmyitu umwe, niganịle ukubabūla
pabwelụ ịtolo isya mwịsukulu gwitu Ndabitị, ukuti āfwịle nukusyilịgwa, kangi ilịpūmba lyake tuli nalyo ukufịka kulilino kuno. 30Lelo papo umwene Ndabitị āli nkụ̄ngụlụka, kangi āmēnye ukuti Kyala alinjīgị̄le ulujīgo, ukuti jumo ugwa mụmbejụ ija mụnsana gwake ịsakutūgalaga pakikota kyake ikya butwa ukuja malafyale mbujo bwake. 31Umwene Ndabitị alinkusịbonela ngānị, nukusịjoba isya kusyuka kwake Kilisịtị, ukuti akālekị̄gwe mbusyụka, nukuti ummbili gwake gukābolịle. 32Jesụ jujuju, jo uju Kyala ālinsyusị̄sye, syo isị twesa tuli bāke. 33Lilino lelo apa īmikị̄gwe afyusị̄gwe kumwanya kukiboko ikị̄līlo ikya Kyala, apa āmbilị̄le kugwịse ulufị̄ngo lwa Mbepo Mwịkemo, po papo ōnịle isị mụkusịbona nukusịpilika. 34Namanga umwene Ndabitị akafyukako kumwanya lolị umwene ịkujoba ịkuti:
UNTWA ālimmbūlịle UNTWA gwangu ātịle:
Ịtūgasya kukiboko kyangu ikị̄līlo;
35ukafịkege apa nịkubabīkaga abalugu bako kūsi kumalūndi gāko.
36Po papo lelo īnyụ̄mba jōsa ja Ịsịlaelị bamanyege kisịta kwịlāmwa ukuti Jesụ uju umwe mwalịnkomị̄le pakikohekano, jo uju Kyala ampelịle ukuja NTWA, kangi ukuja jo Kilisịtị.
37Lelo abāndu bo bapilị̄ke sịsịsị, po papo sịlinkubalasa mụndụmbụla, balinkummbūla Petelị na batumịgwa abanịne balinkuti: Mwe bāmyitu, po tubōmbēge fịkị? 38Po papo Petelị alinkubāmūla alinkuti: Amụpīndukege, mōsịgwege mwesa mụngamụ ja Jesụ Kilisịtị, ukuti mụbwagege ubuswe bwa mbị̄bị syinụ, po mwịsakwambililaga ikikūngilwa kya Mbepo Mwịkemo. 39Namanga ulufị̄ngo ulu lwinụ, na bānīnụ, kangi lwa bōsa nāba kubutalị, bōsa aba ịkubabilikila UNTWA, Kyala gwitu.
40Alinkubasịsịmikisya na masyu agāngi ga mịngị, alinkubasoka alinkuti: Amwịpokege kūngulilo inịongafụ iji. 41Bị̄ngị̄ balinkugịtika amasyu gāke, bo balinkōsịgwa; pị̄sịku lilyo balinkōngelapo abāndu baelufụ batatu (3,000) nkilūndilo kya bị̄tikị. 42Balinkulūmīlila ulumanyịsyo nubulilanịsị bwa batumịgwa, nukumenyanịa ikisyesye na mụnyịpụ̄to.
Isya būmị bwa bị̄tikị
43Ifị̄swigu nifị̄ka fịfị̄ngị fịlinkupelịgwa na batumịgwa; po papo bōsa lulinkubāga ulutēnde. 44Abị̄tikị bōsa balinkuja pamopēne, fyosa balinkulīlanịla. 45Balinkūlisya ifị̄su fyabo nifyuma fyabo, balinkubajabanịa bōsa bo mụmo umụ̄ndu gwesa ālōndelaga. 46Bwịla balinkūmīlisya ukukomāna pamopēne nnyụ̄mba ja NTWA, balinkumenyanịa ikisyesye nnyụ̄mba nnyụ̄mba, balinkulya ifị̄ndu nulusekelo nindụmbụla isangalufụ. 47Balinkuntụ̄fya Kyala, balinkuja bakūndwe kubāndu umwene UNTWA bwịla ịtolo alinkōngelapo ukubị̄ngisya nkipānga abāndu aba bāpokịgwaga.
Currently Selected:
Īmbōmbo Sya Batumịgwa 2: NYB96
Highlight
Share
Copy
Want to have your highlights saved across all your devices? Sign up or sign in
Nyakyusa Bible © Bible Society of Tanzania, 1996.
Īmbōmbo Sya Batumịgwa 2
2
Mbepo Mwịkemo ịkubīsịla abị̄tikị
1Lelo bo lị̄sịle ilị̄sịku lya Pentekosịtị, po papo abị̄tikị bōsa balinkuja pabujo bumobwene. 2Nakalīnga ịtolo akōgo kalinkufụma kumwanya, kalinkufwana kōbela kwa mmbelo unkulūmba; kalinkwịsula nnyụ̄mba jōsa iji bātūgēlemo. 3Po papo sịlinkubabonekela īndimị isị sịlīti sya mōto, syo sịlinkwịtapulanịa, sịlinkutūgala pali bōsa jumo jumo. 4Bōsa balinkwịsula Mbepo Mwịkemo, balinkwanda ukujobela mụndimị isị̄ngị ịtolo, bo mụmo Mbepo ābapaga ukusịjoba.
5Lelo bālimo Abajụ̄ta aba bātūgalaga mụ Jelụsalemụ, na bāndu aba bantị̄laga Kyala, aba bāfụmịle kukuti kikolo nkị̄su kyosa. 6Lelo bo akōgo aka kapilị̄kị̄gwe, po papo ifịlūndilo fya bāndu fị̄linkubūngāna. Bōsa balinkwalāngana ịtolo, namanga umụ̄ndu gwesa, alinkubapilika abị̄tikị bịkujobela mụnjobelo uju ijake uju ijake. 7Bōsa balinkutēnguka balinkuswịganịka, balinkuti: Kēta bōsa aba bịkujoba papapa bakaja Bagalịlai? 8Syo sịli bulebule apa uswe tụkupilika uju īnjobelo jake, uju ijake iji āpāpị̄gwe najo? 9Twe Bapalịtị na twe Bametị na twe Baelamịtị na twe tujēngịle mụ Mesopatamịja na mụ Jụtaị na mu Kapatokịja na mụ Pontị na mwa Asịja, 10na mụ Fịlịgịja na mụ Pamfịlịja na mw'Egịpịtị na Mfị̄su fya mụ Lịbịja ifị fịpalamēne nikya mụ Kịlene na twe Balōma, 11na twe bahesya na twe tupīndukị̄le Mbujụ̄ta na twe Bakeletị na twe Bāsḷabu. Twesa tụkubapilika tụkwaga bịkusịjobela mụnjobelo syitu īmbōmbo īngulūmba isị ābōmbịle Kyala. 12Bōsa balinkuswịga balinkwalāngana ịtolo, balinkulālūsanịa balinkuti: Kali sịkunāngisya fị̄kị̄ sịsịsị? 13Lolị abāngi sịlinkuja sya seko kumyabo, balinkuti: Bagālile ubwalwa bwa māfị̄lu.
Petelị pa Pentekosịtị
14Lolị Petelị alinkwima nabilōngo na jumo bala, alinkwịnula ilịsyu lyake, alinkubabūla alinkuti: Mwe Bajụ̄ta, na mwesa mwe mụkutūgala mụ Jelụsalemụ, amụpilikisyege ukuti mbabūlege mụsyagenịege sịsịsị. 15Abāndu aba bakagāla bo mụmo mụkwinogonela namanga ulu lilino kabalilo ka butatu, lubūnju ịtolo. 16Lolị isị syo isị āsijobaga unkụ̄ngụlụka Joelị apa ạ̄tigi:
17Bo ịkujoba bunobuno Kyala ịkuti:
Mmasịku ga kūsụlo,
nịsakubōnelaga Mbepo gwangu abāndu bōsa,
po abānīnụ abalumyana na balīndwana bịsakukụ̄ngụ̄lụ̄kaga,
abalumyana bīnụ abatụbwa bịsakufịbonaga ifịsetuka;
bope nabanyāmbala bīnụ abakāngale bịsakugogwaga īnjosị.
18Ena, bope nababōmbị bāngu abanyāmbala na bakị̄kulu nịsakubōnelaga
Mbepo gwangu mmasịku gāgo, bēndege nukukụ̄ngụlụka.
19Nịsakupelaga ifị̄ka kumwanya kumpālānga, nifị̄swigu pāsi pakị̄su,
lịsakuja ịlopa numōto nilyosị ilịsịto.
20Ilị̄suba lịsakwịnaga ukuja ngị̄sị,
umwesị gwịsakukesēlaga ukufwana ịlopa,
bo likāli ukwịsa ilị̄sịku lya NTWA ilịkulūmba ilịsịsya.
21Po gwesa uju ịsakujijobaga īngamụ ja NTWA, ịsakupokịgwaga.
22Mwe bany'Ịsịlaelị, amụgapilikisyege amasyu aga:
Jesụ gwa mụ Nasaletị, umụ̄ndu uju amaka gāke ga bwa Kyala
gakị̄ngulilị̄gwe pabwelụ kumyinụ ukwendelamụ̄ mbōmbo syake isya maka, nifị̄swigu nifị̄ka, ifị Kyala āpelelaga mmyake jūjo nkāti mmyinụ, bo apa mụsịmēnye na jujumwe. 23Umụ̄ndu uju Kyala ālinsonsị̄sye bo mụno ālinogonị̄le nukumanya nganị liịjolo, jo mwalịnkomị̄le pakikohekano nukunngoga namaboko ga bāndu abị̄langomēlesyo. 24Lolị umwene Kyala ālinsyusị̄sye ukufụma kubafwe ālimpokịle mụngubilo sya bufwe; namanga ubufwe bukabagị̄le napanāndi ukunkola ukuja mpịnyịgwa. 25Buno Ndabitị alinkunjoba alinkuti:
Ndinkummbona UNTWA nkyenị mmyangu bwịla,
namanga āli kukiboko kyangu ikị̄līlo,
ukuti nangajūnganịkaga.
26Fyobēne īndụmbụla jangu jilinkwịkyela,
nululimị lwangu lulinkulụlụtila,
kangi ummbili gwangu gukujaga ndusūbilo,
27namanga umōjo gwangu utịkugulekaga mbusyuka,
kangi utịkwịtika ukuti ummbōmbị gwako
umwịkemo alubonege ulōnāngiko.
28Unāngisye injila sya kubūkila kubūmị,
ukujako kwako pamopēne nanịne kwịsakunyị̄susyaga ulusekelo.
29Mwe banyāmbala mwe bāmyitu umwe, niganịle ukubabūla
pabwelụ ịtolo isya mwịsukulu gwitu Ndabitị, ukuti āfwịle nukusyilịgwa, kangi ilịpūmba lyake tuli nalyo ukufịka kulilino kuno. 30Lelo papo umwene Ndabitị āli nkụ̄ngụlụka, kangi āmēnye ukuti Kyala alinjīgị̄le ulujīgo, ukuti jumo ugwa mụmbejụ ija mụnsana gwake ịsakutūgalaga pakikota kyake ikya butwa ukuja malafyale mbujo bwake. 31Umwene Ndabitị alinkusịbonela ngānị, nukusịjoba isya kusyuka kwake Kilisịtị, ukuti akālekị̄gwe mbusyụka, nukuti ummbili gwake gukābolịle. 32Jesụ jujuju, jo uju Kyala ālinsyusị̄sye, syo isị twesa tuli bāke. 33Lilino lelo apa īmikị̄gwe afyusị̄gwe kumwanya kukiboko ikị̄līlo ikya Kyala, apa āmbilị̄le kugwịse ulufị̄ngo lwa Mbepo Mwịkemo, po papo ōnịle isị mụkusịbona nukusịpilika. 34Namanga umwene Ndabitị akafyukako kumwanya lolị umwene ịkujoba ịkuti:
UNTWA ālimmbūlịle UNTWA gwangu ātịle:
Ịtūgasya kukiboko kyangu ikị̄līlo;
35ukafịkege apa nịkubabīkaga abalugu bako kūsi kumalūndi gāko.
36Po papo lelo īnyụ̄mba jōsa ja Ịsịlaelị bamanyege kisịta kwịlāmwa ukuti Jesụ uju umwe mwalịnkomị̄le pakikohekano, jo uju Kyala ampelịle ukuja NTWA, kangi ukuja jo Kilisịtị.
37Lelo abāndu bo bapilị̄ke sịsịsị, po papo sịlinkubalasa mụndụmbụla, balinkummbūla Petelị na batumịgwa abanịne balinkuti: Mwe bāmyitu, po tubōmbēge fịkị? 38Po papo Petelị alinkubāmūla alinkuti: Amụpīndukege, mōsịgwege mwesa mụngamụ ja Jesụ Kilisịtị, ukuti mụbwagege ubuswe bwa mbị̄bị syinụ, po mwịsakwambililaga ikikūngilwa kya Mbepo Mwịkemo. 39Namanga ulufị̄ngo ulu lwinụ, na bānīnụ, kangi lwa bōsa nāba kubutalị, bōsa aba ịkubabilikila UNTWA, Kyala gwitu.
40Alinkubasịsịmikisya na masyu agāngi ga mịngị, alinkubasoka alinkuti: Amwịpokege kūngulilo inịongafụ iji. 41Bị̄ngị̄ balinkugịtika amasyu gāke, bo balinkōsịgwa; pị̄sịku lilyo balinkōngelapo abāndu baelufụ batatu (3,000) nkilūndilo kya bị̄tikị. 42Balinkulūmīlila ulumanyịsyo nubulilanịsị bwa batumịgwa, nukumenyanịa ikisyesye na mụnyịpụ̄to.
Isya būmị bwa bị̄tikị
43Ifị̄swigu nifị̄ka fịfị̄ngị fịlinkupelịgwa na batumịgwa; po papo bōsa lulinkubāga ulutēnde. 44Abị̄tikị bōsa balinkuja pamopēne, fyosa balinkulīlanịla. 45Balinkūlisya ifị̄su fyabo nifyuma fyabo, balinkubajabanịa bōsa bo mụmo umụ̄ndu gwesa ālōndelaga. 46Bwịla balinkūmīlisya ukukomāna pamopēne nnyụ̄mba ja NTWA, balinkumenyanịa ikisyesye nnyụ̄mba nnyụ̄mba, balinkulya ifị̄ndu nulusekelo nindụmbụla isangalufụ. 47Balinkuntụ̄fya Kyala, balinkuja bakūndwe kubāndu umwene UNTWA bwịla ịtolo alinkōngelapo ukubị̄ngisya nkipānga abāndu aba bāpokịgwaga.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Nyakyusa Bible © Bible Society of Tanzania, 1996.