Ubwandilo 9
9
Ulufị̄ngo ulu Kyala āfị̄ngịle na Nwaka
1Umwene Kyala alinkunsaja Nwaka na banāke, alinkubabūla alinkuti: Mụbālege, mwịsulege nkị̄su. 2Ifịnyamāna fyosa ifya nkị̄su, ni njunị syamụmpālānga, nīswi isya mụ nyanja, nifị̄ngị fyosa ifị fịkwendela ulwanda, fyo mbāpēle umwe; ifyene fịsakubatịlaga umwe, nukuja nulutēnde kumyinụ. 3Ifya būmị fyosa ifị fịkwenda nkị̄su fyo fịsakujaga fyakulya fyinụ, kangi bo apa nābapēle ilịsēke lya māni, mo mụmo nalilino ngubapēla fyosa. 4Lolị inyama ijī ilịlopa likali lilịmo jo mụngalyaga. Ngubakānịsya jijiji papo mwịlopa ubūmị bulịmo, ilịlopa bo būmị. 5Mbwanalolị nịsakulilōndaga ilịlopa lya būmị bwinụ ni lya fịnyamāna fyosa, ni lya bāndu bōsa nịsakulilōndaga mmaboko gīnụ. 6Uju linga ịkōna ilịlopa lya mụ̄ndu jo ilịlopa lyake jōpe lịsakōnịgwaga nu mụ̄ndu, namanga Kyala ālimpelịle umụ̄ndu nkifwanị kyake. 7Lolị, umwe mụbālege, mwịsulege nkị̄su, kangi mụkilāmbikege.
8Umwene Kyala alinkummbūla Nwaka pamopēne na banāke aba āli nabo alinkuti: 9Kēta nịkufị̄nga nanụmwe nu lujụ̄ngụ lwinụ. 10Nifya būmị fyosa ifị mụli nafyo; injuni, īng'ōmbe, nifịnyamāna fya nndị̄su ifị mwasōkịle nafyo mụngalaba. 11Nịkuti ifya būmị fyosa fyo fịtịsakupyụtịgwaga na mīsi kangi, gope nu mwēlēsyo gwa kukipyụta ikị̄su gutịsakujako sịku kangi. 12Po papo Kyala alinkujoba alinkuti, iki kyo kimanyịlo ikya lufịngo lwangu nanụmwe, kangi ni fyumị fyosa ifị mụli nafyo, ukwakufịka na kuli aba bịsakwịsaga. 13Nịkubīkamo ululānga mmabīngu, kịkujaga kyo kimanyịlo kya kumanyịlamo isya lufị̄ngo lwangu ni kị̄su. 14Linga mbīkịle amabīngu kumwanya ululānga lwisakubonekaga mmabīngu. 15Ponisakukumbukaga ulufị̄ngo lwangu ulu nịtikēne nanụmwe, kangi nifya būmị fya luko lōsa, ukuti: Umwelēsyo gutịsakwandisya kangi ukufịpyụta fyosa ifya būmị. 16Linga ndubwene ululānga mmabīngu nịsakukumbukaga ulufị̄ngo lwa bwịla ulu une ne Kyala nịtikēne ni fyumị fyosa ifya luko nu luko ifị fịli pakị̄su. 17Po papo Kyala alinkummbūla Nwaka alinkuti: Kikiki kyo kimanyịlo kya lufịngo ulu mfị̄ngịle nanụmwe kangi ni fyabūmị fyosa pakị̄su.
Nwaka na banāke
18Abāna ba Nwaka aba āsōkịle nabo mụ ngalaba bo aba: Syemụ, Hamụ na Jafetị. Hamụ āli jogwịse gwa Kanānị. 19Bo batatu bababa bālị bāna ba Nwaka; ndujụ̄ngụ lwabo momụno bāfụmịle abāndu bōsa aba bịswịle pakị̄su.
20Nwaka, umụ̄ndu unndimamịgūnda jula āli jo gwakwanda ukubyāla imịpịkị gya māfị̄lu. 21Lumo bo anwịle ubwalwa bwa māfị̄lu, bo bunkolịle āgālịle, po papo alinkwịtūgasya pāsi, āli ịtolo mụhēma jāke, unsịta kufwala nimyenda. 22Umwene Hamụ, ugwịse gwa Kanānị, bo ammbwene ugwịse ali ịtolo alinkwakubabūla abāmyabo babili pānja. 23Po papo Syemụ na Jafetị balinkwega ikilūndo balinkukibīka pa fịbeja fyabo, balinkwendela kyanyụmanyụma balinkunkụpikila ugwịsabo; uju āli ịtolo akāfwele nakamo, amāso balinkukēta kubūngi kisịta kunkēta ugwịsabo uju akāfwele nakamo. 24Lelo bo Nwaka ubwalwa bulemwịke mụntu, po alinkumanya isị umwanāke unnāndi ālimmbōmbị̄le. Po papo alinkuti: 25Agụnị̄gwe Kanānị ịkujaga ntumwa gwa bāmyabo. 26Kangi alinkuti:
Umalafyale Kyala gwangu ansajege Syemụ,
Kanānị ajege ntumwa gwa Syemụ.
27Kyala ammbāsyege Jafetị. Abankikolo kyake bajege pamopēne na banya Syemụ. Kanānị ajege ntumwa gwabo.
28Bo gumalị̄ke umwelēsyo Nwaka āgonịle ifyinja bāmia batatu na malōngo mahāno (350). 29Bo ali nifyinja bāmịa bahāno na bana na malōngo mahāno (950) po papo alinkufwa.
Currently Selected:
Ubwandilo 9: NYB96
Highlight
Share
Copy
Want to have your highlights saved across all your devices? Sign up or sign in
Nyakyusa Bible © Bible Society of Tanzania, 1996.
Ubwandilo 9
9
Ulufị̄ngo ulu Kyala āfị̄ngịle na Nwaka
1Umwene Kyala alinkunsaja Nwaka na banāke, alinkubabūla alinkuti: Mụbālege, mwịsulege nkị̄su. 2Ifịnyamāna fyosa ifya nkị̄su, ni njunị syamụmpālānga, nīswi isya mụ nyanja, nifị̄ngị fyosa ifị fịkwendela ulwanda, fyo mbāpēle umwe; ifyene fịsakubatịlaga umwe, nukuja nulutēnde kumyinụ. 3Ifya būmị fyosa ifị fịkwenda nkị̄su fyo fịsakujaga fyakulya fyinụ, kangi bo apa nābapēle ilịsēke lya māni, mo mụmo nalilino ngubapēla fyosa. 4Lolị inyama ijī ilịlopa likali lilịmo jo mụngalyaga. Ngubakānịsya jijiji papo mwịlopa ubūmị bulịmo, ilịlopa bo būmị. 5Mbwanalolị nịsakulilōndaga ilịlopa lya būmị bwinụ ni lya fịnyamāna fyosa, ni lya bāndu bōsa nịsakulilōndaga mmaboko gīnụ. 6Uju linga ịkōna ilịlopa lya mụ̄ndu jo ilịlopa lyake jōpe lịsakōnịgwaga nu mụ̄ndu, namanga Kyala ālimpelịle umụ̄ndu nkifwanị kyake. 7Lolị, umwe mụbālege, mwịsulege nkị̄su, kangi mụkilāmbikege.
8Umwene Kyala alinkummbūla Nwaka pamopēne na banāke aba āli nabo alinkuti: 9Kēta nịkufị̄nga nanụmwe nu lujụ̄ngụ lwinụ. 10Nifya būmị fyosa ifị mụli nafyo; injuni, īng'ōmbe, nifịnyamāna fya nndị̄su ifị mwasōkịle nafyo mụngalaba. 11Nịkuti ifya būmị fyosa fyo fịtịsakupyụtịgwaga na mīsi kangi, gope nu mwēlēsyo gwa kukipyụta ikị̄su gutịsakujako sịku kangi. 12Po papo Kyala alinkujoba alinkuti, iki kyo kimanyịlo ikya lufịngo lwangu nanụmwe, kangi ni fyumị fyosa ifị mụli nafyo, ukwakufịka na kuli aba bịsakwịsaga. 13Nịkubīkamo ululānga mmabīngu, kịkujaga kyo kimanyịlo kya kumanyịlamo isya lufị̄ngo lwangu ni kị̄su. 14Linga mbīkịle amabīngu kumwanya ululānga lwisakubonekaga mmabīngu. 15Ponisakukumbukaga ulufị̄ngo lwangu ulu nịtikēne nanụmwe, kangi nifya būmị fya luko lōsa, ukuti: Umwelēsyo gutịsakwandisya kangi ukufịpyụta fyosa ifya būmị. 16Linga ndubwene ululānga mmabīngu nịsakukumbukaga ulufị̄ngo lwa bwịla ulu une ne Kyala nịtikēne ni fyumị fyosa ifya luko nu luko ifị fịli pakị̄su. 17Po papo Kyala alinkummbūla Nwaka alinkuti: Kikiki kyo kimanyịlo kya lufịngo ulu mfị̄ngịle nanụmwe kangi ni fyabūmị fyosa pakị̄su.
Nwaka na banāke
18Abāna ba Nwaka aba āsōkịle nabo mụ ngalaba bo aba: Syemụ, Hamụ na Jafetị. Hamụ āli jogwịse gwa Kanānị. 19Bo batatu bababa bālị bāna ba Nwaka; ndujụ̄ngụ lwabo momụno bāfụmịle abāndu bōsa aba bịswịle pakị̄su.
20Nwaka, umụ̄ndu unndimamịgūnda jula āli jo gwakwanda ukubyāla imịpịkị gya māfị̄lu. 21Lumo bo anwịle ubwalwa bwa māfị̄lu, bo bunkolịle āgālịle, po papo alinkwịtūgasya pāsi, āli ịtolo mụhēma jāke, unsịta kufwala nimyenda. 22Umwene Hamụ, ugwịse gwa Kanānị, bo ammbwene ugwịse ali ịtolo alinkwakubabūla abāmyabo babili pānja. 23Po papo Syemụ na Jafetị balinkwega ikilūndo balinkukibīka pa fịbeja fyabo, balinkwendela kyanyụmanyụma balinkunkụpikila ugwịsabo; uju āli ịtolo akāfwele nakamo, amāso balinkukēta kubūngi kisịta kunkēta ugwịsabo uju akāfwele nakamo. 24Lelo bo Nwaka ubwalwa bulemwịke mụntu, po alinkumanya isị umwanāke unnāndi ālimmbōmbị̄le. Po papo alinkuti: 25Agụnị̄gwe Kanānị ịkujaga ntumwa gwa bāmyabo. 26Kangi alinkuti:
Umalafyale Kyala gwangu ansajege Syemụ,
Kanānị ajege ntumwa gwa Syemụ.
27Kyala ammbāsyege Jafetị. Abankikolo kyake bajege pamopēne na banya Syemụ. Kanānị ajege ntumwa gwabo.
28Bo gumalị̄ke umwelēsyo Nwaka āgonịle ifyinja bāmia batatu na malōngo mahāno (350). 29Bo ali nifyinja bāmịa bahāno na bana na malōngo mahāno (950) po papo alinkufwa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Nyakyusa Bible © Bible Society of Tanzania, 1996.