Gẹnẹsisi 34
34
1DINA viyọnnu Lea tọn, he é ji hlan Jakobu sọ tònyì nado pọ́n viyọnnu otò lọ tọn lẹ. 2Sẹkemi, ovi Hamọli tọn Hivinu, ahọvi oto lọ tọn, sọ mọ ẹn; é yí i, bo zánhẹ ẹ, bo huwhẹ ẹ. 3Ayiha etọn sọ dòn do Dina viyọnnu Jakobu tọn go, é yiwánna awhli lọ, bo sọ dọhó dagbe hlan awhli lọ. 4Ṣẹkẹmi sọ dọ hlan Hamọli otọ̀ etọn, dọmọ, Mọ awhli he na mi nado da asi. 5Jakobu ko sè dọ é ko hẹn Dina viyọnnu etọn gble; bọ visunnu etọn lẹ tin po okanlin po to danji: Jakobu sọ nọabọẹ kaka yé do gọ̀.
6Hamọli otò Sẹkẹmi tọn sọ tòn yì Jakobu de, nado dọhó hẹ ẹ. 7Visunnu Jakobu tọn lẹ sọ gò sọn danji whenuena yé sè; homẹ omẹ ewlẹ tọn gble, adido yé talala, na é basi onú gbigble to Islaeli to zinzánhẹ viyọnnu Jakobu tọn mẹ wutu: onú he ma jẹ yè nado wà. 8Hamọli sọ dọhó hẹ yé, dọmọ, Ayiha Sẹkẹmi visunnu ṣie tọn yiwánna viyọnnu mítọn: yẹn sọ vẹ̀ mì, mì yi i na ẹn hlan asi. 9Mì ni nọ wlealọ hẹ mí; mì nọ yí viyọnnu mítọn lẹ na mí; bo sọ nọ yí oviyọnnu mítọn lẹ hlan mì. 10Míwlẹ nasọ nọnọ̀ hẹ mí: aigba lọ na tin to mì nukọn; mì nọnọ̀ e mẹ bo nọ wàjó to e mẹ, bo sọ tindo nútindo to e mẹ. 11Ṣẹkẹmi sọ dọ hlan otò awhli lọ tọn podọ hlan mẹmẹsunnu etọn lẹ, dọmọ, Mì gbọ yẹn ni mọ nukundagbe to mì nukunmẹ, onú mì na dọ hlan mi yẹn na na. 12Mì biọ asimọnú po núnina sugégé po to alọ ṣie mẹ, yẹn na yí na mì kẹdẹdile mì na dọ hlan mi do: ṣigba mì sá ko yí awhli lọ na mi na asi.
13Visunnu Jakobo tọn lẹ sọ yí oklọ do gblọnhóna Ṣẹkẹmi po Hamọli otọ́ etọn po, bo dọmọ, na é ko hẹn Dina nọviyọnnu yetọn gble wutu, 14bo dọ hlan ye, dọmọ, Míwlẹ ma sọgan wà onú he gba, nado na nọviyọnnu mítọn whẹmagbonọ; na ovlẹ́ wẹ é yín hlan míwlẹ: 15ehe kẹdẹ ji wẹ míwlẹ na ylgbè hlan mì te: eyín mì na nọ̀ le míwle te, dọ yè ni gbowhẹna sunnu mítọn lẹ dopodopo; 16whenẹnu wẹ míwlẹ na yí viyọnnu mítọn lẹ na mì, bọ míwlẹ nasọ yí viyọnnu mítọn lẹ hlan mi de, bọ míwlẹ nasọ nọnọ̀ hẹ mì, bọ mí nasọ lẹzùn omẹ dopo. 17Ṣigba eyín míwlẹ ma tuntóai hlan mí na yè nado gbowhẹna; míwlẹ na yí viyọnnu mítọn, míwlẹ nasọ yì.
18Ohó yetọn sọ vivi na Hamọli, po Ṣẹkẹmi visunnu Hamọli tọn po. 19Ovi dẹpẹ lọ ma sọ hẹndote dẹn nado wà onú lọ gba, na é yiwánna viyọnnu Jakobu tọn wutu: na é yín yẹyinọ hú mẹhe to owhé otọ́ etọn lẹpo tọn gbè.
20Hamọli po Ṣẹkẹmi visunnu etọn po wá hòngbo otò yetọn tọn ji, yé sọ dọhó hẹ gbẹtọ otò yetọn mẹ tọn lẹ, bo dọmọ, 21Omẹ helẹ yín jijọhonọ hẹ mí: enẹwutu mì gbọ yé ni nò aigba he ji, bo wàjọ́ to finẹ, na, dayi e go, aigba lọ klo sù na yé; mì gbọ mí ni nọ yí viyọnnu yetọn lẹ do do asi, na mí ni sọ nọ yí viyọnnu mítọn lẹ na yé ga. 22To ehe kẹdẹ ji wẹ sunnu ewlẹ na yigbè hlan mí nado nọ̀hẹ mí, nado lẹzùn omẹ dopo, eyín yè gbowhẹna sunnu mítọn lẹpo kẹdẹdile yè gbowhẹna yéwlẹ do. 23Bé mítọn ma wẹ kanlin yetọn, agbàn yetọn, whékanlin yetọn lẹpo na yín? gbọ míwlẹ ni sá ko yígbè na yé, yé nasọ nọnọ̀ hẹ mí.
24Mẹhe tón sọn hòngbọ otò etọn tọn mẹ jẹgbonu lẹpo sọ dotóai hlan Hamọli po Sẹkẹmi visunnu etọn po; yè sọ gbowhẹna sunnu lẹpo, yé omẹ he tón sọn hòngbo otò etọn tọn mẹ jẹgbonu lẹpo. 25E sọ wá jọ to azán atọ̀ntọ gbè, whenuena alán to yé go, visunnu Jakobu tọn awe, Simeoni po Levi po, nọvisunnu Dina tọn, dopodopo yetọn yí ohi etọn, bo wá otò lọ ji ajiji, bo hù sunnu lẹpo. 26Yé sọ hù Hamọli po Ṣẹkẹmi visunnu etọn po to ohinu, bo dè Dina jẹgbonu sọn owhé Sẹkẹmi tọn gbè, bo tón yì. 27Visunnu Jakobu tọn lẹ wá mẹhe yé hù lẹ de, bo hẹn otò lọ gble, na yé ko hẹn nọviyọnnu yetọn gble wutu. 28Yé bẹ́ lẹngbọ yetọn, po oyín yetọn po, po kẹtẹkẹtẹ yetọn po, po onú he tin to otò mẹ lẹ po, po ehe tin to danji lẹ po; 29po adọkun yetọn lẹpo po, po omẹ flinflin yetọn lẹ po, po asi yetọn lẹ po wẹ yé do yí mẹmẹglọ po ogbànna po, yèdọ onú he tin to owhé gbè lẹpo.
30Jakobu sọ dọ hlan Simeoni po Levi po, dọmọ, Mì do magbọjẹ na mi nado hẹn mi nado lùnwán to mẹhe yín aigbanọ lẹ ṣẹnṣẹn to Kenaninu lẹ, po Pẹlizinu lẹ po ṣẹnṣẹn: yẹn pevide to sọha mẹ, yé na bé yéde plidopọ do oji e, bo sọ jẹ oji e: yẹn nasọ yín hùsúdo, yẹn po owhé ṣie po. 31Yé sọ dọmọ, Bó ewọ ni zán hẹ nọviyọnnu mítọn di hẹ gàlọtọ de wẹ?
Currently Selected:
Gẹnẹsisi 34: BWL23
Highlight
Share
Copy
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.
Gẹnẹsisi 34
34
1DINA viyọnnu Lea tọn, he é ji hlan Jakobu sọ tònyì nado pọ́n viyọnnu otò lọ tọn lẹ. 2Sẹkemi, ovi Hamọli tọn Hivinu, ahọvi oto lọ tọn, sọ mọ ẹn; é yí i, bo zánhẹ ẹ, bo huwhẹ ẹ. 3Ayiha etọn sọ dòn do Dina viyọnnu Jakobu tọn go, é yiwánna awhli lọ, bo sọ dọhó dagbe hlan awhli lọ. 4Ṣẹkẹmi sọ dọ hlan Hamọli otọ̀ etọn, dọmọ, Mọ awhli he na mi nado da asi. 5Jakobu ko sè dọ é ko hẹn Dina viyọnnu etọn gble; bọ visunnu etọn lẹ tin po okanlin po to danji: Jakobu sọ nọabọẹ kaka yé do gọ̀.
6Hamọli otò Sẹkẹmi tọn sọ tòn yì Jakobu de, nado dọhó hẹ ẹ. 7Visunnu Jakobu tọn lẹ sọ gò sọn danji whenuena yé sè; homẹ omẹ ewlẹ tọn gble, adido yé talala, na é basi onú gbigble to Islaeli to zinzánhẹ viyọnnu Jakobu tọn mẹ wutu: onú he ma jẹ yè nado wà. 8Hamọli sọ dọhó hẹ yé, dọmọ, Ayiha Sẹkẹmi visunnu ṣie tọn yiwánna viyọnnu mítọn: yẹn sọ vẹ̀ mì, mì yi i na ẹn hlan asi. 9Mì ni nọ wlealọ hẹ mí; mì nọ yí viyọnnu mítọn lẹ na mí; bo sọ nọ yí oviyọnnu mítọn lẹ hlan mì. 10Míwlẹ nasọ nọnọ̀ hẹ mí: aigba lọ na tin to mì nukọn; mì nọnọ̀ e mẹ bo nọ wàjó to e mẹ, bo sọ tindo nútindo to e mẹ. 11Ṣẹkẹmi sọ dọ hlan otò awhli lọ tọn podọ hlan mẹmẹsunnu etọn lẹ, dọmọ, Mì gbọ yẹn ni mọ nukundagbe to mì nukunmẹ, onú mì na dọ hlan mi yẹn na na. 12Mì biọ asimọnú po núnina sugégé po to alọ ṣie mẹ, yẹn na yí na mì kẹdẹdile mì na dọ hlan mi do: ṣigba mì sá ko yí awhli lọ na mi na asi.
13Visunnu Jakobo tọn lẹ sọ yí oklọ do gblọnhóna Ṣẹkẹmi po Hamọli otọ́ etọn po, bo dọmọ, na é ko hẹn Dina nọviyọnnu yetọn gble wutu, 14bo dọ hlan ye, dọmọ, Míwlẹ ma sọgan wà onú he gba, nado na nọviyọnnu mítọn whẹmagbonọ; na ovlẹ́ wẹ é yín hlan míwlẹ: 15ehe kẹdẹ ji wẹ míwlẹ na ylgbè hlan mì te: eyín mì na nọ̀ le míwle te, dọ yè ni gbowhẹna sunnu mítọn lẹ dopodopo; 16whenẹnu wẹ míwlẹ na yí viyọnnu mítọn lẹ na mì, bọ míwlẹ nasọ yí viyọnnu mítọn lẹ hlan mi de, bọ míwlẹ nasọ nọnọ̀ hẹ mì, bọ mí nasọ lẹzùn omẹ dopo. 17Ṣigba eyín míwlẹ ma tuntóai hlan mí na yè nado gbowhẹna; míwlẹ na yí viyọnnu mítọn, míwlẹ nasọ yì.
18Ohó yetọn sọ vivi na Hamọli, po Ṣẹkẹmi visunnu Hamọli tọn po. 19Ovi dẹpẹ lọ ma sọ hẹndote dẹn nado wà onú lọ gba, na é yiwánna viyọnnu Jakobu tọn wutu: na é yín yẹyinọ hú mẹhe to owhé otọ́ etọn lẹpo tọn gbè.
20Hamọli po Ṣẹkẹmi visunnu etọn po wá hòngbo otò yetọn tọn ji, yé sọ dọhó hẹ gbẹtọ otò yetọn mẹ tọn lẹ, bo dọmọ, 21Omẹ helẹ yín jijọhonọ hẹ mí: enẹwutu mì gbọ yé ni nò aigba he ji, bo wàjọ́ to finẹ, na, dayi e go, aigba lọ klo sù na yé; mì gbọ mí ni nọ yí viyọnnu yetọn lẹ do do asi, na mí ni sọ nọ yí viyọnnu mítọn lẹ na yé ga. 22To ehe kẹdẹ ji wẹ sunnu ewlẹ na yigbè hlan mí nado nọ̀hẹ mí, nado lẹzùn omẹ dopo, eyín yè gbowhẹna sunnu mítọn lẹpo kẹdẹdile yè gbowhẹna yéwlẹ do. 23Bé mítọn ma wẹ kanlin yetọn, agbàn yetọn, whékanlin yetọn lẹpo na yín? gbọ míwlẹ ni sá ko yígbè na yé, yé nasọ nọnọ̀ hẹ mí.
24Mẹhe tón sọn hòngbọ otò etọn tọn mẹ jẹgbonu lẹpo sọ dotóai hlan Hamọli po Sẹkẹmi visunnu etọn po; yè sọ gbowhẹna sunnu lẹpo, yé omẹ he tón sọn hòngbo otò etọn tọn mẹ jẹgbonu lẹpo. 25E sọ wá jọ to azán atọ̀ntọ gbè, whenuena alán to yé go, visunnu Jakobu tọn awe, Simeoni po Levi po, nọvisunnu Dina tọn, dopodopo yetọn yí ohi etọn, bo wá otò lọ ji ajiji, bo hù sunnu lẹpo. 26Yé sọ hù Hamọli po Ṣẹkẹmi visunnu etọn po to ohinu, bo dè Dina jẹgbonu sọn owhé Sẹkẹmi tọn gbè, bo tón yì. 27Visunnu Jakobu tọn lẹ wá mẹhe yé hù lẹ de, bo hẹn otò lọ gble, na yé ko hẹn nọviyọnnu yetọn gble wutu. 28Yé bẹ́ lẹngbọ yetọn, po oyín yetọn po, po kẹtẹkẹtẹ yetọn po, po onú he tin to otò mẹ lẹ po, po ehe tin to danji lẹ po; 29po adọkun yetọn lẹpo po, po omẹ flinflin yetọn lẹ po, po asi yetọn lẹ po wẹ yé do yí mẹmẹglọ po ogbànna po, yèdọ onú he tin to owhé gbè lẹpo.
30Jakobu sọ dọ hlan Simeoni po Levi po, dọmọ, Mì do magbọjẹ na mi nado hẹn mi nado lùnwán to mẹhe yín aigbanọ lẹ ṣẹnṣẹn to Kenaninu lẹ, po Pẹlizinu lẹ po ṣẹnṣẹn: yẹn pevide to sọha mẹ, yé na bé yéde plidopọ do oji e, bo sọ jẹ oji e: yẹn nasọ yín hùsúdo, yẹn po owhé ṣie po. 31Yé sọ dọmọ, Bó ewọ ni zán hẹ nọviyọnnu mítọn di hẹ gàlọtọ de wẹ?
Currently Selected:
:
Highlight
Share
Copy
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.