Gẹnẹsisi 44
44
1E sọ degbèna hònkònsi owhó etọn tọn, dọmọ, Yí núdùdù do gó apò omẹ ewlẹ tọn lẹ, su sọle yé sọgan hẹn do, bo sọ yí akuẹ omẹ dopodopo tọn do onù apò etọn tọn. 2Bo yí kọfo ṣie, kọfo fataka tọn, do onù apo agọ̀gbọnẹn lọ tọn tọn po akuẹ ogbado etọn tọn po Ewọ sọ basi kẹdẹdile ohó he Josefu ko dọ nẹ̃ te.
3Le ai ko hón, yè do omẹ ewlẹ hlan, yé po kẹtẹkẹtẹ yetọn lẹ po. 4Whenuena yé tónyì sọn tòdaho lọ mẹ, bo ma ko jẹ ofi dindẹn, Josefu dọ hlan hònkònsi etọn, dọ, Eón, jẹmọ na omẹ ewlẹ; whenuena hiẹ pla yé, dọ hlan yé dọ, Etẹ wutu we mì do yí oylan do suahọ dagbe tọn? 5E ma yín ehe wẹ ehe mẹ klunọ ṣie nọ nù te, podọ ehetọn dali é do nọ mọnu nugbonugbo? mì ko wà oylan to mọ wiwá mẹ.
6Ewọ sọ pla yé, é sọ dọ ohó helẹ hlan yé. 7Yé sọ dọ hlan ẹn dọ, Etẹwutu wẹ klunọ ṣie dọ ohó helẹ hunkọ? Jiwheyẹwhe ni pa dọ devi towe lẹ nado wà onú mọ hunkọ de. 8Dayi e go, akuẹ lọ, he mí mọ to onù apò mítọn lẹ tọn lẹ mẹ, mí sọ hẹn gòwá de we sọn aigba Kenani tọn ji: nawẹ mí na wà do fìn fataka kavi sika sọn owhó klunọ towe tọn gbè? 9Ome depope sọn devi towe lẹ de de yè mọ ẹn te, gbọ é ni kú, míwlẹ ga na sọ yín mẹmẹglọ klunọ ṣie tọn lẹ.
10Ewọ sọ dọmọ, Dinvie ga gbọ é ni yín kẹdẹdile ohó mítọn lẹ te: ewọ mẹhe de yè mọ ẹn te na yín mẹmẹglọ ṣie; mìwlẹ na sọ yín kunnunọ.
11Whenẹnu yé yawu, bo zlọ́n dai omẹ dopodopo apò etọn do aigba, bo kè omẹ dopodopo apò etọn. 12E to dindinpèn, bo hẹn sọn mẹho lọ ji, wá jodo agọ̀gbọnẹn ji: yè sọ mọ kọfo lọ to apò Bẹnjamini tọn mẹ.
13Whenẹnu wẹ yé dòn avọ́ yetọn lẹ tlen, omẹ dopodopo sọ doagbànna kẹtẹkẹtẹ etọn, bo lógèwá tòdaho lọ mẹ.
14Juda po mẹmẹsunnu etọn lẹ po wá owhé Josefu tọn gbè; ewọ gbó sọ tin to finẹ: yé sọ dlẹn to nukọn etọn to aigba. 15Josefu sọ dọ hlan yé, dọ, Owàlọ tẹwẹ ehe mì ko wá he yín? mì ma yènẹn dọ omẹ di yẹn hunkọ sọgan mọnú?
16Juda sọ dọmọ, Etẹ́wẹ mí na dọ hlan klunọ ṣie? ohó tẹ́wẹ mí na dọ? kavi nawẹ mí na whlẹn míde gbọn? Jiwheyẹwhe ko din ylankan devi towe lẹ tọn mọ: dayi e go, míwlẹ yín mẹmẹglọ klunọ ṣie tọn lẹ, míwlẹ, po ewọ ga alọ mẹhe tọn mẹ yè mọ kọfo te po.
17Ewọ sọ dọmọ, Jiwheyẹwhe ni pa bọ yẹn na do wà mọ: omẹ lọ alọ mẹhe tọn mẹ yè mọ kọfo lọ te, ewọ wẹ na yín mẹmẹglọ ṣie; ṣigba na mìwlẹ tọn mì hẹ́ji jijọho mẹ yì otọ́ mítọn de.
18Whenẹnu wẹ Juda sẹwá e de, bo dọmọ, À klunọ ṣie, gbọ devi towe, yẹn vè we, ni dọ ohó dopo to otọ́ klunọ ṣie tọn lẹ mẹ, a sọ dike adi towe jimiyọn do devi towe ji blo: na hiẹ tin yèdọ taidi Falo. 19Klunọ ṣie kanbiọ devi etọn lẹ, dọmọ, Mì tindo otọ́ de, kavi nọvisunnu de? 20Míwlẹ sọ dọ hlan klunọ ṣie, dọ, Mí tindo otọ́, gbẹtọ yọ́nhonọ de, po ovi yọ́nhomẹ etọn tọn de po, yọ̀pọ de; podọ nọvisunnu etọn ko kú, ewọ dopo akàn wẹ pò sọn onọ etọn tọn mẹ, otọ etọn sọ yíwán nẹ̃. 21Hiẹ sọ dọ hlan devi towe lẹ dọ, Mì hẹn ẹn jẹte wá dẽ, na yẹn nido zé nukun ṣie lẹ do e ji. 22Míwlẹ sọ dọ hlan klunọ ṣie, dọ, yọpọsunnu lọ ma sọgan jo otọ́ etọn do gba: na eyín ewọ nado jo otọ́ etọn do, otọ́ etọn na kú. 23Hie sọ dọ hlan devi towe lẹ, dọ, Adavo agọ̀gbọnẹn nọvisunnu mítọn jẹte wá po mì po, mì ma sọ to nukunmẹ ṣie na mọ ba. 24E sọ wá jọ whenuena mí hẹ́ji yì devi towe otọ́ ṣie de, mi dọ ohó klunọ ṣie tọn lẹ nẹ. 25Otọ́ mítọn sọ domọ, Mì sọ vẹ̀ yì, hò núdùdù vude na mí. 26Míwlẹ sọ dọmọ, Míwlẹ ma sọgan jẹte yì gba: eyín agọ̀gbọnẹn nọvisunnu mítọn tin po mí po, whenẹnu wẹ míwlẹ na jẹte yì: na mí ma na sọgan mọ nukunmẹ dawe lọ tọn gba, adavo agọ̀gbọnẹn nọvisunnu mítọn tin po mí po. 27Devi towe otọ́ ṣie, dọ hlan mí, dọ, Míwlẹ yọ́nẹn dọ asi ṣie ji visunnu awe na mi: 28dopo lọ yì sọn de, yẹn sọ dọmọ, nugbonugbo yè ko tlẹn ẹn do flinflin: yẹn ma ko mọ ẹn sọn whenu nẹ gbọ̃n: 29eyín mì sọ yí dopo he ga sọn así e, bọ danu jọ do e go, míwlẹ na hẹn oda wéwé ṣie jẹte po awúbla po yì oyọ̀do. 30Enẹwutu dinvie whenuena yẹn wá devi towe otọ́ ṣie de, bọ yọpọsunnu lọ ma tin po míwlẹ po gba; na yè sìn ogbè etọn ogbè yọpọsunnu lọ tọn mẹ; 31é na sọ wá jọ, whenuena é mọ dọ yọpọsunnu lọ ma tin po mí po gba, bọ ewọ na kú: devi towe lẹ na sọ hẹn oda wéwé devi towe otè mítọn tọn lẹ jẹte po awúbla po yì oyọ̀do mẹ. 32Na devi towe lẹzùn alọyítọ na yọpọsunnu lọ hlan otè ṣie, dọmọ, Eyín yẹn ma sọ hẹn ẹn wá de we gba, whenẹnu yẹn na hẹn whèyinylan hlan otẹ́ ṣie kadadoi. 33Enẹwutu dinvie, gbọ devi towe, yẹn vè we, ni nòayí mẹmẹglọ de hlan klunọ ṣie to otẹn yọpọsunnu lọ tọh mẹ: bo gbọ yọpọsunnu lọ ni hẹ́ji yì po mẹmẹsunnu etọn lẹ po 34Na nawẹ yẹn na hẹ́ji yì otọ ṣie de do, bọ yọpọsunnu lọ ma tin po yẹn po? yẹn nikã mọ oylan he na wá otẹ́ ṣie ji.
Currently Selected:
Gẹnẹsisi 44: BWL23
Highlight
Share
Copy
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.
Gẹnẹsisi 44
44
1E sọ degbèna hònkònsi owhó etọn tọn, dọmọ, Yí núdùdù do gó apò omẹ ewlẹ tọn lẹ, su sọle yé sọgan hẹn do, bo sọ yí akuẹ omẹ dopodopo tọn do onù apò etọn tọn. 2Bo yí kọfo ṣie, kọfo fataka tọn, do onù apo agọ̀gbọnẹn lọ tọn tọn po akuẹ ogbado etọn tọn po Ewọ sọ basi kẹdẹdile ohó he Josefu ko dọ nẹ̃ te.
3Le ai ko hón, yè do omẹ ewlẹ hlan, yé po kẹtẹkẹtẹ yetọn lẹ po. 4Whenuena yé tónyì sọn tòdaho lọ mẹ, bo ma ko jẹ ofi dindẹn, Josefu dọ hlan hònkònsi etọn, dọ, Eón, jẹmọ na omẹ ewlẹ; whenuena hiẹ pla yé, dọ hlan yé dọ, Etẹ wutu we mì do yí oylan do suahọ dagbe tọn? 5E ma yín ehe wẹ ehe mẹ klunọ ṣie nọ nù te, podọ ehetọn dali é do nọ mọnu nugbonugbo? mì ko wà oylan to mọ wiwá mẹ.
6Ewọ sọ pla yé, é sọ dọ ohó helẹ hlan yé. 7Yé sọ dọ hlan ẹn dọ, Etẹwutu wẹ klunọ ṣie dọ ohó helẹ hunkọ? Jiwheyẹwhe ni pa dọ devi towe lẹ nado wà onú mọ hunkọ de. 8Dayi e go, akuẹ lọ, he mí mọ to onù apò mítọn lẹ tọn lẹ mẹ, mí sọ hẹn gòwá de we sọn aigba Kenani tọn ji: nawẹ mí na wà do fìn fataka kavi sika sọn owhó klunọ towe tọn gbè? 9Ome depope sọn devi towe lẹ de de yè mọ ẹn te, gbọ é ni kú, míwlẹ ga na sọ yín mẹmẹglọ klunọ ṣie tọn lẹ.
10Ewọ sọ dọmọ, Dinvie ga gbọ é ni yín kẹdẹdile ohó mítọn lẹ te: ewọ mẹhe de yè mọ ẹn te na yín mẹmẹglọ ṣie; mìwlẹ na sọ yín kunnunọ.
11Whenẹnu yé yawu, bo zlọ́n dai omẹ dopodopo apò etọn do aigba, bo kè omẹ dopodopo apò etọn. 12E to dindinpèn, bo hẹn sọn mẹho lọ ji, wá jodo agọ̀gbọnẹn ji: yè sọ mọ kọfo lọ to apò Bẹnjamini tọn mẹ.
13Whenẹnu wẹ yé dòn avọ́ yetọn lẹ tlen, omẹ dopodopo sọ doagbànna kẹtẹkẹtẹ etọn, bo lógèwá tòdaho lọ mẹ.
14Juda po mẹmẹsunnu etọn lẹ po wá owhé Josefu tọn gbè; ewọ gbó sọ tin to finẹ: yé sọ dlẹn to nukọn etọn to aigba. 15Josefu sọ dọ hlan yé, dọ, Owàlọ tẹwẹ ehe mì ko wá he yín? mì ma yènẹn dọ omẹ di yẹn hunkọ sọgan mọnú?
16Juda sọ dọmọ, Etẹ́wẹ mí na dọ hlan klunọ ṣie? ohó tẹ́wẹ mí na dọ? kavi nawẹ mí na whlẹn míde gbọn? Jiwheyẹwhe ko din ylankan devi towe lẹ tọn mọ: dayi e go, míwlẹ yín mẹmẹglọ klunọ ṣie tọn lẹ, míwlẹ, po ewọ ga alọ mẹhe tọn mẹ yè mọ kọfo te po.
17Ewọ sọ dọmọ, Jiwheyẹwhe ni pa bọ yẹn na do wà mọ: omẹ lọ alọ mẹhe tọn mẹ yè mọ kọfo lọ te, ewọ wẹ na yín mẹmẹglọ ṣie; ṣigba na mìwlẹ tọn mì hẹ́ji jijọho mẹ yì otọ́ mítọn de.
18Whenẹnu wẹ Juda sẹwá e de, bo dọmọ, À klunọ ṣie, gbọ devi towe, yẹn vè we, ni dọ ohó dopo to otọ́ klunọ ṣie tọn lẹ mẹ, a sọ dike adi towe jimiyọn do devi towe ji blo: na hiẹ tin yèdọ taidi Falo. 19Klunọ ṣie kanbiọ devi etọn lẹ, dọmọ, Mì tindo otọ́ de, kavi nọvisunnu de? 20Míwlẹ sọ dọ hlan klunọ ṣie, dọ, Mí tindo otọ́, gbẹtọ yọ́nhonọ de, po ovi yọ́nhomẹ etọn tọn de po, yọ̀pọ de; podọ nọvisunnu etọn ko kú, ewọ dopo akàn wẹ pò sọn onọ etọn tọn mẹ, otọ etọn sọ yíwán nẹ̃. 21Hiẹ sọ dọ hlan devi towe lẹ dọ, Mì hẹn ẹn jẹte wá dẽ, na yẹn nido zé nukun ṣie lẹ do e ji. 22Míwlẹ sọ dọ hlan klunọ ṣie, dọ, yọpọsunnu lọ ma sọgan jo otọ́ etọn do gba: na eyín ewọ nado jo otọ́ etọn do, otọ́ etọn na kú. 23Hie sọ dọ hlan devi towe lẹ, dọ, Adavo agọ̀gbọnẹn nọvisunnu mítọn jẹte wá po mì po, mì ma sọ to nukunmẹ ṣie na mọ ba. 24E sọ wá jọ whenuena mí hẹ́ji yì devi towe otọ́ ṣie de, mi dọ ohó klunọ ṣie tọn lẹ nẹ. 25Otọ́ mítọn sọ domọ, Mì sọ vẹ̀ yì, hò núdùdù vude na mí. 26Míwlẹ sọ dọmọ, Míwlẹ ma sọgan jẹte yì gba: eyín agọ̀gbọnẹn nọvisunnu mítọn tin po mí po, whenẹnu wẹ míwlẹ na jẹte yì: na mí ma na sọgan mọ nukunmẹ dawe lọ tọn gba, adavo agọ̀gbọnẹn nọvisunnu mítọn tin po mí po. 27Devi towe otọ́ ṣie, dọ hlan mí, dọ, Míwlẹ yọ́nẹn dọ asi ṣie ji visunnu awe na mi: 28dopo lọ yì sọn de, yẹn sọ dọmọ, nugbonugbo yè ko tlẹn ẹn do flinflin: yẹn ma ko mọ ẹn sọn whenu nẹ gbọ̃n: 29eyín mì sọ yí dopo he ga sọn así e, bọ danu jọ do e go, míwlẹ na hẹn oda wéwé ṣie jẹte po awúbla po yì oyọ̀do. 30Enẹwutu dinvie whenuena yẹn wá devi towe otọ́ ṣie de, bọ yọpọsunnu lọ ma tin po míwlẹ po gba; na yè sìn ogbè etọn ogbè yọpọsunnu lọ tọn mẹ; 31é na sọ wá jọ, whenuena é mọ dọ yọpọsunnu lọ ma tin po mí po gba, bọ ewọ na kú: devi towe lẹ na sọ hẹn oda wéwé devi towe otè mítọn tọn lẹ jẹte po awúbla po yì oyọ̀do mẹ. 32Na devi towe lẹzùn alọyítọ na yọpọsunnu lọ hlan otè ṣie, dọmọ, Eyín yẹn ma sọ hẹn ẹn wá de we gba, whenẹnu yẹn na hẹn whèyinylan hlan otẹ́ ṣie kadadoi. 33Enẹwutu dinvie, gbọ devi towe, yẹn vè we, ni nòayí mẹmẹglọ de hlan klunọ ṣie to otẹn yọpọsunnu lọ tọh mẹ: bo gbọ yọpọsunnu lọ ni hẹ́ji yì po mẹmẹsunnu etọn lẹ po 34Na nawẹ yẹn na hẹ́ji yì otọ ṣie de do, bọ yọpọsunnu lọ ma tin po yẹn po? yẹn nikã mọ oylan he na wá otẹ́ ṣie ji.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.