Gẹnẹsisi 46
46
1ISLAELI sọ jẹgbèdopozọnlinji po enẹ he é tindo lẹpo po, bo wá Bẹeli-seba, bo sán avọ́ lẹ hlan Jiwheyẹwhe Isaki otọ́ etọn tọn. 2Jiwheyẹwhe sọ dọhó hlan Islaeli to númimọ lẹ mẹ to ozán mẹ, bo dọmọ, Jakobu, íakobu. Ewọ sọ dọmọ, Yẹn tin to ofi. 3E sọ dọmọ, Yẹn Jiwheyẹwhe wẹ, Jiwheyẹwhe otọ́ towe tọn: a dibú nado jẹte yì Egipti blo; na yẹn na basi akọta daho de sọn hiẹ mẹ to finẹ: 4yẹn na jẹte yì Egipti hẹ we, yẹn na sọ vẹ́ we hẹn hẹ́ji wá nugbonugbo ga: Josefu na sọ yí alọ etọn do nukun towe lẹ ji.
5Jakobu sọ tite sọn Bẹeli-seba: visunnu Islaeli tọn lẹ zé Jakobu otọ́ yetọn yì, po omẹ flinflin yetọn lẹ po, po asi yetọn lẹ po to agbànkẹkẹ he Falo dohlan nado zé yè wá lẹ mẹ. 6Yé sọ bé kanlin yetọn le, po núbépli yetọn lẹ po, he-ye ko bépli to aigba Kenani tọn ji, bo wá Egipti, Jakobu, po okún etọn lẹpo po gọ́na ẹn: 7visunnu etọn lẹ, po visunnu visunnu etọn lẹ tọn lẹ po gọ́na ẹn, viyọnnu etọn lẹ, podọ viyọnnu visunnu etọn lẹ tọn lẹ, po okún lẹpo po wẹ é hẹn gọ́ nẹ̃ wá Egipti.
8Ehelẹ wẹ oyín ovi Islaeli tọn lẹ tọn, he wá Egipti, Jakobu po visunnu etọn lẹ po: Lẹubeni, plọnji Jakobu tọn. 9Po visunnu, Lẹubeni tọn lẹ po; Hanoki, po Pali po, Hẹzloni po Kaími po. 10Po visunnu Simeoni tọn lẹ po; Jẹmueli, po Jamini po, Ohadi po Jakini po, Zohali po Sauli visunnu yọnnu Kenaninu de tọn po. 11Po visunnu Levi tọn lẹ po; Gelsoni, po Kohati po, po Mẹlali po. 12Po visunnu Juda tọn lẹ po; Eli, po Onani po, Ṣela po Pẹlẹzi po, po Zelahi po: ṣigba Eli po Onani po kú to aigba Kenani tọn ji. Visunnu Pẹlẹzi tọn lẹ wẹ Hẹzloni po Hamuli po. 13Po visunnu Issakali tọn lẹ po; Tola, po Puva po, Iobi po Simloni po. 14Po visunnu Zẹbuluni tọn lẹ po; Sẹlẹdi, po Eloni po, po Jahlẹeli po.
15Ehelẹ wẹ visunnu Lea tọn lẹ he é ji hlan Jakobu to Padan-alami, po viyọnnu etọn Dina po: visunnu etọn lẹ po viyọnnu ẹtọn lẹ po yín dawe ogbànnukunatọ̀n. 16Po visunnu Gadi tọn lẹ po; Zifiọni, po Haggi po, Ṣuni po Ẹzboni po, Eli, po Alodi po, po Aleli po. 17Po visunnu Aṣeli tọn lẹ po; Imna po Isva po, Isvi po Bẹlia po, po Sẹlahi nọviyọnnu yetọn po: po visunnu Bẹlia tọn lẹ po; Hẹbẹli po Malkieli po. 18Ehelẹ wẹ visunnu Zilpa tọn lẹ, he Labani na hlan Lea viyọnnu etọn, ehelẹ wẹ e sọ ji hlan Jakobu, yèdọ dawe fọtọ̀nukundopo.
19Visunnu Laheli asi Jakobu tọn tọn lẹ; Josefu po Bẹnjamini po. 20Podọ hlan Josefu to aigba Egipti tọn ji wẹ yè ji Manasse po Ẹflaimi po, he Asẹnati viyonnu Potifẹla yẹwhenọ Oni tọn tọn ji hían ẹn. 21Po visunnu Bẹnjamini tọn lẹ po; Bela po Bẹkẹli po, Asobeli, Gela, po Naamani po, Ehi po Loṣi po, Mupimi po Hupimi po, po Aldi po. 22Ehelẹ wẹ visunnu Laheli tọn lẹ, he yè ji hlan Jakobu: dawe lẹpo yín wiẹnẹ.
23Po visunnu Dani tọn lẹ po; Husimi. 24Po visunnu Naftali tọn lẹ po; Jahzẹeli po Guni oo, Jẹzẹli po Ṣilemi po. 25Ehelẹ wẹ visunnu Bilha tọn, he Labani na hlan Laheli viyọnnu etọn, ehelẹ wẹ é sọ ji hlan Jakobu: dawe lẹpo yín ṣinawe.
26Dawẹ he wá Egipti po Jakobu po, he tọ́n sọn adà etọn lẹ mẹ, dogọ́ visunnu asi visunnu Jakobu tọn lẹ tọn tọn, dawe lẹpo yín kandekoatúnnnukundopo: 27po visunnu Josefu tọn lẹ po, he yè ji hlan ẹn to Egipti yín dawe awe: dawe owhé Jakobu tọn tọn lẹpo, he wá Egipti yín kanbegbàn.
28E sọ do Juda hlan nukọn nẹ̃ yi Josefu de, nado do aliho hia to nukọn etọn yì jẹ Gosẹni; yé sọ wá aigba Gosẹni tọn ji. 29Josefu sọ và kẹkẹ etọn, bo hẹ́ji yì nado pó Islaeli otọ́ etọn to Gosẹni; é sọ do ede hia ẹ, bo slo do okò etọn go, bo viavi do okò go na osã dindẹn de. 30Islaeli sọ dọ hlan Josefu, dọmọ, Dinvie gbọ ma kú, le yẹn ko mọ nukunmẹ towe, dọ hiẹ gbó sọ tin to ogbè.
31Josefu sọ dọ hlan mẹmẹsunnu etọn lẹ, podọ hlan owhé otẹ́ etọn tọn, dọ, Yẹn na hẹ́ji yì, bo dọ na Falo, bo na dọ hlan ẹn, dọ, Mẹmẹsunnu ṣie lẹ, po owhé otọ́ ṣie tọn po, he tin to aigba Kenani tọn ji lẹ, wá dẽ; 32lẹngbọyìntọ wẹ omẹ ewlẹ, na yé ko yín yìnyìntọ kanlin tọn lẹ; yé ko sọ hẹn kanlinpa yetọn lẹ wá, po oyìnpó yetọn lẹ po, po enẹ he yé tindo lẹpo po. 33E na sọ wá jọ, whenuena Falo na ylọ mi, bo na dọ, 34Eté wẹ azẹ́n mítọn? wẹ mì na dọ, yìnyìntọ kanlin tọn lẹ wẹ devi towe lẹ ko yín sọn vúwhenu mítọn yèdọ kaka jẹ dinvie, míwlẹ, po otẹ́ mítọn lẹ po: na mì nido nọnọ̀ aigba Gosẹni tọn ji; na osunu de wẹ lẹngbọyìntọ lẹpo yín hlan Egiptinu lẹ.
Currently Selected:
Gẹnẹsisi 46: BWL23
Highlight
Share
Copy
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.
Gẹnẹsisi 46
46
1ISLAELI sọ jẹgbèdopozọnlinji po enẹ he é tindo lẹpo po, bo wá Bẹeli-seba, bo sán avọ́ lẹ hlan Jiwheyẹwhe Isaki otọ́ etọn tọn. 2Jiwheyẹwhe sọ dọhó hlan Islaeli to númimọ lẹ mẹ to ozán mẹ, bo dọmọ, Jakobu, íakobu. Ewọ sọ dọmọ, Yẹn tin to ofi. 3E sọ dọmọ, Yẹn Jiwheyẹwhe wẹ, Jiwheyẹwhe otọ́ towe tọn: a dibú nado jẹte yì Egipti blo; na yẹn na basi akọta daho de sọn hiẹ mẹ to finẹ: 4yẹn na jẹte yì Egipti hẹ we, yẹn na sọ vẹ́ we hẹn hẹ́ji wá nugbonugbo ga: Josefu na sọ yí alọ etọn do nukun towe lẹ ji.
5Jakobu sọ tite sọn Bẹeli-seba: visunnu Islaeli tọn lẹ zé Jakobu otọ́ yetọn yì, po omẹ flinflin yetọn lẹ po, po asi yetọn lẹ po to agbànkẹkẹ he Falo dohlan nado zé yè wá lẹ mẹ. 6Yé sọ bé kanlin yetọn le, po núbépli yetọn lẹ po, he-ye ko bépli to aigba Kenani tọn ji, bo wá Egipti, Jakobu, po okún etọn lẹpo po gọ́na ẹn: 7visunnu etọn lẹ, po visunnu visunnu etọn lẹ tọn lẹ po gọ́na ẹn, viyọnnu etọn lẹ, podọ viyọnnu visunnu etọn lẹ tọn lẹ, po okún lẹpo po wẹ é hẹn gọ́ nẹ̃ wá Egipti.
8Ehelẹ wẹ oyín ovi Islaeli tọn lẹ tọn, he wá Egipti, Jakobu po visunnu etọn lẹ po: Lẹubeni, plọnji Jakobu tọn. 9Po visunnu, Lẹubeni tọn lẹ po; Hanoki, po Pali po, Hẹzloni po Kaími po. 10Po visunnu Simeoni tọn lẹ po; Jẹmueli, po Jamini po, Ohadi po Jakini po, Zohali po Sauli visunnu yọnnu Kenaninu de tọn po. 11Po visunnu Levi tọn lẹ po; Gelsoni, po Kohati po, po Mẹlali po. 12Po visunnu Juda tọn lẹ po; Eli, po Onani po, Ṣela po Pẹlẹzi po, po Zelahi po: ṣigba Eli po Onani po kú to aigba Kenani tọn ji. Visunnu Pẹlẹzi tọn lẹ wẹ Hẹzloni po Hamuli po. 13Po visunnu Issakali tọn lẹ po; Tola, po Puva po, Iobi po Simloni po. 14Po visunnu Zẹbuluni tọn lẹ po; Sẹlẹdi, po Eloni po, po Jahlẹeli po.
15Ehelẹ wẹ visunnu Lea tọn lẹ he é ji hlan Jakobu to Padan-alami, po viyọnnu etọn Dina po: visunnu etọn lẹ po viyọnnu ẹtọn lẹ po yín dawe ogbànnukunatọ̀n. 16Po visunnu Gadi tọn lẹ po; Zifiọni, po Haggi po, Ṣuni po Ẹzboni po, Eli, po Alodi po, po Aleli po. 17Po visunnu Aṣeli tọn lẹ po; Imna po Isva po, Isvi po Bẹlia po, po Sẹlahi nọviyọnnu yetọn po: po visunnu Bẹlia tọn lẹ po; Hẹbẹli po Malkieli po. 18Ehelẹ wẹ visunnu Zilpa tọn lẹ, he Labani na hlan Lea viyọnnu etọn, ehelẹ wẹ e sọ ji hlan Jakobu, yèdọ dawe fọtọ̀nukundopo.
19Visunnu Laheli asi Jakobu tọn tọn lẹ; Josefu po Bẹnjamini po. 20Podọ hlan Josefu to aigba Egipti tọn ji wẹ yè ji Manasse po Ẹflaimi po, he Asẹnati viyonnu Potifẹla yẹwhenọ Oni tọn tọn ji hían ẹn. 21Po visunnu Bẹnjamini tọn lẹ po; Bela po Bẹkẹli po, Asobeli, Gela, po Naamani po, Ehi po Loṣi po, Mupimi po Hupimi po, po Aldi po. 22Ehelẹ wẹ visunnu Laheli tọn lẹ, he yè ji hlan Jakobu: dawe lẹpo yín wiẹnẹ.
23Po visunnu Dani tọn lẹ po; Husimi. 24Po visunnu Naftali tọn lẹ po; Jahzẹeli po Guni oo, Jẹzẹli po Ṣilemi po. 25Ehelẹ wẹ visunnu Bilha tọn, he Labani na hlan Laheli viyọnnu etọn, ehelẹ wẹ é sọ ji hlan Jakobu: dawe lẹpo yín ṣinawe.
26Dawẹ he wá Egipti po Jakobu po, he tọ́n sọn adà etọn lẹ mẹ, dogọ́ visunnu asi visunnu Jakobu tọn lẹ tọn tọn, dawe lẹpo yín kandekoatúnnnukundopo: 27po visunnu Josefu tọn lẹ po, he yè ji hlan ẹn to Egipti yín dawe awe: dawe owhé Jakobu tọn tọn lẹpo, he wá Egipti yín kanbegbàn.
28E sọ do Juda hlan nukọn nẹ̃ yi Josefu de, nado do aliho hia to nukọn etọn yì jẹ Gosẹni; yé sọ wá aigba Gosẹni tọn ji. 29Josefu sọ và kẹkẹ etọn, bo hẹ́ji yì nado pó Islaeli otọ́ etọn to Gosẹni; é sọ do ede hia ẹ, bo slo do okò etọn go, bo viavi do okò go na osã dindẹn de. 30Islaeli sọ dọ hlan Josefu, dọmọ, Dinvie gbọ ma kú, le yẹn ko mọ nukunmẹ towe, dọ hiẹ gbó sọ tin to ogbè.
31Josefu sọ dọ hlan mẹmẹsunnu etọn lẹ, podọ hlan owhé otẹ́ etọn tọn, dọ, Yẹn na hẹ́ji yì, bo dọ na Falo, bo na dọ hlan ẹn, dọ, Mẹmẹsunnu ṣie lẹ, po owhé otọ́ ṣie tọn po, he tin to aigba Kenani tọn ji lẹ, wá dẽ; 32lẹngbọyìntọ wẹ omẹ ewlẹ, na yé ko yín yìnyìntọ kanlin tọn lẹ; yé ko sọ hẹn kanlinpa yetọn lẹ wá, po oyìnpó yetọn lẹ po, po enẹ he yé tindo lẹpo po. 33E na sọ wá jọ, whenuena Falo na ylọ mi, bo na dọ, 34Eté wẹ azẹ́n mítọn? wẹ mì na dọ, yìnyìntọ kanlin tọn lẹ wẹ devi towe lẹ ko yín sọn vúwhenu mítọn yèdọ kaka jẹ dinvie, míwlẹ, po otẹ́ mítọn lẹ po: na mì nido nọnọ̀ aigba Gosẹni tọn ji; na osunu de wẹ lẹngbọyìntọ lẹpo yín hlan Egiptinu lẹ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.