Gẹnẹsisi 48
48
1E sọ jo to onú helẹ godo, wẹ omẹ de dọ hlan Josèfu, dọ, Dayi e go, otú towe tin awutujẹ: é sọ yí po e po visunnu etọn awe lẹ Manasse po Ẹflaimi po. 2Omẹ de sọ dọ na Jakobu, bo dọmọ, Dayi e go, visunnu towe Josefu wá de we: Islaeli sọ dogánna ede bo sinai to adzan ji.
3Jakobu sọ dọ hlan Josefu, dọ, Jiwheyẹwhe Gánhunupo sọawúhia hlan mi to Luzi to aigba Kenani tọn ji, bo dona mi, 4bo dọ hlan mi, dọ, Dayi e go, yẹn na hẹn we zùn sinsẹnnọ, bo hẹn wẹ jigba, yẹn na hẹn we zùn ogbẹ̀ gbẹtọ gégé tọn; yẹn na na aigba he hlan okún towe to godo towe na nútindo madópòdo de. 5Dinvie visunnu towe awe lẹ, he yè ji hlan we to aigba Egipti tọn ji whẹpo yẹn do wá de we to Egipti, ṣie wẹ; Eflaimi po Manasse po, yèdọ dile Lẹubeni po Simeoni po te, wẹ yé na yín ṣie. 6Ovi towe, he hiẹ ji to godo yé tọn, wẹ na yín towe; yè na nọ ylọ yé di oyín mẹmẹsunnu yetọn lẹ tọn to ogú yetọn mẹ. 7Na yẹn tọn, whenuena yẹn sọn Padani jẹ, Laheli kú to dẽ to aigba Kenani tọn ji to aliho ji, whenuena é gbó sọ pò zọnlin vude nado wá Ẹflati: yẹn sọ disiọ etọn to finẹ to aliho ji hlan Ẹflati (enẹ wẹ Betlẹhẹm).
8Islaeli sọ dayi visunnu Josefu tọn lẹ go, bo dọmọ, Mẹnu wẹ ehelẹ? 9Josefu sọ dọ hlan otọ́ etọn, dọ, Visunnu ṣie le wẹ yé, he Jiwheyẹwhe na mi to ofi. E sọ dọmọ, Hẹn ye wá dẽ, yẹn vẹ̀ we, yẹn na sọ dona yé. 10Nukun Islaeli tọn lẹ ko súzin na whinwhén, sọmọ bọ é ma do sọgan mọnú. E sọ hẹn yé wá e de; é sọ donùnùgọna yé, bo dòn yé do akọ́n. 11Islaeli sọ dọ hlan Josefu, dọmọ, Yẹn ma ko lẹn nado sọ mọ nukunme towe gba: bo, pọ́n, Jiwheyẹwhe ko gbọ ma mọ okún towe ga.
12Josefu sọ hẹn yé tẹ́n sọn kligonu etọn lẹ ṣẹnṣẹn; é sọ dẹ́ ede po nukunmẹ etọn po hlan aigba. 13Josefu sọ yí ye omẹ owe lẹ, Ẹflaimi to alọ etọn adusi mẹ hlan alọ amiyọn Islaeli tọn tọn dali, podọ Manasse to alọ etọn amiyọn mẹ hlan alọ adusi Islaeli tọn tọn dali, bo hẹn yé sẹpo e de. 14Islaeli sọ dlẹn alọ etọn adusi tón, bo zé e do ota Ẹflaimi tọn, mehe yín yọ̀pọ, podọ alọ eton amiyọn do ota Manasse tọn, é yọ́nẹn do do alọ etọn lẹ mọ; na Manasse wẹ plọnji.
15E sọ dona Josefu bo dọmọ, Jiwheyẹwhe mẹhe nukọn otọ́ ṣie le Ablaham po Isaki po zinzọnlin te, Jiwheyẹwhe he yin mi to ogbè whenu ṣie lepo mẹ je egbé he, 16angẹli he fli mi sọn oylan lẹpo me, ni dona yọpọsunnu ewlẹ, bo gbọ yè ni nọ ylọ oyín ṣie do yé go, podọ oyín otọ ṣie le Ablaham po Isaki po tọn: bo gbọ yé ni whén zùn mẹsusugégé to aigba ṣẹnṣẹn.
17Whenuena Josefu mọ dọ oto etọn zé alọ etọn adusi do ota Ẹflaimi tọn, é ma hẹn hòmẹhùn nẹ̃ gba: é sọ zé alọ otọ́ etọn tọn daga, nado diọ ẹ sọn ọta Eflaimi tọn do ota Manasse tọn. 18Josefu sọ dọ hlan otọ́ etọn, dọ, Mọ ma gba, oto ṣie: na ehe wẹ plọnji; yí alọ towe adusi do ota etọn. 19Otọ́ etọn sọ kó, bo domọ, Yẹn yón ẹn, visunnu ṣie, yẹn yẹ́n ẹn ewọ ga na lẹzùn akọta de, ewọ ga na sọ yín kiklo: ṣigba nẹgbetọ etọn nọvisunnu na yín kiklo hú ewọ, okun etọn na lẹzùn akọta mẹsusugégé de tọn lẹ. 20E sọ dona yé to azán nẹ gbè, dọmọ, Hiẹ mẹ wẹ Islaeli na no dona te, dọ, Jiwheyẹwhe ni basi wẹ di Ẹflaimi po Manasse po: é sọ zé Eflaimi do Manasse nukọn.
21Islaeli sọ dọ hlan Josefu, dọ, Dayi e go, Yẹn kú: ṣigba Jiwheyẹwhe na tin hẹ mì, bo sọ hẹn mì gọ́ do aigba otọ́ mítọn le tọn ji. 22Humọ yẹn ko na mimá dopo hlan we húgan mẹmẹsunnu towe le, he yen yí ohi ṣie po oga ṣie po do yí sọn alọ Amolinu si.
Currently Selected:
Gẹnẹsisi 48: BWL23
Highlight
Share
Copy
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.
Gẹnẹsisi 48
48
1E sọ jo to onú helẹ godo, wẹ omẹ de dọ hlan Josèfu, dọ, Dayi e go, otú towe tin awutujẹ: é sọ yí po e po visunnu etọn awe lẹ Manasse po Ẹflaimi po. 2Omẹ de sọ dọ na Jakobu, bo dọmọ, Dayi e go, visunnu towe Josefu wá de we: Islaeli sọ dogánna ede bo sinai to adzan ji.
3Jakobu sọ dọ hlan Josefu, dọ, Jiwheyẹwhe Gánhunupo sọawúhia hlan mi to Luzi to aigba Kenani tọn ji, bo dona mi, 4bo dọ hlan mi, dọ, Dayi e go, yẹn na hẹn we zùn sinsẹnnọ, bo hẹn wẹ jigba, yẹn na hẹn we zùn ogbẹ̀ gbẹtọ gégé tọn; yẹn na na aigba he hlan okún towe to godo towe na nútindo madópòdo de. 5Dinvie visunnu towe awe lẹ, he yè ji hlan we to aigba Egipti tọn ji whẹpo yẹn do wá de we to Egipti, ṣie wẹ; Eflaimi po Manasse po, yèdọ dile Lẹubeni po Simeoni po te, wẹ yé na yín ṣie. 6Ovi towe, he hiẹ ji to godo yé tọn, wẹ na yín towe; yè na nọ ylọ yé di oyín mẹmẹsunnu yetọn lẹ tọn to ogú yetọn mẹ. 7Na yẹn tọn, whenuena yẹn sọn Padani jẹ, Laheli kú to dẽ to aigba Kenani tọn ji to aliho ji, whenuena é gbó sọ pò zọnlin vude nado wá Ẹflati: yẹn sọ disiọ etọn to finẹ to aliho ji hlan Ẹflati (enẹ wẹ Betlẹhẹm).
8Islaeli sọ dayi visunnu Josefu tọn lẹ go, bo dọmọ, Mẹnu wẹ ehelẹ? 9Josefu sọ dọ hlan otọ́ etọn, dọ, Visunnu ṣie le wẹ yé, he Jiwheyẹwhe na mi to ofi. E sọ dọmọ, Hẹn ye wá dẽ, yẹn vẹ̀ we, yẹn na sọ dona yé. 10Nukun Islaeli tọn lẹ ko súzin na whinwhén, sọmọ bọ é ma do sọgan mọnú. E sọ hẹn yé wá e de; é sọ donùnùgọna yé, bo dòn yé do akọ́n. 11Islaeli sọ dọ hlan Josefu, dọmọ, Yẹn ma ko lẹn nado sọ mọ nukunme towe gba: bo, pọ́n, Jiwheyẹwhe ko gbọ ma mọ okún towe ga.
12Josefu sọ hẹn yé tẹ́n sọn kligonu etọn lẹ ṣẹnṣẹn; é sọ dẹ́ ede po nukunmẹ etọn po hlan aigba. 13Josefu sọ yí ye omẹ owe lẹ, Ẹflaimi to alọ etọn adusi mẹ hlan alọ amiyọn Islaeli tọn tọn dali, podọ Manasse to alọ etọn amiyọn mẹ hlan alọ adusi Islaeli tọn tọn dali, bo hẹn yé sẹpo e de. 14Islaeli sọ dlẹn alọ etọn adusi tón, bo zé e do ota Ẹflaimi tọn, mehe yín yọ̀pọ, podọ alọ eton amiyọn do ota Manasse tọn, é yọ́nẹn do do alọ etọn lẹ mọ; na Manasse wẹ plọnji.
15E sọ dona Josefu bo dọmọ, Jiwheyẹwhe mẹhe nukọn otọ́ ṣie le Ablaham po Isaki po zinzọnlin te, Jiwheyẹwhe he yin mi to ogbè whenu ṣie lepo mẹ je egbé he, 16angẹli he fli mi sọn oylan lẹpo me, ni dona yọpọsunnu ewlẹ, bo gbọ yè ni nọ ylọ oyín ṣie do yé go, podọ oyín otọ ṣie le Ablaham po Isaki po tọn: bo gbọ yé ni whén zùn mẹsusugégé to aigba ṣẹnṣẹn.
17Whenuena Josefu mọ dọ oto etọn zé alọ etọn adusi do ota Ẹflaimi tọn, é ma hẹn hòmẹhùn nẹ̃ gba: é sọ zé alọ otọ́ etọn tọn daga, nado diọ ẹ sọn ọta Eflaimi tọn do ota Manasse tọn. 18Josefu sọ dọ hlan otọ́ etọn, dọ, Mọ ma gba, oto ṣie: na ehe wẹ plọnji; yí alọ towe adusi do ota etọn. 19Otọ́ etọn sọ kó, bo domọ, Yẹn yón ẹn, visunnu ṣie, yẹn yẹ́n ẹn ewọ ga na lẹzùn akọta de, ewọ ga na sọ yín kiklo: ṣigba nẹgbetọ etọn nọvisunnu na yín kiklo hú ewọ, okun etọn na lẹzùn akọta mẹsusugégé de tọn lẹ. 20E sọ dona yé to azán nẹ gbè, dọmọ, Hiẹ mẹ wẹ Islaeli na no dona te, dọ, Jiwheyẹwhe ni basi wẹ di Ẹflaimi po Manasse po: é sọ zé Eflaimi do Manasse nukọn.
21Islaeli sọ dọ hlan Josefu, dọ, Dayi e go, Yẹn kú: ṣigba Jiwheyẹwhe na tin hẹ mì, bo sọ hẹn mì gọ́ do aigba otọ́ mítọn le tọn ji. 22Humọ yẹn ko na mimá dopo hlan we húgan mẹmẹsunnu towe le, he yen yí ohi ṣie po oga ṣie po do yí sọn alọ Amolinu si.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.