JOHANU 4
4
1ENẸWUTU whenuena Oklunọ yónẹn do Falesi lẹ ko sè dọ Jesu to bibasi, bo sọ to bibaptizi nuplọntọ susu hú Johanu, 2(ṣigba Jesu lọsu ma baptizi gba, adavo nuplọntọ etọn lẹ,) 3é jo Judé do bo sọ gọ̀yì Galili. 4Ewọ ma sọgan nọ ma jugbọn Samalia ṣẹnṣẹn wá yì gba. 5Mọwẹ é wá otò Samalia tọn de mẹ, he yè nọ ylo Sikali, ehe sẹpo aigba loboto he Jakobu na Josefu òvi etọn. 6Odòtò Jakobu tọn tin to finẹ. Enẹwutu le nudikọna Jesu, na zọnlin etọn wutu, é sinai dole to odòtò lọ ji: é yì ojlẹ sido potọ okle tọn. 7Yọnnu Samalia tọn de wá nado dòn osìn: Jesu sọ dọ hlan en, dọ, Na mi ma nù 8(Na nuplọntọ etọn lẹ ko yì otò mẹ nado hò núdùdù.) 9Enẹwutu yọnnu Samalia tọn lọ do hlan ẹn, dọ, Na é yín do bọ hiẹ mẹhe yín Ju to onúnùnù kanbiọ mi, yẹn mẹhe yín yọnnu Samalia tọn? na Ju lẹ ma nọ wànúdopọ hẹ Samaliatọ le gba. 10Jesu gblọn, bo dọ hlan en, dọ, Eyín hiẹ yón núnina Jiwheyẹwhe tọn, po mẹhe dọ hlan wẹ, dọ, Na mi ma nù po; hiẹ do sọ kanbiọ sọn e si, ewọ do ko sọ na osìn ogbénọ we. 11Nawe lọ sọ dọ hlan ẹn, dọ, Mẹdaho, hiẹ ma tindo onú he hiẹ na yí do dòn, mọ odoto lo sọ siso: fiẹ ka wẹ hie tindo osin ogbẹnọ lo sọn? 12Bé hie klohú Jakobu otọ́ mìtọn, mẹhe na odòtò lọ mí, bọ ewọ lọsu nù sọn e mẹ, ovi eton lẹ, po okanlin etọn lẹ po ga? 13Jesu gblọn bo dọ hlan ẹn, dọ, Mẹdepope he nù sọn osìn he mẹ ové nasọ vó ẹ hú. 14Ṣigba mẹdepope he nù osìn he yẹn na na ẹn ové ma na hú i gbède; ṣigba osìn he yẹn na na ẹn, na lẹzùn odotò osìn tọn de to ohò etọn mẹ, he na to sisa hlan jẹ ogbè madopodo. 15Nawe lọ sọ dọ hlan ẹn, dọ, Mẹdaho, na osìn he mi, bọ ové ma nasọ hú mi na yẹn ma na sọ do wá ofi nado dọn ba. 16Jesu sọ dọ hlan ẹn, dọ, Yì, ylọ asú towe, na hiẹ ni wá ofì. 17Nawe lọ sọ dọ hlan en, dọmọ, Yẹn ma tindo asú de. Jesu dọ hlan ẹn, dọ, Hie dọ dagbe dọ yẹn ma tindo asú de: 18na hiẹ ko tindo asú atọn dai; podọ mẹhe hiẹ tindo dinvie ma yín asú towe gba: nugbo wẹ ehe hiẹ dọ. 19Nawe lọ sọ dọ hlan ẹn, dọ, Mẹdaho, yẹn mọ dọ yewhegán de wẹ hiẹ. 20Otọ́ mìtọn lẹ sẹn to osé he ji; bọ mìwlẹ dọmọ, Jelusalẹm mẹ wẹ otẹn ofì he je gbẹtọ lẹ nado nọ sèn te 21Jesu sọ dọ hlan ẹn, dọ, Nawe, yí mi sè, ojlẹ lọ ja, whenuena é ma na yín osé he ji, kavi Jelusalẹm mẹ wẹ mi nasọ nọ sèn Otọ́ gba. 22Mì to enẹ he mì ma yónen sén: mìwlẹ to enẹ he mìwlẹ yónẹn sèn: na Ju lẹ de wẹ whlẹngan sọn. 23Ṣigba ojlẹ lo ja, dinvie sọ we, whenuena sinsèntọ nugbonọ lẹ na sèn Otọ́ to Gbigbọ po nugbo po mẹ: na nugbo memọnkọ wẹ Otọ́ to dindin nado yín sinsèntọ etọn lẹ. 24Gbigbọ we Jiwheyẹwhe: é jẹ yé he to sinsẹn ẹn lẹ ni nọ sèn en to gbigbọ mẹ podọ to nugbo mẹ. 25Nawe lọ sọ do hlan en, do, Yẹn yónẹn dọ Mẹssia ja, mẹhe yè nọ ylọ Klisti: whenuena é wá, é na lá onú lẹpo hlan mí. 26Jesu dọ hlan ẹn, dọ, Yẹn mẹhe to hódọ he we wẹ ewọ lọ.
27To ehe mẹ wẹ nuplontọ etọn lẹ gò, avọ̀ sọ vò yé, na é to hódọ he yọnnusi de: ṣigba mẹde ma dọ, Etẹwẹ hiẹ to dindin? kavi, Etẹwutu wẹ hiẹ to hódọ hẹ ẹ? 28Whenẹnu nawe lọ jo otòzén etọn dai, bo yì otò mẹ, bo dọ hlan gbẹto lẹ, dọ, 29Mì wá pọ́n dawe de, mẹhe dọ onú he yẹn ko nọ wà lẹpo na mi: bó Klisti lọ ma die? 30Yé tọ́njegbonu sọn otò mẹ, bo wá e de. 31To osã vude nuplọntọ etọn lọ to vẹvẹ nẹ̃ dọmọ, Mẹplọntọ, dùnú. 32Ṣigba é dọ hlan yé, dọ, Yẹn tindo núdùdù de na dù, ehe mìwlẹ ma yọnẹn. 33Enẹwutu nuplọntọ lẹ to didọ hlan yénọzo, dọ, Mẹde ko hẹn núde wá nẹ na dù wẹ? 34Jesu sọ dọ hlan yé, dọ, Núdùdù ṣie wẹ nado wà ojlo mẹhe do mi hlan tọn podọ nado dotana azọ̀n etọn 35Bé mìwlẹ ma nọ dọ, E pò osùn ẹnẹ dogọ, whenẹnu wẹ gbingbèn whenu? pọ́n, yẹn dọ hlan mì, Mì zé nukun mìtọn do aga, bo pòn odanjì; na yé ko whén na gbingbèn. 36Ewọ he doji ko mọ azònkuẹ yí, bo sọ bé sinsẹ́n pli hlan ogbè madopodo: na ewọ he doji po ewọ he gbẹn po, nido jaya dopọ dinvie. 37Na didọ he yín nugbo to fime, Omede doji, medevo gbèn. 38Yẹn do mìwlẹ hlan nado gbẹ́n onú nẹ heji mìwlẹ ma ko jẹtukla do: mẹdevo lẹ ko jẹtukla, yè sọ hẹn mì biọ tuklajẹ yetọn mẹ.
39Susu Samaliatọ he tin to otò lọ mẹ tọn sọ yí i sè na ọhó nawe lọ tọn wutu, mẹhe dọmọ, E dọ onú he yẹn ko nọ wà lẹpo na mi. 40Mọwẹ whenuena Samaliatọ lẹ wá e de, yé vè ẹ nado nọnọ̀ yé de: é sọ nò finẹ azán awe. 41Ome susu dogọ yise na ohó ewlọsu ton wutu; 42yé sọ dọ hlan nawe lọ, dọmọ, Mí yise dinvie, é ma yín na ohó towe wutu gba; na míwlọsu sè ohó etọn na mìde, bo sọ yònẹn dọ, ehe wẹ Whlẹngan tọ aibọn tọn lọ nugbo.
43To azán awe le godo, é tónyì sọn finẹ biọ Galili mẹ. 44Na Jesu lọsu ko dekunnu dọ, Yẹwhegán ma tindo yẹyi to otò ewlọsu tọn mẹ gba. 45Enewutu whenuena é wá Galili, Galilitọ lẹ yí i do, na yé ko mọ onú he é wà to hùnwhẹ whenu to Jelusalẹm lẹpo: na yéwlọsu yì hùnwhẹ lọ ga.
46Mọwẹ é sọ vò gò wá Kana Galili tọn, to ofì he é diọ osìn zùn ovẹ̃n te. Ogán de tin to finẹ, mẹhe ovi etọn sunnu jẹazòn to Kapẹlnaumi. 47Whenuena é sè dọ Jesu ko tòn sọn Judé wá Galili, é wá e de, bo vò ẹ, na é ni jẹte wa nado hẹnazọ̀ngbọna ovi etọn, na é tin to okú dònu. 48Whenẹnu Jesu dọ hlan ẹn, dọ, Eyín mìwlẹ ma mọ ohia po azọ̀n jawu po, mìwlẹ ma na yise gbọn alọ depope mẹ. 49Ogán lọ sọ dọ hlan ẹn, dọmọ, Medaho, jẹte wá whẹpo ovi ṣie nido kú. 50Jesu dọ hlan ẹn dọ, Yì, ovi towe gán. Dawe lọ sọ yí ohó he Jesu dọ hlan ẹn sè, bo sọ yì. 51Le é jẹte jei, afànumẹ etọn lẹ wá pé e, bo dọ hlan ẹn, dọ, Ovi towe gán. 52Mọwẹ é kanbiọ ojlẹ té mẹ wẹ é ẸSẸ gbigbọ nẹ te Enẹwutu yé dọ hlan ẹn, dọ, Osọ to ogàn ṣinawe mẹ wẹ avivọ lọ jo e do. 53Mowẹ otọ lọ yònẹn dọ to ojlẹ doponẹ me we, ehe mẹ Jesu dọ hlan ẹn, dọ, Ovi towe gán: ewlosu sọ yise po whédo etọn lẹpo po. 54Ehe sọ wẹ ohia awetọ lọ he Jesu basi, é tintọn sọn Judé mẹ biọ Galili mẹ.
Currently Selected:
JOHANU 4: BWL23
Highlight
Share
Copy
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.
JOHANU 4
4
1ENẸWUTU whenuena Oklunọ yónẹn do Falesi lẹ ko sè dọ Jesu to bibasi, bo sọ to bibaptizi nuplọntọ susu hú Johanu, 2(ṣigba Jesu lọsu ma baptizi gba, adavo nuplọntọ etọn lẹ,) 3é jo Judé do bo sọ gọ̀yì Galili. 4Ewọ ma sọgan nọ ma jugbọn Samalia ṣẹnṣẹn wá yì gba. 5Mọwẹ é wá otò Samalia tọn de mẹ, he yè nọ ylo Sikali, ehe sẹpo aigba loboto he Jakobu na Josefu òvi etọn. 6Odòtò Jakobu tọn tin to finẹ. Enẹwutu le nudikọna Jesu, na zọnlin etọn wutu, é sinai dole to odòtò lọ ji: é yì ojlẹ sido potọ okle tọn. 7Yọnnu Samalia tọn de wá nado dòn osìn: Jesu sọ dọ hlan en, dọ, Na mi ma nù 8(Na nuplọntọ etọn lẹ ko yì otò mẹ nado hò núdùdù.) 9Enẹwutu yọnnu Samalia tọn lọ do hlan ẹn, dọ, Na é yín do bọ hiẹ mẹhe yín Ju to onúnùnù kanbiọ mi, yẹn mẹhe yín yọnnu Samalia tọn? na Ju lẹ ma nọ wànúdopọ hẹ Samaliatọ le gba. 10Jesu gblọn, bo dọ hlan en, dọ, Eyín hiẹ yón núnina Jiwheyẹwhe tọn, po mẹhe dọ hlan wẹ, dọ, Na mi ma nù po; hiẹ do sọ kanbiọ sọn e si, ewọ do ko sọ na osìn ogbénọ we. 11Nawe lọ sọ dọ hlan ẹn, dọ, Mẹdaho, hiẹ ma tindo onú he hiẹ na yí do dòn, mọ odoto lo sọ siso: fiẹ ka wẹ hie tindo osin ogbẹnọ lo sọn? 12Bé hie klohú Jakobu otọ́ mìtọn, mẹhe na odòtò lọ mí, bọ ewọ lọsu nù sọn e mẹ, ovi eton lẹ, po okanlin etọn lẹ po ga? 13Jesu gblọn bo dọ hlan ẹn, dọ, Mẹdepope he nù sọn osìn he mẹ ové nasọ vó ẹ hú. 14Ṣigba mẹdepope he nù osìn he yẹn na na ẹn ové ma na hú i gbède; ṣigba osìn he yẹn na na ẹn, na lẹzùn odotò osìn tọn de to ohò etọn mẹ, he na to sisa hlan jẹ ogbè madopodo. 15Nawe lọ sọ dọ hlan ẹn, dọ, Mẹdaho, na osìn he mi, bọ ové ma nasọ hú mi na yẹn ma na sọ do wá ofi nado dọn ba. 16Jesu sọ dọ hlan ẹn, dọ, Yì, ylọ asú towe, na hiẹ ni wá ofì. 17Nawe lọ sọ dọ hlan en, dọmọ, Yẹn ma tindo asú de. Jesu dọ hlan ẹn, dọ, Hie dọ dagbe dọ yẹn ma tindo asú de: 18na hiẹ ko tindo asú atọn dai; podọ mẹhe hiẹ tindo dinvie ma yín asú towe gba: nugbo wẹ ehe hiẹ dọ. 19Nawe lọ sọ dọ hlan ẹn, dọ, Mẹdaho, yẹn mọ dọ yewhegán de wẹ hiẹ. 20Otọ́ mìtọn lẹ sẹn to osé he ji; bọ mìwlẹ dọmọ, Jelusalẹm mẹ wẹ otẹn ofì he je gbẹtọ lẹ nado nọ sèn te 21Jesu sọ dọ hlan ẹn, dọ, Nawe, yí mi sè, ojlẹ lọ ja, whenuena é ma na yín osé he ji, kavi Jelusalẹm mẹ wẹ mi nasọ nọ sèn Otọ́ gba. 22Mì to enẹ he mì ma yónen sén: mìwlẹ to enẹ he mìwlẹ yónẹn sèn: na Ju lẹ de wẹ whlẹngan sọn. 23Ṣigba ojlẹ lo ja, dinvie sọ we, whenuena sinsèntọ nugbonọ lẹ na sèn Otọ́ to Gbigbọ po nugbo po mẹ: na nugbo memọnkọ wẹ Otọ́ to dindin nado yín sinsèntọ etọn lẹ. 24Gbigbọ we Jiwheyẹwhe: é jẹ yé he to sinsẹn ẹn lẹ ni nọ sèn en to gbigbọ mẹ podọ to nugbo mẹ. 25Nawe lọ sọ do hlan en, do, Yẹn yónẹn dọ Mẹssia ja, mẹhe yè nọ ylọ Klisti: whenuena é wá, é na lá onú lẹpo hlan mí. 26Jesu dọ hlan ẹn, dọ, Yẹn mẹhe to hódọ he we wẹ ewọ lọ.
27To ehe mẹ wẹ nuplontọ etọn lẹ gò, avọ̀ sọ vò yé, na é to hódọ he yọnnusi de: ṣigba mẹde ma dọ, Etẹwẹ hiẹ to dindin? kavi, Etẹwutu wẹ hiẹ to hódọ hẹ ẹ? 28Whenẹnu nawe lọ jo otòzén etọn dai, bo yì otò mẹ, bo dọ hlan gbẹto lẹ, dọ, 29Mì wá pọ́n dawe de, mẹhe dọ onú he yẹn ko nọ wà lẹpo na mi: bó Klisti lọ ma die? 30Yé tọ́njegbonu sọn otò mẹ, bo wá e de. 31To osã vude nuplọntọ etọn lọ to vẹvẹ nẹ̃ dọmọ, Mẹplọntọ, dùnú. 32Ṣigba é dọ hlan yé, dọ, Yẹn tindo núdùdù de na dù, ehe mìwlẹ ma yọnẹn. 33Enẹwutu nuplọntọ lẹ to didọ hlan yénọzo, dọ, Mẹde ko hẹn núde wá nẹ na dù wẹ? 34Jesu sọ dọ hlan yé, dọ, Núdùdù ṣie wẹ nado wà ojlo mẹhe do mi hlan tọn podọ nado dotana azọ̀n etọn 35Bé mìwlẹ ma nọ dọ, E pò osùn ẹnẹ dogọ, whenẹnu wẹ gbingbèn whenu? pọ́n, yẹn dọ hlan mì, Mì zé nukun mìtọn do aga, bo pòn odanjì; na yé ko whén na gbingbèn. 36Ewọ he doji ko mọ azònkuẹ yí, bo sọ bé sinsẹ́n pli hlan ogbè madopodo: na ewọ he doji po ewọ he gbẹn po, nido jaya dopọ dinvie. 37Na didọ he yín nugbo to fime, Omede doji, medevo gbèn. 38Yẹn do mìwlẹ hlan nado gbẹ́n onú nẹ heji mìwlẹ ma ko jẹtukla do: mẹdevo lẹ ko jẹtukla, yè sọ hẹn mì biọ tuklajẹ yetọn mẹ.
39Susu Samaliatọ he tin to otò lọ mẹ tọn sọ yí i sè na ọhó nawe lọ tọn wutu, mẹhe dọmọ, E dọ onú he yẹn ko nọ wà lẹpo na mi. 40Mọwẹ whenuena Samaliatọ lẹ wá e de, yé vè ẹ nado nọnọ̀ yé de: é sọ nò finẹ azán awe. 41Ome susu dogọ yise na ohó ewlọsu ton wutu; 42yé sọ dọ hlan nawe lọ, dọmọ, Mí yise dinvie, é ma yín na ohó towe wutu gba; na míwlọsu sè ohó etọn na mìde, bo sọ yònẹn dọ, ehe wẹ Whlẹngan tọ aibọn tọn lọ nugbo.
43To azán awe le godo, é tónyì sọn finẹ biọ Galili mẹ. 44Na Jesu lọsu ko dekunnu dọ, Yẹwhegán ma tindo yẹyi to otò ewlọsu tọn mẹ gba. 45Enewutu whenuena é wá Galili, Galilitọ lẹ yí i do, na yé ko mọ onú he é wà to hùnwhẹ whenu to Jelusalẹm lẹpo: na yéwlọsu yì hùnwhẹ lọ ga.
46Mọwẹ é sọ vò gò wá Kana Galili tọn, to ofì he é diọ osìn zùn ovẹ̃n te. Ogán de tin to finẹ, mẹhe ovi etọn sunnu jẹazòn to Kapẹlnaumi. 47Whenuena é sè dọ Jesu ko tòn sọn Judé wá Galili, é wá e de, bo vò ẹ, na é ni jẹte wa nado hẹnazọ̀ngbọna ovi etọn, na é tin to okú dònu. 48Whenẹnu Jesu dọ hlan ẹn, dọ, Eyín mìwlẹ ma mọ ohia po azọ̀n jawu po, mìwlẹ ma na yise gbọn alọ depope mẹ. 49Ogán lọ sọ dọ hlan ẹn, dọmọ, Medaho, jẹte wá whẹpo ovi ṣie nido kú. 50Jesu dọ hlan ẹn dọ, Yì, ovi towe gán. Dawe lọ sọ yí ohó he Jesu dọ hlan ẹn sè, bo sọ yì. 51Le é jẹte jei, afànumẹ etọn lẹ wá pé e, bo dọ hlan ẹn, dọ, Ovi towe gán. 52Mọwẹ é kanbiọ ojlẹ té mẹ wẹ é ẸSẸ gbigbọ nẹ te Enẹwutu yé dọ hlan ẹn, dọ, Osọ to ogàn ṣinawe mẹ wẹ avivọ lọ jo e do. 53Mowẹ otọ lọ yònẹn dọ to ojlẹ doponẹ me we, ehe mẹ Jesu dọ hlan ẹn, dọ, Ovi towe gán: ewlosu sọ yise po whédo etọn lẹpo po. 54Ehe sọ wẹ ohia awetọ lọ he Jesu basi, é tintọn sọn Judé mẹ biọ Galili mẹ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.