Chhóng-sṳ Ki 20

Â-pak-lâ-hón lâu Â-pí-mí-le̍t

1Â-pak-lâ-hón tui Man-li ke siong-su sái-to Kâ-nàm ke nàm-phién, he̍t chhai Kâ-tâi-sṳ̂ lâu Sû-ngí chûng-kiên. Kì chhiam-sṳ̀ he̍t chhai Kî-lâ-ngí ke sṳ̀, 2tui ngìn kóng kiâ pû-ngiòng Sâ-lâ he chhṳ-kâ ke ló-moi; só-yî, Kî-lâ-ngí-vòng Â-pí-mí-le̍t phai-ngìn chiông Sâ-lâ chiap-hi.

3Yû yit am-pû, Song-ti chhai Â-pí-mí-le̍t mung-chûng hiong kì hién-hien, kóng: “Ngì kôi-sí lé! Ngì chhióng-lòi liá fu-ngìn-kâ he phe̍t-ngìn ke pû-ngiòng â!”

4Ke-sṳ̀, Â-pí-mí-le̍t hàn-màng chhîn-khiun Sâ-lâ; kì kóng: “Chú â! Ngài he yên-vóng ke! Ngì oi sêu-me̍t ngài lâu ngài ke ngìn-mìn mâ? 5Â-pak-lâ-hón chhṳ-kâ tui ngài kóng, liá fu-ngìn-kâ he kiâ ló-moi; liá fu-ngìn-kâ chhṳ-kâ ya án-ngiòng sṳ̀n-ngin. Ngài cho liá-khien sṳ liòng-sîm chhîn-pha̍k, sûng-sú kiet-chhiang.”

6Chhai mung-chûng, Song-ti en kì kóng: “Mò m̀-chho̍k! Ngài tî ngì cho liá-hong sṳ liòng-sîm chhîn-pha̍k; Ngài chhṳ-kâ ya chú-chṳ́ ngì, miên-tet ngì chhîm-fam kì lòi tet-chhui Ngài. 7Liá-ha ngì oi chiông liá pû-ngiòng ngìn vàn kiâ ló-kûng; kì he siên-tî, voi thoi ngì khì-tó, sṳ́ ngì m̀-sṳ́ sí. Chúng-he Ngài kín-ko ngì, na-he ngì mò chiông liá pû-ngiòng ngìn sung-vàn kiâ ló-kûng, ngì lâu ngì só-yû ke ngìn-mìn chhiòn-phu oi sí.”

8Thi-ngi ngit chêu-sṳ̀n, Â-pí-mí-le̍t seu-si̍p só-yû ke kôn-yèn, chiông só fat-sên ke sṳ lâu kì-têu kóng, kì-têu chhiu fî-sòng chho̍k-kiâng. 9Â-pí-mí-le̍t ham Â-pak-lâ-hón lòi, chit-mun kì kóng: “Ngì cho-má-ke án-ngiòng tui-thai ngài-têu? Ngài má-ke thi-fông tet-chhui ngì? Ngì chiông liá châi-nan tai-pûn ngài lâu ngài ke koet-kâ, ngì mò yin-kôi án-ngiòng cho!” 10Â-pí-mí-le̍t yu mun Â-pak-lâ-hón kóng: “Ngì ngióng-pân oi án-ngiòng cho nè?”

11Â-pak-lâ-hón en kì kóng: “Ngài láu-tó liá thi-fông ke ngìn chhiòn-mò kin-vi Song-ti, kì-têu voi vi-tó chhióng ngài ke pû-ngiòng lòi-chhṳ̀ ngài. 12Khì-sṳ̍t, kì ya he ngài ke ló-moi; kì lâu ngài khiung-yà mò khiung-ôi, heu-lòi kì lâu ngài kiet-fûn. 13Só-yî, chhai Song-ti ham ngài lì-khôi ku-hiông, to phe̍t-koet liù-long ke sṳ̀, ngài lâu kì kóng: ‘Mò-lun ên-têu to nai hi, ngì oi kóng ngài he ngiâ-kô; liá chhiu-he ngì tui ngài ke ên-chhìn.’ ”

14Â-pí-mí-le̍t thâng-tó liá-ke kié-sṳt, chhiu chiông yòng-khiùn, ngiù-khiùn, nù-phu̍k lâu nù-pî sung-pûn Â-pak-lâ-hón, yu chiông kì ke pû-ngiòng Sâ-lâ kâu-vàn kì. 15Â-pí-mí-le̍t tui Â-pak-lâ-hón kóng: “Ngì khon, liá he ngài ke thú-thi, ngì fôn-hí chhai nai-vi he̍t, chhiu he̍t chhai ke-vi.” 16Kì tui Sâ-lâ kóng: “Ngài chiông yit-chhiên chak ngiùn-pi pûn ngiâ-kô, yung-lòi chṳn-mìn ngì he chhîn-pha̍k ke, pûn thai-kâ tî, ngì mò cho tui m̀-hí ngìn ke sṳ.”

17-18Yîn-vi Â-pak-lâ-hón ke pû-ngiòng Sâ-lâ só tù-tó ke sṳ, Song-chú yí-kîn sṳ́ Â-pí-mí-le̍t kiûng-nui ke fu-ngìn-kâ chhiòn-phu m̀-voi kiung. Â-pak-lâ-hón khì-khiù Song-ti, Song-ti chhiu yî-hó Â-pí-mí-le̍t, kiâ pû-ngiòng lâu kì só-yû ke sṳ́-ńg, pûn kì-têu yu voi kiung.

Currently Selected:

Chhóng-sṳ Ki 20: THV12Rdb

Highlight

Copy

Want to have your highlights saved across all your devices? Sign up or sign in

Learn More About HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán)

Popular Bible Verses from
Chhóng-sṳ Ki 20

Videos for Chhóng-sṳ Ki 20

Genesis 12-50

The Bible Project

Genesis Part 2

The Bible Project

Chhóng-sṳ Ki 20

Popular Bible Verses from
Chhóng-sṳ Ki 20

Videos for Chhóng-sṳ Ki 20

Genesis 12-50

Genesis Part 2

Bible:

Hakkafa (Roman script)

Version: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Chhóng-sṳ Ki 20

Chhóng-sṳ Ki 20

Popular Bible Verses from Chhóng-sṳ Ki 20

Videos for Chhóng-sṳ Ki 20

Genesis 12-50

Genesis Part 2

Bible:

Hakkafa (Roman script)

Version: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Chhóng-sṳ Ki 20

Popular Bible Verses from
Chhóng-sṳ Ki 20