Juaa̱ 16
16
1Kuí nii̱ xi je kixiyajnúꞌun, tsi̱ꞌe̱ nga sti̱ngíjínjnú. 2Ku̱i̱yotjíngíjnú ndiꞌa nínga ndokjo̱a̱ eén Néná, kó ngaskande kjo̱chó chi̱bo̱a̱ nga tjín xí sa̱ꞌínkꞌiénjnú, kó sa̱ꞌínkjó nga xaá Néná xí tjítsꞌén. 3Kó kui nii̱ sa̱ꞌín ngatꞌa̱ bejínna, kó ti̱ bejín Na̱ꞌmina nga. 4Ta̱nga tsꞌénxiyàjnúꞌun kui nii̱, tsi̱ꞌe̱ nga, nga kjo̱chó chi̱bo̱a̱ kjo̱a̱ꞌátsjienjnú ni xi je kixian an.
Bi̱ tsꞌén katsóyà Kjisoo̱ ni xi sa̱ꞌín A̱si̱énni̱xtjii̱n Néná
Kixiyajínjnúꞌun kui nii̱ nga ítsꞌi̱yanii̱, ngatꞌa̱ ki̱a̱ kisꞌijñajo̱jnúꞌun. 5Ta̱nga ngotꞌe̱ ꞌne̱, jè tsꞌénfikóo̱n xi katsangiyana, kó a nde ngojín jún, xi bi̱ ka̱tso̱na: Ñá tìꞌmi ji. 6Ngatꞌa̱ jè kixiyajnúꞌun kui nii̱, kuíni nga ndasen tikón ini̱ma̱jnú. 7Ta̱nga ni ja̱koxi̱ xí tꞌíxiánjnúꞌun: Ta̱sá nda ka̱majnú nga kjuín án, ngatꞌa̱ tsi kjuínjín an, kui xi sa̱ꞌíndajonjnú kjo̱e̱ꞌekónjínjnú, ta̱nga tsi kjuín án, án xí sangiya an. 8Kó nga kji̱ndi̱bá A̱si̱énni̱xtjii̱n Néná, sa̱ꞌínkie xotaa̱ kui nga̱sondiee̱ kjo̱a̱a̱ jeé, ko̱ko̱ó kjo̱a̱kixi̱i̱, ko̱jo kjo̱a̱a̱ kjo̱a̱niꞌánjeé. 9Kjo̱a̱a̱ jeé, ngatꞌa̱ kisꞌijinjiín an, 10kjo̱a̱a̱ kjo̱a̱kixi̱i̱, ngatꞌa̱ jè tsꞌénfikóo̱n Na̱ꞌmina, kó ngiti̱ xcha̱jínjnúꞌun, 11kó kjo̱a̱a̱ nga niꞌánjeé, ngatꞌa̱ kui xi xindajín xi botixómaá kui nga̱sondiee̱ jè tjíniꞌánjeé.
12Achichí ni xi tikónna xi xiánjnúꞌun, ta̱nga tsi xiyàjnúꞌun ngotꞌe̱ ka̱makjínjínjnú, 13ta̱nga nga kji̱ndi̱bá A̱si̱énni̱xtjii̱n Néná xí ja̱koxi̱i̱, kuí xí ko̱kójnú ni xi ja̱koxi̱, ngatꞌa̱ jmí tsi kui xi ku̱i̱chji̱a̱ soboá, ni xi ku̱i̱ntꞌiè xí ku̱i̱chji̱a̱, kó kuí xí ka̱tso̱yà ni xi sꞌe̱ ka̱ma. 14Kuí xí ko̱kó kjo̱a̱jena, ngatꞌa̱ sa̱ko̱ó ni xi tsa̱ꞌa̱n, kó kuí xí ka̱tso̱yàjnú. 15Ngayeje ni xi tjiín Na̱ꞌmina tsa̱ꞌa̱n boá, kuíni nga bo̱a̱ kixian an nga nina skjíbé, kó ka̱tso̱yàjnú.
Bi̱ tsꞌén katsóyà Kjisoo̱ nga kjo̱a̱ndasee̱n kjo̱a̱tsja ka̱ma
16Jè ta̱ ngi chiboa tsí ni̱xtjin chaja nga ngiti̱ xcha̱jínjnúꞌun, sꞌe̱ ti̱ ngi chiboa tsí nginí ni̱xtjin nga xcha̱ nginíjnúꞌun, ngatꞌa̱ Na̱ꞌmina tsꞌénfikóo̱n.
17Sꞌe̱ bi̱ katsoó xkjín xota̱ tsi̱ꞌe̱ Kjisoo̱:
–Mí ni xi mejeén katsó Kjisoo̱, nga bi̱ katsó: Jè ta̱ ngi chiboa tsí ni̱xtjin chaja nga ngiti̱ xcha̱jínjnúꞌun, sꞌe̱ ti̱ ngi chiboa tsí nginí ni̱xtjin nga xcha̱ nginíjnúꞌun, ko̱jo: Ngatꞌa̱ Na̱ꞌmina tsꞌénfikóo̱n. 18Kó ti̱ bi̱ ti̱ katsó nginií xkjín: Mí ni xi mejeén tsó “ngi chiboa tsí ni̱xtjin”. Makjínjínná ni xi chji̱a̱.
19Kjisoo̱ kamákjiín nga tjín ni xi kamámejeén ko̱síyaá xota̱ tsi̱ꞌe̱, kó bi̱ katsoó:
–A ndyi̱bosíyàjnúu̱ xingi̱jnú kjo̱a̱a̱ nga bi̱ xian an: Jè ta̱ ngi chiboa tsí ni̱xtjin chaja nga ngiti̱ xcha̱jínjnúꞌun, sꞌe̱ ti̱ ngi chiboa tsí nginí ni̱xtjin nga xcha̱ nginíjnúꞌun. 20Ja̱koxi̱, ja̱koxi̱ ni xi xiánjnúꞌun, nga jún xchaꞌájnú, ko̱jo ni̱ma̱ ka̱majnú, kó xotaa̱ kui nga̱sondiee̱ tsja ka̱maa̱, ta̱nga ndatsi ndasen ka̱majnú, kjo̱a̱ndasenjnú kjo̱a̱tsja ka̱ma. 21Ínchjiín nga tsee̱n ndí, ndibá tsi̱ndi̱o̱o̱, ngatꞌa̱ jè jachó chi̱bo̱a̱ nga tsen ndií, ta̱nga ngije katsen ndií, jè ngiti̱ foaꞌátsjienjiín kjo̱a̱ni̱ma̱a̱, ngatꞌa̱ tsja kamaá nga je katsen ingo ndí kuí nga̱sondiee̱. 22Kó jún ndasen kjimajnú ngotꞌe̱, ta̱nga nga skuié nginíjnúꞌun, tsja ka̱maa̱ ini̱ma̱jnú, kó nde ngojín xi ka̱maa̱ kjo̱a̱ꞌáxínjnú kjo̱a̱tsjajnú.
23Kó kui ni̱xtjin jàn ngiti̱ ingojín ni xi ko̱si̱yájnúꞌun. Ja̱koxi̱, ja̱koxi̱ ni xi xiánjnúꞌun, nga ngayeje ni xi ngajona chji̱e̱ꞌèe̱ Na̱ꞌmina, kó kuí tsja̱á. 24Ngaskande ngotꞌe̱, kji̱e̱ ngo ni xi ngajona chjiáꞌájnú, chji̱a̱ꞌajnú, kó ko̱e̱ꞌéjnú, tsi̱ꞌe̱ nga ka̱mando̱jo kjo̱a̱tsjajnú.
Bi̱ tsꞌén katsóyà Kjisoo̱ nga kui je katsꞌeén kui nga̱sondiee̱
25Ngayeje kui ni xi je kixiyajnúꞌun énkjín xí katsꞌenkjién án, ta̱nga jè má kjachó chi̱bo̱a̱ nga ngiti̱ bo̱a̱jín tsꞌén kuichjiájojnúꞌun, kuichjiájo cha̱n cha̱njnúꞌun kjo̱a̱a̱ Na̱ꞌmina. 26Kui ni̱xtjin jàn ngajona chji̱a̱ꞌajnú, kó xiyàjnúꞌun nga nde ka̱ma chjiénjín tsi an ꞌniú kuíꞌáa̱ Na̱ꞌmina kjo̱a̱a̱ jún, 27ngatꞌa̱ ti̱kuíní Na̱ꞌmina xi tjoó jún, ngatꞌa̱ jún kiniꞌántjójnúꞌun an, kó kisꞌijinjnú nga Néná boá xí katsangiyana. 28Na̱ꞌmina xí katsangiyana, kó jéꞌe̱ an kui nga̱sondiee̱, kó kꞌuijñá ngiñá an kui nga̱sondiee̱, kó kjuínkón ngiñáa̱ Na̱ꞌmina.
29Sꞌe̱ bi̱ katsó xota̱ tsi̱ꞌe̱ Kjisoo̱:
–Ngotꞌe̱ ꞌne̱ nga tindokjo̱e̱ cha̱n cha̱n ji, kó ngiti̱ niꞌínkjínjín ji énkjín. 30Ngotꞌe̱ ꞌne̱ nga je yàjne̱, nga ye ji ngayeje nii̱, kó nga nde chjiénjín nga ngo xi ko̱síyaá, kuíni nga sꞌijinjne̱ nga Néná boá xí katsangiyaa̱.
31Sꞌe̱ Kjisoo̱, bi̱ katsó:
–A je sꞌijinjnú ngotꞌe̱ ꞌne̱. 32Jè jachó chi̱bo̱a̱, nga stso̱jo̱boájnú nga ngo nga ngojnú, kó kꞌuijñá so̱bo̱a̱jnúꞌun, ta̱nga tikón so̱bo̱a̱jín an, ngatꞌa̱ Na̱ꞌmina tikónjo̱na. 33Kuí nii̱ xi je kixiyajnúꞌun, tsi̱ꞌe̱ nga sa̱kójnú kjo̱a̱xióna. Achichí kjo̱a̱ni̱ma̱ ku̱i̱tja̱tiójnú kui nga̱sondiee̱, ta̱nga ti̱ꞌanꞌniátakónjnúꞌun, ngatꞌa̱ an, jè katsꞌée̱n kui nga̱sondiee̱.
Currently Selected:
Juaa̱ 16: MAIX
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014
Juaa̱ 16
16
1Kuí nii̱ xi je kixiyajnúꞌun, tsi̱ꞌe̱ nga sti̱ngíjínjnú. 2Ku̱i̱yotjíngíjnú ndiꞌa nínga ndokjo̱a̱ eén Néná, kó ngaskande kjo̱chó chi̱bo̱a̱ nga tjín xí sa̱ꞌínkꞌiénjnú, kó sa̱ꞌínkjó nga xaá Néná xí tjítsꞌén. 3Kó kui nii̱ sa̱ꞌín ngatꞌa̱ bejínna, kó ti̱ bejín Na̱ꞌmina nga. 4Ta̱nga tsꞌénxiyàjnúꞌun kui nii̱, tsi̱ꞌe̱ nga, nga kjo̱chó chi̱bo̱a̱ kjo̱a̱ꞌátsjienjnú ni xi je kixian an.
Bi̱ tsꞌén katsóyà Kjisoo̱ ni xi sa̱ꞌín A̱si̱énni̱xtjii̱n Néná
Kixiyajínjnúꞌun kui nii̱ nga ítsꞌi̱yanii̱, ngatꞌa̱ ki̱a̱ kisꞌijñajo̱jnúꞌun. 5Ta̱nga ngotꞌe̱ ꞌne̱, jè tsꞌénfikóo̱n xi katsangiyana, kó a nde ngojín jún, xi bi̱ ka̱tso̱na: Ñá tìꞌmi ji. 6Ngatꞌa̱ jè kixiyajnúꞌun kui nii̱, kuíni nga ndasen tikón ini̱ma̱jnú. 7Ta̱nga ni ja̱koxi̱ xí tꞌíxiánjnúꞌun: Ta̱sá nda ka̱majnú nga kjuín án, ngatꞌa̱ tsi kjuínjín an, kui xi sa̱ꞌíndajonjnú kjo̱e̱ꞌekónjínjnú, ta̱nga tsi kjuín án, án xí sangiya an. 8Kó nga kji̱ndi̱bá A̱si̱énni̱xtjii̱n Néná, sa̱ꞌínkie xotaa̱ kui nga̱sondiee̱ kjo̱a̱a̱ jeé, ko̱ko̱ó kjo̱a̱kixi̱i̱, ko̱jo kjo̱a̱a̱ kjo̱a̱niꞌánjeé. 9Kjo̱a̱a̱ jeé, ngatꞌa̱ kisꞌijinjiín an, 10kjo̱a̱a̱ kjo̱a̱kixi̱i̱, ngatꞌa̱ jè tsꞌénfikóo̱n Na̱ꞌmina, kó ngiti̱ xcha̱jínjnúꞌun, 11kó kjo̱a̱a̱ nga niꞌánjeé, ngatꞌa̱ kui xi xindajín xi botixómaá kui nga̱sondiee̱ jè tjíniꞌánjeé.
12Achichí ni xi tikónna xi xiánjnúꞌun, ta̱nga tsi xiyàjnúꞌun ngotꞌe̱ ka̱makjínjínjnú, 13ta̱nga nga kji̱ndi̱bá A̱si̱énni̱xtjii̱n Néná xí ja̱koxi̱i̱, kuí xí ko̱kójnú ni xi ja̱koxi̱, ngatꞌa̱ jmí tsi kui xi ku̱i̱chji̱a̱ soboá, ni xi ku̱i̱ntꞌiè xí ku̱i̱chji̱a̱, kó kuí xí ka̱tso̱yà ni xi sꞌe̱ ka̱ma. 14Kuí xí ko̱kó kjo̱a̱jena, ngatꞌa̱ sa̱ko̱ó ni xi tsa̱ꞌa̱n, kó kuí xí ka̱tso̱yàjnú. 15Ngayeje ni xi tjiín Na̱ꞌmina tsa̱ꞌa̱n boá, kuíni nga bo̱a̱ kixian an nga nina skjíbé, kó ka̱tso̱yàjnú.
Bi̱ tsꞌén katsóyà Kjisoo̱ nga kjo̱a̱ndasee̱n kjo̱a̱tsja ka̱ma
16Jè ta̱ ngi chiboa tsí ni̱xtjin chaja nga ngiti̱ xcha̱jínjnúꞌun, sꞌe̱ ti̱ ngi chiboa tsí nginí ni̱xtjin nga xcha̱ nginíjnúꞌun, ngatꞌa̱ Na̱ꞌmina tsꞌénfikóo̱n.
17Sꞌe̱ bi̱ katsoó xkjín xota̱ tsi̱ꞌe̱ Kjisoo̱:
–Mí ni xi mejeén katsó Kjisoo̱, nga bi̱ katsó: Jè ta̱ ngi chiboa tsí ni̱xtjin chaja nga ngiti̱ xcha̱jínjnúꞌun, sꞌe̱ ti̱ ngi chiboa tsí nginí ni̱xtjin nga xcha̱ nginíjnúꞌun, ko̱jo: Ngatꞌa̱ Na̱ꞌmina tsꞌénfikóo̱n. 18Kó ti̱ bi̱ ti̱ katsó nginií xkjín: Mí ni xi mejeén tsó “ngi chiboa tsí ni̱xtjin”. Makjínjínná ni xi chji̱a̱.
19Kjisoo̱ kamákjiín nga tjín ni xi kamámejeén ko̱síyaá xota̱ tsi̱ꞌe̱, kó bi̱ katsoó:
–A ndyi̱bosíyàjnúu̱ xingi̱jnú kjo̱a̱a̱ nga bi̱ xian an: Jè ta̱ ngi chiboa tsí ni̱xtjin chaja nga ngiti̱ xcha̱jínjnúꞌun, sꞌe̱ ti̱ ngi chiboa tsí nginí ni̱xtjin nga xcha̱ nginíjnúꞌun. 20Ja̱koxi̱, ja̱koxi̱ ni xi xiánjnúꞌun, nga jún xchaꞌájnú, ko̱jo ni̱ma̱ ka̱majnú, kó xotaa̱ kui nga̱sondiee̱ tsja ka̱maa̱, ta̱nga ndatsi ndasen ka̱majnú, kjo̱a̱ndasenjnú kjo̱a̱tsja ka̱ma. 21Ínchjiín nga tsee̱n ndí, ndibá tsi̱ndi̱o̱o̱, ngatꞌa̱ jè jachó chi̱bo̱a̱ nga tsen ndií, ta̱nga ngije katsen ndií, jè ngiti̱ foaꞌátsjienjiín kjo̱a̱ni̱ma̱a̱, ngatꞌa̱ tsja kamaá nga je katsen ingo ndí kuí nga̱sondiee̱. 22Kó jún ndasen kjimajnú ngotꞌe̱, ta̱nga nga skuié nginíjnúꞌun, tsja ka̱maa̱ ini̱ma̱jnú, kó nde ngojín xi ka̱maa̱ kjo̱a̱ꞌáxínjnú kjo̱a̱tsjajnú.
23Kó kui ni̱xtjin jàn ngiti̱ ingojín ni xi ko̱si̱yájnúꞌun. Ja̱koxi̱, ja̱koxi̱ ni xi xiánjnúꞌun, nga ngayeje ni xi ngajona chji̱e̱ꞌèe̱ Na̱ꞌmina, kó kuí tsja̱á. 24Ngaskande ngotꞌe̱, kji̱e̱ ngo ni xi ngajona chjiáꞌájnú, chji̱a̱ꞌajnú, kó ko̱e̱ꞌéjnú, tsi̱ꞌe̱ nga ka̱mando̱jo kjo̱a̱tsjajnú.
Bi̱ tsꞌén katsóyà Kjisoo̱ nga kui je katsꞌeén kui nga̱sondiee̱
25Ngayeje kui ni xi je kixiyajnúꞌun énkjín xí katsꞌenkjién án, ta̱nga jè má kjachó chi̱bo̱a̱ nga ngiti̱ bo̱a̱jín tsꞌén kuichjiájojnúꞌun, kuichjiájo cha̱n cha̱njnúꞌun kjo̱a̱a̱ Na̱ꞌmina. 26Kui ni̱xtjin jàn ngajona chji̱a̱ꞌajnú, kó xiyàjnúꞌun nga nde ka̱ma chjiénjín tsi an ꞌniú kuíꞌáa̱ Na̱ꞌmina kjo̱a̱a̱ jún, 27ngatꞌa̱ ti̱kuíní Na̱ꞌmina xi tjoó jún, ngatꞌa̱ jún kiniꞌántjójnúꞌun an, kó kisꞌijinjnú nga Néná boá xí katsangiyana. 28Na̱ꞌmina xí katsangiyana, kó jéꞌe̱ an kui nga̱sondiee̱, kó kꞌuijñá ngiñá an kui nga̱sondiee̱, kó kjuínkón ngiñáa̱ Na̱ꞌmina.
29Sꞌe̱ bi̱ katsó xota̱ tsi̱ꞌe̱ Kjisoo̱:
–Ngotꞌe̱ ꞌne̱ nga tindokjo̱e̱ cha̱n cha̱n ji, kó ngiti̱ niꞌínkjínjín ji énkjín. 30Ngotꞌe̱ ꞌne̱ nga je yàjne̱, nga ye ji ngayeje nii̱, kó nga nde chjiénjín nga ngo xi ko̱síyaá, kuíni nga sꞌijinjne̱ nga Néná boá xí katsangiyaa̱.
31Sꞌe̱ Kjisoo̱, bi̱ katsó:
–A je sꞌijinjnú ngotꞌe̱ ꞌne̱. 32Jè jachó chi̱bo̱a̱, nga stso̱jo̱boájnú nga ngo nga ngojnú, kó kꞌuijñá so̱bo̱a̱jnúꞌun, ta̱nga tikón so̱bo̱a̱jín an, ngatꞌa̱ Na̱ꞌmina tikónjo̱na. 33Kuí nii̱ xi je kixiyajnúꞌun, tsi̱ꞌe̱ nga sa̱kójnú kjo̱a̱xióna. Achichí kjo̱a̱ni̱ma̱ ku̱i̱tja̱tiójnú kui nga̱sondiee̱, ta̱nga ti̱ꞌanꞌniátakónjnúꞌun, ngatꞌa̱ an, jè katsꞌée̱n kui nga̱sondiee̱.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014