Эхин 23
23
Саррын наһа баралга
1Сарра зуун хорин долоон наһатай болоод, 2Ханаһаанай газар дайдада, Кирьяат-Арбаа хотодо (мүнөө Хэброон гэгдэдэг) наһа бараба. Абраһаам дээрэнь уйлан гашуудан байгаа һэн. 3Тиигээд тэрэ бэеһээнь холодон, хээт обог зондо иигэжэ хандаба:
4— Би танай нютаг руу зөөжэ ерэһэн хариин хүн байһан ушарһаа үмсын газаргүйб. Һамгаяашье хүдөөлүүлхэ газаргүй байнаб. Наһа бараһан хүнөө хүдөөлүүлхэ газар намда худалдыт.
5Хээт обог зон тэрээндэ иигэжэ харюу үгэбэ:
6— Нүхэр, дураараа боло. Ши хүндэтэй, Бурханай хайратай хүнши. Манай газарай хамагай һайн хада уула шэлэжэ, тэндэ һамгаяа хүдөөлүүлэ. Эрхим хүндэтэ шамһаа хүдөөлүүлгын газар хэншье харамнажа байхагүй.
7Тиихэдэнь Абраһаам бодожо, хээт зондо доро дохибо. 8-9Тиигээд тэрэ иигэжэ хэлэбэ:
— Хэрбэеэ таанад бултадаа намда һамгаяа хүдөөлүүлхэ зүбшөөл үгэжэ байгаа хадатнай, би үшөө нэгэ иимэ гуйлтатайб: Цохаарай Эфрон гэдэг хүнэй үмсын газар болохо таряалантай зэргэлээд Махпелаа гэдэг агы нүхэн бии. Тэрэ агы нүхэ намда худалдахыень Эфрондо хэлыт. Таанадай хараһаар байтар дүүрэн сэнгыень сүм түлөөд, тэрэ газар худалдажа абахаб.
10Тэрэ үедэ хээт обогой зон хотын бартаануудай хажууда суглаа хэжэ байгаа. Эфрон өөрөө тэндэ байһан ушарһаа Абраһаамда иигэжэ харюусаба:
11— Үгы, нүхэр! Һайн хүн боложо, энэ газар агытайнь хамта намһаа бэлэг болгон аба. Минии угайхид гэршэ болохо: би энэ газараа һамгаяа хүдөөлүүлхыеш бэлэглэнэб!
12Абраһаам эдэ зондо доро дохёод, 13олоной шагнаһаар байтар Эфрондо:
— Эрхим хүндэтэ Эфрон! Үгыемни шагныш даа. Би тэрэ газарай түлөө мүнгэ түлэһэнэйл удаа наһа бараһан хүнөө тэндэ хүдөөлүүлхэб, — гэбэ.
14Эфрон Абраһаамда:
15— Эрхим хүндэтэ Абраһаам! Намайе шагна. Тэрэ газар дүрбэн зуун шекель сагаан мүнгэн үнэ сэнтэй. Энэ болбол шамдашье, намдашье ехэ мүнгэн бэшэ. Нүгшэһэн хүнөө тэндэ хүдөөлүүлыш даа, — гэжэ хэлэбэ.
16Абраһаам Эфроной хэлэһые шагнаад, хээт обогтоной бултанайнь дуулааша мүнгэнэй тэрэ тоое — тэрэ үеын дүрбэн зуун шекель сагаан мүнгэ шэгнэжэ, Эфрондо барюулба. 17-20Иигэжэ Абраһаам Ханаһаан орон нютагай Мамрегэй, ондоогоор хэлэбэл, Хэброон хотын, зүүн талада оршодог Махпелаа гэдэг газарые хада, агытайнь, ой модотойнь Эфронһоо худалдажа абаба. Энэ бүгэдын Абраһаамай үмсын зөөри болоһынье хотын бартаануудай дэргэдэ байгша хээт обог зон нэгэн дуугаар баталба.
Удаань Абраһаам Сарра һамгаяа тэрэ хадын агы соо хүдөөлүүлээ бэлэй.
Currently Selected:
Эхин 23: BurOTp
Highlight
Share
Copy
Want to have your highlights saved across all your devices? Sign up or sign in
© Bible Society in Russia, 2002-2007, 2011, 2013, 2018.
Эхин 23
23
Саррын наһа баралга
1Сарра зуун хорин долоон наһатай болоод, 2Ханаһаанай газар дайдада, Кирьяат-Арбаа хотодо (мүнөө Хэброон гэгдэдэг) наһа бараба. Абраһаам дээрэнь уйлан гашуудан байгаа һэн. 3Тиигээд тэрэ бэеһээнь холодон, хээт обог зондо иигэжэ хандаба:
4— Би танай нютаг руу зөөжэ ерэһэн хариин хүн байһан ушарһаа үмсын газаргүйб. Һамгаяашье хүдөөлүүлхэ газаргүй байнаб. Наһа бараһан хүнөө хүдөөлүүлхэ газар намда худалдыт.
5Хээт обог зон тэрээндэ иигэжэ харюу үгэбэ:
6— Нүхэр, дураараа боло. Ши хүндэтэй, Бурханай хайратай хүнши. Манай газарай хамагай һайн хада уула шэлэжэ, тэндэ һамгаяа хүдөөлүүлэ. Эрхим хүндэтэ шамһаа хүдөөлүүлгын газар хэншье харамнажа байхагүй.
7Тиихэдэнь Абраһаам бодожо, хээт зондо доро дохибо. 8-9Тиигээд тэрэ иигэжэ хэлэбэ:
— Хэрбэеэ таанад бултадаа намда һамгаяа хүдөөлүүлхэ зүбшөөл үгэжэ байгаа хадатнай, би үшөө нэгэ иимэ гуйлтатайб: Цохаарай Эфрон гэдэг хүнэй үмсын газар болохо таряалантай зэргэлээд Махпелаа гэдэг агы нүхэн бии. Тэрэ агы нүхэ намда худалдахыень Эфрондо хэлыт. Таанадай хараһаар байтар дүүрэн сэнгыень сүм түлөөд, тэрэ газар худалдажа абахаб.
10Тэрэ үедэ хээт обогой зон хотын бартаануудай хажууда суглаа хэжэ байгаа. Эфрон өөрөө тэндэ байһан ушарһаа Абраһаамда иигэжэ харюусаба:
11— Үгы, нүхэр! Һайн хүн боложо, энэ газар агытайнь хамта намһаа бэлэг болгон аба. Минии угайхид гэршэ болохо: би энэ газараа һамгаяа хүдөөлүүлхыеш бэлэглэнэб!
12Абраһаам эдэ зондо доро дохёод, 13олоной шагнаһаар байтар Эфрондо:
— Эрхим хүндэтэ Эфрон! Үгыемни шагныш даа. Би тэрэ газарай түлөө мүнгэ түлэһэнэйл удаа наһа бараһан хүнөө тэндэ хүдөөлүүлхэб, — гэбэ.
14Эфрон Абраһаамда:
15— Эрхим хүндэтэ Абраһаам! Намайе шагна. Тэрэ газар дүрбэн зуун шекель сагаан мүнгэн үнэ сэнтэй. Энэ болбол шамдашье, намдашье ехэ мүнгэн бэшэ. Нүгшэһэн хүнөө тэндэ хүдөөлүүлыш даа, — гэжэ хэлэбэ.
16Абраһаам Эфроной хэлэһые шагнаад, хээт обогтоной бултанайнь дуулааша мүнгэнэй тэрэ тоое — тэрэ үеын дүрбэн зуун шекель сагаан мүнгэ шэгнэжэ, Эфрондо барюулба. 17-20Иигэжэ Абраһаам Ханаһаан орон нютагай Мамрегэй, ондоогоор хэлэбэл, Хэброон хотын, зүүн талада оршодог Махпелаа гэдэг газарые хада, агытайнь, ой модотойнь Эфронһоо худалдажа абаба. Энэ бүгэдын Абраһаамай үмсын зөөри болоһынье хотын бартаануудай дэргэдэ байгша хээт обог зон нэгэн дуугаар баталба.
Удаань Абраһаам Сарра һамгаяа тэрэ хадын агы соо хүдөөлүүлээ бэлэй.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Bible Society in Russia, 2002-2007, 2011, 2013, 2018.