Эхин 41
41
Фараоной ахалагша түшэмэл болотороо Иосифой дэгжэлгэ
1Тэрэ гэһээр хоёр жэл үнгэрбэ. Тиигээд Египедэй хаан иигэжэ зүүдэлбэ: Нил голой эрье дээрэ байна хэбэртэй, 2голһоо сэбэр тобир бэетэй долоон үнеэн эрье дээрэ гараад, голой эрьеын бургааһан соо бэлшэбэ. 3Тэдэнэй хойноһоо үргүүлһэн туранхай ондоо долоон үнеэд Нилэй уһанһаа гараба, тиигээд тобир үнеэдэй хажууда ошоод, 4тэдэниие эдижэ эхилбэ. Эндэ хаан һэришэбэ.
5Дахин унтахадаа, тэрэ ондоо зүүдэ хараба: нэгэ эшэһээ һайн шанартай, аяар долоон эдеэшэг томо хоолос урган гараба. 6Тэрэнэй хойноһоо газарһаа хоршогор, халуун һалхинда хайруулжа муудаһан долоон хоолос ургаба. 7Тиигээд энэ хооһон хоолосууд шэмэеэ абаһан, һайн шанартай долоон хоолосые үрэбхин залгиба! Хаан эндэ һэришэбэ. Тиигээд энэ юумэ бодото дээрээ бэшэ, зүүдэндэнь харагдаа гэжэ ойлгобо.
8Үглөөгүүрынь тэрэ һанаата болоод, Египедэй хамаг мэдэлшэдые болон сэсэн мэргэн тайлбарилагшадые дуудан ерүүлээд, хараһан зүүдэеэ хөөрэхэдэнь, хэншье тэрэнииень тайлбарилжа шадабагүй.
9Гэнтэ ахамад архи аягалагша Египедэй хаанда иигэжэ хандаба:
— Ай даа, буруу юумэ хэһэнээ мүнөө һанажархибаб! 10Нэгэтэ та намда болон ахалагша манзашанда уурлаад, түрмэ шорондо һуулгаһанаа һанана гүт? 11Тиигээд нэгэ һүни бидэ хоюулаа ондо ондоо зүүдэ эли тодоор хараа һэмди. 12Тэндэ нэгэ залуу еврей, харуулай даргын богоол, бидэнтэй байлсаа. Бидэ тэрээндэ хараһан зүүдэнүүдээ хөөрэбэбди, тиихэдэмнай тэрэ тус тустамнай зүүдэншни ямар удхатайб гэжэ тайлбарилжа үгөө. 13Хэлэһэнэйнь ёһоор бүхы юумэн бүтээ: та намайе урдань эзэлжэ байһан тушаалдам табяат, нүгөөдэмни саазалуулагдаа.
14Египедэй хаан тэрэ дары Иосифто хүнүүдые эльгээбэ. Тэрэниие харанхы түрмэһөөнь гаргажа, һахал һамбайень хюһаад, шэнэ хубсаһа үмдэхүүлээд, хаанда абаашаба. 15Египедэй хаан тэрээндэ иигэжэ хандаба:
— Би зүүдэ харааб, зүгөөр хэншье тэрэниием тайлбарилжа шаданагүй. Харин шамайе зүүдэ тайлбарилхадаа бэрхэ гэжэ дуулабаб.
16— Тэрэ минии бэлиг бэшэ, — гэжэ Иосиф харюусаба. — Бурхан лэ танда зүб тайлбари үгэжэ шадаха.
17Тиихэдэнь хаан Иосифто хөөрэбэ:
— Нил голой эрьедэ байнаб гэжэ зүүдэлээб. 18Гэнтэ долоон тарган тобир үнеэд уһанһаа гаража ерээд, голой эрьеын бургааһан соо бэлшэжэ эхилбэ. 19Тэдэнэй һүүлээр үшөө долоон үнеэд мүрэнһөө гараба, туранхай ядуу, арһа яһан болонхойнууд — би Египедтэ иимэ ахир яндан үнеэдые хаража үзөөгүйб! 20Тиигээд энэ яяр муу, үргүүлһэн үнеэд нүгөө долоон тобир тарган үнеэдые эдижэрхибэ! 21Тэдэнь туранхай үнеэдэй гэдэһэн соо оробо ха, зүгөөр тэдэнэй гэдэһэнүүд томо болоногүй: үнеэд үнөөхил үргэдэг, туранхай зандаа. Тиихэдэнь би һэришэбэб.
22Һүүлээрнь баһа нэгэ зүүдэ хараба гээшэб: нэгэ шэлбэдэ долоон хоолос ургаба, эдеэшэһэн томо орооһоор дүүрэн. 23Тэрэнэй һүүлээр үшөө долоон хоршогор, зүүн зүгэй халуун һалхинда хаташаһан хоолос ургаба. 24Тиигээд энэ хооһон хоолосууд орооһоор дүүрэн һайн долоон хоолосуудые һэегүй залгижархиба! Эди шэдитэндэ эдэ зүүдэеэ хөөрэжэ үгөөб, зүгөөр тэдэ намда юушье тайлбарилжа шадабагүй.
25Иосиф хаанда иигэжэ хэлэбэ:
— Эдэ хоёр зүүдэн нэгэл удхатай зүүдэн. Бурхан хэхэ гэжэ байгаа үйлэ хэрэгээ танда зүүдээр харуулба гээшэ. 26Тиигэжэ долоон тарган үнеэн болон долоон эдеэшэг хоолос хадаа нэгэл адли удхатай. Тэдэ тус тустаа долоо долоон жэлые түлөөлнэ. 27Тэрээндэл адляар, тэрэ долоон туранхай үнеэд болон зүүн зүгэй һалхинда үлеэлгэһэн долоон хоршогор хоолос хадаа тус тустаа долоо долоон жэлые түлөөлнэ. Харин тэдэ хадаа үлэсхэлэн хооһон жэлнүүд болоно. 28Би танда хэлээ бэлэйб: Бурхан ерээдүйн үйлэ хэрэгүүдээ танда нээжэ үгэнэ. 29Та нюдөөрөө өөрөө харахат: Египедэй хамаг тала дайдада ургаса һайтай элдин баян долоон жэл ерэхэ. 30Зүгөөр тэрэнэй хойноһоо үлэсхэлэн хооһон аймшагтай долоон жэл үргэлжэлжэ, хуряажа абаһан бүхы ургасаяа эдижэ дууһахадаа, урданай тэрэ элбэг-дэлбэг долоон жэл тушаа хэншье һанахагүй болоно. 31Тэрэ хэсүү сагта урданай баян тарган жэлнүүдые һанаха хүн үгы болохо. 32Харин энэ зүүдэн хоёр дахин юундэ танда харагдааб гэбэл, Бурхан энэ ерээдүйе сэхэ хараалаад, һаяар тэрэнээ бэелүүлхэеэ байна. 33Тиимэһээ та сэсэн мэргэн, урдахияа харадаг хүниие шэлэжэ олоод, тэрээндэ бүхы Египедые ударидан захирха эрхэ мэдэл үгэгты. 34Тиигээд хэдэн түшэмэлнүүдые можо бүхэндэ томилхо хэрэгтэй байха. Танай захиралтын ёһоор, тэдэ түшэмэлнүүд оршохоёо байгаа долоон жэлэй туршада айл үрхэтэ бүхэнһөө жэл бүриин баян ургасаһаа табанай нэгэ хубииень хуряан абадаг байг. 35Тиигээд хото бүхэндэ хаанай таряа нөөсэлдэг газарта тэрэ ургаса таряагаа нөөсэлжэ, харуулшадые табиг лэ. 36Тиихэдэнь Египедтэ долоон үлэн хооһон жэлэй ерэхэдэ, зон эдихэ хоолтой, гэдэһэ садхалан байха. Тиигэжэ улас оронтнай хохидолдо нэрбүүлхэгүй.
37Иосифой үгэнүүд хаанда мүн тэрэнэй түшэмэлнүүдтэ һайшаагдаба.
38— Энээнһээ үлүү хүниие олохын аргагүй, — гэжэ хаан түшэмэлнүүдтээ хэлэбэ. — Бурханай үршөөһэн һүр һүлдэ тэрээндэ лаб байна!
39Һүүлээрнь тэрэ Иосифто хандаба:
— Энэ бүгэдые Бурхан шамда нээжэ үгэһэн хадань шамһаа ухаансар, урдахияа мэдэхэ хүн олдохогүй. 40Энэ сагһаа хойшо минии гүрэн түрые ударидан хүтэлхэш, албатадни шинии захиралта жэншэдгүй дүүргэхэ. Гансал би хаан нэрээрээ дээрэшни байхаб.
41Хаан Иосифто дахин хандан, иигэжэ зонхилбо:
— Зай, би шамайе бүхы Египедэй ахалагша түшэмэлөөр мүнөө табинаб!
42Тиигээд тэрэ тамгатай бэһэлигээ хурганһаа мулталаад, Иосифто зүүлгэбэ, маалинга һайхан хубсаһа үмдэхүүлбэ, хүзүүндэнь алтан зүүдхэл яларуулба. 43Гадна хаан Иосифто өөрынгөө залардаг хоёрдохи тэргээ үгэбэ. Тэрэ тэргээр Иосифой ябахада, бэеыень хамгаалагшад урдань орожо алхалхадаа, дайралдаһан хүн бүхэндэ «ехэ хүнэй урда унан мүргэгты!» гэжэ хашхардаг байгаа.
Тиигэжэ хаан Иосифые бүхы Египедэй ахалагша түшэмэл ноён болгоо бэлэй. 44Тэрэнһээ гадна Иосифто тэрэ иигэжэ хэлэбэ:
— Энэ улас түрын хаан минии байгаашье бол шинии аманһаа зарлиг зүбшөөлэй гараагүй сагта энэ улас түрын хэншье хургаяашье хүдэлгэхэ эрхэгүй байха!
45Хаан Иосифто Цафенат-Панеах гэжэ египет нэрэ үгөөд, Оон хотын дээдэ санаартан болохо Потиферэй Асэнаат басагые һамган болгон үгэбэ. Удаань Иосиф Египедээр ябажа, байдал үзэн шэнжэлбэ.
46Иосиф гушан наһатайдаа Египет улас түрын ахалагша түшэмэл ноён болоһон юм.
Хаанай ордонһоо гаража, тэрэ Египедэй бүхы газар дайдаар ябаба. 47Долоон элдин баян жэлнүүдтэ газар дайда элбэг ургаса үгэбэ. 48Эдэ жэлнүүдтэ хуряажа абаһан таряа Иосиф хото балгааһануудаар нөөсэлбэ, һуурин бүхэндэ хажуудахи таряалангуудайнь ургаса хуряажа суглуулба. 49Далайн эрьеын элһэн мэтэ элбэг орооһо таряа тэрэ нөөсэлбэ, һүүлдэнь хэмжэхэ, тоолохошье аргагүй болоо бэлэй.
50Үлэн хооһон сагай тохёолдоогүй байхада, Оон хотын дээдэ санаартан Потиферэй басаган Асэнаат Иосиф үбгэндөө хоёр хүбүү удаа дараа түрэбэ. 51Ууган хүбүүнэйнгээ түрэхэдэ, Иосиф үнгэрһэн зоболон болон мүнөөнэй һайн байдалаа зэргэсүүлжэ үзөөд, иигэжэ хэлэбэ:
— Эсэгынгээ гэртэ аханарһаа амасаһан тэрэ бүхы зоболонгыем Бурхан намда орогүй мартуулжа шадаа.
Тиигээд тэрэ хүбүүндээ «Мэнашшээ», оршуулбал, «Мартанхай» гэһэн нэрэ үгэбэ. 52Хоёрдохи хүбүүнэйнгээ түрэхэдэ, Иосиф иигэжэ хэлэбэ:
— Би Египет руу ерээд, зоболон үзэһэншье һаа, Эзэн Бурханай туһаламжаар үлзы һайхан үрэ дүн туйлааб.
Тиигээд тэрэ хүбүүндээ «Эпрааим», оршуулбал, «Һайн үрэ дүн» гэжэ нэрэ үгэбэ.
53Египедэй үрэжэлтэ долоон жэл удангүй үнгэрбэ. 54Иосифой уридшалан хэлэһэнэй ёһоор, саашадаа үлэн хооһон долоон жэл ерэбэ. Энэ үлэн хооһон саг хамаг гүрэн орондо тохёолдобо, зүгөөр Египедтэл нөөсэлһэн талха таряан байжа, зон ядабагүй. 55Харин саашадаа үлэн сагай Египедтэшье үзэгдэжэ эхилхэдэ, албата зониинь эзэн хаанһаа хоол гуйжа эхилбэ. Хаан арад түмэндөө иигэжэ хэлэбэ:
— Иосифто ошогты, Иосифой хэлэһээр юумэ хэгты!
56Тиигэжэ Египедээршье үлэсхэлэн хооһон сагай үзэгдэхэдэ, Иосиф нөөсэ амбаарнуудые нээжэ, египедэйхидтэ нөөсэлһэн орооһо таряа худалдаха заабари үгэбэ. 57Хүршэ гүрэнүүдһээ таряа талха худалдан абахаяа Иосифто, Египет руу зон ерэжэл байгаа, юундэб гэхэдэ, үлэн хооһон байдал хамаг дэлхэйгээр тохёолдоо бэлэй.
Currently Selected:
Эхин 41: BurOTp
Highlight
Share
Copy
Want to have your highlights saved across all your devices? Sign up or sign in
© Bible Society in Russia, 2002-2007, 2011, 2013, 2018.
Эхин 41
41
Фараоной ахалагша түшэмэл болотороо Иосифой дэгжэлгэ
1Тэрэ гэһээр хоёр жэл үнгэрбэ. Тиигээд Египедэй хаан иигэжэ зүүдэлбэ: Нил голой эрье дээрэ байна хэбэртэй, 2голһоо сэбэр тобир бэетэй долоон үнеэн эрье дээрэ гараад, голой эрьеын бургааһан соо бэлшэбэ. 3Тэдэнэй хойноһоо үргүүлһэн туранхай ондоо долоон үнеэд Нилэй уһанһаа гараба, тиигээд тобир үнеэдэй хажууда ошоод, 4тэдэниие эдижэ эхилбэ. Эндэ хаан һэришэбэ.
5Дахин унтахадаа, тэрэ ондоо зүүдэ хараба: нэгэ эшэһээ һайн шанартай, аяар долоон эдеэшэг томо хоолос урган гараба. 6Тэрэнэй хойноһоо газарһаа хоршогор, халуун һалхинда хайруулжа муудаһан долоон хоолос ургаба. 7Тиигээд энэ хооһон хоолосууд шэмэеэ абаһан, һайн шанартай долоон хоолосые үрэбхин залгиба! Хаан эндэ һэришэбэ. Тиигээд энэ юумэ бодото дээрээ бэшэ, зүүдэндэнь харагдаа гэжэ ойлгобо.
8Үглөөгүүрынь тэрэ һанаата болоод, Египедэй хамаг мэдэлшэдые болон сэсэн мэргэн тайлбарилагшадые дуудан ерүүлээд, хараһан зүүдэеэ хөөрэхэдэнь, хэншье тэрэнииень тайлбарилжа шадабагүй.
9Гэнтэ ахамад архи аягалагша Египедэй хаанда иигэжэ хандаба:
— Ай даа, буруу юумэ хэһэнээ мүнөө һанажархибаб! 10Нэгэтэ та намда болон ахалагша манзашанда уурлаад, түрмэ шорондо һуулгаһанаа һанана гүт? 11Тиигээд нэгэ һүни бидэ хоюулаа ондо ондоо зүүдэ эли тодоор хараа һэмди. 12Тэндэ нэгэ залуу еврей, харуулай даргын богоол, бидэнтэй байлсаа. Бидэ тэрээндэ хараһан зүүдэнүүдээ хөөрэбэбди, тиихэдэмнай тэрэ тус тустамнай зүүдэншни ямар удхатайб гэжэ тайлбарилжа үгөө. 13Хэлэһэнэйнь ёһоор бүхы юумэн бүтээ: та намайе урдань эзэлжэ байһан тушаалдам табяат, нүгөөдэмни саазалуулагдаа.
14Египедэй хаан тэрэ дары Иосифто хүнүүдые эльгээбэ. Тэрэниие харанхы түрмэһөөнь гаргажа, һахал һамбайень хюһаад, шэнэ хубсаһа үмдэхүүлээд, хаанда абаашаба. 15Египедэй хаан тэрээндэ иигэжэ хандаба:
— Би зүүдэ харааб, зүгөөр хэншье тэрэниием тайлбарилжа шаданагүй. Харин шамайе зүүдэ тайлбарилхадаа бэрхэ гэжэ дуулабаб.
16— Тэрэ минии бэлиг бэшэ, — гэжэ Иосиф харюусаба. — Бурхан лэ танда зүб тайлбари үгэжэ шадаха.
17Тиихэдэнь хаан Иосифто хөөрэбэ:
— Нил голой эрьедэ байнаб гэжэ зүүдэлээб. 18Гэнтэ долоон тарган тобир үнеэд уһанһаа гаража ерээд, голой эрьеын бургааһан соо бэлшэжэ эхилбэ. 19Тэдэнэй һүүлээр үшөө долоон үнеэд мүрэнһөө гараба, туранхай ядуу, арһа яһан болонхойнууд — би Египедтэ иимэ ахир яндан үнеэдые хаража үзөөгүйб! 20Тиигээд энэ яяр муу, үргүүлһэн үнеэд нүгөө долоон тобир тарган үнеэдые эдижэрхибэ! 21Тэдэнь туранхай үнеэдэй гэдэһэн соо оробо ха, зүгөөр тэдэнэй гэдэһэнүүд томо болоногүй: үнеэд үнөөхил үргэдэг, туранхай зандаа. Тиихэдэнь би һэришэбэб.
22Һүүлээрнь баһа нэгэ зүүдэ хараба гээшэб: нэгэ шэлбэдэ долоон хоолос ургаба, эдеэшэһэн томо орооһоор дүүрэн. 23Тэрэнэй һүүлээр үшөө долоон хоршогор, зүүн зүгэй халуун һалхинда хаташаһан хоолос ургаба. 24Тиигээд энэ хооһон хоолосууд орооһоор дүүрэн һайн долоон хоолосуудые һэегүй залгижархиба! Эди шэдитэндэ эдэ зүүдэеэ хөөрэжэ үгөөб, зүгөөр тэдэ намда юушье тайлбарилжа шадабагүй.
25Иосиф хаанда иигэжэ хэлэбэ:
— Эдэ хоёр зүүдэн нэгэл удхатай зүүдэн. Бурхан хэхэ гэжэ байгаа үйлэ хэрэгээ танда зүүдээр харуулба гээшэ. 26Тиигэжэ долоон тарган үнеэн болон долоон эдеэшэг хоолос хадаа нэгэл адли удхатай. Тэдэ тус тустаа долоо долоон жэлые түлөөлнэ. 27Тэрээндэл адляар, тэрэ долоон туранхай үнеэд болон зүүн зүгэй һалхинда үлеэлгэһэн долоон хоршогор хоолос хадаа тус тустаа долоо долоон жэлые түлөөлнэ. Харин тэдэ хадаа үлэсхэлэн хооһон жэлнүүд болоно. 28Би танда хэлээ бэлэйб: Бурхан ерээдүйн үйлэ хэрэгүүдээ танда нээжэ үгэнэ. 29Та нюдөөрөө өөрөө харахат: Египедэй хамаг тала дайдада ургаса һайтай элдин баян долоон жэл ерэхэ. 30Зүгөөр тэрэнэй хойноһоо үлэсхэлэн хооһон аймшагтай долоон жэл үргэлжэлжэ, хуряажа абаһан бүхы ургасаяа эдижэ дууһахадаа, урданай тэрэ элбэг-дэлбэг долоон жэл тушаа хэншье һанахагүй болоно. 31Тэрэ хэсүү сагта урданай баян тарган жэлнүүдые һанаха хүн үгы болохо. 32Харин энэ зүүдэн хоёр дахин юундэ танда харагдааб гэбэл, Бурхан энэ ерээдүйе сэхэ хараалаад, һаяар тэрэнээ бэелүүлхэеэ байна. 33Тиимэһээ та сэсэн мэргэн, урдахияа харадаг хүниие шэлэжэ олоод, тэрээндэ бүхы Египедые ударидан захирха эрхэ мэдэл үгэгты. 34Тиигээд хэдэн түшэмэлнүүдые можо бүхэндэ томилхо хэрэгтэй байха. Танай захиралтын ёһоор, тэдэ түшэмэлнүүд оршохоёо байгаа долоон жэлэй туршада айл үрхэтэ бүхэнһөө жэл бүриин баян ургасаһаа табанай нэгэ хубииень хуряан абадаг байг. 35Тиигээд хото бүхэндэ хаанай таряа нөөсэлдэг газарта тэрэ ургаса таряагаа нөөсэлжэ, харуулшадые табиг лэ. 36Тиихэдэнь Египедтэ долоон үлэн хооһон жэлэй ерэхэдэ, зон эдихэ хоолтой, гэдэһэ садхалан байха. Тиигэжэ улас оронтнай хохидолдо нэрбүүлхэгүй.
37Иосифой үгэнүүд хаанда мүн тэрэнэй түшэмэлнүүдтэ һайшаагдаба.
38— Энээнһээ үлүү хүниие олохын аргагүй, — гэжэ хаан түшэмэлнүүдтээ хэлэбэ. — Бурханай үршөөһэн һүр һүлдэ тэрээндэ лаб байна!
39Һүүлээрнь тэрэ Иосифто хандаба:
— Энэ бүгэдые Бурхан шамда нээжэ үгэһэн хадань шамһаа ухаансар, урдахияа мэдэхэ хүн олдохогүй. 40Энэ сагһаа хойшо минии гүрэн түрые ударидан хүтэлхэш, албатадни шинии захиралта жэншэдгүй дүүргэхэ. Гансал би хаан нэрээрээ дээрэшни байхаб.
41Хаан Иосифто дахин хандан, иигэжэ зонхилбо:
— Зай, би шамайе бүхы Египедэй ахалагша түшэмэлөөр мүнөө табинаб!
42Тиигээд тэрэ тамгатай бэһэлигээ хурганһаа мулталаад, Иосифто зүүлгэбэ, маалинга һайхан хубсаһа үмдэхүүлбэ, хүзүүндэнь алтан зүүдхэл яларуулба. 43Гадна хаан Иосифто өөрынгөө залардаг хоёрдохи тэргээ үгэбэ. Тэрэ тэргээр Иосифой ябахада, бэеыень хамгаалагшад урдань орожо алхалхадаа, дайралдаһан хүн бүхэндэ «ехэ хүнэй урда унан мүргэгты!» гэжэ хашхардаг байгаа.
Тиигэжэ хаан Иосифые бүхы Египедэй ахалагша түшэмэл ноён болгоо бэлэй. 44Тэрэнһээ гадна Иосифто тэрэ иигэжэ хэлэбэ:
— Энэ улас түрын хаан минии байгаашье бол шинии аманһаа зарлиг зүбшөөлэй гараагүй сагта энэ улас түрын хэншье хургаяашье хүдэлгэхэ эрхэгүй байха!
45Хаан Иосифто Цафенат-Панеах гэжэ египет нэрэ үгөөд, Оон хотын дээдэ санаартан болохо Потиферэй Асэнаат басагые һамган болгон үгэбэ. Удаань Иосиф Египедээр ябажа, байдал үзэн шэнжэлбэ.
46Иосиф гушан наһатайдаа Египет улас түрын ахалагша түшэмэл ноён болоһон юм.
Хаанай ордонһоо гаража, тэрэ Египедэй бүхы газар дайдаар ябаба. 47Долоон элдин баян жэлнүүдтэ газар дайда элбэг ургаса үгэбэ. 48Эдэ жэлнүүдтэ хуряажа абаһан таряа Иосиф хото балгааһануудаар нөөсэлбэ, һуурин бүхэндэ хажуудахи таряалангуудайнь ургаса хуряажа суглуулба. 49Далайн эрьеын элһэн мэтэ элбэг орооһо таряа тэрэ нөөсэлбэ, һүүлдэнь хэмжэхэ, тоолохошье аргагүй болоо бэлэй.
50Үлэн хооһон сагай тохёолдоогүй байхада, Оон хотын дээдэ санаартан Потиферэй басаган Асэнаат Иосиф үбгэндөө хоёр хүбүү удаа дараа түрэбэ. 51Ууган хүбүүнэйнгээ түрэхэдэ, Иосиф үнгэрһэн зоболон болон мүнөөнэй һайн байдалаа зэргэсүүлжэ үзөөд, иигэжэ хэлэбэ:
— Эсэгынгээ гэртэ аханарһаа амасаһан тэрэ бүхы зоболонгыем Бурхан намда орогүй мартуулжа шадаа.
Тиигээд тэрэ хүбүүндээ «Мэнашшээ», оршуулбал, «Мартанхай» гэһэн нэрэ үгэбэ. 52Хоёрдохи хүбүүнэйнгээ түрэхэдэ, Иосиф иигэжэ хэлэбэ:
— Би Египет руу ерээд, зоболон үзэһэншье һаа, Эзэн Бурханай туһаламжаар үлзы һайхан үрэ дүн туйлааб.
Тиигээд тэрэ хүбүүндээ «Эпрааим», оршуулбал, «Һайн үрэ дүн» гэжэ нэрэ үгэбэ.
53Египедэй үрэжэлтэ долоон жэл удангүй үнгэрбэ. 54Иосифой уридшалан хэлэһэнэй ёһоор, саашадаа үлэн хооһон долоон жэл ерэбэ. Энэ үлэн хооһон саг хамаг гүрэн орондо тохёолдобо, зүгөөр Египедтэл нөөсэлһэн талха таряан байжа, зон ядабагүй. 55Харин саашадаа үлэн сагай Египедтэшье үзэгдэжэ эхилхэдэ, албата зониинь эзэн хаанһаа хоол гуйжа эхилбэ. Хаан арад түмэндөө иигэжэ хэлэбэ:
— Иосифто ошогты, Иосифой хэлэһээр юумэ хэгты!
56Тиигэжэ Египедээршье үлэсхэлэн хооһон сагай үзэгдэхэдэ, Иосиф нөөсэ амбаарнуудые нээжэ, египедэйхидтэ нөөсэлһэн орооһо таряа худалдаха заабари үгэбэ. 57Хүршэ гүрэнүүдһээ таряа талха худалдан абахаяа Иосифто, Египет руу зон ерэжэл байгаа, юундэб гэхэдэ, үлэн хооһон байдал хамаг дэлхэйгээр тохёолдоо бэлэй.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Bible Society in Russia, 2002-2007, 2011, 2013, 2018.