Псалманууд 14
14
1[Дуунай бүлэгэй хүтэлбэрилэгшэдэ: Давидай зохёоһон.]
Мунхаг хүн сэдьхэлдээ «Бурхан үгы» гэжэ һанана.
Зоной һальхай һамуун хэрэгүүдые хэнэ,
муу муухай, жэгшүүритэй юумэ үйлэдэнэ.
Һайн хэрэг хэдэг хүн байхагүй.
2Юумэ ойлгодог, Бурханиие бэдэрдэг хүн бии гү
гэжэ мэдэхэеэ Эзэн тэнгэриһээ зон руу харана.
3Бүхы зон хамта замһаа хадуураа,
бүгэдөөрөө забхайралдаа.
Һайн хэрэг хэдэг хүн байхагүй,
нэгэшье үгы.
4Муу юумэ хэдэг тэдэ юушье ойлгодоггүй юм гү?
Хилээмэ эдиһэндэл адляар минии арад түмэниие зооглонол,
Эзэниие дууданагүй.
5Тэндэ тэдэ угаа ехээр айха.
Юуб гэбэл, Бурхан зүб шударга зоной тала баримтална.
6Таанар үгытэй ядуу зоной найдалые наада баринат, харин тэдэнэй тулгуубари — Эзэн!
7Израилиин абарал Сионһоо ерэхэнь болтогой!
Арад зоноо баряанһаа Эзэнэй бусаахада,
Яков баярлаха, Израиль баясаха!
Currently Selected:
Псалманууд 14: BurOTp
Highlight
Share
Copy
Want to have your highlights saved across all your devices? Sign up or sign in
© Bible Society in Russia, 2002-2007, 2011, 2013, 2018.