Псалманууд 17
17
1[Давидай зальбарал.]
Эзэн, хашхархыем дуулыта!
Үнэн зүб тухай гуйналби.
Гуйлтыем анхарыта,
худалша бэшэл минии хэлэн.
2Зарга хэрэгыем шиидхэхэт,
хэн зүб бэ гэжэ нюдэнтнай хаража байна.
3Та минии зүрхэн руу шэртэн хараат,
һүниндөө намайе туршахаа ерээт,
намда ямаршье гэм үгы байһые ойлгоот,
аманһаамни муу юумэн гараагүй.
4Зоной юушье хээ хадань
би Танайл үгэ дуулаад байнам,
гэмтэнтэй адли болохогүйб.
5Танай харгы замаар алхалхыем,
хүлэймни буруу гэшхэхэгүйень
баталжа-шангалжа үгыта.
6Бурхан, Таниие дууданалби, харюусыт!
Шэхээ нам руу табиит, үгыем шагныт!
7Танда этигэн найдагшадта хайраа үзүүлыт,
гараараа дайсадһаа аршалыт.
8Нюдэнэй сэсэсгы мэтэ намайе хамгаалыт,
далиингаа һүүдэртэ хоруулыт.
9Намда добтолоошо муу зонһоо,
намайе хүреэлэн, алахаяа һанаашадһаа аршалыт.
10Өөхөөр тэдэ хушагдаа,
бардамлан дуугарна.
11Алхам бүхэндэмни тэдэ намайе хүреэлжэ,
газарта унагаахаяа гэтэн байна.
12Тэдэ олзоор жүрөөдэһэн арсаландал,
нюуса газарта гэтэгшэ залуу арсаландал адли.
13Эзэн, бодыта! Урдаһаань гарыт, доро дохюулыт!
Тэдэ муу муухай зонһоо намайе һъэлмээрээ аршалыт,
14гараараа тэдэ зонһоо,
тэдэ зонһоо, Эзэн!
Хубинь — амиды зоной дунда.
Хэбэлыень Өөрын эрдэни санһаа дүүргэнэт.
Тэдэ садхалан байха, хүүгэдтэнь, нялха үринэртэньшье үлэхэл.
15Зүб шударга байһанайм түлөө
нюурыентнай хараха эрхэ намда үгтэнхэй.
Һэрихэдээшье, Танай дүрэ садатараа хараха аргатайб.
Currently Selected:
Псалманууд 17: BurOTp
Highlight
Share
Copy
Want to have your highlights saved across all your devices? Sign up or sign in
© Bible Society in Russia, 2002-2007, 2011, 2013, 2018.