Псалманууд 22
22
1[Дуунай бүлэгые хүтэлбэрилэгшэдэ: «Үүрэй толоной задархада» гэдэг аялга. Давидай псалма.]
2Бурхамни, Бурхамни, юундэ намайе орхибот?
Холот, туһалхагүйт, ёолохым дуулахагүйт.
3Бурхамни! Үдэр, һүнигүй Таниие дууданаб,
теэд харюусанагүйт, һанааем тэгшэлнэгүйт.
4Арюун нангинта,
Израильда магтуулан, хан шэрээ дээрээ заларан һуунат.
5Элинсэг хулинсагнай Танда этигэн байгаа,
этигэн байгаа, тэдэниие абараат.
6Туһа эрин, Таниие дуудахадаа, тэдэ абарагдаа.
Танда этигэхэдээ, тэдэ эшхэбтэр байдалда ороогүй.
7Би болбол хүн бэшэ, үтэ хорхой гээшэб.
Зон намайе хараана, баһана.
8Намайе харахадаа, тэдэ баһан энеэлдэнэ,
толгойгоо һэжэрэн, хэлээ бүлюүдэнэ:
9«Тэрэ Эзэндэ этигэдэг байгаа, тиимэ хадань Эзэниинь лэ абараг!
Тэрээндэ Эзэн дуратай һаа, абараг!».
10Эзэн, Та намайе эхын хэбэлһээ гарган мүндэлүүлээт,
эхымни энгэртэ тэбэрин бөөмэйлжэ, амар амгалан байлгаат.
11Хэбэлһээ гараһанһаа хойшо Танай харууһан доро байгааб,
бүрилдэһэн сагһаам хойшо Та минии Бурхан мүн.
12Гай тодхор дүтэлжэл байна, намһаа бү холодыт.
Хэншье намда туһалхагүйл.
13Бухадал адли хүлзэжэ, дайсад намайе тойроол!
Башаанай тобир буханууд намайе хүреэлээ.
14Олзолһон олзо дээрээ архиран байгааша арсаландал
тэдэ нам руу амаа ангайн архиран байна!
15Һалхинда туугдаһан тэмээн халаахайдал
би хүсэ шадалгүйб.
Яһамни бутаран һалаа,
зүрхэмни дэнгэй өөхэндэл
сээжэдэм мүхэнэ.
16Хүсэмни голой уһандал адли шэргэшоо.
Хэлэмни тангалайдаа няалдашоо.
Та намайе үхэхыем шорой руу табибат.
17Хорото дайсад намайе хүреэлбэ,
бүлэг нохойдол намайе бүһэлбэ,
гар, хүлыем нэбтэ хазаба.
18Бүхы яһыем тооломоор.
Тэдэ нам руу ехэ хомхойгоор хаража байна.
19Хубсаһыем хоорондоо хубаажа,
Хубсаһыем жээрэблэн абана.
20Харин Та, Эзэн, бү холодыт,
Хүсэмни, намдаа туһалхаар шамдыт!
21Намайе һэлмэһээ,
ами наһым нохойнуудһаа абарыт!
22Арсалангай аманһаа, бухын эбэрһээ абарыт!
Намда харюу үгыт!
23Танай нэрые аха дүүнэртээ хэлэхэб,
сугларагшадай дунда Таниие магтахаб:
24«Эзэнһээ айдаг зон, Тэрэниие магтагты!
Яковой уг удам болохо та бүгэдэн, Тэрэниие алдаршуулагты!
Израилиин үринэр, Тэрээнһээ түбэгшөөн, хүндэлэн байгты!
25Зобоһон хүнэй зоболонһоо Тэрэ жэгшээгүй, үзэн ядаагүй,
тэрээнһээ буруу хараагүй.
Туһа гуйжа тэрэнэй дуудахада, Тэрэ дуулаа».
26Ехэ хуралай дунда Таниие магтанаб.
Танһаа айдаг зоной хараһаар байтар тангаригаа бэелүүлхэб.
27Ядуу зон эдижэ садаха,
Эзэниие дуудагшад Тэрэниие магтаха.
Хэтэ мүнхэдөө тэдэ амар амгалан ажаһууг лэ!
28Дэлхэйн бүхы заха хизаараар зон
Эзэниие һанажа, Тэрээн руу эрьехэ,
үндэһэ яһатанай бүхы обогууд Тэрэниие хүндэлэн мүргэхэ.
29Юуб гэбэл, хаанай засаг Эзэнэй мэдэлэй,
тэрэл үндэһэ яһатаниие захиран зонхилдог.
30Дэлхэйн шандааһатай хүн бүхэн
Тэрэнэй урда мүргэхэ,
Наратада байгаа бүхы зон
урдань һүгэдэхэ.
31Тэдэнэрэй уг удам Тэрээндэ алба хэжэ,
ерэхэ үенүүдтэ Эзэн тухай хөөрэхэ,
32Эзэнэй сэхэ шударга тухай,
хэрэгүүд тухайнь зарлаха!
Currently Selected:
Псалманууд 22: BurOTp
Highlight
Share
Copy
Want to have your highlights saved across all your devices? Sign up or sign in
© Bible Society in Russia, 2002-2007, 2011, 2013, 2018.
Псалманууд 22
22
1[Дуунай бүлэгые хүтэлбэрилэгшэдэ: «Үүрэй толоной задархада» гэдэг аялга. Давидай псалма.]
2Бурхамни, Бурхамни, юундэ намайе орхибот?
Холот, туһалхагүйт, ёолохым дуулахагүйт.
3Бурхамни! Үдэр, һүнигүй Таниие дууданаб,
теэд харюусанагүйт, һанааем тэгшэлнэгүйт.
4Арюун нангинта,
Израильда магтуулан, хан шэрээ дээрээ заларан һуунат.
5Элинсэг хулинсагнай Танда этигэн байгаа,
этигэн байгаа, тэдэниие абараат.
6Туһа эрин, Таниие дуудахадаа, тэдэ абарагдаа.
Танда этигэхэдээ, тэдэ эшхэбтэр байдалда ороогүй.
7Би болбол хүн бэшэ, үтэ хорхой гээшэб.
Зон намайе хараана, баһана.
8Намайе харахадаа, тэдэ баһан энеэлдэнэ,
толгойгоо һэжэрэн, хэлээ бүлюүдэнэ:
9«Тэрэ Эзэндэ этигэдэг байгаа, тиимэ хадань Эзэниинь лэ абараг!
Тэрээндэ Эзэн дуратай һаа, абараг!».
10Эзэн, Та намайе эхын хэбэлһээ гарган мүндэлүүлээт,
эхымни энгэртэ тэбэрин бөөмэйлжэ, амар амгалан байлгаат.
11Хэбэлһээ гараһанһаа хойшо Танай харууһан доро байгааб,
бүрилдэһэн сагһаам хойшо Та минии Бурхан мүн.
12Гай тодхор дүтэлжэл байна, намһаа бү холодыт.
Хэншье намда туһалхагүйл.
13Бухадал адли хүлзэжэ, дайсад намайе тойроол!
Башаанай тобир буханууд намайе хүреэлээ.
14Олзолһон олзо дээрээ архиран байгааша арсаландал
тэдэ нам руу амаа ангайн архиран байна!
15Һалхинда туугдаһан тэмээн халаахайдал
би хүсэ шадалгүйб.
Яһамни бутаран һалаа,
зүрхэмни дэнгэй өөхэндэл
сээжэдэм мүхэнэ.
16Хүсэмни голой уһандал адли шэргэшоо.
Хэлэмни тангалайдаа няалдашоо.
Та намайе үхэхыем шорой руу табибат.
17Хорото дайсад намайе хүреэлбэ,
бүлэг нохойдол намайе бүһэлбэ,
гар, хүлыем нэбтэ хазаба.
18Бүхы яһыем тооломоор.
Тэдэ нам руу ехэ хомхойгоор хаража байна.
19Хубсаһыем хоорондоо хубаажа,
Хубсаһыем жээрэблэн абана.
20Харин Та, Эзэн, бү холодыт,
Хүсэмни, намдаа туһалхаар шамдыт!
21Намайе һэлмэһээ,
ами наһым нохойнуудһаа абарыт!
22Арсалангай аманһаа, бухын эбэрһээ абарыт!
Намда харюу үгыт!
23Танай нэрые аха дүүнэртээ хэлэхэб,
сугларагшадай дунда Таниие магтахаб:
24«Эзэнһээ айдаг зон, Тэрэниие магтагты!
Яковой уг удам болохо та бүгэдэн, Тэрэниие алдаршуулагты!
Израилиин үринэр, Тэрээнһээ түбэгшөөн, хүндэлэн байгты!
25Зобоһон хүнэй зоболонһоо Тэрэ жэгшээгүй, үзэн ядаагүй,
тэрээнһээ буруу хараагүй.
Туһа гуйжа тэрэнэй дуудахада, Тэрэ дуулаа».
26Ехэ хуралай дунда Таниие магтанаб.
Танһаа айдаг зоной хараһаар байтар тангаригаа бэелүүлхэб.
27Ядуу зон эдижэ садаха,
Эзэниие дуудагшад Тэрэниие магтаха.
Хэтэ мүнхэдөө тэдэ амар амгалан ажаһууг лэ!
28Дэлхэйн бүхы заха хизаараар зон
Эзэниие һанажа, Тэрээн руу эрьехэ,
үндэһэ яһатанай бүхы обогууд Тэрэниие хүндэлэн мүргэхэ.
29Юуб гэбэл, хаанай засаг Эзэнэй мэдэлэй,
тэрэл үндэһэ яһатаниие захиран зонхилдог.
30Дэлхэйн шандааһатай хүн бүхэн
Тэрэнэй урда мүргэхэ,
Наратада байгаа бүхы зон
урдань һүгэдэхэ.
31Тэдэнэрэй уг удам Тэрээндэ алба хэжэ,
ерэхэ үенүүдтэ Эзэн тухай хөөрэхэ,
32Эзэнэй сэхэ шударга тухай,
хэрэгүүд тухайнь зарлаха!
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Bible Society in Russia, 2002-2007, 2011, 2013, 2018.