GALUEGA 2
2
Ko te Vauga o te Agaga Tapu
1 #
Levi 23.15-21; Teu 16.9-11 Ne maopoopo katoa ki te koga e tasi a tino talitonu, i te okoga ki te Aso Penitekoso. 2I mo taimi foki eiloa kona, ne lagona ne latou te 'gulu mai luga i te lagi e pela eiloa mo se afā ko agi, tofu katoa ei te fale i te laumatagi tena. 3Tela, lavea ei ne latou a ulaga afi e foliga mai e pela mo ne alelo e patele mai ki a latou takitokotasi. 4Ko 'fonu latou katoa i te Agaga Tapu, kamata eiloa latou o fai'pati ki 'gana valevale, i te mea ko tuku atu ne te Agaga Tapu ki a latou te 'mana o fai'pati ki 'gana valevale.
5E isi ne Iutaia e 'nofo i Ielusalema, pela foki mo tino lotu ne o'mai i fenua katoa o te lalolagi. 6I te lagonaga ne latou te 'gulu, maopoopo tasi katoa ei latou, kae poko mo te manavase ia latou, i te mea ko lagona ne latou apositolo ko taki faipati eiloa a te tino ki tena 'gana. 7Ne ofo kae 'poi, fai ake ei olotou pati penei, “E se ne tino Kalilaia katoa konei e fai'pati? 8Kae ne mafai pefea o faipati te tino ki tena 'gana tonu, e pela mo te mea ne lagona ne tatou? 9A tatou ne tino mai Patia, Metai, Elama, Mesopotamia, Iutaia, Kapatokia, Pono, Asia, 10Felukia, Pafulia, Aikupito mo nisi kogā fenua o Lipua e pili ki Kulene, e pela foki mo nisi ne o'mai mai Loma, 11ne Iutaia mo tino ko 'fuli ki te lotu Iutaia, ne Keleta mo Alapi. Ne mafai ne latou o fai'pati ki o'tou 'gana takitokotasi, ki galuega fakaofoofogina a te Atua.” 12I te ofo mo te 'segi, ne fakatau fesilisili ei latou ia latou eiloa takitokotasi penei, “Se a te uiga o te mea tenei?” 13Ne tali fakatauemu nisi tino, olotou muna, “E ko'na tino konei!”
Ko te Lauga a Petelu
14Ne tu ake Petelu fakatasi mo te tinoagafulu mo te tokotasi apositolo, faipati ei a ia mo te leo maluga ki tino, ana muna: “Oku taina Iutaia, pela foki mo tino Iutaia katoa kola e 'nofo i Ielusalema, faka'logo mai ki aku muna ka fai atu. 15A tino konei e se ko'na e pela mo otou manatu, i te mea e se masani o ko'na a tino i te taeao; 16ka ko te pogai ne tupu ei te mea nei, e fakamatala mai i te tusi a te Pelofeta ko Ioelu, ana muna:
17 #
Ioelu 2.28-32
‘Muna a te Atua, tenei taku mea ka fai i aso fakaoti;
Ka 'ligi atu ne au toku Agaga ki luga i tino katoa;
Ka 'valo fakapelofeta otou tama tagata mo tama fafine
Ka matea foki ne otou tamatane a fakaasiga,
Ka ko otou toeaina ka moe'miti.
18E oko foki ki aku tavini tagata mo tavini fafine,
Ka tuku atu ne au a toku Agaga ki a latou i aso kona,
Ko te mea ke mafai ne latou o 'valo fakapelofeta.
19Ka fai foki ne au a vavega i luga i te lagi,
Pela foki mo fakailoga i lalo i te lalolagi:
Ko te toto, te afi mo te ausaga matolutolu.
20Ka pouli te la,
Ka ko te masina ka kula e pela mo se toto,
Ka koi tuai o oko mai a te Aso e oko mai ei te Aliki.
21Tela la, so se tino e kalaga atu ki te igoa o te Aliki,
Ka fakaolagina eiloa a ia.’
22“Tino Isalaelu, faka'logo mai ki a au! A Iesu te Nasaleta, se tagata tela ko oti ne matea 'lei ne koutou ana galuega 'mana faka te Atua i ana vavega, mea fakaofoofogina, mo fakailoga kola ne fai ne te Atua e alatu i a ia. 23#Mata 27.35; Male 15.24; Luka 23.33; Ioa 19.18Ko leva ne fuafuagina ne te Atua i tona loto mo tona poto, me i a Iesu e tuku atu ki otou lima; kae tamate ne koutou a ia, i te talia ne koutou a tino agasala ke fakasataulo ne latou a ia. 24#Mata 28.5,6; Male 16.6; Luka 24.5Ne fakatu a ia ne te Atua mai te mate. Ne fakasaoloto foki a ia ne te Atua mai te puapuaga o te mate, me se mafai lele eiloa ne te mate o pikifao a ia. 25#Sala 16.8-11Ne faipati foki a Tavita e uiga ki a ia, ana muna:
‘Ne matea ne au a te Aliki i oku mua i taimi katoa,
Me nofo mai eiloa i toku feitu taua ko te feitu fakaatamai, ko te mea ke se mataku au.
26Tenei te pogai ko fiafia ei toku loto.
Aku pati foki ko 'fonu i te fakafiafia loto;
E pena foki toku foitino, ka nofo mo te fakamoemoe,
27I te mea e se tuku tiaki ne koe a toku agaga ke fano ki Seoli,
Ke sa tuku atu foki ne koe a tau Tama Tapu ke oko ki tena foitino te pala.
28Ko oti ne fakailoa mai ne koe ala o te ola;
Ka fakafonu foki ne koe au ki te fiafia i tou fakatasi mai.’
29“Taina, e 'tau mo au o faipati tonu atu e uiga mo te tou tupuga ko Tavita: ne mate, ne tanu, kae tenei eiloa e i a tatou tona tanuga ke oko mai eiloa ki te aso nei. 30#Sala 132.11; 2Samu 7.12,13A ia foki se pelofeta, kae ne iloa foki ne ia i te Atua ne tauto fakamaoni atu ki a ia, me ka fai ne ia se tokotasi o ona mokopuna ke sui tulaga ki tena nofogaaliki. 31Ne matea ne Tavita a te mea ka fai ne te Atua, tela faipati ei a ia e uiga mo te toetu o te Keliso, ana muna:
‘Ne seki tuku tiakina a ia i Seoli,
Ne seki oko foki te pala ki tena foitino.’
32Ko oti ne fakatu ne te Atua a Iesu mai te mate, kae molimau matou katoa ki te mea nei. 33Tela la, i te otiga ne avake a ia ki te lima fakaatamai o te Atua, maua ei ne ia mai te Atua a te Agaga Tapu tela ne folafola ne tona Tamana. E penei mo te mea ko matea kae lagona ne koutou, ko tena meaalofa tena ko tuku mai ki luga i a tatou katoa. 34#Sala 110.1Ne seki fano Tavita ki te lagi, ka ko te mea ne fai mai penei ana muna:
‘Ne fai mai te Aliki ki toku Aliki:
Nofo i konei i toku feitu taua ko toku fakaatamai,
35Ke oko ki te taimi e fai ei ne au ou fili,
Mo mea e tuku ei ou vae.’
36“E 'tau i tino Isalaelu katoa o iloa tonu ne latou me ko Iesu eiloa tenei, tela ko oti ne fakasataulo ne koutou, tela ne fai ne te Atua mo Aliki mo Keliso foki.”
37I te lagonaga ne tino a te mea nei, ko oko foki eiloa i te lagona ki olotou loto, tela fai atu ei latou ki a Petelu mo nisi apositolo, “Taina, se a te motou mea ka fai?” 38Muna a Petelu ki a latou: “Sala'mo katoa koutou ki otou agasala, kae ke papatisogina foki koutou i te igoa o Iesu Keliso, ko te mea ke fakamagalogina otou agasala; ke maua foki ne koutou te meaalofa a te Atua ko te Agaga Tapu. 39A te folafolaga a te Atua ne fai ki a koutou mo otou fanau, pela foki mo latou kola e 'nofo i nisi fenua, ko latou kola ko kalagagina ne te Aliki te tou Atua.”
40Ne fakamolemole atu Petelu ki a latou, kae fai atu ana isi pati fakamalosi, ana muna: “Taumafai ke 'sao koutou mai te fakasalaga ka oko mai ki te kautama masei tenei!” 41A te tokoukega o latou ne talitonu ki tena lauga, tela papatiso ei latou; kaati e tusa mo te tolu afe a tino ne fakaopoopo ki te lotou aofaki i te aso tena. 42Ne fakaaoga ne latou olotou taimi o tauloto mai i apositolo, o fesoasoani foki ki a latou ki feitu ki te lotou tausiga, o kau fakatasi foki i te feitu ki te tofitofiga o falaoa i te kaiga a te Aliki, pela foki mo te fai tinoga.
Ko te Olaga o Tino Talitonu
43Ne ofo kae ma'taku a tino katoa, i te uke o vavega mo fakailoga ne fai ne te kau apositolo. 44#Galu 4.32-35Ne maopoopo fakatasi a tino talitonu katoa, kae tuku fakatasi olotou mea katoa, 45ne fakatau atu katoa olotou mea, vaevae ei olotou tupe i a latou eiloa, e pela eiloa mo te mea e manako ki ei te tino. 46E potopoto sāle eiloa i te Fale Tapu, kae 'kai fakatasi eiloa i olotou fale i te loto fiafia mo te loto malalo, 47kae fai vikiga foki ki te Atua. Se gata foki i kona kae fakatau fia'fia foki i te a'lofa atu o tino ki a latou. Tela la, e fakaopoopo faeloa ne te Aliki ki te lotou potukau ne tino 'fou kola ko fakaolagina.
Currently Selected:
GALUEGA 2: Tusi Tapu
Highlight
Share
Copy
Want to have your highlights saved across all your devices? Sign up or sign in
Tuvalu Revised Bible © Bible Society in the South Pacific
GALUEGA 2
2
Ko te Vauga o te Agaga Tapu
1 #
Levi 23.15-21; Teu 16.9-11 Ne maopoopo katoa ki te koga e tasi a tino talitonu, i te okoga ki te Aso Penitekoso. 2I mo taimi foki eiloa kona, ne lagona ne latou te 'gulu mai luga i te lagi e pela eiloa mo se afā ko agi, tofu katoa ei te fale i te laumatagi tena. 3Tela, lavea ei ne latou a ulaga afi e foliga mai e pela mo ne alelo e patele mai ki a latou takitokotasi. 4Ko 'fonu latou katoa i te Agaga Tapu, kamata eiloa latou o fai'pati ki 'gana valevale, i te mea ko tuku atu ne te Agaga Tapu ki a latou te 'mana o fai'pati ki 'gana valevale.
5E isi ne Iutaia e 'nofo i Ielusalema, pela foki mo tino lotu ne o'mai i fenua katoa o te lalolagi. 6I te lagonaga ne latou te 'gulu, maopoopo tasi katoa ei latou, kae poko mo te manavase ia latou, i te mea ko lagona ne latou apositolo ko taki faipati eiloa a te tino ki tena 'gana. 7Ne ofo kae 'poi, fai ake ei olotou pati penei, “E se ne tino Kalilaia katoa konei e fai'pati? 8Kae ne mafai pefea o faipati te tino ki tena 'gana tonu, e pela mo te mea ne lagona ne tatou? 9A tatou ne tino mai Patia, Metai, Elama, Mesopotamia, Iutaia, Kapatokia, Pono, Asia, 10Felukia, Pafulia, Aikupito mo nisi kogā fenua o Lipua e pili ki Kulene, e pela foki mo nisi ne o'mai mai Loma, 11ne Iutaia mo tino ko 'fuli ki te lotu Iutaia, ne Keleta mo Alapi. Ne mafai ne latou o fai'pati ki o'tou 'gana takitokotasi, ki galuega fakaofoofogina a te Atua.” 12I te ofo mo te 'segi, ne fakatau fesilisili ei latou ia latou eiloa takitokotasi penei, “Se a te uiga o te mea tenei?” 13Ne tali fakatauemu nisi tino, olotou muna, “E ko'na tino konei!”
Ko te Lauga a Petelu
14Ne tu ake Petelu fakatasi mo te tinoagafulu mo te tokotasi apositolo, faipati ei a ia mo te leo maluga ki tino, ana muna: “Oku taina Iutaia, pela foki mo tino Iutaia katoa kola e 'nofo i Ielusalema, faka'logo mai ki aku muna ka fai atu. 15A tino konei e se ko'na e pela mo otou manatu, i te mea e se masani o ko'na a tino i te taeao; 16ka ko te pogai ne tupu ei te mea nei, e fakamatala mai i te tusi a te Pelofeta ko Ioelu, ana muna:
17 #
Ioelu 2.28-32
‘Muna a te Atua, tenei taku mea ka fai i aso fakaoti;
Ka 'ligi atu ne au toku Agaga ki luga i tino katoa;
Ka 'valo fakapelofeta otou tama tagata mo tama fafine
Ka matea foki ne otou tamatane a fakaasiga,
Ka ko otou toeaina ka moe'miti.
18E oko foki ki aku tavini tagata mo tavini fafine,
Ka tuku atu ne au a toku Agaga ki a latou i aso kona,
Ko te mea ke mafai ne latou o 'valo fakapelofeta.
19Ka fai foki ne au a vavega i luga i te lagi,
Pela foki mo fakailoga i lalo i te lalolagi:
Ko te toto, te afi mo te ausaga matolutolu.
20Ka pouli te la,
Ka ko te masina ka kula e pela mo se toto,
Ka koi tuai o oko mai a te Aso e oko mai ei te Aliki.
21Tela la, so se tino e kalaga atu ki te igoa o te Aliki,
Ka fakaolagina eiloa a ia.’
22“Tino Isalaelu, faka'logo mai ki a au! A Iesu te Nasaleta, se tagata tela ko oti ne matea 'lei ne koutou ana galuega 'mana faka te Atua i ana vavega, mea fakaofoofogina, mo fakailoga kola ne fai ne te Atua e alatu i a ia. 23#Mata 27.35; Male 15.24; Luka 23.33; Ioa 19.18Ko leva ne fuafuagina ne te Atua i tona loto mo tona poto, me i a Iesu e tuku atu ki otou lima; kae tamate ne koutou a ia, i te talia ne koutou a tino agasala ke fakasataulo ne latou a ia. 24#Mata 28.5,6; Male 16.6; Luka 24.5Ne fakatu a ia ne te Atua mai te mate. Ne fakasaoloto foki a ia ne te Atua mai te puapuaga o te mate, me se mafai lele eiloa ne te mate o pikifao a ia. 25#Sala 16.8-11Ne faipati foki a Tavita e uiga ki a ia, ana muna:
‘Ne matea ne au a te Aliki i oku mua i taimi katoa,
Me nofo mai eiloa i toku feitu taua ko te feitu fakaatamai, ko te mea ke se mataku au.
26Tenei te pogai ko fiafia ei toku loto.
Aku pati foki ko 'fonu i te fakafiafia loto;
E pena foki toku foitino, ka nofo mo te fakamoemoe,
27I te mea e se tuku tiaki ne koe a toku agaga ke fano ki Seoli,
Ke sa tuku atu foki ne koe a tau Tama Tapu ke oko ki tena foitino te pala.
28Ko oti ne fakailoa mai ne koe ala o te ola;
Ka fakafonu foki ne koe au ki te fiafia i tou fakatasi mai.’
29“Taina, e 'tau mo au o faipati tonu atu e uiga mo te tou tupuga ko Tavita: ne mate, ne tanu, kae tenei eiloa e i a tatou tona tanuga ke oko mai eiloa ki te aso nei. 30#Sala 132.11; 2Samu 7.12,13A ia foki se pelofeta, kae ne iloa foki ne ia i te Atua ne tauto fakamaoni atu ki a ia, me ka fai ne ia se tokotasi o ona mokopuna ke sui tulaga ki tena nofogaaliki. 31Ne matea ne Tavita a te mea ka fai ne te Atua, tela faipati ei a ia e uiga mo te toetu o te Keliso, ana muna:
‘Ne seki tuku tiakina a ia i Seoli,
Ne seki oko foki te pala ki tena foitino.’
32Ko oti ne fakatu ne te Atua a Iesu mai te mate, kae molimau matou katoa ki te mea nei. 33Tela la, i te otiga ne avake a ia ki te lima fakaatamai o te Atua, maua ei ne ia mai te Atua a te Agaga Tapu tela ne folafola ne tona Tamana. E penei mo te mea ko matea kae lagona ne koutou, ko tena meaalofa tena ko tuku mai ki luga i a tatou katoa. 34#Sala 110.1Ne seki fano Tavita ki te lagi, ka ko te mea ne fai mai penei ana muna:
‘Ne fai mai te Aliki ki toku Aliki:
Nofo i konei i toku feitu taua ko toku fakaatamai,
35Ke oko ki te taimi e fai ei ne au ou fili,
Mo mea e tuku ei ou vae.’
36“E 'tau i tino Isalaelu katoa o iloa tonu ne latou me ko Iesu eiloa tenei, tela ko oti ne fakasataulo ne koutou, tela ne fai ne te Atua mo Aliki mo Keliso foki.”
37I te lagonaga ne tino a te mea nei, ko oko foki eiloa i te lagona ki olotou loto, tela fai atu ei latou ki a Petelu mo nisi apositolo, “Taina, se a te motou mea ka fai?” 38Muna a Petelu ki a latou: “Sala'mo katoa koutou ki otou agasala, kae ke papatisogina foki koutou i te igoa o Iesu Keliso, ko te mea ke fakamagalogina otou agasala; ke maua foki ne koutou te meaalofa a te Atua ko te Agaga Tapu. 39A te folafolaga a te Atua ne fai ki a koutou mo otou fanau, pela foki mo latou kola e 'nofo i nisi fenua, ko latou kola ko kalagagina ne te Aliki te tou Atua.”
40Ne fakamolemole atu Petelu ki a latou, kae fai atu ana isi pati fakamalosi, ana muna: “Taumafai ke 'sao koutou mai te fakasalaga ka oko mai ki te kautama masei tenei!” 41A te tokoukega o latou ne talitonu ki tena lauga, tela papatiso ei latou; kaati e tusa mo te tolu afe a tino ne fakaopoopo ki te lotou aofaki i te aso tena. 42Ne fakaaoga ne latou olotou taimi o tauloto mai i apositolo, o fesoasoani foki ki a latou ki feitu ki te lotou tausiga, o kau fakatasi foki i te feitu ki te tofitofiga o falaoa i te kaiga a te Aliki, pela foki mo te fai tinoga.
Ko te Olaga o Tino Talitonu
43Ne ofo kae ma'taku a tino katoa, i te uke o vavega mo fakailoga ne fai ne te kau apositolo. 44#Galu 4.32-35Ne maopoopo fakatasi a tino talitonu katoa, kae tuku fakatasi olotou mea katoa, 45ne fakatau atu katoa olotou mea, vaevae ei olotou tupe i a latou eiloa, e pela eiloa mo te mea e manako ki ei te tino. 46E potopoto sāle eiloa i te Fale Tapu, kae 'kai fakatasi eiloa i olotou fale i te loto fiafia mo te loto malalo, 47kae fai vikiga foki ki te Atua. Se gata foki i kona kae fakatau fia'fia foki i te a'lofa atu o tino ki a latou. Tela la, e fakaopoopo faeloa ne te Aliki ki te lotou potukau ne tino 'fou kola ko fakaolagina.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Tuvalu Revised Bible © Bible Society in the South Pacific