ESOTO 12
12
Ko te Paseka
1 #
Levi 23.5; Nume 9.1-5; 28.16; Teu 16.1,2 Ne faipati mai te Aliki ki a Mose mo Alona i Aikupito penei: 2“A te masina nei ka fai mo masina muamua o te tausaga ki a koutou. 3Tuku atu a fakatonuga konei ki tino Isalaelu katoa: I te po sefulu o te masina nei, so se tagata ka fili ne ia se tamā mamoe io me se tamā kouti ma tena kaiga. 4Kafai e fuafua ifo a te tagata me e se mafai ne tena kaiga o kai te manu katoa, me sē tokouke latou, ka mafai ne ia o fai ki te kaiga tela e tuakoi mo ia ke kai tasi ne latou a te manu e tasi, ke faka'tau ki te aofaki o latou mo te mea e mafai ne te tino o kai. 5E mafai ne te tino o fili se mamoe io me se kouti, kae e tau se manu tagata ko tasi tena tausaga kae seai sena pona. 6I te afiafi o te po sefulu fa o te masina, a tino katoa o Isalaelu ka 'ta olotou manu. 7E 'tau mo tino o ave ne toto o nini ki pou o olotou mataloa mo luga o mataloa o olotou fale kola ka kai ei olotou manu. 8I te po tena e 'tau o tao olotou kano manu, kae ke kai mo aka 'kona o lakau, fakatasi mo falaoa se fakafete. 9E tapu e ota io me saka ne kano manu, kae ke tao katoa, fakatasi mo te ulu mo vae mo totoga katoa i loto. 10Ke mo a e toega ne mea ki te taeao; kafai e isi ne mea e 'toe ka 'sunu katoa. 11E 'tau o kai fakavave ne koutou, i a koutou e fakatoka o malaga, mo otou taka i otou vae mo tokotoko i otou lima. Ko te 'kaiga fiafia o te Paseka tena ki a au, ko te Aliki.
12“I te po tena, au ka ulu i loto i te fenua o Aikupito kae ka tamate ne au a toekimua tagata katoa a tino mo manu. Ka fakasala foki ne au a atua katoa o Aikupito, i a Au ko te Aliki. 13A te toto i pou o mataloa o otou fale ko te fakailoga tena o fale e 'nofo koutou i ei. Kafai e matea ne au te toto, ka fakaseke ne au te fale tena, kae ka se oko atu te fakasalaga ki a koutou, tela e oko ki tino Aikupito. 14#Eso 23.15; 34.18; Levi 23.6-8; Nume 28.17-25; Teu 16.3-8E 'tau mo koutou o fakamanatu te aso tenei me se aso tāua faka te lotu, e fakamasaua atu ki a koutou te mea ne fai ne Au, te Aliki; ke fakamanatu faeloa ne koutou i tausaga katoa.”
Te 'Kaiga o Falaoa se Faka'fete
15Ne fai mai te Aliki penei, “I aso e fitu ke mo a koutou e 'kai ki falaoa faka'fete, kae kai fua ki falaoa se 'fete. I te aso muamua, e 'tau mo koutou o ave keatea katoa a mea faka'fete i otou fale, me kafai e isi se tino e kai ki se falaoa faka'fete i aso kona e fitu, ka se taku a ia se tino o toku fenua. 16I te aso muamua, pela foki mo te fitu o aso, e 'tau koutou o fakatasi o tapuaki mai ki a au. Seai ne galuega e fai i aso kona, kae mafai fua ne koutou o fakatoka meakai. 17Tausi faka'lei te aso fakamanatu tenei, me ko te aso tenei tela ne taki ei ne au koutou keatea mai Aikupito. I taimi katoa konei mai mua, e 'tau mo koutou o fakamanatu te aso lasi tenei. 18E kamata mai te afiafi o te po sefulu fa o te masina muamua ke oko ki te afiafi o te po luasefulu tasi, e se 'tau koutou o 'kai ki ne falaoa faka'fete. 19-20E tapu se mea faka'fete e lavea i otou fale i aso kona e fitu. Kafai e isi se tino e kai ki falaoa faka'fete, me se tino Isalaelu io me se tino fakaatea, ka se lau a ia me se tino o toku fenua.
Ko te Paseka Muamua
21Ne kalaga atu a Mose ki takitaki katoa o Isalaelu kae fai atu ki a latou penei, “E 'tau mo koutou takitokotasi o fili se tamā mamoe io me se tamā kouti o tamate, ko te mea ke mafai ne otou kaiga o fakamanuia a te Paseka. 22Puke se tamā kaula o te lakau ko te Isopo o ufi ki loto i se tanoa e isi i ei ne toto manu,#12.22: ufi ki loto i se tanoa e isi; io me tuku ki loto i se pola e isi ei. ne toto o manu, kae nani ki ei a pou o mataloa o otou fale mo talava i luga o mataloa. E tapu se tino i a koutou e fano keatea mai tena fale, ke oko eiloa ki te taeao. 23#Epe 11.28Kafai ko fano te Aliki i loto i Aikupito o ta olotou tino, ka matea ne ia a toto i luga i talava mo pou o mataloa o otou fale. Ka se fakaoko atu ei ne ia a te agelu o tamate koutou. 24E 'tau mo koutou mo otou tamaliki o tausi a fakatonuga konei ke oko ki te se gata mai. 25Kafai ko ulu koutou ki te fenua tela ne tauto atu ei te Aliki ke avatu mo koutou, e 'tau mo koutou o fai te tapuakiga tenei. 26Kafai e fesili atu otou tamaliki me se a te uiga o te tapuakiga tenei, 27kae ka tali koutou pela, ‘Ko taulaga o te Paseka e fakaaloalogia ei te Aliki, me ne faka'sao ne ia a fale o tino Isalaelu i Aikupito. Ne tamate ne ia a tino Aikupito kae fakasao ne ia matou.’ ”
Ne to'tuli a tino Isalaelu kae tapuaki atu ki te Aliki. 28Tela ne olo ei latou o fai te mea tela ne fakatonu ne te Aliki ki a Mose mo Alona.
Ko te Tamatega o Toekimua
29 # Eso 4.22,32 I te valuapo, ne tamate ne te Aliki a toekimua tagata katoa i Aikupito, mai i te tamaliki tagata a te tupu, tela ko te suitupu, ke oko eiloa ki te tamaliki tagata a te pagota i loto i te falepuipui. A uluaki tama a manu ne tamate katoa foki. 30I te po tena, ne ala aka a te tupu mo ana tino maluga katoa mo tino katoa o Aikupito. Ne 'tagi paka'laga tino i luga i Aikupito me e seai eiloa se fale ne sao se toekimua tagata i ei. 31I te po eiloa tena, ne uga te fekau a te tupu ki a Mose mo Alona kae fai mai ki a laua penei, “Olo keatea mai toku fenua; koulua mo tino Isalaelu katoa! Olo o tapuaki atu ki te otou Aliki, e pela mo te mea e manako koutou ki ei. 32Puke otou mamoe mo kouti mo pulumakau kae olo. Talo foki ke maua se fakamanuiaga mo oku.”
33Ne fakavavave ne tino Aikupito a tino Isalaelu ke olo keatea mai te lotou fenua. Muna a tino Aikupito, “Kafai e se olo koutou keatea ko matou ka 'mate katoa.” 34Tela ne puke ei tino Isalaelu ki olotou mea tao falaoa kae faka fonu ki falaoa ko oti ne palu kae seai se mea faka'fete ne fai ki ei. Ne kofukofu ne latou ki olotou gatu, kae amo i olotou ua. 35#Eso 3.21,22Ko oti ne fai ne tino Isalaelu te fakatonuga a Mose, ke olo latou o akai ki tino Aikupito ki ne mea e faite ki aulo mo siliva mo ne gatu. 36Ne fai ne te Aliki a tino Aikupito ke a'lofa ki tino Isalaelu, tela ne tuku ei ne latou a mea e ma'nako latou ki ei. I te faiga tena, ne olo ei a tino Isalaelu mo te maumea lasi o Aikupito.
Ko tiaki ne Tino Isalaelu a te Fenua ko Aikupito
37Ne kamata te malaga a tino Isalaelu, o sasale atu mai Lamese ki Sukota. E tusa mo te ono selau afe tagata, e se aofia i ei a fafine mo tamaliki. 38E tokouke foki tino fakaatea, mo mamoe mo kouti mo pulumakau e uke ne olo tasi latou. 39Ne tao ne tino Isalaelu a olotou falaoa se faka'fete, ko falaoa kola ne aumai ne latou mai i Aikupito. Ne tuli fakavave latou keatea mai Aikupito tela ko se maua ei se taimi o fakatoka meakai io me palu ne falaoa faka'fete.
40 #
Kene 15.13; Kala 3.17 Ne nofo tino Isalaelu i Aikupito e tusa mo te 430 tausaga. 41I te aso ne katoa ei te 430 tausaga, ne tiaki ei ne matakaiga o Isalaelu te fenua o Aikupito. 42Ko te po eiloa tenei tela ne filifili ne te Aliki ke aumai ei tena fenua keatea mai Aikupito. Ko te po foki eiloa tenei, tela ka fakatapu atu ki te Aliki i taimi katoa mai mua, me se po e 'tau o fakamanatu faeloa ne tino Isalaelu.
Ko Tulafono o te Paseka
43Ne fai mai te Aliki ki a Mose mo Alona penei, “Konei a tulafono o te Paseka; E seai se tino fakaatea e kai i te 'kaiga o te Paseka. 44Kae ka mafai ne so se pologa, tela ko oti ne togi ne so se tino i a koutou o kai manafai ko oti a ia ne pilitome. 45E seai se tagata tela se nofo tumau i te fenua io me se tino galue se tumau e tau o kai i te 'kaiga o te Paseka. 46#Nume 9.12; Ioa 19.36A meakai kola ne fakatoka i te fale e tasi e 'tau o kai i loto eiloa o te fale tena. E tapu se mea e ave ki tua, e tapu foki e 'fati se ivi o se manu. 47Ko te fenua katoa o Isalaelu e 'tau o fakamasaua te kaiga fakamanatu tenei. 48E tapu se tino seki pilitome o kai i te 'kaiga nei. Kafai e isi se tino fakaatea e nofo i te fenua kae fia fakamanuia ne ia a te Paseka o fakaaloalo ki te Aliki, e 'tau mo koutou o pilitome a tagata katoa i tena kaiga. Tela la, ko 'tau ei mo koutou o fai a ia e pela eiloa me se tino tonu o te fenua. Ka talia foki a ia ke kai i te kaiga o te Paseka. 49Ko tulafono kona e 'tau o fai ne tino Isalaelu tonu, pela foki mo tino fakaatea kola e nofo i te otou fenua.” 50Ne faka'logo katoa a tino Isalaelu o fai a mea kola ne fakatonu ne te Aliki ki a Mose mo Alona. 51Ko te aso tena tela ne aumai ei ne te Aliki a matakaiga o Isalaelu keatea mai Aikupito.
Currently Selected:
ESOTO 12: Tusi Tapu
Highlight
Share
Copy
Want to have your highlights saved across all your devices? Sign up or sign in
Tuvalu Revised Bible © Bible Society in the South Pacific
ESOTO 12
12
Ko te Paseka
1 #
Levi 23.5; Nume 9.1-5; 28.16; Teu 16.1,2 Ne faipati mai te Aliki ki a Mose mo Alona i Aikupito penei: 2“A te masina nei ka fai mo masina muamua o te tausaga ki a koutou. 3Tuku atu a fakatonuga konei ki tino Isalaelu katoa: I te po sefulu o te masina nei, so se tagata ka fili ne ia se tamā mamoe io me se tamā kouti ma tena kaiga. 4Kafai e fuafua ifo a te tagata me e se mafai ne tena kaiga o kai te manu katoa, me sē tokouke latou, ka mafai ne ia o fai ki te kaiga tela e tuakoi mo ia ke kai tasi ne latou a te manu e tasi, ke faka'tau ki te aofaki o latou mo te mea e mafai ne te tino o kai. 5E mafai ne te tino o fili se mamoe io me se kouti, kae e tau se manu tagata ko tasi tena tausaga kae seai sena pona. 6I te afiafi o te po sefulu fa o te masina, a tino katoa o Isalaelu ka 'ta olotou manu. 7E 'tau mo tino o ave ne toto o nini ki pou o olotou mataloa mo luga o mataloa o olotou fale kola ka kai ei olotou manu. 8I te po tena e 'tau o tao olotou kano manu, kae ke kai mo aka 'kona o lakau, fakatasi mo falaoa se fakafete. 9E tapu e ota io me saka ne kano manu, kae ke tao katoa, fakatasi mo te ulu mo vae mo totoga katoa i loto. 10Ke mo a e toega ne mea ki te taeao; kafai e isi ne mea e 'toe ka 'sunu katoa. 11E 'tau o kai fakavave ne koutou, i a koutou e fakatoka o malaga, mo otou taka i otou vae mo tokotoko i otou lima. Ko te 'kaiga fiafia o te Paseka tena ki a au, ko te Aliki.
12“I te po tena, au ka ulu i loto i te fenua o Aikupito kae ka tamate ne au a toekimua tagata katoa a tino mo manu. Ka fakasala foki ne au a atua katoa o Aikupito, i a Au ko te Aliki. 13A te toto i pou o mataloa o otou fale ko te fakailoga tena o fale e 'nofo koutou i ei. Kafai e matea ne au te toto, ka fakaseke ne au te fale tena, kae ka se oko atu te fakasalaga ki a koutou, tela e oko ki tino Aikupito. 14#Eso 23.15; 34.18; Levi 23.6-8; Nume 28.17-25; Teu 16.3-8E 'tau mo koutou o fakamanatu te aso tenei me se aso tāua faka te lotu, e fakamasaua atu ki a koutou te mea ne fai ne Au, te Aliki; ke fakamanatu faeloa ne koutou i tausaga katoa.”
Te 'Kaiga o Falaoa se Faka'fete
15Ne fai mai te Aliki penei, “I aso e fitu ke mo a koutou e 'kai ki falaoa faka'fete, kae kai fua ki falaoa se 'fete. I te aso muamua, e 'tau mo koutou o ave keatea katoa a mea faka'fete i otou fale, me kafai e isi se tino e kai ki se falaoa faka'fete i aso kona e fitu, ka se taku a ia se tino o toku fenua. 16I te aso muamua, pela foki mo te fitu o aso, e 'tau koutou o fakatasi o tapuaki mai ki a au. Seai ne galuega e fai i aso kona, kae mafai fua ne koutou o fakatoka meakai. 17Tausi faka'lei te aso fakamanatu tenei, me ko te aso tenei tela ne taki ei ne au koutou keatea mai Aikupito. I taimi katoa konei mai mua, e 'tau mo koutou o fakamanatu te aso lasi tenei. 18E kamata mai te afiafi o te po sefulu fa o te masina muamua ke oko ki te afiafi o te po luasefulu tasi, e se 'tau koutou o 'kai ki ne falaoa faka'fete. 19-20E tapu se mea faka'fete e lavea i otou fale i aso kona e fitu. Kafai e isi se tino e kai ki falaoa faka'fete, me se tino Isalaelu io me se tino fakaatea, ka se lau a ia me se tino o toku fenua.
Ko te Paseka Muamua
21Ne kalaga atu a Mose ki takitaki katoa o Isalaelu kae fai atu ki a latou penei, “E 'tau mo koutou takitokotasi o fili se tamā mamoe io me se tamā kouti o tamate, ko te mea ke mafai ne otou kaiga o fakamanuia a te Paseka. 22Puke se tamā kaula o te lakau ko te Isopo o ufi ki loto i se tanoa e isi i ei ne toto manu,#12.22: ufi ki loto i se tanoa e isi; io me tuku ki loto i se pola e isi ei. ne toto o manu, kae nani ki ei a pou o mataloa o otou fale mo talava i luga o mataloa. E tapu se tino i a koutou e fano keatea mai tena fale, ke oko eiloa ki te taeao. 23#Epe 11.28Kafai ko fano te Aliki i loto i Aikupito o ta olotou tino, ka matea ne ia a toto i luga i talava mo pou o mataloa o otou fale. Ka se fakaoko atu ei ne ia a te agelu o tamate koutou. 24E 'tau mo koutou mo otou tamaliki o tausi a fakatonuga konei ke oko ki te se gata mai. 25Kafai ko ulu koutou ki te fenua tela ne tauto atu ei te Aliki ke avatu mo koutou, e 'tau mo koutou o fai te tapuakiga tenei. 26Kafai e fesili atu otou tamaliki me se a te uiga o te tapuakiga tenei, 27kae ka tali koutou pela, ‘Ko taulaga o te Paseka e fakaaloalogia ei te Aliki, me ne faka'sao ne ia a fale o tino Isalaelu i Aikupito. Ne tamate ne ia a tino Aikupito kae fakasao ne ia matou.’ ”
Ne to'tuli a tino Isalaelu kae tapuaki atu ki te Aliki. 28Tela ne olo ei latou o fai te mea tela ne fakatonu ne te Aliki ki a Mose mo Alona.
Ko te Tamatega o Toekimua
29 # Eso 4.22,32 I te valuapo, ne tamate ne te Aliki a toekimua tagata katoa i Aikupito, mai i te tamaliki tagata a te tupu, tela ko te suitupu, ke oko eiloa ki te tamaliki tagata a te pagota i loto i te falepuipui. A uluaki tama a manu ne tamate katoa foki. 30I te po tena, ne ala aka a te tupu mo ana tino maluga katoa mo tino katoa o Aikupito. Ne 'tagi paka'laga tino i luga i Aikupito me e seai eiloa se fale ne sao se toekimua tagata i ei. 31I te po eiloa tena, ne uga te fekau a te tupu ki a Mose mo Alona kae fai mai ki a laua penei, “Olo keatea mai toku fenua; koulua mo tino Isalaelu katoa! Olo o tapuaki atu ki te otou Aliki, e pela mo te mea e manako koutou ki ei. 32Puke otou mamoe mo kouti mo pulumakau kae olo. Talo foki ke maua se fakamanuiaga mo oku.”
33Ne fakavavave ne tino Aikupito a tino Isalaelu ke olo keatea mai te lotou fenua. Muna a tino Aikupito, “Kafai e se olo koutou keatea ko matou ka 'mate katoa.” 34Tela ne puke ei tino Isalaelu ki olotou mea tao falaoa kae faka fonu ki falaoa ko oti ne palu kae seai se mea faka'fete ne fai ki ei. Ne kofukofu ne latou ki olotou gatu, kae amo i olotou ua. 35#Eso 3.21,22Ko oti ne fai ne tino Isalaelu te fakatonuga a Mose, ke olo latou o akai ki tino Aikupito ki ne mea e faite ki aulo mo siliva mo ne gatu. 36Ne fai ne te Aliki a tino Aikupito ke a'lofa ki tino Isalaelu, tela ne tuku ei ne latou a mea e ma'nako latou ki ei. I te faiga tena, ne olo ei a tino Isalaelu mo te maumea lasi o Aikupito.
Ko tiaki ne Tino Isalaelu a te Fenua ko Aikupito
37Ne kamata te malaga a tino Isalaelu, o sasale atu mai Lamese ki Sukota. E tusa mo te ono selau afe tagata, e se aofia i ei a fafine mo tamaliki. 38E tokouke foki tino fakaatea, mo mamoe mo kouti mo pulumakau e uke ne olo tasi latou. 39Ne tao ne tino Isalaelu a olotou falaoa se faka'fete, ko falaoa kola ne aumai ne latou mai i Aikupito. Ne tuli fakavave latou keatea mai Aikupito tela ko se maua ei se taimi o fakatoka meakai io me palu ne falaoa faka'fete.
40 #
Kene 15.13; Kala 3.17 Ne nofo tino Isalaelu i Aikupito e tusa mo te 430 tausaga. 41I te aso ne katoa ei te 430 tausaga, ne tiaki ei ne matakaiga o Isalaelu te fenua o Aikupito. 42Ko te po eiloa tenei tela ne filifili ne te Aliki ke aumai ei tena fenua keatea mai Aikupito. Ko te po foki eiloa tenei, tela ka fakatapu atu ki te Aliki i taimi katoa mai mua, me se po e 'tau o fakamanatu faeloa ne tino Isalaelu.
Ko Tulafono o te Paseka
43Ne fai mai te Aliki ki a Mose mo Alona penei, “Konei a tulafono o te Paseka; E seai se tino fakaatea e kai i te 'kaiga o te Paseka. 44Kae ka mafai ne so se pologa, tela ko oti ne togi ne so se tino i a koutou o kai manafai ko oti a ia ne pilitome. 45E seai se tagata tela se nofo tumau i te fenua io me se tino galue se tumau e tau o kai i te 'kaiga o te Paseka. 46#Nume 9.12; Ioa 19.36A meakai kola ne fakatoka i te fale e tasi e 'tau o kai i loto eiloa o te fale tena. E tapu se mea e ave ki tua, e tapu foki e 'fati se ivi o se manu. 47Ko te fenua katoa o Isalaelu e 'tau o fakamasaua te kaiga fakamanatu tenei. 48E tapu se tino seki pilitome o kai i te 'kaiga nei. Kafai e isi se tino fakaatea e nofo i te fenua kae fia fakamanuia ne ia a te Paseka o fakaaloalo ki te Aliki, e 'tau mo koutou o pilitome a tagata katoa i tena kaiga. Tela la, ko 'tau ei mo koutou o fai a ia e pela eiloa me se tino tonu o te fenua. Ka talia foki a ia ke kai i te kaiga o te Paseka. 49Ko tulafono kona e 'tau o fai ne tino Isalaelu tonu, pela foki mo tino fakaatea kola e nofo i te otou fenua.” 50Ne faka'logo katoa a tino Isalaelu o fai a mea kola ne fakatonu ne te Aliki ki a Mose mo Alona. 51Ko te aso tena tela ne aumai ei ne te Aliki a matakaiga o Isalaelu keatea mai Aikupito.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Tuvalu Revised Bible © Bible Society in the South Pacific