ESOTO 17
17
Ko te Vai Mai i te Kaupapa
(Nume 20.1-13)
1 #
Nume 20.2-13
A tino katoa i te fanauga a Isalaelu ne tiakina ne latou a te vao o Sina, ne olo atu mai i te sua kogā fenua ki te sua kogā fenua i te fakatonuga a te Aliki. Ne fakama'nava latou i Lefiti kae seai se vai e inu ei latou i kona. 2Ne mui'mui latou ki a Mose, kae fai mai, “Aumai ne vai ke inu ei matou.”
Ne tali atu a Mose penei, “Ai a e mui'mui ei koutou? Ai a e tofotofo ei koutou ki te Aliki?”
3Ka ko tino ko oko eiloa i te fia inu kae mui'mui faeloa ki a Mose. Olotou muna, “Ai a ne aumai ei ne koe keatea a matou mai Aikupito? O tamate a matou, mo omotou tamaliki, mo omotou manu i te fia inu?”
4Ne 'talo atu a Mose mo te loto naunau ki te Aliki penei, “Se a te mea e mafai ne au o fai ki tino konei? Ko pili faeloa o peipei ne latou au ki fatu.”
5Ne fai mai a te Aliki ki a Mose penei, “Ave ne koe ne takitaki o tino Isalaelu, ke olo mo koe i mua o tino katoa. Ave foki ne koe te tokotoko tela ne kini ei ne koe te vaitafe ko te Naila. 6Au ka tu i ou mua i luga o te kaupapa i te mauga o Sinai. Kini te kaupapa, kae ka sali mai i ei te vai mo inu a tino.” Ne fai ne Mose a te mea tena i mua o takitaki o tino Isalaelu.
7Ne fakaigoa te koga tena ko Masa mo Melipa,#17.7: Masa ... Melipa: A te uiga o te igoa konei faka Epelu “tofotofoga” mo te “muimuiga.” ona ko te fanauga a Isalaelu ne mui'mui kae tofotofo ki te Aliki, i te taimi ne fesili ei a latou penei, “E a, e kau fakatasi nei te Aliki mo tatou me ikai?”
Ko te Taua mo Tino Amaleka
8Ne o'mai a tino Amaleka o faitaua ki tino Isalaelu i te fa'kai ko Lefiti. 9Ne fai atu a Mose ki a Iosua, “Fili ake ne koe ne tagata ke olo o tau mo tino Amaleka taeao. Au ka tu i luga o te mauga o puke te tokotoko tela ne fai mai ei te Atua ke ave ne au.” 10Ne fai ne Iosua te mea tela ne fakatonu atu ne Mose, kae ne fano foki a ia o taua mo tino Amaleka; ka ko Mose, mo Alona, mo Hulo, ne olo ake ki luga i te mauga. 11I te taimi tela e sisi ei ne Mose ona lima ki luga, ko manumalo Isalaelu; ka ko te taimi e tuku ifo ei a lima o Mose ki lalo, ko kamata o manumalo Amaleka. 12I te taimi ne 'vale ei a lima o Mose i te sisiga ki luga, ne aumai ne Alona mo Hulo te fatu ke sagasaga a ia i ei, kae 'tu laua i ona tafa o taofi ona lima ki luga, ke tumau eiloa pena ke oko ki te taimi e to ei te la. 13Tena la, i te faiga tena, ne fakatakavale masei ei ne Iosua a tino Amaleka.
14 #
Teu 25.17-19; 1Samu 15.2-9 Fakamuli ifo, ne faipati mai te Aliki ki a Mose penei, “Tusi te tala o te manumalo tenei, ko te mea ke masaua faeloa. Fai atu ki a Iosua me ka fakamalaia katoatoa eiloa ne au a tino Amaleka.” 15Ne fakatu ne Mose te fata-fai-taulaga, kae fakaigoa ne ia: “Ko te Aliki ko taku Fuka.” 16Muna Mose, “Sisi ki luga te fuka a te Aliki” Ka taua faeloa te Aliki mo tino Amaleka ki te se gata mai!”
Currently Selected:
ESOTO 17: Tusi Tapu
Highlight
Share
Copy
Want to have your highlights saved across all your devices? Sign up or sign in
Tuvalu Revised Bible © Bible Society in the South Pacific
ESOTO 17
17
Ko te Vai Mai i te Kaupapa
(Nume 20.1-13)
1 #
Nume 20.2-13
A tino katoa i te fanauga a Isalaelu ne tiakina ne latou a te vao o Sina, ne olo atu mai i te sua kogā fenua ki te sua kogā fenua i te fakatonuga a te Aliki. Ne fakama'nava latou i Lefiti kae seai se vai e inu ei latou i kona. 2Ne mui'mui latou ki a Mose, kae fai mai, “Aumai ne vai ke inu ei matou.”
Ne tali atu a Mose penei, “Ai a e mui'mui ei koutou? Ai a e tofotofo ei koutou ki te Aliki?”
3Ka ko tino ko oko eiloa i te fia inu kae mui'mui faeloa ki a Mose. Olotou muna, “Ai a ne aumai ei ne koe keatea a matou mai Aikupito? O tamate a matou, mo omotou tamaliki, mo omotou manu i te fia inu?”
4Ne 'talo atu a Mose mo te loto naunau ki te Aliki penei, “Se a te mea e mafai ne au o fai ki tino konei? Ko pili faeloa o peipei ne latou au ki fatu.”
5Ne fai mai a te Aliki ki a Mose penei, “Ave ne koe ne takitaki o tino Isalaelu, ke olo mo koe i mua o tino katoa. Ave foki ne koe te tokotoko tela ne kini ei ne koe te vaitafe ko te Naila. 6Au ka tu i ou mua i luga o te kaupapa i te mauga o Sinai. Kini te kaupapa, kae ka sali mai i ei te vai mo inu a tino.” Ne fai ne Mose a te mea tena i mua o takitaki o tino Isalaelu.
7Ne fakaigoa te koga tena ko Masa mo Melipa,#17.7: Masa ... Melipa: A te uiga o te igoa konei faka Epelu “tofotofoga” mo te “muimuiga.” ona ko te fanauga a Isalaelu ne mui'mui kae tofotofo ki te Aliki, i te taimi ne fesili ei a latou penei, “E a, e kau fakatasi nei te Aliki mo tatou me ikai?”
Ko te Taua mo Tino Amaleka
8Ne o'mai a tino Amaleka o faitaua ki tino Isalaelu i te fa'kai ko Lefiti. 9Ne fai atu a Mose ki a Iosua, “Fili ake ne koe ne tagata ke olo o tau mo tino Amaleka taeao. Au ka tu i luga o te mauga o puke te tokotoko tela ne fai mai ei te Atua ke ave ne au.” 10Ne fai ne Iosua te mea tela ne fakatonu atu ne Mose, kae ne fano foki a ia o taua mo tino Amaleka; ka ko Mose, mo Alona, mo Hulo, ne olo ake ki luga i te mauga. 11I te taimi tela e sisi ei ne Mose ona lima ki luga, ko manumalo Isalaelu; ka ko te taimi e tuku ifo ei a lima o Mose ki lalo, ko kamata o manumalo Amaleka. 12I te taimi ne 'vale ei a lima o Mose i te sisiga ki luga, ne aumai ne Alona mo Hulo te fatu ke sagasaga a ia i ei, kae 'tu laua i ona tafa o taofi ona lima ki luga, ke tumau eiloa pena ke oko ki te taimi e to ei te la. 13Tena la, i te faiga tena, ne fakatakavale masei ei ne Iosua a tino Amaleka.
14 #
Teu 25.17-19; 1Samu 15.2-9 Fakamuli ifo, ne faipati mai te Aliki ki a Mose penei, “Tusi te tala o te manumalo tenei, ko te mea ke masaua faeloa. Fai atu ki a Iosua me ka fakamalaia katoatoa eiloa ne au a tino Amaleka.” 15Ne fakatu ne Mose te fata-fai-taulaga, kae fakaigoa ne ia: “Ko te Aliki ko taku Fuka.” 16Muna Mose, “Sisi ki luga te fuka a te Aliki” Ka taua faeloa te Aliki mo tino Amaleka ki te se gata mai!”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Tuvalu Revised Bible © Bible Society in the South Pacific